21 رد (ردود) على هذا الموضوع

[عبــاد الرحمن]

و اهداف البرنامج اننا نشجع بعض وكل اخت تنجح انها تكون

مسلمة رائعة
زوجة ناجحة
أم مثالية

امرأة بمعني الكلمة

وست بيت شاطرة

انسانة متميزة في كل شئ

ودي امثلة على الاهداف دي


اهدافي كزوجة ناجحة


ان يكون زوجي سعيد دائما وراضي عني

اني اكون جميلة في عيون زوجي

اني احتوي اي مشكلة تحصل بيني وبين زوجي واحلها بذكاء

انجح في مساعدة زوجي يطور من نفسه دايما ويتقدم للامام

ان اخد بيد زوجي لطاعة ربي واحثه دائما على مايرضي الله

ان احاول اكون لزوجي الحبيبة والصديقة والعشيقة

ان اكون سيعدة في زواجي


اهدافي كأمرأة بمعني الكلمة

ان اكون مثال للأنوثة والجمال

استعيد رشاقتي واحتفظ بها

اهتم بجمالي واناقتي دائما حتى بأقل الاشياء

لو عندي مشاكل في بشرتي او شعري اعالجها

اكون امرأة نظيفة دائما فرائحة النظافة اجمل من رائحة البرفان

اتعلم ان اتكلم بطريقة ناعمة واتخلص من الصوت العالي تماما


اهدافي كأم مثالية

اهتم بأولادي وأربيهم تربية اسلامية صحيحة

احفظ اولادي القرآن

احافظ على نظافة اولادي بالاستمرار واعودهم عليها

اهتم بتعليم اولادي وثقافتهم

اهتم بصحة اولادي وتغذيتهم التغذية الصحية

اعلم اولادي النظام وان يكون لهم هدف في الحياة

اعلم اولادي الصلاة وكل يوم اعلمهم شئ عن دينهم حتى لو بسيط

اهتم بتحسين شخصية اولادي وانهم يتربو من صغرهم على الشخصية القوية


أهدافي لاكون ست بيت شاطرة جدا

لازم بيتي يكون دائما نظيف ومرتب

اكون شاطرة في الطبخ والمهارات المنزلية

اكون ست مدبرة واقتصادية اقدر استفيد من كل حاجة وارحم الميزانية

اكون ناجحة في عمل ميزانية ذكية لبيتي واوفر منها كمان



أهدافي لاكون انسانة متميزة

احسن اخلاقي وكل يوم اتعلم خلق نبوي والتزم بيه

اهتم بثقافي حتى لو نص ساعة يوميا واوسع مداركي من النت او القراءة

اكون شخصية جذابة دايما انظر للامور نظرة متفائلة وابحث عن حلول بدل التركيز على المشاكل

اكون شخصية ايجابية اساعد الناس وهدف اساسي اني دائما اكون سبب في ادخال السرور على مسلم


دي مجرد امثلة لكن كل اخت ممكن يكون عندها اهداف اكتر وافضل من كدة بكتييير تبدأ بقى تشغل مخها وتكتب كل الاهداف الي تتمنى تحققها
والمهم انها تحدد مدة زمنية لتحقيقها

أمرأة بمعنى الكلمة تتمتع بالرشاقة والجمال
ست بيت شاطرة جدا
انسانة متميزة في كل شئ

ولأن ما كان لله دام واتصل ولان غايتنا رضا ربنا فكان شعارنا هو
حياتي كلها لله
وده محور برنامجنا الاخلاص التام لله في كل شئ وبذلك نضمن باذن الله قبول العمل وتوفيق الله لنا

*****************************************

الموضوع منقول من موضوع لاحدى الاخوات بمنتدى اخر عجبتني الفكرة بس انا نقلته بتصرف يعني جمعت واختصرت فيه لانها عاملاه موضوع كبير جدا ربنا يجعله في يمزان حسناتها هي في الاول حددت الاهداف وبعد كده نزلت فكرة مسابقة جميلة هاضعها لكم الان وفكرتها ان احنا نعمل مجموعات مثلا كل مجموعة 5 او 7 او 10 بنات حسب عدد البنات اللي هيشتركوا معانا وكل مجموعة هتفتح موضوع ونتنافس مع بعضنا البعض

وهاضع لكم المسابقة دلوقتي بس يارب الاقي تشجيع ونشجع بعض كلنا

وياريت كل بنات المنتدى يشاركوني لان الفكرة عجبتني جداااااااااا ويارب تعجبكم انتم كمان

[في جنة الله أحيا]

السلام عليكم ورحمة الله وبركاته،،
فكره جميلة جدا اختى انا معاك باذن الله

[عبــاد الرحمن]

الهدف اننا نحقق مهام وانجازات محددة

وهي دي الانجازات المطلوب اننا ننفذها ونغيرها في حياتنا

اتفقنا ؟؟؟؟؟؟؟؟؟؟؟؟؟


يالا نشوف ايه الانجازات المطلوبة  

المجموعة الاولى

• قراءة ( قل هو الله احد ) 10 مرات انتي ولو عندك اولاد يقروها معاكي

• البسملة في كل شئ

• عمل ماسك لبشرتك

• عمل تسريحة حلوة لشعرك

• نظافة اولادك ( حمام يومي )

• ترتيب غرفة نومك

• اتصال بجارتك او صديقتك لوجه الله

• سمعتي محاضرة دينية

• حافظتي على ابتسامتك طول اليوم

• شاركتي في حملة سعيدة بحياتي الجديدة مشاركة مفيدة وحسب الشروط

المجموعة التانية

• النوم على وضوء

• استغفار مباشر وتوبة بعد اي ذنب

• كتابة المهام اليومية كل ليلة

• تقديم نصيحة دينية لاخت لك او هدية كتيب او ايميل ديني

• المشاركة بفكرة او موضوع مفيد في النت

• قدمتي مساعدة لمسلم

• حافظتي على وقت العمل في المكان الي بتشتغلي فيه وانجزتي اعمال مهمة النهاردة

• وفرتي من مصروفك الشخصي

• صيام الاتنين

• صيام الخميس

• عملتي جلسة استرخاء وتنفس عميق

• المطبخ نظيف طول اليوم

• تنظيف امام بيتك او شقتك او باب شقتك

• تنظيف عميق لجزء مهمل في بيتك

• اخد حمام منعش وتعطير جسمك

• نظمتي وقتك بالورقة والقلم

• التزمتي بأدعية دخول السوق والدخول والخروج من المنزل

• اكلتي اكل صحي ومفيد

• ساعدتي مامتك مساعدة فرحتها

• حددتي وقتك على النت وركزتي على الاشياء المفيدة فقط

المجموعة التالتة

• صلاة الفجر على وقتها

• الخشوع في الصلاة

• صلاة الضحى ركعتين على الاقل

• تشغيل سورة البقرة في البيت ( كاسيت او كمبيوتر)

• صحيتي قبل الفجر بنص ساعة في صلاة واستغفار وقرآن

• ترديد الاذان طول اليوم والصلاة على النبي بعدها ودعاء الشفاعة

• اتعلمتي خلق جديد وثبتي عليه طول اليوم

• اتحديتي مشكلة في حياتك وعالجتيها

• يومك ابتدى من صلاة الفجر

• دعيتي للمسلمين والمسلمات واخواتك في الحملة

• لعبتي رياضة لمدة نصف ساعة

• ادخلتي سرور على مسلم

• الاحتفاظ بالوضوء طول اليوم

• ادخلتي السرور على اسرتك اليوم

• كظم الغيظ وعدم رد الاساءة بالمثل

• تحفيظ ابنك او اخوكي الصغير قرآن

• تعلمي ابنك معلومة مفيدة سواء معلومة عامة او دينية

• دعيتي للاقصى وفلسطين

• اتعلمتي طبخة جديدة ونفذتيها لاسرتك وعجبتها

• عملتي صلة رحم

• التزمتي باذكار الصباح والمساء في خشوع

• تخلصتي من عادة سيئة

• التزمتي بأية الكرسي والتسبيح 33

• (سبحان الله والحمد لله والله اكبر) بعد كل صلاة

• 5 دقايق تفكر وتأمل في مخلوقات الله وبديع صنعه

• قراءة في تفسير اي سورة

المجموعة الرابعة

• سبحان الله وبحمده 100 مرة

• الصلاة على النبي عليه الصلاة والسلام 500 مرة

• الاستغفار 500 مرة

• جلسة الفجر ( ذكر الله من بعد صلاة الفجر حتى الشروق ثم صلاة ركعتين )

• سبحان الله والحمدلله و لا اله الا الله والله اكبر ولا حول ولا قوة الا بالله ( كل واحدة 100 مرة )

• حفظ 5 سطور من القرآن الكريم

• صلاة 12 ركعة سنن رواتب في اليوم

• زوجك راضي عنك اليوم

• لو غير متزوجة - ماما راضية عنك اليوم

• ليلة حب مميزة جدا

• قيام الليل 4 ركعات على الاقل + الشفع والوتر

• صدقة في السر حتى لو بشئ بسيط جدا

• أداء الصلوات الخمس في اول الوقت

• قراءة حديث شريف وفهم معناه ( الاربعين النووية )

• تلاوة نصف جزء من القرآن (10 أوجه )

• قبل النوم مباشرة 5 دقايق تفكير في كل النعم والاشياء السعيدة في حياتي وتكرار انا سعيدة بطاعة ربي وحياتي الجديدة 20 مرة بتركيز ويقين شديد

بقت سهلة اهي
ومحدش عنده حجة خااااااااالص





[/size]

   هي دي بقى اللي خلتني انقل الموضوع بس غيرنا الفكرة

الفكرة دلوقتي اننا هنتفق اننا نعمل الحاجات دي

بس كل واحدة مع نفسها

ونفتح مثلا مواضيع او نكتب هنا مقالات فضل مثلا اي حاجة من اللي بنعملها

[/color]

[size=3][color="#9932cc"]يارب الفكرة تعجبكم وفي انتظار التفاعل

تم التعديل بواسطة عبــاد الرحمن, 12 March 2010 - 08:52 PM.

[عبــاد الرحمن]

أم محمد hamady, في Feb 3 2010, 01:18 AM, كتب:

السلام عليكم ورحمة الله وبركاته،،
فكره جميلة جدا اختى انا معاك باذن الله

وعليكم السلام ورحمة الله وبركاته

اقري يا ام محمد المسابقة اللي في المشاركة التانية

وقولي هتفتحي مجموعة ليكي ولاهتشتركي في مجموعتي ( عبـــاد الرحمن )

[في جنة الله أحيا]

السلام عليكم ورحمة الله وبركاته،،
اشارك فى مجموعتك باذن الله متى نبدا ؟؟؟   جزاك الله خير فى ميزان حسناتك

[عبــاد الرحمن]

أم محمد hamady, في Feb 3 2010, 01:40 AM, كتب:

السلام عليكم ورحمة الله وبركاته،،
اشارك فى مجموعتك باذن الله متى نبدا ؟؟؟ جزاك الله خير فى ميزان حسناتك

وعليكي السلام ورحمة الله وبركاته

ماشي يا ام محمد

يبقى في عضوتين دلوقتي في مجموعة ( عبـــاد الرحمن ) :
1- عباد الرحمن

2-hamadyام محمد

نفسي نبتدي من اول الاسبوع الجاي يا ام محمد

بس عايزين نجمع على الاقل 5 مجوعات

عايزين 4 بنات يفتحوا 5 مجموعات تانيه

وعايزين بنات تشترك في المجموعات

ياللا مين معانا بسرعة

[نوفا*]

أنا معاكِ يا (عباد الرحمن) فى مجموعتك

[عبــاد الرحمن]

نوفا*, في Feb 3 2010, 02:08 AM, كتب:

أنا معاكِ يا (عباد الرحمن) فى مجموعتك

اهلا يا نوفا

وكده بقينا 3 في اول مجموعة

ياللا يا بنوتات بسرعة عايزين نبدأ الحملة على يوم السبت ان شاء الله

[احساس جميل]

ماشا ءالله فكره ممتازه
جعلها الله في يميزان حسناتك
وانا معك في مجموعتك باذن الله
بس عاوزه افهم بعد ماتحددي ا لمجموعات
هتقوللنا  مثلا احنا هناخد انهي مجموعه مناللي فوق
ولا بمزاجنا حنا؟؟
ممكن توضيح اصل مش مركزه خالص ههههههههههه
احبك في الله

[دانة الاسلام]

بارك الله فيك فكرة رائعة وفقك الله لما يحب ويرضى  ممكن اشترك معاكوا

[ام(عمير)]

السلام عليكم

اود المشاركة

صنفونى زى ما انتم عوزين بقى

[راضية وحامدة الله]

الله على الموضوع الجميل

معاكم بأذن الله بمجموعه عباد الرحمن

وكويس اوى ان الفكره هتبداٌ من اول الاسبوع الجاى

عشان الامتحانات تكون خلصت ونبتدى صح ونواظب بعد كده ان شاء الله على الحاجات الجميله دى

[الاء القدوس]

السلام عليكم ورحمة الله وبركاته،،
و بالنسبة لغير المتزوجات لا يمكنهن المشاركة؟؟

[**حنين للجنة**]

جزاكِ الله الجنة على النقل الرائع
انا فعلا محتاجة حاجة تساعدنى لانى ضايعة للاسف وحياتى موش منظمة بس ابنى مابيخلينيش اعرف اعمل حاجة ابداااااااااا ولو عملت مابيسبهاش فى حالها ولا بيسبنى ربنا يهديه
الله المستعان

انا معاكى ان شاء الله

[في جنة الله أحيا]

السلام عليكم ورحمة الله وبركاته،،
فينك اختى عباد الرحمن ماشاء الله البنات كتير ياله رتبينا ونبدا الاسبوع الجاى    فى انتظارك

[ام مصعب 953]

انا كمان معاكم ربنا يجمعنا على طاعته ويرزقنا الاخلاصصنفونى فى مجموعه المهم النتيجه ربنا يتقبل منكم ومنا

[ام مصعب ان شاء الله]

السلام عليكــم ورحمـة الله وبركاتــة ،،فكره جميله ربنا يجعلها فى ميزان حسناتك وفى وقتهااحنا اكيد مضيعين حاجات كتير منها ومحتاجين نكون سوا عشان نشجع بعض بس ياريت لو زى ماقالت احساس جميل بعض التوضيح وجزاكى الله خير                                                                                                                                        اه انا معاكوا ان شاء الله

[دانة الاسلام]

السلام عليكم

اختى عباد الرحمن  الان اصبحنا عشرة او احدى عشرة  اين انت؟ هيا تعالى لتصنفى المجموعتان  ووفقك الله لما يحب ويرضى وجزاك الله خيرا وجعله الله  فى ميزان حسناتك

[أختكم آيات]

السلام عليكم ورحمة الله وبركاته،،
اختى عباد الرحمن
معاكى إن شاء الله

[omo zoubair]

السلام عليكم


انا أيضا معكن لكن ارجو التوضيح هل ممكن لغير المتزوجات ان يشتركن

بارك الله فيك أختيتي فكرة روعة وأنا معكن إن شاء الله


أم الزبير