اذهبي الى المحتوى
دعاء الكروان3294

إلا ليعبدون .. كيف نحقق مراد الله في الآية ؟

المشاركات التي تم ترشيحها

10410760_319114054918729_7583915666523674291_n.jpg

 

 

"وما خلقت الجن والإنس إلا ليعبدون"

..

 

بس يا سيدي ..

 

وقام واخد سبحته وسجادة الصلاة ودخل قفل

 

على نفسه واشتغل ..

- مشكلة كبيرة أوي لما يبقى ربنا مصرح في آية محكمة من آيات كتابه المحفوظ عن الغرض والمقصد من الخلق .. ونبقى احنا غافلين حتى عن الفهم الصحيح للكلمة المعبرة عن المقصد ده ! .. فضلاً عن العمل بما تقتضيه طبعاً !!

 

 

 

يعني إيه "عبادة" ؟؟ .. و إيه شكلها ؟؟ .. وطالما هيا المقصد وحده من وجودنا في الدنيا

، ازاي نقدر نحققه واحنا ربنا خلق وركب فينا متطلبات واحتياجات مختلفة بتفرض علينا سلوكيات وأفعال معينة ؟؟

 

- العبادة في اللغة هي: مطلق الطاعة مع الخضوع ..

وفي اصطلاح العلماء : "هي كل عمل يعمله العبد موافقاً لمراد المعبود"

وبلفظ آخر : "هي اسم لكل ما يحبه الله ويرضاه من الأفعال والأقوال الظاهرة والباطنة"

 

ومن التعريف ناخد إجابة السؤال التاني : ايه شكل العبادة ؟؟

وهل هيا زي ما احنا مصورينها في أذهاننا : صلاة وصوم وذكر وقيام و .. و .. و .. ؟؟

في الحقيقة الصورة دي صورة مغلوطة جداً .. ومخلة بالمفهوم الحقيقي للعبادة ..

ولو رجعنا للتعريف هنفهم ان العبادة لا تنحصر في صورة أعمال معينة ولا أشكال محددة

.. لأن العبادة ببساطة شديدة ليست ذات العمل .. وإنما هي صفة لأي عمل لو توافرت فيه شروط معينة !

 

يعني إيه الكلام ده ؟؟

 

يعني الصلاة في ذاتها ليست عبادة ..

 

وإنما تكون عبادة لو كانت على الوجه اللي ربنا أمر بيه وارتضاه ..

 

عشان كده نلاقي واحد ييجي يوم القيامة بصلاته تلف وكأنها خرقة بالية (يعني حتة قماش قديمة) وتلقى في وجهه ! .. عشان صلاته لم تكن عبادة !

 

ولا الصوم في ذاته عبادة .. ولا الذكر .. ولا أي عمل آخر ..

في حين ان النوم مثلاً ممكن يكون عبادة ! ..

 

لو خليت نيتك فيه لله وقمت بيه على الوجه اللي يرتضيه !

وكذلك الأكل .. وكذلك أي عمل آخر ..

عشان كده نلاقي مما ورد من كلام السلف

: "والله إنا لنحتسب النومة ننامها عبادة لله !"

 

- طيب .. طالما الموضوع كده .. ازاي بقى أي عمل أعمله يكون عبادة ؟؟

بمنتهى البساطة : أن يكون هذا العمل وفق مراد الله !

يعني يبقى في الوقت اللي ربنا أمر بيه .. وبالشكل اللي ربنا أمر بيه ..

وعشان نعرف نحدد الوقت والشكل اللي ربنا أمر بيهم لكل عمل

يجب علينا تعلم بعض الفقه عشان نقدر نعبد صح ..

ونعرف امتى تبقى الصلاة هيا العبادة وايه شكلها .. وامتى يبقى السعي على الرزق عبادة وإيه شكله .. وامتى يبقى الجلوس مع الأهل عبادة وإيه شكله .. وهكذا ..

عشان كده قال العلماء : "العبادة الصحيحة تحتاج إلى جانب من الفقه"

نسأل الله أن يرزقنا حسن عبادته .. وأن يجعلنا من عباده المخلَصين المخلِصين ..

 

 

 

منقول

شارك هذه المشاركه


رابط المشاركه
شارك

السلام عليكم ,,,

جزاكِ الله خيراً دعاء الحبيبة ونفع بكِ ()

وجعل مانقلتِ في موازين حسنالتكِ ()

نسأل الله أن يرزقنا حسن عبادته ...اللهم آمين

شارك هذه المشاركه


رابط المشاركه
شارك

بارك الله فيك على التفسير المبسط لهذه الايه

جعلها الله في ميزان حسناتك

شارك هذه المشاركه


رابط المشاركه
شارك

و عليكم السلام ورحمة الله وبركاته

 

جزاكِ الله خيراً على النقل القيّم .

جعله الله في ميزان حسناتك

اللهمّ وفقنا إلى ما تحبّ وترضى ..

وخذ بأيدينا إليك أخذ الكرام عليك ..

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×