اذهبي الى المحتوى
ساره أم حمزه

عايزة اعرف حجات كده

المشاركات التي تم ترشيحها

السلام عليكم

ازيكم ( :

بصوا انا عايزة اعرف

هما المتزوجات بيتزوءا امتى ؟ يعنى اول متصحى من النوم بتتزوئى وتفضلى كده طول اليوم ولا ايه بالظبط

طول ماهو موجود لازم تكونى متزوئه ولا ايه ؟

 

وعايزة اعرف انتوا بتشيلوا مكان الشنب بإيه ؟

 

وعايزة اعرف اتعلمتوا الزواء من مين ؟

يعنى البنت مش بتبقى عارفه وخصوصا اللى هى ملتزمه ومش بتتزوء

خارج البيت وابوها واخوانها مش عايزينها تتزوء

لما بتتجوز بتتعلم الزواء منين ؟

 

لان فى مش متعلمه لكن بتززوء بس مش مظبوط

 

ممكن تقولولى ( :

دى حجات بفكر فيها وعايزة اعرف

شارك هذه المشاركه


رابط المشاركه
شارك

هههههههههههههههههههههههههههههههه

عثل يا ساره

طيب يا ستي

انا اتعلمته وقت ما كنت مش ملتزمه

المهم

حاولي انك تكوني جميله في كل وقت مش شرط انه يكون موجود جوزك او مش موجود

الاهتمام بالنفس دا ليكي قبل اي شيء

الميك اب انا بحطه خفيف طول النهار علشان الصلاه والوضوء وكدا

اما باليل او بعد العشا

بظبته بقي علي الاخر

بس فس شيء

لا تستعملي البودره ابدا

بتبوظ الوش وبتخليه مخرم

استعملي الايشادو المسكره

الكحل

الروج

الحاجات دي

اما الشني اعمليه المنقاط او لو عندك براون اعمليه بيه

يا ريت اكون قدرت اوصلك الي انت عايزاه حبيبتي

ربنا يرزقك بالزوج الصالح

شارك هذه المشاركه


رابط المشاركه
شارك

هههههههه الله يكرمك ماريا

اه انا متزوئتش خالص مره واحده فقط وانا صغنونه امى حطيتلى كحل

وفقط

لكن لما رحت لاختى جربت الزواء والروج الصراحه حسيت انه تكتيفه

للحنك هههههه

يعنى انتوا بتبقوا متكتفين طول اليوم ولا ايه ؟

وانا معرفش حتى اسامى الزواء واللى يليق مع بعض ( :

عايزة اعرف اتعلمتوا كده منين واتعلمتوا اللون ده يليق على ده كده

جزاك الله خيرا

الله يبارك فيك ^ــــ^

يعنى الشنب مينفعش يتعمل بالحلاوة ؟

 

بصى متوجهليش الكلام عشان متكسفش انا بس عايزة اعرف انتوا بتعملوا ايه ( :

يعنى متقوليش ( اعملى كذا ) هههههه

شارك هذه المشاركه


رابط المشاركه
شارك

أنا مع الأخت سارة في كل ما تقوله

 

نريد معلومات من المتزوجات للمقبلات على الزواج :icon_eek: :wub: :wub:

 

لإننا خيبة خالص :tongue: :blush: :blush:

 

عندي سؤال ، حد يعرف شعر القدمين لو اتشال بالسويت وعند بداية ظهوره بدأ ينمو داخل الجلد بحيث أنه يظهر ولكن مغطى بالجلد ، حله إيه؟

تم تعديل بواسطة أمة رب العالمين

شارك هذه المشاركه


رابط المشاركه
شارك

ههههههههههههههههههههههههههههه

ماشي يا عم الكلام مش موجه ليك

للكل

هههههههههههههههههههههههه

اه ينفع بحلاوه طبعا بس انا ما بستعملها بس اعرف ناس بيستعملوها

 

بصي الواحده بتختار اللون حسب الي لبساه

بتشوف اللون الي هتلبسه ايه وبتختارالمكياج علي اساسه

 

مش صعبه ولا شيء

انا اتعلمته من صحباتي في الجامعه

والتي في زمان يعني

بس

ومش خنقه ولا شيء

شارك هذه المشاركه


رابط المشاركه
شارك

ههههههههههه ضحكتينى يا أمة رب العالمين

 

ههههههههههه طيب ماشى جزاك الله خيرا ماريا

يمكن عشان انتى عملتيه كتير فاتلاقيكى اتعودتى عليه ومبقاش تكتيفه ( :

شارك هذه المشاركه


رابط المشاركه
شارك

 

 

السلام عليكم ورحمه الله وبركاته

 

انتى عسل ياساره

احلى حاجه فيكى انك بتسئلى على الحاجه اللى مش عارفها

 

انا طبعا زى زيك انسه

 

بس الحمد لله بعرف اضع ميك اب

اتعلمته من النت

 

بصى ياستى انا تعلمته انا وبنت اختى هما سكنين فوقينا

فبتنزل عندنا ونسهر انا وهى ايام الاجازه

ونعض نحط لبعض مكياج لحد لما تعلمنا

انا الاول كنا بلخبط بس بعد كدا بقينا تمام وشاطرين كمان

بص الصرحه مش بحب احط فى البيت وقعد بيه

بس بضع فى المناسبات تحت النقاب

فرح وحده صحبتى او فرح احد اقرباء

والحمد لله بيعجبه الميك اب

بس لازم تتعلمى قبل ما تتزوجى ياساره

علشان تبقى متمكنه فيه

واهم حاجه تعرفى طريقه المكياج اللى تليق على وشك

 

 

 

 

ابقى برده اتعلمى تعميلى سويت لانى الاول مش كنت باعرف

وكانت صعبه اوووووووووى

بس دلوقتى اتعلمت

وان شاء الله ابقى اجيب سلكا برون

تساعد مع السويت

 

اما الشنب انا متعوده اعمله بالملقاط على طول

بعمله باستمرار ممكن كل اسبوع

 

 

 

 

 

شارك هذه المشاركه


رابط المشاركه
شارك

وعليكم السلام ورحمة الله وبركاته

الله يكرمك يا سجده لله ( :

هههههههههه الله يبارك فيك وفى بنت اختك

اصل فى اب واخوة صبيان مش بيعوز بنته تتزوء انما لو اتجوزت وحطت لزوجها ماشى

فهمتينى ( :

فانا مبحطش خالص بس هابقى اشوف واتعلم إن شاء الله

اه طيب ماشى ( :

إن شاء الله جزاك الله خيرا

شارك هذه المشاركه


رابط المشاركه
شارك

والله بقي موضوع الشعر الي تحت الجلد

اتكلمنا عنه قبل كدا بس مش فاكره الموضوع فين

بس ممكن

ام جومانا وجنه

تقلك الحل

ههههههههههههههههههه

شارك هذه المشاركه


رابط المشاركه
شارك

 

 

وعليكم السلام ورحمة الله وبركاته

الله يكرمك يا سجده لله ( :

هههههههههه الله يبارك فيك وفى بنت اختك

اصل فى اب واخوة صبيان مش بيعوز بنته تتزوء انما لو اتجوزت وحطت لزوجها ماشى

فهمتينى ( :

فانا مبحطش خالص بس هابقى اشوف واتعلم إن شاء الله

اه طيب ماشى ( :

إن شاء الله جزاك الله خيرا

 

وفيك بارك الله حبيبتى

اه افضل انك متحطيش فى بيت اهك

بيقعدو يعيبو كدا بهزار ههههههههههه

انا لما بحط اخى اصغر منى يقعد يقولى ايه اللى انتى عامله ده

اقعد اقوله فيه ايه يعنى اكون مثلا رايحه فرح ( اسلامى )

يقول لى كدا حرام اقعد اضحك عليه

اقوله مش انا مغطيه وشى هما بيدخل كله فى بعض هههههههه

ماما تقعد تقوله ملكش دعوه بيها وهو فى حد شيفها

 

انا لما بقعد اتعلم كنت بستنى لما هما يناموا

وبعد لما نظبت المكياج ونبقى تمام

نلبس لبس خروج انا واختى

ونقعد نتصور بالموبيل وبعد كدا نفرجهم

ماما واختى وقريبنا النساء

ويقعد يقولوا انتو دول

ههههههههههههههههه

 

رغايه اوووووووووووووى صح معلش بقى

 

 

لما تزوجك بقى ياساره نبقى نحط زى ما احنا عازين

ربنا يرزقك الزوج الصالح وكل اخوتنا فى المنتدى

وكل بنات المسلمين يــــــــــــارب

 

 

 

 

شارك هذه المشاركه


رابط المشاركه
شارك

هههههههههه ايوة

شغالين مع نفسكم زواء يعنى ( :

لاعادى اتكلمى براحتك نورتينى

الله يكرمك يارب و ويبارك فيك ^ـــ^

شارك هذه المشاركه


رابط المشاركه
شارك

وعليكم السلام اختى

 

بصي انتى ابتدي اشتري حاجات بسيطة تبتدى تجربي تحطيها عشان تتعلمى وتبتدى تتعودى ومش شرط انك تقعدى بيهم قدام خواتك وباباكى حطي بالليل كده وامسحيه تانى مفيش مشكله . مش تكتيف ولا حاجه جايز حسيتى كده لانك اول مره حاسه ان فيه حاجه غريبه على فمك لانك مش واخده على كده.

المكياج على فكره فن .. بيظهر جمالك وتقدري تخفي بيه عيوبك كمان . النت مخلاش حاجه ممكن تتعلمى منه

بصي هقولك اسامى بعض الحاجات : الكحل للعين - البلاشر للخدود - الاي شدو لفوق العين اى الجفن - الروج للشفايف - الماسكارا للرموش - الجلوس ملمع للشفايف - الكونسيلر لاخفاء العيوب مثل الهالات او المناطق الداكنه ببشرتك - كريم الاساس لكامل البشرة دون العينين بيوحد لون البشرة واستعدادها لوضع المكياج ده لو هتعملى ميكب بجد .

امممم ده الحاجات الاساسيه نوعا ما اللى افتكرتها وكل حاجه تقريبا لها الوانها ودرجاتها وعلى حسب لون بشرتك . ولازن تتعلمى ايه من الالوان بيليق على بعض وعلى حسب لبسك وعلى حسب الوقت والمناسبه يعنى مثلا مينفعش احط روج احمر واى شادو فوق عينى ازرق فى الصباح الا لوان القويه او الصارخه بتبقي بالمناسبات او فى المساء اما الصباح حاجات خفيفه وردي مشمشي فاتح .او كحل مع ملمع وبلاشر وردى وهكذا

بالنسبه للشنب انا اشقره .. وينفع بالحلاوة

 

يارب اكون افدتك ^_^

شارك هذه المشاركه


رابط المشاركه
شارك

:rolleyes: :biggrin: :biggrin: :biggrin: :biggrin:

:wub: :biggrin: :icon_eek: :wub: :sad:

رائع كلامك سارة وجعلني أبتسم :)

ولأنك تخاطبين المتزوجات فلن أعقب :smile:

دعواتي لك بالتوفيق في حياتكِ كلها حبيبتي

شارك هذه المشاركه


رابط المشاركه
شارك

اه فكره حلوة بس والدى هو اللى بيشتريلنا كل حاجه فمش هينفع بقى ( :

اه يمكن عشان اول مره فعلا

وكل حاجه تقريبا لها الوانها ودرجاتها وعلى حسب لون بشرتك . ولازن تتعلمى ايه من الالوان بيليق على بعض وعلى حسب لبسك

ايوة هو ده اللى كنت بسألكم عليه اتعلمتوه ازاى اللى هى الالوان ودراجاتها واللى يليق على بعض

بس انا هاشوفه فى النت إن شاء الله

جزاك الله خيرا ام البطلين الله يباركلك فيهم

 

الله يكرمك ويبارك فيك يمنى

اسعدك الله فى الدنيا والاخره

عادى اتكلمى عادى ^ــــ^

شارك هذه المشاركه


رابط المشاركه
شارك

بارك الله فيكِ أختى الحبيبة سارة

 

أسأل الله أن يقر عينك بالزوج الصالح وبنات المسلمين

 

أمين

 

أحبكم فى الله

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

هلا بسارة الحبوبة

 

الزينة يا غالية ليس شرطا ان تكون بالمكياج ولكن ربما تكون باكسسوارات للشعر او حلق وسلسلة وخاتم وهكذا

 

اما المكياج فهو يعتمد على الزوج، فبعضهم يحبه وبعضهم يكرهه جدااااا وبعضهم لا تفرق معه

 

افضل شيء انك لا تضعي مكياج يوميا لان زوجك سيتعود على ذلك ولن يقبل ان تتخلي عن هذه العادة كما انه سيكون شكلك مريض لو وضعتيه باستمرار ثم توقفتي مرة

 

بالنسبة للألوان فهناك من يحب الألوان الرقيقة وهناك من يحب الصاخبة ولكل مقام مقال

لذلك حاولي ان تكون لكِ لمستكِ الخاصة وألوانك

ابحثي على النت ستجدي ان هناك دورات في المكياج، اقرأيها وتعلمي منها

 

بصفة عامة ركزي على الكحل وزبدة الكاكاو كبداية لانها تعطي لمعة للشفاة وبعضها لها رائحة جميلة ولون جذاب

ثم ان يسر لك الامر بعد ذلك، اشتري قلم روج او جلوس لانه يحتوي على مادة مرطبة واختاري لونه غامق علشان يغني عن الروج

واشتري بلاشر وكحل

 

ثم بعد ان تدربي عليهم، اشتري اي شادوا وتدربي على ألوان فوق الجفن

 

حاولي تخبري والدتك ان تجعل والدك يشتري لكم مكياج واوعديه انك لن تضعيه امام احد

 

بالنسبة للشنب فأفضل ان تشقريه لان هناك بعض العلماء من قبل انه النمص هو ازالة اي شعر من الوجه حتى لو كان الشنب

وبما ان في الامر اختلاف فافضل ان نتجنبه

 

وقت الزينة في اللبس والاكسسوارات هو طول ما الزوج موجود

 

اما المكياج فيفضل ان تكتفي بالكحل وزبدة الكاكاو

والمكياج الكامل من روج وغيره يكون في المناسبات الزوجية او وقت مزاجك رايق ومرتاحة نفسيا والبعض يقوم به اذا كان تعبان نفسيا كنوع من الترويح عن النفس

شارك هذه المشاركه


رابط المشاركه
شارك

الله يبارك فيك يا نور الاسلام2

الله يكرمك جزاك الله خيرا ، عارفه انا خايفه من الزواج

بس هو شايفه انه لابد منه

احبك الله الذى احببتينى فيه وانا احبك فى الله

 

وعليك السلام ورحمة الله وبركاته

اختى أمة الرحمن انا استفتدت من كلامك اشياء

جزاك الله خيرا

 

حاولي تخبري والدتك ان تجعل والدك يشتري لكم مكياج واوعديه انك لن تضعيه امام احد

لا انا مكسوفه مش هينفع

مش فى اباء مش بيعوزوا عيالهم يكونوا بيفكروا فى الحجات دى ؟

بالنسبة للشنب فأفضل ان تشقريه لان هناك بعض العلماء من قبل انه النمص هو ازالة اي شعر من الوجه حتى لو كان الشنب

اول مره اعرف

طب بصى يعنى ايه تشقريه يعنى بتعملى ايه ؟

تم تعديل بواسطة سَارّه مُحَمّد

شارك هذه المشاركه


رابط المشاركه
شارك

بصوا انا جبته موضوع كده لاقيتها بتتكلم عن كريم اساس او كريم مش فاكره اسمه

بتقول بيثبت الميك اب يعنى ايه ؟ يعنى لو غسلتوا وشكم عشان تتوضوا

مش هيتشال؟

وهو انتوا لما بتشيلوا كل ده بتغسلوه بالميه والصابون عادى؟

شارك هذه المشاركه


رابط المشاركه
شارك

السلام عليكم ورحمه الله وبركاته

 

بصى ياساره كريم اساس بيثبت الميك اب يعنى كريم اساس كويس

من النوع الكويس ده اللى انا عارفه

والاخوات برده بفيدوكى

 

 

بما انك فتحتى الموضوع ده تسمحليى اسئل شويه اسئله كدا

وجزاكى الله خير اختى

 

بس بالله عليكم لما تدخلو ترود لو اخت عندها معومه وحده

تقولها عشان نستفاد وجزاكم الله خير اخواتى

 

 

1- الافضل كريم اساس وله بدره مائيه

وايه الانواع الكويسه

 

 

2- الروج الافضل السائل وله العادى

وايه الانواع الكويسه

 

3- الايشادو ايه الانواع الكويسه

 

 

4 - بتزيولو الميك اب ازاى

 

 

على فكره على انا لما كنت بتعلم بتعلم فى ميكاج النوع العادى

اى انواع وخلاص مكياج رخيص علشان مش بضع غير كل فين وفين

فاانا الصرحه مش عارفه ايه هى الانواع الكويسه

فاانا عايزه ابقى عندى خبره بالانواع الكويسه

وجزاكم الله خير

 

شارك هذه المشاركه


رابط المشاركه
شارك

وعليكم السلام ورحمة الله وبركاته

طبعا بخدى راحتك فى الموضوع

الصراحه يا سجده الميك اب شايفه انه عباره عن دروس

اكن مدرسه ولسه هاتعلم كل ده

والطبخ برضه اكن مدرسه ولسه هاتعلم كل ده

شايفه صعب ولسه فين لما اكون عرفت كل حاجه

الله أعلم

شارك هذه المشاركه


رابط المشاركه
شارك

وعليكم السلام ورحمة الله وبركاته

طبعا بخدى راحتك فى الموضوع

الصراحه يا سجده الميك اب شايفه انه عباره عن دروس

اكن مدرسه ولسه هاتعلم كل ده

والطبخ برضه اكن مدرسه ولسه هاتعلم كل ده

شايفه صعب ولسه فين لما اكون عرفت كل حاجه

الله أعلم

 

ربنا يبارك فيك

عندك حق ياساره

فعلا عايزين دروس

بس ان شاء الله كل حاجه هتبقى سهله لما نتعلمها

ونحبها ونعملها لله

بصى ياساره كل يوم الوحد بتعلم حاجه جديده احنا نبدا بس

 

انا الحمد لله رمضان السنه دى انا اللى طبخت كل سنه اكسل

بس قلت السنه دى لازم اطبخ انا بعرف على قدى كدا بس

كنت بنسى علشان بقعد فتره مطبخش والحمد لله

وكنت بعمل الاكل وانا فرحانه اووووووووووى

والحمد لله الاكل بيطلع جميل وبيعجب كل اللى فى البيت

وخصوصا ماما طبعا

 

انتى ياساره اعزمى انك هتتعلمى كل الاكلات

بس انتى ماشاء الله عليكى شاطره

ايه اللى منعك انك تمسكى الاكل على طول

 

 

والمكياج سهل جداااااااااااا

ممكن تشترى علبه كدا صغير يكون فيها كل حاجه

بدره وايشادو وروج والادوات موجوده معاها

خلى اى حد يشريها ليكى بتقى سعرها كويس

وابقى حولى كدا وحده وحده وتتعلمى

ادخلى على النت

وممكن هنا الاخوات برده يعلمونا

 

والله ياساره انا برده لسه عايزه اتعلم حجات كتير فى الميك اب

كل شويه بتعلم حاجه جديده

 

 

عايزين نبقى نشجع بعض ساره

 

بحبك فى الله ياساره

 

 

 

 

شارك هذه المشاركه


رابط المشاركه
شارك

امين ويبارك فيك يا سجدة لله ( :

ما شاء الله عليك انا كمان قبل رمضان كنت بقول انا هاتعلم الطبخ مع امى فى رمضان

بس الصراحه معملتش كده ، قدّر الله وما شاء فعل

اللى مانعنى ان انا مخليه الوقت اللى امى بتطبخ فيه

بيبقى تسميع المراجعه بتاعتى او بقرأ الوِرد بتاعى فعلشان كده مش

بتعلم من امى

انا لما دخلت دورة هنا فى المنتدى كنت اللى بطبقه بطبقه بالليل

وناكله فى الغداء بتاع بكره كده يعنى ( :

بس لما الدورة توقفت سكت انا كمان ههههه

بس انا ناويه اتعلم إن شاء الله

 

ماشى إن شاء الله نشجع بعض ( :

احبك الله الذى احببتينى فيه وانا احبك فى الله

شارك هذه المشاركه


رابط المشاركه
شارك

يا سرورة يعنى ان شاء الله لما ترزقي بالزوج بابا اللى هيجهزك ؟ انتى استئذنى منهم وخلى حد من قريباتك او اصحابك يشترولك. وبصو هجاوبكم حسب معلوماتى .

 

المقصود بيثبت الميك اب ان بيفضل على وجهك اطول فترة ممكنه ميروحش على طول . وبيتمسح ازاى: فيه مزيلات للمكياج وممكن بكريم بشرة تضعي منه على منديل او قطنه وتمسحي بيه بس الكلام ده لو ميكب كامل لو حاجه خفيفه مش محتاجه مسح يعنى هى بالوقت بتروح واللى بيحتاج مسح عشان الوضوء اللى له كثافه تمنع وصول الماء للبشرة .

وبالنسبه للسؤال عن البودة المائيه قرات كثير عنها انها سيئه بس مش فاكرة السبب هنا عالنت هتلاقوها برضه

وبالنسبه لللارواج كله حلو السائل والعادى

وانا افضل يا اخوات ان لا نسترخص لانك بتحطى حاجه البشرة بتتشربها يعنى بلاش الحاجت اللى ب2 جنيه ونص والحاجات دى بالذات الحاجات الخاصه بالعين لان المكان ده بشرته حساسه جدا .

وبالنسبه لتتشقير هذا ايضا كريم يباع فى الصيدليات بيخلط مع بوده معه بتحطيهم عالمكان المراد تشقيره وبعد 10 دقائق بتمسحي الشعرة بيبقي لونها اشقر لا تكاد تظهر كانك شايلا ه . بس كده

اى سؤال لو اعرف اجاوبكم ان شاء الله

شارك هذه المشاركه


رابط المشاركه
شارك

ده طلعت دوشه الصراحه

يعنى حتى للإزالة كريم ، مش ميه وصابون

حجات صعبه

جزاك الله خيرا على ردك ام البطلين ^ـــ^

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

 

انا بحبكم اوي

 

عليفكرة انا بردو آنسة يعني صغنونة

 

بس عايزة اتعلم انا ان شاء الله هشتري بدرة تسقير و علبة ميك اب

 

و ابدأ معاكم بس بصو بقي خليكم معاي عشان ان كسولة

و بيقولوا عل مهملة و ... معفنة .. عذراً ^^

 

شكرا يا سارة و سكرا يا سجدة و كل اللي رد

 

بحبكم في الله

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×