مذكرات طالبة ثانوية "حكايا مراجعة"

[بنوته مسلمه مصريه 458]

 

 

السلام عليكم ورحمة الله وبركاته ،،

 

حياكن الله ياطالبات اليوم ومتفوقات الغد بإذن الله.

سنفضفض قليلاً عن كيفية استغلال الأيام المتبقية للمراجعة بإذن الله.

فأولاً وقبل أي شيء نستعن بالله، ولا نعجز،

ونعلم أن ما أخطأنا لم يكن ليصيبنا ، وأن ما أصابنا لم يكن ليخطأنا.

،،♥

♥ أيام المراجعة

 

فى هذه الأيام قبل الامتحانات اعطـي نفسك ساعة استجمام،

وتكلمـي مع نفسك بالورقة والقلم..

 

حددي جدول إمتحاناتك ، وركزي .. إن كان هناك متسع من الوقت قبل أول امتحان فحددي المادة التي تشعري فيها بالضعف ، أو المواد التي لم تعطيها وقتا كافيا للمذاكرة قبل ذلك.

 

بعد تحديد المواد حدّدي درجة المادة وتأثيرها فى مجموعك.

وابدئي بمذاكرة المادة التي لها مجموع أكبر في المواد المحددة.

 

لا تبدئي بأصعب الدروس أو أكثر درس لم تستوعبيها ولكن ابدئي بأيسرها ثم الأصعب فالأصعب.

حاولي أن تنجزيها أو تنجزي الجزء الضعيفة فيه منها في أقرب وقت بس بتركيز.

 

ثم ابدئي بالمادة الأخرى وهكذا كل ذلك مع مراعاة اعطاء وقت لمذاكرة أول مادة من امتحانك.

 

مش هقولك اشربي اللبن ونامي بدري والكلام اللي مش بيحصل ده خالص !

بالعكس أنا عارفة أن فيه دروس يمكن تفضل لآخر اليوم.

 

كل اللي هقوله بعد الدروس اتغدي كويس ، ولو محتاجة تنامي شوية تصفى ذهنك من كم التلقين اللى طول النهار، فياريت قبل النوم تحددي هتذكرى إيه بالظبط ، وحضري الكتب والملزمات الخاصة بالمادة اللي حددتيها واتكلي على الله ونامي واهو تكوني هضمتي الغدا ()

 

بس نصيحة لازم تاخدي وقت كافي في نومك

ما تفكريش كتير قبل ماتنامي وتضيعي وقت نومك فى التفكير

اقرئي أذكار النوم ونامي بسلام :)

،،♥

 

لما تقومي إن شاء الله لو ماصلتيش العشا صلّيها ، وياريت تصلى ركعتين حاجة وتدعي وأنتِ ساجدة ربنا ييسرلك ، ويرزقك الفهم ويبارك في وقتك.

 

تقريبا كل العائلة هتكون نامت أو تستعد للنوم قومي كده يا قمراية واعملي فنجان الشاي أو النسكافيه أو الليترتاحي فيه مش هنختلف يعني ^_^

 

وسمي الله وابدئي.

أنتِ خلاص فكرتِ قبل ماتنامي وقررتي هتذاكري إيه.

 

طبعًا كل واحد ليه أسلوب للمذاكرة وطقوس خاصة به.

وسنتطرق لبعض الطقوس يمكنكِ الإستعانة بها إن أحببتِ إن شاء الله.

 

بس خليني أنبهك لحاجة يا سكرة:

نظام فرش الكتب على السرير و15 كتاب مفتوحين والأقلام مش لقياها وكل شوية تخرجي!

 

آآه أصل نسيت حاجة خارجة أجيبها!

آه أصل نسيت أكلم بكينام أسألها على حاجة!

 

سيبك من البكش ده احنا عارفين وأنتِ عارفة إنك بتهربي ياعسل وبتضيعي وقت ()

 

وهذاكر على السرير دي يبقى هتنامي يعني هتنامي ولو عملتي إيه!!

قومي فوقي كده واغسلي وشك بمية باردة وابدئي على مكتبك.

زهقتِ قومي بسرعة اتمشي.

 

طبعا مش معنى الكلام إنك تواصلي مذاكرة ليل نهار لازم يكون ليكِ وقت للترفيه عن نفسك وتصفية ذهنك شوية.

،،♥

 

الوقت ده مش محتاج كسل أو مليش نفس للمذاكرة وهكذا (أساسا مفيش حد بيبقى ليه نفس للمذاكرة) فمش حجة

 

فى الوقت ده هنصفى ذهننا خالص من أى مشاكل أو خلافات أو أى حاجة مزعلانا

 

حاولى تبعدى عن أى مشاكل خالص حاولى بقدر الإمكان تجنبها

 

هناخد أجازة من النت الفترة دى شوية وإن تستطيعى السيطرة على نفسك ووقتك فادخلى فى وقت ترفيهك بس

 

اظبطى المنبه جمبك علشان

 

ينبهك على وقتك اللى حددتيه قبل كده

 

كونى واثقه فى نفسك وإنك تقدرى تحققى هدفك وإنك تقدرى بإذن الله تعويض ما فاتك من المذاكرة

 

سيبك من لوم نفسك وياريتنى كنت وياريتنى عملت خلاص اللى حصل حصل وما تضيعيش الوقت اللى باقى

 

كمان فى الندم

 

الفترة دى مذاكرتك لوحدك أفضل فبلاش من الحفلة الجماعية اللى بتعمليها أنتى وأصحابك كلنا عارفين نصها

 

بيضيع فى الرغى والضحك

 

وخلاص فمش هنضحك على بعض أصل دول بيشجعونى أصل بنفهم بعض والكلام ده

 

ممكن اللى مش فهماه تحدديه بالقلم الألوان بتاعك ووقت ما تلتقى مع صحباتك فى المدرسة أو بعد الدرس أسأليهم

 

فيه وهم أكيد هيسألوكِ

 

فجاوبى وماتبخليش على صحباتك بالعكس هيبقى مراجعة ليكى

،،♥

 

حل التمارين والامتحانات مهم جدا وهيساعدك على ثبات المعلومات لأن الأسئلة بتتكرر قدامك كتير وكمان

 

هيدخلك فى مود الامتحانات

 

مش هنيأس من أو مسألة أو سؤال أو امتحان من الامتحانات القديمة مش هنعرف نحلها إن خلاص والدنيا تسود

 

فى عينينا وطريقك مسدود

 

مسدود والكلام ده خالص

 

بالعكس هنحاول مرة فى مرة مرة هنبص فى الكتاب او المذكرة والمرة التانية برضوا والثالثة لو لزم الأمر

 

صدقينى بعد كده هتلاقى إن الأسئلة بقت سهلة إنك بتعرفى تحلى كويس وفاهمه كمان كويس إن شاء الله

 

كونى بالقرب ()

 

تم تعديل 27 أبريل, 2014 بواسطة بنوته مسلمه مصريه

[أم سهيلة 878]

و عليكم السلام و رحمة الله و بركاته

 

توجيهات و نصائح جميلة و بأسلوب لطيف : )

ربي يوفق كل الطالبات

 

جزاكِ الله خيرًا

[أمل الأمّة 1093]

فعلاً اللهم بارك : ) الله ىوفق الجمىع ىارب وىنولهن الدرجات العلىا فى الدنىا والآخرة.

[سدرة المُنتهى 87 1317]

وعليكم السلام ورحمة الله وبركاته،،

 

وحشتني المذاكرة والله :)

 

أساسياتي في المذاكرة:

- أستيقظ مبكرًا وأكون نايمة مبكرًا طبعا لأن أفضل وقت للتحصيل هو في الصباح بلا منازع.. تلاقي الوقت فيه بركة

- تنظيم الوقت: يعني أقول كمان نص ساعة أكون خلصت عشر صفحات.. لازم ولا بد أخلصهم في الوقت ده

- استراحة قصيرة لمدة 10 دقائق كل ساعة.

- النوم بعد المذاكرة الطويلة يثبت المعلومة في الذهن.

 

سبحان الله! النهاردة صحيت من النوم ولقيتني حلمت إن كان عندي امتحان ورحت متأخر خالص قبل نهاية المدة بنص ساعة وطبعا منعوني من الدخول والمشكلة اني ما كنتش عارفة اصلا إحنا هنمتحن إيه

بس طبعا (كعادتي) فضلت كووووول خالص وباضحك وسألتهم طيب وبكرة بقى هانمتحن ايه؟ ههههههه

[جمانة راجح 1481]

وعليكم السلام ورحمة الله وبركاته

 

جزاكِ الله خيرًا ياغالية

فوائد ونصائح جميلة

وعجبني التبيه على الحفلة الجماعية : )

 

@@سدرة المُنتهى 87

 

احيًانا الشخص لا يجد رد للصدمة

إلا الضحك : )

[بنوته مسلمه مصريه 458]

و عليكم السلام و رحمة الله و بركاته

 

توجيهات و نصائح جميلة و بأسلوب لطيف : )

ربي يوفق كل الطالبات

 

جزاكِ الله خيرًا

جزاك الله خيراً خالتو أم سهيلة

سعدت لردك جدا

اللهم آمين

 

فعلاً اللهم بارك : ) الله ىوفق الجمىع ىارب وىنولهن الدرجات العلىا فى الدنىا والآخرة.

اللهم آمين

جزاك الله خيرا أمولة : )

[بنوته مسلمه مصريه 458]

وعليكم السلام ورحمة الله وبركاته،،

 

وحشتني المذاكرة والله :)

 

أساسياتي في المذاكرة:

- أستيقظ مبكرًا وأكون نايمة مبكرًا طبعا لأن أفضل وقت للتحصيل هو في الصباح بلا منازع.. تلاقي الوقت فيه بركة

- تنظيم الوقت: يعني أقول كمان نص ساعة أكون خلصت عشر صفحات.. لازم ولا بد أخلصهم في الوقت ده

- استراحة قصيرة لمدة 10 دقائق كل ساعة.

- النوم بعد المذاكرة الطويلة يثبت المعلومة في الذهن.

 

سبحان الله! النهاردة صحيت من النوم ولقيتني حلمت إن كان عندي امتحان ورحت متأخر خالص قبل نهاية المدة بنص ساعة وطبعا منعوني من الدخول والمشكلة اني ما كنتش عارفة اصلا إحنا هنمتحن إيه

بس طبعا (كعادتي) فضلت كووووول خالص وباضحك وسألتهم طيب وبكرة بقى هانمتحن ايه؟ ههههههه

أنا تقريبا كنت عكسك أم جنى : )

وساعات كنت اصحى 2 بالليل واكمل للصباح

الحلم ده اوبشن عند البنات يابنتى ههههههه

أنا دايما أحلم بيه ودايما مش ببقى عارفه انا بمتحن ايه ههههههه

 

وعليكم السلام ورحمة الله وبركاته

 

جزاكِ الله خيرًا ياغالية

فوائد ونصائح جميلة

وعجبني التبيه على الحفلة الجماعية : )

 

@@سدرة المُنتهى 87

 

احيًانا الشخص لا يجد رد للصدمة

إلا الضحك : )

جزانا الله وإياك مرام الحبيبة

أسعدنى ردك حبيبتى : )

[بنوته مسلمه مصريه 458]

 

 

السلام عليكم ورحمة الله وبركاته ،،

 

نبدء بقى المذاكرة إن شاء الله

طبعا عندنا فى الدول العربية يجى 10, 15 مادة ؛عادى ولا يهمنا احن قدها إن شاء الله J

لو هنذاكر عربى طبعا فيها كذا فرع (نحو وصرف وبلاغة ومحفوظات وقراءة إلخ إلخ إلخ ^ـ^

شوفى أى فرع أنتي ضعيفة فيه وابديء فى مذاكرته (طبعا لو لسه فيه وقت قبل اول مادة هنمتحنها)

لو خلصتوها فى الدروس والمدرسة ابدئي بحل التمارين

مثلا هيعطيك فقرة وهيطلب منك تقرأيها ثم تستخرجى مثلا

مضاف إليه

مفعول به

إنَّ وأخوتها وهكذا

لو أنتى مش عارفه فاقرأي الفقرة كويس وروحي بسرعة على درس المضاف إليه وشوفي الأمثلة وإيه هو وبيستخرج من الفقرة ازاى وهكذا مع كل طلب هيطلبوا فى الفقرة وانتي مش عارفه

هتيجي على التمرين اللى بعده هتعرفى أكتر واللى بعده هتعرفى أكتر واكتر إن شاء الله من غير ما ترجعى للكتاب

 

،،♥

نيجى بقى للنصوص أو المحفوظات ودي غالبا بتبقى شعر أو نثر

حاولى تقرأيه الأول وابدئي فى حفظها وتسميعها

والتسميع حسب راحتك أما شفوى أو تحريري على حسب تقديرك أنت

وممكن التسميع عن طريق حل بعض التمارين على ما حفظتيه

 

إذا كانت المادة مثلا تاريخ أو جغرافيا أو فلسفة أو اقتصاد أو أى مواد نظرية قومى بالقاء نظرة فحددي كل مادة وحددي ما تطلبه هذه المادة من فهم فركزي فيه وافهميه جيداً، وما تطلبه من حفظ فلابد من حفظه وتسميعه وحل التمارين عليها لكى يثبت فى ذهنك

 

،،♥

أما مواد الرياضيات والكيمياء والفيزياء فتحتاج منك إلى ورقة وقلم دائما فهى لا تتطلب إلا الفهم الجيد وحفظ القوانين وحل المعادلات

 

هذه المواد تحتاج إلى حل التمارين الدائم لكى تثبت فى ذهنك أيضا

حل الامتحانات سواء فى المواد النظرية أو العملية مهم جدا جدا جدا

وقد ذكرنا ذلك سابقا

وإن لم يكن هناك متسعا من الوقت فحاولى حل الامتحانات بعد المراجعة وسيبك من التمارين بعد كل درس دا لو مفيش وقت

وزى ما قولتلك حتى لو مراجعة ومعرفتيش تحلى أول امتحان مش مشكلة ولا حاجة عادى جدا

بصى تانى وتالت فى الكتاب لحد ما تعرفى تحلى لواحدك من غير الكتاب خالص

 

،،♥

مراجعة قبل الامتحان مباشرة

زى ما اتفقنا احنا خلاص حددنا هدفنا كويس

نتأكد من جدول الامتحان

المادة اللى هنمتحن فيها إن كانت مقسمة نحدد بأى جزء سنبدء

محاولة اعطاء وقت لحل بعض الامتحانات لكى نستكشف مواقف الضعف فى المادة ونستذكرها قبل الامتحان

تثبيت نفسك ومحاولة البعد عن التوتر فكما قلنا ما أصابك لم يكن ليخطأك وما أخطأك لم يكن ليصيبك

نحن نأخذ بالأسباب وندعوا الله أن يجعل النجاح والتوفيق حليفنا

محاولة التقليل من المنبهات خصوصا القهوة وسيبك من انها بتساعد على السهر والحاجات دى

ولو تقدرى إنك ماتسهريش فى الفترة دى يبقى أفضل وطبعا ده هيخليكى تصحى بدرى يعنى الفجر أو قبل الفجر بشوية

ودى بتبقى أفضل ساعات للتحصيل لان دماغك بيكون استريح من التفكير والمذاكرة وخد قسط من الراحة ويمكن بتحصلى أكتر من اللى سهر كمان

وقبل أى شيء حبيبتى احتسبى مذاكرتك وعلمك لله وإنك هتفيد بها أمتك وأبناءك فيما بعد إن شاء الله

حافظى على صلاتك وحاولى قيام الليل ولو بركعة واحدة واطلبى من الله العون والتوفيق

 

،،♥

يوم الامتحان

صباح الخير يوم جديد إن شاء الله وانتى عارفه بقى يوم الامتحان يكرم المرء أو ...............

لا لا إن شاء الله يكرم المرء J

طبعا هنكون صلينا الفجر وقولنا الأذكار وحاولى تفطرى قبل ما تخرجى علشان تعرفى تركزى فى الامتحان بس مش لازم تدبى طبق الفول كله يعنى ^ـ^

إن شاء الله تدخلى اللجنة تسمى الله وبعد توزيع أوراق الاجابة

اهدى خالص وسمى كده وابديء اكتبى اسمك ورقم جلوسك وسطرى الورقة على ما ورقة الأسئلة تتوزع

 

خلاص وصلت ورقة الأسئلة يلا بسم الله ونبدء اقرأى ورقة الأسئلة الأول وابدئي

 

،،♥

لو لا قدر الله وانتى بتقرى الورقة وقف قدامك سؤال أو حسيتى إن ناسية أو أى شيء

ما تخليش ده يوترك خالص لإنك بمجرد ما هتبدي تمسكى القلم وتحلي الإجابة هتيجى فى دماغك وهتفتكري كل حاجة فمتوتريش نفسك

ابدئي بالأسئلة السهلة

وركزى كويس وانتى بتحلي وخلي شكل إجابتك منمق وشكل ورقة الاجابة يساعد المصحح على التصحيح

 

حاول تسيبى مسافة معقولة بين حل كل سؤال

لو وقف قدامك سؤال صعب ومش قادرة تفكري فيه سيبى مسافة معقولة لحله وابدئي فى اللى بعده

 

ممكن تفتكرى حاجة وانتي بتراجعي فيكون فيه مكان لكتابتها

ولما تخلصي شوفي باقى وقت قد ايه

وروحي للسؤال اللى مش عارفاه فكري شوية كده وركزى وإن شاء الله تعرفي اجابته

لو مش عارفه خالص لاقدر الله شوفي اى مُعطا فى السؤال وحلى عليه يمكن يوصلك للإجابة

المهم ماتسيبيش أى سؤال دون إجابة

 

،،♥

لو افتكرتى إجابة لأى سؤال من اللى حلتيهم قبل كده ارجعي بسرعة واكتبى اللى افتكرتيه قبل ما تنسيه

وتبقى عاملة حسابك فى وقت للمراجعة

راجعي ورقة الإجابة كويس مع ورقة الأسئلة وتأكدى إنك مش ناسيه أى سؤال

لسه فيه وقت راجعى كمان مرة

ما تسلميش الورقة قبل نهاية الامتحان

،،♥

خلاص الامتحان انتهى يبقى انتهى

اياك بجد تراجعى مع حد إجاباتك وابعدى عن أى حد بيراجع علشان ما تسمعيش هو بيقول إيه

أولاً لاقدر الله كنت مجاوبة حاجة غلط هيأثر عليك وعلى نفسيتك وعلى المادة اللى بعد كدة

غير كده ممكن تكون إجابتك مختلفة عن صحبتك وانتم الاتنين اجابتكم صح وانتم مش عارفين

فخلاص خلينا فى المادة اللى بعدها

 

تم تعديل 28 أبريل, 2014 بواسطة بنوته مسلمه مصريه

[بنوته مسلمه مصريه 458]

 

السلام عليكم ورحمة الله وبركاته ،،

 

أخيرا حبيبتى تذكرى مع مذاكرتك هذه النصائح

• 
   
  

امنحي نفسك فرصة للراحة وللعب والمرح، كدخول الأنترنت لساعة يوميا، مشاهدة برنامج تلفزيوني.

اعطي وقتا لأهلك فلهم حق عليك، واسألي عنهم وحاولي مساعدتهم، واطلبي منهم الدعاء لك.

التزمي بالواجبات الدينية كالصلاة ، وحافظي على الأذكار جميعها مع الدعاء.

 

و صاحبي الأخيار فهم خير معين لك ، و البعد عن المعاصي ، مع الاستعانة والتوكل على الله أولاً.

 

اعطاء الجسم حقه من النوم والراحة والأكل.

 

التوقف عن المذاكرة عند حصول الملل أو النعاس.

 

ابتعدي عن الإحباط، وإن صادفتك عقبات فتجاوزيها ولا تتوقفي عندها وتستسلمي.

 

 

،،♥

وتذكري غاليتى أنك فى عبادة

 

قال رسول الله صلى الله عليه وسلم : "الدُّنْيَا مَلْعُونَةٌ، مَلْعُونٌ مَا فِيهَا إِلاَّ: ذِكْرَ اللهِ وَمَا وَالاَهُ، أَوْ عَالِمًا، أَوْ مُتَعَلِّمًا"

رواه الترمذي

 

عن أنس بن مالك رضي الله عنه قال: قال رسول الله صلى الله عليه وسلم : "طلب العم فريضة على كل مسلم" رواه ابن ماجه وغيره

 

عن واثلة بن الأسقع رضي الله عنه قال : قال رسول الله صلى الله عليه وسلم : "من طلب علماً فأدركه؛ كتب الله له كفلين من الأجر، ومن طلب علماً فلم يدركه، كتب الله له كفلاً من الأجر"

رواه الطبراني في الكبير

 

،،♥

وفي النهاية

نسأل الله لك التوفيق والسداد

[بنوته مسلمه مصريه 458]

.....................

تم تعديل 29 أبريل, 2014 بواسطة بنوته مسلمه مصريه

[الهنوف2000 0]

بسم الله الرحمن الرحيم

 

أختي الكريمة أود أن أخبرك بأن صلاة الحاجة لا تصح

 

محمد بن صالح العثيمين

 

 

مكتبة الفتاوى : فتاوى نور على الدرب (نصية) : الصلاة

السؤال: بارك الله فيكم يقول قرأت عن صلاة الحاجة في أكثر من كتاب وما رأيكم يا فضيلة الشيخ في هذه الصلوات نرجو بهذا إفادة؟

 

الجواب

الشيخ: وصلاة الحاجة هي أخت صلاة التسبيح أيضاً لم يصح فيها عن النبي صلى الله عليه وسلم شئ والإنسان إذا احتاج إلى ربه في حاجة وهو محتاجٌ إلى ربه دائماً فليسأل الله سبحانه وتعالى على الصفات المعروفة الصحيح الواردة عن النبي صلى الله عليه وسلم والمعروفة بين الأمة أما هذه الصلاة فلا أصل لها صحيحاً يرجع إليها يرجع إليه فلا ينبغي للإنسان أن يقوم به نعم.

[بنوته مسلمه مصريه 458]

@

جزاك الله خيرا حبيبتى

[هدى ايمن ناصر 57]

جميل جدا جزاك الله خيرا

[فدوى المسلمي 531]

ما شاء الله

طرح رائع ومميز

جزاكم الله خيرا :)

[آلآء الله 269]

تبارك الله موضوع رآئع جداً جداً

جزاكنّ الله كل خير يا غاليات

وجعله الله في موازين حسناتكنّ .. ()

[همسات في صمت 101]

تبارك الله موضوع رآئع جداً جداً جزاكنّ الله كل خير يا غاليات وجعله الله في موازين حسناتكنّ .. ()

[هجرة قلب 53]

وعليكم السلام ورحمة الله وبركاته

أيام المراجعة وما أدراك ما أيــــــّـــام المراجعة : )

ما شاء الله نصائح مفيدة جداً وطــــــرح لطيف

جــــــزاكن الله خيراً وج ـعل النجاح حليفكن في الدنيا والاخرة ,,