اذهبي الى المحتوى
موئل النور

مهارات تعليم الأطفال استخدام المرحاض :))

المشاركات التي تم ترشيحها

post-97339-1242483574.gif

 

245964209.jpg

 

تدريب الطفل علي استخدام المرحاض من أكثر المهام التربوية صعوبة لكلا الوالدين والطفل. فهي عملية تعلم معقدة يحتاج فيها الطفل أن يفهم ما تطلبه منه وأن ينفذه ايضا، بالإضافة لمحاولة الطفل أن يدرك علامات ومؤشرات جسده.

 

ليت الأمر يقف هنالك فقط، بل عليه التحكم فى العضلات العاصرة للمثانة والأمعاء ليستطيع أن يتبول أو يقضي حاجته.

 

لذا يمكن ان تكون فترة التدريب هذه محبطة للطفل. التحكم فى هذه العضلات مهارة تحتاج الى تركيز الوالدين والطفل سويا.

 

هنالك تباين كبير جدا في العمر الذي يكون فيه الأطفال مستعدون للتدريب علي المرحاض، اذ في الغالب يبدأ معظم الآباء تدريب اطفالهم بين عمر ال 18 الى 20 شهراً.

 

ويقول الدكتور روبرت ايسمان كبير أخصائي طب الأطفال بمستشفى هاملتون بكندا، أن حوالي %15 - %20 من الاطفال الذين دربوا على استعمال

 

المرحاض أو القعادة من الممكن أن تحدث لهم حادثة تبليل فراشهم حتى سن الخامسة من عمرهم.

 

وغالبا ما يكون الطفل مستعدا للاستعمال المرحاض ما بين السنة الثانية والثالثة.

 

والفتيات يتعلمن عادة اسرع من الصبيان في التحكم في البول والبراز.

 

17_200.gif

 

المراحل الأساسية لاكتساب مهارة التحكم هي:

 

-التحكم فى التبرز، في الغالب يكتمل نمو الأمعاء أولا قبل نمو المثانة.

 

- السيطرة على المثانة أثناء اليوم.

 

- السيطرة على المثانة اثناء الليل.احيانا يستطيع الطفل أن يتعلم التحكم في المثانة والأمعاء سويا، وبعض الاطفال بمقدرتهم تعلم التحكم في المثانة قبل الأمعاء، وكل طفل يختلف عن الأخر.

 

17_200.gif

 

واهم فوائد التدريب على استعمال المرحاض هي:

 

- عدم استعمال حفاظات، يزيد من نظافة الجسم.

 

- التخلص من الحرارة الناتجة من استعمال الحفاظة.

 

- توفير المال.

 

- يساعد في المحافظة على البيئة.

 

- استعداد الطفل

 

17_200.gif

 

يتبع ،،

شارك هذه المشاركه


رابط المشاركه
شارك

حلو اوى موضوعك يا موئل النور..وانا شخصيا عانتين كتير مع ابنى وجربت الاسلوب اللين والضرب وكل حاجة وكان برضو يعند ويعمل على روحه وانا قلعته الحفاضة من سن سن ونصف وهو الان 3 سنوات والحمد لله انتظم في موضوع الحمام ولكن احيانا برضو يعمل على روحه وما اعرف السبب وطبعا عندما يفعل ذلك اضربه

فأنا عايزة اعرف ايه انسب اسلوب لتعويد الطفل على قضاء الحاجة وقلع الحفاضة

شارك هذه المشاركه


رابط المشاركه
شارك

هل طفلك مستعد للتعلم؟

 

الاستعداد البدني يتوقف على تنمية العضلات العاصرة للمثانة والأمعاء. بين السنة الاولي والثانية من عمر الطفل يمكن لمثانته ان تعقد البول لبضع ساعات، وفي الأغلب يبدأ الطفل بالتحكم على الأمعاء قبل المثانة، وينصح الخبراء أن لا يبدأ الأباء التدريب قبل عمر ال18 شهر حتى تكون بداية التدريب أكثر واقعية.

 

ترى الدكتورة تانيا بايرون، خبيرة نمو الاطفال الشهيرة وأخصائية علم النفس الاكلينيكي ، ان مدى استعداد الطفل للتدريب على المرحاض تلخصه العلامات التالية:

 

- رغبة الطفل فى الاستقلال بذاته، وتلبية احتياجاته مثل ارتداء او خلع ملابسه.

 

- فهم الطفل التعليمات البسيطة وتنفيذها.

 

- قدرة الطفل على المشي والجلوس، والمحافظة على توازنه.

 

- رغبة الطفل فى مراقبتك او غيرك عند استعمال المرحاض.

 

- عندما يوضح لك الطفل انه تبول، علما بأن فترات جفاف حفاظة الطفل تدوم ما بين 3 الى 4 ساعات.

 

- عندما يبين لك الطفل أنه تبرز، لتغيري له الحفاظة. وهذه كلها مؤشرات على مستوى نضج الطفل وفهم ما هو ضروري لبدء التدريب.

 

17_200.gif

 

التحكم فى التبرز :

 

رغم ان طفلك قد يكون مدركا للحظة التبول، الا ان الطفل قد يتحكم في التبرز قبل التبول، وذلك لان عقد البراز اسهل بكثير من حبس البول.

 

ولذلك ساعدي طفلك على استعمال القعادة للتبرز فى البداية، هذا قد يكون اسهل خصوصا ان عملية التبرز يمكن معرفتها وتأخذ وقتا اطول من التبول.

 

التحكم فى التبول العلامة الأولى لتحكم الطفل فى تبوله هي عندما يدرك الطفل انه يتبول، وقد يشير الى الحفاظة.

 

وعندما يزداد التحكم من الممكن ان تظل الحفاظة جافة بعد القيلولة. هذا هو الوقت المناسب لبدء التدريب لاستخدام القعادة للتبول.

 

17_200.gif

 

التحكم فى التبول اثناء الليل :

 

التحكم فى التبول اثناء النوم هو آخر مرحلة، فالأطفال عمر 2-3 سنوات لا يستطيعون حبس البول اكثر من 5 ساعات.

 

شجعي طفلك على التبول قبل النوم، وعندما يستيقظ طفلك بحفاظة جافة عدة ايام متتالية، يمكنك وقف استعمال الحفاظة الليلية نهائيا. من المفيد ترك قعاده في غرفة طفلك في حالة استيقاظه للتبول.

 

جربي عدم استعمال الحفاظة ليلا لمدة اسبوع، ولكن اذا بلل الطفل السرير عدة مرات، يمكنك العودة الى استخدام الحفاظه في وقت النوم، وذلك لكي لا يزيد الاحباط والقلق عند الطفل.

 

لا توجد أي طريقة مضمونة لتدريب طفلك، تذكري دائما اتباع غريزتك وعمل ما يمليه المنطق، حاولي تبسيط هذه العملية بقدر الامكان وتقبلي حدوث حوداث بصدر رحب.

 

لا تظهري غضبك ابدا اذا رفض طفلك استخدام القعاده او المرحاض. انتظري، والتزمي الهدوء فصبرك سوف يكافأ

 

17_200.gif

 

يتبع ،،

تم تعديل بواسطة موئل النور

شارك هذه المشاركه


رابط المشاركه
شارك

حلو اوى موضوعك يا موئل النور..وانا شخصيا عانتين كتير مع ابنى وجربت الاسلوب اللين والضرب وكل حاجة وكان برضو يعند ويعمل على روحه وانا قلعته الحفاضة من سن سن ونصف وهو الان 3 سنوات والحمد لله انتظم في موضوع الحمام ولكن احيانا برضو يعمل على روحه وما اعرف السبب وطبعا عندما يفعل ذلك اضربه

فأنا عايزة اعرف ايه انسب اسلوب لتعويد الطفل على قضاء الحاجة وقلع الحفاضة

جزاكِ الله خيرًا أم مالك المصرية على مرورِك الكريم

 

ولكن أنصحكِ يا غالية بعدم استعمال العنف مع طفلِك يا غالية

 

ألم يبُل الحسن أو الحسين على بطن رسول الله صلى الله عليه وسلم فتركه حتى قضى بوله ،

 

فقد روى الطبراني في الأوسط من حديث أم سلمة بإسناد حسن قالت : " بال الحسن - أو الحسين - على بطن رسول الله - صلى الله عليه وسلم - فتركه حتى قضى بوله ثم دعا بماء فصبه عليه " فينبغي يا حبيبة التحلي بالحلم والأناة في تعليم أطفالِنا

وسوف تعلمين استفساراتك إن شاء الله بعدَ قراءة الموضوع كاملًا إن شاء الله

الله يحفظه لكِ ابنك

شارك هذه المشاركه


رابط المشاركه
شارك

السلام عليكم ورحمة الله وبركاته،،

موضوع جميل حبيبتي

أتابع معك

فطفلي الآن في الثانة من العمر .....وبدأت في تعليمه

ولكني صراحة لا أستعمل العنف أبدا ....وأحاول أن أتكلم معه

ولكنه للأسف لا يستجيب

ربي يهديه

في الإنتظار أختي الغالية

شارك هذه المشاركه


رابط المشاركه
شارك

السلام عليكم ورحمة الله وبركاته

 

أنا ولدي متعبني .. بدات اعلمه من سن سنتين وشوية وما قبل معايا بس انا مليت و وقفت ,, ودحين عمره سنتين و10 شهور وهو مو راضي يتعلم ,, ما يرضى يدخل الحمام حتى ..

 

شجعته اشتريتله العاب .. بس مافي فايدة ,, صار يعند ويروح على جنب ويعملها ..

 

الفايدة اللي استفدتها انو المفروض ما كنت اوقف .. اذا بدأتوا تعلموا اولادكم لا تتركوهم الى ان يتعلموا حتى لو طولتوا شوي..

شارك هذه المشاركه


رابط المشاركه
شارك

دليلك التدريجي خطوة بخطوة لتدريب الطفل على المرحاض :

 

17_200.gif

 

 

1. اختيار الوقت المناسب يبدأ تدريب المرحاض في الوقت الذي يناسب الام والطفل. لا تستعجلي ببدء التدريب في وقت قبل ان يكون الطفل جاهزاً.

 

تنصح الاكاديمية الامريكية لطب الاطفال أن لا يبدأ الآباء التدريب اذا كان هنالك مولود متوقع قريبا، أو عدم الاستقرار بالبيت بسبب الانتقال الى منزل أخر أو رجوع الأم لوظيفتها، فهذه التغييرات في حياة الطفل تزيد صعوبة التدريب وتزيد من فشل المحاولة الأولى.

 

عندما تظهر علامات استعداد الطفل، ينبغي مساعدة وتشجيع الطفل.

 

2. علمي الطفل الجلوس على القعاده او المرحاض قبل ان يستطيع طفلك تعلم استخدام القعاده او المرحاض، فانه بحاجة إلى أن يتعلم كيفية الجلوس عليهما بشكل مريح.

 

في البداية يمكنك ان تدعي طفلك ان يجلس على المرحاض أو القعاده بملابسه ليتعود على الوضع الجديد.

 

وبعد ان يتعود الطفل على الجلوس على القعادة، حاولي ان يجلس عليها من دون الحفاظة. حاولي ان تجعلي وقت التدريب على القعادة ممتعا للطفل بالقراءة له او مشاهدة التلفزيون.

 

3. كوني ايجابية وهادئة تعلمي ان تكوني هادئة وايجابية اثناء هذه الفترة. أعطي طفلك الوقت الكافي للتعلم حسب قدرته، لا تقارني طفلك مع الآخرين ولاتقلقي اذا استغرق الأمر وقتا اطول من الاخرين.

 

ان نمو الأطفال وقدرتهم الاستيعابية تختلف وتتطور بمعدلات مختلفة.

 

4. تعودي على مكافأة طفلك متي ما بدأ طفلك فى استخدام القعادة أو المرحاض، او بدأ مجرد الاهتمام بها، شجعيه بلطف وأثني عليه.

 

وكل مرة يستخدم طفلك القعاده بنجاح كيلي له بالمديح قدر ما تستطيعين. الاطراء والمديح سيعززان من سلوكه.

 

ستحدث بعض الحوادث والأخطاء، وهما جزء من عملية التعلم، حاولي الا تعلقي او تعطي الامر كثير من الاهتمام.

 

5. الاحتفاظ بالروتين عندما يتعود طفلك على الجلوس على القعادة، حاولي حثة على الجلوس مرتين الى ثلاثة يوميا.

 

لا تجبرى طفلك على الجلوس على القعادة اذا لم يبدي رغبة، فهذا سوف يأتى بنتائج عكسيه. حاولي جعل اوقات التدريب بعد الوجبات، او عند الاوقات التي يتبرز فيها الطفل.

 

6. الانتقال من الحفاظات الى الملابس الداخلية هذه النقلة هي الاكثر تحديا، حتما ستكون هنالك حوادث، ولذلك عليك ان تكوني مستعدة بدنيا وعقليا.

 

الحوادث يمكن ان يستمر حدوثها لمدة سنة، ولذا لا تقلقي. تذكري أنه إذا بدأت باستعمال الملابس الداخلية فعليك بعدم العودة الى الحفاظات مرة أخرى فإن هذا لن يؤدي الا الى ارباك طفلك.

 

17_200.gif

 

انتهى الموضوع بفضل الله ،،

شارك هذه المشاركه


رابط المشاركه
شارك

السلام عليكم ورحمة الله وبركاته،،

موضوع جميل حبيبتي

أتابع معك

فطفلي الآن في الثانة من العمر .....وبدأت في تعليمه

ولكني صراحة لا أستعمل العنف أبدا ....وأحاول أن أتكلم معه

ولكنه للأسف لا يستجيب

ربي يهديه

في الإنتظار أختي الغالية

وعليكم السلام ورحمة الله وبركاتة ،،

جزاكِ الله خيرًا مشرفتنا ساجدة للرحمن

 

ولكنه للأسف لا يستجيب

`ذلك لأنه طفل يا حبيبة ،،لا يدرِك أن هذا خطأ

وفسيلوجية جسمه غير مؤهلة لذلِك كما ذُكِرَ في بداية الموضوع

وما الموضوع إلا محاولة فقط ومساعدة للأمهات

وعقلية الأطفال هي عقلية الأطفال مهما فعلنا :)

حفظَ اللهُ لكِ ابنك وأقرَّ عينك به

شارك هذه المشاركه


رابط المشاركه
شارك
السلام عليكم ورحمة الله وبركاته

أنا ولدي متعبني .. بدات اعلمه من سن سنتين وشوية وما قبل معايا بس انا مليت و وقفت ,, ودحين عمره سنتين و10 شهور وهو مو راضي يتعلم ,, ما يرضى يدخل الحمام حتى ..

 

شجعته اشتريتله العاب .. بس مافي فايدة ,, صار يعند ويروح على جنب ويعملها ..

 

الفايدة اللي استفدتها انو المفروض ما كنت اوقف .. اذا بدأتوا تعلموا اولادكم لا تتركوهم الى ان يتعلموا حتى لو طولتوا شوي..

وعليكم السلام ورحمة الله وبركاتة ،،

حياكِ الله أختي مشاعر

الفايدة اللي استفدتها انو المفروض ما كنت اوقف .. اذا بدأتوا تعلموا اولادكم لا تتركوهم الى ان يتعلموا حتى لو طولتوا شوي..

نعم يا حبيبة ، نعمَ الاستفادة ، يجب أن تتحلى الأم بالصبر والحلم معَ أطفالها

حفظَ اللهُ لكِ ابنك من كل سوء

جزاكِ الله خيرًا على المرور الطيب

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

طبعًا كالعادة أنا من المعارضين ^_^

 

قبل كل شيء أحب أقول إن كلامي جزء منه بناءًا على دراستي وعملي في مجال رياض الأطفال بالخارج واللي كان جزء منه تدريب الأطفال على الحمام

وجزء منه بناء على بحثي وتصفحي لمواقع كتيرة متخصصة في نصائح لتدريب الأطفال على الحمام

والجزء الأخير من خلال تجربتي مع ابني اللي شبه انتهيت من شوط كبير فيها وربنا يقدرني وأكملها

 

الموضوع المنشور، عبارة عن دراسات قديمة من سنين منشورة بس في الفترة الحالية ظهرت دراسات كتيرة جدًا بتشجع وبشدة على تدريب الطفل وهو صغير

في بدأوا من 40 يوم وفي بدأوا من 3 أو 4 شهور، بس في كل الأحوال بيفضلوا إنه يكون قبل ما يتم الطفل 6 شهور

 

نظرتهم في الموضوع إن الطفل لما بيتولد بيحس بحركات الأمعاء بس طبعًا مش بيكون عارف إن ده معناه الحمام، فلو عودتيه على إنه يعملها في القصرية ودائمًا تعملي له صوت معين زي إإ إح

هيتعود إنه ساعة لما يحس بالأمعاء إنه يعمل نفس الصوت وبالتالي يسهل تدريبه

أما لو سيبتيه لغاية ما يكبر فهو هيتعود على تجاهل الأحاسيس دي وبالتالي هتكوني دربتيه إنه يعمل حمام في الحفاضة

 

لما تيجي بعدها بسنتين أو ثلاثة علشان تدربيه، بيصبح الأمر صعب لأنه مش عارف الإحساس اللي المفروض يحسه إيه وبالتالي بيأخذ وقت طويل من شهر إلى أربع شهور على ما يبدأ يستوعب ويفهم

 

طبعًا ده بيعتمد على الأم كمان، بمعنى إنك لازم تكوني صبورة جدااااااااااااااااااااااااااااااااااااااااااااااااا

وتكون متفرغة تمامًا ومركزة مع طفلك بإستمرار << يظهر عليا بقيت خبيرة ^_^

 

لازم تشجعي طفلك على طول وتعملي فرح لما يعمل حمام صح وتكافئيه

إعرفي إن الموضوع منقسم لمراحل

تدريب على الحمام بالنهار (بدون ملابس وبملابس)

تدريب على الحمام بليل

الاستغناء عن الحفاضة تمامًا

الخروج بدون حفاضة

 

نيجي لتجربتي اللي بدأتها من شهر (عبد الرحمن عمره حوالي سنة وعشر شهور)

الأول أنا بدأت أدربه من 5 شهور بس تعبت وكسلت ودلوقتي بندم أشد الندم إني ما كملتش لأنه كان أسهل بكتير وأنجزت كتير جدًا في خلال أقل من إسبوع

 

وبعدين بدت تاني من شهر تقريبًا

كنت متفرغة له تمامًا وشبه مش بخرج خالص

كنت أي غرفة أو حتى المطبخ، أخذه هو والقصرية معايا علشان ألحقه ومازلت بعملها للآن

في الأول لبسته ملابس داخلية بس حسيت إنه ما فيش تقدم \عملت بحث على النت ولقيت كتير بيشكروا في إنك تسيبي الطفل عريان من غير ملابس داخلية أو حفاضة وفعلا حسيت بالفرق

كان كل ما يعمل حمام بول، يبص ويستغرب من المايه اللي طالعه منه ونفس الشيء مع البراز

طبعًا كانت أزمة وشيلنا كل الفرش بس كونه إنه بيشوف شيء خارج منه خلاه يستوعب بسرعة ويربط بين الاحساس واللي بيخرج

 

في الأول اتبعت نصيحة صحبتي لما قالتلي إنه كل ما يعمل حمام في ملابسه الداخليه، آخده للقصرية علشان يعرف إن المفروض ده يكون بالقصرية ومش بهدومه

بس هو فهمه إنه شيء بيكون يعد ما يعمل ومش قبله

أول مرة كانت أصعب مرة خصوصًا بأنه كان كاره القصرية

خليته مره صحي من النوم وقعدته عليها وقعدت أنا وابوه نلاعبه ونزق فيه لغاية ما عملها وبعدها سقفنا له وهيصنا فشبه استوعب إن ده مكانها ومش ملابسه

لما خليته من غير ملابس

كان كل ما يعملها على الآرض أقوله كخ ولو عملها في القصرية أقوله جميل لأنه عارف الكلمتين دول من زمان

عارف إن كخ وحش وإن جميل حلو

كان لما يبل هدومه أقوله كخ وأخليه يلمسها وبعدين أجيب هدوم ناشفة واقوله جميل واخليه يحس بيها علشان يعرف الفرق بينهم

الحمدلله اتدرب على البراز بس كانت مشكلتي البول

آخر ما زهقت كنت أخليه يعملها وأجيب القصرية قدامه وألحق اللي ينزل منه، شوية شوية فهمها وعرف إنه المفروض يعملها في القصرية

بدأنا بعد كده بتشجيعه بالحلويات وكل مرة يعمل صح نديله شيكولاته فكان فرحان كتير ويعمل علشان ياخد شيكولاته

ولو عمل غلط ينحرم من الشيكولاته وكان يعيط بس كنا بنرفض نديله الا اذا عملها بالقصرية

وكنت دايمًا أقوله "إإ إح القصرية حاجة حلوة"

 

بعد كده بدأت أطنش الحلويات ومش باديله الا لو طلب لانه بحمد الله وفضله اتمكن منها وعلشان ما يتعودش ان يعمل بيها ومن غيرها لا

 

لي عودة بالبقية ان شاء الله

  • معجبة 2

شارك هذه المشاركه


رابط المشاركه
شارك

نسيت أقول إن من الأشياء اللي ابني بيحبها وبتشجعه على الاستمرار هو إنه يشيل القصرية بنفسه ويكبها في الحمام ويشد السافون ^_^

تم تعديل بواسطة ღ أمـ الرحمن ـة ღ

شارك هذه المشاركه


رابط المشاركه
شارك

وعليكم السلام ورحمة الله وبركاتة ‘‘

حيا الله أختنا أمة الرحمن

ما أجمل معارضتك يا حبيبة !

حقًا صدق المثل القائل : اسأل مجرب ولا تسأل طبيب :)

والله هذا الموضع نقلته للأمهات من أجل الاستفادة فقط ؛ لإفادة الأمهات

ولم أكن أدري أنه سيتم هذا النقاش المفيد بينكنَّ

أرجو لكم الإفادة يا حبيبات

والبيت بيتكم ، أقصد الموضوع موضوعكم :)

أترك لكم النقاش ، لأني لست أمًا :)

فلتقودوا أنتم زمام الموضوع

^____^

أسألُ الله أن يحفظ أبناءكم وينبتهم نباتًا حسنًا

شارك هذه المشاركه


رابط المشاركه
شارك

السلام عليكم ورحمة الله وبركاته،

 

أسفة يا حبيبة لم أقصد معارضتك ولكن البنات اللي يعرفوني ومنهم ساجدة عارفين إني دايمًا لي رأي تاني

 

وعلى فكرة موضوعك مش وحش بالعكس أنا استفدت من كام نقطة فيه بس مش موافقة على عدة نقط تانية يعني كان فيه فايدة بالاضافة ان الموضوع ده كان دايمًا البنات يسألوا فيه وما فيش رد شافي

 

وبالتالي موضوعك هيفيد كتير خصوصًا لو الأخوات حكوا تجاربهم مع أطفالهم وأكيد كل أخت ولها إسلوب وتجربة مختلفة ممكن يفيد

 

أنا بس متحمسة شويتين لان عبد الرحمن أول طفل لي وقدرت أعمل ده لوحدي بعون الله ثم بمساعدة زوجي وتشجعيه اللي لولاه كنت وقفت وفقدت الأمل

شارك هذه المشاركه


رابط المشاركه
شارك

السلام عليكم ورحمة الله وبركاته،،

السلام عليكم ورحمة الله وبركاته،

 

أسفة يا حبيبة لم أقصد معارضتك ولكن البنات اللي يعرفوني ومنهم ساجدة عارفين إني دايمًا لي رأي تاني

وعليك السلام ورحمة الله وبركاته

 

^___^

 

صراحة أفدتني كثير يا أمومة

فكما قالت الأخت ما أجمل معارضتك

 

صراحة (على )الآن أحاول معه ...مع أنه حوالي السنتين وشهر

وكانت غلطتي الأساسية أنه لم يخلع البامبرز أبدا طوال السنتين ....ربما لأني أنشغلت ببقية الأولاد _ الله يهديهم

 

والآن أنا أدفع الثمن

هو الآن عندما يعمل حمام في البامبرز يقول لي لكي أخلعه له :sad:

 

يعني بعد ما يعمل

المشكلة عندي إزاي أعرفه إنه مفروض قبل ما يعمل يقولي مش بعديها :sad:

 

وصراحة أستفدت كثيرا من تجاربك

وأحاول معه إن شاء الله

دعواتكن

شارك هذه المشاركه


رابط المشاركه
شارك

وعليكم السلام ورحمة الله وبركاته،،

أختى الفاضلة موئل النور

جزاكِ الله خيرا على الموضوع المفيد...

وأنا أيضا من المعارضين>>>بس مش ليكي يا موئل

ههههههه

معارضة لكلام أمة الرحمن..

فأنا عندى تجربتين..واحدة اكتملت بنجاح والحمد لله والثانية فى مهدها..وبدأت قليلا..

 

والاعتراض على إنى أفضل ورا الطفل بالقصرية كده فى كل مكان لأنه حيزهأ..

وكمان أنا معارضة تماماااااااااا لأن الطفل يفضل كده عريان..يمكن تجربتك نفعت لأنك معندكيش غير ابنك فقط..لكن ماذا عن الأطفال رقم 2 و 3 فى الأسرة؟

كيف ستعلمى الابن/ة الكبرى غض بصرهم عن أخوهم الصغير وهو قاعد طول الوقت عريان..

وبعدين أنا رأيي إن موضوع تعويد الطفل على خلع البامبرز من سن صغير أقل من ست شهور يعني عبارة عن بذل جهد كبير ونتيجته تظهر فى وقت كبير..

طيب لماذا لا ننتظر على الطفل حتى يكبر ويكون سنه عام واحد ثم نبدأ معه...؟!

سنجد استجابة أكثر لأنه أكبر وأفهم للتعامل..

 

سأحكى عن التجربتين اللى مريت بيهم:

الأولى مع عائشة وهي عمرها الآن ثلاث سنوات و5 شهور.

سمعت كثيرا من الأمهات إن المفروض نعود الأطفال من سن صغير زى ما أمة الرحمن بتقول لكنى حاولت مع عائشة ولم أجد من نفسي صبرا على ذلك ولا استجابة سريعة.

وبما إنى قليلة الخبرة ساعتها لم أتحرك خطوات إيجابية..

لكن لما تمت عائشة سنة وشهر بدأت تعويدها على الجلوس على القصرية كل يوم لما تصحي الصبح ولو نامت فى وسط النهار برضه أول ما تقوم من النوم أقعدها..بالإضافة إنى وقت البراز بالذات أول لما أحس إنها حتعمل أجرى على القصرية وأخليها تعمل فيها..

طبعا مرات كانت بتصيب ومرات بتخيب..

تدريجيا حتى تقبلت عائشة القصرية والحمد لله وأصبحت لا تعمل البراز إلا فى القصرية ثم قمت بعد ذلك بمحاولة تعليمها التحكم فى البول..كل ذلك وهى تلبس البامبرز طوال اليوم..

حاولت تعويدها التبول فى القصرية وهى لابسة البمبرز طوال النهار ولم أجد أى تقد لأنها بتعمل من غير ما أنا أحس..

فجربت المشمع يعني ألبسها ملابس تحتية قطنية وفوقها مشمع..وبرضه لم اكن أشعر بها بالقدر اللى يخليها تتعلم بسرعة...

فقررت أن أخلع لها لبامبرز والمشمع نهائيا..

وعملنا حملة فى البيت..لا للبمبرز ولا للمشمع ^_^

وطبعا كان الموضوع صعب وشيلت كل السجاد فى البيت..

واحدة واحدة اتعلمت عائشة..مرة بالشدة ومرة باللين..

مرة بالشدة>>قصدى إنى بقولها ماما زعلانة من عائشة..أو بخاصمها مش بضحك معاها..فكانت بتزعل من نفسها..

ولما بتعمل فى القصرية بعملها فرررررح

حتى جاءت فى أحد الأيام من نفسها وذهب للحمام وأحضرت القصرية بنفسها..

كل ذلك اثناء النهار فقط..أما بالليل كنت أتعمد أخليها تعمل قبل ما تنام مباشرة..ولما أصحى الفجر كنت وهي نايمة كده بشيها وأقعدها على القصرية وأقولها تعمل..وكانت بتفتح عينيها بثقل شديد وهى عاوزة تكمل نومها وكانت بتعمل!!

ولما أقوم الصبح بقعدها تانى..

وفضلت كده معاها واحدة واحدة حتى تحسنت جدا وأخدت خطوة إنى أخرج من غير بمبرز معها على شرط إنى أقعدها على القصرية قبل ما ننزل مباشرة وندخل كذا مرة فى الخارج..

والحمد لله ربنا كرمنى وخلعت البمبرز والمشمع وبقت مبتعملش ولا فى النوم ولا فى الخروج كل ذلك >> وهى عمرها سنة وسبع شهور.والحمد لله رب العالمين.

أما بالنسبة لمريم بنتى وهى عمرها الآن سنة وشهرين وها أنا ذا بدأت من حوالى أسبوع أو أكتر أجرب معها علما أنى لم أجرب معها إلا مرات معدودة من قبل..

ولكنى الآن بدأت أن أقعدها على قعادة التواليت ولكنها فى البداية كانت خايفة ومش حابه..أما القصرية فهي بتهرب منها وبتقوم..لكن القعادة لا مفر..

طبعا لم أحرز نتائج غير أنها بقت لا تبكى عند جلوسها..وهذا كفاية فى البداية..

وربنا ييسر الحال وتتعلم بدرى..

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

إن شاء الله لي عودة للرد عليكِ سجودة

 

وجزاك الله خيرًا أم عائشة على التعليق حتى أوضح هذه النقاط لأني لم أعني ما فهمتيه

تم تعديل بواسطة ღ أمـ الرحمن ـة ღ

شارك هذه المشاركه


رابط المشاركه
شارك

مؤل النور جزاكى الله خيرا موضوع قيم

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

جوزيتي خيرا اختي الحبيبة موئل النور على هذا الموضوع القيّم والمهم لكل الامهات ....

 

كذلك اشكر الاخوات المعارضين والمؤيدين لأن طبعا كل واحدة فيكن ستنفع الاخرى ببعض الامور... وانا اولهم!!!

 

طيب انا ابني الان عنده سنتين ونصف طبعا اتأخرت معاه في استعمال الحمام... انما الان اهو ما زلت بعلمه... في النهار مش بخليه في الحفاض ابدا... وكل شوية اعرض عليه واحيانا هو يقول لي نونو او تواليت خخخخ المهم نجري جري... طبعا لازم ياخذ معاه العابه! المهم احيانا يصيب واحيانا بيقولي بعد ما بيعملها او ربما نصفها ونلحق النصف التاني في الحمام!

 

واحيانا ما بيقول لي ابدا! يعني جنننيييييييييييي الله المستعان...

 

اما بالليل فهو مازال في الحفاض... وكل يوم يستيقظ تقريبا مبلل نفسه! لذلك انا شايفة انه لسى مش جاهز .. برغم انه مش بخلي يشرب سوائل كتير قبل النوم واحيانا بالمرة ما بخليه يشرب.. لكن برضوا كل يوم او يومين ثيابه مبللة واحيانا الفرشة كمان!

 

فإيه هو الحل؟!؟!؟!؟

 

ما تقولولي استيقظي بالليل وقوميه.. لأن اصلا انا لما بنام ما بفيق خخخخخخخ الا على صوته... ولو قومته حيبكي وما يكون مسرور!

 

طيب لو في حل ما هو يا ترى!؟

 

امومة يا ريت تمدينا بالبحوثات اللي عندك! وتفيدينا افادكِ الله

 

واتابع باقي الآراء والخبرات...

 

^___^

شارك هذه المشاركه


رابط المشاركه
شارك

^_____________^

 

الله يحفظ لكم أبناءكم

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

أخيرًا جيت ويا رب الوقت يكفي للرد

آه صحيح، لو قلت كلمة حفاضات يبقى أقصد البامبرز، أصلي مش بحب أكتب بامبرز

ولو قلت حفاضات قماش تبقى الحفاضات القماش

 

إن شاء الله هبدأ بالرد على أم عائشة الأول لإزالة اللبس اللي حصل وأقول بالتفصيل اللي عملته مع عبد الرحمن

وإن شاء الله هتلاقوا إجابة فيه على أسألتكن

وبعدين هرد على سجودة عن بعض الأشياء اللي اتعلمتها عن سن ابنها واللي بيسموه "Toddler Taming" وأظن معناه بالعربي هو - سن التمرد - واللي بيبدأ عادة من 1.5 وينتهي حوالي عند 3 سنين وده السن اللي بيحاول فيه الطفل إثبات ذاته وشخصيته

 

وبالنسبة لمسلمة مجاهدة،

اطلعي يا حبيبة على المنتدى ده مؤقتًا لحد ما أجيبلك الباقي بس ده بعد ردي على البنات إن شاء الله ^_^

http://www.islamicparenting.org/forum/

المنتدى أنشأته واحدة من الأخوات في ملبورن وهو شامل كل شيء عن العناية بالطفل ورعايته من ساعة ما يتولد وأظن فيه جزء للحوامل

 

قبل ما أكمل أحب أنوه إن عملية تعليم الطفل الحمام لا تنحصر في تعليمه الحمام فقط وإنما هي مرحلة بينتقل فيها بشخصيته وكيانه من الاعتماد عليكِ إلى بداية الاعتماد على نفسه على عدة مراحل ستتضح من كلامي اللي هذكره إن شاء الله. ثاني شيء حاولي تستغلي المرحلة دي لتعليمه أكبر قدر ممكن من الأشياء مثل:

بعد الكلمات الجديدة - مشاركته في عملية الحمام سواء بتنظيم القصرية أو بأنه يلبس ويخلع ملابسه بنفسه وغيره الكثير

 

نيجي لأم عائشة الحبيبة والرد على بعض النقاط

والاعتراض على إنى أفضل ورا الطفل بالقصرية كده فى كل مكان لأنه حيزهأ..

أنا لم أعني مطلقًا إني أفضل وراه بالقصرية وأزهقه منها وغير كده هو كان رافضها تمامًا

ولكني ما عنيته هو إني بأخذ القصرية معي للمكان اللي بكون فيه علشان لما أحتاجها، ما أروحش وأدور وعلى ما ألاقيها هيكون خلاص هو عملها

 

وكمان أنا معارضة تماماااااااااا لأن الطفل يفضل كده عريان..يمكن تجربتك نفعت لأنك معندكيش غير ابنك فقط..لكن ماذا عن الأطفال رقم 2 و 3 فى الأسرة؟

أنا نفسي معارضة للنقطة دي ولو لاحظتي إني قلت إني ندمت على إني لم أستمر في تعليم عبد الرحمن وهو سنه 5 شهور لأني لا كنت مضطرة إني أخليه عريان ولا أي شيء كل اللي عملته إني لبسته حفاضات قماش وهو علشان مش متعود على البلل، كان كل ما يعملها على نفسه يبكي، وقعدت يومين بالكراسة والقلم أسجل التوقيت وحسبتها ولقيت إنه بيعمل بمعدل كل نصف ساعة أو أكثر وبالتالي كان سهل عليا إني أعرف مواعيده وأخليه يخلع ملابسه وقتها.

وإن شاء الله مع المولود الثاني هبدأ على طول أول ما عظمه يقوى شوية

 

كيف ستعلمى الابن/ة الكبرى غض بصرهم عن أخوهم الصغير وهو قاعد طول الوقت عريان..

يا حبيبة غض البصر ده اللمفروض يكون لي ولأبوه وله هو كمان (لأنه عمره ما شاف عورته ولا يعرف شكلها) قبل ما يكون لأخواته. بس أنا كنت لازم أشوف أسرع حل لعدة أسباب:

- دي أول تجربة لي وكنت محبطة جدًا لعدم وجود نتيجة ومش عارفة أعمل إيه وأعلم إزاي

- إحنا مسافرين كمان إسبوعين وفي مصر هنكون مشغولين ومش هعرف أدربه

- الإرهاق المادي بسبب الحفاضات اللي بنشتريها

- فوق ده كله إني حامل وشهري التاسع هيبدأ في رمضان يعني لازم أخلص بسرعه قبل كل ده لأنه هيكون صعب جدًا نجيب حفاضات لطفلين

- غير إن عبد الرحمن كبر خلاص ولازم يبدأ يعتمد على نفسه علشان أتفرغ شوية للمولود الثاني

- وغيره وغيره وغيره

 

وبعدين أنا رأيي إن موضوع تعويد الطفل على خلع البامبرز من سن صغير أقل من ست شهور يعني عبارة عن بذل جهد كبير ونتيجته تظهر فى وقت كبير..

بالعكس يا حبيبة ده أسهل بكتير جدًا وبيوفر عليكِ كتير ونتيجته بتظهر في فترة قصيرة، عيبه الوحيد إنه وقت التسنين والمرض ممكن الطفل يعمل على نفسه، على فكره ده مش كلامي وإنما كلام صحباتي اللي جربوه وكانوا مبسوتين جدًا بيه لدرجة أنهم كانوا بيخرجوا بأطفالهم من غير حفاضات والأطفال ما كانوش بيعملوها على نفسهم في الخارج. إن شاء الله هحاول أتكلم عن كيفية تدريب الطفل الصغير بعد أخلص الردود، علشان الأخوات اللي تحب تجربه.

 

وبعدين يأم عائشة مين اللي نتيجته بتأخذ وقت طويل، ده أنا اتخضيت لما عرفت إن عائشة اتمكنت من الحمام بعد 7 شهور وقلت الله يعينك بس طبعًا ليكِ ظروفك وأظن تجربتك تنفع الأمهات العاملات أو المشغولين كتير ومش بيقدروا يسيبوا عيالهم من غير حفاضات بسبب انشغالهم

 

طيب لماذا لا ننتظر على الطفل حتى يكبر ويكون سنه عام واحد ثم نبدأ معه...؟!

سنجد استجابة أكثر لأنه أكبر وأفهم للتعامل..

طب وليه ما نخليش الطفل يتعلم من صغره ويعتمد على نفسه

وليه ما نوفرش على أنفسنا التكاليف المادية ونستفيد منها في شيء نكون محتاجينه

 

أنا في مبدأ ماشية عليه وكتير بيقولوا عليه مجنونة ومش مقتنعين بيه

أنا مقتنعة إن الرضيع بيفهم ويستوعب كويس بس على قد سنه وإني لو دربته على الشيء هيتعود عليه ويتمكن منه زي الطفل الكبير بالظبط وهيكون أسهل لأن الطفل كل ما يكبر، كل ما يكون كوِّن جزء من شخصيته وتبدأ رحلة العذاب معاه.

كمان أنا مقتنعة إني كل ما تعاملي الطفل على أنه طفل، هيفضل دايمًا يتصرف كالأطفال

لكن لما تعامليه على أنه كبير وتتكلمي معاه وتفهميه بلغته، هيعتمد على نفسه ويبدأ في تكوين شخصيته بسرعة على حسب ما ربتيه.

طالما ابني مدرك وعنده استعداد للاستجابة يبقى ليه ما أوجهش طاقته وذكائه وشخصيته في الاتجاه اللي أنا عايزاه وأربيه بما يرضي الله.

ليه أنتظر إنه يكبر وبعدين أحاول أعوده على اللي المفروض يعمله ويتعبني ساعتها

 

السنين الأولى من عمر الأطفال هي أهم فترة في تهيئة الطفل وغرز العادات والتقاليد والطباع الحسنة والتخلي عن الأشياء السيئة.

 

أرجوا إنك تكوني فهمتي قصدي يا حبيبة

 

إن شاء الله هكتب تجربتي مع عبد الرحمن مفصلة في رد منفصل.

تم تعديل بواسطة ღ أمـ الرحمن ـة ღ

شارك هذه المشاركه


رابط المشاركه
شارك

تجربتي مع عبد الرحمن

 

في البداية أحب أنوه إن تدريب الطفل على الحمام وخصوصًا الطفل الأول بتكون صعبة لعدم وجود الخبرة، لكن لو عائلتك كبيرة والتناسل مستمر لأخواتك ^_^ ما شاء الله لا قوة إلا بالله يبقى أكيد عشتيها لما والدتك دربت أخواتك على الحمام

 

يعني لازم تدخلي التجربة وإنتِ عازمة على الاستمرار وتخطي العقبات مهما كانت

 

لازم يكون عندك صبر كبييييييييييييييييييييييييييييييييير جدًا لحد ما يبدأ طفلك في التطبيق

 

البداية

 

كانت وعبد الرحمن عمره خمس شهور

 

كانت جدتي دايمًا تتخانق معايا وتقولي إبدأي علميه وإزاي إنهم كانوا بيعملوا الأطفال أول ما يتموا أربعين يوم وأنا مكبرة دماغي وبقول لنفسي لسه بدري

وحكت لي عن واحدة من العائلة اللي كانت والدة لسه قريب وإزاي أنها لما زارتها لقت الطفلة (خمس شهور) بتقول صوت زي إإ إح وفجأة الجدة سألت إذا كان في قصرية؟؟، فردت جدتي: لا

فقامت جدة الطفلة وأختها الحمام

سبحان الله، بصراحة انبهرت

 

ملحوظة: ما كنتش مقتنعة بكلام جدتي لأن خالتي كان ابنها حوالي سنة ونصف وجدتي عايشة معاها، فإزاي تلح علي كده مع إن حفيدها مش متدرب

 

في نفس الفترة كنت بتكلم مع واحدة من صديقاتي اللي بالخارج وجت سيرة تدريب الاطفال وقالت على الدراسات اللي ظهرت جديد، فقلت ابحث وأشوف إيه الموضوع

 

أسفة زوجي صحي، لي عودة بالبقية إن شاء الله

شارك هذه المشاركه


رابط المشاركه
شارك

ما شاء الله موضوع مفيد جدااااا ربنا يكرمكم جميعا

 

الحقيقه جه في وقته انا اصل ابني عنده سنه ونصف ولحد دلوقتي مش عارفه ابطله الحفاضات خالص

 

وانا بردوا مشغوله كتير في الشغل اليومين دول الله المستعان بس لو اضطريت اخد اجازه هخدها عشان انا حاسه ان كده كفايه

 

بس المشكله الكبيره اللي موجهاني انه مش قادر يستوعب انه بيعمل ومش بيقولي غير بعد ما يعمل

 

والمشكله الأكبر ان معنديش صبر وحاسه ان عمري ما هنجح في الموضوع ده

 

بانتظار خبرتكن وتجاربكن حبيباتي

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×