اذهبي الى المحتوى
نسمه الايمان

كنت شيخه فأصبح شيخي!!!!!!!!!!! قصة حقيقية

المشاركات التي تم ترشيحها

هذه قصة حقيقية أحببت أن تعرفوها لعلنا نستفيد منها

-----------------------------------------------------------------

يوسف وخالد يحبوا بعض في الله ,يوسف يعمل في بقالة والده , وخالد أخ يعمل إمام مسجد صغير ومحفظ للقرآن .

 

المشهد الأول( بقالة يوسف)

 

 

 

خالد: السلام عليكم كيف حالك يايوسف

يوسف: وعليكم السلام ورحمة الله وبركاته الحمد لله بخير كيف حالك انت ياخالد

خالد: والله في نعمة أخبار الشغل معاك ايه

يوسف:تعبان والله ياخالد حاسس اني في طاحونة ومش عارف اخرج منها

خالد: ليه بس

يوسف: بشتغل من العصر لقبل الفجر ولا عارف اصلي بخشوع ولا عارف اعمل اي حاجة حاسس اني ضايع خالص

خالد: لازم يايوسف تعمل ليك هدف علشان يبقا لحياتك معنى

يوسف: زي ايه مثلا

خالد: انك تحفظ القرآن مثلاً

يوسف : هههههههههههههه

خالد: بتضحك ليه

يوسف: ياعم هو انا فاكر انا أكلت ايه امبارح, تقولي احفظ القرآن,أنت مفكر كل الناس زيك ولا إيه

خالد: الله يهديك ربنا يقول (ولقد يسرنا القرآن للذكر فهل من مدكر( , وبعدين أنت مفكرني حفظت بسهولة , دا أنا طلع عيني لما ختمت

يوسف وهو يحك ذقنه: بس انا ياخالد مش هنفع انت شايف شغلي عامل ازاي مش هنفع خالص

خالد: لا هتنفع ومين يعلم يمكن يجي اليوم وتبقا فيه الشيخ بتاعي في القرآن

يوسف:هههههههههههههه انت النهاردة مش طبيعي خالص!!! شيخك ايه بس دا أصغر ولد عندك في الكتّاب يبقا شيخي

خالد: مين عارف يايوسف مين عارف!!! المهم أنت ناوي ؟؟

يوسف: طبعاً ناوي بس بشرط انك تتابعني

خالد:أكيد أنا مش هسيبك بس لازم تعرف أن كل حاجة في أولها صعب يعني مش تمشي شوية وتقلي انا تعبت ومش قادر

يوسف: الله المستعان, ربنا يعينا بقا

خالد: اللهم آمين, ها هتبدأ امتى

يوسف: الأسبوع الجاي إن شاء الله

خالد: لا هتبدأ بكرة إن شاء الله

 

يوسف: دا انت صعب ياخالد

خالد: ياعم يوسف لازم تستغل انك نشيط الوقتي قبل ما تهبط تاني

 

يوسف: ماشي هبدأ من البقرة

خالد: لا هتبدأ من جزء عم علشان لو بدأت من البقرة هتقف لأنها صعبة عليك الوقتي

 

يوسف: طيب توكلنا على الله

خالد: بكرة بعد صلاة الفجر تصح عليا اللي أنت هتحفظه وتقعد تحفظ بعد الفجر

 

يوسف: ياعم أنا شغال طول الليل عايزني أحفظ بعد الفجر إزاي دا أنا ممكن أنام والمصحف يقع مني وأنا قاعد

خالد: مش احنا قلنا لازم هنتعب في الأول وبعدين أنت مفكر أنك هتبقا حافظ لكتاب الله بالساهل كدة لازم تتعب

 

يوسف: الله المستعان طيب ادعيلي بالله عليك

خالد: ربنا يوفقك وتبقا من أهل القرآن

 

يوسف: اللهم آمين

----------------------------------------------------

انتهى الفصل الأول

user_offline.gif

شارك هذه المشاركه


رابط المشاركه
شارك
حمستينا ..

 

متابعه معكِ بشغف ..

شارك هذه المشاركه


رابط المشاركه
شارك

متابعه معكِ

شارك هذه المشاركه


رابط المشاركه
شارك
متبعاكى بشغف شديد حبيبتى

لا تتأخرى لعلى استفيد بها واقعيا

 

 

جزاكى الله خيرا سوف اكمل قريبا اسالك الدعاء

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

بارك الله فيكِ نسمه الإيمان ،،

 

متابعه معكِ ،،

 

 

بارك الله فيكى يااختاه

وجزاكى الله خيرا

اسالك الدعاء

شارك هذه المشاركه


رابط المشاركه
شارك
في الانتظار يا غالية جعلنا الله و اياك من أهل القرآن

 

 

اللهم امين يارب العالمين

 

اسال الله ان يبارك فيكى

شارك هذه المشاركه


رابط المشاركه
شارك
جزاك الله خير

 

الله يعيننا على طاعته

 

 

واصلي .

 

 

جزاكى الله خيرا اسال الله ان يعينا على طاعته اسالك الدعاء

شارك هذه المشاركه


رابط المشاركه
شارك
متبعاكى بشغف شديد حبيبتى

لا تتأخرى لعلى استفيد بها واقعيا

 

 

جزاكى الله خيرا بارك الله فيكى

 

اسالك الدعاء

شارك هذه المشاركه


رابط المشاركه
شارك
حمستينا ..

 

متابعه معكِ بشغف ..

 

 

جزاكى الله خيرا

اسالك الدعاء

تم تعديل بواسطة نسمه الايمان

شارك هذه المشاركه


رابط المشاركه
شارك

متابعة معك ان شاء الله أختي

 

جزاكي الله خيرا وثبتنا واياك على طاعتة

تم تعديل بواسطة ندى البشارة

شارك هذه المشاركه


رابط المشاركه
شارك

حبيباتى واخواتى فى الله احبكم فى الله كثيرا

 

اسالكم الدعاء لى

 

بتييسير زواجى من خطيبى وان الله يرضى عنا وان يجعلنا للمتقين اماما ويرزقنا الذريه الصالحه وان نكون من اهل القران

 

 

طمعانه فى دعائكم لى استحلفكم بالله

 

سوف اكمل الفصل التانى الان بمشيئة الله

شارك هذه المشاركه


رابط المشاركه
شارك
الفصل الثاني (المسجد)

 

خالد: يوسف يوسف اصحا اصحا انت نمت

 

يوسف: يوسف مفزوعاً ايه في ايه , هو أنا فين

 

خالد ينظر باشفاق: أنت في المسجد يابني

يوسف: شوفت ياخالد أنا قايلك اني مستحيل أعرف أحفظ قرآن بسبب شغلي

 

خالد: قوم ياااااد وبطل كسل اتوضا وتعالى صلي الضحي واقعد كمل حفظ علشان هسمع لك

 

يوسف: طيب ياخويا مش عارف ليه ياخالد بحس ساعات كدة أنك مرات أبويا

خالد:مرات أبوك بكرة ان شاء الله لما تختم هتبوس ايدي وتقولي ربنا يكرمك ياخالد

 

يوسف: يارب يجي اليوم ده

 

خالد: إن شاء الله يلا قوم اتوضا وتعالى

 

يوسف:حاضر

يوسف راح اتوضا وصلى الضحى وقعد خلص الورد بتاعه بالعافية وجه يسمع

خالد: يلا سمع

يوسف بدأ في التسميع , وخالد كل شوية يرده , يوسف زهق فقاله ياعم أنا مش نافع دا مخي شبه علبة الكانز اللي عربية دايسة عليها

 

خالد: يابني سمع وبطل تهبط في نفسك شوف يايوسف أنا هقول لك حاجة , الحفظ ده زي لعب الحديد بالظبط, أول لما تيجي تلعب حديد بتشيل أوزان صغيرة وشوية شوية بتلاقيك دخلت في التقيل لان لياقتك بتعلا كل شوية الحفظ زي كدة بالظبط , حاجة تانية أن مخ الإنسان ممكن يحفظ كتب تغطي وجه الكرة الأرضية

يوسف : يالهوي كل ده أما الواحد مخه مصدي صحيح

خالد: علشان كدة لازم تصنفره ياعم الحاج

يوسف: حاضر نصنفره , بس ايه ياواد ياخالد المعلومات دي , دا أنا حاسس اني قاعد مع لاب توب

خالد: واد طييييييب والله لوريك دا انا يااااااااض الشيخ بتاعك انطق بدل ما أجيب الفلكة

يوسف:هههههههههههه , أبوس ايديك بلاش الفلكة

خالد:خلاص يبقا تحفظ وتلم نفسك أصل ورب الكعبة أظبطك

يوسف:طيب طيب هظبط نفسي وبدأ يسمع

 

انتهى الفصل الثاني

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

بوركتِ نسومه ،،

 

جزاكِ الله خيراً يا غاليه ،،

 

متابعه معكِ ،،

 

 

أسأل الله العظيم ان ييسر زواجك من خطيبك وان يرضى عنا وعنك ويرزقك ذريه صالحه طيبه معافاه من كل سوء ،،

شارك هذه المشاركه


رابط المشاركه
شارك

قصة رائعة يا حبيبى استمرى فيها كنت قد قراتها من قبل

اسال الله ان يكتب لك اجر كل من قرأها ورفعتى همته بها

واسال الله ان ييسر زواجى وزواجى وان يجمعك بخطيبك على خير وان يوفقه فى دراسته هذه السنة باذن الله لن انساكى من دعائى

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

جزاكم الله خيرا لكل من دعت لى

 

ياااااااالله كم انى محتاجه لحبكم لى ودعائكم لى

هذا والله كرم من ربى" اللهم لك الحمد والشكر اللهم ديم نعمت محبتهم لى ودعائهم لى وتقبل اعمالهم الصالحه"

 

استحلفكم بالله لا تنسونى بلدعاء بظهر الغيب واسئل الله لكل من دعت لى ان الله يكرمها دنيا واخره ويعطيها اكثر من ماتحب وينور وجهها يوم القيامه

 

ادعولى بتييسير زواجى من خطيبى وان ينجح السنادى وان يبارك لنا ربنا ويجمعنا على خير ويرزقنا الذريه الصالحه

 

 

الان يااحلى اخواااااات الجزء الثالث بمشيئة الله

 

شارك هذه المشاركه


رابط المشاركه
شارك
الفصل الثالث(بقالة يوسف)

 

 

 

طفل صغير: عاوز كيلو جبنة وب 2 جنيه بيض

 

يوسف وهو يضع المصحف من يده: حااااضر, بس برضه مكنش

مركز كان بيكرر في الآية اللي كان واقف عليها

 

طراااااااااااااخ وقع كرتونة البيض كلها

 

أبوه كان قاعد امام المحل دخل على الصوت: دخل شااااااف المنظر

 

يوسف (بيكلم نفسه): ياخبر أبيييييييييييييييض استعد للصورايخ

يايوسف

 

أبوه بصوت جهوري : انت يااااااااااااااااااد مبتشوفش شغلك

كويس ليه , عاجبك الخساير دي, يكونش مفكر نفسك الشيخ

الحصري ولا ايه

 

يوسف وهو يقبل يد أبيه: معلش يابا مكانش قصدي والله ,

وبعدين انا لما احفظ القرآن أنت هتلبس في الجنة تاج الوقار ,

والتاج ده بس للي أولاده حافظين القرآن

 

أبوه متعجباً : بعد ما شاب ودوه الكتاب , دا أنا غلبت معاك

وأنت صغير يايوسف وانت كنت بتهرب من الكتّاب , وكنت

بتشتم الشيخ بتاعك, عايز الوقتي وانت عندك 25 سنة تحفظ

القرآن!!!!!!!

 

 

 

يوسف وهو منكس رأسه في الأرض: هو أنت لازم كل شوية

تفكرني بالموضوع ده , أنا اتغيرت يابا ونفسي أنك تشجعني

وتدعيلي علشان ربنا يكرمني

 

أبوه: حاضر يافالح هدعيلك بس أهم حاجة تشوف شغلك وتبطل

شغل الدراويش اللي أنت فيه ده, قوم نضف اللي البيض اللي

أنت كسرته ده

 

يوسف: حااااضر

 

كان هذا الموقف بعد كلام خالد ليوسف عن القرآن ب 4 شهور ,

خالد كان اشترى ليوسف مصحف التجويد صغير الحجم علشان

يبقا معاه في كل مكان , وكان اتفقوا ان يوسف يحفظ كل يوم

وجه من الصفحة

 

(المسجد )

 

خالد بيقرأ علشان يوسف يقرأ بعده

 

يوسف سرحان خالص ومش مركز بالمرة

 

خالد: مالك يايوسف في ايه انت النهاردة مش معايا خالص

 

يوسف : حاسس اني طالع جبل وكل الناس بتشدني لتحت

 

خالد: ليه بس

 

يوسف: أبويا كل شوية يكسر في مجدافي ويقول لي ابقا قابلني

لو نفعت

 

خالد: ههههههههه , انت كسرت ايه تاني امبارح

 

يوسف: ههههههههههههه, كرتونة بيض

 

خالد: يابني صحصح شوية عنده حق برضه لما انت كل شوية

بتكسر حاجة في المحل بسبب انك مش مركز يعني خساير على

الفاضي

 

 

 

يوسف: يعني أعمل ايه يعني , الوجه بتاع كل يوم لازم اكرره

كتير علشان احفظ

 

خالد : أيوة بس ركز في شغلك برضه, تعرف لما أبوك هيشوفك

مركز في شغلك و مهتم بالمصلحة بتاعته هيقول ياريت كل

ولادي زي يوسف وهيدعليك ان ربنا يزيدك من القرآن اللي خلاك

تبره وتهتم بشغلك, يعني في المرحلة دي مش عايزين مشاكل

احنا عندنا هدف وعايزين نركز فيه مش عايزين حد يشغلنا عن

هدفنا

 

يوسف: والله عندك حق

 

خالد: طيب انت بتحفظ بقالك كام شهر

 

يوسف: 4 شهور الحمد لله خلصت جزء الشورى امبارح وهدخل

في سورة فصلت النهاردة

 

خالد: ممتاز , أنت كدة حفظت خمس القرآن يعني قطعت خمس

الطريق احساسك ايه الوقتي

 

يوسف: احساسي اني كل يوم بيبقا عند ابن جديد لان كل صفحة

بحفظها هي ولد من اولادي, بس أنا فرحان أوي اني وصلت

لكدة

 

خالد: كويس انك تفرح بس اوعا تكسل لسة في مشوار طويل

لازم نمشيه

 

يوسف : الله يبارك فيك ياخالد ويجزيك عني خير

 

خالد : اللهم آمين , يلا اقرأ علشان تصح ورد النهاردة

 

 

 

 

 

نسيبهم احنا بيقرأوا ونمشي احنا لحد ما نقابلهم

في الفصل الرابع والآخير

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×