اذهبي الى المحتوى
marble

اختى....ايه رأيك تكونى منتقبة؟

المشاركات التي تم ترشيحها

بسم الله الرحمن الرحيم

السلام عليكم ورحمة الله وبركاته

ترددت كثيرا في فتح هذا الموضوع لانكم كما ترون موضوع النقاب تكرر مرارا وتكرار ويثير الجدال اينما طرح وطالما اتهم مؤيدوه بالتشدد والتعصب واتباع هوى النفس وانهم يفرضون في الاسلام فروضا ويحرمون على غير المنتقبات لبسهن لهذا الحجاب وانهم يزكون انفسهم بلبسهن النقاب واتهامات كثيرة

ويمكن اللى شجعنى لعرض هذا الموضوع في هذه الفترة بالذات ان الحمدلله وجدت ان في اخوات حولى اعرفهن نفسهم تهفوهم للبس النقاب وبيدعوا ربنا كثيرا للبسه فكان هذا الموضوع ان شاء الله تثبيت لهن باذن الله واسأل الله الاخلاص قولا وعملا

 

واعدكم ان تتحدث هذه الغرفة بلسان اخراكثر تحبيبا في النقاب بلا جدال ولا نزاع

ووعد الحر دين عليه :roll: !!

ويشهد الله ان مادفعنى لكتابة هذا الموضوع الا حبي لكنَ في الله :cry: وفى رغبتى ان يجمعنا الله جميعا في جنة الفردوس وان يحشرنا مع زوجات النبي صلى الله عليه وسلم

ويبقي فقط ان انوه اننا لن نتحدث عن فرضية النقاب من عدمه فهو مفتوح لكم ان تقتنعوا بالفرضية ام الافضلية مما تستشفوه من قراءاتكم لكتب التفاسير واراء العلماء

فالموضوع هنا يحمل معنى الدعوة بدون التطرق للجدال في الامور الخلافية!!وساعرض الموضوع ان شاء الله على هيئة سلسلتين وكل سلسلة ذات حلقات مرقمة باذن الله

وانتظرونى

وجزاكم الله خيرا

السلام عليكم ورحمة الله وبركاته

تم تعديل بواسطة marble115

شارك هذه المشاركه


رابط المشاركه
شارك

وعليكم السلام ورحمة الله وبركاته

ستر الله عليكِ أخيتي الكريمة، وبداية موفقة بإذن الله.

شارك هذه المشاركه


رابط المشاركه
شارك

بسم الله الرحمن الرحيم

السلام عليكم ورحمة الله وبركاته

جزاكى الله خيرا اختى المشرفة على كلماتك التشجيعية :) واسأل الله ان يرزقنى الاخلاص في كلماتى...وانتظرونى وان شاء الله تستفيدوا منها

السلام عليكم ورحمة الله وبركاته

شارك هذه المشاركه


رابط المشاركه
شارك

(1)

السلام عليكم ورحمة الله وبركاته

اخواتى في الله منتقبات وغير منتقبات

لن ابدأ حديثى بالبداية التى تفزع الكثير منكم وتجرى الدم في العروق :roll: وما كنت اعلم انها مثيرة او مستفزة لهذه الدرجة وهى عبارة(النقاب فرض)

واحب ان ارفع شعارى عندما قررت فتح هذه الغرفة وهى....

لا للجدال ولكن الدعوة بهدوء

كتير من الناس بيرددوا عبارة(النقاب فضل او فضيلة)

طب تعرفوا هى معناها ايه؟؟

ساستعين برأى الشيخ الجليل الالبانى في شرح افضلية النقاب على الحجاب العادى (غطاء الرأس)فيما يفيد موضوعى...قال الشيخ الجليل

السنة: ما يثاب فاعله، ولا يعاقب تاركه، والمستحب كذلك؛ إذن الشيخ يرى أن التغطية سنة مستحبة، لم يقل:

مباح، جائز، بل قال: سنة، مستحب؛ وهذا ألفاظ شرعية تدل على الأفضلية..

.والمشروع هنا هو تغطية الوجه،ومعلوم المشروع وهو ما شرعه الله تعالى أفضل من الجائز، وهو ما أباحه الله تعالى.

وفي بعض الناس بتفهمها خطأ تقول دى زيادة تقوى منى وزيادة تستر منى..... لى انى اعملها او معملهاش لانها فضل!!

 

سبحاااااان الله !!!! ده في اية كريمة بتقول

(يمنون عليك ان أسلمو قل لاتمنو على اسلامكم بل الله يمن عليكم ان هداكم للايمان ان كنتم صادقين )

الناس فاهمينها بالمقلوب

يعنى حتى لو عايزين يصححوا رؤيتهم شوية يقولوا طيب ده فضل من ربنا على انه يرزقنى حاجة زى دى ويهدينى انى اتستر مش انه فضل منى؟؟؟!!!

وانا بقول الكلام ده بناءا على ناس شفتها وكلام سمعته من واحدة منتقبة

 

سبحاااان الله!!

على حجاب هذه الايام الوانه تجنن :cry: بتدعو لاطلاق البصر انا نفسي كفتاة انظر اليها والى تناسق الالوان والشياكة والخرز والترتر اللى بيلمع فيها والى طريقة ال cross في لف الايشارب التى طالما جننتنى (ايام الجاهلية) قبل الالتزام لأتعلمها الى الbandاو اللى بيسموها (باندانا) وليها لون وتلبس تحت ايشارب لون مختلف عشان تعمل contrastشياكة يعنى

الى لفات الايشارب التى تخنق الرقبة لانها ملفوفة حولها مباشرة ولاتغطى الصدر كأنه لم تنزل اية تقول

(وقل للمؤمنات يغضضن من ابصارهن ويحفظن فروجهن ولا يبدين زينتهن الا ماظهر منها وليضربن بخمرهن على جيوبهن)

الى حجاب جديد غريب من نوعه يغطى الشعر والرقبة ثم يمر ليظهر الاذن!!!

الحجاب الspanish

لاحول ولاقوة الا بالله هل هذا نوع جديد من الحجاب نزلت به اية؟؟

.دى فتنة.الى جانب ان شكلها مش ظريف :wink: الى جانب انى اكتشفت ان موضة اظهر الاذن من تخت الحجاب قديمة جدااااا

طب بفرض خلاص لبسنا عباية

(عباااااية مش بنطلون وعليها بلوزة قصيرة او بودى اوشيميز اوحاجة من الحاجات الوحشة دى) مع الايشاربات دى طب ماكده الحجاب مش مستوفي كل شروطه...ويااارب العباية ماتكونش زينة في نفسها...تخيلى الاية بتقول

(ولايبدين زينتهن) واحنا بنخالف ونبدى الزينة

وصور الزينة معروفة تناسق الالوان

ولا اعنى اننا نبقي مبهدلين :hhha:

لكن مايلفتش النظر والتطريز والايشاربات المشجرة القصيرة ولبس الخواتم والذهب اعنى اظهارهم

يعنى ربنا سبحانه وتعالى بعث لنا رسولنا الكريم صلى الله عليه وسلم ليكون لنا قدوة واسوة ونموذج نسير على دربه هو واوزواجه ثم صحابته ثم التابعين

وادينا دلوقتى عايشين في هاويةالمنحدر ونرى مظاهر العرى قد تفشت فهذا يعنى ان ماكان قبلنا كان اكثر مننا تسترا فاكثر فاكثر حتى نصل لزمن النبي صلى الله عليه وسلم اللى كانت فيه النساء يرتدين السواد حجابا لا حدادا وهناك احاديث كثيرة عن عائشة ا تصف فيها لباس النساء(متلفعات بمروطهن مايعرفن من الغلس) والغلس هو الظلام الدامس وقول اخر(عليهن اكسية سود كأن على رؤسهن الغربان من السكينة) مش ده برضه قول امنا عائشة ا وكانت صغيرة لما اتحجبت هو الحجاب ده مش لينا احنا المسلمين

سؤال:ليه دايما بنفهم ان المؤيدين للنقاب اللى هو عبارة عن قطعة قماش سوداء تغطى بنعتبرهم متعصبين متشددين ؟؟

الجواب :لا ابدا هم مش بينادوا بكده

هم بينادوا بالرجوووووع للحجاب اللى كانت بترتديه نساء النبي صلى الله عليه وسلم في حرصهم على حجابهم وهم مثلا بينفذوا سنة من السنن او فرض من الفروض نفسهم برضه ان اخواتهم ينفذوه زيهم

وبالنسبة للاخوات اللى نفسهم يلبسوا النقاب نصييييحة اختى ساااااااااااارعي اليه والله والله هتحسي بحلاوة محدش هيحسها غيرك وهتلاقي نفسك فرحاااانة جدا ماتعرفيش ليه ولو الاهل مش موافقين ماتيأسيش ادعى لنفسك بالثبات وادعى لهم بالهداية وبان ربنا يشرح صدورهم لتقبله وابتدى ادعيهم بالحسنى انهم يقتنعو وسوقي لهم الادلة وافتحى معاهم كتب التفاسير القرآن دستورنا والسنة منهاجنا نرجع لمين غيرهم؟؟

ولو زاد الامر سوءا معاهم واصروا على الرفض فما تركنيش الموضوع خليكى لسه سخنة فيه وحطيه في دماغك كاى اولوية بتدى لها اهتمام ناس كتير خدتهم الحمية في الاول وبعد كده بردوا وكأن شيئا لم يكن وللاسف ده بيسوء الصورة عند الاهل وبيعتبروا النقاب مجرد حاجة بنتهم شبطت فيها لفترة وبعد كده زهقت وبيزود التأكيد والاقتناع عندهم ان حجاب الايام دى يمشي مع اننا في عصر الفتن خلاص المنتقبة والغير منتقبة بتتعاكس ماعدتش تفرق مع الشباب فاولى باولى اننا نزيد التستر

كما ترون انى لم اناقش فرضية النقاب ولكنى ادعو لتفتيح المسام المنغلقة تجاه هذا الموضوع والله اعلم بنيتى واسأل الله ان يجعل كل اعمالى خالصة لوجهه الكريم

السلام عليكم ورحمة الله وبركاته

تم تعديل بواسطة marble115

شارك هذه المشاركه


رابط المشاركه
شارك

أولا مرحبا بكي اختا لنا في الله وبداية موفقة إن شاءالله

ثانيا موضوعك غاية في الروعة وارجو ان تكملي موضوعك وجزاكي الله كل الخير اختي

 

ثالثا: رجاء خاص للمشرفة تثبيت الموضوع بعد اذنها واذن صاحبته ولكن بتغيير العنوان

مثلا ليصبح (إلى كل من رفض النقاب)

او نكتفي بوضع كلمة (النقاب)

 

فالموضوع ماشاء الله مميز جدا

شارك هذه المشاركه


رابط المشاركه
شارك

آسفة لقد قرأت عنوان الموضوع مرة اخرى ووجدته مناسبا

واقتراحي بتغيير العنوان لأني حسبته في الاول انه مجرد ترحيب من اختنا لأنها جديدة معنا .. :roll:

شارك هذه المشاركه


رابط المشاركه
شارك

[align=center:6f1dd34ebd]بسم الله الرحمن الرحيم

السلام عليكم ورحمة الله وبركاته

جزاكن الله خيرا اخواتى

جزاااكى الله خيرا على كلماتك وعلى ترحبيك بي :roll: ...وبالنسبة للعنوان فخلاص لن اغيره كما طلبتى فاعتقد انه اكثر تعبيرا عن مضمون الموضوع وان شاء الله المداخلات القادمة فيها مفاجأت كتيييير وان شاء الله تحقيقا لاتعليقا وثقتى بالله سبحانه وتعالى كبيرة اننا نطلع بنتائج ونجد من الاخوات من تقول انها تريد الانتقاب وياريت تقولى لى يا اختى انتى منتقبة ولا لا؟...لانى ناوية اعمل هنا قائمتين قائمة باسماء المنتقبات فعلا وقائمة اخرى باسماء الاخوات اللاتى يتمنين لبس النقاب لكى ادعو لهن وسائر الاخوات بظهر الغيب بارتداء النقاب

وبالنسبة لتثبيت الموضوع فانا معنديش مانع وطبعا بعد اذن المشرفة

جزااااكى الله خيرا على كلماتك :cry: وتابعينا ...اللهم ارزقنا الثبات على دينه وبارك الله فيكى اختى

السلام عليكم ورحمة الله وبركاته[/align:6f1dd34ebd]

شارك هذه المشاركه


رابط المشاركه
شارك

بسم الله الرحمن الرحيم

(2)

السلام عليكم ورحمة الله وبركاته

سؤال بيطرح نفسه :lol:

مش اللى عايز يعمل حاجة لازما ولابدا يعرف ايه فوايدها. :lol: ..دلوقتى هقول الفوائد الظاهرية

والفوائد الباطنية طبعا عارفينها انه افضل وانه قربي لله تعالى

وسبحان الله تستر المرأة الكامل له فوائد جميلة جدا مايحسهاش الا اللى لبسوه(وعلى لسانهم)

هى فوائد عجبانى شخصيا حتى من قبل ما البس النقاب :lol:

مثلا في الميكروباص لما تيجى تركبي كأن في حالة لبس حصلت فيه :roll: كله بيوسع للمنتقبة احتراما لها(وانا لا ازكيهم على الله في ان شكل الحجاب ده مثير للاحترام) بس ده اللى بيحصل فعلا....ولو قدر الله ان قعد جنبها رجل برضه يوسع لها وبيبقي كأنه قاعد مش على بعضه :wink: خايف انه يمسها....

سبحان الله!! انتى كده بنقابك خدتى عليه كذا ثواب

اولا :اعنتيه على غض بصره

(ومن دعا الى هدى كان له من الاجر مثل اجور من تبعه لا ينقص من اجورهم شيئا)

ثانيا: اعنتيه انه لايمس بدنك

(لأن يطعن في رأس احدكم بمخيط من حديد خير له من ان يمس امرأة لاتحل له)

ثالثا :خارج الميكروباص في الكلية بيخلصك من آفة الاختلاط سبحان الله مثلا كنتى بتكلمى ولد وانتقبتى مرة واحدة سيبك من انه مش هيعرفك بس مش هيجرؤ انه يجى يكلمك هيحس بهيبة تانية

ده غير طبعا وانتى لابسة القفازين محدش هيسلم عليكى بالايد

رابعا : تستر وعفة وطهارة من جوة

خامسا : بييعينك انتى نفسك على غض البصر وبيعين غيرك معاكى

سادسا :بيقرب منك صحبة صالحة ماتعرفيش ازاى لانهم هيتوسموا فيكى الخير وهتلاقيهم هم نفسهم بيدعوا لك بالثبات

سابعا :هتحسي بقرب شديد من ربنا سبحانه وتعالى هو اللى انعمه عليكى واختصك به

ثامنا :بيحميكى من اسمرار البشرة في الصيف :cry: بالذااااات لو خدتى بالك وانتى محجبة بتلاقي في فرق في اللون بين برة وجوة لكن في النقاب بيبقي في homogenity في اللون

وكفاية كده النهاردة :yaha: :lol:

السلام عليكم ورحمة الله وبركاته

تم تعديل بواسطة marble115

شارك هذه المشاركه


رابط المشاركه
شارك

بسم الله الرحمن الرحيم

السلام عليكم ورحمة الله وبركاته

اختى المشرفة

جزااااااااااااااكى الله خيرا على تثبيت الموضوع وياتمنى من الله ان يكون الموضوع فعلا اهلا للتثبيت واسأل الله تعالى ان يرزقنى الاخلاص في كلماتى وان تلقي صدى في نفوس اخواتى...واعجبنى جدا الحب بين الاخوات هنا وان شاء الله يكون موضوعى مكمل لهذا الحب الخالص في الله...السلام عليكم ورحمة الله وبركاته

شارك هذه المشاركه


رابط المشاركه
شارك

وعليكم السلام ورحمة الله وبركاته

ثبّتكِ الله بالقول الثابت في الحياة الدنيا وفي الآخرة يا أخيتي العزيزة، وألف الله بين قلوبنا..

شارك هذه المشاركه


رابط المشاركه
شارك

السلام عليكم ورحمة الله وبركاته

مهما وصفت لكى يا اختى فى الله لن تصدقى مدى فرحتى بما كتبتى فى هذا الموضوع

على فكرة انا لبست النقاب حديثا وقد قامت على العاصفة التى لم تقوم يوم قررت ان اخلع عن رأسى الطرحة (قبل5سنوات) فسبحان الله على التناقض فى مجتمعاتنا _الاسلامية_

ولكن احب ان اؤكد على قيمه الصحبه الصالحة االتى تعين على الصالحات فكم من اخت لبست النقاب ثم خلعتعة بسبب الصحبة السيئة

أم الشهداء

شارك هذه المشاركه


رابط المشاركه
شارك

[align=center:2ceea1f6c3]بسم الله الرحمن الرحيم

السلام عليكم ورحمة الله وبركاته

جزاكى الله خيرا

ربنا يكرمك يارب :roll: ...جزاكى الله خيرا على كلماتك وعلى فكرة انتى كده تعتبر رقم 1في قائمة المنتقبات ان شاء الله...واتمنى من اخواتنا هنا انهم يدخلوا ويشاركوا يمكن هم مستغربيننى عشان انا جديدة معاكو الله اعلم

جزااااكى الله خيرا :cry: وربنا يويد فرحك يارب اكتر....وربنا يثبتك يارب....وبالنسبة للعاصفة اللى واجهتيها فهذا دربنا درب الغرباء مش النبي صلى الله عليه وسلم قال(بدأ الاسلام غريبا وسيعود غريبا كما بدأ فطوبي للغرباء)....وبالنسبة للصحبة الصالحة فصدقتى اختاه وفعلا في مثل بيقول(الصاحب ساحب) فيا اما يسحبك لطريق الخير او الشر والعياذ بالله

السلام عليكم ورحمة الله وبركاته[/align:2ceea1f6c3]

شارك هذه المشاركه


رابط المشاركه
شارك

بسم الله الرحمن الرحيم

 

(3)

السلام عليكم ورحمة الله وبركاته

 

نستكمل معا

حاجة دايما بتخاف منها البنات :lol: قبل ما تلبس النقاب ألا وهى ......

 

وكلكم طبعا عارفينها :wink: ........(الزواج)

 

طب هسألكم سؤال إنتم مش مؤمنين بالله سبحانه وتعالى ومؤمنين إنه مُقسِّم الأرزاق وعلام الغيوب؟؟

الزواج ده رزق من ربنا سبحانه وتعالى يؤتيه من يشاء وينزع الفضل ممن يشاء...يعنى ماتخافيش هيجيلك هيجيلك :roll: ده مكتوب ومقدر لكِ يتقدم لكِ في اليوم الفلانى في السنة الفلانية....

 

وعايزة أطمنك إنه بفضل الله رزق المنتقبات اللى شفتهم حولى (ولا أحسدهم) ماشاء الله بيبقي أوسع أوسع بكتيـــــر

مابيجيلهمش الا الملتزمين غالبا

واحد قاصد بزواجه منها رضا الله سبحانه وتعالى وإنها تعينه على طاعته....يعنى واحد عارف ربنا

واحد عايز بدايته تبقي كده تفتكرى ده أحسن ولالا؟

 

(وكل واحدة على اد نيتها في الزواج وفي ارتداء النقاب قاصدة به وجه الله تعالى والتقرب منه بتنفيذ أحكامه ولا عشان يجيلها واحد كويس )

 

والنبي صلى الله عليه وسلم بيقول:

"إنما الأعمال بالنيات وإنما لكل امرئ ما نوى فمن كانت هجرته إلى الله ورسوله فهجرته إلى الله ورسوله ومن كانت هجرته إلى دنيا يصيبها أو امرأة ينكحها فهجرته إلى ما هاجر إليه "

الراوي: - - خلاصة الدرجة: صحيح - المحدث: ابن تيمية - المصدر: مجموع الفتاوى - الصفحة أو الرقم: 20/223

 

يعنى لو كانت نيتها إنها تلبس النقاب عشان يجى لها واحد كويس فقط دى نية فاسدة ومردودة عليها ولبئس النية :lol: !!

 

لازم تخلص في أى عمل تعمله أنه يكون فقط>>>لله !!

 

حاجة تانية ناس بتفتكر إن النقاب عائق عن الزواج طب هرد عليها بسؤال

تضمنى منين إنه حتى يجى لكِ رزق الزواج وإنتى غير منتقبة؟

ممكن تفضلي غير منتقبة وبرضه يمر عليكِ قطار الزواج :lol: !

 

بلاش كده أنتِ وانتِ غير منتقبة واحد اهو شافك وشاف اد ايه انتى جميلة و و..واتقدم لك تضمنى منين انه لازم يجي كويس او ملتزم؟

الله أعلم....ربنا هو عالم الغيب

 

الخلاصة يعنى النقاب(قطعة القماش السوداء هذه) مش هى اللى بتفرق ولا هى اللى هتمنع الرزق..!

لكن العبرة بالتقوى

" ....وَمَنْ يَتَّقِ اللَّهَ يَجْعَلْ لَهُ مَخْرَجًا (2)وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3) "من سورة الطلاق

 

وعلى فكرة دى تعتبر فايدة جميلة أحب أضيفها لفوائد التستر الكامل...إنه بيغرس فيكى وازع التوكل على الله واليقين بالله والثقة في الله

سايبة نفسك ومستسلمة لربنا سبحانه وتعالى ومتوكلة عليه :cry: وربنا عز وجل هو الكريــــــم الرزاق

 

وكمان لما ترددى بينك وبين نفسك بتسترك وعفتكِ

"من ترك شيئا لله ، عوضه الله خيرا منه "

الراوي: - - خلاصة الدرجة: إسناده صحيح - المحدث: الألباني - المصدر: حجاب المرأة - الصفحة أو الرقم: 49

 

وتقتنعى وتثقي وتجزمى بيقين وتقولى ربنا هيعوضنى!

أنا بعمل كده وواثقة إن ربنا هيدينى أكتر وأحسن مما كنت أتمنى وزيااادة!!

 

وحتى لو ربنا لم يقدر لكِ الزواج....اعلمي إن وراء هذا الحرمان حكمة عظيمة وفضل كبير منتظرك في الآخرة إن شاء الله لكن عليكِ بالصبر والرضا

وقد يأتيكِ الفضل عاجلا في الدنيا...إنكِ ترزقي لذة الأنس بالله ولذة المناجاة والإستغناء بالله عمن سواه...نعمة كثير منا محرومون منها!

وممكن الخير اللى احنا شايفينه بنظرتنا الضيقة يكون وبال علينا بعد ذلك!

فلنتق الله ونجمل في الطلب

 

وانتظرونى المرة القادمة ان شاء الله

السلام عليكم ورحمة الله وبركاته

تم تعديل بواسطة marble
  • معجبة 1

شارك هذه المشاركه


رابط المشاركه
شارك

اختي في الله جزاكي الله خيرا حقيقي حقيقي موضوعك ورسالتك وهدفك منه رائع يارب يكون في ميزان حسناتك ان شاء الله عن نفسي غير منتقبة ولكن ادعوا لي الله ان ييسر لي الأمر انا محجبة وحجاب طويل وعباءة وكل شيء ولله الحمد والفضل ولكن ينقصني النقاب ولا اريد قول انه فرض او سنة او غير فرض ولكني احب ان اعمل حاجة ترضي ربنا عني لاني سترت وجهي ان كان فتنة واي شيء يكون في سبيل الله او لله اكيد حنساب عليه ولكن ربنا ييسر ان شاء الله واعلنها قريبا اني منتقبة وبارك الله فيكي

  • معجبة 1

شارك هذه المشاركه


رابط المشاركه
شارك

السلام عليكم

انا عجبنى الموضوع اوى

اولا انا محجبة حجاب عادى مش خمار ونفسى اوى انى البس الخمار بس جوايا خوف لان الاهل عموما رافضينه بيقولوا استنى لما تتجوزى

حتى صحباتى بيقولوا ليا كدة بردو

انا الحمدلله بصلى و عارفة ربنا و بقرأ القرأن وبحفظه كمان ونفسى اوى البس الخمار

انا بعد كلامك اللى قريته انهاردة دة هاقعد مع نفسى قعدة كويسة لانى فعلا محتاجة اقرر الموضوع دة

انا اخدت بالى من حاجات مكنتش واخدة بالى منها زى الزينة مثلا ولبس الذهب واظهاره

انا متشكرة اوى

وياريت تدعولى ان ربنا يثبتنى ويقوينى انى اعمل كل شئ يرضيه

ربنا يجازيكى كل خير

اختك الحنونة :P [/align:55a70c054d][/b][/size]

شارك هذه المشاركه


رابط المشاركه
شارك

[align=center:301d5ab1be]بسم الله الرحمن الرحيم

السلام عليكم ورحمة الله وبركاته

جزاااكى الله خيرا على كلماتك الجميلة :lol: واسأل الله ان يرزقنى الاخلاص

وبالنسبة انك لسه مش منتقبة...فربنا يثبتك يااارب ومبااارك لبسك الجلباب والحجاب الطويل

وربنا يتقبل ان شاء الله...واوعى لما تلبسي النقاب ماتفرحيناش بالخبر ده :P

جزااااكى الله خيرا على مداخلتك...وبالنسبة لكلام الاهل ياربي سبحااان الله نفس الكلام اتقال لى والحمدلله باخلاص النية والدعاء ربنا استجاب ولبست النقاب...وربنا يثبتك يارب

وربنا يرزقك النقاب في اسرع وقت :lol:

السلام عليكم ورحمة الله وبركاته[/align:301d5ab1be]

شارك هذه المشاركه


رابط المشاركه
شارك

السلام عليكم و رحمه الله و بركاته

 

لمزيد من المعلومات عن الحجاب الشرعي الصحيح يمكنكم الدخول لموقع الحجاب الشرعي من الرابط التالي :

 

http://hijabsahih.tripod.com

 

جزاكم الله الخير كله

شارك هذه المشاركه


رابط المشاركه
شارك

جزاك الله خيرا على هذا الموضوع الرائع

 

وثبت الله خطاكى حبيبتى فى الله

 

واهلا بك فى منتدانا وبيننا وجمعنا الله فى الجنة على خير :P

شارك هذه المشاركه


رابط المشاركه
شارك

السلام عليكم و رحمة الله و بركاته

 

اختى الحبيبة : ماربل

 

ماشاء الله عليكِ و على كلامك

 

موضوعك قمة فى الروعة _ احسبه و احسبكِ كذلك و الله حسيبك و لا ازكى على الله احد_

 

بجد بارك الله فيكِ و جزاكِ خير الجزاء على تقديمك للموضوع فى اطار بسيط و ميسر

 

تعرفى؟

 

انا شدنى موضوعك جدا لأنى نفسى جدا جدا جدا انى انتقب بس طبعا انا اعتقد

 

انه من رابع المستحيلات مع ان دعواتى علطول عندما اكون صائمة : اللهم ارزقنى و امى النقاب

 

طبعا ربنا قادر على كل شىء و لكن...

 

هناك معارضة شديدة من الاهل على لبسى الجيبة و ليس البنطال

 

و كانت من قبلها المعارضة على لبسى للحجاب اصلا

 

علما بأنى الحجاب انا لبسته من نفسى و اصررت اصرار غريب رغم معارضة امى و ابى

 

و لا احدثك عن سخرية الاقارب

 

و لكن بدأت بعد ذلك الى ان التزم بلبس الجيبات رغم المعارضات الفظيعة و المفجعة

 

و السخرية من جميع صديقاتى الا من رحم ربى

 

و اخيرا و حتى لا اكون اطيل عليكِ اكثر من ذلك فأنا فعلا امنية حياتى ان انتقب

 

انا مستعدة افعل اى شىء او استغنى عن اى شىء و انتقب

 

و بالنسبة للزواج فهذا ما تخاف منه امى اما انا فلا

 

فأنا اعلم انه شىء مقدر لى و مكتوب سلفا

 

لن يفيد نقاب او غيره او لن يضير النقاب او غيره

 

ارجو منكن اخوات جميعا الدعاء لى و لأمى بالنقاب

 

أسألكن الدعاء من قلوبكن

 

ياااااااااااااااااااااااااااااااااااااااااااااااااااااااااارب

 

اسفة على الاطالة و لنك موضوعك اختى عن جد قمة فى الروعة ارجو ان تستمرى بارك الله فيكِ

 

و السلام عليكن و رحمة الله و بركاته

شارك هذه المشاركه


رابط المشاركه
شارك

جزاكى الله خيرا يا اختى على كلامك الرائع هذا

وربنا يجازيك خيرا على نصيحتك لاخواتنا فى الاسلام بالستر والعفاف

وعلى فكره انا منقبه من فترة شهرين والحمد لله انا سعيده بكده اوى لانى حاسه انه قربنى من ربنا اكتر واكتر ومتفرقش معايا حكايه الزواج لان اللى بيكتبو ربنا للعبد هوا اللى بيكون وكل واحد بياخد النصيب اللى ليه وربنا بيعوض الانسان بالخير

وزى مانتى قلتى

وتقتنعى وتثقي وتجزمى بيقين ربنا هيعوضنى انا بعمل كده وواثقة ان ربنا هيدينى احسن ماكنت اتمنى وزيااادة!!

وربنا يستر على كل نساء المسلمين

شارك هذه المشاركه


رابط المشاركه
شارك

انا بالنسبه لكى يا اختى التائبه الى ربها

 

ربنا يكرمك ويحفظك ويتقبل منك دعائك ويرزقك بالزوج الصالح وادعوا الله ان ترتدى النقاب عن قريب باذن الله جعلك الله من الهادين المهتدين لطريق الخير والحق

وربنا يتقبل ان شاء الله

شارك هذه المشاركه


رابط المشاركه
شارك

[align=center:208bbd3d50]بسم الله الرحمن الرحيم

السلام عليكن ورحمة الله وبركاته

ماشاء الله لاقوة الا بالله :o ...اللهم زد وبارك...بجد مكنتش متخيلة اعداد البنات هنا اللى نفسهم يلبسوا النقاب ربنا يثبتكن يارب

جزاااكم الله خيرا على الرابط...وده مرجع لاخواتنا هنا للى عايزة منهن ادلة على النقاب لانى آثرت ان ابتعد عن تلك النقطة منعا للجدال وتيسيرا لهن عشان هم بنفسهم اللى يقتنعوا

جزانا واياكم وجزااكى الله خيرا على ترحيبك بي :P وسطكن وياريييت تقولى انتى منتقبة ولا لا عشان في قائمة هنكتبها هنا باسماء المنتقبات وقائمة اخرى بغير المنتقبات اللى نفسهم في النقاب؟؟

جزااااكى الله خيرا وربنا يثبتك يارب...اسأل الله العظيم رب العرش العظيم ان يثبتك وان يريكى الحق حقا ويرزقك اتباعه ويريكى الباطل باطلا ويرزقك اجتنابه وان يقيمك على الحق ويثبتك على الحق ....وادعى لنفسك بكده كتييييير ان ربنا يرزقك الثبات وبالذااات في اقناع اهلك وادعى

(رب اشرح لى صدرى ويسر لى امرى واحلل عقدة من لسانى يفقهوا قولى)

وان ربنا يلقي قبول من كلماتك والادلة اللى هتسوقيها في مسامع اسرتك ....بجد انتى ماتتخيليش الدعاااء ده مفعوله خطيييير ناااافذ المفعول :lol: ودى نصيحة مجربة

وانا نفسي واجهت نفس المشاااكل اللى واجهتيها وزيادة بقي العائلة الكريمة وبعد الاصحاب و و ....وسبحان الله ان الاسر اللى بتعارض لبس بناتها في الحجاب بتبقي اسر عربية مش غربية يعنى..الحجاب فيها موجود اصلا...بس عجبنى موقفك واصرارك على الحجاب ولبس الجيبة كمان ربنا يثبتك بس انا عايزاكى برضه تستزيدى وماتنسييييييييييش النقاب ...صدقينى بنت اعرفها فضلت فترة تلح على اهلها وعارضوا فبردت كده من ناحية النقاب ونسيته ورجعت عادى للبسها فده للاسف بيأكد الفكرة عند الاهل ان النقاب ده حاجة كده بنتهم شبطت فيها لفترة وبعدها زهقت فاهمانى؟وبالنسبة للزواج وان والدتك بتعتقد ان النقاب بيمنعه بالعكس تماماااااااا المنتقبات رزقهم اوسع بكتييير بكتييير وبيجيلهم كمان في سن مبكر واعرف كتييييييير كده والمداخلات الجاية هتقرى فيها كلام من ده...وعموما ربنا يثبتك ويارب يرزقك النقاب وان كان على هدعيلك...بس تابعى معانا لانى هكتب معظم الحجج اللى الاسر مش بتوافق عشانها يمكن تقنعى اهلك بالرد عليها

جزااانا واياكى بل جزاكى الله خيرا على مشاركتك التى اسعدتنى وربنا يثبتك يارب على النقاب

وسبحان الله فعلا معظم الل بيلبسوا النقاب بيحسوا بنفس الشعور انهم قربوا من ربنا ربنا يرزق النعمة دى لكللل اخواتنا...وياريت تدعو اخوات تانيين لقراءة الموضوع لانى حاسة ان كتير مستغربيننى عشان انا لسه جديدة في المنتدى

السلام عليكم ورحمة الله وبركاته[/align:208bbd3d50]

شارك هذه المشاركه


رابط المشاركه
شارك

بسم الله الرحمن الرحيم

(4)

السلام عليكم ورحمة الله وبركاته

سؤال تانى ليه دايما لو لاقيتى واحدة صاحبتك لبست النقاب بتلاقي نفسك تلقائيا بتقولى لها مبروووك؟؟؟؟؟

وممكن لو قالت لك عقبالك تقولى يارب

انا بقول الكلام ده للاخوات اللى بتروح لاختها المنتقبة تبارك لها مش تقولها ايه اللى انتى عملتيه في نفسك ده :P ؟ ليه عملتى كده؟ انتى لسه صغيرة!!

 

فتشي بينك وبين نفسك اختى هتلاقى سبحان الله ميل غريزى انك تبقي متسترة تبقي غالية مكنونة في حجابك والا ماكنتيش قلتى لها مبروك او قلتى يارب يرزقنى زيها

 

نقطة كمان بعض الاخوات بتبقي نفسها جدا تلبس النقاب ومقتنعة به وكل حاجة بس تيجى تلبسه تقول لا بعد مااتزوج.....واحنا اتفقنا انه رزق

 

حتى اختى الغير محجبة برضه بتلاقي في نفسها نفس الميل ده للتستر وللحجاب مثلا تقولى لها نفسي اشوفك لابسة الحجاب... تقول لك ادعى لى ان ربنا يهدينى والبسه..

يعنى هى مقتنعة وعايزة تلبسه بس الشيطان مانعها... مقيدها...مسلسل ايديها ورجليها انها تنزل تشترى الحجاب اللى تستر به نفسها والقرآن الكريم بيحكى لنا خطة عمل الشيطان في افساد الشعوب(ليريهما ما وورى عنهما من سوءاتهما) تخيلوا اللعين عايز العرى ينتشر !!

وكانت هى دى خطته من زمان المحجبة يقول لها ده انتى بنت كده :lol: خلاص انتى عملتى اللى عليكى كفاية عليكى كده... خليكى كده

فيفتنها ويصرف تفكيرها انها تعدل في حجابها او تطور نفسها فيه ان كان قصير تطوله

ان كان في زينة تبعد عنها

وان كان بنطلون ماتلبسوش

يقولها ده البنطلون عملى وكمان لما تيجى تركبي الميكروباص محدش يقدر يشوف منك حاجة!!!

والغير محجبة ينسيها :lol: (بالرغم من انها بتشوف نفسها في المراية كل يوم وبتسرح شعرها الصبح ) ينسيها فرض الله الا وهو الحجاب وتسأل عنه يوم القيامة تلاقي نفسها مش عارفة تقول ايه وتخيلى اختى من اللى بيسألك....الجبااار....سبحانه وتعالى

انا مش بخوفك اختى لكن بالله عليكى ماتضيعيش فرض الله انتى مسئولة طول ما انتى بالغة ورشيدة مسئولة

وفوايد الحجاب جمييييلة وكتيييييرة بس انتى انوى والبسيه

السلام عليكم ورحمة الله وبركاته

تم تعديل بواسطة marble115

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×