اذهبي الى المحتوى
سونال

كشرى من مطبخ سونال ولا اطعم

المشاركات التي تم ترشيحها

post-110000-1316530500.gif

 

 

 

كشرى من مطبخ سونال ولا اطعم

 

44879alsh3er.jpg

 

المكونات

 

 

بصل

 

 

توم

 

كمون

شطة

كسبرة

طماطم

ورز

وعدس بجبه

(الاسود يعني )

ومكرونه ويفضل نوعين من المكرونه

يعني مثلا مكرونه صغيره ومكرونه اسباجتي

وشعريه ..

الطريقة

 

اول حاجه نقطع البصل جوانح ( شرائح طويلة ) بعدين نقليه في زيت كتيير ..

 

 

 

44880alsh3er.jpg

 

يعني نخلي الزيت غزير شويه بحيث يغطي البصل ويفضل يكون زيت ذرة وانا استعملت زيت قطفة جديد بس حلو اوىودى صورته

 

 

44881alsh3er.jpg

 

 

الزيت الي قلينا فيه البصل ده هو الزيت ده الي هنستخدمه بعد كده في طبخ الكشري عشان يبقى مشبع بطعم البصل ..

ملحوظة مهمة

 

اوي عملتها ودي من اسرار المحلات

 

 

وفرقت معايا كتير في الطعم فاضافة لاستخدم زيت البصل فالبصل نفسه بنغطيه الاول بدقيق قبل مانقليه خاصه لو لسه جديد يعني في اول موسمه لما بيبقى البصل مليان مية مش ناشف زي بصل آخر الموسم ..

 

 

عن نفسي حطيته في كيس نايلون فيه شويه دقيق وهزيت الكيس كويس اوي لما كل قطعه بصل تغطت ..

 

 

 

طبعا فككت البصل من بعضه بحيث ميبقاش كتل وانما شرائح رفيعه وغطيتها كلها بالدقيق بعدين قليت ..

 

 

طبعا بنترك البصل في الزيت لما ينقلي ويبقى بني غامق مش اسود

 

 

.. الاسود ده يبقى انحرق ..

 

 

البني الغامق او المائل للغامق هو ده المطلوب .. نطلعه على ورق نشاف او مصفاه زي ماتحبوا وبكده تكون التقلية جاهزه وانتهينا من اول خطوة ..

 

 

 

الخطوة الثانية

 

بنجيب العدس ابو جبه ونغسله ونحطه في حله على النار مع ماء كافي للسلق وفصين توم وملعقة ولا اثنين من زيت التقلية ..

ماء نظيف مش من الحنفية لان الماء ده هو نفسه هنستخدمه بعد كده في سلق الرز . شفتم الحرفنة ..

بعد مايستوي العدس كويس اوي ( طبعا اضفنا له شويه ملح صغيرين اثناء السلق عن نفسي اضفتهم في المرحلة ماقبل النهائيه معرفش ليه جالي احساس ان الملح ممكن يبطأ النضج في العدس زي مابيعمل في اللحمه .. يجوز )

بعد ماينضج تماما نرفعه من الحله وناخذ نفس المية الباقية

ونجهز شويه رز مغسولين عليهم شويه عدس اصفر ومخلوطين على بعض نقلب الرز والعدس في ملعقتين زيت من بتوع البصل

 

 

ونستمر في التقليب شويه عشان يطلع مفلفل ثم نضيف ماء سلق العدس ..

 

 

طبعا نراعي الكميات يعني نحط كمية الماء مناسبة لكمية الرز بالظبط كأننا بنطبخ رز عادي ومنزودش عشان ميعجنش ..

 

 

في المرحلة دي لمن لا يتقن طبخ الرز خاصه المفلفل مفيش مانع بعد مايغلي نغطيه ونحط تحته صاجه او البتاعه الي بيحطوها عشان يستوي الرز تحت الحلة دي ..

 

 

وعلى فكره ممكن تسلق معاهم العدس ابو جبه برضه ثاني او تخليه لوحده تحطه وقت الغرف بس .. عن نفسي حطيت العدس الاسود معاهم بعد ماانسلق بس المحلات مبتعملش كده كله بيبقى لوحده ..

اثناء نضج الرز

اسلق شويه مكرونه مع شويه زيت صغيرين وشويه ملح وبعد ماتستوي المكرونه كويس نغسلها بماء بارد بعدين نقلبها مع معلقتين سمنة

 

 

44882alsh3er.jpg

 

برضه مفيش مانع نحمر ملعقتين تلاته شعريه في شويه زيت لغايه ماتبقى ذهبية بعدين نضيف لها شويه مية وذره ملح ونسيبها تستوي كام دقيقة بتبقى حلوة مع الكشري برضه ..

 

هتطلع لنا حلة كبيرة والكشري عامه لما يبات بيتاكل الصبح وبرضه بيبقى طعمه روعة..

المكرونه المستخدمه طبعا هي الصغيره اوي والمحلات عامه بتحط منها وبتحط كمان اسباجيتي مقطعه قطع صغيره ..

نيجي لغرف العدس بقى ..

 

سهله اكيد الكل عارفها زي بتوع المحلات ..

 

ناخذ شويه رز بعدس .. نخبط المغرفة في الحله .. نحط عليهم شويه عدس بجبه .. نخبط خبطتين تاني .. نجيب شويه مكرونه وعليهم شويه شعريه

ر44883alsh3er.jpg

 

 

 

واخيرا التقلية على الوجه ..

 

 

ومفيش مانع ابدا من اضافة بعض الحمص الكبير ( حمص شامي ) مسلوق على الوجه

 

الطريقة دي جهنمية وزي كشري المحلات بالظبط .. جربوها وادعوا لي ..

 

كنت هنسى طبعا لازم جنب الكشري صلصة

 

.. الصلصة بقى سهله جدا .

 

 

. نجيب شويه سمنه ونقدحهم على النار ..

و طماطم مضروبه في الخلاط كويس احسن ومعاهم بصلتين وفصين توم .. نسيبهم يغلوا شويه مع ملعقة ولا اثنين خل

. شويه ملح وفلفل وشطه وكسرة ناشفة وتبقى الصلصه جاهزه وبالهنا والشفا ..

 

44884alsh3er.jpg

 

نيجي بقي للشطه

 

 

بصي بقوا دي طريقه سهله بجد وبعملها ع طووول

 

 

بجيب طبق من الصلصه الي عملناها

 

وعليها بقي معلقه شطه ناشفه والله بعملها بتبقي رهيبه

الدقه بقي

بجيب كام فص توم كده وافرهم وذره فلفل اسود

 

وملح وخل ولمون وباخد بقي معلقه بسيطه من الصلصه الي عملتها

 

 

 

بجد بتبقي تجنن

 

والطبق ده لاول رد

44885alsh3er.jpg

مع تحياتى

 

 

ام حمادة

تم تعديل بواسطة الأميرة المشاغبة
وصفه مميزة
  • معجبة 2

شارك هذه المشاركه


رابط المشاركه
شارك

وعليكم السلام ورحمة الله وبركاته

بسم الله ما شاء الله

بارك الله فيك

وتسلم إيديك

 

شكله مشهي أوي

شارك هذه المشاركه


رابط المشاركه
شارك

وعليكم السلام ورحمة الله وبركاته

بسم الله ما شاء الله

بارك الله فيك

وتسلم إيديك

 

شكله مشهي أوي

تسلمى من كل شر ابنتى العزيزة

 

وبارك الله لكى ياقمر

شارك هذه المشاركه


رابط المشاركه
شارك

رووووووووووووووووووووووووووووووووووووووووعه

حلو موضوع انك بتحطي على البصل دقيق

اجربها

انما زيت البصل انا فعلا بستخدمة للرز والعدس بقدحه عليهم في الاخر وبيدي طعم روووعه

 

 

ولما بسلق العدس ويستوي نص سوي بضيف الرز عليه على طول واحمر الشعريه واضفها

روعه

طريقتك قريبه مني

 

التسبيكه بقى

 

بقدح التوم في الاخر مع الكسبرة الناشفه والفلفل والكمون والشطه وبضفهم على الطماطم بتدي ريحه خطيرة

تسلم ايدك حبيبتي

شكلك كتييييييييييييييييييييييييييير شطورة

اللهم بارك

  • معجبة 1

شارك هذه المشاركه


رابط المشاركه
شارك

ما شاء الله عليك

اللهم بارك

بالهنا والشفا

جزاك الله خيرا

احلى حاجه بحبها فى الكشرى المصرى البصل المحمر ^ــ^

شارك هذه المشاركه


رابط المشاركه
شارك

 

رووووووووووووووووووووووووووووووووووووووووعه

حلو موضوع انك بتحطي على البصل دقيق

اجربها

انما زيت البصل انا فعلا بستخدمة للرز والعدس بقدحه عليهم في الاخر وبيدي طعم روووعه

 

 

ولما بسلق العدس ويستوي نص سوي بضيف الرز عليه على طول واحمر الشعريه واضفها

روعه

طريقتك قريبه مني

 

التسبيكه بقى

 

بقدح التوم في الاخر مع الكسبرة الناشفه والفلفل والكمون والشطه وبضفهم على الطماطم بتدي ريحه خطيرة

تسلم ايدك حبيبتي

شكلك كتييييييييييييييييييييييييييير شطورة

اللهم بارك

 

شفتى بقى انا طالعة شطارة لكى ابنتى العزيزة

مشكورة لذوقك ومرورك

شارك هذه المشاركه


رابط المشاركه
شارك

ما شاء الله عليك

اللهم بارك

بالهنا والشفا

جزاك الله خيرا

احلى حاجه بحبها فى الكشرى المصرى البصل المحمر ^ــ^

 

مشكورة بنتى العزيزة سارة لمرورك للموضوع

نورتى الموضوع

شارك هذه المشاركه


رابط المشاركه
شارك

الله بحب الكشرى جدا جدا

أنا بعمل زى حضرتك وبحط دقيق على البصل

بس الصلصة بضرب التوم مع الطماطم

أما العدس الاصفر لا استخدمه مع الكشرى ده

تسلم ايدك بجد شكل الطبق شهى

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×