اذهبي الى المحتوى
هبة عبد العظيم نور

أزواج واااااااااااااااااااااااااااااااااااااااااو

المشاركات التي تم ترشيحها

**بقــ هبةنور ــلم**

 

 

 

مش معقول كدة هو كل مشكلة نرمى اللوم على الستات

 

لالالالالا ده مش عدل

 

ماهو برضو الرجالة بيعملوا حاجات كتير تحرق الدم والست بتفوت

 

طيب تعالو ا حتى شوفو اللى بيحصل فى البيت ده

 

 

 

 

 

 

 

ايه ده يا احمد انت بتلبس

 

 

زى ماانتى شايفة

 

رايح فين يا حمادة

 

انتى عارفة يا غادة كويس ان السؤال ده بيخنقنى ومابحبش اسمعه

 

لا سلامتك ياحبيبى من الخنقة اتخنق انا واتفلق مش مهم اوف

 

ايه يا حياتى بتنفخى ليه سلامتك

 

الله يسلمك يا سيدى .وان شاء الله هترجع امتا

 

هو انتى هتنامى امتا

 

يعنى ايه ان شاء الله تقصد انك هترجع بعد ماانام

 

لا اقصد اعرف هتنامى امتا عشان اجى اغطيكى يا حبيبتى

 

احمد انا مش بهزر

 

غادة انا نازل عايزة حاجة

 

يعنى ولا كأنى بتكلم

 

طيب تصبحى على خير يا غادة عشان احتمال اجى الاقيكى نايمة ابقا كدة عملت اللى علية وقولتلك تصبحى على خير

 

 

 

 

 

 

 

 

 

 

 

 

 

 

 

 

 

 

ازيك يا عادل

 

اهلا يا ابو حميد مستنيك من بدرى

 

معلش اتغديت ونمت شوية واول ماصحيت لبست ونزلت

 

خير مافعلت

 

اعوذ بالله يا شيخ مااكرهش فى حياتى اد قعدة البيت

 

ليه هى المدام مضايقاك ولا ايه

 

لا والله بالعكس ربنا يبارك فيها بتعمل اللى عليها وزيادة بس هى بتضايق لما بنزل

 

يا سيدى كبر دماغك هما الستات كلهم كدة عايزينا نقعد جنبهم نتملى فى محاسنهم ونقول اشعار

 

اه يا شيخ والواحد بصراحة مالوش خلق للكلام ده

 

هتطلب ايه

 

انا هاخد قهوة مظبوطة

 

وانا زيك خلى الواحد يعدل دماغه المقلوبة

 

وانت ايه قالب دماغك يا عادل

 

ابدا مراتى كل ماتشوف وشى مابتبطلش رغى بالعة راديو بعيد عنك .هى ترغى والعيال يجروا فى الشقة اللى معاه سكوتر واللى معاه كورة لما الواحد

 

دماغه تبقا هتنفجر من الدوشة اقوم لابس وانزل اجرى على القهوة

 

ربنا مايحرمنا من القهوة يا عادل .هو مجدى ماجاش ليه لحد دلوقتى

 

زمانه جاى هيعدى على ممدوح ويجيبه فى سكته

 

 

 

 

 

 

 

 

 

 

 

الو ايوة يا احمد

 

ايه ياغادة خير فى ايه

 

يا حبيبى انت اتأخرت اوى هتيجى امتا

 

ربنا يسهل ياغادة

 

يا احمد ارجوك تعالى بسرعة انا هطق من القعدة لوحدى

 

وتقعدى لوحدك ليه ماتدخلى تنامى

 

مش عايزة انام

 

طيب شوية وهاجى

 

شوية اد ايه يا احمد

 

يوه يا غادة ساعة ساعة بالكتير اقفلى بقا

 

مع السلامة

 

 

 

 

 

 

 

ايه يا احمد جالك استدعا وهتسيبنا وتمشى

 

لا يا مجدى معقول اسيبكو واروح دلوقتى ليه يعنى .انا هطلب شاى حد هيطلب شاى تانى

 

 

 

 

 

 

 

 

 

 

 

غادة

 

يا غادة

 

الحمدلله نامت ريحت وارتاحت

 

حمدلله على السلامة يا استاذ

 

ياما انتى لسة صاحية

 

اه اعمل ايه فى قلبى مش بعرف انام قبل مااطمن عليك واشوفك قدامى

 

ياسلام ونعم الستات ربنا يكملك بعقلك

 

واخرتها يا احمد

 

اخرتها فل ان شاء الله

 

حبيبى المفروض تاخدنى معاك انا كمان محتاجة اخرج واغير جو

 

طب انا بروح اقعد على القهوة مع اصحابى اخدك معايا ازاى

 

طيب خلاص .ممكن نخرج نروح اى حتة مع بعض

 

طيب معلش انا مقتول من التعب وعايز انام والصبح نبقا نتكلم

 

تصبحى على خير يا غادة

  • معجبة 9

شارك هذه المشاركه


رابط المشاركه
شارك

الموضوع دا

منتشر جداااااااااااااااااااااااااااااااااااااااااااااا عند الاغلبيه العظمي من الرجاله

ومهما الواحده تعمل مو عاجب

تطنش وما تسال تبقي وحشة

تسال وتطمن وتخاف تبقي ست لحوحة وقلوقه

من الاخر

مافي شيء بيعجب

لا كدا عاجب ولا كدا عاجب

بس عيب جدااا لما الواحد يتكلم عن مراته او يجيب سيرة بيته بين اصحابه

ما بحترم الراجل الي بيعمل كدا اصلا

والاخ زهق من لعب الاولاد وصداعهم

ويا تري لو ربنا مكنش رزقه كان هيقول ايه؟؟؟؟

 

هبوب

مواضيعك جمييييييييله جدااااااا

واااااااااااقعيه

  • معجبة 1

شارك هذه المشاركه


رابط المشاركه
شارك

الحلقة دى اهداء لأم يوسف

 

طبعا هى طلبت حلقة لمناقشة سلبيات الرجالة

 

وانا لا اقصد اتهام الرجالة لكن اقصد ان نجد حلول لسلبيات الرجالة يعنى الست ازاى تتصرف لما يكون جوزها فيه عيب من العيوب دى

شارك هذه المشاركه


رابط المشاركه
شارك

مش عارفة يعنى هو انا كاتبة الموضوع ده لماى مازر

 

حد يحن ويرد يا ولاد ولا اروح أأجر ناس من المنتديات الشقيقة يردو

شارك هذه المشاركه


رابط المشاركه
شارك

ربنا يجيبك بالسلامة يا ابلة سجودة وتقولى حلول للموضوع ده

 

سبحان الله يعنى انا رغم جوزى بيغيب برا البيت طول النهار بسبب الشغل ومع ذلك ببقا متضايقة

 

امال اللى بيخرج طول النهار عشان يقضى وقت لطيف مع اصحابه ويسيبها تتفلق تعمل ايه

شارك هذه المشاركه


رابط المشاركه
شارك

حبيبة قلبي يا هبه العسل تسلم الأنامل وجزاك الله خيرا على الهدية بالفعل كما قالت الحبيبة ماريا موضوع منتشر

ولكن رغم أن الزوج الذي يخرج ولا يحب القدوم إلى البيت إلا للنوم فأنا أحمل كامل المسؤولية للزوجة أعتقد أن الزوج يبحث عن مكان آمن وهادئ كي يسعد به ويسلي نفسه

فلماذا لا يكون هذا المكان هو البيت والأصدقاء هم الزوجة والأولاد والقهوة والشاي موجودين في البيت باستمرار

على العموم أرى أن الزوجة يجب أن تتفنن في أن تجعل الزوج يعشق بيته وأولاده وكل شيء حوله وذلك بأن ترتب أيام الأسبوع هي والأولاد بين الترفيه واللعب والحكمة والعبرة

فجميل لو كان يوما ترفيهيا في الأسبوع بين الأولاد وآباءهم تقام فيه العبر والمسابقات والجوائز أو( قراءة في كتاب ،قراءة قرآن ،جلسة حوار للعائلة ، حل مشاكل الأولاد و......و.......و......الخ .

 

أعتقد أن الزوج لن يرفض أبدا هذه الأفكار إذا وجد الزوجة تخطط وتنسق كما أنصح الزوجة أن تجعل وقت لعب أولادها يكون في غرفة مستقلة فلا داعي لنشر الفوضى في كل أرجاء البيت

يجب على الأبناء احترام وجود الأب ووقت نومه على وجه الخصوص

كما لا تنسى الززوجة دورها كزوجة حانية تحدث زوجها بلطف متزينة متعطرة تكون له صديقة تشجعه على كل ما يقرب من الله ولا تترك الإبتسامة فالزوج يحب الوجه المبتسم كالأطفال

وجميل لو خرج الزوج مع صحبته ساعة أو أكثر قليلا في الأسبوع مرة أومرتين كي تتفرغ الزوجة قليلا لأعمالها وأورادها

فلا داعي هنا أن تتضايق الزوجة بل بالعكس تودعه بالدعاء وجميل لو قالت لا تتأخر سأشتاق لك البيت موحش بدونك ومن هذه الكلمات التي تسعده....

شارك هذه المشاركه


رابط المشاركه
شارك

ولكنني أيضا لا أبرئ الزوج تماما ولكن أعتقد أن هذا الأمر يتفاوت عند الرجال بحسب تعلقه بدينه وبسنة المصطفى صلوات الله عليه وتسليمه فلو كان الزوج من أهل من يقيمون السنن فلا أعتقد أن الزوجة ستعاني لأنه سيكون هو المتفنن بإرضائها كما كان نبينا الحبيب مع زوجاته لذلك أحببت أن تعكس الزوجة المتدينة الصورة الجميلة عن إسلامنا الجميل للزوج الذي لم يهتدي بعد فتكون مبشرة وليست منفرة وهناك منالزوجات المتدينات التي تخطئ في حق زوجها بسبب الحفظ وقراءة القرآن فيجدها زوجها طوال الوقت تحفظ وتسمع وتقرأ القرآن وربما إذا طلبها للفراش وجدها صائمة ويتفاجئ بذلك رغم أنه يجب الاستئذان من الزوج هنا الزوج سينفر من التزامها ويجد أن التزامها كان سبب بعد وجفاء بينهما ولكن الزوجة المتفهمة لأمر دينها تعكس الصورة الجميلة فتزداد لزوجها قربا وحنانا وتجملا ورقة كي يِرى في اتباعها للسنة تغيير يحبه فيحب السنة ويبدأ بالبحث والقراءة وهنا تكون الزوجة نجحت في أن تكون سببا لهداية زوجها فلا يعد يهتم بالمقاهي وجلسات مضيعة لوقته بل سيصبح وقته ثمين كوقتها وهنا سيجتمعان دائما على طاعة الله وحب الله وتنتهي أي خلافات ....

شارك هذه المشاركه


رابط المشاركه
شارك

أم يوسف

كلامك جميل جداااا

بس مش كل الازواج الي بيرحبوا بكدا

انا اعرف ناس

الزوجة كانت بتعمل زي ما انت بتقولي كدا

ومريحاه خالص ومهدية الجو يعني لو اقلك شيلاله من علي الارض شيل

ومع ذلك دايم الخروج

وفي النهاية يقول بانها سلبيه وليس لها راي علي

علشان كدا بقول

مش كل الازواج

والاغلبيه محدش بيعجبه العجب

 

عجبني حته ان الاولاد يلعبوا في غرفه مستقلة

لاني بعمل كدا

بيلعبو في حجرتهم

ومحدش بيجي جمب مكتب والدهم خالص

شارك هذه المشاركه


رابط المشاركه
شارك

ولكنني أيضا لا أبرئ الزوج تماما ولكن أعتقد أن هذا الأمر يتفاوت عند الرجال بحسب تعلقه بدينه وبسنة المصطفى صلوات الله عليه وتسليمه فلو كان الزوج من أهل من يقيمون السنن فلا أعتقد أن الزوجة ستعاني لأنه سيكون هو المتفنن بإرضائها كما كان نبينا الحبيب مع زوجاته لذلك أحببت أن تعكس الزوجة المتدينة الصورة الجميلة عن إسلامنا الجميل للزوج الذي لم يهتدي بعد فتكون مبشرة وليست منفرة وهناك منالزوجات المتدينات التي تخطئ في حق زوجها بسبب الحفظ وقراءة القرآن فيجدها زوجها طوال الوقت تحفظ وتسمع وتقرأ القرآن وربما إذا طلبها للفراش وجدها صائمة ويتفاجئ بذلك رغم أنه يجب الاستئذان من الزوج هنا الزوج سينفر من التزامها ويجد أن التزامها كان سبب بعد وجفاء بينهما ولكن الزوجة المتفهمة لأمر دينها تعكس الصورة الجميلة فتزداد لزوجها قربا وحنانا وتجملا ورقة كي يِرى في اتباعها للسنة تغيير يحبه فيحب السنة ويبدأ بالبحث والقراءة وهنا تكون الزوجة نجحت في أن تكون سببا لهداية زوجها فلا يعد يهتم بالمقاهي وجلسات مضيعة لوقته بل سيصبح وقته ثمين كوقتها وهنا سيجتمعان دائما على طاعة الله وحب الله وتنتهي أي خلافات ....

 

أعجبني

:))

شارك هذه المشاركه


رابط المشاركه
شارك

موضوع جميل ومنتشر فعلا الله المستعان

لكن أنا بالعكس فأنا التي أقول له أن يخرج مع أصدقائه وهو يرفض يا عيني يحب الجلوس في البيت هههههههه

وهو يقدر يسبني يا ختي ههههههههه

سبحان الله كل رجل وطريقته

شارك هذه المشاركه


رابط المشاركه
شارك

متشكرين يا ضيوف الهنا

 

منورة يا ماريا يا عسلية

 

تسلمى يا ام يوسف يختى على النصايح الغالية

 

حواء يا ضنايا قولى ماشاء الله لا قوة الا بالله ربنا يختى يحميكى ويحمى جوزك من الحاسدين قولى آمين

شارك هذه المشاركه


رابط المشاركه
شارك

**بقــ هبةنور ــلم**

 

 

 

يا سلام وسلم منور يا معلم

 

تعالوا يا ولاد شوفوا الراجل ده وعمايله ونحكم عليه بأيه

 

 

 

 

 

اصحى يا ست انتى . اصحى يا خم النوم

 

ايه يا خويا فى ايه بتصحينى ليه فى حاجة

 

هو ايه اللى بصحيكى ليه قومى اعمليلى كوباية شاى

 

هى الساعة كام يا مسعود

 

الساعة اتنين

 

هتشرب شاى الساعة اتنين بالليل

 

وانتى مالك انتى انتى هتحاسبينى قومى فزى جتك المصايب

 

حاضر ياخويا

 

 

 

 

اتفضل الشاى اهو

 

هاتى

 

طيب عايز حاجة تانية يا مسعود قبل ماانام

 

لا خشى اتخمدى واحرمينا من وشك اللى يقطع الخميرة من البيت

 

الله يسامحك

 

 

 

انتى ياست

 

يا خويا هو انا ماليش اسم تنادينى بيه

 

مزاجى كدة مابحبش انده اسمك ولا يجى على لسانى بتشاءم من اسمك

 

ليه بس يا خويا داانا حتى اسمى سامية

 

يا شيخة بلا سامية بلا بامية غورى من وشى فى يومك اللى مالوش ملامح ده

 

 

 

بقولك ايه ياست انتى انا امى جاية هى واخواتى انهاردة عايز عزومة ماحصلتش

 

من عينى حاضر بس انت تؤمر

 

 

 

 

 

 

اهلا يانينة منورة .اهلا يا سميرة اهلا يا منيرة منورين

 

اهلا ياحبيبتى ازيك ياسامية

 

انتى وحشانى اوى يانينة

 

وانتى والله يابنتى ده كفاية مقابلتك ولسانك الى زى الشهد

 

ربنا يخليكى ومايحرمنيش منك

 

هو فين مسعود

 

اهو جه اهو

 

ازيك ياامى ازيكو يا بنات

 

اهلا يا خويا

 

ازيك يا مسعود ياابنى

 

الحمدلله ياامى

 

قومى يا ولية انتى اعملى حاجة يشربوها انتى هتقعدى تتأنسى معاهم ولا ايه

 

حاضر من عينى

 

ياابنى براحة على مراتك دى غلبانة

 

دى تعبانة وانتى الصادقة

 

حرام عليك والله يامسعود انت بتعاملها وحش اوى

 

الاصناف دى لازم تاخد بالجزمة .انا لو عاملتها كويس هتركب وتدللدل رجليها لازم اعاملها اسوأمعاملة عشان تفضل طول عمرها تحت رجلى وتحترمنى

 

يا ابنى ربنا ماقالش كدة ولا الرسول عليه الصلاة والسلام قال كدة

 

امى خليكى فى حالك احسن

 

ربنا يهديك ياابنى

 

 

انتى يا ولية يللى ماتتسميش

 

نعم يا مسعود

 

الغدا جهز ولا لسة

 

ايوة حاضر هحطه على السفرا

 

قومى يابنات ساعدوا مرات اخوكو

 

لا ماحدش يساعدها دى هنا خدامة تخدم الكل

 

يابنى عيب كدة دى بنت ناس

 

 

 

 

اتفضلوا يا جماعة الاكل جاهز

 

 

 

الله تسلم ايدك يا مرات ابنى نفسك فى الاكل مايعلاش عليه

 

ودى تيجى برضو يا نينة انتى اللى اكلك مااعرفش بتبقى حاطة عليه سكر ولا عاملاه ازاى

 

تسلمى يا حبيبى من ذوقك يا فالية

 

 

وانت يامسعود ايه رأيك

 

اهى حاجة تسد الجوع وخلاص

 

 

 

 

 

 

 

 

الشاى ياست قومى اعملى الشاى

 

 

حاضر

 

 

 

 

 

اتفضلوا الشاى ياجماعة

 

 

الشاى ناقص سكر

 

اتفضل السكر

 

وانتى تعمليه ناقص سكر ليه انت مش عارفة انى باخد تلات معالق يا زفتة انتى

 

والله حاطة تلات معالق

 

ياابنى وافرض ناقص سكر زود السكر زى ماانت عايز وماتسمش بدن البنية كدة

 

 

ياامى سيبينى اربى مراتى

 

وهو انا ناقصة تربية يامسعود

 

انتى بتردى علية

 

طيب والله لهقوم ارزعك علقة دلوقتى عشان احرمك تردى بقلة ادب

 

اوعو ا سيبونى

 

ياابنى اقعد الله يهديك

 

اه اه حرام عليك دراعى هيتكسر

 

يتكسر فى ستين داهية

 

اااااااااااااااااااااااااااااااااااااااااااااااااااااااااه

 

اوعا سيبها يامفترى البت هتموت فى ايدك

 

لا مش هسيبها سيبونى اربيها

 

والله حرام عليك يا ابنى انتى بتفترى على بنات الناس

  • معجبة 2

شارك هذه المشاركه


رابط المشاركه
شارك

لي عودة يا بنات بإذن الله لأن الحكومة على وصول بالسلامة

 

أما أنا حكايتي حكاية مع الموضوع ده لكن الحمد لله حليته بسرعة هههههههههههه

 

هووووووووووووبة بوسة كبيييييييييييرة يا مبدعة

شارك هذه المشاركه


رابط المشاركه
شارك

هااااااااااااااااااااااااااااا

هى الحلقة الجديدة نزلت

طيب هاقرأها لما الحكومة تنام بإذن الله

سلااااااااااااااااام

  • معجبة 1

شارك هذه المشاركه


رابط المشاركه
شارك

لا حول و لا قوة إلا بالله

الصراحة الإثنين يستاهلو الضرب.

الزوجة إذا لم تحب نفسها و تعطيها قيمتها فلا تنتظر من أحد أن يعطيها لها

طاعة الزوج شيء و الذل شيء آخر ...

أما عن السي مسعود ، فبدون تعليق

شارك هذه المشاركه


رابط المشاركه
شارك

تعليق على القصة الأولى

 

بصراحة أنا ما بحب أبدا إن الزوج يتكلم عن زوجته بأي شكل من الأشكال لا حلو ولا وحش

الراجل الصح عمره ما يجيب سيرة زوجته أمام أصحابه أو أمام أي حد

لأنه لو تكلم عنها بشكل كويس ممكن صديق له يتحسر على حاله مع زوجته

ولو تكلم عنها بالسوء يبقى بصراحة بيهين كرامته قبل ما بيهين كرامتها

 

أذكر في بداية زواجي كان زوجي يعمل في مشروع حر لأنه كان لسة خريج جديد ولم تأتيه الوظيفة بعد

فكنت في البداية أشفق عليه وأتركه يخرج براحته مع أصحابه

ولكن الأمر زاذ عن حده وبقى يرجع بعد نص الليل وممكن الساعة 2 بالليل فبصراحة زاد الأمر عن حدة قمت عملت إييييييييييه يا بناااااااااااااااات

 

قلت له أنا بخاف من الشقة لوحدي فممكن تخرج في النهار براحتك لكن تخليك معي بالليل

فقالي والله بتخافي طيب خلاص هارجع بدري

طيب أول مرة رجع بدري .............تاني مرة قالي معلش

قمت قفلت الباب من الداخل بالمفتاح وتركت المفتاح في الباب

وطبعا حاول يدخل المفتاح يفتح ولم يفلح فطبعا قعد يخبط على الباب وأختكن في سابع نومة

ولما صحيت بعد فييييييييين فتحت الباب وطلعت أجري على السرير ههههههههههههههه

 

المرة التانية قفلت بالترباس ( فيه حد ما يعرف الترباس )

معذورة يا أخوااااااتى بخاااااااااااااااف

 

وبعد المرتين دول ما عادت اتكررت والحمد لله

شارك هذه المشاركه


رابط المشاركه
شارك

لا حول و لا قوة إلا بالله

الصراحة الإثنين يستاهلو الضرب.

الزوجة إذا لم تحب نفسها و تعطيها قيمتها فلا تنتظر من أحد أن يعطيها لها

طاعة الزوج شيء و الذل شيء آخر ...

أما عن السي مسعود ، فبدون تعليق

اه والله يا عزتى حياتى يا حبيبتى عندك حق

 

صدقتى يا قلب اختك

 

فعلا الزوجة لازم تطيع زوجها لكن انه يذلها لأ طبعا ربنا مايرضيهوش كدة

 

نورتى يا عين اختك

شارك هذه المشاركه


رابط المشاركه
شارك

أولا لابد أن تكون الزوجة فطنة تعرف ما يدور في ذهن زوجها وما يحبه ومالا يحبه .

وتبتدي تشتغل على العوامل الرئيسية في حياته

أولا : إنها تملأ الفراغ الذي كان يملؤه أصدقاؤه بالعامية كدة تحاول تكون كل شيء بالنسبة له وما تعطيه فرصة يفكر في حد غيرها ( شريرة صح )

ثانيا : لابد أن تكون حازمة من البداية ولا تتهاون فالزواج في بدايه طريق سهل إذا تمكنت الزوجة في رسم المسار الصحيح لنفسها ومكانتها ستنجح أما إذا تنازلت فستتنازل كثيرا بعد ذلك وستفقد الكثير والكثير

 

مثلا الزوجة التي سمحت لزوجها بإهانتها أمام الناس مهما كانوا وأيا كانوا ولم تتخذ موقف من أول مرة فصعب جدا جدا أخذ موقف بعد ذلك

 

أخت أعرفها تنازت وتنازلت وتنازلت

زوجها لا يُنادي عليها إلا ...يا أبللللللللللللللللللللللللللللللللللة ...........

وبعلو صوته

وكانت تسكن في الدور الثالث ففي ليلة سمعنا صراخها يزلزل الشارع فإذا بها تضع مولودها الخامس وكنا في منتصف الليل

لن تصدقوني إن قلت لكن أنه في تمام الساعة السابعة صباحا سمعت صوته يجلجل ويصم الآذان ويُنادي ياااااااااااااأبلة من الشارع أسفل البيت

قلت في نفسي لعله نسي أنها ولدت منذ سويعات

فإذا بها ترد من الطابق الثالث .........أيوة يا ...........حاضر نازلة أهو

 

صدمت ودهشت وتنحت على الفور

شارك هذه المشاركه


رابط المشاركه
شارك

تعليق على القصة الأولى

 

بصراحة أنا ما بحب أبدا إن الزوج يتكلم عن زوجته بأي شكل من الأشكال لا حلو ولا وحش

الراجل الصح عمره ما يجيب سيرة زوجته أمام أصحابه أو أمام أي حد

لأنه لو تكلم عنها بشكل كويس ممكن صديق له يتحسر على حاله مع زوجته

ولو تكلم عنها بالسوء يبقى بصراحة بيهين كرامته قبل ما بيهين كرامتها

 

أذكر في بداية زواجي كان زوجي يعمل في مشروع حر لأنه كان لسة خريج جديد ولم تأتيه الوظيفة بعد

فكنت في البداية أشفق عليه وأتركه يخرج براحته مع أصحابه

ولكن الأمر زاذ عن حده وبقى يرجع بعد نص الليل وممكن الساعة 2 بالليل فبصراحة زاد الأمر عن حدة قمت عملت إييييييييييه يا بناااااااااااااااات

 

قلت له أنا بخاف من الشقة لوحدي فممكن تخرج في النهار براحتك لكن تخليك معي بالليل

فقالي والله بتخافي طيب خلاص هارجع بدري

طيب أول مرة رجع بدري .............تاني مرة قالي معلش

قمت قفلت الباب من الداخل بالمفتاح وتركت المفتاح في الباب

وطبعا حاول يدخل المفتاح يفتح ولم يفلح فطبعا قعد يخبط على الباب وأختكن في سابع نومة

ولما صحيت بعد فييييييييين فتحت الباب وطلعت أجري على السرير ههههههههههههههه

 

المرة التانية قفلت بالترباس ( فيه حد ما يعرف الترباس )

معذورة يا أخوااااااتى بخاااااااااااااااف

 

وبعد المرتين دول ما عادت اتكررت والحمد لله

ههههههههههههههههههههههههههههه

 

يانهارك ابيض يا اشرقت

 

ياجمودية قلبك ياشابة

 

هان عليكى الراجل ماتفتحيلوش وتقفلى الباب بالترباس

 

بس ياحبيبتى ممكن راجل تانى يكسر باب الشقة ويدخل على مراته اللى عاملة نايمة ويخبطها بحاجة على دماغها وينيمها النومة الابدية

 

يعنى ممكن اللى ينفع مع جوز زقزوقة ماينفعش مع جوز برقوقة

 

عايزين حلول تانية بدل ماتعملوا زى اشرقت ويحصل خساير فى الارواح

شارك هذه المشاركه


رابط المشاركه
شارك

هههههههههههه لا يا بنات دا أنا بحكي الموقف إللي حصل معايا بس

إوعوا حد يعمل زيي أنا بحذركم أهو

 

أنا طبعا ليا ضهر في البيت يعني لو كان اتكلم كان وقف له أبوه وأمه وطبعا هو ما اتكلم لأنه عارف إنه غلط وما حد هينصفه. وأنا حذرته قبلها والبادي أظلم (شريرة وما بترك حقي )

 

وبعدين أنا بصراحة كنت نايمة نايمة مش بمثل يعني ههههههههههههههههههه

 

لا تنكلم جد شوية

هى الحلول كلها في إيد ست البيت يعني لو حاول يخرج تشغله بأي حاجة يعني

تظبط حفلة صغيرة على قدهم

تعمل له مفاجآت لكن مش كل يوم واليوم إللي يقعد فيه يلاقي الفاجآت تنهال عليه فبكدة هيحب يقعد ليكتشف كل جديد وفريد من نوعه

 

مرة تركت أولادي عند أمي حفظها الله وخرجت أنا وزوجي ورجعنا على نص الليل كدة

وكانت أمي هاين عليها تطردني ههههههههههه

شارك هذه المشاركه


رابط المشاركه
شارك

يا نهارك ابيض يا اشرقت

اعترفي يا اشرقت جوزك عمل فيكي ايه

محدفكيش من اي شباك او بلكونة

ههههههههههههههههههههههههههههه

بصراحة موقفك عمري ما اعملة في حياتي

مهما كان غضبي من زوجي

ولو موقف زي دا وطنشني

ما بكلمة وبعملة كل طلباته بس بدون كلام لحد ما يعرف لوحده هو زعلني في ايه

 

 

بالنسبه لموضوع الضرب والاهانه

اولا

الزوجة الي بترضي بكدا دي ما بتبقاش لا راضيه باهانه ولا شيء علي فكرة

بس دي واحده بتبقي عايزة تحافظ علي بتها وحياتها وبتدعي ربنا يهدلها جوزها

وبتكون بنت اصل لتحملها لجوزها ولسانه الي عايز يتقص دا

واهي بتاخد حسنات منه

ههههههههههههههههههههههههههههه

 

سبحان الله

بلاحظ لما بتكون الحماه صعبه مع الزوجة يكون الزوج كويس

والعكس الا ليه؟؟؟

شارك هذه المشاركه


رابط المشاركه
شارك

تسلم ايديكى يا هوبه يا موهوبه انتى فعلا بتناقشى قضايا مهمه وفى قلب كل بيت

تستاهلى يا بنتى جايزه نوبل فى قصص الرجاله المفتريه ههههههههههه

والله هو ده حال معظم الازواج مع زوجاتهم انا اعرف ناس كتير مقربين لى وبيشتكو من معامله ازواجهم

الجافه ليهم بس مش لدرجة مسعود مع ساميه المضروب زودها حبتين

وبعدين المفروض الواحده تعود جوزها يحترمها وما تقللش من كرامتها مش بس قدام الناس

دا لو حتى بينه وبينها هى الواحده مننا تعمل لنفسها برستيج غير بشوية الكرامه اللى بتتقرنن بيهم

وربنا يهديلنا ازواجنا جميعا وكل زوج وله سلبياته :angry: :angry: :sad: :cool:

شارك هذه المشاركه


رابط المشاركه
شارك

يا الف اهلا وسهلا يا خالتى ماريا

 

منورة يا ضنايا ذكية كانت بتسأل عليكى من شوية يانضرى

 

سماء الفردوس يا مرحب يختى يامرحب

 

هو انتو هتفضلوا داخلين خارجين تشتموا فى الرجالة وسيبين ذكية لوحدها

 

لا العدل حلو برضو اللى تدخل هنا تروح برضو تشقر على ذكية على الاقل بتجيبلكو حقكو من الرجالة

 

واللى هتدخل هنا من غبر ماتخش عند ذكية هعلقها من شوشتها

 

هو انا اللى جيبتو لنفسى ولا ايه

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×