اذهبي الى المحتوى
* سمر *

أرجـــــــــــوكم اسم مسحـــــــوق غسيــــــــــل

المشاركات التي تم ترشيحها

السلام عليكم ورحمة الله وبركاته

أخواتى الحبيبات أسفة لربما طلبى يكون تافه بالنسبة لكم

أو ممكن بعضكم يظن إننى بهزر

ولكن بجد الموضوع حرج جداً

من فضلكم أريد اسم مسحوق غسيل أوتوماتيك

من البضائع الغير مقاطعة وأرجو إنه يكون ينظف الغسيل جيداً

أصل بصراحة بينى وبينكم الغسيل كتر أوى ومش عارفة ألاقى مسحوق مش مقاطعة بينضف

والله أنا زهقت ومش عايزة أضعف وأتعامل مع منتجات أعدائنا تانى

لأن فى رأيى إن غسيلى مش ممكن ينظف لما أغسله بدم شهدائنا

أه ما تتعجبوش أنا لما أشترى مسحوق غسيل بينظف وأدفع فلوسى ليهم يشتروا

بيها زخائر يضربوا بيها ولادنا أكون بكدة بغسل ملابسى مش بمسحوق الغسيل ولكن

بدم الأبرياء

لذلك أرجو المساعدة عاجلاً عاجلاً جداً جداً جداً

شارك هذه المشاركه


رابط المشاركه
شارك

السلام عليكم ورحمة الله وبركاته،،

بصي حبيبتي ممكن تستعملي بونكس BONUX

او تستعملي أوكسي OXI

بس عشان أكون صريحة معاكي مش هايدوكي نفس نتيجة النظافة اللي بيديها الاريال مثلا

بس انتي ممكن تعوضي ده بأنك تستخدمي مع المسحوق الكلور للأبيض والكلور الألوان للألوان وان شاء الله الغسيل يكون حلو

وبإذن الله الغسيل هايعجبك عشان أنتِ نيتك انك تقاطعي

وربنا يبارك فيكِ

شارك هذه المشاركه


رابط المشاركه
شارك

السلام عليكم ورحمة الله وبركاته

 

 

الاخت هناء ملحوظه صغيره منتج bonux هو احد منتجات شركة بروكتل وجامبل(الشركة المنتجه لايريال)

 

 

 

الاخت سمر لو انت من مصر يوجد فى السوق صابون محلى (ابيض) يفرك به الغسيل المنقوع وبينظف كويس :angry: وبعد كده يغسل باى مسحوق وعلى البارد بينظف ان شاء الله

:icon_eek:

شارك هذه المشاركه


رابط المشاركه
شارك

السلام عليكم ورحمة الله وبركاته،،

الأخت الشجرة الطيبة

جزاكِ الله خيرا على التنبيه

 

أختي لقاء

نعم برسيل مقاطعة

 

شارك هذه المشاركه


رابط المشاركه
شارك

للرفع

لأنى كنت محتارة جدا مثل الأخوات

لكن الحمد لله ربنا يسر لى ولقيت بديل..

أوكسى...ورائحته رائعة بصراحة..وهو منتج مصري.

وفى مسحوق تانى اسمه اكسترا وهو بينظف لكن رائحته ليست قوية وكنت بضطر اشترى معه معطر لكيلا أتضايق من عدم وجود رائحة فى الغسيل..

 

وأنا رأيي إننا لو رضينا واحتسبنا فى سبيل التفريج عن إخواننا والتقليل من مكاسب أعدائنا

فإن الله سيوفقنا بإذنه فى شراء نوع يناسبنا

وغالبـــــا منتجات المقاطعة بتكون أغلى بكتير من المنتجات العادية المحلية

شارك هذه المشاركه


رابط المشاركه
شارك

السلام عليكم ورحمة الله وبركاته،،

فعلا يا ام عائشة استخدم اوكسى وجميل جدا

وفى نزل منو برائحة عبير الشرق روعة روعة روعة

وفى مسحوق نازل جديد منو الاتومتيك والعادى

اسمو ليدر روعة بردو

دول تجربتى

بس عندى سؤال هو برسيل زى اريال تبع المقاطعة ولا لا

شارك هذه المشاركه


رابط المشاركه
شارك

انا كمان بستعمل برسيل بس ما اعرفش انه تبع المقاطعه

 

انا كنت بستعمل اريال وبعدين لما لقيته تبع المقاطعه قاطعته وجبت برسيل

 

يعنى كده كمان المفروض ما نستعملش برسيل خلاص استعمل اوكسى زى ما الاخوات بيقولو

 

بس عندى سؤال يعنى اوكسى فيه منه للأتوماتيك والغسيل اليدوى ولا فيه منه لايه ؟؟؟؟

شارك هذه المشاركه


رابط المشاركه
شارك

أختى سندسة

أوكسى فيه منه عادى وأتوتماتيك...والعادى ريحته أحلى كمان من الأوتوماتيك..

 

وعلى حد علمى إن إريال وبرسيل مقاطعة...

وعلى فكرة أنا قاطعت من كذا سنة لكن فاكرة إن سعر برسيل وإريال كان سعرهم أغلى بكتير من بقية المساحيق..

يعني بإذن الله تقاطعى وكمان توفرى.

شارك هذه المشاركه


رابط المشاركه
شارك

السلام عليكم ورحمة الله وبركاته،،

جزاكى الله خيرا يا ام عائشة

يعنى برسيل فعلا تبع المقاطعة يا نهار ابيض

انا بستخدم اوكسى للاتومتيكوللغسالة العادية لا استغنى عن برسيل

ولكنى لا اعلم انو تبع المقاطعة ابدا

طب ممكن يا غاليه تقوليلى ايه منتجات المقاطعة

مش بس فى المسحوق لا وفى الاكل والادوات الشخصية

شارك هذه المشاركه


رابط المشاركه
شارك

على فكرة يا جماعة برسيل مش مقاطعة ولا حاجة وهو كمان نفس شركة اكسترا

 

وشوفوا الرابط ده علشان تتأكدوا

 

http://www.palestine-info.com/arabic/moqata/lists/lists.htm

 

وكمان للإفادة نقلت لكم هذا الموضوع أرجو أن يفيدكم

 

1281527250.gif

 

حبيباتى كل سنة وانتن فى احسن صحة وافضل حال

من خلال خبراتى وبحثى فى موضوع مساحيق الغسيل دى

لحد ماعملت خلطة حلوة اوى وموفرة كمان

وممكن تستخدميها مع الغسالة العادية او الهاف والاتوماتيك

المكونات

شيكارة فل

دى سعرها 12 جنيه ووزنها 3.5 كيلو

دى موجودة عند اى محل منظفات

وتجيبى كيلو ملح ليمون ب 8 جنيه

ونص كيلو بيكربونات الصوديوم (كربوناتو)

ب 3 جنيه هتلاقيهم عند اى عطار

وتخلطيهم مع بعض

وبس

تحطى منها بالمكيال بتاعك زى مانتى عاوزة

وعن تجربة بيديلك نضافه مالهاش مثيل

والله نضافة فوق الرائعة وكمان توفيرو بأقل التكاليف هتنضفى هدوم ولادك وخصوصا البقع وع البارد كمان

جربوا والله هتزهلوا من النضافة

واطلب منكم الدعاء بالهداية وفك الكرب اللهم امين

37_213.gif

 

ودي واحدة جربت فكرتها وعملت الموضوع ده

 

لاسحر ولا شعوذه ٥كيلو مسحوق للاتوماتيك ب٣٠ جنيه بصوا يا بنات واقسم بالله العظيم ان الخلطه دى بتاعه مسحوق الغسيل اكثر من رائعه وكل جيرانى بيسالونى عن نوع المسحوق اللي بستخدمه واكيد غالى جدا ولما اقولهم عليه يذبهلوا ويجروا يجربوا ويصدقونى وانا رديت كتبت تجربتى بكل امانه وبجد يا جماعه خلطه مسحوق بجد روعه بصى يا ستى كان فى موضوع لفتوكه شاطره جدا بتقول بتجيب شيكاره فل-ده مسحوق وزنه ٣,٥ كيلو وسعره ١٢ جنيه- وبتخلط معاه كيلو ملح ليمون ب١٢ ونص كيلو كربوناتو ب٦ وعندها غسالتين واحده هاف والتانيه اوتوماتيك وبتشكر جدا فى المسحوق انا بقى يا ستى جربته وعشان غسالتى اتوماتيك وهى ايدي ورجلى جبت ٣اكياس مسحوق ليدر يعنى٣كيلو وكيلو ملح ليمون ونص كربوناتو وسميت بالله وجربت اقسم بالله العظيم انى عمري مشفت غسيلى بالنظافه دى ولا الابيض بالزهزه دى واديت لماما ولحماتى-غسلاتهم هاف- مصدقوش انى مخلطاه لا وكمان شال البقع القديمه بتاعه المانجه والزيت يعنى ٥كيلو مسحوق باقل من ٣٠ جنيه وكمان بيزهزه الالوان لان ملح الليمون قلوى مش حامضى وعشان ريحه المسحوق مش اوى حطيت ب٢جنيه فانيليا من عند العطار وعلى فكره المسحوق ده مبيراغيش لو النقطه دى مدايقاكى حطى معاه فى الغساله شويه معجون صابون-من بتاع المنظفات-انا قلت اهو فى الغساله مش تخلطيه معاه...انا قلت تجربتى بكل امانه وبقالى شهر بستمله يوميا لانى بغسل كتير ويارب تستفيدوا وادعولى انا وصاحبه الوصفه السحر دى

37_213.gif

ابقوا قولولي رأيكم

تم تعديل بواسطة بنت الاسلام رقية

شارك هذه المشاركه


رابط المشاركه
شارك

بارك الله فيك بنت الاسلام رقروقة

 

ده لو فعلا كده هيبقا انقلاب بجد!!!!!!!!

 

بس ازاى مع ان ريحة ملح الليمون صعب اوووووى وبياكل فى الايد

 

 

ممكن تجيبيلى رابط الموضوع من اى منتدى

 

انا حاسة انه من ### صح ولالا

تم تعديل بواسطة ღأمة اللهღ
حذف اسم منتدى مخالف للقوانين

شارك هذه المشاركه


رابط المشاركه
شارك

صح حبيبتي أم الأشبال هو من ###

 

وممكن أجيبلك الرابط بس مش عارفة ينفع هنا ولا لأ

 

أنا أصلا كنت هاحطه بس خفت يكون فيه مخالفة والمشرفات يحذفوه

 

فقلت أنقل الموضوع أحسن علشان الإفادة

 

وعلى فكرة ملح الليمون ملوش ريحة ولا حاجة

 

وأنا شخصيا جربته في الغسيل هو و الكربوناتو بس مش بنفس الطريقة

 

يعني أنا حطيت كل حاجة لوحدها مخلطهوش على بعض

 

وفعلا والله العظيم النتيجة كانت فوق الوصف لو قلتلك كانت رائعة يبقى شوية عليها

 

جربي كده ومش هتندمي إن شاء الله

 

11_40.gif

تم تعديل بواسطة ღأمة اللهღ
حذف اسم منتدى مخالف للقوانين

شارك هذه المشاركه


رابط المشاركه
شارك

لا خلاص متعبيش روحك

 

على ايه تروحى وتشيلى الرابط وتحطيه هنا :wacko:

 

انا هاخد بعضى واروح ده قريب حتى مش بعيد :sad: مانا مشتركة فيه :mellow:

 

مشكورة رقروقة

 

هشوف

 

لو جربتة وجاب نتيجة حلوة هقولوكوا

 

ولو مكنش :unsure: يبقا استنيييييييييييييييييينى :wacko: :laugh: :laugh:

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

وبعدين يابنات

إنتم بتتقابلوا بره ولا إيه :icon15:

ممنوع الترويج لمنتديات أخرى ياحبيبات

وكمان ممنوع الدردشة الجانبية

وحشتينى أم الأشبال بس قلت أعمل عليكى مشرفة :mrgreen:

شارك هذه المشاركه


رابط المشاركه
شارك

أختي الحبيبة أمة الله ش

 

معذرة والله العظيم لم أقصد أبدا أن أروج لأي منتدى آخر

 

ولكن الأخت سألتني فرديت 3_73.gif فقط لاغير

 

حتى إني نقلت الموضوع ولم أضع الرابط لهذا السبب أيضا

 

بعد كده 22-12.gif هسكت خالص ولما حد يسألني مش هرد عليه

 

أرجو المعذرة مرة أخرى

 

حياك الله

شارك هذه المشاركه


رابط المشاركه
شارك

ايه ده ايه ده روقا مالك انتى زعلتى ولا اية؟؟؟؟؟

 

دى مشرفتنا الجميلة شوشو

 

ازيك يا شوشو عاملة اية انتى كمان وحشانى اخبارك ايه وازى مريومتك؟

 

كده تخضى البنية واحنا لا اتقابلنا لا برة ولا جوة دانا سالت سؤال وردت عليه

 

انا بس قلقانة اجرب المسحوق ولقيتها بتشجعنى جزاها الله خيرا

شارك هذه المشاركه


رابط المشاركه
شارك

السلام عليكم ورحمة اله وبركاته

أخواتى اشتقت أجرب هذه الخلطة معكن

ولكن أريد أن أعرف ماهى شكارة الفل؟وكيف تقرأ بالضم أم بالكسر؟

جزاكن الله عنى خيرا

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×