تقاليد العروسه** المسلمه** فى كل *****دول العالم****

[ريحانة الأسلام 0]

 

 

 

ايه رئيكم فى الموضوع الجديد هو من اختراعى

 

عشان نعرف عادات وتقاليد الزفاف فى كل بلد بالشرح والصور خطوه بخطوه

 

ابتداء من اول مقابله الاهل للعريس عشان الخطوبه

 

ثم المهر والشبكه والجهاز

 

وتجهيز العروس

 

ثم الخطوبه

 

ثم عقد القران

 

ثم الزواج بمعنى كتب الكتاب

 

ثم الزفاف فى ليلة العمر

 

وطبعا نبذه عن الدوله وعادتها واشهر معالمها واشهر اكلاتها

 

لنجعل لكل دوله ثلاث ايام ونبداء باى دوله سوف يجمع عليها اول ثلاثه

 

اريد مشاركات وليست مجرد ردود شكر ومجامله

تم تعديل 28 فبراير, 2008 بواسطة ريحانة الأسلام

[jojo 0]

السلام عليكم ورحمة الله وبركاته،،

شكرا اخيتي على هذا الموضوع الرائع

وسيكون اروع لو بدات انت وعرفتينا على تقاليد بلدك

اما انا فلا يمكنني ان امثل بلادي في هدا الموضوع لعدم توفري على الصور

في انتظار باقي الاخوات

[فتاة التوحيد1 1]

 

السلام عليكم ورحمة الله وبركاتة

 

فكرة ممتازة بجد

انا كان نفسى اعرف العادات والتقاليد الخاصة بالزفاف فى كل الدول من زمان

والله اقتراحك ممتاز اختى / ريحانة الاسلام .

أقترح نبدء بمصر

طبعا افراح مصر جميلة .

 

الله يفرح كل البنات ويسعدهم .

تم تعديل 28 فبراير, 2008 بواسطة فتاة التوحيد1

[emy20007 0]

فكرة جميله

وحلو اوى نعرف تقاليد العروسة فى كل دولة

[سهى المصرية 0]

السلام عليكم ورحمة الله وبركاته

 

انا كمان اقول نبدأ بمصر إن شاء الله

[أم ريتاج 7]

السلام عليكم و رحمة الله و بركاته

 

مشكورة اخيتي موضوع جميل

 

و لكن لى تحفظ بسيط على موضوع الصور

 

فجميعنا لن نستطيع اضافة مثل هذه الصور لانها قد تحتوى على سيدات فيها

و انكى تعليمن تماما انه لا يجوز وضع صور فيها نساء مطلقا

اما لو في صور تعبر عن الموضوع و لا يوجد بها نساء او اي شئ ممنوع فلا بأس يا غالية

 

اما انا فافضل ايضا ان نبدأ بمصر

 

و بما انى العضوة الثالثة التى اخترت مصر فبسم الله الرحمن الرحيم سأبدأ أنا و يكمل علي باقى الاخوات المصريات مافاتنى

 

اولا :smile: معرفة العروس بالعريس اصلا

كان زمان ايام ماما و جدتى في الخاطبة و هى اللى كانت زى ما بيقولوا " بتوفق راسين فى الحلال "

اما الان فالموضوع انفتح شوية بقا الولد يشوف البنت او يسمع عنها سمع خير و طيب و يروح يتقدم لها

او تقوم احدى السيدات المعتادة على الصلاة فى مسجد ما بتوفيق الروس فى الحلال

او ان يكون الموضوع صدفه ان رأى الولد البنت في اى مكان

او زمايل فى الجامعة

او صاحبة اختوا

او قريبة مرات خال عمة خالة جدة أبوه

و هكذا

 

ثانيا :- عندما يأتى العريس لمنزل العروس

فيقوم اهل العروسة و العروسة نفسها بترويق البيت و تنفيضه و اعداد الحلويات و العصائر

و تشترى العروسة عادة ملابس جديدة لمثل هذه المقابلة " و قد تكون اول مره يروا بعضهم البعض "

ثم يأتى اهل العريس و معهم طبق من الحلويات او علبة شيكولاته

و يأتى هو و والدته و اخواته البنات

ده لو كانت الجوازة بمعرفة حد

 

اما لو كانت الجوازة بمعرفة الولد و البنت بس

 

فيأتى الولد الاول ليقابل ابو العروسة و يشرح له الظروف

 

و بعد كده لو تمت الموافقة

بيتعمل فرح صغير في بيت العروسة اسمه " قرأة الفاتحة "

يأتى العريس و معه اقاربه و الحلويات قبل اقاربه و يكون جايب هدية للعروسة و عادة ما بتكون خاتم ذهب

و يقرأو الفاتحة ثم يقدم العريس هدية العروس و يتفقوا على ميعاد فرح الشبكه

 

و لا اخفيكم سرا ما يحدث الان غير ذلك نظرا لارتفاع اسعار الذهب و الحياة عامة بمصر

 

فأصبح العريس و اهله ياتون يوم قراءة الفاتحة و يجيب معاه دبلة و محبس و خاتم و ان كان مستريح ماديا شوية يجيب اسورة كمان

و بتكون هى دى شبكة العروسة

 

و ده زى ما قلت لكم عشان ارتفاع اسعار الذهب " الارتفاع اليومي الجنونى "

و كمان عشان يقدر يأسس شقة الزوجية

 

و بيكون ابو العروسة اتفق مع العريس على مدة محددة يخلص فيها العريس نفسه و يجهز الشقة

و برضو بيكونوا اتفقوا على الحاجات اللى هيجيبها ابو العروسة و الحاجات اللى هليجيبها العريس

 

و بعدها في بعض الناس بيعملوا كتب الكتاب قبل الدخلة بمده

و فى ناس بيقولوا لا كله مع بعضه كتب الكتاب و الدخلة مع بعض

 

اما لو كتب الكتاب لوحده يعنى قبل الدخلة فمعظم الناس دلوقتى بتحجز قاعات فى المساجد و تروح تكتب الكتاب هناك

و فى بعض الناس محافظة على التقاليد القديمة ان الكتاب لازم يتكتب في بيت العروسة عشان الناس كلها تعرف " اشهار يعنى "

 

فلو هيكتبوا فى المسجد بنجيب شيكولاته و علب عصير و نفرقها على الناس او في بعض الناس بتعمل بمبونيره صغيرة فيها ملبس و شيكولاته و عليها شريط ساتان مكتوب عليه اسم العرسان و التاريخو دى بتكون هدية للحضور عشان لما يبصوا عليها يفتكروا الفرح و العرسان

 

و بعدها يكون حان بقى ميعاد الزواج

 

فتبدأ العروسة رحلة الحب و العذاب

ههههههههههههههههههههههههههههههههههه

 

اه و الله رحلة الحب عشان هى بتحب زوجها و عايزة تبقى معاه في بيت واحد

و رحلة العذاب عشان المشاوير اللى بتعملها العروسة و اهلها معاها

 

بعدين بقا اكمل لكم

[فتاة التوحيد1 1]

 

السلام عليكم ورحمة الله وبركاتة

 

ممتاز يا أم ريتاج راااااااااائع وصدقا ما ذكرتية فهذا ما يحدث بالظبط .

 

أسمحيلى أكمل من حيث أنتهيتى .... اسفة للمقاطعة .

 

 

وزى ما ذكرت الحبيبة ام ريتاج بعد ما بيتم الاتفاق بين الاهل على موعد كتب الكتاب سواء قبل الزفاف او يوم الزفاف نفسة .

 

أثناء فترة الخطوبة اللى بيكونو الطرفين اتفقو عليها سواء ست شهور او حتى سنة او اكثر او اقل دى بتكون باتفاق الطرفين

 

أثناء الفترة دى بتكون العروسة وأهلها مشغولين بتحضير جهاز العروسة اللى اتفقو علية فى الشروط وتقريبا بيكون على اهل العروسة الفرش كلة والستاير والسجاد يعنى كل الحجات اللى بتحتاج زوقها المهم ان التقسيمة دى بتختلف من مكان لمكان داخل مصر يعنى فى محفظات بيكون العريس علية الاجهزة الكهربائية ( الغسالة ، الثلاجة ، البوتجاز ) ودة زى محافظة الاسكندرية ومحافظات اخرى بيكون اهل العروسة هما اللى عليهم الاجهزة ....... المهم يعنى ان موضوع الجهاز دة بيكون بردو برضى الطرفين .

 

وفى فترة الخطوبة كمان طبعا بيكون فى عزومات للطرفين وطبعا العزومات دى بتكون مهمة اوى لانها بتربط الصلة اكتر بين العيلتين ، وكمان عندنا فى مصر فى حاجة اسمها المواسم او المناسبات ... ودى يعنى ايام محددة فى السنة لازم العريس يجيب فيها للعروسة هدية من جهازها والايام دى زى " المولد النبوى ، عاشوراء، نصف شعبان ..........." معرفش بصراحة اية لزمتها لكن دة سائد اوى عندنا .

 

ولغاية يوم الفرح بيفضل العريس والبنت يجهزو فى عش الزوجية .

 

وقبل معاد الزفاف بحوالى اسبوعين كدة يبقى "يوم الشوار" ودة يعنى اليوم اللى بينزل كل جهاز البنت من بيت والدها لبيت زوجها وبيكون يوم جميل اوى بيبقى صحاب العروسة معاها واهلها وبتكون فرحة كبيرة .... بيتنقل جهازها عللى سيارات نقل وسط زفة كبيرة وهيصة لحد بيتها وبعدين يفضلو اهل العروسة وصحابها وكمان بيكون معاهم اهل العريس يفرشو بيت الزوجية وينظمو فية ويمكن بياخد يومين او اكتر .......... لحد ميبقى البيت جاهز لأستقبال العروسين .

 

 

أترك الفرصة لحبيباتى المصريات يكملو بقة يوم الحنة .

[أمة_الرحمن 90]

انا متابعة معاكم

بس اسمحولي لأنه معنديش وقت اكتب عن العادات تبعتنا

بس موضوع بجد بجد رااااااااااااااااااائع

اذا لقيت وقت ابقلى ادخل واحكيلكوا ^_^ سلامي للجميع

[ريحانة الأسلام 0]

شكرا

jojo

بس على فكره ده اسم الدلع بتاعى احبكى فى الله

**********

فتاة التوحيد1

بارك الله فيك اختى

**********

ايمى 2007

مرحبا بكى اين موضوعاتك نورتينا

*********

سهى المصريه

على فكره بما اننا مصرين زى بعض بتشجعى الاهلى ولا الزمالك؟؟؟؟؟؟؟؟؟ ***________***

********

ام ريتاج

شكرا لكى مشرفتى على الاضافه العطره

*********

أمة _الرحمن

فى انتظارك اختى فى الله

********

 

انا لسه بنوته بس ماما بتجهزنى من بدرى من يوم ولادتى

بس ماما دايما تقول المطبخ والسجاجيد والمفروشات والصينى والالمو نيوم والاركوبال على العروسه

يعنى العريس عليه الشقه سواء تمليك او ايجار وتلوينها

ولينا بقية للكلام

تم تعديل 15 أبريل, 2008 بواسطة ريحانة الأسلام

[دنيا الفناء 0]

السلام عليكم ورحمة الله وبركاته،،

احب ان اشكرك يا اختى فى الله على هذا الموضوع

وساسرد لكن با ختصار عن مراسم الفرح فى بلادى الحبيبة ليبيا

احمد الله على ان الله اوجدنى فى هذه البلاد التى تتميز افراحها بالعزل التام والفصل النهائى للرجال والنساء وليس لالاسف كبعض البلاد العربية التى لاتتمكن المحجبات فيها من مشاهدة الاعراس وذلك لااختلاط ولا ادرى من اين جاءت هذه العادة الدخيلة علينا حيث تختلط النسا ءبالرجال فى الافراح

ومن رايى الشخصى انه لو قامت كل عائلة بمنع دخول الرجال الى افراحها ستتبع بعض العائلات هذه العائلة وهكذا حتى تنتشر هذه العادة

عموما احس باننى خرجت عن الموضوع لذلك لن اطيل عليكم وان شا ءالله موضوعى القادم عن مراسم احتفالات الاعراس فى بلادى الحبيبية ليبيا

وعليكم السلام ورحمة الله وبركاته،،

[ريحانة الأسلام 0]

بارك الله فيكى وأثابكى ونفع بكى

 

وفى أنتظار مشاركتك لناوالتعرف على عادات أفراح أخواتنا فى ليبيا

 

بس فين الاصوات

 

نريد الصوت الثالث هيا

تم تعديل 15 أبريل, 2008 بواسطة ريحانة الأسلام