12 رد (ردود) على هذا الموضوع

[راغبة في الجنة]

السلام عليكم ورحمة الله وبركاته

وحشتوني اخواتي الغاليات

وقولت بدل ما ارجع وايدي فاضية جبتلكم برنامج انتي فيرس هدية بس ايه جااامد

مميزاته : قوي جدا في محاربة الفيروسات التي تحاول اختراق الجهاز
وكمان خفيف جدا على الجهاز ولا يتسبب في بطئه
مبيفوتش الهوا اي انتي فيرس بيفكر بس يعدي من جمبه بيتقفش على طول ويطلعلك رسالة فيها عدة اختيارات بتختاري دليت او موف تو Qurantein
وكمان بيتحمل معاكي بسرعة جدا مبيخادش خمس دقايق تحميل واقل من ثواني للتستيب على الجهاز

بيتحدث يوميا من خلال الانترنت والميزة الكبرى انه مجاني ومش هيطلب منك كل شوية انك تشتري نسخة ولا حاجة

والبرنامج عن تجربة وانا دايما حطاه على جهازي وعشان كده الويندوز عندي بيعيش مدة اطول ممكن توصل لسبعة اشهر واكثر

اظن كفاية رغي كده   اسيبكم مع البرنامج وادعولي :

  Avira AntiVir PersonalEdition Classic 7.06.00.270  
الوصف: برنامج رائع ويصنف الان من الاوائل لمميزاته العديدة حيث انه خفيف جدا على الجهاز وسريع ويعتبر من افضل برامج مكافحة الفايروسات عن تجربة شخصية

رابط تحميل البرنامج : Avira download
يلا اسيبكم تجربوه ومنتظرة رأيكم حبيباتي  

تم التعديل بواسطة أمـ الســعد, 23 March 2009 - 02:29 AM.

[نسيم الفجر]

وعليكم السلام ورحمة الله وبركاته

الله يبارك فيك يااااااااااااارب  

وحمد الله على سلامتك

هدية تحفة وجت بوقتها  

لسه ماسحة الكاسبرسكاى لأن مدته خلصت    وزهقنى فى عيشتى  

بيتقل الجهاز جدااااااا ولا يمكن حد غيره يشتغل معاه وهو بيعمل سكان  

تسلم إيديك يا حبيبة

جارى التحميل والتجربة

[تبت الي الله وندمت علي مافعلت]

السلام عليكم اخواتي في الله
انا فعلا استخدم هذا الانتيفيرس بقالي اكتر من سنه
وما شاء الله هو قوي جدا جدا جدا
وفعلا بيعمل ازاله تامه للفيروسات بشكل رهيب
وسهل جدا في استخدامه

[أمـ الســعد]

مرحبا بعودتك ... وجزاك الله خيرا  ...

[ام حلا]

جزاك الله خيرا

[حنينى الى الله]

السلام عليكى وعليكم طبعا
بصى يا ستى انا نزلت البرنامج وشغلته  بس   انا فى  البرامج اللى قبل كده زى النتورتون مثلا كنت بكليك يمين على اى حاجه عايزه أعمل عليها scanوتتطلعلى قايمه اختار منها scan   norton مثلا وخلصت انا بقى دلوقتى لو عايزه أعمل على ملف معين او برنامج نزلته من على النت اى حاجه يعنى اشغله أزاى بحيث يعمل   scanللحاجه دى وخلصت  
قوليلى أعمل أيه اعمل أيه بس يا ربى  أصلى أستاذه فى الكمبيوتر والبرامج واضح طبعا ليكى انى نابغه

[خطابية]

السلام عليكم ورحمة الله وبركاته
جزاك الله خيرا أختي الكريمة
جاري التحميل بإذن الله

[أمه الله78]

ممكن يااخواتى واحده تقولى خطوات التحميل

لانى دخلت على الرابط ومعرفتش احمله استحملونى لسه جديده شويه فى النت

يعنى تقولو الخطوات انا انفذها وشكرا

[دعاء النفس الزكية]

اخواتي
الرابط لم تفتح معي
هل انتم متاكدين منه

[رباب مهدلي]

                                                           السلام عليكم ورحمه الله وبركاته

انا مبسوطه اني معاكم في هذا المنتدى الرائع اكتر من رائع
   وشكرا على الانتي فيرس الجميل ده بس انا عندي مشكله انا حملته ونزلته علي جهازي ولما عملت اسكان طلع ان في فيروسات وعمل صوت صفاره بس مطلعتليش الرساله ال بقدر الغي بيها الفيرس ده مش عارفه اعمل ايه  ياريت تلحقونى بالاجابه بسرعه

صور مصغرة مرفقة

• 

الصور المرفقة

• 

[نسمهa]

جزاكم الله خيرا اخيتى على الانتى فيرس ده ربنا

يجعله فى ميزان حسناتك يارب

اقتباس

انا مبسوطه اني معاكم في هذا المنتدى الرائع اكتر من رائع

احنا مبسوطين اكتر ياحبيبه بتواجدك معانا ويارب نكون عند حسن ظنك يارب

اقتباس

وشكرا على الانتي فيرس الجميل ده بس انا عندي مشكله انا حملته ونزلته علي جهازي ولما عملت اسكان طلع ان في فيروسات وعمل صوت صفاره بس مطلعتليش الرساله ال بقدر الغي بيها الفيرس ده مش عارفه اعمل ايه ياريت تلحقونى بالاجابه بسرعه

حبيبتى والله مش عارفه بصراحه طيب ااذن الله واحده من الاخوات تفيدك

ولو عاوزه تضمنى ان سؤالك الاخوات يشفوه اكتبيه فى موضوع جديد

فى ساحة الاستفسارات

وبااذن الله الاخوات يردوا عليكى

احبك فى الله

[موئل النور]

اقتباس

ممكن يااخواتى واحده تقولى خطوات التحميل

لانى دخلت على الرابط ومعرفتش احمله استحملونى لسه جديده شويه فى النت

يعنى تقولو الخطوات انا انفذها وشكرا

اقتباس

اخواتي
الرابط لم تفتح معي
هل انتم متاكدين منه

http://cnettech-87.v...11860c423a/.exe

هذا الرابط مباشر أخواتي

جاي التحميل
جزاكِ الله خيرًا أختي

[nonna28]

وعليكم السلام ورحمة الله وبركاته،،
جزاكى الله كل خير
جارى تحميل البرنامج