اذهبي الى المحتوى
أم يُمنى

إضحكى مع أم يُمنى فى رمضان

المشاركات التي تم ترشيحها

بعض المواقف الطريفة....

 

والعسولة اللى عندها موقف طريف تدخل معانا

 

من عادتى وأنا أنظف وأجهز أطباق الفاكهة إنى آكل منها أثناء التجهيز

 

طبعا أسرتى ( بارك الله فيهم ) بدأوا معى رمضان هذا العام ... ( هنبدأ بالفاكهة )... آن آاااااا ه

 

يعنى إيه ياجماعة خلوا الفاكهة بعد الفطار .. طيب على السحور

 

وانا باهرب من تجهيزها وانا صايمة

 

طبيعى جدا نزلت على رغبتهم وطول وقت التجهيز

 

لاحول ولا قوة إلا بالله .. اللهم إنى صايمة

 

أردد أذكار المساء بصوت عالى

 

وما أدراكم بتعليقات الأسرة الكريمة

 

يا ماما هو احنا بنعذبك ... ياست الكل هو انتِ عايشة مع ناس ظلمة

 

الحمد لله اتعودت اجهز الفاكهة من غير ما آكل منها

  • معجبة 4

شارك هذه المشاركه


رابط المشاركه
شارك

ههههههه

جميل ان الحمد لله مركزه ومنستيش وكلتِ ( :

 

انا معنديش مواقف تقريبا

شارك هذه المشاركه


رابط المشاركه
شارك

آاااه اسكتى ياسروءة عــ اللى بيجرا لى

 

نورتونى حبيباتى

 

فى انتظار بعض طرائفكن

  • معجبة 1

شارك هذه المشاركه


رابط المشاركه
شارك

إيه يا جماعة .. أنا قلت هلاقى مواقف جامدة كده

 

مفبش حد معايا والا مكسوفين تقولوا على مواقفكم الطريفة

 

الموقف التانى

ــــــــــــــــــــ

عندى بفضل الله أسرة صغيرة ( زوجى وإبنى ) والاتنين مش فاضيين لى

 

أجهز وحدى الفطار ولإنى كبيرة شوية علشان مااتعبش باجهز ترابيزة صغيرة للمشروبات والأكواب

 

بجانب الترابيزة الرئيسية للأطعمة والأطباق الكتير وكده بحيث كله يبقى فى متناول إيدى وإيدهم

 

غالبا بيفطروا وهم جاهزين للنزول مباشرة ً بعد الفطار

 

المهم ان وهم قايمين ( هنساعدك ) وما أدراكم بوقع هذه الجملة على أُذنى !!!! :blink:

 

طبعا بياخدوا الأطباق والكوبايات الفاضية بس عشان انا بالم البواقى فى أوعية أصغر ( حفظ النعمة )

 

واروح اتفرج على المساعدة...

 

الحاجات اللى لموها من على الترابيزات مفروشة على الحوض ( اللى مفضياه ومنضفاه من مفيش ساعة )

 

وعلى الرف اللى جنب الحوض ومفيش مانع مالقيوش مكان فكملوا فرش المواعين على البوتجاز

 

ولو اعترضت .. الجملة اللى جاهزة ( مش انتِ بتخافى على مواعينك الإزاز والأركوبال والماعرفش إيه ) :)

 

أسيبكوا بقى عشان حفلة مواعين الفطار :)

  • معجبة 1

شارك هذه المشاركه


رابط المشاركه
شارك

بنوتاتنا العسولات .. لسة مش لاقيين مواقف طريفة

 

المهم : حصل موقف عـــ الماشى كدة من يومين

 

عندى بفضل الله تليفزيون ضخم ( موضة قديمة ) أبو كلكوعه قد كده فى ضهره

 

ومن فترة قلنا هنجيب شاشة حديثة تتلزق عـ الحيط

 

أستاذنا كتر خيره فاجئنا بيها قبل الفطار بأقل من ساعة :O

 

وانا باجرى ورا نفسى لتجهيز الفطار :( .. طبعا قلتلهم مع نفسكم بقا

 

تعالى شوفى المكان .... جربوا واعملوا اللى انتو عايزينه

 

يا ست الكل انتِ اللى أهم عشان جلستِك وراحة عينِك و.. و...

 

بالله عليكم اقعدوا انتو وجربو

 

المهم أنهوا المهمة بنجاح وفى وقت قياسى

 

ها يالا يا علاء حط الفيش وشغل ... حاضر يابابا

 

مش شغال .............. صدمة........... فين الكتالوج ؟ ..... يانهار ابيض

 

يظهر انى فتحت أفهم من معتز (البائع ) ونسيت الكتالوج

 

يلا جرى نلحقه قبل مايروح .... وقاموا يجروا ورا بعض عشان يشغلوا الشاشة

 

سيبت اللى فــ إيدى وجاتنى حالة ضحك باكى على عدم لهفتنا على كتالوجنا احنا ( القرآن )

 

قلت أذكر نفسى وإياكم إوعى تنسى كتالوجك كله سطر سطر بل حرف حرف

 

تقبل الله منا ومنك صالح الأعمال

  • معجبة 2

شارك هذه المشاركه


رابط المشاركه
شارك

بدأ ت أشهُر الخيرات

 

وسارعوا إلى الصالحات الطيبات استعدادا من الآن

 

ده كده متأخرين كمان

 

اللهم بلغنا رمضان

شارك هذه المشاركه


رابط المشاركه
شارك

ازاي ماشوفتش الموضوع ده قبل كده انا كنت فاكراه جديد

 

بس بصراحه جميل اوي ان شاء الله لي عوده يا ست الكل

 

كل عام وانتي الي الله اقرب وعلي طاعته ادوم

  • معجبة 1

شارك هذه المشاركه


رابط المشاركه
شارك

مواقف جميلة و ظريفة ^ــــــ^

ربي يحفظك يا غالية و يحفظ عائلتك و يزيد بين قلوبكم ألفة و رحمة و مودة ()

  • معجبة 1

شارك هذه المشاركه


رابط المشاركه
شارك

محبوبتنا الغالية

 

سدورة الأمورة

 

بنوتتنا الجميلة برهونة

 

هموّسة الامل والتفاؤل

 

ربى يبارك فيكم جميعا حبيباتى ويحفظكم ويتقبل منا ومنكم صالح الأعمال

 

كل عام وأنتم بخير

  • معجبة 1

شارك هذه المشاركه


رابط المشاركه
شارك

ده انتِ أحلى برهونة فـ الدنيا :)

 

نورتينى يا قمراية

 

موقف صوغنون أوى بس زعلنى على تركيزى لدرجة الضحك

 

شكل الموقف كان عايز تصوير لوضوح الحدث .... المُهم

 

كنت مع أختى أم مروة بنجهز شوية حاجات مُهمة بعد الفطار

 

هاتشربى قهوتك دلوقت ؟ ده سؤال ام مروة

 

لأ هاشرب شاى اخضر لإنى عايزة قهوتى متأخر شوية وانا اللى هاعمله

 

وانا كمان شاى اخضر معاكِ وحُطى عليه نعناع وعصرة ليمون

 

ولإن الطلبين مش زى بعض والشاى الاخضر ورق ( مش باكيت )

 

عندها صفايات فانوس توضع فى الكوب (عاجبانى )

 

( برطمان الشاى كان فيه على قد كوبين فقط ) جهزت فانوس منهم شاى ونعناع

 

والتفت أتفقد الفانوس التانى لتجهيزه

 

ماعرفش إيه اللى حصل بالضبط فى الفيمتو ثانية دى لاقيتنى حاطة الفانوس فى البرطمان وصبيت عليه الماء المغلى

 

أُفاجأ بورق الشاى يرتفع مع الماء واضطريت ألبس النضارة عشان اعرف حصل إيه وفطسنا مـ الضحك انا وام مروة

 

نسيت اقول لكم انى كنت باجهز المشروبات فى برطمانات أصلا فاختلط الأمر بين البرطمان الفاضى واللى لسة فيه حبة شاى

 

استعملنا صفاية عادية سريعا طبعا وصلحنا الموقف بس فضلنا كل شوية نبص لبعض ونضحك

 

هاحاول اصور الموقف تمثيل إعادة حتى يُفهم

 

بس قلت تشاركونى لحظات العبط اللى بتحُط علىّ أحيانا :))

شارك هذه المشاركه


رابط المشاركه
شارك

معلش سيبتكوا  رمضان ده عشان التحديث

ولخبطة أوائل التعامل مع الحداثة

كل عام وانتم بخير .........

موقف أحد  شبابنا ( بارك الله فيهم وأصلح حالهم )

كنت مع الأسرة الكبيرة ع الفطار  ( ماما واخواتى وولادهم )

تفاجءنا بأسرع واحد فيهم ( فطارا  )  نازل اصلى المغرب الأول

طب خد كباية بلح أو عصير  ... نزل جرى

بعدها اللى نزلوا يصلوا  جم وحطينا الأكل فين فلان ؟

ماشوفتوش

لمحته مع واحد صاحبه

يمكن راح يجيب تمر

فييييين قربنا ع العِشا  ... وصل .. تعالى كل لوحدك بقى

لأ  بعدين ... ياابنى انت ما فطرت

أصل شربت حاجات كتير تحت

المهم ... بعد التراويح أحد الأطفال شافه وهو بيغرف لنفسه

فراح ياكل معاه .. سمعه بيقول ( اللهم لك صمت وعلى رزقك أفطرت .... )

قال زيه وضحك وخلص الموقف .. اكتشفنا عند سحور أمى ( بتتسحر بدرى )

نفس الطفل بياكل معاها وبيقول نفس الجملة  ..بتفهمه لأ بتتقال المغرب بس

آااااااه .. فضح الدنيا ( فلان كان بياكل وقالها )

طبعا الواد راح ميت لون وحكى

إنه ملحقش السحور فاتسحر بعد الفجر بنص ساعة وقرر يعوضها

انه يأخر  الفطار ساعتين  عشان يكون ف  الأمان

خد مننا ضحك السنين

وأحد اخواتى الرجال أخده يفهمه

شارك هذه المشاركه


رابط المشاركه
شارك
في ٤‏/١٠‏/١٤٣٩ at 16:40, قالت أم يُمنى:

معلش سيبتكوا  رمضان ده عشان التحديث

ولخبطة أوائل التعامل مع الحداثة

كل عام وانتم بخير .........

موقف أحد  شبابنا ( بارك الله فيهم وأصلح حالهم )

كنت مع الأسرة الكبيرة ع الفطار  ( ماما واخواتى وولادهم )

تفاجءنا بأسرع واحد فيهم ( فطارا  )  نازل اصلى المغرب الأول

طب خد كباية بلح أو عصير  ... نزل جرى

بعدها اللى نزلوا يصلوا  جم وحطينا الأكل فين فلان ؟

ماشوفتوش

لمحته مع واحد صاحبه

يمكن راح يجيب تمر

فييييين قربنا ع العِشا  ... وصل .. تعالى كل لوحدك بقى

لأ  بعدين ... ياابنى انت ما فطرت

أصل شربت حاجات كتير تحت

المهم ... بعد التراويح أحد الأطفال شافه وهو بيغرف لنفسه

فراح ياكل معاه .. سمعه بيقول ( اللهم لك صمت وعلى رزقك أفطرت .... )

قال زيه وضحك وخلص الموقف .. اكتشفنا عند سحور أمى ( بتتسحر بدرى )

نفس الطفل بياكل معاها وبيقول نفس الجملة  ..بتفهمه لأ بتتقال المغرب بس

آااااااه .. فضح الدنيا ( فلان كان بياكل وقالها )

طبعا الواد راح ميت لون وحكى

إنه ملحقش السحور فاتسحر بعد الفجر بنص ساعة وقرر يعوضها

انه يأخر  الفطار ساعتين  عشان يكون ف  الأمان

خد مننا ضحك السنين

وأحد اخواتى الرجال أخده يفهمه

أضحك الله سنك أم يمنى الحبيبة ؛ )

مواقف مضحكة فعلا والموقف الاخير تحفة

بارك الله فيكِ على  إدخال السرور الى قلوبنا ()

  • معجبة 1

شارك هذه المشاركه


رابط المشاركه
شارك

قمراتنا الحلوين

لسه بنقول ياهادى ومشغولين بتجهيز دولاب النواشف  والتلاجة عشان م ناخدش وقت

ماما  اتصلت تقولى رمضان إمتى

هو بالتأكيد  الاتنين  ياماما

باين كان فى احتفال الرؤية النهارده

اذبهليت وقلتلها ابص واقولك

عرفت وقلتلها

احنا مش هنخلص من خيبة الربكة بتاعة أول رمضان دى وناس تصوم وناس لأ

دار هذا الحوار  ع الواتس  ( جروب انا واخواتى بإسم بابا )

هو رمضان إمتى ياجماعة  سؤال أختى

هو الرؤية كانت النهارده واللا إيه    لسه بتسأل

رد أحد إخوتى  .. الرؤية بكرة  .. بكرة 29 شعبان

رديت انا .. ياعم الحاج مش بكره المتمم  لشعبان 🙄

هى ناقصة لخبطة 🙃

وبعت الصورة دى

بناءً على ما أعلنته المحكمة العليا بشأن ترائي هلال شهر رمضان المبارك لهذا العام 1440هـ ، فقد عقدت المحكمة العليا جلسة مساء هذا اليوم السبت التاسع والعشرين من شهر شعبان 1440هـ – حسب تقويم أم القرى – ولم يرد إليها ما يثبت رؤية الهلال هذه الليلة وللأسباب التي أشارت إليها المحكمة في إعلانها ستعقد – إن شاء الله تعالى – جلسة مساء يوم غد الأحد وتصدر قراراً بما يثبت لديها بهذا الشأن، وسيتم إعلانه حسب المتبع.

أكدت  اختى ان بكره 29

رديت كبروا السبت التاسع والعشرين كده 🧐

رد اخويا ..  بيقولك ده تقويم أم القرى  ...  مش أم الدنيا 😂

ماهم واحد دلوقت

المخروبة ماشية على م تقول بلد الرز

لأ ياحاجة مفارقين

ما علينا .. يشربوا جميعا ذنب الناس من عشرات السنين 

كل عام أنتم بخير حال  .. أياما معدودات ..

رزقكم الله صيامه وقيامه وتقبله منا ومنكم .. وأعاده عليكم باليُمن والبركة

والرزق الوفير ومتعكم بالصحة والعافية

وفرِّج اللهم هم الأمة وتوفنا على المحجة البيضاء

 

 

 

شارك هذه المشاركه


رابط المشاركه
شارك

اللهم بلغنا رمضان  وارزقنا صيامه وقيامه إيمانا واحتسابا وخلِّص الأُمة من طهمة المستبدين وفُك كربها ونجها من الأسقام والأوبئة وأحسِن خاتمتنا يارب العالمين ، أنت ولى ذلك والقادر عليه سبحانك ربنا وتعاليت نستغفرك ونتوب إليك

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×