اذهبي الى المحتوى
أم يُمنى

لاتحيا أى دولة تقتات على دماء أولادها

المشاركات التي تم ترشيحها

حين تحمل ابنتى الغالية حفـيـدى 7سنوت غارق فى دمه

 

حين يسقط ابنى الغالى وهو فـ الجامعة ــ مش فى كباريه والا قهوة ــ

 

مصابا بـ 3رصاصات ثم يومين فـ العناية المركزة ويموت

 

حين تـُدك بيوت السيناوية لإجبار الناس على إخلاءها

 

حين يتم تفجير مشبوه لأولادنا اللى فى الجيش لصالح العدو الوحيد واللدود

 

...........حين يرمون بنتى حبيبة قلبى من الدور الأول فى الجامعة

 

ــــ مش رقاصة ــ ...كان زمانهم رحموها وشغلوها لحسابهم كمان

 

صراحة حنينين أوى ...على غضبهم ده ( غضب الأسياد)

 

كانوا رموها من الدور التالت والا الرابع

 

...... و...... و ......و .....

 

فلا ولا ولا تحيا دولة تقتات على دماء أولادها

تم تعديل بواسطة أم يُمنى
  • معجبة 1

شارك هذه المشاركه


رابط المشاركه
شارك

الله المستعان . واقع امتنا يدمي ولا يرضي الا الاعداء اللذين تداعو على امتنا كما تتداعى الاكلة الى قصعتها .

هم يستخدمون مبدأ فرق تسد.

والله المستعان.

ومع ذلك نقول: ان امتنا مرضت وطال مرضها لكنها بإذن ربها لن تموت رغم انف الطغام اللئام. الله حسبنا ونعم الوكيل.

تم تعديل بواسطة " فاتن "
  • معجبة 1

شارك هذه المشاركه


رابط المشاركه
شارك

بارك الله فيكِ ولكِ غاليتى فاتن

 

أسعدنى مرورك الكريم ..وردكِ القويم

 

استعملنا الله فى كل خير

شارك هذه المشاركه


رابط المشاركه
شارك

أكتر من 15 ك فى سيناء (منطقةعازلة ) بيننا وبين غزة

 

( لصالح من ) ردوا على ّ ياعاقلين

شارك هذه المشاركه


رابط المشاركه
شارك

سينا بتتهجر ..وبيفجروا المنازل

 

دكتور طارق الغندور تركوه ينزف 6 ساعات متواصل لغاية ما مات

 

ناهيا مـُحاصرة من تلات أيام قتلوا منهم 4 أول امبارح

 

وامبارح فى الجنازة ضرب بالرصاص الحى

 

دولة يوميا بتشرب دم ولادها .................

 

لأ وامبارح بيكملوا استعباطنا واستحمارنا وبيعملوا عملية خايبة فى البحر

 

ويقولوا داعش ....تانى يوم اتفضح كل حاجة

 

طلعوا عــ الصيادين بتوع عزبة البرج وهات ياضرب فيهم وفـ مراكبهم اللى بياكلوا منها عيش

 

أنا عارفة المنطقة دى كويس أوى باروح دمياط وراس البر مرة أو مرتين فـ السنة ولازم اعدى عليها

 

بقالى تلات سنين ماروحتش ...منطقة من علامات راس البر

 

ملعونة يا ا ا ا ا ا ا أى دولة يوميا بتشرب دم ولادها

تم تعديل بواسطة أم يُمنى

شارك هذه المشاركه


رابط المشاركه
شارك

لعن الله قوما ضاع الحق بينهم

 

طول ما الحق ضايع بيننا فــ انتظار اللعنة والنكسة والوكسة قائم

 

الله عز وجل لايظلم العباد .. ولكن الناس أنفسهم يظلمون

 

صدقا كلام أ ُحاسب عليه ... سبب انهيار الأمة

 

أولا وثانيا وثالثا ( العـــــلـــــمــــاا ا ا ا ء)

 

رابعا ( القــــضــــا ا ا ا ا ء )

 

بمنتهى الحسرة ربنا يورينا فـ دول ودول

 

لإن النوعين دول من البشر لو رفضوا يكونوا طراطير للمستبدين

 

ماكانوا يقدروا يعملوا أى حاجة

 

ليس لها من دون الله كاشفة ....وإلى الله المشتكى

شارك هذه المشاركه


رابط المشاركه
شارك

شـــــــــــــــيـــخــــــى ...ياشيخى فلان وياشيخى الثانى فلان وياشيخى الثالث فلان وياكل شيوخ السكوت

 

ليتكم تسمعوننى الآن ...أريد أن آتيكم أقبل رؤوسكم وأقبل أيديكم وأقبل أرجلكم

 

 

وأقبل التراب الذى تمشون عليه ..أخجل والله لكم ..الفسدة يلعبون بكم

 

هم يعرفون جيدا قاماتكم و هاماتكم لذا أصدروا بيان عن لسانكم يقمعون

 

الأمة به ...ردوا ..ردوا عليهم أكرمكم الله فقط كذِبوا ما ذكروه عن لسانكم

 

لازلت أطمع فيكم خيرا وأخشى عليكم تموتون على خذلان الأمة ....اخرجوا وانصروا الأمة ..والا انتو بقيتوا شيخ العسكر (الساكت )

شارك هذه المشاركه


رابط المشاركه
شارك

قال السلف

 

من رحل إلى أرض تراق فيها دماء المسـلمـيـن وتكلم فى الصوم والصلاة فهو خائن لله

شارك هذه المشاركه


رابط المشاركه
شارك

فى خلال الأسبوع الماضى 3 أو 4 حالات انتحار

 

نسأل الله السلامة ..أصبح الناس لايحتملون هذا الكم الهائل من الظلم والجبروت

 

والطغيان الذى لايبقى على ذرة إنسانية ...

 

الناس فى بلادى الآن مابين 4 أصناف ... 1 ـــ الله يرحمه ........ 2 ــ الله يشفيه

 

3 ــ الله يفك أسره ....... 4 ــ الله ياخده ويريح الأمة منه

شارك هذه المشاركه


رابط المشاركه
شارك

تخيلت نفسى مكانها

 

أم عمر... يطلقون عليها خنساء بور سعيد

 

عمر نحسبه شهيد فى رابعة ..زوجها وهو بياخد عزا إبنه اعتقلوه

 

بعدها بكام شهر اعتقلوا عبد الله ابنها التانى

 

بتنزل فى كل الفاعليات ابنها ابراهيم كان بيحاول يمنعها من النزول

 

خدوه النهارده ...فكرت ِ إذا كنت ِ هى تعملى إيه ؟؟؟؟؟

تم تعديل بواسطة أم يُمنى

شارك هذه المشاركه


رابط المشاركه
شارك

دائما فى الدول التى تقتات على دماء أولادها

 

بستعين القتـلة بالعلماء لاستخراج الفتاوى أو للسكوت على الدماء

 

جهزوا جوابا لربكم

شارك هذه المشاركه


رابط المشاركه
شارك

من كام يوم 50 عربيه يلبسوا فــ بعض !!!!!!!!

 

مين المتهم ..... مش الإهمال , ولا الطريق المكسر , ولا عدم وجود إشارات مرور ولا ضابط مرور ..و ...و ....و

 

المتهم هو .... الشبورة .... ياسلاااااام .. شبورة إرهابية

 

أسل مسر بتتعرد لمؤامرة كبيـــــــــــــــرة

 

حسبنا الله سيؤتينا الله من فضله ورسولـُه إنا إلى الله راغبون

شارك هذه المشاركه


رابط المشاركه
شارك

254 بين قتيل ومصاب ومفقود

 

183 إعدامات كرداسة

 

229 مؤبدات للثوار ( حتى وإن اختلفت معهم )

 

ــ لأ والجميل فى الموضوع إن القاضى اتغاظ من واحد ( سقف للقاضى بعد الحكم ) هدده يديله كمان تلات سنين

 

حضرته بيفرق العقوبات من عزبة الجيران

 

حدث ولا حرج يوميا حالات ضرب نار على المواطنين من أمناء شرطة

 

............................. هم أمناء والا خونة ..................

 

لاتحيا الدولة المصاصة الدماء

 

إعلان مهم .......... كتيـــــــــــر من الناس الآن مستعدون للتنازل عن الجنسية

 

وإلى الله المشتكى

شارك هذه المشاركه


رابط المشاركه
شارك

عيالنا راحوا يتفرجوا على ماتش كورة

 

قتلوا منهم كام واربعين ..ببساطة كدة ..

 

أمال لو فى مظاهرة كانوا موتوا كام ؟؟؟؟؟؟

 

المتعوس جاى يزور خايب الرجا قفلوا محطات المترو فى أماكن الضيافة

 

فى بلد محترمة تعمل كده ؟؟؟؟؟

شارك هذه المشاركه


رابط المشاركه
شارك

فيديو يقطع القلب ياعينى ........

 

مجند يبدو انه من الريف مرعووووب وبينصح المجندين يهربوا من الجيش لانهم ولا يسووا تمن الرصاصة

 

مش هاناقش ملابسات الموضوع من نفى الحادثة برمتها أو الكذب انه مات متأثرا بجراح أو .... أو ...

 

طبعا احنا شعب عاطفى ...... الناس ياروحى هيموتوا مــ العياط عــ الواد .. وهات يا دُعا عــ الإرهابيين

 

مع الأسف .... نفسى أسأل اللى بيعيطوا بالعقل ,,

 

ده مجند شايل سلاح رايح يضرب ويقتل ناس فى بيوتهم لايحملون حتى طوبة

 

أيا كان مين اللى قتلوه بس كتر خيرهم بينجدوا ناس وطيور وحيوانات من بطش هؤلاء الجنود

 

كل المسلمين شغالين نغمة واحدة ( الدم كله حرام .. الله يرحمه ) ولا كأننا قرأنا قصة جنود فرعون ولا( استخف قومه فأطاعوه )

 

فبذلك استحقوا الهلاك .. نسينا أو تناسينا أن الجندى هو ذراع الطاغية المنفذ للطغيان !!

 

الطاغية لايقتل بيده فأذرعه كثيرة ... جنود بسلاح , عيال إعلاميين , عيال رجال أعمال , شيوخ سلطان , شيوخ خوف ورعب ,

 

قضاء شاااااا .. شيوخ سكوووووت , مواطنون شرفااااااااء ( طبعا معروف مين دول ) .. نخبة عار يجددوا الخطاااااب الدينى

 

احسن المليار و600 مليون مسلم عايزين يموتوا 7 مليار بنى آدم عشان يعيشوا هم

 

وعجبى عــــ الدم اللى فى الشارع ... ولسة فى ناس هتموت .. مش الموكوس قال كده

 

وإلى الله المشتكى

شارك هذه المشاركه


رابط المشاركه
شارك

العميد طارق الجوهرى مات غريبا ..... لماذا ؟؟؟؟

 

لأن بين أضلعه كلمة حق لايريدها تضيع هباءا

 

إنا لله وإنا إليه راجعون ....

 

أسأل الله العظيم رب العرش العظيم أن يكون من الشهداء ولا نزكى على الله أحدا

 

هذا الرجل كلما رأيته يشرح ويحاول تبصرة الناس بالعصابة الغاصبة للبلاد

 

أقرأ الآية العظيمة والقرآن كله عظيم ....

 

ومن يهاجر في سبيل الله يجد في الأرض مراغما كثيرا وسعة ومن يخرج من بيته مهاجرا إلى الله ورسوله ثم يدركه الموت فقد وقع أجره على الله وكان الله غفورا رحيما .

 

على فين رايحه يا بلد الهم والغم وما يتكرم فيكِ الا الرقاصين

 

ليس لها من دون الله كاشفة

شارك هذه المشاركه


رابط المشاركه
شارك

قفل عــ الدم ياجدع .. وعند الله تجتمع الخصوم .... لا والله !!!!!!!

 

نغمة ماشية بين الناس الايام دى ......... ودم الناس عند الله بقى ..

 

كلام جميل أ ُريد به باطل .. وأ ُريد به تغييب جديد للناس الغلابة

 

ويلا ياعم الداعية ورينا نهنهة الناس والانكفاء على خطاياهم وذنوبهم

 

ولولا انهم يستاهلوا ما كان الله سلط عليهم القتلة والطغاة والظالمين

 

مـــ الأخر إنتوا عايزين الدق على دماغكوا

 

حسبنا الله ونعم الوكيل

 

ربنا يورينا فى المتخاذل قبل الظالم .. لولاه ما تجرأ ظالم

 

كله إيده ملوثة بدم الناس .. أياً كانوا

 

الأصل إقامة دولة العدل وإن كانت كافرة

 

منكم لله ضحكتوا علينا القاصى والدانى ووصمتم ديننا بالدروشة

 

إنتظروا لعنة الدماء البريئة ..... خسف الله قادم لامحالة

 

اللهم إنا نبرأ من كل من خذل أمتى وأهانها

 

وإلى الله المشتكى

تم تعديل بواسطة أم يُمنى

شارك هذه المشاركه


رابط المشاركه
شارك

لانريدها ذكرى النكد والهم لكنها استنفار للضمير ( المزروع فينا ) الذى حاولوا اقتلاعه

 

 

رابعة رمز الحياة لا الموت :( :( :( :(

شارك هذه المشاركه


رابط المشاركه
شارك

خايب الرجا اتكلم النهاردة وياريته اتخرص

 

ـــ افتتاح مشروع "غيط العنب" بالإسكندرية.

 

 

ـــ هناك تعاملات مالية لـ20 مليون مصري يوميًا ولو حصلنا على "الفكة "

 

التي تكون "جنيه أو 90 قرشا" سنحصل على 10 أو 12 مليار جنيه،

 

قائلا: "لو سمحتم أنا عايز الفلوس دي .. لتوصيلها لصندوق تحيا مصر".

 

يعنى ما عرفش تعملوها ازاى المهم انا عايز الفكة دى .....

 

 

نظرا لكم الضغط المرتفع اللى باتعرض له أثناء متابعة الهطل ده

 

أكتفى بوضع الفضيحة بين إيداكم ..

 

سيبك من الفكة اللى بتفكرك بالمشروع الصهيونى اللى اتخلد فى الحروف الأولى لشركة بيبسى

 

اتبرع بالفكة لبناء دولة الصهاينة .......... وسيبك كمان من غيط العنب الخيبان أمله

 

خــُد الأهم , اللى اتكلم مخصوص عشانه النهاردة

 

الجيش مستعد للانتشار فى ربوع المخروبه فى ست ساعات

 

خبر ازرق ومنيل .. ينتشر عشان مين ؟

 

... الأعداء ...

 

اللى هم مين ؟؟

 

طبعا الشعب المتنيل بنيلة

 

بالله عليكم دى دولة

 

والله مالاقية دعاء يليق بالمخروبة والمواكيس

شارك هذه المشاركه


رابط المشاركه
شارك

يسقط الوطن

 

 

أحمد مطر

 

 

 

 

 

أبى الوطن

أمي الوطن

رائدنا حب الوطن

نموت كي يحيا الوطن

يا سيدي انفلقت حتى لم يعد

للفلق في رأسي وطن

ولم يعد لدى الوطن

من وطن يؤويه في هذا الوطن

أي وطن؟

الوطن المنفي..

أم الوطن؟!

أم الرهين الممتهن؟

أم سجننا المسجون خارج الزمن ؟!

نموت كي يحيا الوطن

كيف يموت ميت ؟

وكيف يحيا من أندفن ؟!

نموت كي يحيا الوطن

كلا .. سلمت للوطن !

خذه .. وأعطني به

صوتاً أسميه الوطن

ثقباً بلا شمع أسميه الوطن

قطرة أحساس أسميها الوطن

كسرة تفكير بلا خوف أسميها الوطن

يا سيدي خذه بلا شيء

فقط

خلصني من هذا الوطن

* * *

أبي الوطن

أمي الوطن

أنت يتيم أبشع اليتم إذن

ابي الوطن

أمي الوطن

لا أمك أحتوتك بالحضن

ولا أبوك حن!

ابي الوطن

أمي الوطن

أبوك ملعون

وملعون أبو هذا الوطن!

* * *

نموت كي يحيا الوطن

يحيا لمن ؟

لابن زنى

يهتكه .. ثم يقاضيه الثمن ؟!

لمن؟

لإثنين وعشرين وباء مزمناً

لمن؟

لإثنين وعشرين لقيطاً

يتهمون الله بالكفر وإشعال الفتن

ويختمون بيته بالشمع

حتى يرعوي عن غيه

ويطلب الغفران من عند الوثن؟!

تف على هذا الوطن!

وألف تف مرة أخرى!

على هذا الوطن

من بعدنا يبقى التراب والعفن

نحن الوطن !

من بعدنا تبقى الدواب والدمن

نحن الوطن !

إن لم يكن بنا كريماً آمناً

ولم يكن محترماً

ولم يكن حُراً

فلا عشنا.. ولا عاش الوطن!

 

 

 

اتفق أو اختلف ماشئت وانكر عليه بعضا من الكلمات

 

يبقى أنها الحقيقة .. لا تحيا أى دولة تقتات على دماء أولادها

شارك هذه المشاركه


رابط المشاركه
شارك

تعليق أحد الشباب المسيحى ـ بعدما أفاق ووعى الدرس ـ على تفجير الكاتدرائية

 

ما بين الجمعة والأحد يظل السبت آااااامن جدا !!!

 

يا إبنى الظالم مالوش دين ولا ملة

 

على خلفية التفجير عملوا إفاقة للشيخ فلان اللى فــ العناية المركزة عشان يدين ويشجب التفجير

 

والنبى وصانا بهم خيرا .. طب بالمرة وفــ نفس التوقيت أهالى حلب ( اللى بلدك بتهنى اللى يتخفى إسمه )

 

 

عادل حبارة أعدموه امبارح دم جديد بتشربه المخروبة ( الزُمبى والا مصاص الدماء )

 

العبث والقرف اللى احنا فيه إن كلها كام يوم ويضطروا يقبلوا الطعن ( بند قانونى انتهكوه ) اللى هيطلعوه مــ الدرج ويبرأوه !!!!

 

زى ما حصل مع محمد كمال ودكتور ابراهيم ومحمود رمضان والستة بتوع عرب شركس والــ 13 بتوع 6 اكتوبر و... و... و...

شارك هذه المشاركه


رابط المشاركه
شارك

وفاة الشيخ عمر عبد الرحمن في سجن أميركي

 

 

إثر صراع طويل مع المرض، وذلك بعد يوم من تواصل المخابرات الأميركية مع أسرته لاستكمال عقوبة السجن مدى الحياة

 

في مصر،نظرا لتدهور صحته.وقال اثنان من أبناء عمر عبد الرحمن لوكالات أنباء إن السلطات الأميركية أبلغت أسرتهما

 

بوفاة والدهما،وأوضحا أن الأسرة تعمل على استكمال الإجراءات القانونية لنقل الجثمان إلى مصر ودفنه بها وفقا لوصية

 

والدهما... وبدوره، قال خالد الشريف المستشار الإعلامي لحزب البناء والتنمية، المنبثق عن الجماعة الإسلامية، إنهم يطالبون

 

بترحيل الجثمان للدفن في مصر، "لكن الإجراءات لم تبدأ بعد".

 

وفي وقت سابق اليوم، قال خالد نجل الشيخ عمر لوكالة الأناضول إن المخابرات الأميركية تواصلت مع الأسرة أمس،

 

وطلبت منها التواصل مع السفارة الأميركية بالقاهرة لتقديم طلب بشأن إعادته إلى مصر، نظرا لحالته الصحية المتأخرة

 

جدا، وأضاف أن الأسرة بدأت التواصل مع مسؤولين مصريين لمعرفة موقف السلطات من إمكانية عودته إلى بلاده

 

لقضاء عقوبة السجن مدى الحياة. وأضاف أنه قبل عشرة أيام تلقت الأسرة مكالمة وحيدة من الشيخ عمر منذ تولي

 

الرئيس دونالد ترمب الرئاسة، وقال خلالها إن السلطات منعت عنه الأدوية وجهاز راديو كان بحوزته، تزامنا مع اتهام

 

الجماعة الإسلامية إدارة ترمب بتعريض حياة زعيمها الروحي للخطر عبر "حملة انتقامية".... وكان عمر عبد الرحمن

 

(79 عاما) يقضي عقوبة السجن مدى الحياة في الولايات المتحدة إثر إدانته عام 1995 " بالتورط في تفجير مركز التجارة

 

العالمي في نيويورك عام 1993، الذي أسفر عن مقتل ستة أشخاص وإصابة أكثر من ألف آخرين، فضلا عن التخطيط

 

لاعتداءات أخرى، بينها مهاجمة مقر الأمم المتحدة، وهي اتهامات كان ينفيها باستمرار.

 

وعُرف الراحل بأنه الزعيم الروحي للجماعة الإسلامية التي حملت السلاح ضد النظام المصري في التسعينيات، وكانت

 

إصابته بالسرطان واحتجازه مدة طويلة في حبس انفرادي دافعا لحملة تضامن دولية معه.

 

إنا لله وإنا إليه راجعون ... اللهم ارحمنا من امنا الغولة ( المخروبة ) اللى بتاكل عيالها وتكّرم راقصينها

 

اللهم إنا نسألك الثبات على الحق وحُسن الخاتمة

تم تعديل بواسطة أم يُمنى

شارك هذه المشاركه


رابط المشاركه
شارك

2.jpg

 

 

كم من المسلمين الآن يعرف الحق يقينا لكنه لايقول

 

وإلى الله المشتكى

شارك هذه المشاركه


رابط المشاركه
شارك

إشمعنى رابعة عاملين لها دوشة وصداع ؟

 

انتوا هتعيشوا الدور زى اليهود وأُكذوبة الهولوكوست ؟

 

ياما حصلت مجازر على مدار التاريخ وعدت وخلصنا

 

هم اللى اتقتلوا كام يعنى 700 ــ 800 ( ده الشيخ اللى قال )

 

كتر خيرهم انهم استنوهم يعيــّـدوا

 

وأخروا المذبحة ( زى ما بتقولوا) لما العدد بقوا حبة صغيرة كده

 

أمال نسيبهم يوقعوا الدولة ؟؟؟؟؟؟؟؟؟

 

والله والله والله الكلام ده بيقولوا ناس ما بيفوتوا ركعة

 

يُتبع

شارك هذه المشاركه


رابط المشاركه
شارك

إشمعنى رابعة عاملين لها دوشة وصداع ؟

 

فعلا لوعــ المجازر حصل أكتر وأفظع من كده

 

لكن رابعة كانت لحظة فارقة فى تاريخ مصر ( قطاع كبير من الشعب جاب ورا واستسلم لحكم الدبابة والرصاص )

 

بحجة احنا مش قدهم ودى مش بلدنا أصلا دى بلد اللى معاه قوة أو سلطة

 

كانت لحظة فارقة مع دول الجوار ( الممولة للمذبحة ولأكتر من مذبحة المهم ان الشعب ده يتلم لإنه هيصيب شعوب المنطقة بالعدوى )

 

كانت لحظة فارقة مع كل العالم ( والنظام العالمى المستبد ) انه بيشوف عــ الهوا مذبحة إنسانية مع الأسف أبشع من الاحتلال

 

انتوا هتعيشوا الدور زى اليهود وأُكذوبة الهولوكوست ؟

 

أيوه هانعيش الدور زى المسلمين ( اللى عندهم دين ) ومؤمنين بحرمة الدم

 

ولقد كرمنا بنى آدم ,,,, وأظن العالم كله شاف قتل وحرق وسحل بنى آدم عـ الهوا وبالجرافات :(

 

ومن قتل مظلوماً فقد جعلنا لوليه سلطاناً فلا يسرف في القتل إنه كان منصورا .... واحنا مع القصاص لآخر نفس

 

كل المسلم على المسلم حرام دمه وعرضه وماله ...واحنا شايفين بعينانا ( اللى هايكلها الدود ) الناس اللى على خير دمهم وأعراضهم

 

وأموالهم مُستحله ولسه بنجادل ونقول المهم الأمن والأمان ونحمد ربنا اننا ما نعرفش حد إخوان ( هطل )

 

ياما حصلت مجازر على مدار التاريخ وعدت وخلصنا

 

عدت وخلصنا لإنها لم تكون موثقة ومتشافة هوا

 

عدت وخلصنا لكن أكيد ما عدت عند الله حسابها عنده جل وعلا

 

عدت وخلصنا عشمان كانت بتتعمل فى السر وقليل الذيت يعلمون بها

 

هم اللى اتقتلوا كام يعنى 700 ــ 800 ( ده الشيخ اللى قال )

 

ال 700 ــ 800 ماذا لوفيهم ولاد حضرتك والا أخت حضرتك والا أحفاد حضرتك كانوا هيبقوا برضه كام يعنى ^_^

 

 

كتر خيرهم انهم استنوهم يعيــّـدوا

 

وأخروا المذبحة ( زى ما بتقولوا) لما العدد بقوا حبة صغيرة كده

 

صراحة كتر خيرهم لأ قتلة بيخروا حنينة

 

فكرتونى بمشهد فى أرطغرل ( قول فلان فين وهــ اديك حريتك , قال له تركه يجرى .. كام خطوه كده ( للى جنبه ) كفايه عليه حرية وقتله )

 

باحس ان الشعب ده عنده أمراض دموية

 

أمال نسيبهم يوقعوا الدولة ؟؟؟؟؟؟؟؟؟

 

تولع أى دولة تُقام على ظلم الناس

 

هلمى يادولة العدل .. تأخرتِ كتيــــــــــــــــــــــــــــــــر

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×