اذهبي الى المحتوى
أم ريتاج

كفتة الحاتي يا اخوات و تعمليها كمان بالبيت

المشاركات التي تم ترشيحها

السلام عليكم و رحمة الله و بركاته

 

اخواتى حبيباتى

 

كلنا اكيد فاكرين ان كفتة الحاتي لها صنعه مختلفة و صعبه علينا

 

انا برضوه كنت فاكرة كده

 

لكن ضحكت على نفسي كتير بعد ما عرفت انها سهلة للدرجة ديه :unsure: :- :-

 

يالا ناكل.................... لألألألألألألألألألألألأ قصدى يالا نعملها

بصى و خالى بالك لحسن مقاديرها كتتتتتتتتتتتتتتتتتتتتتتيييييييييييييييييييييير قوىىىىىىىىىىىىىى

 

بصى يا ستى

 

1- هاتي كيلو الا ربع لحمة كندوز مفرومة لو جبتيها صحيحة افرميها في المفرمة وشين ( معلش اصل ديه لغة الجزار و من ثم لغة الحاتي ) يعنى مرتين

 

ماشي

 

2 - هاتى ربع كيلو ليه ضاني ( اللى هى بتاعة الخروف ) و افرميه مع اللحمة

 

3- هاتى بصل وافرميه او ابشرية ناعم بالمبشرة بس مش هنحطه لآ هنعصره و نأخد الميه بتاعته بس

 

4- هاتى ملح و فلفل اسود و بهارات و الاحسن تحطى

بهارات السبع توابل
و هقولكم بتتعمل ازاى البهارات ديه بس فى الاخر

 

5- حطى بقا اللحمة المفرومة هي و الليه على مية البصل و البهارات و الملح و الفلفل و سيبيها تتبل مع بعضها شوية حلوين

 

6- بعد كده هاتى الاسياخ بتاعك و صبعى الكفته و اشويها على الفحم ( اهههههههه يا حبيبي عليها امممممممممممممممممممممم ) أو صبعيها على قلم " بس مش تجيبى اللحمة عند سن القلم طبعا " و اشويها فى الفرن و فى الاخر هاتى حتة فحمه و ولعيها و بعد ما الكفته تستوى حطى الفحمة في السمن اللى نزل من اللحمة هتبقى عاملة زى المشوية على الفحم و تاخد ريحة الفحم

بس طبعا اللى تشوي على الفحم احسن

 

7- بعد ماتستوى حطيها في طبق مفروش ( مش ايجار ههههههههه ) بالبقدونس

 

و بالهنا و الشفا

لا تنسونا من صالح دعواتكن

 

اه نسيت اكتبي يا ستى ال 7 توابل هما ممكن يكونوا اكتر شوية بس هو اسمهم كده :-
هاتى كل حاجة من اللى هكتبها بكميات متساوية

- كسبرة ناشفة

- قرنفل

- قرفة ( يمكن الاستغناء عنها )

- كبابه صيني

- زعتر

- حبهان

- كمون

- ورق لورو

- جوز الطيب

- فلفل أسود

 

هاتى كميات متساوية منهم و يا سلام لو تجيبيها صحيحة مش مفرومة من عند العطار و تحمصيها الاول شوية على النار

و بعدين تحطيهم كلهم على بعض فى الكبه و تطحنيهم

على فكرة بنحطها على حاجات كتير يعنى مثلا اي حاجة مشوية بنحطها عليها فراخ لحمة اى حاجة

و كمان تتبيلة البانية و تتبيلة فراخ الكنتاكي و ممكن اى حاجة هنقليها بالبقسماط المفروم أو الدقيق نحط منها شوية على البقسماط و الدقيق دول بتبقى روعة

 

يالا بقا طولت عليكم

 

استودعكن الله

 

السلام عليكم و رحمة الله و بركاته

شارك هذه المشاركه


رابط المشاركه
شارك

جزاكي الله خيرا اختي الحبيبة على الوصفة الرائعة.. بس انا لية إضافة

 

الحقيقة انا نفس الطريقة دي كنت بعمل بيها الكفتة بتاعتي مع إضافتين اتنين عشان بس الكفتة تمسك نفسها، لأنك لو عملتيها بالطريقة دي وجيتي تصبعيها هتفك مني .. وسدئيني انا مجربة كل دة لحد ما نجحت في عملها

 

عشان الكفتة تبأة ماسكة نفسها.. اكسري عليها بيضة نية وقلبيها كويس، وبعدين هاتي رغيف فينو.. (فرنساوي) بلي واعصريه كويس من المية، وبعدين حطيه على الكفتة واعجني بإيديكي لحد ما كل المقادير تختلط ببعضها..

 

لما تيجي تصبعيها عالقلم هتلائيها ماسكة نفسها كويس، وكمان طعم العيش مش هيبان بعد كدة في الكفتة

 

وفي كمان إضافة هضيفها للي عيزة تعملها.. هي أكلة اسمها عندنا هنا في الكويت خشخاش. الأكلة دي إيرانية وهي عبارة عن كفتة مشوية وتحتها طماطم مشوية مهروسة ومعجونة بالبقدونس.. الحقيقة طعمها مش ممكن بجد روعـــــــــــــــــــــــــة

 

انتي ممكن تشوي طماطم وبعد ما تتشوي تهرسيها بالشوكة وتحطي عليها بقدونس مفروم وبعدين تقلبيهم مع بعض.. وترصي فوقيها صوابع الكفتة

 

يا الله.. بجد الطعم عجيب وهيعجبك اوي... وكمان حاجة جديدة متعملتش ابل كدة :)

شارك هذه المشاركه


رابط المشاركه
شارك

السلام عليكم ورحمة الله وبركاته،،

بارك الله فيكِ حبيبتي

ام ريتاج

على الوصفة الرائعة

وبارك الله فيكِ حبيبتي

بنت الصادق

على الاضافة الرائعة أيضاً

شارك هذه المشاركه


رابط المشاركه
شارك

السلام عليكم و رحمة الله و بركاته

غاليتى بنت الصادق

جزاكى الله خيرا حبيبتى على الوصفة الكويتية الخاصة بالطماطم و البقدونس هي شكلها حلو ان شاء الله اعملها و اجربها مع الكفته

و برضوة بالنسبة اننا نحط بيضه او رغيف فينو مبلول ديه فكرة كويسة و كنت بعملها الأول

لكن تنفتكرى الحاتى بيجط بيض او فينو

عايزة اقولك ان السبب فى فك الكفته هو مرحلة الفرم عشان كده قولت اننا بنجيب اللحمة المفرومة الجاهزة من عند الجزار و هي عادتين بتبقى مفرومة ( وشين ) يعنى مرتين ثم بحط عليها الليه و افرمها مرة كمان مع بعض يعنى بتبقى مفرومة 3 مرات

و ده برضوه بيطبق على اللحمة الصحيحة لو جبتيها بالبيت تفرميها مرتين الاول لوحدها و المرة الثالثة مع اللية

و الطريقة ديه من واحد حاتى و شفته و هو بيعملها من الاول للأخر

بس لو لا قدر الله برضوه و الكفته صممت على رأيها بعد كل ده و مش عايزة تمسك معاكي ابقى بقا حطى لها رغيف فينو او بيضة يمكن يخلوا الكفتة تغير رأيها

بس و انتى بتعمليها سمى بالرحمن

استودعك الله

تم تعديل بواسطة أم ريتاج

شارك هذه المشاركه


رابط المشاركه
شارك

الحبيبة ام ريتاج

 

لا اعتقد ان الحاتي لو حط عليها عيش هيقولك، انا اسمع اصلا ان الكفتة الي بناكلها منه بيضيفلها عيش كتير، والي ضميرهم صاحي قليلين اوي.. عموما جايز فعلا يكون عندك حق، انا هجرب ان شاء الله الطريقة دي وابأة اقولك

 

عزيزتي مروة تركي

وجزاكي الله خيرا، اسعدك الله في الدارين :)

شارك هذه المشاركه


رابط المشاركه
شارك

الحبيبة ام ريتاج

 

لا اعتقد ان الحاتي لو حط عليها عيش هيقولك، انا اسمع اصلا ان الكفتة الي بناكلها منه بيضيفلها عيش كتير، والي ضميرهم صاحي قليلين اوي.. عموما جايز فعلا يكون عندك حق، انا هجرب ان شاء الله الطريقة دي وابأة اقولك

 

السلام عليكم و رحمة الله و بركاته

اخيتى بنت الصادق

انى احبك فى الله

استودعك الله

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

حلوه المناقشة دي ^_^

كملوا لعلنا نستفيد

بس على فكرة انا سمعت بموضوع رغيف الفينو

وعموما الفكرتين ان شاء الله حلوين طالما مجربين

وكمان هاقولكم على شيء انا كنت الاول بضع البصل مفروم ناعم

مش عصير البصل وعلشان كده ممكن تكون من اسباب تفككها البصل المفروم

 

ربنا يبارك فيكم ويطعمكم من ثمار الجنة حبيباتي

شارك هذه المشاركه


رابط المشاركه
شارك

السلام عليكم ورحمة الله وبركاته،،

موضوع رائع تسلموا يا غالين

مناقشة حلوة احنا المستفدين من وراها كتير

ربنا يبارك فيكم ويطعمنا جميعا من ثمار الفردوس الاعلى

اللهم امييييييييييييييييييييييييييييييييييييييييييييييييييييييين

شارك هذه المشاركه


رابط المشاركه
شارك

ريقنا جرى الله يسامحكو أم ريتاج ايه الحلاوة دى ابداع فى الوصف انا فتحت بقى وانا بقرأ الوصفة

والله عليكى بنت الصادق مداخلتك مفيدة خصوصا الطماطم المشوية مع البقدونس هاجربها باين عليها حلوة ا

الله الله هادور فى الاكلات التانية يمكن الاقى منافسة مفيدة كدة اطلع منها بجديد احبكن فى الله أخواتى .

 

post-33093-1190731706.gif

شارك هذه المشاركه


رابط المشاركه
شارك

جميل وجزاكم الله خيرا بس ازاي اعمل عصير البصل

السلام عليكم و رحمة الله و بركاته

 

ده انت اللى جميل يا عسل

 

شوفى يا ام عمرمر

 

انتى بتجيبى البصل و تبشريه و بعدين تمسكيه بايديك و تتضغطى عليه ( تعصريه) لحد ما ينزل الميه بتاعته

 

بتاخدى الميه ( عصير البصل) و ترمى الباقى او ممكن تحطيه على حاجة تانية بدل ما ترميه

 

بس

شارك هذه المشاركه


رابط المشاركه
شارك

طبعا وصفات ام ريتاج حبيبتى

بقالى كتير مشفتش ليكى مواضيع وحشتينى جداااااااااااااااااااااا

فانى احبك فى الله والاخت ج جهاد

وحشتونى انتم الاثنين

انت مش عسل بس داه انتم عسل وسكر وقمر وكل حاجة حلوة

وجزاكم الله خيرا خصوصا على الوصفات المثبتة

شارك هذه المشاركه


رابط المشاركه
شارك

السلام عليكم هذة الطريقة جميلة جدا ولكن عندى طريقة سهلة جدا.

المقادير:dry: :mrgreen:

1كيلو لحم مفروم-بقدونس-5بصلات-ملح-فلفل اسود-بهارات لحمة.

الطريقة:dry: :closedeyes:

نحضروعاءونضع فية اللحم والبصل المبشور ناعم جداوالبقدونس المقطع ناعم والفلفل والبهارات والملح ويعجن بليد جيداحتى تتجانس.

نحضر الحلة ونضع فيها قليل من الزيت ونصبع الكفتة بليد اليمنى ثم نضع كل الا صابع الواحدتلوالاخرحتى اخر اصبع نضع القليل من الماءكوبان ماءمثلا ثم ضع رشة زيت على الوجة الان اغلقى الحلة وتوضع على نار هادئة حتى تلا حظى ان الاصابع متماسكة بعد ذلك نحضر صينية نرص الاصابع فيها وتوضع فى الفرن تحت الشواية حتى تحمر.

وبلهنا والشفا.

(ملحوظة):dry:

الملح وانتى بتعجنى اللحم تذ وقى الحدق كماتريدين. :ninja: :closedeyes:

شارك هذه المشاركه


رابط المشاركه
شارك

عندى استفسار لام ريتاج بس ماتتضحكوش عليا انتى قلتى الفحمه احطها فين بالظبط فى الصينيه الى فيها الكفته ولا تقصدى ايه فهمينى ييووووه بقى اشرحى لو سمحتى

شارك هذه المشاركه


رابط المشاركه
شارك

السلام عليكم و رحمة الله و بركاته

اخواتى الغاليات سوهندا و أم أنس

بارك الله فيكن على مروركن الطيب

 

بالنسبة للفحمة

بصوا

 

لو انتى بعد ما صبعتى الكفته حطيتيها على الشبكة من دون صينية يعنى تنزل الدهون بتاعتها في صينيه تحت منها فمن الطبيعي انك هتحطى الفحمة في الصينيه اللى بينزل فيها الدهون

 

اما بقا لو صبعتيها و سويتها في صينيه فطبعي انها هتنزل الدهون في نفس الصينيه يبقى هتحطى الفحمة في نفس الصينية اللى فيها الكفته

 

و في الحلتين بعد ما تفتحي الفرن و تحطى الفحمة اقفلى الفرن بسرعة عشان الريحة تفضل في الفرن و الكفته تتبخر بريحة الفحم عشان تكون زي المشوية على الفحم

 

و بالهنا و الشفا

شارك هذه المشاركه


رابط المشاركه
شارك
ينفع لحم جاموسى

 

تنفع يا توتى بس تكون مدهنة شوية

شارك هذه المشاركه


رابط المشاركه
شارك

حبيبتى محبه لربها تسلمى يا حبيبتى ع الرد

وصفه بجد حلوة اوى انا بحب الكفته المشويه جداااااااا

بس يا خسارة عندى لحمة ونسيت وقولت لزوجى يجيب امبارح كفتة شويه كده ونعملها احنا بقا واقولكم النتيجة ان شاء الله

انا حماتى بتعملها بتحط البصل متخرط وبتفك منها هجربه الاول بمياة البصل علشان مش تفك

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×