جهاز العروسة & ملف شامل لكل مستلزمات العروسة &

[(أم *سارة*) 981]

يا بنات لما تخلصوا الملف بتاعكم حد ينبهني

علشان معايا هدية قيمة ورائعة أهدتها لي الحبيبة (أمة من إماء الله)

بمناسبة زواج سارة وهي كتاب للشيخ الألباني عن ليلة الزفاف وفيه نصائح جميلة للعروسين

أنا حفظته على ملف وورد عندي لما تخلصوا أرفقه لكم بإذن الله المهم بس حد ينبهني

[~ماريا~ 1340]

اما البوتجاز فالاختيار بين الحجم الصغير (4 عيون)

 

 

والحجم الكبير (5 او 6 عيون) يعتمد على استخداماتك

 

 

فلو كنت ممن يستخدمن الفرن بكثرة خصوصا في المعجنات وغيره فيفضل الحجم الكبير حتى يتسع للعديد من الصواني في نفس الوقت اما لو استخداماتك للفرن عادية، فالبوتجاز الصغير يكفي

 

تبقى لدينا محضرة الطعام

 

فمن الاشياء الهامة لكل بيت (الخلاط – المطحنة – مضرب البيض) فما رأيك لو استغنيت عنهم واشتريت محضرة طعام، ليس شرط ان تكون المجموعة الكاملة بل يكفي نصف المجموعة والتي تحتوي على خلاط ومطحنة ومضرب بيض وعجانة للعجين الخفيف كما انها تقطع الخضار شرائح وتفرم الخضروات وغيره

 

 

يعني تستحق الزيادة في المبلغ

 

 

طبعا كل هذا سيعتمد على ميزانيتك واحتياجاتك

 

اجهزة اضافية كمالية

هناك البعض ممن يشتري اجهزة اكثر مثل

 

العجانة

 

احرصي ان يكون عدد الوات بالآلاف لأن هذ النوعية هي المناسبة للعجين الصلب

 

الغلاية

 

غلاية الماء مفيدة لمن يكثرن من المشروبات

 

الميكروويف

 

الميكروويف رغم انه غير صحي على الاطلاق الا ان الكثيرون لا يستطيعون الاستغناء عنه

 

يا ترى ما هي تجاربك مع الاجهزة؟

واي اجهزة ترشحي لمن تقدم على الزواج؟؟

[**أم سلمى** 657]

يا ترى ما هي تجاربك مع الاجهزة؟

 

نوع ثلاجتى اديال واستعمالها جميل والفرزر مش بيعمل ثلج

14 قدم

 

وده شكلها

 

 

الغسالة

توشبا العربى هاف اتوماتك

جميله جداااااا بتغسلى فى حوض والحوض التانى بيشط ويجفف

 

 

البتوجاز اديال اربع عيون وشوايه واشعال زاتى ولمبه داخل الفرن

 

الخلاط ميلونكس عادى معاه مطحنتين واستعماله جميل

وده نفس اللى عندى

[**أم سلمى** 657]

الغساله لو عايزاها اتوماتيك اديال زانوسى

18 برنامج ب2345ج

 

 

 

 

 

 

 

المكوه

وكتير من العرايس بينسوها ^_^

بس انا منستهاش :)

 

والمكوه انواع فى بالبخار وفى عاديه

لكن انا بفضل العاديه لان اللى بالبخار بتبوظ بسرعه

دى صورة العادية اللى عندى بس نوعها حلو وبتعيش كتير

وسعرها 260ج

 

ودى صورة مكوه البخار

 

المكنسة

ودى حسب مقدرتك بس انا افضل انك تشتريها ولو حتى بالقسط

لانها بتريح جداا

والمقشه بطرب الحيطان لما تيجى تكنسى -_- انما المكنسه بتشفط على طول

وبنضف بيها الستاير والانتريه كمان :)

 

مكنستى توشيبا العربى بـ750 جنيه 1600 وات

 

دى نفس اللى عندى

 

وفى انواع تانيه كتير حلوه بس اهم حاجه متجبيش اللى هي بمتور صينى لانها صوتها بيكون عالى ومزعج

والادوات بتاعتها بتبوظ بسرعه

 

 

السخان

مهم واساسى

انا سخانى كهربه اولمبيك

بس اهم حاجه عشان تحافظى عليه لما تيجى تشغليه متشغليش وتطفى من الزرار الاحمر

انما شغليه من الزرار العمومى وخلى الزرار الاحمر اللى فيه منور بس انتى تفصليه من الكهربه

ولو الميه قاطعه اوعى تنسيه شغال لازم تطفيه عشان ميتحرقش

ولما يسخن الميه اطفيه واقفلى محبس الميه عشان الميه تفضل سخنه ومتخلصش

وده السخاناللى عندى

 

 

ولو عندك غاز يبقى هاتى ينو فرسال

امى عندها زيه لان عندها غاز طبيعى

وهو اشعال زاتى واول ما تفتحى الماء بيشتغل لوحده وينزل الميه سخنه

ودرجات الحراة حسب ما انتى عايزاها

الصغير ب500 جنيه كنا جايبنه من7 سنين اول ما الغاز اتركب

ده سعة 6 لتر

 

 

 

وده 10 لتر

 

اخر حاجه ودى اختيارى

التليفزيون والرسيفر

التلفزيون اللى عندى توشبا lcd بوصة24

 

الريسيفر انواعه كتير

هو عندى لكن بفضل الله زوجى مشفر القنوات كلها مش ي

سايب غير القنوات الاسلاميه وقنوات الكورة لانه من محبين الكوره وقنوات الاطفال فقط لا غيييييييير

 

ونصيحة

 

لما تجيبيه شفرى كل القنوات الغير اسلاميه

لو مش هتشفريها وعارفه ان زوجك او انتى ممكن هتتفرجى وهتابعى

 

يبقى بلا تجيبه خالص نهااااااااااااااااائى لانه فتنه فى البي

وانا مش هنزل انواع منه عشان مخدش ذنب حد يجيبنفس النوع واخد ذنب -_-

 

 

وبكده تكون الاجهزه الاساسيه خلصت

بس لسه فى حجات اختيار غير اللى ماريا قالت عليها

هنزلها

تم تعديل 21 فبراير, 2013 بواسطة **أم سلمى**

[**أم سلمى** 657]

الاجهزه دى حسب الامكانيات

 

الكمبيوتر

اساسى واختيارى

:))

الشوايه

اختيارى

تعتبر كماليات

مشترك كهربائى

اساسى

مشترك واحد!!!

مش أقل من 3 :)

جهاز كاسيت

اختيارى

"الافضل انك تجبيه لانك تشغلى عليه ازاعة القرأن الكريم فى البيت"

والنوع ده جميل جدااا فى الاستعمال وهو ناشونال

مروحة

اساسى عشان الحرفى الصيف

فريش

لا أنصح بفريش على الاطلاق

توشيبا أفضل

كشااااااااف

اساسى

عشان لما النور يقطع

اسااااسى

 

 

اساسي جداااااا :D

دفــايــة

اساسى

عشان الشتاء والجو السائقع

 

مش لدرجة أساسي

في بلاد لا تحتاجها

انت وما تفضلين

وممكن الاستغناء عنها

تكيييف

اختيارى

فى اسبلت وفى شباك

طبعا لا تشترينه الا بعد الاطلاع على تصميم البيت

حتى تعرفي النوع والقوة المناسبين للغرف

شفاط هواء

اساسى

بيتحط فى المطبخ عشان يشفط البخار

فى ده جديد بس غالى ب[1000 ج

بيتحط فوق البوتوجاز

سيء جداااااااااااااااااااااااا

لا انصح به على الاطلاق يا بنات

كل اللي بتجيبه بتندم

ونظافته صعبة جدا

وده بتحط فى الحيطه ب250 ج حسب الماركة

توشيبا أيضا جميل

وبكده تكون الاجهزه خلصت :)

[~ أم العبادلة ~ 1903]

اللهم بارك يا أم سلمى

 

لو سمحت يا ماريا وسعي الطريق وسلمي القيادة لأم سلمى

[فدوى المسلمي 531]

ام سلمى

اسفة جدااااااااااااااا

جيت ارد على مشاركتك عدلتها :O

السموحة يا حبيبة

لم أقصد :blush:

[~ماريا~ 1340]

والله بتبعيني يعني

ماشي

اديني موسعه واستلمي يا ام سلمي الدفه بس اوعي تغرقينا

ههههههههههههههههههههههههههههههههههههههه

 

 

المهم يا بنات بالنسبه للسخان اليونيفرسال كتير من الي جابوه قالو بيخسر بسرعه

انا عندي واحد كهربا بس نوعه سعودي مش عارفه اسمه ايه حقيقي بس رووووعه وامن جداااا

 

كمان الدفايه الكهربا النوع الي ام سلمي حطاه دا لازم لما تقعدي وتدفي عليه ما تخرجي من الحجرة لان مجرد ما تخرجي بيجيلك برد لان الدفايه دي بتدفي الي يقعد قدامها بس

 

في نوع اخر من الدفايات اسمه دفايه زيت

ودي بالكهربا برضو بس جمييله لانها بتوزع الدفا بتاعها علي المكان كله

 

ودي عندي ورووعه

 

 

 

الغساله الاتوماتيك مو عمليه بالمرة يعني بتبقي عايزة ملابس نظيفه اصلا ومجرد ما ربنا يرزقك بطفل مش هتستعمليها

كانت عندي وبعتها وجبت النص اتوماتيك ام حوضين عمليه وجميله

[~ أم العبادلة ~ 1903]

فدوى اوعي تكوني حذفت مشاركة ام سلمى ؟؟

 

ماريا

مين قال الغسالة الاتوماتيك مش عملية

الغسالة النصف اوتوماتيك متعبة جدا مع الاولاد وكل شوية يغيروا ومش بتلحقي تغسلي

وبعدين بتنضف حلو لو وضعت كمية غسيل معقولة ومتناسبة مع المسحوق والماء

[~ماريا~ 1340]

فدوى اوعي تكوني حذفت مشاركة ام سلمى ؟؟

 

ماريا

مين قال الغسالة الاتوماتيك مش عملية

الغسالة النصف اوتوماتيك متعبة جدا مع الاولاد وكل شوية يغيروا ومش بتلحقي تغسلي

وبعدين بتنضف حلو لو وضعت كمية غسيل معقولة ومتناسبة مع المسحوق والماء

 

انا الي قلت عن تجربه

يا كسوله هانم النص اتوماتيك عمليه اكتر ثم انت بتتعبي في ايه انت كل الي بتعمليه بتشيلي الملابس من حوض الغسيل لحوض التنشيف

فقط لا غير

انا عن نفسي الاتوماتيك ما فادتني بعد ولادتي الاولي

وجهات نظر

:)

[~ أم العبادلة ~ 1903]

المشكلة اني بشغلها وبنساها

يعني لو مثلا وضعت غسيل الصبح، على ما يخلص يكون اليوم خلص وما فيش وقت اضع غيره لاني كل شوية انشغل وانسى

لكن الاوتوماتيك تحطيها وتنسيها ولما تخلص تشيلي الملابس وتحطي غيرها

 

ممكن مع طفل واحد لا تحتاجيها كثير

لكن لما يكون اربع شباب ومعروف الشباب بيغيروا كتير فبتكون مرهقة جدا

[~ماريا~ 1340]

يا نهارك

هههههههههههههههههههههه

تنسيها ازاي

الغسيل معي هو ساعه فقط

بقسم الغسيل علي اربع ادوار كل دور ربع ساعه وبتفصل لوحدها

هههههههههههههههههه

لا خليكي في الاتوماتيك

[فدوى المسلمي 531]

فدوى اوعي تكوني حذفت مشاركة ام سلمى ؟؟

 

 

 

ههههههههههههه

لا حبيبتي عدلت عليها بس

كلماتي اللي باللون الأحمر وباقي مشاركتها كما هي

[ساجدة للرحمن 2049]

السلام عليكم ورحمة الله وبركاته

موضوع جميل ومتكامل ...

بالنسبة لموضوع الغسالة ...

أصبح الكثير الآن يستخدم الغسالة الهاف أوتوماتيك ..لأن الغسالة الأوتوماتيك بالفعل لا تنظف الغسيل جيدا

بعكس الهاف ..

ولكن تبقى مشكلة أن الهاف متعبة أكثر ..

أنا أيضا أفعل مثل ماريا ...

الغسيل عندي لا يأخذ وقت طويل ..

اقوم بعمل مجموعات للملابس ( بيضاء _ وملونة _ وغامقة )

كل مجموعة تأخذ دور واحد لأن غسالتي كبيرة ( 10 كيلو )

وأنتهي منه سريعا ...

وميزة أخرى للغسالة الهاف ..أنها تحافظ على رشاقتك :)

[~ماريا~ 1340]

السلام عليكم ورحمة الله وبركاته

موضوع جميل ومتكامل ...

بالنسبة لموضوع الغسالة ...

أصبح الكثير الآن يستخدم الغسالة الهاف أوتوماتيك ..لأن الغسالة الأوتوماتيك بالفعل لا تنظف الغسيل جيدا

بعكس الهاف ..

ولكن تبقى مشكلة أن الهاف متعبة أكثر ..

أنا أيضا أفعل مثل ماريا ...

الغسيل عندي لا يأخذ وقت طويل ..

اقوم بعمل مجموعات للملابس ( بيضاء _ وملونة _ وغامقة )

كل مجموعة تأخذ دور واحد لأن غسالتي كبيرة ( 10 كيلو )

وأنتهي منه سريعا ...

وميزة أخرى للغسالة الهاف ..أنها تحافظ على رشاقتك :)

 

قوللهم يا ساجده

:))

ايوه رشاقه فعلا واحنا في امس الحاجه الي الرشاقه الان

[*امة الله حنان* 50]

ما شاء الله مجهود رائع

بارك الله فيكن حبيباتى وجعله فى ميزان حسناتكن

 

انا عندى الهاف بس مشكلتى التشطيف يعنى افضل فاتحة المايه لحد امتى ؟؟

بحس انها بتسرف فى ماء التشطيف والى الان مش عارفة التشطيف فيها اعمله ازاى

انا بشطف بره وبعدين احطه فى العصارة يتعصر

[~ماريا~ 1340]

ما شاء الله مجهود رائع

بارك الله فيكن حبيباتى وجعله فى ميزان حسناتكن

 

انا عندى الهاف بس مشكلتى التشطيف يعنى افضل فاتحة المايه لحد امتى ؟؟

بحس انها بتسرف فى ماء التشطيف والى الان مش عارفة التشطيف فيها اعمله ازاى

انا بشطف بره وبعدين احطه فى العصارة يتعصر

يا نهارك ابيض يا حنان

هههههههههههههههههههههههههههههههه

امال هي لزمتها ايه لما انت بتقعدي تشطفي برا يا عين اختك ايه الفرق بنها وبين العاديه الوقتي

 

انت يا بنت مش عندك زرار للتشطيف بتلفيه علشان يشطفلك صح الزرار دا بيقعد يلف لحد ما يرجع لنقطه البدايه وبيعمل تكه صغيره كدا لما يقف

وقتها بتلفيه تاني وبتقفلي المايه وساعتها هينشف بس

فهمتي يا بنت ولا لسه؟؟؟

[*امة الله حنان* 50]

ههههههههههههه

والله اول مرة اعرف انى لما بشغل الزرار بتاع الشطف لازم اكون فاتحة المايه

ده انا بسيب المايه وهو مقفول والماية نازله تشرررررر وبعدين بعد ربع ساعة كده ابقى اعصر واقفل المايه

 

ده العلام حلو برده

جزاك الله خيرا مرمر

 

بس معلش سؤال كمان لو الاولاد يعنى عاملين حاجات كده مش ظريفه اغسلها فى الغساله على طول ولا اشطفهم بره عشان اتاكد من طهارتهم

 

وبارك الله فيك

[~ماريا~ 1340]

ههههههههههههههههههههههههههههههههههه

يا نهارك ابيض

ربع ساعه ايه يا مفتريه التشطيف الزرار بتاعه خمس دقايق بتلفيه وتكوني فاتحه المايه ولما يرجع للبدايه

بتقفلي المايه وتلفي تاني علشان ينشف

 

 

المهم بالنسبه للاولاد

الامر عادي لو غسلتيهم بس يعني للنضافه اكتر انصحك قبل الغسيل تنقعيهم في شوي مايه واي مسحوق بتستعمليه علشان الريحه فقط

ووقت الغسيل ارمي المايه الي منقوعين فيها وشطفيم بشوي مايه وحطيهم في الغساله

[*امة الله حنان* 50]

بارك الله فيك ماريا حبيبتى

وجزاك الله خيرا ان شاء الله اتبع التعليمات وبكده الغسيل هيبقى مريح مش انا اللى كنت بشيل هم الغسيل

متابعة معكن وفقكن الله

[~ أم العبادلة ~ 1903]

انا الوضع عندي غير كده

غسالتي صغيرة حوالي 5 كيلو او 4

كل يومين لازم على الاقل دورين لان الاولاد بيوسخوا هدومهم كتير خصوصا على الاكل وبيغيروا في اليوم اكثر من مرة

زمان كنت بغسل على طول لكن الان ذهنيا ونفسيا من كثرتهم اصبحوا ياخدوا وقت وزوجي مقتنع لو جبنا اوتوماتيك انها هتخرب بسرعة من كثرة الغسيل

 

المهم سيبك مني

ماريا انا ما عنديش الزرار اللي بتقولي عليه

انا عندي مفتاح واحد بس للغسيل والشطف

باضع الملابس والمسحوق والفه يشتغل وبياخد ربع ساعة

وبعدين انزل الماية واضع غيرها والفه علشان يتشطف ولو لقيت الماية مش صافية (يعني لونه ابيض شوية من الصابون) بكرر عملية الشطف ثاني، عادة بشطف على 3 مرات وبعدها اضعه بحوض العصارة علشان يعصر

 

هممم، تذكرت الان ان في مفتاح بيخلي الماية تنزل العصارة بدل ما تنزل حوض الغسيل، يا ترى ده اللي تفصدي بيه، انا ظنيته خاص بغسل العصارة من الرواسب اللي فيها

طيب لو هو يبقى اضع فيه ماية قد ايه لان الخرطوم اتقطع وبضع ماية من الحنفية للغسالة

[~ أم العبادلة ~ 1903]

بقولك ايه يا ماريا

روحي افتحي موضوع جديد اشرحي فيه طريقة استعمال الغسالة النصف اوتوماتيك بالصور

[**أم سلمى** 657]

ام سلمى

اسفة جدااااااااااااااا

جيت ارد على مشاركتك عدلتها :O

السموحة يا حبيبة

لم أقصد :blush:

^_^

خلاص سماح المرادى :)

بس تعديلات جيده :D

 

اللهم بارك يا أم سلمى

 

لو سمحت يا ماريا وسعي الطريق وسلمي القيادة لأم سلمى

جزاك الله خيرا ام عبد الله

 

لااااا بلاش خلى ماريا تحط الاساس وانا ابنى هههههههههه

[**أم سلمى** 657]

والله بتبعيني يعني

ماشي

اديني موسعه واستلمي يا ام سلمي الدفه بس اوعي تغرقينا

ههههههههههههههههههههههههههههههههههههههه

 

 

المهم يا بنات بالنسبه للسخان اليونيفرسال كتير من الي جابوه قالو بيخسر بسرعه

انا عندي واحد كهربا بس نوعه سعودي مش عارفه اسمه ايه حقيقي بس رووووعه وامن جداااا

 

كمان الدفايه الكهربا النوع الي ام سلمي حطاه دا لازم لما تقعدي وتدفي عليه ما تخرجي من الحجرة لان مجرد ما تخرجي بيجيلك برد لان الدفايه دي بتدفي الي يقعد قدامها بس

 

في نوع اخر من الدفايات اسمه دفايه زيت

ودي بالكهربا برضو بس جمييله لانها بتوزع الدفا بتاعها علي المكان كله

 

ودي عندي ورووعه

 

 

 

الغساله الاتوماتيك مو عمليه بالمرة يعني بتبقي عايزة ملابس نظيفه اصلا ومجرد ما ربنا يرزقك بطفل مش هتستعمليها

كانت عندي وبعتها وجبت النص اتوماتيك ام حوضين عمليه وجميله

 

ماريا الدفايه انا معرفش فى انواعها انا كنت حاطه صوره بس

 

انام الدفايه اللى عندى بشمع بردوا بس غير دى وجميله بردوا بدفى

دفايتك فعلا امنه وروعه لانها من غير شمع

 

والسخان عند مامتى بس حلو وكل واحد حسب استهلاكه للاجهزه

 

 

الغساله الاتومتك دى بتكون للموظفين او لو واحده عندها اطفال كتير مش هتلاحق تغسل ايه ولا ايه -_-

 

انا غسالتى هاف اتوماتيك وبخلص الغسي بسرعه زيك يعنى مش بياخد ساعه واحده

بغسل واحط الحوض التانى اشطف فيه واعصر

واستعملها سهل جداااا وبتنضف الغسيل

[صابرة على البلاء 5]

جزاك الله خيرا