أم ربعي 21 أرسلي تقرير عن المشاركة قامت بالمشاركة 24 أبريل, 2012 السلام عليكم ورحمة الله وبركاته كتير من الاخوات هنا شفتهم بيسالو عن طريقة سلق الكرنب خصوصا المعرق منه واد ايه بيغلبهم خصوصا الاخوات المقيمة خارج مصر عشان كده قلت باذن الله لازم اعملهم موضوع يسهل عليهم ان شاء الله بس ياريت المصريات المقيمات داخل مصر ميتريقوش على الكرنب عشان هو هنا بيتباع صغير كده انما في مصر ماشاء الله الكرنبايه بيكون قطرها من عشرين لخمسة وعشرين ههههههههه ربنا يبارك وكمان الكرنب اللى مش معرق هنا يعتبر معرق بالنسبة لمصر فلو سمحتو راعو النقطة دى هههههه اول حاجه نجيب الركنبايه ونحدد راسها بالشكل ده بعد كده ندخل السكينة ونقطعها وهى سهلة خالص دخلى السكينة في كل طرف واقطعى في الاخر هتطلع معاكى الراس كلها وتكون بالشكل ده بعد كده نكون غلينا مية على النار ونحط فيها ملح وكمون وكمون عشان الكرنب بيعمل انتفاخات احيانا والكمون ان شاء الله هيضيعها ويون بالشكل ده بعد كده دى اهم حته صراحة هتيجي الكرنبايه وتوقفيها بالطول عشان المية المغلية تدخل في التجويف اللى احنا عملناه وبتكون شكلها كده بعدين بقه زي الشطوره تقلبيها على وشها لما التحويف ياخد مية مغلية ويتكون كده بعد كده توطى النار شوية ولو معرقة هتقعد وقت اطول لو مش معرقة تاخدى بالك وبعد شوية تمسكى حته من الكرنبايه من اللى هى في المية اوعى تتلسعى ههههه وتقطعيها لو اتقطعت بصعوبة شوية لكن اتقطعت يبقى كده تمام اقلبيها الناحية التانية كده بعد كده طبعا الجزء اللى تحت بديهي جدا بيكون ارق من اللى فوق فمش هياخد وقت طويل بعد كده تبداى بقه بملعقة كبيرة تاخدى ورقة ورقة بداية من فوق واحدة واحدة وتطلعى الورقة بالطريقة دى عشان قفضل بحالتها ومتتقطعش بعد كده وانتى بتطلعى هتلاقي نفسك شلتى شوية ورق بس في ورق حسيتى انه لسه مش اتسلق بتستنى شوية بعد كده تبداى تشيلي تانى لحد ما الكرنبايه تخلص وتكون بالشكل ده بتطلعيها في مصفة عشان تنزل المية اللى فيها وتكون دافيه وانتى بتقطعيها بعد كده يا حلوين نيجي للنقطة الحلوة الى هى تقطيع الكرنب هتيجي ورقة الكرنب وتقفليها نصين تلقائيا هتلاقي العرق فوق عامل زى القوس هتبداى من تحت بالسكينة وتطلع لاخر العرق لحد ما تفصليه عن الورقة خالص كده بعد كده والورقة مقفولة نصين كده لفيها رول بايدك وهى سهلة جدا والله حسب ما انتى بتحبي لو بتحبي صابع المحشي كبير اقطعيه الرول حسب ما تحبي انا احبه صغير فعشان كده قطعته كده بعد كده هتكون خلصتى كل الورق تقطيعه من العروق هتمسكي كل ورقة وتفرديها وتقطعيها برضه حسب مزاجك الافضل والاحسن يكون طول الورقة وانتى بتقطعيها من اربعة سم الى ستة سم عشان لما صابع المحشي وهو بيستوي ويغلى ميخرجش من الرز ويكون ملفوف كووويس وانا كده قطعت المحشي وحشيته اكيد طبعا شفتو موضوع ماريا الحبوبة بتاع المحشي اعملو الخطلة زيها بالظبط انا بعملها زيها وكمان اسقو المحشي زيها بالظبط ومش هتندمو ان شاء الله وفي الاخير دا طبق المحشي ومعاها متطلباته هتلاقو في الصينية طبق رز احمر الطبق ده لما بيتبقى خلطة من بتاع المحشي بسويه في حلة جانبيه واغرفه مع الاكل بيكون طعمه خطير شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 24 أبريل, 2012 هذه بقية الصور يا اخوات شارك هذه المشاركه رابط المشاركه شارك
سُندس واستبرق 4685 أرسلي تقرير عن المشاركة قامت بالمشاركة 24 أبريل, 2012 بارك الله فيك أم ربعي :) شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 24 أبريل, 2012 بارك الله فيك أم ربعي :) الله يبارك لكِ حبيبتي تشرفت والله بوجود هنا وحشتيني جدددددا والله شارك هذه المشاركه رابط المشاركه شارك
*امة الله حنان* 50 أرسلي تقرير عن المشاركة قامت بالمشاركة 24 أبريل, 2012 ما شاء الله اللهم بارك مجهود رائع غاليتى ام ربعى جعله الله فى ميزان حسناتك وعلى فكرة الكرنبة دى تعتبر كبيرة برده تعالى شوفى اللى عندنا بيبى كرنب^ـــــــــ^ وبعدين ايه كاية المحشى فى المنتدى اليومين ما فيش مراعاة ابدا لمشاعر اخواتكم فى منتدى الصحة والرشاقه بالهنا والشفا غاليتى وبارك الله فيك شارك هذه المشاركه رابط المشاركه شارك
شذى الهمة 331 أرسلي تقرير عن المشاركة قامت بالمشاركة 24 أبريل, 2012 جزاكم الله خيرا أم ربعي فعلا الكرنب هنا صغير ومعرق جامد أنا كل أما أجرب وأجيب كرنباية أقعد أبصلها كده وبعدين أغير رأيي واعملها فالسلطة ههههههه أحسن برضه :) شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 24 أبريل, 2012 ما شاء الله اللهم بارك مجهود رائع غاليتى ام ربعى جعله الله فى ميزان حسناتك وعلى فكرة الكرنبة دى تعتبر كبيرة برده تعالى شوفى اللى عندنا بيبى كرنب^ـــــــــ^ وبعدين ايه كاية المحشى فى المنتدى اليومين ما فيش مراعاة ابدا لمشاعر اخواتكم فى منتدى الصحة والرشاقه بالهنا والشفا غاليتى وبارك الله فيك الله يكرمك حنونة جزانا واياكى يا قمر والله يا حبيبتي بحتار وانا بشتريه لازم امسك الف واحدة عشان اجيب واحدة كويسة لازم تكون خفيفة في ايدي ومتكنش معرقة وتكون مبططه عشان اضمن انى اعملها كلها الله يهنيكي يا قمر وفيك ربي يبارك يارب لكن انتى مغتربة برضه اول مرة اعرف تصدقي شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 24 أبريل, 2012 جزاكم الله خيرا أم ربعي فعلا الكرنب هنا صغير ومعرق جامد أنا كل أما أجرب وأجيب كرنباية أقعد أبصلها كده وبعدين أغير رأيي واعملها فالسلطة ههههههه أحسن برضه :) اهلا اهلا ايه النور ده ازيك يا دودو جزانا واياكى يا قمر اه والله يا اختى حاجه صعبة متعرفيش بيستوردوه منين مش بيكون مكتوب في المكان مستورد منين لكن اهوه الواحد اتعلم شوية يجيب كرنب عليه القيمة شوية انتى كذا حاجه مهمة في الكرنايه لازم تكون خفيفة في ايدك ومبططة والورقة الخارجية تكون مفيهاش عروق جانبيه خالص او بس حاجه بسيطة عشان تضمنى انك كل ما تدخلى جواها هتكون كويسة وتصلح للحشو واهى للسلطة اسهل على رايك ههههههه كيف حال عمر وخصوصا خالد ربنا يعافيه ياااااااااااااااااااارب شارك هذه المشاركه رابط المشاركه شارك
راغبة بالفردوس 477 أرسلي تقرير عن المشاركة قامت بالمشاركة 24 أبريل, 2012 جميل ياأم ربعي :))) توحشتك ياعسل ، عوداً حميداً ^^ شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 24 أبريل, 2012 تسلم إيديك أم ربعي خلتيني عاوزه أكل محشي وعلمتيني اشتري الكرنب أزاي لاني مبعرفش اشتريه:(( شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 24 أبريل, 2012 محشي كمان عند أم ربعي :) المبدعات كثر اللهم بارك شكله رائع واللفة جميلة شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 24 أبريل, 2012 جميل ياأم ربعي :))) توحشتك ياعسل ، عوداً حميداً ^^ اهلااااااااااااااا هو الموضوع جاب الحبايب لحد هنا مش معقووول ازيك يا غدوده انتى اللى وحشانى والله ايه اخبارك؟؟ الله يكرمك يا قمر شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 24 أبريل, 2012 تسلم إيديك أم ربعي خلتيني عاوزه أكل محشي وعلمتيني اشتري الكرنب أزاي لاني مبعرفش اشتريه:(( تسلمى يا ام جوجو بيني وبينك هو يتحب انا اعشقه ولا امل منه ابدا ومع ذلك اعمله قليييل خلاص يلا وريني واشتري واعملى وخبريني ههههههه شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 24 أبريل, 2012 محشي كمان عند أم ربعي :) المبدعات كثر اللهم بارك شكله رائع واللفة جميلة شفتى بقه يا حبوبة الله يكرمك يارب بعض ما عندكم ليس اكثر الله يكرمك انا قلت لصفية على الموضوع وفعلا دخلت وهى بتكلمنى وقالتلى عرفتها وقالتلى اسمك هتحاول تتواصل معاكِ ان شاء الله شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 26 أبريل, 2012 ام ربعي نزلتي الموضوع امته مشفتوش غير الان والله ما شاء الله عليك يا بنت استاذة شكلة جميل اللهم بارك بالف هنا وجزاك الله كل خير علي الشرح بالنسبه للعروق دي لو انتي بتفكي الورق الاول قبل السلق شيليه بالسكينة قبل ما تسلقيه هيريحك كتير انا بفك الورق الاول من الكرمبه وبعدين بسيب القلب بس الي بحطة كله في المايه وبقطعه زيك بالظبط بلفه علي بعضه وقطعه زي ما انتي قلتي بالظبط انا بحط ملح وزيت في المايه بس ما بحط كمون المرة الجايه احط الكمون وتاني مرة ربنا يبارك فيك علي الشرح يا غاليه والاكل حسيت اني شايفة اكل امي اكلها احسن مني بكتييييييييييييييييييييييييييييييييير ههههههههههههههههههههههه 2 شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 26 أبريل, 2012 ام ربعي نزلتي الموضوع امته مشفتوش غير الان والله ما شاء الله عليك يا بنت استاذة شكلة جميل اللهم بارك بالف هنا وجزاك الله كل خير علي الشرح بالنسبه للعروق دي لو انتي بتفكي الورق الاول قبل السلق شيليه بالسكينة قبل ما تسلقيه هيريحك كتير انا بفك الورق الاول من الكرمبه وبعدين بسيب القلب بس الي بحطة كله في المايه وبقطعه زيك بالظبط بلفه علي بعضه وقطعه زي ما انتي قلتي بالظبط انا بحط ملح وزيت في المايه بس ما بحط كمون المرة الجايه احط الكمون وتاني مرة ربنا يبارك فيك علي الشرح يا غاليه والاكل حسيت اني شايفة اكل امي اكلها احسن مني بكتييييييييييييييييييييييييييييييييير ههههههههههههههههههههههه بجد كلامك كبير اوى عليا يا زيزي ربنا يكرمك على زوقك العالي يا قمر بالنسبة للعروق اعتقد انى لو عملتها كده الورقة هتتكسر ولا ايه؟؟ عندك في مصر يا عسولة ينفع تفكى لان الورق في مصر ماشاء الله بيبقى مفرفر هنا بيبقى معقد عشان كده تلاقي اخوات كتير عايشين بره مصر متعقدين من المحشي بصعوبة على ما تعرفي تتصرفي معاه الله يكرمك دا ميجيش حاجه جنب الحاجات الحلوة اللى بتعمليها يا عسل وربنا يبارك في مامتك ياااارب على فكره انا نازله مصر يوم 25/5 مش عاوزة حاجه من هنا؟؟؟؟؟؟؟؟؟ ههههههه شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 26 أبريل, 2012 هههههههههههههههههههههههههههههههههه متحرمش يا غالي ولو كنتي مصرة كام عبايه علي كام بنطال تحت العبائة هههههههههههههههههههههههههههههههههههههههه ( متحرمش منك ابدااا وتنزلي بالف سلامة يا غالي ايوا الورق بيكسر لو ماسك في بعضة لان في الصيف بتلاقي الكرمب الي هنا كلة عروق برضو مش بلدي يعني الكرمبة الي عملتها انا دي طلعت روحي مع ان ماما قالتلي ريحي نفسك وحطيها كلها في المايه بس نعمل ايه اختك بتحب التعب هههههههههههههههههههههههههههه والله اكلك رااائع جدااا والمحشي بتاعك تحسي انه سايح كدا وشكلة رااائع امي بتعمله كدا برضو يلا انا هنزل طريققتي في الكفته الان وطريقه للكفته التركي :)) شارك هذه المشاركه رابط المشاركه شارك
سماء الفردوس 305 أرسلي تقرير عن المشاركة قامت بالمشاركة 26 أبريل, 2012 ما شاء الله لاقوه الا بالله تسلم الايادى يا ام ربعى شرح سهل ومبسط جزاكى الله خيرا وبعدين فيكوا بقى يا جماعه انتى وماريا عليه كل شويه تعملوا محشى وتجروا ريقى وانا قال ايه عايزه اعمل ريجيم ههههههههههههههه شارك هذه المشاركه رابط المشاركه شارك
محبة لربها، ادعوا لي بالثبات 72 أرسلي تقرير عن المشاركة قامت بالمشاركة 28 أبريل, 2012 الله يا ام ربعى والله زمان وحشانى والله فعلا كرنبك شكله رائع على رأيك يا ماريا شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 2 مايو, 2012 ما شاء الله روعة حبيبتي والله تسلم إيدك شكله تحفة فعلا مشكلة الكرنب هنا مشكلة ههههههههه إبقوا حطوه شوية في الفريزر يا بنات بعد السلق لا تحرمينا ابداعاتك يا قمر بألف هنا وشفا حبيبتي شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 2 مايو, 2012 هههههههههههههههههههههههههههههههههه متحرمش يا غالي ولو كنتي مصرة كام عبايه علي كام بنطال تحت العبائة هههههههههههههههههههههههههههههههههههههههه ( متحرمش منك ابدااا وتنزلي بالف سلامة يا غالي ايوا الورق بيكسر لو ماسك في بعضة لان في الصيف بتلاقي الكرمب الي هنا كلة عروق برضو مش بلدي يعني الكرمبة الي عملتها انا دي طلعت روحي مع ان ماما قالتلي ريحي نفسك وحطيها كلها في المايه بس نعمل ايه اختك بتحب التعب هههههههههههههههههههههههههههه والله اكلك رااائع جدااا والمحشي بتاعك تحسي انه سايح كدا وشكلة رااائع امي بتعمله كدا برضو يلا انا هنزل طريققتي في الكفته الان وطريقه للكفته التركي :)) والله لولا انى مش هعرف اتواصل معاكى لما انزل ولا اشوفك لكنت جبتلك حاجه قد المقام يا عسل الله يخليكي يا زيزي يارب ايوه شفتها ولازم اروح تانى اسيب رد لانى شفتها على السريع شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 2 مايو, 2012 هههههههههههههههههههه متحرمش منك يا اسيه عارفه والله ربنا يبارك فيك يا رب شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 3 مايو, 2012 ما شاء الله لاقوه الا بالله تسلم الايادى يا ام ربعى شرح سهل ومبسط جزاكى الله خيرا وبعدين فيكوا بقى يا جماعه انتى وماريا عليه كل شويه تعملوا محشى وتجروا ريقى وانا قال ايه عايزه اعمل ريجيم ههههههههههههههه تسلميلي يا قمر طيب الحمد لله انه طلع سهل حاولت قدر المستطاع مسبش خطوة الا واصورها جزانا واياكى سمعت ان الريحيم خلاص خرب دا كان شوية حماس وكان الله بالسر عليم هههههههههههه صح ولا لا؟ شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 3 مايو, 2012 الله يا ام ربعى والله زمان وحشانى والله فعلا كرنبك شكله رائع على رأيك يا ماريا اهلا اهلا بالناس الحلوة وحشانى جدا يا سمسمة سبت رد هناك في صفحتى ارجعى له يا قمرر ربنا يكرمك دا من ذوقك يا قمر منكم بنتعلم جزاكِ الله خيرا شارك هذه المشاركه رابط المشاركه شارك
أم ربعي 21 أرسلي تقرير عن المشاركة قامت بالمشاركة 3 مايو, 2012 ما شاء الله روعة حبيبتي والله تسلم إيدك شكله تحفة فعلا مشكلة الكرنب هنا مشكلة ههههههههه إبقوا حطوه شوية في الفريزر يا بنات بعد السلق لا تحرمينا ابداعاتك يا قمر بألف هنا وشفا حبيبتي مفيش اروع منك يا اشروقة منورة يا عسل دا الكرنب هنا معقد حاجه صعبة سبحان الله الله يهنيكي يا حبيبتي شارك هذه المشاركه رابط المشاركه شارك