تــاجر دين!! رائعة (عبد الله الشريف)

[مريم فوزي 1646]

السلام عليكم ورحمة الله وبركاته

الشاعر: عبد الله الشريف

تاجر دين!!

لا أحب العامية كثيرًا في الشعر لكن هذه معناها قوي في الصميم

للتحميل mp3:

 

 

إذا كنت إنت مش آسف فأنى آسف وأنى غلطان

 

 

وربي شاهد و شايف مين اللى جام مسح صورتى وركبلى جرون شيطان

لا عمرى جولت دا كافر ده جص كلامى مالآخر وخلى المعنى ليه ضافر يخربش طبلة الودان

 

ومين مسلم ومين كافر بتاعت ربنا وحده

وطول ما تصلى على أحمد توحد ربنا وحده

جبال الكون هتشهدلك بدينك عندنا وعنده

رسول الله جالها ومات ومين بعديها هيرده

جال اللى يجول عليك كافر يبوء بالذنب ده وحده

أنى مالى عشان واحد جهل وياك أشيل ذنبه على راسي

وليه علشان خلافى معاك تهين شيخى وتاج راسي

لو الجاضى ظلم مره تجول على كلهم ظالمين !؟

لو إبنك يوم يبات بره تحاسب أهل بيت تانيين !؟

لكن لو دجن تزغرلك تحط دماغى أنى فى الطين

يا رب الحمد ليك وحدك أنى حالى بجد حزين

 

 

أنى ولا جولت علمانى و لا لسانى نطج ليبرالى ناجص دين

ده كل دهى أسامى جديده فى ودانى بجالها يومين

أنى ولا كنت يوم أعرف لها معنى ولا بعرف بتيجى منين

مش إنت اللى على نفسك بتتباهى بهم الإتنين

وجولت عليا إسلامى ووهابى و تاجر دين

وجايب دينى من بره على أساس إن علمانيا وليبراليا من الدجى أو البساتين

 

ولما بتنزل الميدان بسيبهولك وأجهز ساحة الجامع لميدانى

ولما بحس سوء فهمك بسيبهولك وأروح عالجامع التانى

وتتعمد تسابجنى تجيلى هناك وتلحجنى ولا تهديك شتيمة أمى على ودانى

ولا يرضيك بشاشة وش بيجابلك ما ترضى إلا بالشاشة تدور على شعرى وسنانى

 

بخش هناك فى بيت الله وخدى معلماه إيدك

أخش أتوضى بدموعى وحتى دموعى بتزيدك

أروح فى الجبله وأتصدر ورافع يدى لكبيرك

وبعد ما كنت هدعى عليك ألاجى نفسي بدعيلك

 

تشيل الكره من صدرك تحن عليا من جلبك

وتسمع منى مش عنى تشيل السم من ودنك

وتاخد كيله من لحمى وتدينى جرام حبك

دا أنى صاحبك فى مدرستك ، دا أنى زميلك رفيج عمرك

أنى جارك فى بيت جنبك ، أنى فى الشغل بجعدلك على ماتجضى مصلحتك

 

ومين كبر على موتك ده انت جاتلنى من بدرى

ولو موتى فـمصلحتك هجص الباجى من عمرى

بلاها الثورة على جبرك هبدل راح يكون جبري

بلاش تغسلنى وتشيلنى ولا تعزى عشان خاطرى

أنى اللى واجعنى مش رشه ولا طلقه ولا نبوت

أنى اللى واجعنى إنى هموت وأنى واخد على خاطرى

[العاليه بدينها 16]

جزاك الله خيرا أختى الغاليه ** صمت الأمل **

أشكرك أيضا على المقطع الصغير الموجود فى نهاية إمضائك الذى هو بعنوان "تريد الهدايه إلى كل ما ينفعك؟!"

[هدى ايمن ناصر 57]

انا سمعتها قبل

بس كتييير حلو معناها

في بعض الكلمات ما فهمتها شفهي قبل

لكن هسه فهمتها وهي مكتوبه

هاي عامية مش مصرية بس ولكنها صعيدية كمان

بارك الله فيك صموتة

[مريم فوزي 1646]

جزاك الله خيرا أختى الغاليه ** صمت الأمل **

أشكرك أيضا على المقطع الصغير الموجود فى نهاية إمضائك الذى هو بعنوان "تريد الهدايه إلى كل ما ينفعك؟!"

 

وجزاكِ خيرًا منه يا حبيبة

الشكر للغالية "أم العبادلة" حفظها الله فهي من وضعته منذ البداية

بوركتِ يا غالية ()

 

 

انا سمعتها قبل

بس كتييير حلو معناها

في بعض الكلمات ما فهمتها شفهي قبل

لكن هسه فهمتها وهي مكتوبه

هاي عامية مش مصرية بس ولكنها صعيدية كمان

بارك الله فيك صموتة

 

نعم صدقتِ يا غالية

وهي كذلك بالعامية لكن أعجبت بها كثيرًا : )

وفيكِ بارك الرحمن هدهودة ()

[أم يُمنى 747]

إحنا بنتاجر بالدين وبنتاجر بالآخرة وبنتاجر بالأعمال الصالحة

 

الناس التانية دى بتتاجر بإيييييييييييييه ؟