كيف تنظفين طقم الأنتريه المصنوع من قماش

[~ أم العبادلة ~ 1903]

السلام عليكم ورحمة الله وبركاته

 

عندي طقم أنتريه من قماش خفيف وقد اتسخ وأريد تنظيفه ولكني لا أعلم كيف مع العلم إنه مبطن بأسفنج

 

نعم أعلم أنه كان يجب علي أن أصنع له تلبيسه ولكني لم استطع لظروف خاصة

 

فهل هناك من وسيلة لتنظيفه؟؟

وهل هناك نوع معين من المساحيق يستخدم لذلك دون أن يضر بألوانه ولا يسبب وبر؟؟

 

بارك الله فيكن

[#ام سلمى# 1]

السلام عليكم ورحمة الله وبركاته،،

ياريت يا حبيبة تقولى القماش نوعو ايه

ولونو ايه كمان

وان شاء الله نساعدك

بحبك فى الله

[~ أم العبادلة ~ 1903]

وعليكم السلام ورحمة الله وبركاته،،

 

بصراحة أنا مش بعرف في القماش وأنواعه بس اللي أقدر أقوله إن قماشه ضعيف وخفيف

هو من الأطفم اللي بيكون فيها شراشيب (فتل) كتيرة من طرف الكرسي من تحت وشراشيب نازلة من عند الذراع

 

لونه درجتين من البيج (أرضية القماش) وعليه رسومات بدرجتين من الأخضر

 

أحبك الله الذي أحببتني فيه وحبب فيكِ خلقه

[#ام سلمى# 1]

السلام عليكم ورحمة الله وبركاته،،

حبيبتى امة الرحمنانا برضو الانترية بتاعى

لونة بيج وفية ورود بلون البيج ورجتين من الاخضر

وبردو نفس الشراشيب والدلايات اللى على اليدين

لما اتسخ قبل ما اشترى كسوة نضفتو بالطريقة دى وحماتى بقت كل اما تشوفو تقولى دا بقا جديد خالص

وهى انى جبت طبق بلاستك وحطيت فية حبة ماية دافية صغيرين وحطيت عليه ربع كوب مسحوق اتومتيك اى نوع يفضل الاتومتك وليس العادى لانو مبيعملش رغاوى

وحطيت عليهم كيس كلوركس للالوان وجبت فوطيت صغيرين وطبق اخر بة ماء

ابل الفوطة بالمسحوق واعصرها بس مش قوى وادعك بيها الانترية والحتة اللى اخلصا ادعكها بالفوطة اللى فيها ماء فقط علشان اشيل اسر الكلوركس والرغاوى بس الاتومتيك بيعمل رغوة تكاد تكون معدومة

وهاكذا تعملى الانترية كلو وبعدين تشغلى عليه المروحة وتفتحى الشباك

ملحوظة لو مفيش شباك متقلقيش كفاية المروحة بس انتى تحاولى متغرقيش الانترية يعنى تعصرى الفوط

معلش طولت عليكى بس حبيت اقولك على الطريقة بالتفصيل وهتدعيلى ان شاءء الله لان الانترية هيرجع زى الجديد

[~ أم العبادلة ~ 1903]

جزاك الله خيرًا يا حبوب وإنت لا طولتِ ولا شئ

 

إن شاء الله أجربه ويا رب ما يكون متعب في الدعك لأني ما فيش فيا نفس خالص للموضوع ده

 

كنت عايزة أسأل هو كيس الكلوركس معياره قد إيه بالكوباية لأن اللي عندي زجاجة كلوركس

[~ أم العبادلة ~ 1903]

معلش، ممكن كمان معيار المياه الدافئة

 

أنا جربت كرسي واحد وفي انتظاره ينشف علشان أشوف النتيجة

 

بس حاجة غريبة حصلت، لما ضفت المسحوق وعليه الكلوركس الألوان والمياه الدافئة، تركت الطبق في المطبخ وطلعت بره ولما رجعت لقيته فار على الحوض فنقلته في حاجة أكبر

[#ام سلمى# 1]

جزاك الله خيرًا يا حبوب وإنت لا طولتِ ولا شئ

 

إن شاء الله أجربه ويا رب ما يكون متعب في الدعك لأني ما فيش فيا نفس خالص للموضوع ده

 

كنت عايزة أسأل هو كيس الكلوركس معياره قد إيه بالكوباية لأن اللي عندي زجاجة كلوركس

ربى يباركلك ياعسل

لا هو ولا متعب ولا حاجة وخصوصا انك بتدعكى بفوطة يعنى سهل خالص

والحتت اللى فيها بقع تدعك اللى مفهاش تمشى عليها بالفوطة بس علشان لو عليه تراب

المعيار ممكن يكون ربع كوب صغير تقريبا

يعنى ربع كوب شاىواى خدمة

[#ام سلمى# 1]

معلش، ممكن كمان معيار المياه الدافئة

 

أنا جربت كرسي واحد وفي انتظاره ينشف علشان أشوف النتيجة

 

بس حاجة غريبة حصلت، لما ضفت المسحوق وعليه الكلوركس الألوان والمياه الدافئة، تركت الطبق في المطبخ وطلعت بره ولما رجعت لقيته فار على الحوض فنقلته في حاجة أكبر

يا حبيبتى المقادير عادى خالص

يعنى مثلا لتر ماء دافى او زيادة عن الدافى شوية لانو بيبرد من الاستعمال

وعليه ربع كوب كلوكس لللوان مش ابيض واربع معالق مسحوق مثلا او ربع كوب

ياحبيبتى ماهو الكلكور فيه مواد فعالة لو حطتية على اى حاجة هتفور

وانا قولت حطية فى طبق بلاستك يعنى كبير علشان تعصرىالفوطة فيه

جربى وقوليلى حصل ايه

[~ أم العبادلة ~ 1903]

ههههههههههههههههههههههه

 

أنا حطيت ربع كوب مسحوق على نصف كوب كلوركس على تقريبا كوب ماء

 

يعني معياري خربان خالص وأنا بقول هو خلص بسرعة ليه ^_^

[#ام سلمى# 1]

ههههههههههههههههههههههه

 

أنا حطيت ربع كوب مسحوق على نصف كوب كلوركس على تقريبا كوب ماء

 

يعني معياري خربان خالص وأنا بقول هو خلص بسرعة ليه ^_^

هههههههههههههه

يل سنة بيضة انتى خلصتى دا كلو على كرسىى واحد

الله يكون فى عون ابو العيال

يا حبيبتى الكمية دى لانترية كلو ولو بردت ممكن تسخنيها فى حلة صاج

[~ أم العبادلة ~ 1903]

السلام عليكم ورحمة الله وبركاته،،

 

حبيت أعرفك إني عملت معظم الأنتريه (فاضل كنبه) والحمدلله شكله أحسن بس في حاجة غريبة

بالرغم من أنه نظف إلا إن لون ظهر الكرسي (أقصد المنطقة اللي بنسند عليها ظهرنا) أغمق عن لون ذراع الكرسي

يا ترى ده معناه إنها محتاجة تنظف مرة أخرى ولا هي أصلا لونها كده ؟؟

[هناء جودة 0]

فكرتكم هايله يابنات وانا عملتها 000وفعلا الظهر لون والجلسه لون بسى دة الطبيعى000لانى المنطقه دى فيها استهلاك اكبر من الظهر فاما تاخديش فى بالك مع الوقت هيتناسق اللون 0تقبلو مرورى 00000وحشتينى يا ام سلمى كتير كتير

[أمة_الرحمن 90]

حبيباتي طريقتكم حلوة جدا

بس عندي طريقة جربة عدة مرات

وهي انه طقم الكنت في بيت اهلي كان لونه ازرق سماوي فاتح والموكيت كمان ازرق سماوي فاتح

 

وبيتوسخ دايما ولصعوبة اخراجه للسطح فكنت اقوم بتنظيفه كالتالي

 

وبعدين جبنا طقم كان لونه مخطط كحلي وبيج وقماشه ستان وبيظهر فيه الوسخ بسرعة برضو

 

بجيب منظف السجاد واسمه عنا كان فايف بلس ومكتوب عليه الكمية يعني تحلي كم منظف في كم ماء وكنت استخدم ليفة حمام بلاستيك (اللي بنتحمم فيها يعني بس مخصصة للسجاد)وبشاكير قطن طبيعي

واليف بالليفة باستخدام المنظف وطبعا مش حتكون كمية المي اللي بيشربها الاسفنج كتيرة عشان الليفة بلاستيك وبعدين اجيب بشكير فيه ماء نظيف وامسح فورا وبعدها بشكير جاف وامسح فورا وهيك بينظف وبيصير يلمع لمع وكل البيت بيفرحوا فيه^_^ وبيقولولي اني معدلة ههههههه وبتبقى ريحته حلوة جدا وكذلك الموكيت بالاجزاء الظاهرة عشان التنظيف بيكون بفترات قريبة

والطريقة تنفع كمان لو بفترار بعيدة

 

اما حكاية الكلور ما بنصح فيها نهائيا لانها ممكن تسبب تغير في لون القماش وخصوصا لو زدتي التركيز وقللتيه وهيك وبعتقد ان اللون اللي ظهر عندك مختلف للظهر بهالسبب

وطبعا مثل ما قالت اختي تفتحي المروحة الشبابيك ويوم او يوم ونص بيكون نشف وحسب الجو بيلعب دور

 

نصيحتي متاخرة شوية لكن ان شاء الله تستفيدي منها بالمرة الجاية لانها سهلة جدا

[سنبله الخير 7]

جزاكى الله خيرا