اعتز بالاسلام 126 أرسلي تقرير عن المشاركة قامت بالمشاركة 25 مارس, 2014 كﻻم نواعم ^-^ عزيزتي حوا لما تردي على التليفون بﻻش ألوووووه مع اهتزاز مصطنع لحرف الواو وبحة كاذبة لحرف الهاء O_o لأن ممكن فوزي ابن خالتك اللي يكون متصل ويتصدم الجيران أصﻻ عارفين صوتك وسمعوكي من البلكونة وانت بتنادي على بتاع الطماطم خليها السﻻم عليكم. بﻻش تحطي صورة حمزة نمرة بالجيتار و معز مسعود وهو ﻻبس الطقية وتعمليها صورة شخصية على الفيسبوك وخطيبك برده وهو ﻻبس النضارة الشمس علشان هرمنا. إضحكي وإفرحي من غير زلزالO_o بﻻش هيء هيء وهاهاي وانت ماشيه مع صاحباتك في الشارع أو بتهزروا في الكلية لأنها فعﻻ ملفته والشباب بيتسرعوا ورقبتهم بتلف أوتوماتيك ناحية الصوت. كفايه شهداء هيثم جوز أختك الطويل أبو عضﻻت ده مش من المحارم ^^ آه والله زمبؤلك كده وما ينفعش تجري عليه وتاخديه بالحضن في المطار لما يرجع من السودان والبوسة من هنا وهناعلى خده لأنه تحريم مؤقت وحرام. أونكلك لطفي أبو نضارة مربعة أيون... جوز خالتو فيفي برده ما ينفعش لما تنجحي ياخدك بالحضن ويطبطب عليك ويقول لك مبروك يا حبيبتي ويبوسك من هنا ومن هناك هو مش من المحارم وما تقوليش ده مربيني بابا وماما بس اللي بيربوا. إعﻻن كلوز آب oO اللي البنت في الأوتوبيس لما يفرمل آل إيه... حا تقع والواد اللي غاسل سنانه بيمسكها من وسطها ويلحقها يروح شامم المعجون O_o ويقوم إيه يتجوزها ده تمثيل.. ما تصديقش حا يسيبوكي تقعي وتندبي على وشك وأصﻻ ما بيغسلوش سنانهم فاركبي مع البنات أجدع منهم في الفرامل . البنطلون الاستريتش اللي بيلزق زي الشراب ويبين كل حاجه واللي حا ينتحر قريب من كتر الضيق ما ينفعش تلبسيه قدام إخواتك الصبيان وخالو سعيد وأونكل نظمي. في الحفﻻت الحريمي والأفراح مش علشان بنات بس يبقى مهرجان الميكروجيب للجميع في حدود ومش ﻻزم كله يبان عيب . وانت كمان ما ترجعيش توصفي لجوزك فستان تحية وعنيها ورقبتها وشعرها كان مضروب إزاي في الخﻻط علشان أخوه تامر عاوز يخطب... يا فرحتي بيك.../: هو اللي حا يتجوزها يا أذكي إخواتك وحا يقول لك يجوز التعدد وكله بسببك يا بطة ﻻ يجوز توصفي الستات لجوزك في حاجات كده ما تتوصفش وﻻ تتمسك وﻻ تتقاس بالمتر بس بتستر البنت قوي لما بتعملها ورصيدها في الجنة بيزيد بقلم حنان لاشين شارك هذه المشاركه رابط المشاركه شارك
*تاجى حجابى* 13 أرسلي تقرير عن المشاركة قامت بالمشاركة 26 مارس, 2014 ربنا يصلح حالنا وحال بنات المسلمين شارك هذه المشاركه رابط المشاركه شارك
