أروع فطير مشلتت بالخطوات المصورة من مطبخ الشيف دلوعة

[~ أم العبادلة ~ 1903]

استخدمت دقيق فاخر كيسين من ده يعني المجموع (2 كيلو)

 

 

 

وعلى كل كيلو مقدار 1/2 معلقة كبيرة ملح

 

 

وحنحتاه ماء عادي (حسب الدقيق ما ياخذ) والفطير يا بنات محتاج عجن كويس . وأنا عملتها لما كان المزاج رايق ^_^فعجنت بإيدي مش بالعجانة وافتكرت خالاتي في مصر لما كنت صغيرة كانو بيعجنو بالخمس والستة كيلو وأنا عجنت 2 كيلو وتعبت ^_^كفاية رغي ونكمل

 

 

هنا شكل العجين بعد ما خلصنا من العجن . خدت حوالي نص ساعة ومحتاجين عجينة طرية ولينة ومتماسكة

 

 

عجينة الفطير محتاجة ترتاح كويس جدا علشان تفرد معانا بعد كدة بكل سهولة . بعد ما عجنتها قطعتها لكور ودهنتاه بالزيت وحطيتها في صواني مدهونة بالزيت ومتبطنة بورق الزبدة وغفلتها بالنايلون ودخلتها الثلاجة واستخدمتها تاني يوم

بصو هنا بقى تاني يوم لما طلعتها من التلاجة ملاحظين ازاي العجينة متماسكة ولنية وجاهزة للفرد ^_^

 

 

 

 

بصو يا حبايب قلبي ميزة ورق الزبدة . بما اني ال عجينة لينة فممكن تلزق بالذات لو خليتيها في الثلاجة زيما ما انا عملت ليوم كامل

 

 

 

هنا نلاحظ العجينة بتمط ازاي . وده سر الفطير لازم تبقى العجينة كده مهما مطتيها ما تتقطعش . وممكن نوصل للقوام ده عن طريق طول مدة العجن ونخليها تراح لفترة طويلة علشان مادة الجلوتين الي في الدقيق تدقينا القوم الي بيمط زي الصورة

 

 

 

حنحتاج طبعا لسمنة(يا بختكو انتو في مصر ممكن تستخدمو السمنة البلد وبتبقى جميلة في الفطير)

 

 

 

عملية فرد الفطير

ناخذ حتى ونبدأ نفردها بإدينا أو بالنشابة

 

 

ونبدأ نشد الأطراف بالطريقة دي

 

 

وبكل بساطة

حتمط معانا ومش حتتقطع لاني العجينة ارتاحت لفترة طويلة . بصو ايدي واضحة من تحت العجينة ازاي وعاملة زي الشيفون (تعبير بليغ ^_^)

وما ننساش نفرد الاطراف علشان الفطير يطلع كلو مورق عندنا

كده بعد ما فردنا أول كورة عجينة لاحظوا شفافة جدا ومفرودة حلو

نرش السمنة ونزعها على كل العجين

 

 

ونبدأ نطوي الفطير على بعض بالشكل ده (بصو ال3 صور الي تحت)

 

 

 

 

وكده بعد ما طوينها على بعض . دي نمرة واحد

[~ أم العبادلة ~ 1903]

حنفرد كورة عجينة تانية بنفس الطريقة ونحط (الفطيرة نمرة واحد) جواها بالطريقة دي

 

 

وندأ نطوي جوانب العجينة علشان تغلف الفطيرة الي جوة (دي فطيرة نمرة2)

 

 

 

ودي تالي طبقة(الفطيرة نمرة3)

 

 

الحمد لله هانت أخر فطيرة أهي وحخلص تعبت ورجلي وجعتني من الوقفة والفرد

 

 

 

 

 

 

كدة ربنا سهلها ^_^ وخلصت لف كور كور العجينة وطلعو بسم الله ماشاء الله 5 فطيرات. وسبتهم يرتاحو لحوالي الساعة علشان أعرف أفردهم

 

 

 

هنا يا حبايب قلبي شكل الفطير من قريب لما ارتاح ملاحظين ازاي .ممكن يتفرد بسهولة . على العكسي لو فردنها بعد عميلة التوريق

 

 

 

 

هنا فردت الفطيرة على كل الصينية

 

 

 

ودي صوره أوضح لشكل الفطير المفرود

 

 

 

 

 

وهنا الحبايب متجمعين على الخير ^_^

 

 

طريقة خبز

 

الفطير محتاج لفرن حامي جدا جدا . أنا خبزته على حرارة 200 تقريباً لاحظوا هنا شكل الفطيرة وهي في الفرن بعد حوالي العشر دقائق على طول بدأت تاخذ لون خفيف ونفخت ازاي من تأخير ورق العجينة والسمنة الي بين

 

 

 

بصو هنا صورة أوضح لشكلها واضح انها منفوخة ولما ضغط عليها بالسيكن دخلت شوي

 

 

 

وبعد حوالي الربع ساعة طلعتها واتأكدت لو القعر اتحمر ولا لسه (بس الحمد لله كده كويس جدا وده المطلوب لون دهبي جميل)

 

 

وده شكل الفطيرة من فوق

 

 

 

 

ودي صورة أوضح لاحظوا الفطيرة عبارة عن رقاقات ازاي

 

ودي صورة تانية لزوم التجويع

 

 

وده شكلها من تحت لاحظوا شكل التوريق واضح ازاي

 

 

 

وبعد ما خرجت من الفرن دخلتها في كيس علشان تفضل طريقة (يانهارأبيض ايه ده تصدقو ما خدش بالي اني الكيس هو كيس الفرن الي بنشتري منو العيش) لا ومكتوب عليه أنوع الخيز (يعني عملي اعلان مجاناً)يا دي الكسوف ^_^

 

 

 

ودي لصاحبتي أول ما طلعت من الفرن لفيتها بورق السلولفان

 

.

 

 

 

ولفتيها كويس . ورجعت لفيتها بنايلون التغليف علشان تفضل طريقة

 

 

يارب طريقتي في الفطير تكون عجبتكن . ومش عايزة غير دعوة حلوة بظهر الغيب

 

بحبكم جداً

 

منقووووووووووووووووووووووول

[«..ارْتِـــقَّـےـاءْ..» 639]

السلام عليكم ورحمة الله وبركاته ’

المشلتت كويس جميل أول مرة أشوفه :")

سلمت يدا الأخت دلوعة وجزاكِ الله خيراً على النقل الطيّب.

[حواء أم هالة 1895]

السلام عليكم ورحمة الله وبركاته

يميي أحب مثل هذا الفطير ونحن نعمله أيضاً :)

بارك الله فيك غاليتي على النقل

[**صفا** 208]

اه نفسى من زمان اعمله بيتى

بس نوياها ان شاء الله

بس هعمله بقى فطير شرقى بالسجق وحركات كده

بس الخطوه تيجى وانا ابدع

هههههههههههه

[ام حلا 6]

تسلم الايادي مرة صديقة مصرية جابتلي منه و بجد خطير نحن عندنا شي يشبهوا اسمه الشعيبيات بس نحشيه قشطة و جوز و محلى بالقطر

[أم يُمنى 747]

بسم الله ماشاء الله ..تسلم إيدك يا قمراية

 

جوعتينا ..كنت خلاص هاجيب حتة جبنة قديمة

 

وشوية عسل واخد واحدة من اللى قربتيهم فى الصورة

 

بارك الله فيكِ

تم تعديل 26 سبتمبر, 2014 بواسطة أم يُمنى

[المحبـــة لله 972]

ما شاء الله شكله كثير رائع وشهي

بس فرد العجينة اشوفه صعب

واحسها بتلزق :unsure:

بس احاول اجرب الوصفة لان عجبتني كثير

بارك الله فيك حبيبتي

[~ أم العبادلة ~ 1903]

السلام عليكم ورحمة الله وبركاته

 

منورات يا قمرات

 

على فكرة أنا جربتها وكانت تحفة جداااااا

وأهم شيء هو العجن

لو عجنتي صح يبقى اضمني نجاح الفطيرة

بالنسبة للتلزيق فحلها الوحيد هو زيادة مدة العجن لانك لو اضفت دقيق او زيت كما يقول البعض فلن تحصلي على العجينة الجيدة

واما الفرد فلأن العجين عجنتها كويسة فكانت سهلة جدااااااااا الحمدلله في الفرد

 

من النقاط المهمة ان تضيفي الماء قليلا جدا ثم تعجني حتى تختفي آثار التلزيق ثم تضيفي الماء وتعجني جيدا وهكذا حتى يصبح لديك عجينة لينة جداااا بعدها لا تضيفي ماء واستمري بالعجن ما لا يقل عن ربع ساعة

في كل مرة تتركي العجين ليرتاح لابد من تغطيتها جيداااا حتى لا تجف العجين

ولابد من وضع سمنة او زبدة بكثافة حتى تكون طرية بعد النضج

 

وهذه صور فطيرتي

بعد العجن

 

عند الفرد

 

عند الثني وتركها لترتاح

 

قبل وضعها بالفرن

 

بعد خروجها من الفرن

[جمانة راجح 1481]

وعليكم السلام ورحمة الله وبركاته

 

اللهم بارك

شكلها شهي جدًا

 

تسلمي ياغالية .. ربي يعطيكِ العافية

وجزاكِ الله خيرًا

[المتفائلة (ريفيّة) 979]

ماشاء الله

شكل الفطير روعة اللهم بارك

بيشهي صراحة

سلمت الأيادي ياغالية

[قدوتي محمد -صلى الله عليه وسلم 31]

رائعة أم عبد الرحمن.....نحن كذلك طريقتنا لكن نحشوة بالجوز أو الجبن أو القشطة ونضع عليه القطر أو العسل إذا شويناه بالفرن أما إذا قلي يوضع عليه السكر البودرة بطلع بالجهتين روعة

وكذلك ممكن حشوه باللحمة المفرومة مع الصنوبر ويلف مثل السويس رول ثم نعمله على شكل حلزون ولا أروع

جزاك الله خيرا شجعتيني اعمله