العرفان بالجميل

[هجورة 4]

السلام عليكم ورحمة الله وبركاته O_o

ازيكم يا بنات .. يا رب تكونوا كلكم بخير :)

يمكن ده مش موضوع مهم لأغلب البنات الموجودين دلوقتي لأنهم مايعرفونيش لأن نشاطي واقف من على المنتدى من حوالي 8 سنين.. :huh:

كنت بدور على حاجة على النت عادي وإذ يطلعلي موضوع من المنتدى هنا .. فضولي خلاني أجرب أدخل باسمي (وأنا متأكدة إن الحساب أكيد اتقفل بعد كل السنين دي) بس المفاجأة إنه دخل ^_^ وأنا قعدت ألف هنا لأن ده المكان اللي كنت دايماً بشارك فيه وكنت فعالة جداً لأن كل البنات اللي كانوا هنا كانوا من سني ساعتها <3 كنت لسه صغننة كده :D

فافتكرت ذكريات كتير ليا في المكان ده كانت أيام حلوة جداً كنا بنستفيد وبنفيد بعض وبنتكلم في مواضيع كتير وفي كل حاجة وكنا كلنا شبه بعض أوي مع اختلاف تفكيرنا وجنسياتنا بس كان بيجمعنا ما يسمى بـ "الحب في الله" <3 اللي قل وجوده في الزمن ده..

 

فيه فرق كبير بين أسلوبي وطريقتي في مواضيعي زمان وأنا دلوقتي وده طبيعي جداً فرق السنين كبير دخلت المكان ده وأنا في إعدادي ودلوقتي على وشك التخرج من الكلية :huh:

يمكن زي ما قولت هو مش موضوع مهم خالص بس فعلاً الخواطر والمشاعر اللي جاتلي دلوقتي كان لازم أعبر عنها في المكان اللي كان ليه فضل كبير بعد ربنا في تكوين شخصيتي وبناء الثقة بالنفس .. جه الوقت علشان أشكر كل اللي قائمين على المنتدى بكل نشاطاته مش هنا بس .. الوقت عدى والوقت جه لأني أرجع للمنتدى يمكن يكون نشاطي في أقسام مختلفة .. لأني زمان مكنتش بشوف كل الكنوز اللي في المنتدى كله لأن ده كان بيتي كنت بحس إني لو خرجت من هنا الكلام بره هايكون كبير :))

 

جزاكن الله خيراً وجمعنا الله في جنته بصحبة نبينا حبيبنا محمد صلى الله عليه وسلم :)

استمروا في المنتدى ده لأنه أكبر من كونه منتدى ممكن يجور عليه الزمن بسبب مواقع التواصل الاجتماعي لأن الروح اللي هنا مش موجودة في أي حتة تاني .. خدوا كلامي ثقة بس :D

نصيحة مني لأي أم .. لو عندك بنوتة في سن الـTeens اللي هو سن المراهقة دليها على المكان ده وسيبيها وأنتي متطمنة :ph34r:

[سنفورة المجد 307]

وعليكم السلام ورحمة الله وبركاته

اهلا اخي @هجورة

 

والله من جد متفاجأة من كلامك

ماشاء الله عليكِ

ربنا يسعد ايامك وعودا حمدا لكِ من جديد غاليتي

:)

[ساره أم حمزه 1041]

وعليكم السلام ورحمة الله وبركاته

منوره يا هجوره

كلامك جميل

جزاك الله خيرا

خلينا نشوفك دايما إن شاء الله ( :

[هجورة 4]

شكراً جداً ليكم .. ربنا يديم كل الحاجات الحلوة اللي هنا :)

ها نحن نعود :D

[ساره أم حمزه 1041]

امين يارب

منوره ( :

[ساره أم حمزه 1041]

امين يارب

منوره ( :

[أمل الأمّة 1093]

هجوووووووووورة يا أهلا يا أهلا يا أهلا

سبحان الله والله : ) فعلا الأيام تمر والسنين وتظل المحبة في قلوبنا والحنين لنفس المكان اللي جمّعنا.

أنا سعيدة جدا بك أنك هنا من جديد وسعيدة بكلامك فعلا، لأني أحسست بكل شيء فيه

ملتقى زهرات ركن الأخوات رغم أني كذلك صرتُ أكبر منه ولكني أشعر بأن كل جزء فيه جزء مني أنا شخصيًا.

وكل من غاب عنّا لازال له بصمة هنا ... ليس ملتقى الزهرات فحسب بل كل المنتدى ، لازال الحبّ الأول لي في عالم النت الذي لا أتخلى عنه ولن أتخلى عنه بإذن الله تعالى.

أهلا وسهلا بيك دائمًا وأبدًا في ملتقاكِ وفي كل المُنتدى : )

على الهامش : يااترى تخصصت إيه في الكلية؟ : )

 

جزاكن الله خيراً وجمعنا الله في جنته بصحبة نبينا حبيبنا محمد صلى الله عليه وسلم :)

استمروا في المنتدى ده لأنه أكبر من كونه منتدى ممكن يجور عليه الزمن بسبب مواقع التواصل الاجتماعي لأن الروح اللي هنا مش موجودة في أي حتة تاني .. خدوا كلامي ثقة بس :D

نصيحة مني لأي أم .. لو عندك بنوتة في سن الـTeens اللي هو سن المراهقة دليها على المكان ده وسيبيها وأنتي متطمنة :ph34r:

آمييييييييين يارب

ما أجمل كلماتك والله وما أصدقها : ))

الله يسعدك ويحفظك يارب ()

ومرة أخرى أنا فعلا سعيدة بك وجدااااااااااا

[سُندس واستبرق 4685]

وعليكم السلام ورحمة الله وبراته

 

كم أسعدتني خواطرك ِ يا هجورة ()

مشاعرنا لا تغيب وان كبرنا وسرنا في الدروب المختلفة سبحان الله

عودًا حميدًا وأهلا بك ِ من جديد أسعدك الله وحفظك ِ : )