أنا سلفي ومبعضش حد ^ـــــــ^....مسلسل منقول

[(محبة القرآن الكريم) 137]

السلام عليكــم ورحمـة الله وبركاتــة ،،

 

أقدم لكن حبيباتي

مسلسل جميل جدا

وبه عبر كثيرة

نقلته لكن من موقع الجامعة العالمية للقرآن والسنة

كتبته الاخت مروة النجار

 

 

 

الحلقة الأولى :

 

محمد : إيه ده؟ مين؟ أحمد باشا عندنا يا مرحبا يا مرحبا

 

أحمد ولا كأنه شايفه

 

محمد: مالك يابني؟

 

أحمد بعد ما انزنق ولازم يرد بقى

 

أحمد : أهلا يا معلم إزيك

 

محمد: طيب نبدأها بالسلام عليكم طيب

 

أحمد : (في سره : أهلا من أولها؟) وعليكم السلام (من تحت ضرسه)

 

محمد : مالك ياعم؟

 

أحمد : ماليش .. إلا قولي يا محمد هو انت سلفي؟؟

 

محمد: ايه السؤال الغريب ده ؟ اه سلفي وأبويا سلفي وأخويا سلفي وانت كمان سلفي و ...

 

أحمد : لا وربنا ما انا سلفي .. اقسم بالله .. بص ياعم سيبك مني الله لا يسيئك

 

محمد: مالك يا أحمد؟

 

أحمد : ماليش ياعم هو حد بقى يقدر يقول حاجة مضيقاه معاكم؟ (وهو بيبص لمحمد نظرات غريبة فيها خوف واشتباه وحذر شدشد منه)

 

محمد: !! (مش فاهم)

 

أحمد: إلا قولي .. هو انت كدة من زمان؟؟

 

محمد : كدة ازاي ؟ وكدة يعني ايه أصلا؟

 

أحمد : مش بتقول يابني انك سلفي؟

 

محمد : اه

 

أحمد : لا حول ولا قوة إلا بالله

 

محمد : هو انا قلتلك اني محصّب(مصاب بالحصبة)؟؟

 

أحمد : طيب هو انتو بتقطعوا الودان ليه؟ وليه مية النار ؟انتو معندكوش قلب؟

 

محمد : حبيبي يا ابو حميد .. شكلك تعبان

 

أحمد : هو انت مسمعتش عن الناس اللي بيعملوا كدة؟

 

محمد: لا .. شكلهم ايه ط؟؟

 

أحمد : ناس كدة لابسين قصير وعندهم دقن وبيصلوا في الجامع الخمسسسس صلوات ودايما نضاف وريحتهم حلوة و ..

 

محمد : هيستريا من الضحك

 

أحمد : وبيقولوا انهم سلفيين ياعم

 

محمد: مبطلش ضحك

 

أحمد : (مستغرب)بتضحك ليه؟

 

محمد : مش انت دكتور؟

 

احمد : ايوة

 

محمد: هو ليه الدكاترة بينسوا المشرط جوة بطن العيان؟

 

أحمد: مش كلهم .. وكمان متعممش دي حصلت مرة او اتنين ومكانتش بقصد وخلاص عدت وساعتها الناس مصدقت ومرحمتناش ...

 

محمد : ااااااااااااااايوة هي دي

 

أحمد: ؟؟

 

محمد: السلفيين منهجهم زي الفل بس في ناس اتبعوه ومكانوش فاهمين قوي فغلطوا وصححوا غلطهم فالناس ماصدقت ولما لقوهم جامدين ومبيتهزوش قاموا قالوا حكاية الودان دي هههههههههههه .. والله ياد يا أحمد ودانك عجباني ماتجيب أدوق

 

أحمد : لا ياعم خدلك سكة بعيد عني

 

وفعلا ساب صاحبنا محمد صاحبه أحمد وشاف سكة تانية وفجأة وهو ماشي لقى صويييييييييييييييييييييييييييت

 

تابعونا الحلقة الجاية

[~ أم العبادلة ~ 1903]

^_^

[الأمة الفقيرة 366]

السلام عليكــم ورحمـة الله وبركاتــه ،،

جزاكِ الله خيرًا نقوبة

 

أنا أرى أنَّ السلفي هو الذي يتم عضه

هدى الله الناس إلى طريق الحق

[(محبة القرآن الكريم) 137]

بورك فيكن حبيباتي

 

 

 

 

الحلقة الثانية :

 

بعد تفكير أخونا أحمد العبقري ده ولما لقاه صاحبنا محمد مخه متربس ومينفعش معاه كلمتين عالواقف كدة في الشارع وقام سابه ومشي

 

وفجأة سمع صوت صرييييييييييخ والناس اتلمت

 

 

بابااااااااااااااااااااااااااا

 

فراح محمد باصص لتحت كدة لقى طفل عمره بتاع 5 أو 6 سنين بيشاور على عمنا محمد وبيصرخ عااااااااااااااااااا

 

محمد : (بيتلفت حواليه ولاقي الناس بتتجمع) مالك يا حبيبي؟ (بسمة ارتباك)

 

الطفل : بابا الحق .. ده زي اللي قالوا عليه بيخطف العيال (تهمة جديدة لانج) هما قالوا عنده شعر في وشه كتير ولابس برمودة عليها جلابية قصيرة برضه

(وهو بيتفحص بعنيه عمنا محمد) الحقني يابابا بسرعة

 

بابا : ايه ده هو انت سلفي؟

 

محمد : (متسمر ومندهش وبيرد زي الآلة) اه

 

بابا : وسايبينك ماشي كدة في الشارع وسط المواطنين الأبرياء (افتكر نفسه في مؤتمر صحفي) وذنبهم ايه الناس دي ( بيشاور عالناس الملمومين) حرام عليـــــــــــــــك

 

محمد : (فاتح بقه ولا فاهم حاجة من اللي بتتقال)

 

بابا : وكمان شايفك وانت ماشي .. تقدر تقولي كنت بتتمتم بايه (كان بيسبح) أكيد طبعا حاطط سماعة بلتوث في ودانك وبتكلم صحابك علشان معاد الهجوم

(اوبسسسسسس .. فكره بحكاية الودان)

 

محمد : ايه حكاية الودان النهاردة؟

 

بابا : لا يا باشا أبوس ايديك .. أنا عندي عيال عاوز أربيهم (شبه بيعيط

)

 

محمد : (شاكك في عقل الراجل) هو انتو بتهزروا ولا بجد؟؟ (وبيلف كدة قام كل الناس جريت في لحظة)

 

بابا : (متسمر في مكانه + ابتسامة معناها : حبيبي انت مفضلش غيري ^_^)

 

محمد : إنا لله وإنا اليه راجعون

 

بابا : (بيكلم ابنه ) اجري ياد بسرعة ..وطاااااااار هو وابنه

 

 

محمد ماشي ودماغه عمالة تكركب من كتر الأفكار اللي بتجري جوه وهو مش فاهمها خالص

 

ووصل الحاج محمد إلى عمارتهم .. وملقاش البواب اللي كان محمد طالب منه حجات قبل ما ينزل الصبح

 

نده محمد عالبواب بصوت عالي مرة واتنين وأخيرا ظهر البواب وياريييييييييييييييييته ما ظهر

 

محمد متنح من هول الصدمة وشاف عم البواب جاي ومن غيييييييييييير ....

 

تبعونا الحلقة الجاية ان شاء الله

[حفصة أحمد 40]

السلام عليكــم ورحمـة الله وبركاتــة ،،

 

جميلة جداً بجد يانقوبة، بالرغم من إن الحكاية بتوجع إلا إن شر البلية ما يُضحك ..

متابعة بس متطوليش الغياب علينا :)

وخدى بالك من ودانك :tongue:

[(محبة القرآن الكريم) 137]

السلام عليكم ورحمة الله وبركاته،،

 

هههههه

اضحك الله سنك حفووصة

 

 

 

الحلقة الثالثة :

 

محمد وصل للعمارة ونده للبواب (عم ابراهيم) اللي كان أكثر حد بيحب يقعد معاه ويتكلم وبيبص محمد لقى عم إبراهيم جاي ومن غير

 

دقنه

 

محمد : ايه ده؟ عم ابراهيييييم .. ايه ده؟

 

عم ابراهيم : بص يا محمد ماهو لما توصل للودان يبقى لازم نضحي

 

محمد : يا ربنــــــــــــــــــــا .. النهاردة يوم الودان ولا إيه؟؟

 

عم ابراهيم : وطي صوتك أحسن الناس تسمعك .. إلا قولي (وهو موطي صوته) هو لتر مية النار بقى بكام اليومين دول؟؟

 

محمد : (متغاظ) عم ابراهييييييم .. هو مش انت كنت زيي كدة ولحيتك كانت منورة وشك وجلبابك النظيف ومع بعض على طول في الجامع وكتب وشرايط و..

 

عم ابراهيم : لا لا لا (وهو بيتلفت حواليه) أنا تبت والحمد لله

 

محمد : (فاتح بقه مترين رأسي) متخلنيش أصوّت في وشك يا عم انت .. انا عاوز أفهم في ايه؟؟

 

عم ابراهيم : أنا احكيلك اللي سمعناه النهاردة في الجرايد ..

 

محمد : سمعناه في الجرايد؟؟ كمل كمل

 

عم ابراهيم : اه .. قالوا انه السلفيين قطعوا ودن واحد في قنا وكمان بيجهزوا لحملة هيهجموا فيها على كل البنات المتبرجات

في الشوارع بمية النار وكمان ياعم كسروا الأضرحة في قليوب

والناس بتقول انهم شوية شوية هيخلوا الناس مينزلوش من البيوت بعد الساعة 5 و ..

 

محمد: بس بس بس مين دول اللي هيعملوا كدة؟؟

 

عم ابراهيم : السلفيين

 

محمد : يا الله .. ( وسابه ومشي وهو شايط )

 

 

دخل محمد البيت لقى والدته قاعدة بتتفرج على التلفيزيون ولما شافته قبضت عليه

 

الوالدة: محمد .. تعالى هنا

 

محمد : (الابتسامة منورة وشه) حاضر يا ست الكل (واخد ايدها وباسها)

 

الوالدة: انت لازم تحلق دقنك وتسيبك من الناس اللي بتتكلم معاهم في الجامع دول وبتخرج معاهم

 

محمد : ليه ليه ليه بس كدة يا ست الحبايب مش انتي دايما بتقولي أنا مخلفتش غير محمد وعجبك قوي التزامي ده ؟ ولا كنتي بتقولي كدة بس عشان أنزلك الزبالة؟(وبيضحك وبيزغزغ الست الوالدة)

 

الوالدة: بس ياد أنا باتكلم جد .. دول شوية شوية هيقولوا انكم سبب في زلزال يوم الجمعة

 

محمد : (بيضحك) ومييييييييين جالّك يا امااااااي اننا ملناش ذنب؟ (بيتكلم بلهجة ساخرة وبيضحك)

 

والدته : برضه بتهزر ؟ ماشي يا محمد لما نشوف آخرتها ..

 

محمد : آخرتها باذن الله فل يا ست الكل

 

 

وقام محمد ودخل أوضته وغيّر هدومه واترمى على السرير

 

ودخل أخوه الصغيّر وجاي جري يرخم عليه

 

كريم : حموووووووووووو (وقام ناطط على السرير وقرّب يكسره)

 

محمد : حبيبي .. ازيك يا كوكو

 

كريم : كويس .. دا أنا صحابي في المدرسة بيقولوا يابختي علشان عندي أخ زيك؟؟

 

محمد : ازاي؟؟

 

 

تابعونا الحلقة الجاية ان شاء الله

[الأمة الفقيرة 366]

السلام عليكــم ورحمـة الله وبركاتــه ،،

محمد : ليه ليه ليه بس كدة يا ست الحبايب مش انتي دايما بتقولي أنا مخلفتش غير محمد وعجبك قوي التزامي ده ؟ ولا كنتي بتقولي كدة بس عشان أنزلك الزبالة؟(وبيضحك وبيزغزغ الست الوالدة)

 

الوالدة: بس ياد أنا باتكلم جد

 

أعجبتني ،،

 

أكملي يا عسولة

[درة الاطلس 0]

السلام عليكم ورحمة الله وبركاته،،

 

أحسنت حبيبتي قصة ممتعة ومشوقة...استمري نحن في شوق لمعرفة الاحداث...

 

تقبلي مروري...جزاك الله خيرا

[يسرا عبد الرحمن 718]

السلام عليكم ورحمة الله وبركاته

جزاك الله خرا نقوبه قصه رااااااااائعه

بطلى بخل بقى وانجزى مش تنقطينا بالحلقات :angry:

همسه هما كام حلقه :biggrin:

[** الفقيرة الى الله ** 985]

السلام عليكــم ورحمـة الله وبركاتــه ،،

قصة مشوقة أكيد فيها عبر كثيرة

اللهم ثبتنا على الحق وانصر أمة الإسلام

جزاكِ الله خيرا سلمى الحبيبة

متابعة بإذن الله :)

تم تعديل 12 يونيو, 2011 بواسطة ** الفقيرة الى الله **

[رحمة كمال 2]

جزاك الله خيرا على النقل الطيب

أصبحت كلمة سلفى تهمة يجب التبرأ منها"لا حول ولا قوة إلا بالله"

حسبى الله ونعم الوكيل فى إعلامنا المضلل

اللهم مكن لدينك فى مصر و فى كل بقاع الأرض

اللهم آمين

اللهم آمين

اللهم آمين

[حفصة أحمد 40]

السلام عليكــم ورحمـة الله وبركاتــة ،،

 

تسلمى يانقوبة يارب ..

بس التهم عماله تزيد :unsure: خايفة معرفش أعدهم

^____^

والله حين سمعت هذه الأشياء الايام الماضية كنت بضحك ،،

متتأخرش علينا ياقمر

وإلا

هو لتر مية النار بقى بكام اليومين دول؟؟

أه أنا سلفية خدى بالكِ :tongue:

[(محبة القرآن الكريم) 137]

ما شاء الله

ايه الجمع المبارك ده

أنرتن الصفحة اللهم بارك

 

أه أنا سلفية خدى بالكِ

ايه يا حفوص كل شوي تقولي لي سلفية

هو انت فاكراني صوفية هههههههههه

وانا كمان يا قمر مثلك

لو عملتي حاجه اردها لك بضربة في ودانك في ساحة المسابقات هههههههههههه

بطلى بخل بقى وانجزى مش تنقطينا بالحلقات

همسه هما كام حلقه

 

يسوور ايه ده شغب من أولها هههههه

طيب هما عشر حلقات

تحبي اعمل لك كل حلقة في يوم ههههههه

هتخنقيني

^ـــــ^

 

 

 

ممممممم دلوقتي الساعة 10 ليلا تقريبا

اروح انام ولا أكمل

 

ألعب بأعصابكم هههههههههه

 

يلا صعبتو علي

[(محبة القرآن الكريم) 137]

 

 

الحلقة الرابعة :

 

كريم : لقيت صحابي بيقولولي هو انت عندك أخ له دقن؟؟ قلتلهم آه

قالولي وبيلبس قصيّر؟؟ قلت اه .. قالولي يابختك

 

وأنا مفهمتش ايه المشكلة يعني .. ما انت أخويا من زمان ومش شايف فيك حاجة جديدة يعني الأيام دي

 

محمد : والله ياد يا كوكو انت اللي فاهمني وسط الناس دي

 

كريم : بس برضه انكم تهدموا قبور الناس الكويسين ده حرام

 

محمد : قوم ياد غور من وشي .. خسارة فيك الكلمتين أصلا ..

 

كريم : هع هع هع .. طاب ياللا قوم اعمل معايا الواجب

 

محمد : طيب بس سيبني ارتاح شوية .. انهاردة كان شغل كتير وكمان صايم فمش قادر اتحرك

 

كريم : طيب (وقام ماشي من قدامه)

 

محمد : خد ياد .. ايه اللي على هدومك ده؟؟

 

كريم : كنت بالعب ووقعت فهدومي اتبهدلت

 

محمد : طب غيّرها .. مينفعش مسلم يبقى مش نظيف (ابتسامة وطبطبة على كتف كريم)

 

كريم : حاضر

 

 

محمد قام يرد على التليفون اللي اتهرى رن ومحدش رد عليه ولا عبره

 

محمد : السلام عليكم

 

فلان : وعليكم السلام

 

محمد : خير

 

فلان : أنا ممدوح يا عم المهم .. قافل موبايلك ليه يا باشا

 

محمد : دوحة حبيبي .. لا والله مش قافله بس فصل شحن وملحقتش اشحنه

وكمان ياعم زمن البشوات ولى وفات أنا دلوقت أمييييييييييير

(بيضحك ضحكة سخيفة)

 

ممدوح : ماشي يا عم اللطيف

مش جاي النهاردة الجامع؟

 

محمد : طول عمري باغبطك لذكاءك .. طبعا جاي ان شاء الله عشان الصلاة

 

ممدوح : يااااااا ربي (متغاظ) وأنا طول عمري باقولك اتعالج من قلة الذكاء ده .. النهاردة يا ابو الكباتين اليوم اللي اتفقنا عليه علشان نوزع الحجات اللي معانا ياعم

 

محمد : ااااااااااااااااه كنت ناسي .. طيب هو احنا بقى معانا كمية أد إيه؟؟

 

ممدوح : 500 حتة وأنا جالي فلوس هاجيب ان شاء الله كمان 200

 

محمد : تمام يبقى 700 .. تمام أوي

 

ممدوح : خلاص ان شاء الله هاستناك بعد صلاة المغرب ونفطر مع بعض باذن الله .. بس تجيب أكلك معاك (هيهيهيهيه)

 

محمد : اقفل ياد

 

ممدوح : سلام عليكم

 

محمد : وعليكم السلام

 

 

وبص عمنا محمد في ساعته ولقاها الساعة 5 يعني مفضلش على المغرب غير ساعة وربع

 

قام أخد دش ولبس جلباب جيد وريحة المسك وتمااااااااام

 

وسمع الأذان ونزل يصلى وراح لصاحبنا ممدوح البيت

 

تابع الحلقة الجاية ان شاء الله

[حفصة أحمد 40]

السلام عليكــم ورحمـة الله وبركاتــة ،،

 

لو عملتي حاجه اردها لك بضربة في ودانك في ساحة المسابقات هههههههههههه

خلاص طيب، مش أمام الأخوات اللى مش يعرفونى هنا

هههههههههههههه

 

متابعة بأذن الله ..

[ذليلة إلى اللـَّـه 417]

السلام عليكم ورحمة الله وبركاته،،

 

لا أحب التشويق الكبييييير هذا

جزاك الله خير يا نقوبة العسولة

بسرعه يا بنت ولا تتأخري

[(محبة القرآن الكريم) 137]

طيب يا حبايب

 

 

الحلقة الخامسة :

 

وصل محمد لبيت ممدوح وضرب الجرس وطلعله الأخ ممدوح

 

ممدوح : مش عاوزين النهاردة

 

محمد : مش بكيفك ودخلني آكل أحسن ما آكل ودانك

 

ممدوح : (ضحك بصوت عالي ) شفت يا عم اللي جرا بقينا بناكل ودان

 

محمد : طيب ما نفرش عالباب ونقعد أحسن .. افتح ياد وأكلنييييييييييييييييييييي

 

ممدوح : طيب طيب يا ستار عليك

 

دخل ممدوح وصاحبنا محمد وأكلوا وتمام

 

محمد : أدام الله عزكم وغفر ذنبكم

 

ممدوح : وإياكم يا حبيبي

 

محمد : ها بقى هنعمل ايه في موضوع التوزيع ده؟؟ والله يابني أنا من يوم ما عرفت القصة وأنا مش عارف أنام

 

ممدوح : بتقول فيها ؟ ما أنا برضه كدة

بس ربنا ييسرلنا ويكرمنا

 

محمد : آمين

 

ممدوح : طيب احنا دلوقت هنشيلهم في كراتين ولا أكياس ؟؟

 

محمد : سؤال لولبي .. ما أي حاجة هتقضي ياعم

 

ممدوح : ط .. ياللا بينا؟

 

محمد : ياللا الله المستعان

 

خرج ممدوح ومحمد وهما شايلين أكياس فيها 700 حتة (ومش هاقولكم حتة ايه ^_^)

 

وصلوا للعنوان اللي رايحينه وضربوا الجرس

 

خرجت ست وقالتلهم : نعم .. خير

 

محمد : السلام عليكم (وهو واقف بجنب وباصص في الأرض)

 

الست : وعليكم السلام

 

محمد : مش ده بيت المرحوم /ــــــــ

 

الست : اه يابني

 

محمد : طيب الحجات دي ليكم .. ربنا يفك كربكم ويعينكم يارب

 

الست : ربنا يعزك ويجازيك خير انت واللي زيك ويكفيكم شر طريقكم

 

محمد : اللهم آمين .. مش محتاجة حاجة تانية يا أمي؟؟

 

الست : اشوفكم سعداء يابني ومجبورين الخاطر

 

محمد : آمين .. سلام عليكم

 

الست : وعليكم السلام

 

ونزلوا البطلين وهما مش محددين اتجاه يروحوه ووقفوا قدام العمارة عالشارع

 

محمد : ها يابني هنروح فين؟؟

 

ممدوح : تعالى نروح نشوف حد من العيال كدة ونقعد معاهم شوية .. من زمان مشفتهمش

 

محمد : طيب ياللا

 

ركبوا محمد وممدوح تاكسي وراحوا لشقة واحد صاحبهم

 

ممدوح : السلام عليكم

 

طارق : وعليكم السلااااااااااااااام .. عم دوحا فينك يابني؟؟

 

ممدوح : طاب دخلني الأول دا انت رخم قوي

 

طارق : وكمااااااااااااان محمد عندنا .. يا عيال كدة كتير وربنا

 

محمد : متاخدش على كدة بقى .. احنا جايين ناخد الفلوس اللي عليك بس ^_^

 

طارق : من أولها؟؟ ياللا ياد من هنا منك ليه

 

ممدوح : امال فين هيما وجمال؟؟

 

طارق : جايين بعد شوية ان شاء الله

 

محمد : وانت اخبارك ايه ياعم طارق؟

ولا رنة حتى ولا ميسد ههههههههه

 

طارق : رنة وميسد؟؟ ايه اللغة دي؟

أصلي مش معايا رصيد أمسّد عليك .. بس والله في بالي

 

ممدوح : يا اخوانا يا ظراااااااااف بطلوا استظراف وقوم ياد اعمل شاي عشان مش هنتأخر .. ورايا شغل بدري

 

محمد : اه والله انا كمان .. الشركة عملالي قلق وقربت اسيبها

 

ممدوح : ليه؟ لسة موضوع اللحية برضه؟

 

محمد : لا ياعم ما خلاص راحت عليهم

من ساعة الثورة وهما قللوا ساعات الشغل جدا مع انننا المفروض نشتغل أكتر عشان نعمل حاجة للبلد اللي خربت

 

طارق : اه والله عندك حق .. الناس بتفكر دلوقت انهم يريحوا الشباب ليرجعوا التحرير ^_^

 

ممدوح : هيهيهيهيهيه يا لذيذ يا رايق انت

 

طارق : الشاي يا معلمين

 

خلصوا الشباب الشاي وسلموا على بعض ونزلوا

 

محمد : ممدوح هو ايه اللي بيحصل ده؟؟

 

ممدوح : في؟؟

 

محمد : الودان ومية النار والأضرحة

 

ممدوح : دي زوبعة فنجان .. الناس بس مستكترين علينا اننا اخدنا افراج من حبس الظلمة لينا سنين ولما ظهرنا قالوا الحكايات المتألفة دي ولستر الله علينا الظروف هي اللي بتدافع عننا .. خدها بروح رياضية يا معلم

 

محمد : عندك حق.. أنا هروّح بقى .. مش عاوز حاجة؟

 

ممدوح : جزاكم الله خيرا .. سلام عليكم

 

محمد : وعليكم السلام

 

طلع محمد أوضته وفتح الكمبيوتر وفتح الفيس بوك ولقى المفاجأة ...

 

تابعونا الحلقة الجاية ان شاء الله

[~ أم العبادلة ~ 1903]

السلام عليكم ورحمة الله وبركاته،

 

بورك فيكِ يا غالية على القصة

 

هدفها جميل وإسلوبها مشوق لكن لي تعقيب وأرجوا نقله للكاتبه وتعقيبي هذا بعد ما أتممت قراءة القصة كاملة

 

إسلوب الحوار فيه بالرغم من لذته وروحه الطيبة الا أن هناك بعض الألفاظ بصراحة استغربت كيف يستخدمها شباب ملتزم

وشعرت كأنهم شباب غير ملتزم وأسفة في الكلمة لكنها ألفاظ شباب تافه أيضا

[زهرة الأحبه 73]

^____^

 

جميلة القصة ومسلية :)

بوركتِ نقوبة الحبيبة ، أتابع معكِ بإذن الله .

[ذليلة إلى اللـَّـه 417]

السلام عليكم ورحمة الله وبركاته،،

 

جزاك الله خير حبوبتي نقوبة ^^

صدقتِ يا أمومة الغالية ~ لكن أظنّ والله أعلم أن الكاتبة

قصدها تبينهم شباب يعني ليسوا جاهلين يمكن بأمور العصر الجديد ويمزحون والله أعلم ~

المرحوم /ــــــــ

نقول المرحوم إن شآء الله أو المغفور له بإذن الله :)

تم تعديل 13 يونيو, 2011 بواسطة ذليلة إلى اللـَّـه

[(محبة القرآن الكريم) 137]

السلام عليكم ورحمة الله وبركاته،،

 

حياكن الله حبيباتي

 

أمومة بورك فيك حبيبتي مش عارفه الفاظ مثل ماذا؟ على سبيل المثال

 

ذلولة في الأمر تفصيل اقرئي حبيبتي

https://ar.islamway.net/?iw_s=Fatawa&i...;fatwa_id=13939

[حفصة أحمد 40]

وعليكم السلام ورحمة الله وبركاته

 

بارك الله فيكِ نقوبة :)

 

متابعة

[الرفق 74]

^___________^

متــــــــــــــــــــــــــــــــــابعة

يا أم دم خفبف لا تتأخري علينا

:)

[(محبة القرآن الكريم) 137]

منورين يا قمرات

 

مجدوليييييين ايه الغياب ده يا بنتي

معلش

عودا حمييييدا

بس مش تكرريها :))

[(محبة القرآن الكريم) 137]

 

الحلقة السادسة :

 

وهو بيفتح النوتيفيكيشن (الاشعارات) لقى صفحات كتير اتغير اتجاهها

من نصرة المنهج الاسلامي عموما الى السب وإثارة الشبهات حوالين السلفيين

 

محمد : لا حول ولا قوة الا بالله

 

وكلم صاحبه ممدوح وقاله يفتح النت

وكلمه على شات الفيس

 

محمد : السلام عليكم

 

ممدوح : وعليكم السلام .. ايه ياخويا لحقت اوحشك؟

 

محمد : بطّل ياد أنا متضايق

 

ممدوح : خير

 

محمد : خد شوف (واداله لينكات)

 

ممدوح : قلتلك والله ما هتجيب نتيجة لأنها اشاعات من غير دليل

 

محمد : أنا عاوز أرد عليهم بس بطريقة مختلفة

 

ممدوح : بالهزار؟

 

محمد: بالظبط .. عاوز أقولهم " أنا سلفي ومبعضش حد"

 

ممدوح : حلو قوي

 

محمد : هاعمل بيج وهاسميها كدة

 

ممدوح : تمام

 

بدأ محمد في عمل الصفحة بالاستعانة بالله ثم بممدوح وتم نشر الصفحة

 

وقام محمد بافتتاح البيج بالبسملة ثم بالأبيات دي :

 

وقالوا عني سلفيّ

وكأني لأول يوم أسمعها

وهم يعنون بها سبي

فالسلفيّ على سمت صحابيّ ونبيّ

على خلقٍ زكاه الرب العليّ

لا تعني أبدا اني شاب متشدد وغبيّ

وفي نفس الوقت معتدلٌ ولا يفعل ذنب مخفيّ

ولا يفعل أفعالا (سيس) ولا يأكل (ودن) القبطيّ

ولا يهجم يوما على (مزة) ولا على ضريح لوليّ

وعندما يُؤمرُ أمرا يقول " جُزيتم خيرا أبديّ"

 

ونشرها وسط صحابه وفضل يكتب عليها الأخبار اللي بتتقال كذب عليهم بطريقة فكاهية

في ناس كتير تقبلت وناس برضه هاجمت بس هو استمر

 

وهو قاعد بيكتب .. كلمه صاحبه الأجنبي عالشات

 

 

Mohamed: Alslamo 3likom my broth.jone :)

 

Jone : Wa3likom aslam , how R U ?

 

Mohamed : I'm fine el7amdolellah , U?

 

Jone : me too el7amdolellah

 

Jone :Iwant to ask U about Something. that i heard nowadays

 

Mohamed : with pleasure my brother :)

 

Jone: i heared aword called ( SLAFIA) what's it mean??

 

Mohamed : :)

The word Safia Means muslim who follow our prophet and s7aba's footsteps, knowing Why Allah Created Us and Knowing The goal of our existence in this life.

 

jone: fine , So why the attack on them although SLAFIA is something beautiful as you said

 

Mohamed : :)

There are some people wants to make FETNA [sedition] in our country in these important days

 

Jone : I will pray for U :)

 

Mohamed : and i will ask allah to accept your pray :)

 

Jone: I love U my brother in allah

 

Mohamed : me too :)

 

Jone : Alslam 3likom

 

Mohamed : Wa3likom alslam

 

 

بعد حوار عمنا محمد .. جون أصبحت حالته النفسية أفضل وحس ان في أمل في تحرير العقول من الجهل المعاصر

 

وبص محمد في ساعته (قربت أحطها ضمن أبطال المسلسل ^_^) فلقاها 1 بالليل فقام يصلي القيام وينام عشان الشغل الصبح

 

صحى محمد الحمد لله ولبس ونزل ورايح الشغل فقابل مين على باب العمارة؟؟

 

أيوة شطار

 

عم ابراهيم التائب ^_^

 

محمد : سلام عليكم يا عم ابراهيم يا مزعلني :)

 

عم ابراهيم: (باصص في الأرض) وعليكم السلام يا بشمهندس

 

محمد : لا يا عم ابراهيم متبصش في الأرض انت زي والدي وأنا باحبك بس عتابي ليك عشان باحبك

 

عم ابراهيم : (مزهول من طريقة محمد) والله انت كدة بتوجع ضميري أكتر

 

محمد : ده عشان ضميرك مش مقتنع باللي عملته أصلا يا راجل يا عجوز

 

عم ابراهيم : هاستناك ان شاء الله بالليل عشان نتكلم بدل ما أأخرك على شغلك

 

محمد : ماشي يا عم ابراهيم :) سلام عليكم

 

عم ابراهيم : وعليكم السلام ورحمة الله :)

 

 

محمد ماشي في طريقه للشغل طبعا بيسبح وركب المواصلات وركب بنات فطبعا مبصش وقام من كرسيه عشان يقعد اللي ملهاش كرسي وكل الحجات الحلوة اللي في شبابنا ورجالتنا الحلوين السلفيين ^_^

 

 

محمد وصل لشغله ولقى الساعي بيقوله

 

الساعي : صباح الخير يا بشمهندس

 

محمد : سلام عليكم .. صباح النور يا عم محمود

 

الساعي : وعليكم السلام .. المدير سأل عليك

 

محمد : حاضر رايحله اهوه ان شاء الله

 

 

وراح محمد لمكتب المدير .. واستأذن عليه ودخل

 

 

استنونا الحلقة الجاية ان شاء الله