اذهبي الى المحتوى
دعاء الكروان3294

طالب ثانوية .. ولا طالب رضا ربنا ؟

المشاركات التي تم ترشيحها

akhawat_islamway_1363744700__fwasel3_1.png

 

طـالـب ثـانــويــة …. ولا طالب رضا ربنا

 

عبدالرحمن شاب ملتزم فى جامعة وأحمد مش ملتزم وفى ثانوية دار بينهم حوار:

 

عبدالرحمن :تلات دروس فى مادة واحدة يا مفترى ليه يعنى ؟

 

أحمد :يا عم براحة علينا شوية انت بس اللى مش واخد بالك

انا باخد عند"س":اصله بيفهم

وعند"ص":بيحفّظ

اما"ع"بقا دا بيدى امتحانات كتيييييييييير

 

عبدالرحمن: طب وعلى حساب ايه يا احمد بس كل دا ؟انت بتلاقى وقت تصلى على كدا!

 

أحمد (بـكـل بســاطـة ):بينى وبينك مش قوى بس تعرف ...

 

انا مع انى بروح تعبان وهلكان من الدروس الا انى بصليهم كلهم (ظهر وعصر ومغرب و ساعات العشا ما انت عارف ساعات بنتأخر فى الدروس وطبعا بصلى الصبح بعد ما اصحى من النوم ما انت عارف بقا المذاكرة بالليل وكدا):

 

عبدالرحمن (فى دهشة شديدة ونبرة غضب) :)::لأ مؤمن تصدق . وكمان صبح مش بتصلى الفجر كمان.

 

Stop)) هنا لحظة دا على فكرة حال كتير من الطلبة دا أحمد كدا وشايف نفسه تمام بالنسبة لباقى زمايله إلا من رحم ربى ،والأهالى فى البيت فى وادى غير الوادى، فى وهم الطب الواد يذاكر ياخد دروس صلاة مش مشكلة ولا تفرق أصلاً.

 

أحمد:يا عم انت بتعاملنى كدا ليه هو احنا كفره : :!

 

عبدالرحمن :استغفر ربنا يا أحمد مش كدا وحقك عليا يا سيدى أنا غلطان يا أحمد انا خايف عليك ::،اللى انت عايز توصله والكلية اللى عايز تدخلها مش هتنالها غير بطاعته ورضاه عنك ولو دخلتها وأنت على الحال دا من بعدك عن ربنا ممكن تكون سر تعاستك ومش هتكون زى ماأنت فاكر .

 

أحمد: طب بردو مش واخد بالى إيه علاقة دا بموضوعنا طب ما أنا بحب ربنا وبصلى اومال لو مش بحبه وعايز رضاه يبقى بصلى ليه

 

 

عبدالرحمن:أحمد هسألك سؤال وجاوبنى بصراحة .

 

 

 

أحمد:اتفضل يا سيدى .

 

 

 

عبدالرحمن:أنت لما بترجع من الدروس وتصلى بتخشع فى الصلاة وبتصلى السنن؟

 

أحمد:ما أكدبش عليك الصراحة لأ دا أنا حتى بتوه فى عدد الركعات وبصلى الفروض بس.

 

عبدالرحمن:شوفت بقا ازاى بتعتبر صلاتك كدا تمام .

ثم انت لما بتجمعهم كلهم بدون عذر ومتقوليش الدروس لأن الدروس دى مش عذر

إنك تضيع الفرض من وقته ويبقى ايه الفايدة من إن ربنا جعلهم متفرقين فى اليوم

 

وبعدين إنت لما بتصلى 12 ركعة سنة فى اليوم هتاخد بيت فى الجنة .قال رسول الله _صلى الله عليه وسلم

_:"مامن عبد مسلم يصلى لله تعالى ثنتى عشرة ركعة تطوعاً غير الفريضة إلا بنى الله له بيتاً فى الجنة"

 

وبعدين إنت مش عايز ربنا يحبك ولا إيه ؟

 

أحمد:طبعاً نفسى يحبنى ...بس ازاى ؟

 

 

عبدالرحمن : ما أنت لما هتحافظ عالفروض والسنن هيحبك اسمع الحديث ده كدا

قال النبى _صلى الله عليه وسلم_:"

إن الله قال من عادى لى ولياً فقد آذنته بالحرب،وما تقرب إلىّ عبدى بشئ أحب إلىّ مما افترضت عليه،وما يزال عبدى يتقرب إلىّ بالنوافل حتى أحبه،فإذا أحبتته كنت سعمه الذى يسمع به،وبصره الذى يبصر به،ويده التى يبطش بها،ورجله التى يمشى بها،وإن سألنى لأعطينه ،ولئن استعاذنى لأعيذنه" ايــــه رأيك بقى ؟

 

 

أحمد (بنبرة حزن )::يااااااااه يا عبدالرحمن وانا اللى كنت فاكر انى ملتزم بالكام ركعة اللى بصليهم بعد ما اروح من الدروس .

 

عبدالرحمن :لا يا أحمد يا راجل متقوليش كدا على نفسك أما ملتزم دى فمش بالساهل تتقال ارجع لربنا وامسك فى طريقه اوووووووى

وقوله راجعلك يارب .

 

أحمد:ياااااااااااااااااااه يا عبده أنا نفسى أقوله يارب وحشتنـــــــــــــى يارب أنا كنت فين وكنت ماشى ازاى ....الحمدلله الحمدلله إن ربنا ألهمنى الصح و بعدنى عن اللى كنت فيه :

 

عبدالرحمن :تمام يا بطل كمل بقا وخد بالك وخلى شعارك "إلا صلاتى "

أوعى تفتكر إن ممكن يبقى فى بركة وخير فى أى شئ يعطل عن الصلاة .

 

أحمد:صح .دا حتى ربناعطى رخصة للمريض اللى مش قادر يصلى واقف يصلى قاعد.واللى مش قادر يصلى قاعد يصلى مضجع .يبقى أنا سليم صحيح معافى ومفرط هوا دا شكر ربنا على نعمته .

 

عبدالرحمن:يا سيدى يا سيدى الله ينور ما أنت عارف كلام زى الفل اهو:: .

 

 

أحمد: ما المصيبة إنى كنت عارف بس كنت مسحور فكرتنى باللى قال:

 

إن كنت لا تدرى فتلك مصيبة ......أو كنت تدرى فالمصيبة أعظم

عبدالرحمن:الله يفتح عليك يا أحمد متتصورش أنا مبسوط بيك قد ايه . وربنا فرحان بيك أكتر منى كمان.

 

 

 

أمــــا البنـــــــــــات

حاجات كتير ..قصدى حجج كتير سمعتها إليكم بعضاً منها .

 

 

تطلع واحدة بين الدروس يلا نصلى الظهرفيه مسجد قريب من هنا.

 

_ترد عليها واحدة تانية :مسجد لالالالالالا

 

ليه بس؟

 

_إنتى مش عارفة المساجد ساعات بيبقى فيها ناس وحشين وبيزعقو كدا وبيحسسونا إننا مش مسلمين زيهم وبعدين ماما قالتلى لما تروحى ابقى صلى فى البيت

 

"الكلام ملوش طعم هوا فى الحقيقة احنا مش هنبقا مسلمين لو مصلناش "

 

وناخد رد تانى :لالالالالالا انتى مش بتشوفى منظر الحمامات ولا ايه اوف

 

ونبص على الأخت الطيبة اللى ماشية مع صاحبتها :يلا نصلى بين الدرسين فى نص ساعة يدوب يلا

صاحبتها :براكتك يا ستنا الشيخة لما تروحى ابقى صلى مش وقته محبكتش يعنى.

 

 

سبحان الله .مش عايزة تصلى انتى حرة ربنا هيحاسبك بس قولى خيراً أو اصمتى .

 

 

 

 

والمسكينة تتكسف وتنفذ كلامها وتتكسف تفتح الموضوع أصلاً مع واحدة تانيه فى وقت تانى

 

 

واللى تقول انا خايفة كدا لما أروح أصلى وزمايلى معايا أكون منافقة

 

 

وغيره وغيره من اللى الشيطان بيخدعنا بيه _شعارنا من انهارده_"إلا صلاتى"

 

ملاحظة:القصة اللى فوق دى مش حقيقية دى من تأليفى علشان أوضح بيها الموضوع .ياريت اللى يعرف ينقل الفكرة فى أماكن تانية بأسلوبه وطريقته المهم الفايدة تعم .

akhawat_islamway_1363744700__fwasel3_1.png

  • معجبة 2

شارك هذه المشاركه


رابط المشاركه
شارك

و عليكم السلام ورحمة الله وبركاته

 

جميل جداُ بفضل الله

جزاك الله كل خير على النقل الرائع : )

 

 

سبحان الله .مش عايزة تصلى انتى حرة ربنا هيحاسبك بس قولى خيراً أو اصمتى .

المسكينة تتكسف وتنفذ كلامها وتتكسف تفتح الموضوع أصلاً مع واحدة تانيه فى وقت تانى

الواحد كل ما يفتكر فعلاً أيام المراهقة دي يقول الحمد لله إنها عدت على خير ..: )))

اللهم لك الحمد : )))

شارك هذه المشاركه


رابط المشاركه
شارك

ما شاء الله أسلوبك جميل جدا أختي الغالية

بارك الله فيك و في نبض قلمك

و جزاك الله خيرا على اهتمامك بنصرة دينك

نسأل الله الثبات في هذا الزمن المليء بالفتن ياااااارب

 

 

 

4991342392_manino_www.ward2u.com.jpg

شارك هذه المشاركه


رابط المشاركه
شارك

وعليكم السلام ورحمة الله وبركاته

 

جميلٌ ما كتبت ،

بارك الله فيك ِ وجزاك خيرًا .

شارك هذه المشاركه


رابط المشاركه
شارك

السلام عليكم ورحمة الله وبركاته

طرح جميـل مآشاء الله

أسأل الله تعالى أن يهدي شباب وبنات المسلمين ويردهم إلى دينهم مرداً جميلاً

جزيتِ خيراً.

شارك هذه المشاركه


رابط المشاركه
شارك

وعليكم السلام ورحمة الله وبركاته

اللهم بارك دعاء الحبيبة حقا موضوع جميل ومهم جداااا

صدقا إن من يريد تعلم علم سواء من علوم الدنيا أو الآخرة يحتاج إلى إعانة الله سبحانه ويحتاج إلى البركة، ولا يأتي ذلك إلا من المحافظة على الصلاة

بارك الله فيك وبقلمك الرائع وننتظر منك المزيد حبيبتي

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×