اذهبي الى المحتوى
*أم رقية*

ابني يسألني على الرحمن .....كيف أرد على أسئلته ؟

المشاركات التي تم ترشيحها

post-34026-0-77789200-1419236458.png

 

 

 

 

 

أختي انتبهي لكل لفظ أنا هكتبه ..لأن فيه ألفاظ مينفعش أستخدمها في الكلام عن ربنا جل وعلا

أبشرك يا أيتها المربية الحريصة على ولدك أن أسئلة الولد دليل على ذكائه أسأل الله أن يصلح أ

ولادنا وينبتهم نباتا حسنا

أنا تعمدت أكتب بالعامية لأنك بتخاطبي بيها ابنك وخليت المصطلحات الشرعية أقرب لفصحى سهلة عشان كل الجنسيات العربية تستفيد

الله المستعان وعليه توكلت إليه نفوض أمرنا كله دقه وجله ونتبرأ من كل حول لنا وقوة ونلجأ إليه وحده لا شريك له

 

 

post-34026-0-16426000-1419236811.png

 

 

-

أين الله؟

 

في السماء على العرش ربنا قال : الرحمن على العرش استوى

العرش ده كبير جدااااااا وربنا أكبر من العرش أنت مش هتقدر تتخيل هو أد أيه كبير لأن ربنا مفيش حاجة زيه أبدا هو أجمل وأعظم وأكبر من كل حاجة هتتخيلها

.

 

 

post-34026-0-16426000-1419236811.png

 

- هنروحله امتى؟

 

ربنا خلقنا في الدنيا عشان نجمع حسنات كثييييييييييرة جدا وبعدين نروحله لما نموت اللي عمل حسنات كثير أوي يدخل الجنة ويشوف ربنا ويبقى عنده كل حاجة بيحبها واللي مش هيبقى عنه حسنات هيروح النار ومش هيشوف ربنا

 

.

 

 

 

post-34026-0-16426000-1419236811.png

 

 

 

- عنده إيدين وفم وبياكل؟؟

 

ربنا عنده إيدين بس مش زي إيدنا لأن ربنا ليس كمثله شيء

لكن مش بياكل لأنه مش محتاج ياكل

أنت بتاكل عشان تكبر ..ربنا كبير مش محتاج ياكل عشان يكبر

أنت بتاكل عشان تبقى قوي ..ربنا قوي مش محتاج ياكل عشان يكون قوي

.

 

 

 

post-34026-0-16426000-1419236811.png

 

 

 

- ربنا هيفرح لما أجيبله هديه؟

 

ربنا ادالك كل الهدايا والنعم دي وطلب منك تعبده وحده وتحبه وتسمع كلامه في القرآن وتسمع كلام النبي وتحبه

ربنا بيفرح لما حد يدعيه ويعمل الطاعة

لو حد ذكر الله وسبح ربنا بيذكره ويقول اسمه عند الملائكة

ربنا مش محتاج منك هدية لأن هو اللي بيديك كل الهدايا والنعم ..حتى أنا لو جبت لك شيء دي أصلا من نعم ربنا عليا وعليك ..لأن هو اللي أنهم عليا بالفلوس

لكن ربنا يحب منك قلبك يحبه ويسمع كلامه ويحب منك تسارع للطاعة وتبعد عن الغلط

 

post-34026-0-16426000-1419236811.png

 

 

 

-- بنتى عندها اربع سنوات .. عندها فضول لكل شئ .. كل ما اكلمها عن الله .. بتبقى عاوزة تعرف عنه شىء ملموس .. ولما اشرحلها ..ان ربنا اكبر من كل شىء يا مريم ومينفعش نشوفه .. تقولى ليه هو زعلان .. طب ليه مش عاوز يشوفنا !!

 

--

 

قولي لها :

ربنا هــ "نراه" في الآخرة هيشوفه المؤمنون لأن ربنا جميل وكبير وعظيم والنظر لوجهة دي حاجة جميلة جدااااا فهي مكافأة المؤمنين لأنهم عبدوا ربنا في الدنيا وحبوه من غير ما يروه

وربنا سبحانه وتعالى بيحب المؤمنين فاحنا علينا نهتم نكون مؤمنين ونعمل اللي ربنا بيحبه عشان ندخل الجنة وننظر لوجه الله ونكلم ربنا

 

 

 

post-34026-0-16426000-1419236811.png

 

 

 

كمان دايما تشتاق لوالدى ..فاقولها ده توفى وراح عند ربنا ... ليه يا مامى . ما كان ربنا سابوهلنا ..وتزعل.. اقولها هو راح الجنة وربنا بيحبه.. ترجع تزعل تانى ..طب ما كده ربنا مش بيحبنا لو بيحبنا كان ودانا مع جدو فى الجنة ... وهكذا . ساعات من كتر الاسئلة والجدال مببقاش لاقية اجبابات .. ولصغر سنها مبتقاش فهمانى اوى ...

 

--

 

قولي لها جدو مات وكلنا هنموت كل واحد له موعد هيموت فيه

(متقوليش جدو راح الجنة ..دي شهادة لمعين بالجنة وده خطأ)

قولي لها ربنا خلقنا في الدنيا دي عشان كل واحد يعمل ويجتهد ولما يجي دوره ويموت يكون معاه حسنات كثير فيدخل الجنة

وركزي وحولي الحوار معاها لأيه اللي ممكن تعمله عشان تكون مسلمة كويسة عشان تجمع حسنات؟؟

 

 

post-34026-0-16426000-1419236811.png

 

 

انا ابني دائما بيسالني هو الي بيموت موش بيروح الجنه طب ليه بنحطه تحت الأرض لما هو هيروح عند ربنا وربنا فوق ليه ربنا مايخذوه من الأول

 

---

 

ج:

قولي له لوقت اللي بيموت ده أيه الفرق بينه وبين اللي عايش؟؟

-- اللي ميت مش بيتحرك صح؟؟ مش بيسمع مش بياكل مش بيتكلم صح؟

طيب واللي عايش بيتكلم وبياكل وبيتحرك

يبقى فيه فرق صحيح؟

الحي عنده حاجة اسمها "روح "

الميت معناه أنه خلاص خرجت الروح دي

الروح بتروح عند ربنا

والجسم بنحطه تحت الأرض

لما يجي يوم القيامة ربنا عظيم وقادر فيرجع الروح للأجسام كل روح ترجع لجسمها ويدخل المؤمن الجنة واللي مش مؤمن يدخل النار

(يا جماعة مش كل الي بيموت بيروح الجنة ..فيه أخوات عانوا مع أولادهم بسبب الغلطة دي أن ولادهم حاولوا يرموا نفسهم من الشباك عشان يموتوا لان الموت معناه يروح الجنة ....شوية توازن أيه الأزمة في أنه يفهم انه فيه نار وجنة ومطلوب نشتغل عشان ندخل الجنة؟؟ )

 

 

post-34026-0-16426000-1419236811.png

 

 

 

س:

لما أحكي قصة قابيل وهابيل ازاي أفهم بنتي يعني أيه قربان؟

 

ج:

قربان من القربة ...يعني زي ما بنذبح في العيد ..بنعمل طاعة معينة ربنا أمر بيها عشان نتقرب لله

وأفضل أننا نقول عن قابيل وهابيل ابني آدم إلا لو ثابت عندك أنه ورد ذكر أسمائهم

فنقول أن أبني آدم تقربوا لله بقربان معين فربنا تقبل من واحد منهم لأنه كان مخلص لله وكان بيختار الشيء اللي يتقرب به لله من أفضل ما عنده.....الخ

 

post-34026-0-16426000-1419236811.png

 

 

 

س.

في قصة سيدنا إبراهيم ازاي أقول للسن الصغير أنه قال أنه مكسرش الأصنام ماهي إشارة خضراء للكذب

كمان ازاي أقول أنه حاول يذبح ابنه؟؟؟

 

ج:

في قصة سيدنا إبراهيم تقولي: سألوه يا إبراهيم أنت اللي كسرت الأصنام

فقالهم: اسألوا الصنم الكبير لو بيعرف يتكلم هيقول لكم مين اللي كسرها .

ونقطة

في قصة الذبح إما أنك تكوني عاقلة جدا وتوضحي أد أيه أن الأمر بالذبح ده كان ابتلاء وأنه ازاي يقتل ابنه ويذبحه وأن ربنا فداه بالخروف الكبير بعد ما اختبره لأن ده خاص بالنبي إبراهيم

إما تنتظري لحد ما ولادك يعقلوا

 

 

 

 

post-34026-0-16426000-1419236811.png

 

 

س:

ابني 5 سنين سألني ربنا خلقنا ازاي؟؟

 

ج:

احكي له قصة سيدنا آدم

وبعدين قولي له لما الراجل بيتزوج المرأة ربنا سبحانه وتعالى بيرزقهم طفل في بطن الأم

وسبحان الله ربنا بينفخ في النونو الي في بطن الأم ده الروح بعد 120 يوم ويفضل يكبر لحد ما يبقى كبير وبينزل من تحت بطنها (بعد شوية لما يكبر أكير هيسأل تاني لازم تفصلي أكثر بدون كذب لأن ده نوع من لتربية الجنسية مهم جدا بدل ما يروح برة ويسأل برة)

 

 

 

post-34026-0-16426000-1419236811.png

 

س:

أيه هي الروح دي؟؟

ج:

الروح دي حاجة مخلوقة ربنا خلقها بيجعل بيها الإنسان يتحرك ..لما يخلص عمره الروح رجع لربنا ويوم القيامة ترجع الروح للجسم تاني عشان المؤمن يدخل الجنة والي مش مؤمن يدخل النار

 

 

 

post-34026-0-16426000-1419236811.png

 

س:

ليه ربنا خلق الحشرات؟؟

 

ج:

ربنا خلق الكون ده وفيه كل شيء صغير وكبير

النبات محتاج حشرات عشان يبقى كبير ويكثر

والحيوانات محتاجة الحشرات والنباتات عشان تكبر وتكثر

وأنت محتاج النبات والحيوانات عشان تاكلهم

فكل ده كون متوازن ربنا خلقه عشان لما نشوفه نحمد ربنا ونعرف عظمته كمان

شوف ربنا قادر يخلق الفيل الكبير جدا

وقادر يخلق النملة والذبابة الصغننة جدا

وكل شيء في الكون موزون من غيره فيه حاجات مش هتلاقي أكلها

والدنيا دي مش دار جزاء يعني مش مخلوقين فيها عشان نتبسط وبس

لا احنا مخلوقين عشان ربنا بيختبرنا مين هيجمع حسنات كثير؟؟

ففيه أشياء ممكن بتضايقنا لوما نتضايق ناخد ثواب

يعني الذباب لما يضايقك بتاخد ثواب

وتيجي يوم القيامة تلاقي حسنات كثيرة

وفي الجنة مفيش حاجة هضايقك خالص ..قول يارب ندخل الجنة

 

 

post-34026-0-26318800-1419236979.png

متجدد بإذن الله

منقول من الأخت سارة بنت محمد حسن

  • معجبة 2

شارك هذه المشاركه


رابط المشاركه
شارك

بسم الله الرحمن الرحيم

و عليكم السلام و رحمة الله و بركاته

 

ماشاء الله موضوع رائع

جزاك الله خيرا اختي

الله المستعان على تربية اولادنا

 

متابعة معك إن شاء الله

شارك هذه المشاركه


رابط المشاركه
شارك

السلام عليكم ورحمة الله وبركاته

 

أخبارك يا قطة <3

 

يا ليت تكتبي اسمها بلون واضح في البداية لان لون الخط ضعيف جدا

واكتبي كمان ان الموضوع متجدد لانها بتضيف عليه بأسئلة وأجوبة شبه يوميا

شارك هذه المشاركه


رابط المشاركه
شارك

بسم الله الرحمن الرحيم

و عليكم السلام و رحمة الله و بركاته

 

ماشاء الله موضوع رائع

جزاك الله خيرا اختي

الله المستعان على تربية اولادنا

 

متابعة معك إن شاء الله

 

 

الله يبارك فيك

 

انا مجرد ناقلة الموضوع

 

ان شاء الله اول ما الاخت تضيف جديد هضيفه هنا

شارك هذه المشاركه


رابط المشاركه
شارك

السلام عليكم ورحمة الله وبركاته

 

أخبارك يا قطة <3

 

يا ليت تكتبي اسمها بلون واضح في البداية لان لون الخط ضعيف جدا

واكتبي كمان ان الموضوع متجدد لانها بتضيف عليه بأسئلة وأجوبة شبه يوميا

 

وعليكم السلام ورحمة الله وبركاته

 

بقيت بخربش :P

 

ما انا كاتبة متجدد سلامة عينك يا قمر

 

واللون كان لزوم التنسيق :blush:

 

تم التغيير

شارك هذه المشاركه


رابط المشاركه
شارك

جزاك الله خيرا أم رقية وجزى الأخت سارة خير الجزاء على جهدها

 

لا بد من الحكمة والمعرفة في هذا الموضوع سواء للأم أو المعلمة لأنه يترتب عليه ترسيخ للعقيدة والمفاهيم في عقل الطفل ،، والله المستعان على إنشاء جيل صالح مصلح .

شارك هذه المشاركه


رابط المشاركه
شارك

و عليكم السلام ورحمة الله وبركاته

جزاكن الله خير أم رقية الحبيبة و الأستاذة سارة بنت محمد و نفع الله بكن

جميل جدا اللهم بارك

 

لدي تعقيب فقط على النقطة هذه بارك الله فيكن

في رؤية الله سبحانه و تعالى يوم القيامة

المؤمنين كلهم يرون الله حتى العصاة منهم

و المنافقون يرون الله في عرصات القيامة فقط

أما الكفار فلن يرون الله

http://islamqa.info/ar/116644

 

 

 

 

fwasel193.png

 

- هنروحله امتى؟

 

ربنا خلقنا في الدنيا عشان نجمع حسنات كثييييييييييرة جدا وبعدين نروحله لما نموت اللي عمل حسنات كثير أوي يدخل الجنة ويشوف ربنا ويبقى عنده كل حاجة بيحبها واللي مش هيبقى عنه حسنات هيروح النار ومش هيشوف ربنا

 

شارك هذه المشاركه


رابط المشاركه
شارك

السلام عليكم ورحمة الله وبركاته

بورك فيك أم رقية الحبيبة

موضوع يهم كل أم ليعينها على الرد على أسئلة الصغار الغريبة : )

بورك فيك

شارك هذه المشاركه


رابط المشاركه
شارك

وعليكم السلام ورحمة الله وبركاته

بارك الله حبيبتي

أسئلة معقدة والأجوبة مبسطة

وحشاني جدا

(:

شارك هذه المشاركه


رابط المشاركه
شارك

وعليكم السلام ورحمة الله وبركاته

ما شاء الله موضوع جميل جداا ومهم

جزاكِ الله خيراً أختي الحبيبة ونفع بكِ

لاحرمكِ الله تعالى الأجر والثواب ..

شارك هذه المشاركه


رابط المشاركه
شارك

بسم الله

وعليكم السلام ورحمة الله وبركاته

ما شاء الله موضوع جميل جداا ومهم

جزاكِ الله خيراً أختي الحبيبة ونفع بكِ

لاحرمكِ الله تعالى الأجر والثواب ..

شارك هذه المشاركه


رابط المشاركه
شارك

وعليكم السلام ورحمة الله وبركاته

 

موضوع رائع جدا وتحتاجه كل أم للإجابة على أسئلة أبنائها

جزاكِ الله خيرا يا حبيبة وجزى الأخت سارة بنت محمد خيرا

في المتابعة إن شاء الله تعالى ()

شارك هذه المشاركه


رابط المشاركه
شارك

 

 

@♡ راجية الجنان ♡

 

 

@أم زيــــاد

 

@

 

@

 

 

 

عطرتن الموضوع بردودكن يا حبيبات

 

 

ان شاء الله هعرض تعقيبك على الاخت سارة

 

جزاكِ الله خيرًا

شارك هذه المشاركه


رابط المشاركه
شارك

post-34026-0-40396700-1420817892.png

 

 

 

س

بنتي اربع سنوات، بتقول لى انا عاوزة لما اروح الجنة احضن ربنا،

 

ج:

ربنا كبير جدااااا ولو نظرت له سبحانه وتعالي هتتبسطي جدااااااا شوفي انا لما بحضنك بتكوني أنت بين إيدي عشان احنا أد بعض لكن ربنا كبير وعظيم ومش زينا هنكلمه ونسمع صوته سبحانه في الجنة وننظر له وهنكون مبسوطين أوي

وروحي ناقلة على أن الجنة حلوة أوي وفيها بحر وعصافير تلعبي معاهم وشجر جميل ووووووووو

 

post-34026-0-70213700-1420817802.png

 

س

بعدين قالت لى هو ربنا عنده الجنة هي الجنة بنروحها بالطيارة ؟

 

ج

لا مش بالطيارة

شوفي السما اللي فوق دي فيه فوقها سما أكبر وفوقها سما أكبر (عدي معاها 7 سموات)

وفوق السموات دي كلها الجنة الطيارة مينفعش تمشي كل ده خالص

يوم القيامة الدنيا دي كلها هتتغير وربنا سبحانه يدخل المؤمنين الجنة ويدخل اللي مش مؤمنين النار

 

post-34026-0-70213700-1420817802.png

 

 

س

طيب اخويا لما يعمل حاجة غلط ربنا هيوديه النار ؟

 

ج

قولي لها : يا حبيبتي طالما أحنا عايشين ومسلمين يبقى ممكن نستغفر ونعمل حاجاتت حلوة وربنا يدخلنا الجنة

احنا هنجهد ونعمل حاجات حلوة عشان يكون معانا حسنات كثير وربنا يغفر لنا الغلطات ونحاول نجهد جدا ومنعملش غلطات ولو عملنا نستغفر ربنا ونعمل بسرعة حسنات عشان مندخلش النار

وبعدين انقلي معاها هو أنت عاوزة أخوك يدخل النار؟

خلاص ادعيله وادعيلي وادعي لنفسك أننا نكون من أهل الجنة

 

post-34026-0-70213700-1420817802.png

 

س

 

انا ديما بقول لابني ان الصلاه بتقرب العبد من ربه وان ربنا هيساعده ويوفقه لما يواضب علي الصلاه

لما يجيب درجات وحشه او تحصل حاجه تضايقه ما يصلي ولما اقوله ليه ما صليت يقول ما هي الصلاه ما عملت ليه شئ المفروض انسب رد لكلامه ايه

 

ج

احنا حبيبتي مش بس بنصلي عشان المكافأة في الدنيا الدنيا دار اختبار ربنا بيختبرنا مين هيسمع الكلام ومين مش هيسمع الكلام (لاحظي أن ده مفهوم مش منضبط لأن الدنيا دار ابتلاء)

احنا بنصلي نقرب لله وينشرح صدرنا بالله بنصلي طاعة لله أصلا وامتثالا لأمره وخضوعا له

ربنا قال :" ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة) وخديه واقرأي في التفسير اللي أنت مجهزاه وقرأتيه وفاهماه (أفترض أنه 7 سنين فيما فوق)

والتوفيق حبيبي مش معناه أن يحصل اللي أنت عاوزه أو تجيب درجات كويسة لأن ربنا قال :" ولو اتبع الحق أهوائهم لفسدت السماوات والأرض"

وربنا ما منعك إلا ليعطيك التوفيق ده حاجة كبر من كدة بكثير ده انشراح الصدر وراحة في القلب وحب الصالحين ..ممكن تجيب درجة كويسة وتتغم أو تتخانق مع صديق عزيز عليك

واحكي له مثلا قصة الراجل اللي فاتته الطيارة فحزن جدا لكن الطيارة وقعت ومات للي فيها ...فكثير بيكون ظاهر الشيء يضايقك لكن في باطنه الرحمة والتوفيق

 

post-34026-0-70213700-1420817802.png

 

س

 

بنتى تسال. من اللى قال ان الاسلام هو الحق تسع سنوات انا معايا فى الفصل مسيحين ويهود ومنهم ما بيع بدور حاجة وكلهم كويسين

 

ج

اللي قال إن الإسلام هو الحق أدلة كثير جدا

أولا احنا مؤمنين بسيدنا عيسى (نبي المسيحيين) وسيدنا موسى (نبي اليهود) وسيدنا محمد (نبي الإسلام) ومؤمنين بالتوراة والإنجيل والقرآن بس احنا عارفين أن القرآن مش متحرف لكن التوراة والإنجيل متحرفين بدليل أن فيه نسخ كثير جدااا ولكن القرآن كله واحد من المغرب للمشرق واتعلمناه من الشيوخ لحد النبي

والمسيحيين مؤمنين بموسى ومؤمنين أن عيسى ابن الله ومش مؤمنين بمحمد ومؤمنين وكمان مؤمنين بالتواراة والإنجيل ومش مؤمنين بالقرآن

واليهود مؤمنين بموسى ومش مؤمنين بعيسى وبيقولوا عليه كلام وحش وبيشتموه ومش مؤمنين بمحمد وموؤمنين بالتوراة ومش مؤنين بالقرآن ولا بالإنجيل

يبقى مين أصح؟ ومين اللي مؤمن بكل اللي ربنا بعته؟ وكمان بطريقة صح بدون غلو يعني احنا بنقول سيدنا عيسى نبي مش الله ولا ابن الله زي ما بيقولوا

.

ثانيا ربنا أرسل سيدنا محمد وحارب اليهود وحارب المسيحيين وانتصر عليهم وأخرجهم من جزيرة العرب بأمر الله له وربنا نصره عليهم زي ما كان مكتوب في كتبهم وده دليل قوي جدا أن سيدنا محمد نبي وأن القرآن من عند ربنا لأن ربنا سلطه عليهم بأمره فانتصر عليهم وفضل الإسلام قوي جدا طول ما المسلمين ماشيين بالقرآن والسنة لما اتغيروا ربنا سلط عليهم الأعداء

.

ثالثا

القرآن اللي احنا مؤمنين به قال أن اليهود كفار والمسيحيين كفار مهما كانت أخلاقهم كويسة لأن أهم شيء أن الواحد يعبد ربنا ويسمع كلامه مع الأخلاق الكويسة لكن أخلاق كويسة وهم بيشتموا ربنا

يااه بيشتموا ربنا! اه لأن النبي قال أن ربنا قال يسبني ابن آدم ينسب لي الولد

فازاي أخلاقهم كويسة وربنا قال عنهم أنهم بيقولوا كلام على ربنا هو سب لله ؟؟

اليهود اللي بتقولي أن أخلاقهم كويسة كانوا بيكرهوا النبي وحاولوا يقتلوه ولحد النهاردة في فلسطين أول ما يتمكنوا من المسلمين يقتلوهم ومحتلين أرضنا وأخذوا المسجد الأقصى وإن شاء الله هنحرره

رابعا:

احكي لها بقة قصة عبد الله بن سلام الصحابي اللي كان يهودي من الأحبار وأسلم

وقصة تحريف اليهود لحد الرجم لما دخل عليهم النبي وقالهم أنشدكم الله أتجدون حد الرجم

وقصة بني إسرائيل مع سيدنا موسى

وقصة سيدنا عيسى

واتكلمي عن سيدنا محمد وسيرته

 

post-34026-0-70213700-1420817802.png

 

س

 

أفهم ابني وبنتي ازاي هم جم منين ؟

 

ج

ده فيديو رائع مختصر عن الولادة صالح من سن 4 أو 5 سنوات أو أقل أو أكثر حسب عقلية الطفل وفضوله

 

فيه فيديو أطول منه وفيه تفاصيل ينفع للأكبر والأكثر وعيا

فيه صور توضيحية مرسومة لشكل البيبي داخل بطن أمه ومكان خروجه ..الموضوع علمي جدا فقط اكتبي على جوجل الجنين في بطن أمه الشهر التاسع

وهتلاقي صور للجنين في الرحم سواء 3 دي دايمنشن أو السونار أو رسومات توضيحية

ركزي أهم شيء على "سبحان الله الخالق" وشوف بيتغذى ازاي وهو ضغنن - شوف المشيمة - شوف الحبل السري اللي كان رابطك بي - شوف أنت كنت في انهي حتة جنب قلبي يا قلبي (حتة حب وحنية)

الفيديو ممكن يسألك هو الأحمر ده دم؟ ده مش دم على فكرة فهميه ببساطة أن ده كيس مية لونه أصفر أو مخضر شوية بيعوم في ه البيبي في بطن ماما وهم راسمينه أحمر بس عشان يبان

 

post-34026-0-70213700-1420817802.png

 

س:

ابني 5 سنوات

مين الملائكه وشكلهم ايه ؟ وعايز اشوفهم وليه احنا مش بنشوغهم ولاالشيطان؟ لما نروح الجنه هنشوفهم؟ ونفس الكلام علي الانبياء ؟ وهل صح ان اقوله لما تدخل الجنه ان شاء الله ممكن تطلب من ربنا كل اللي انت عايزه ؟

.

 

ج:

 

الملائكة خلق من خلق الله خلقهم الله من نور شكلهم أيه منعرفش لأننا مشفناهمش بس هم كبار واقوياء جدا وبيسمعوا كلام ربنا ومش ممكن يعصوا ربنا ابدا

مش هنشوفهم دلوقت لكن بنؤمن بيهم لان ربنا قال لنا عنهم ومدح اللي بيؤمن بالغيب يعني احنا مشفناهمش بس مؤمنين بيهم لان ربنا قالنا عنهم

مش هنشوف الشيطان لأن الشيطان جبان بيوسوس بس وربنا قال عنه :" إنه يراكم هو وقبيله من حيث لا ترونهم" وعشان كدة لما تقول اعوذ بالله من الشيطان الرجيم يهرب ويخاف

لما هنروج الجنة هنشوف الملايكة والأنبياء ولو أنت بتحب الأنبياء هتكون معاهم في الجنة

لكن مش هنشوف الشيطان نشوفه ليه هو هيكون في النار عشان هو مش بيحب ربنا ومش بيسمع كلام ربنا و(احكي له قصة سيدنا آدم وبيني حقد الشيطان وكبره)

.

وممكن طبعا تقولي لابنك لما تدخل الجنة هتطلب من الله كل اللي أنت عاوزه ..لالالالالا ده من غير طلب كمان ده أنت بس تفكر أو تتمنى الشيء تلاقيه أدامك...لو نفسك تاكل تفاج تلاقي الشجرة تنزلك تفاح ..شايف عصفورة حلوة نفسك تلعب معاها هتيجي تلعب معاك..الخ

 

post-34026-0-70213700-1420817802.png

 

س:

(ابني خمس سنوات)

وحاجه كمان كل مايشوف حد بيعمل حاجه غلط يقول هيدخل النار . يعني لو شاف واحد في الشارع بيشرب سجاير يقولي هيدخل النار ياماما .

عايزه اعلمه يبطل يحكم علي الناس عامه ازاي؟

.

 

ج

:

قولي له حبيبي بدل ما تقول هيدخل النار أو الجنة قول يارب اهديه

احنا نسمع كلام ربنا ونعلم الناس الصح والغلط وندعي لهم بالهداية لكن مش احنا اللي هنحكم مين يدخل النار أو الجنة

وأهم شيء أننا نهم بعملنا احنا ونتعلم الصح والغلط عشان نقدر نفهم الناس الصح والغلط ونحمد ربنا أن ربنا رزقك ماما تعلمك الصح والغلط وأنت صغير عشان لما تكبر يكون معاك حسنات كثير وتكون فاهم ومتعملش الغلط وتفضل تعمل الصح إن شاء الله

.

مع التكرار.

post-34026-0-70213700-1420817802.png

 

س:

 

انا بنتي ثمانية سنوات وصلت معها لما قلتيه انت صور وفيديو وتعرف الجنين يتكون في بطن الام ويتغذى والبويضة وووووالان السؤال الي بعدو بصراحة اشعر بخرج كبير لتفسير الامر عي تعرف انه لوجود طفل لا بد من ذكر وانثى ختى في الحيوانات الان تسال لماذا لا بد من ذكر؟؟ قلت لها عندما تكبرين سافسر لك

 

ج:

وليه كل ده؟؟

قولي لها ببساطة ماما ست تزوجت بابا راجل فبقى عندنا (قولي اسمها وأنت فرحانة )

أي حيوانات لازم ذكر وأنثى يتزوجوا عشان يكون عندهم نونو

وبكرة حبيبتي هتكبري وتتزوجي راجل ويكون عندك أولاد إن شاء الله

 

ليه لازم ذكر : ربنا نظم الكون بالطريقة دي عشان نكون أسر ويكون لهم بيت بابا يجيب فلوس وماما تجيب اولاد ..مش أنت مبسوطة أن عندك ماما وبابا ولا كان تحبي يكون عندك ماما بس او بابا بس؟؟

(في حالة عدم وجود الأب لأي ظروف هتختلف الإجابة باختلاف الحال )

 

 

post-34026-0-60780700-1420817977.png

  • معجبة 1

شارك هذه المشاركه


رابط المشاركه
شارك

جزاك الله خيرا أختي الحبيبة أم رقية على هذا الموضوع الجميل عندي استفسار أليس هناك مشكلة إن شاهدوا هذا الفيديو وجزاك الله خيرا

شارك هذه المشاركه


رابط المشاركه
شارك

وعليكم السلام ورحمة الله وبركاته

 

جهد جبار أسأل الله لكِ القبول

شارك هذه المشاركه


رابط المشاركه
شارك

@@همسة أمل ~

 

سألت الأخت ودة كان ردها

 

 

يا حبيبة قلبي

اللي مش هيبقى عنده حسنات كدة مطلقا مقصود بيها الكافر بس بتبسيط المفهوم للطفل

لأن المسلم حتى العاصي عنده حسنات ولا أيه رأيك؟؟ التوحيد مش حسنة ولا أيه؟

 

أما قولك المنافقين هيشوفوا ربنا فالكلام على رؤيا الاستمتاع في الجنة فهل المنافق هيدخل الجنة ويشوف ربنا؟؟

 

والفتوى فيها "

 

وأما المنافقون فإنهم يرون الله في عرصات القيامة ولا يرونه بعد ذلك، وهذا أشد حسرةً عليهم.. أن يستمتعوا بالنظر إلى الله عز وجل، ثم بعد ذلك يحجبون عنه. " اهـ

 

التفريق ده لو حبيبتي عاوزة تفصليه للطفل براحتك لو الطفل عمره يسمح خير

 

بارك الله فيك

شارك هذه المشاركه


رابط المشاركه
شارك

@أم إلياسين

 

الفيديو اللي كانت بتقول عليه الاخت سارة مناسب جدا للصغار مفهيوش اي شئ غير حركة الجنين ونخروجة من الكيس ودة طبعا مش فيديو لولادة حقيقة

شارك هذه المشاركه


رابط المشاركه
شارك

جزاك الله خيرا أختي الحبيبة أم رقية

شارك هذه المشاركه


رابط المشاركه
شارك

وعليكم السلام ورحمة الله وبركاته

 

جهد جبار أسأل الله لكِ القبول

 

 

امين لكن لست انا من اجاوب ؛ الاجابات كلها للاخت سارة بنت محمد جزاها الله عنا خيراً

شارك هذه المشاركه


رابط المشاركه
شارك

جزاكِ الله خيرا يا حبيبتي ويارب ارزقنا الذريه الصالحه

 

مع الاسف هناك خطر كبيييير علي اولادنا من مشاهده الكارتون فهناك امور خطيره تعرض ولا نلقي لها بال الا ما رحم ربي هناك كارتون يسمي الافتار ويتحدث عن تسخير النار والارض والماء وغيرها يريدون ان يغذوا اطفالنا بمعتقداتهم الفاسده رحم الله اطفالنا من هذه الملوثات

فلننتبه يا امهات لاطفالنا وننتقي ما يشاهدونه

الاودكن امانه في اعناقكن جميعا فاحسنوا اليهم

وكما يقول المثل ( ابنك علي ماتربيه :) )

تحياتي لكن جميعا <3

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×