وانتي جاية هاتيلي عريس

[العبدة الفقيرة 2]

سلام عليكم

 

هدخل طواااالى

 

فى موضوع شاغل

بال البنات

وانا سميته

حوار الساعة

كل يوم شكل وخناق فى البيت

عريس جايلك تعالى شوفيه

فى كل بيت تقريبا

ودة حوار كل يوم

 

 

 

 

 

 

 

 

 

يفتح الستار على موال كل يوم

 

 

 

 

 

 

 

 

 

انا راجعة من الشغل لقيت ماما فى اوضتها بتتفرج على التليفزيزن و متنكدة :biggrin:

 

 

 

 

 

 

 

 

 

انا : انا جيت يا مامتى ، ايه مالك مين زعلك ؟؟

 

 

 

 

 

 

 

 

ماما : محدش زعلنى ، بنت خالتك خطوبتها الاسبوع الجاى

 

 

 

 

انا : الف مبروك و الله هاروح بقى اكلمها اباركلها، بس هى دى حاجة تزعلك

 

 

 

 

 

 

ماما : بنت خالتك اصغر منك ب 6 سنين و خلاص هاتتجوز

 

 

 

 

 

انا : طيب يا ماما و ماله كل شىء قسمة و نصيب ، و انا لما هايجيلى نصيبى هاتجوز

 

 

 

 

 

ماما : يا بنتى نفسى اشوف ولادك قبل ما اموت

 

 

 

 

 

انا : يا دى النيلة يا ماما بعد الشر عليكى و بعدين هو انا كل يوم لازم اسمع نفس الموشح

 

 

 

 

 

ماما : كلامى مش عاجبك واقف فى زورك ، يا بنتى العمر بيجرى، و انا مش هاعيش قد ماعشت ، عايزة اطمن عليكى

 

 

 

 

 

انا : يا ماما مش يمكن اموت انا الاول و بعدين لو ربنا رايد انى اتجوز هاتجوز

 

 

 

 

ماما : يا بنتى الملافظ سعد بعد الشر عليكى ربنا يجعل يومى قبل يومك ، بس اخرجى شوفى الناس ، اتفسحى ، خلى الناس تشوفك فى الشارع

 

 

 

 

 

انا : يعنى امشى احط يافطة مطلوب عريس؟؟ انتى عارفة انى مابحبش جواز الصالونات و ساعات بوافق اشوف اى عريس علشانك

 

 

 

 

 

ماما : مهو طول ما انتى قاعدة بوزى فى بوزك او قاعدالى على المخروب اللى اسمه النت مش هاتتجوزى

 

انا : استغفر الله العظيم مال النت و مال الجواز

 

 

 

 

 

ماما : صحابك كلهم اتجوزوا ووولادهم بقوا فى حضانة و ابتدائى ، يعنى انتى مش احلى من عبير ام ضب ، و لا هناء اللى دمها زى السم

 

 

 

 

 

انا

 

 

 

: يا ماما القرد فى عين امه غزال انتىعلشان ماما شايفانى حلوة ، و بعدين لما يجيلى عريس كويس هاوافق علطول

 

 

 

 

ماما : طيب ايه اللى ماعجبكيش فى الدكتور مجدى ؟؟؟؟؟؟؟؟

 

 

 

 

 

انا : دكتور مجدى مين ؟

 

 

 

 

 

ماما : الدكتور اللى جالك و انتى فى 3 ثانوى

 

 

 

 

 

انا : يا خرابى يا ماما انتى لسة فاكرة دة الموضوع دة عدى عليه زمن يكاد يكون قرن و انا كنت صغيرة و كان عندى 17 سنة و هو عنده 33 سنة

 

 

 

 

 

ماما : اه صحيح دة من زمان و انا كمان حتى رفضته ، طيب ليه ما اتجوزتيش ياسر ؟؟

 

 

 

 

 

انا : يا ماما انتى بتكلمينى عن حاجات حصلت ايام الجامعة ليه؟؟

 

 

 

 

 

انا : انسى بقى و اقفلى على الموضوع دة

 

 

 

 

 

ماما : طيب يا بنتى اخرجى علشان خاطرى الناس بتتجوز كدة

 

 

 

 

 

انا : يا ماما ارحمينى انا زهقت بقى من السيرة دى ما انا بخرج بس مش معقول هاخرج كل يوم ، انا بحب البيت اكتر و بزهق من الخروج

 

 

 

 

 

ماما : طيب روحى عند سالى

 

 

 

 

 

انا : يا ستى كنت عندها من اسبوع هى صورة و بعدين البنت متجوزة عايزة تكون براحتها فى بيتها و مش معقول كل ما اروحلها تتصلى بيها تقوليلها ، لو بنتى رجعت من غير عريس هازعل منك ، هو حد قالك انها خاطبة

 

 

 

 

 

ماما : انتى خلاص مابقيتيش عايزة تسمعى منى كلمة ، طيب اخوكى عايز يتجوز

 

 

 

 

 

انا : طيب و انا مالى ، مايتجوز انا دخلى ايه ؟ و بعدين يا ماما دة اصغر منى بسنة و يا دوب مرتبه مكفيه و شقته فى مكان مهجور ، و اصلا هو مش مرتبط و لا فيه واحدة فى دماغه مين اللى قالك انه عايز يتجوز ؟؟

 

 

 

 

ماما : محدش بس انا عرفتها لوحدى ، انا يا ضنايا حاسة بيه و عارفة

 

 

 

 

 

انا : لا حول ولا قوة إلا بالله طيب انا مليت بجد من الكلام دة و عصبت انا هانزل هاروح عند عبير عايزة حاجة اجيبها و انا جاية ؟

 

 

 

 

 

ماما : هاتى عريس و انتى جاية

 

 

 

 

 

و ينزل الستار و انا بشد فى شعرى و بفكر انتحر

 

بصراحة كدة عايزين الاهل تخف شوية من

الموضوع دة هتتجوزى امتى عايزين نشوف عيالك

المسالة مش غصب ولا اجبار

وتجارب كتير فشلت كان اساسها الاجبار

نخلى فيه مساحة من الحرية فى الاختيار

اظن دى اقل حاجة نطلبها

الجواز مسؤلية

ولازم نكون ادها

مش عايزين نشمت فينا الاجانب

وانا رايى ان الحكاية عايزة صبر

منتسرعش على الجواز زى ما بشوف كدة

اصبر تنول زى ما بيقولوا

عايزة اعرف منكم رايكم فى كلامى دة

ولو حد عندة تجارب حصلت يحكيلنا

بس بردو الأهل عايزين لبناتهم عرسان

 

 

 

 

صح يا بنات

 

 

 

 

سلاااام بقى

 

 

 

 

 

 

منقوووووووووووووول

تم تعديل 4 يناير, 2010 بواسطة ساجدة للرحمن

[أمة_الرحمن 90]

سبحان الله !!!!!!!

 

بدل ما الاهل وحسب السنة يبحثوا لبنتهم على العريس الذي يرضون دينه وخلقه بيقولولها تخرج عشان تجيب عريس!!!!!!

 

اصلا هو العريس اللي بيخطب عشان شكل الوحدة حلو او لا حيكون قد الجواز ومسؤوليته ياترى؟؟؟؟؟

 

وللا اول ما تحمل وللا تتعب وللا يتغير فشكلها حاجة حيكرهها ويصير يفكر فالورطة كيف يطلع منها؟؟؟؟

 

مشكورة ياعبودة العسولة عالموضوع

[العبدة الفقيرة 2]

ربنا يكرمك اختى الغالية امة الرحمن

و ربنا يكرمك و يعزك

و نورتى الموضوع ياقمر

[دعاء بنت مصر 8]

والله فعلا انا رايي في الجواز والعريس والكلام ده اننا منتسرعش خااااااااااااالص والله حتى لو متجوزتش خالص بس اهم حاجه اكون اعده مريحه بالي ومستريحه

 

وانا طبعا مش ضد الجواز خااااااااالص لا والله دي سنه الحياه وانا عرفه كده كويس بس اللي اقصده

اني ياما بشوف بنات استعجلوا برضه ع الجواز واختاروا اي حد ودلوقتي ياما مطلقين يااما ع وش طلاق والموضوع ده انا عاصرته بنفسي ربنا يحفظنا جميعا

فهو من الاول يااما نختار بتاني يااما خلاص مش لازم

 

 

جزاكي الله خيرا ع الموضوع المهم ده

يمكن انا مش حسه بالموضوع اوي لاني لسه بدري عليا لما افكر في الحوار ده بس دي وجهه نظري

 

ادعولي بقى اخلص الكليه ع خير :)

[أمة أرحم الراحميين 0]

السلام عليكم ورحمة الله وبركاته،،

 

 

انا مش مستعجلة هوفى الطريق

 

ربنا ييسرله ولى

[بنوته مسلمه مصريه 458]

ايه ياعبوده المواضيع الجامده دى

انا ضحكت لما شوفت العنوان

ربنا يبارك فيك ياقمر

ويرزقك ياعبوده انا وانتى طبعا بالزوج الصالح وبنات المسلمين

[حفصة أحمد 40]

السلام عليكم ورحمة الله وبركاته،،

 

طبعا هو ده الحوار اللى بيدور فعلا بين الامهات وبناتهم اللى كبروا شوى .

جزاك الله خير ع الموضوع الهايل ده .

 

الزواج رزق من الله لا نعلم متى اوكيف ياتى وليس هناك طريق لاستجلاب العريس .

ربنا لا يحرمنا هذا الرزق .

[ام روتى 4]

[** أم الصبر الجميل ** 98]

السلام عليكــم ورحمـة الله وبركاتــة ،،

 

تسلمي يا صاحبة أحلى مواضيع شيقه

 

جميله زيك حبيبتى عبودة .

 

هو ده فعلا الحوار اللي بيدور بين الأم وبنتها أو الأب كمان إسألينى أنا

 

لكن كلما كنتى على ثقه فى الله وأمل وتفاؤل فى أرزاق الله ربنا بيرزقك رزق جميل لا الأم ولا الأب كانو متوقعينه .

 

فربنا يرزقك ولا يحطك فى الموقف ده أبدا ويرسل لكِ الزوج الصالح شديد الطيابه كما تتمنيه أنتى وبنات المسلمين .

 

بحبك يا قمر .

[ام رحمة السلفية 12]

السلام عليكــم ورحمـة الله وبركاتــة ،،

 

فعلاً هذا مشاهد كثيراً

اسأل الله ان يرزق جميع بنات المسلمين بالازواج الصالحة

[ام فاطمه 22 0]

ربنا يرزقك الزوج الصالح وبنات المسلميين

[سدرة المُنتهى 87 1318]

السلام عليكم

 

والله الموضوع ده فعلا مكرر في كل بيت

 

ياما سمعت الكلام ده بس مش من ماما من ناس قرايبنا

 

الحمد لله ربنا من عليا واكرمني وارتحت من الكلام ده

 

عقبال كل البنات يارب

 

بس في حاجة ضايقتني من الكلام ده

 

مابحبش جواز الصالونات

 

انا سمعت الكلمة دي كتير قوي من ناس كتير

 

ومن المفعوصة اختي الصغيرة

 

علي اعتبار ان انا كده

 

بس انا شايفة ان ده انسب طريق للزواج الصح

 

ان العريس يبقي جاي للعروسة علشان هو عايز واحدة ملتزمة بنت ناس كويسين وطيبين

 

يقوم يسأل اصحابه ومعارفه ويدلوه علي الناس وهو يروح

 

وطبعا كل شئ قسمة ونصيب

 

لكن ده الاصل

 

مش ان الواحد يشوف الواحدة ويمشي وراها ويعرف بيتها

 

ويمكن المصيبة يكلمها ويتعرفوا علشان يبقوا اخدين علي بعض

 

زي ما الناس المتسيبة بتقول

 

ولا ايه يااخواتي انتو مش معايا ولا ايه؟

[المغربية 1 3]

السلام عليكم ورحمة الله وبركاته

كلامك صح مئة بالمئة

الله المستعان

على العموم ربنا يصلح احوالنا واحوال جميع المسلمين

واسأل الله عز وجل ان يهدي امهاتنا وان يهدينا

وبجد الامر صعب ان يتحمل

وخصوصا لمن تتكرر لها هاته الاسطوانة

[نسمة الريحان 0]

عليكم السلام ورحمة الله وبركاته

 

حبيبتى العبدة الفقيرة وحشتينى جدا

 

واسعدنى ردك علي كلامى في موضوعك اللي وضحتى فيه نيتك

 

ولكن غبت فترة عن المنتدى وأحببت أن اعبر لك عن سعادتى وانى أحبك في الله

 

وموضوعك جميل جدا وتقريبا بيدور الحوار ده في كل بيت

 

وأحيانا بيتعدى الحوار لأكتر من كده وفي حالات فيها بيجبروا البنت بطريقة أو بأخرى للموافقه علي اي عريس وخلاص وضل راجل ولا ضل حيطة والكلام ده

 

وكتير البيت بتضعف قدام اهلها خصوصا لما يحسسوها انها خلاص فاتها قطر الجواز والكلام العبيط ده

 

بجد كلام عبيط

 

لازم كل واحده تبقي مؤمنه ان الجواز رزق من عند ربنا والرزق ده هايجيلها في وقته وأوانه

 

وعايزة اعلق علي حاجه كمان

 

مسألة جواز الصالونات

 

انا كنت من أشد المعارضين ليه ماكنتش متخيله نفسي هاقعد مع حد واقدر في خلال ساعه مثلا أحدد ان الشخص ده هو اللي هاكمل معاه حياتى

 

فعلا قرار صعب ومرررررررررررعب

 

بس فكرت ايه البديل عن جواز الصالونات؟؟؟؟؟؟؟؟؟

 

اكيد انتو عارفينها وعارفين مخاطرها

 

ذنوب بالجمله واحتمال الفشل فيها 99%

 

فمافيش طريقه افضل من اللي بيسموه جواز صالونات

 

بس طبعا ناخد بالنا من حاجات

 

يعنى مش اي حد نوافق نقعد معاه

 

الأول نسأل عليه كويس جدا في محيط اسرته وجيرانه وشغله ورأى أهلنا طبعا مهم جدااااااااا

 

لاقيناه انسان كويس والكل بيشكر في دينه واخلاقه ومعاملته

 

نتوكل علي الله ونصلي صلاة الاستخارة ونقعد معاه

 

ارتاحنا كان بها

 

مارتاحناش نقول قسمه ونصيب ولسه النصيب ماجاش

 

واكيد الواحدة بتحس بالقبول من عدمه

 

وربنا يرزق كل بنات المسلمين بالأزواج الصالحين

 

ويصلح حال البنات والشباب

 

آمييييييييييييييييييييييين

[العبدة الفقيرة 2]

ربنا يكرمكم جميعا ياااااااااااااااااااارب

وجعلكم من السعداااااااااااااااااء

[أمة الله أم حمزة 2]

السلام عليكم ورحمة الله وبركاته

حبيبتي عبودة

جميل موضوعك والله وفعلاً ده كلام بيكون في بيوت كتييييييييير

 

عندك واحدة صاحبتي كانت مامتها بتقولها حاجات كده وبعدين يا بنتي إنتي بتكبري وكل ما يجيلك واحد يروح وما يجيش تاني مع إنها كانت على قدر معقول من الجمال

وفضلت تقولها كده والبنت يا عيني نفسيتها بتتدمر يوم بعد يوم

وأول ما اتجوزت

سبحان الله

بقت تقول قدامي والله ياريتها ما كانت اتجوزت

كانت فضلت قاعدة جنبي ولا التعب اللي هيه فيه ده

واقولها يا ماما إنتي كنتي بتقول يا رب تتجوز النهاردة قبل بكرة

تقولي لأ يا اختي بلا جواز بلا بتاع جالنا إيه من الجواز إلا التعب

مع العلم ان البنت ما كانتش بتشوف إلا اللي أي واحدة بتشوفه في بيتها من تعب في شغل البيت وطلبات الزوج وكده بس لكن الزوج كان ما شاء الله على خلق ودين ومميزات كتيييييير

لكن عاوزة اقول إن هوه ده الإنسان

مهما ربنا أعطاه فهو ليس راضياً

مع العلم أن هذه الأسرة ملتزمة جداً..... سبحان ربي العظيم

 

بس انا شايفة ان ده انسب طريق للزواج الصح

 

ان العريس يبقي جاي للعروسة علشان هو عايز واحدة ملتزمة بنت ناس كويسين وطيبين

 

يقوم يسأل اصحابه ومعارفه ويدلوه علي الناس وهو يروح

 

وطبعا كل شئ قسمة ونصيب

 

لكن ده الاصل

 

طبعاً يا أختي هي دي أصلح طريقة للزواج الصحيح الصالح

والطرق الأخرى طبعاً كلها لا تجوز ولا تنفع بين الملتزمين

وأنا تزوجت بهذه الطريقة والحمد لله رب العالمين ما كنت أتخيل الزواج بطريقة أخرى بل وكنت أرفض أي طرق أخرى للزواج.... والحمد لله

 

عقبال ما نفرح بيكي يا عبودة يا رب إنتي وأختي وبنات المسلمين أجمعين .... اللهم آمين

[ذليلة إلى اللـَّـه 417]

كلام جميل

و بيتكرر كتييييييييييير

فى مجتمعنا

نقل موفق

أثابكِ الله

[العبدة الفقيرة 2]

ربنا يكرمكم حبيباتى فى الله يااااااااااااااااارب

[شمس اسلام 0]

ربنا يكرمكم حبيباتى فى الله يااااااااااااااااارب

ربنا يرزق كل بنات المسلمين بالأزواج الصالحين اميننننننننننن

[وماالصبر إلا بالله 0]

موضوع جميل اوي بارك الله فيكي

بس بجد محدش يستعجل علي جواز خالص كل شئ فعلا نصيب

كان دايما كل مايجي عريس اعد اعيط واضايق لاني فعلا ببقا رافضه لحد مااضريت اوافق

علي شخص علشان اهلي موافقين وافرحهم وفعلا اتجوزت ودلوقتي قاعدة جمبهم مطلقة

علشان تفكيري كان غلط اهم حاجة الانسان ذو الخلق والدين واللي مش بيمثل

[العبدة الفقيرة 2]

ربنا يكرمكم جميعا وجعلكم م اسعد خلقه

[نور قلبي القران 430]

السلام عليكم ورحمة الله وبركاته

 

بارك الله فيك حبيبتي

 

صدقت فعلا..الموضوع كل يوم بيزيد أنا لو خطبني حد وصليت استخارة وما كنتش مرتاحة هتفضل طول الوقت بتقولي ليه مارضيتيش تقابليه

 

بس موضوع أنا مش مرتاحة لازم ابعده من دماغي خالص لأنه أمي مابتعرفوش وقتها...ولما بقول لأ..تفضل زعلانة وكده

ومع اخواتي برضه

 

هي أكيد هتخلي والدي يسأل عليه بعدين بس في الأول كلمة **الراحة زي عدمها**

هههههههههههههه

لانها بتقولنا أنو الراجل ماعبجكوش فتلزقوها في الراحة

سبحان الله في ناس بيكون وشهم زي القمر بس لما يتكلموا يخلوكي تهربي منهم وده اللي بيحصل فعلا

 

الله يهدينا ويهديهم يارب

ويرزق جميع شباب وبنات المسلمين والمسلمات بالستر والعفاف يارب