اذهبي الى المحتوى

المشاركات التي تم ترشيحها

*~* يوميــ الست ذكية ـــــــات *~*

(1)

بقــ هبةنور ــلم

 

 

 

ياسلام على الست ذكية

 

زوجة مثالية وعاقلة وكاملة وجوزها مش عارف يعمل ايه ولا ايه من فرحته بيها

 

 

تعالوا شوفوا عملت ايه النهاردة

 

 

اهى دخلت تصحى جوزها يوم اجازته من الصبح بدرى

 

 

 

اصحى يا عبد الصمد اصحى

 

يا عبد الصمد اصحى يا عبده

 

يوه ايه يا ذكية بتصحينى ليه دلوقتى

 

الساعة عدت سبعة ياراجل

 

يا شيخة حرام عليكى انهاردة اجازة سيبينى انام وارتاح من شقى الأسبوع

 

شقى ايه وكلام فاضى ايه يعنى هو انت بتروح الشغل تشيل حديد

 

انت بتروح تقعد على مكتبك زى الباشا

 

يعنى هو انا بقعد على المكتب العب

 

طيب يلا اصحى عشان تودينى لأمى

 

هى امك لحقت توحشك ما كانت عندنا اول امبارح

 

قصدك ايه هو انت عايز تحرمنى من امى ولا ايه

 

لا يا ستى ربنا يخليكى لامك

 

طيب قوم البس

 

يا ستى هنزور امك فى وقت زى ده معقول

 

لا اصل انت مش عارف اصل امى عازمة خالتى محاسن وولادها واجواز ولادها وولادهم على الغدا

 

واحنا مالنا يا ستى

 

يا سلام امال مين اللى هيساعدها فى الطبيخ

 

يعنى هى امك مالقتش حد غيرك يساعدها فى الطبيخ

 

باين امك بتكره خالتك اوى

 

قصدك ايه يا عبد الصمد هو انا ما بعرفش اطبخ ولا ايه

 

لا ياستى بتعرفى انا اللى مابعرفش اكل

 

طيب انا هاخد الفرختين وكيلو اللحمة اللى فى الفريزر

 

نعم يختى ليه ان شاء الله

 

اصل انا وعدت امى انى هشارك معاها فى العزومة

 

وانتى قبل ما تتسحبى من لسانك وتوعديها مش تاخدى رئى

 

يا خويا مالك بتزعق ليه ع الصبح هو انا هاخد مزرعة فراخ وعجل من الفريزر

 

ما كانوش كيلو لحمة وفرختين عمى

 

انتى ناسية يا ست ان ماعندناش غيرهم لأخر الشهر

 

وماله الناس لبعضيها ياخويا

 

طيب هنكمل باقى الشهر بإيه

 

يوه يا عبد الصمد هو العدس والفول خلصو من السوق

 

طيب كملى انتى العشر ايام بالعدس والفول وانا كل يوم هخرج من الشغل اروح اتغدا عند امى حبيبتى اللى عرفت قيمتها بعد ما اتجوزتك

 

 

منتديات أخوات طريق الإسلام

  • معجبة 12

شارك هذه المشاركه


رابط المشاركه
شارك

السلام عليك ورحمة الله وبركاته

^__________^

هلا والله بالحبيبة هبة :)))

هل ستكون يوميات للست ذكية ؟؟؟

تبدو شيقة

جزاك الله خيرا

شارك هذه المشاركه


رابط المشاركه
شارك

عسسسسسل مواضيعك يا هوبة

متابعة لما نشوف آخرتها مع الست ذكية المفترية

شارك هذه المشاركه


رابط المشاركه
شارك

السلام عليك ورحمة الله وبركاته

^__________^

هلا والله بالحبيبة هبة :)))

هل ستكون يوميات للست ذكية ؟؟؟

تبدو شيقة

جزاك الله خيرا

 

مرحبا مشرفتنا الحبيبة

ستكون حلقات متتابعة ان شاء الله

واتمنى ان تنال اعجابكم واعجاب وجميع الأخوات

هى محاولة لوضع أيدينا على السليبيات بين الزوجين

وجزاك الله خيرا على المرور والتعقيب اختى

شارك هذه المشاركه


رابط المشاركه
شارك

ماشاء الله ذكية ذكية يعني ^____________^

 

جميل يا هوبة اتمنى تكون حلقات كتير ووراء بعضها على طول

 

دائما بتسعدني كتاباتك

أهلااااااااااااااااااااااااااااااااااا حبيبتى أم رقية

ان شاء الله ذكيه هتبقى معاكى بشكل مستمر وحلقاتها تعجبك

وشكرا على المرور ونورتينا يا قمرنا

شارك هذه المشاركه


رابط المشاركه
شارك

عسسسسسل مواضيعك يا هوبة

متابعة لما نشوف آخرتها مع الست ذكية المفترية

 

 

والله انت اللى عسسسسسسسسسسسسسسسسسسسسسسسسسل يا أشرقت يا حبيبتى

وعلى فكره عسل ابيض بدل ما تفهمى غلط هههههههههههههههههههههههههههه

ان شاء الله ربنا يهدى ذكية وأمثالها وسعيدة جدا لمتابعتك حبيبتى

شارك هذه المشاركه


رابط المشاركه
شارك

السلام عليك ورحمة الله وبركاته

مادامت ستكون حلقات ...وبها سلبيات فأتمنى من الأخوات أن يقمن بمناقشة حلقة حلقة

لأن هذا هو هدفنا من الكتابة والقراءة :)))

ولي عودة إن شاء الله للتعليق على الست ذكية

بارك الله فيك هبهوب :)

شارك هذه المشاركه


رابط المشاركه
شارك

ما شاء الله اختى هبه حلوة اوى واسلوبك جميل

 

مشرفتنا سجودة مش عايزة حاجة تعدى من غير ليه وكيف وازاى والحل ايه

بارك الله فيك مستنيى تعليقك انت الاول ياغاليه لنتعلم

شارك هذه المشاركه


رابط المشاركه
شارك

ههههههههه

اضحك الله سنك حبيبتى

اعتقد انها مش الست ذكيه بل الست مفتريه

متابعه معك ان شاء الله

طيب انا هاخد الفرختين وكيلو اللحمة اللى فى الفريزر

 

وانتى قبل ما تتسحبى من لسانك وتوعديها مش تاخدى رئى

اتذكر انى مرة استاذنت زوجى فى انى اعطى والدتى كيس مناديل ورقيه لانها كانت عندى و مصابة بالالفنونزا

تم تعديل بواسطة يسرا عبد الرحمن

شارك هذه المشاركه


رابط المشاركه
شارك

السلام عليكم ورحمة الله وبركاته

بصراحة أسلوب روعة في السرد ومضحك بالرغم من سلبيات الزوجة

أنا لو مكان زوجها هرميها من فوق السطح

بصراحة كنت فاكرة إن بمجرد يسرا ما تخلص كتابها همشي من الساحة وأريح سجودة مني

بس موضوعك هيخليني أقعد على قلبها يعني لو ما عندكيش مانع هبة الحبيبة

جزاكِ الله الفردوس الأعلى حبيبتي

كلمة للمتزوجات حديثًا من زوجة مخضرمة أتمت ربع قرن على حساب سنة السجن يعني 23 سنة زواج

أكثر شيء ينغص على زوجك حياته إنك تكوني سبب قلق في يوم الأجازة وخاصة النساء اللي يحللها التنظيف يوم الأجازة

خلاص يعني الأيام خلصت والبيت هيعفن لو لم ينظف في يوم الأجازة

ثاني شيء يكرهه إنك تتصرفي في شيء من متاع البيت من غير ما تستشريه

ويجب أن تكون عندك عزة نفس فلا تأخذي من بيته شيء لبيت أبيكِ بل يجب هو من يحمل ويتمنى أن يهاديهم

يا رب لا أكون أثقلت عليكم

 

  • معجبة 3

شارك هذه المشاركه


رابط المشاركه
شارك

ياسلام على الست ذكية

 

زوجة مثالية وعاقلة وكاملة وجوزها مش عارف يعمل ايه ولا ايه من فرحته بيها

 

 

تعالوا شوفوا عملت ايه النهاردة

 

 

اهى دخلت تصحى جوزها يوم اجازته من الصبح بدرى

 

 

 

اصحى يا عبد الصمد اصحى

 

يا عبد الصمد اصحى يا عبده......ابقظى زوجك بهمسات فى اذنيه رقيقة

 

يوه ايه يا ذكية بتصحينى ليه دلوقتى

 

الساعة عدت سبعة ياراجل

 

يا شيخة حرام عليكى انهاردة اجازة سيبينى انام وارتاح من شقى الأسبوع

 

شقى ايه وكلام فاضى ايه يعنى هو انت بتروح الشغل تشيل حديد

 

انت بتروح تقعد على مكتبك زى الباشا......قدرى تعب زوجك لانك لو فكرتى لحظة ستجديه يعمل طوال الشهر ويكد ويتعب لكى ينفق على غيره (زوجته واولاده )

 

يعنى هو انا بقعد على المكتب العب

 

طيب يلا اصحى عشان تودينى لأمى......يوم اجازة زوجك يكون يوم اجازة لكى من كل من حوللك واجعليه يوم مميز لكى ولزوجك

 

هى امك لحقت توحشك ما كانت عندنا اول امبارح

 

قصدك ايه هو انت عايز تحرمنى من امى ولا ايه....... لا تظنى ظن السوء فى كل ما يقوله زوجك لكى وفكرى بحسن نيه

 

لا يا ستى ربنا يخليكى لامك........ ويخليكى ليا يا امى

 

طيب قوم البس

 

يا ستى هنزور امك فى وقت زى ده معقول

 

لا اصل انت مش عارف اصل امى عازمة خالتى محاسن وولادها واجواز ولادها وولادهم على الغدا

 

واحنا مالنا يا ستى

 

يا سلام امال مين اللى هيساعدها فى الطبيخ

 

يعنى هى امك مالقتش حد غيرك يساعدها فى الطبيخ.... اتفقى مع زوجك ولا تتضعيه امام الامر الواقع حتى لا يحدث ما لا تحبيه

 

باين امك بتكره خالتك اوى

 

قصدك ايه يا عبد الصمد هو انا ما بعرفش اطبخ ولا ايه

 

لا ياستى بتعرفى انا اللى مابعرفش اكل

 

طيب انا هاخد الفرختين وكيلو اللحمة اللى فى الفريزر...... استخدمى اسلوب فى الطلب اكثر تهذيبا وبنبره رقيقه حتى لا يستطيع زوجك الرفض

 

نعم يختى ليه ان شاء الله.... الزوج الكريم لا يسال زوجته لم اخذتى هذا

 

اصل انا وعدت امى انى هشارك معاها فى العزومة....... لا تعدى احدا بشىء ليس فى يدك

 

وانتى قبل ما تتسحبى من لسانك وتوعديها مش تاخدى رئى

 

يا خويا مالك بتزعق ليه ع الصبح هو انا هاخد مزرعة فراخ وعجل من الفريزر...... لا تستخدمى اسلوب السخرية من قله انفاق زوجك او دخله المحدود وتذكرى انه هناك غيرك لا يجلس فى بيت مثللك ولا ياكل مثل ما تاكلين

 

ما كانوش كيلو لحمة وفرختين عمى

 

انتى ناسية يا ست ان ماعندناش غيرهم لأخر الشهر

 

وماله الناس لبعضيها ياخويا

 

طيب هنكمل باقى الشهر بإيه

 

يوه يا عبد الصمد هو العدس والفول خلصو من السوق

 

طيب كملى انتى العشر ايام بالعدس والفول وانا كل يوم هخرج من الشغل اروح اتغدا عند امى حبيبتى اللى عرفت قيمتها بعد ما اتجوزتك

  • معجبة 5

شارك هذه المشاركه


رابط المشاركه
شارك

ما شاء الله اختى هبه حلوة اوى واسلوبك جميل

مشرفتنا سجودة مش عايزة حاجة تعدى من غير ليه وكيف وازاى والحل ايه

بارك الله فيك مستنيى تعليقك انت الاول ياغاليه لنتعلم

^_____^

أكيد ...

أليس هذا الهدف من قضاء الوقت من النت يا حبيبة ؟؟؟

أن نتعلم ونكتسب خبرة في التعامل مع الزوج في مثل هذه المواقف ^_*

شارك هذه المشاركه


رابط المشاركه
شارك

اهى دخلت تصحى جوزها يوم اجازته من الصبح بدرى

اصحى يا عبد الصمد اصحى

يا عبد الصمد اصحى يا عبده

يوه ايه يا ذكية بتصحينى ليه دلوقتى

الساعة عدت سبعة ياراجل

يا شيخة حرام عليكى انهاردة اجازة سيبينى انام وارتاح من شقى الأسبوع

^___^

أتفق مع الحبيبة ( أتمنى رضاه ) أن ايقاظ الزوج يجب أن يكون بطريقة أرق :)

وخاصة في يوم الأجازة ...

لأنه على هذا الأساس سيكون شكل اليوم من بدايته لنهايته

فإذا استيقظ وهو مرتاح وسعيد ستنعكس سعادته على البيت كله والعكس كذلك

فإذا أرادت الزوجة أن توقظ زوجها فلتستخدم أسلوب رقيق ...وما أجمل أن يكون كلامها يشبه الهمس

مع بعض اللمسات الرقيقة كأن تلعب في شعره أو تمسك يده ..وهكذا

مع استخدام كلمات التحبب ... والتدليل

.

شقى ايه وكلام فاضى ايه يعنى هو انت بتروح الشغل تشيل حديد

انت بتروح تقعد على مكتبك زى الباشا

يعنى هو انا بقعد على المكتب العب

خطأ كبير جدا

بكلامها أشعرت الزوج أنها تستخف بتعبه وما يبذله من مجهود في عمله

فحتى لو كان يجلس على مكتب فهو يتعب سواء ذهنيا أو بدنيا

وعلى الزوجة أن تشعر زوجها بتقديرها لما يفعله من أجلهم ...

وتثني على ما يفعله وما يبذله من مجهود ليكفيهم

والكلمة الطيبة صدقة :))

طيب يلا اصحى عشان تودينى لأمى

هى امك لحقت توحشك ما كانت عندنا اول امبارح

^___^

يوم أجازة الزوج هو يوم للعائلة

وإذا أردت الخروج فليكن ذلك مع زوجك وأولاد

بقية الأسبوع يمكنك الذهاب لوالدتك ..أما يوم الأجازة فيجب أن يكون يوم مميز وجميل ...

يشعر فيه الزوج بالراحة .. لأنها أجازته الوحيدة طوال الأسبوع

.

قصدك ايه هو انت عايز تحرمنى من امى ولا ايه

لا يا ستى ربنا يخليكى لامك

طيب قوم البس

يا ستى هنزور امك فى وقت زى ده معقول

لا اصل انت مش عارف اصل امى عازمة خالتى محاسن وولادها واجواز ولادها وولادهم على الغدا

واحنا مالنا يا ستى

يا سلام امال مين اللى هيساعدها فى الطبيخ

يعنى هى امك مالقتش حد غيرك يساعدها فى الطبيخ

لا شك أن مساعدة الأم أمر طيب ولها فيه أجر

ولكن لابد للزوجة أن تتفق مع والدتها وتفهمها أن يوم أجازة الزوج لا تستطيع الخروج فيه

ولا بأس أن تطلب منها أن تغير وقت العزومة إلى يوم آخر غير يوم أجازة زوجها

ولا أعتقد أن في هذا أي مشكلة

.

باين امك بتكره خالتك اوى

قصدك ايه يا عبد الصمد هو انا ما بعرفش اطبخ ولا ايه

لا ياستى بتعرفى انا اللى مابعرفش اكل

^____^

طيب انا هاخد الفرختين وكيلو اللحمة اللى فى الفريزر

نعم يختى ليه ان شاء الله

اصل انا وعدت امى انى هشارك معاها فى العزومة

وانتى قبل ما تتسحبى من لسانك وتوعديها مش تاخدى رئى

يا خويا مالك بتزعق ليه ع الصبح هو انا هاخد مزرعة فراخ وعجل من الفريزر

ما كانوش كيلو لحمة وفرختين عمى

انتى ناسية يا ست ان ماعندناش غيرهم لأخر الشهر

وماله الناس لبعضيها ياخويا

طيب هنكمل باقى الشهر بإيه

يوه يا عبد الصمد هو العدس والفول خلصو من السوق

طيب كملى انتى العشر ايام بالعدس والفول وانا كل يوم هخرج من الشغل اروح اتغدا عند امى حبيبتى اللى عرفت قيمتها بعد ما اتجوزتك

الطلب من الزوج فن ...قل من تتقنه من النساء

مع أنني أرفض أن تعد الزوجة والدتها _ أو أي شخص _ بشيء قبل إستإذان الزوج

إلا أنها حتى لو فعلت فيمكنا سهولة جدا أن تجعل الزوج لا يرفض لها طلب

.

الرجل إذا شعر أن زوجته تحترمه ..ولا تقدم على أي خطوة إلا بعد إستإذانه فهو يسمح لها بأشياء لا تخطرر لهاعلى بال

فإذا كان الطلب بأدب وتلطف ..مع ابتسامة جميل ...واستإذان في البداية فنسبة الرفض تنخفض كثيرا

.

ولكن أن تتصرف من نفسها وتضعه أمام الأمر الواقع فهذا مالا يصح

ووقتها حتى لو قبل ... فسيكون قبوله على مضض وعدم رضا ..

وهذا مالا نريده

.

أسأل الله أن يهدينا لأزواجنا ...وأن يهديهم لنا

وجزاك الله خيرا

  • معجبة 5

شارك هذه المشاركه


رابط المشاركه
شارك

السلام عليكم ورحمة الله وبركاته

بصراحة أسلوب روعة في السرد ومضحك بالرغم من سلبيات الزوجة

أنا لو مكان زوجها هرميها من فوق السطح

بصراحة كنت فاكرة إن بمجرد يسرا ما تخلص كتابها همشي من الساحة وأريح سجودة مني

بس موضوعك هيخليني أقعد على قلبها يعني لو ما عندكيش مانع هبة الحبيبة

 

 

 

 

بجد ؟؟؟

لا حبيبتي ...على رأي المثل " هو دخول الحمام زي خروجه " :mrgreen:

أنت معنا ولا مفر

ولو فكرت _ مجرد تفكير _ هجر الساحة فسيكون لنا معك شأن آخر :closedeyes:

.

ما صدقنا تنورينا ..عايزه تهربي :)))

  • معجبة 1

شارك هذه المشاركه


رابط المشاركه
شارك

السلام عليكم ورحمة الله وبركاته

بصراحة أسلوب روعة في السرد ومضحك بالرغم من سلبيات الزوجة

أنا لو مكان زوجها هرميها من فوق السطح

بصراحة كنت فاكرة إن بمجرد يسرا ما تخلص كتابها همشي من الساحة وأريح سجودة مني

بس موضوعك هيخليني أقعد على قلبها يعني لو ما عندكيش مانع هبة الحبيبة

جزاكِ الله الفردوس الأعلى حبيبتي

كلمة للمتزوجات حديثًا من زوجة مخضرمة أتمت ربع قرن على حساب سنة السجن يعني 23 سنة زواج

أكثر شيء ينغص على زوجك حياته إنك تكوني سبب قلق في يوم الأجازة وخاصة النساء اللي يحللها التنظيف يوم الأجازة

خلاص يعني الأيام خلصت والبيت هيعفن لو لم ينظف في يوم الأجازة

ثاني شيء يكرهه إنك تتصرفي في شيء من متاع البيت من غير ما تستشريه

ويجب أن تكون عندك عزة نفس فلا تأخذي من بيته شيء لبيت أبيكِ بل يجب هو من يحمل ويتمنى أن يهاديهم

يا رب لا أكون أثقلت عليكم

 

 

 

:icon15: :icon15: :icon15: :icon15: :icon15: :icon15: :icon15: :icon15:

شارك هذه المشاركه


رابط المشاركه
شارك

ما شاء الله لا قوة إلا بالله

استمعت بالموضوع وبردود الأخوات اللى زى العسل ^___^ واضح إن الست ذكية...ذكييييية

 

جزيتِ خيرا ومتابعين معكِ إن شاء الله

شارك هذه المشاركه


رابط المشاركه
شارك

*~* يوميــ الست ذكية ـــــــات *~*

(2)

بقــ هبةنور ــلم

 

 

 

النهاردة بقى إيه حكاية ذكية

جوزها جه من شغله وهى بتكلم صاحبتها

تعالوا نشوف ايه اللى حصل

 

ـ ها وبعدين يا نوال كملى يا حبيبتى

ـ ويعدين يا ذكية قولتلها أنت جايباه منين

ـ ذكيه

يا ذكية

ـ طيب استنى يا نوال عبد الصمد جه

ـ ايه يا عبد الصمد انت جيت؟

ـ انت شايفه ايه

ـ طيب معلش نوال بتحكيلى موضوع مهم قوى

ـ ياهانم قوليلها جوزى جه واقفلى معاها

ـ حاضر حاضر ... وبعدين يا نوال كملى ايه اللى حصل

ـ تصدقى الخبيثة مارضيتش تقولى

ـ لأ دى خبيثة قوى قوى وانت سكتى يا نوال

ـ لأ أنا قولتلها هعرف بطريقتى

ـ يا ذكية ... يا هانم

ـ استنى يا نوال أنا مش عارفه الراجل ده عصبى قوى ليه كده مع إنى غلبانة زى ما انت شايفه

ـ طيب روحى يا ذكيه شوفيه عايز ايه

ـ هيكون عايز ايه يعنى يا نوال يختى اكيد عايز ياكل

ـ طيب روحى اكليه

ـ لأ أصل أنا ما لحقتش اطبخ

ـ ليه يا ذكية يا اختى

ـ ما هو اصل انت كلامك يا نوال ما ينشبعش منه الكلام خدنى معاكى ونسيت أطبخ

ـ الله يخليكى يا حبيبتى ربنا يعلم انتى غالية عندى قد ايه يا ذكية

ـ يا ذكية ....... يا ست حرام عليكى جعااااااااااااااااااااااااااااااااان

ـ طيب... يا نوال هقوم اشوفله حتة جبنة على خيارتين فى الثلاجة والله زعلانه علشان ما كملناش الموضوع المهم

ـ خلاص يا ذكية أكليه وكلمينى

ـ ماشى يا نوال

ـ مع السلامة يا ذكية

ـ الله يسلمك يا نوال

ـ ايه يا عبد الصمد ايه مالكش حق عمال تنادى يا ذكية يا ذكية الست اتحرجت منك

ـ هى دى لو عندها دم وعرفت ان جوزك جه هتفضل ترغى برضه

ـ لأ لأ لأ يا عبد الصمد ما تغلطشى فى صحبتى

ـ فين الغدا يا هانم

ـ اصل يا أخويا .... أصل أنا ...

ـ أصلك ايه يا ستى ما طبختيش طبعاً

ـ معلش يا عبد الصمد سامحنى المره دى

ـ لأ بجد زودتيها .... إدينى التليفون

ـ ليه هتكلم نوال

ـ انت عايزه تجننينى هكلم ابوكى يا هانم

ـ وعايز ايه من ابويا

ـ هشهده على ظلم بنته لى

 

 

منتديات أخوات طريق الإسلام

شارك هذه المشاركه


رابط المشاركه
شارك

السلام عليك ورحمة الله وبركاته

مادامت ستكون حلقات ...وبها سلبيات فأتمنى من الأخوات أن يقمن بمناقشة حلقة حلقة

لأن هذا هو هدفنا من الكتابة والقراءة :)))

ولي عودة إن شاء الله للتعليق على الست ذكية

بارك الله فيك هبهوب :)

 

ان شاء الله تكون الحلقات عند حسن ظنكم بى

وبارك الله فيكم

ولا تنسينى من صالح دعائك

شارك هذه المشاركه


رابط المشاركه
شارك

ما شاء الله اختى هبه حلوة اوى واسلوبك جميل

 

مشرفتنا سجودة مش عايزة حاجة تعدى من غير ليه وكيف وازاى والحل ايه

بارك الله فيك مستنيى تعليقك انت الاول ياغاليه لنتعلم

اهلا اختى حنان

منورة الموضوع

انا عن نفسى شايفه فعلا ان لازم نناقش السلبيات الموجوده فى ذكية علشان ربما هذه السليبات تكون موجوده فى اى واحده فينا نساعد بعض للوصول لأفضل الحلول التى ترضى الله ورسوله

بالنسبة للحلقة اللى فاتت مليانة سلبيات

شارك هذه المشاركه


رابط المشاركه
شارك

شكلها كدة حلقات حلوة وهادفة

ارجوك لا تنسى باقى الحلقات

مشكورة حبيبتى على مرورك وان شاء الله هتكون فى حلقات كتيره جايه

وهكون سعيده يمتابعتك

شارك هذه المشاركه


رابط المشاركه
شارك

ههههههههه

اضحك الله سنك حبيبتى

اعتقد انها مش الست ذكيه بل الست مفتريه

متابعه معك ان شاء الله

طيب انا هاخد الفرختين وكيلو اللحمة اللى فى الفريزر

 

وانتى قبل ما تتسحبى من لسانك وتوعديها مش تاخدى رئى

اتذكر انى مرة استاذنت زوجى فى انى اعطى والدتى كيس مناديل ورقيه لانها كانت عندى و مصابة بالالفنونزا

 

اهلا يا يسورة مبسوطه قوى بمتابعتك وخليكى معانا هتلاقى افترى كتير

شارك هذه المشاركه


رابط المشاركه
شارك

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×