اذهبي الى المحتوى
دعاء الكروان3294

مسلسل(( أنا مش ورقة ؟)مؤثر أوي

المشاركات التي تم ترشيحها

المسلسل منقول

 

السلام عليكم ورحمه الله وبركاته

 

احنا هنعيش قصه مع ابطالها محمد وعبد الرحمن سنة اولي طب بالمناسبة هما كانوا اصحاب منذ الصغر

ممكن تكون القصة طويلة او قصيرة بس ان شاء الله هنستفيد منها

 

المهم ندخل في احداث قصتنا

 

 

129569726711.gif

 

 

الحلقة الاولي

 

يصحي محمد اول يوم ليه في الكليه ايه ده الساعه 10 طبعا محمد صاحي مفزوع اول محاضرة

 

راحت عليه ....

ينادي محمد علي والدته

ماما ماما انت مصحتنيش ليه ينفع كده من اول يوم مفيش التزام

 

 

 

والدته تدخل انا قعدت اصحي فيك من الساعة7 وكالعادة صحيني بعد 5 دقايق

 

 

لا لابعد ربع ساعة لحد ماوصلنا الساعة 8 وانت نايم في سابع نومه وانا زهقت منك

 

 

ازاي ده انا محستش بأي حاجه خالص انا زعلان اوي

 

 

 

129569726711.gif

 

 

وهنا يدخل والد محمد زعلان اوي ياحبيبي لك حق تزعل والايبقي ماعندكش دم

 

 

 

محمد:مش كده برده يابابا قول لماما اصلها مش مقدرة

 

 

الوالد: مش مقدره لا مالهاش حق اتصدق بالله انت ماعندكش دم

 

 

محمد: ليه كده بس انا مالي ماما هي اللي ماصحتنيش بذمه

 

 

الوالد: ياسلام ياخوي انا مابكلمش علي كده انت زعلان اوي لما فاتتك اول محاضرة

 

 

طب ماانت ضيعت صلاة الفجر انهارده مازعلتش اوي كده ليه وللاانت خلاص بعد امتحانات

 

 

الثانويه العامه مش هشوفك تاني في الجامع

 

 

129569726711.gif

 

 

 

محمد: في سره انا فاتتني محاضرة الكليه بس الحمد لله ربنا عوضني خيرا منها محاضرة ابويا

ده بدل مايقولولي تفطر ايه ياحبيبي نروح نحضره ماعلينا

 

 

الوالد: انت سكت ليه نمت

محمد:لالا ابدا خلاص سماح المرة دي انا هجهز بقي قبل مايفوتني باقي المحاضرات

 

 

وهنا يرن موبايل محمد الظاهر صاحبه عبد الرحمن بيطمن عليه

 

 

محمد:ايوه ياعبده ازيك عامل ايه

 

 

عبد الرحمن: الحمد لله رب العالمين انت فين

 

 

محمد :انا علي السرير اصلي راحت عليه نومه

 

129569726711.gif

 

 

 

عبد الرحمن: ولا يهمك تتعوض المهم انا مستنيك ماتتاخرش يلا

 

 

محمد : ماشي مسافه السكه ويجهز محمد وينزل عشان يقابل عبد الرحمن

 

 

محمد: كل دي زحمه انا هركب ازاي وبعد عناء طويل محمد يركب الميكروباص وينطلق الي الكليه

 

 

ويفاجا محمد بواحده تيجي تقعد جنبه......

 

 

وبعد فتره تساله هو حضرتك في كليه ايه

 

 

محمد: نعم طبعا هو سامع بس مستغرب السؤال

 

 

129569726711.gif

 

 

تعيد البنت السؤال مرة تانيه

 

 

محمد: ليه حضرتك فيه حاجه

 

 

البنت :لا ابدا بس زي مانت عارف ان النهارده اول يوم في العام الدراسي

 

وانا مااعرفش اي حاجه في الجامعه فبسال حضرتك ممكن نكون في نفس الكليه فتعرفني عليها وكده يعني

 

 

محمد: يفكر فترة طويله ياتري اقولها ايه دلوقتي اروح معاها كليتها واخدمها و

 

129569726711.gif

 

 

 

اعمل فيهامعروف طب وعبد الرحمن اعمل فيه ايه .....

 

 

 

ولكن فجاه يفتكر محمد قصة سيدنا موسي عليه السلام مع المرأتين وكيف كان حياءوه وادبه معهم وكذلك حياء المرأتين

 

 

محمد : بصوت حازم هو حضرتك في كليه ايه

 

 

129569726711.gif

 

 

البنت : في تجاره

محمد : خير انا مش في تجاره ومعرفش حاجه عنها وكأنه يقول لها اسكتي واياكي تتكلمي تاني

 

 

وبعد عناء ينزل محمد من الميكروباص واخيرا هيقابل عبد الرحمن

 

ياتري ايه اللي هيحصل بينهم؟

 

 

هذا ماسنعرفه في الحلقه القادمه ان شاء الله

تم تعديل بواسطة دعاء الكروان3294

شارك هذه المشاركه


رابط المشاركه
شارك

الحلقة الثانية

 

 

 

محمد يدخل الكلية يدور علي عبد الرحمن وبعد لف كتير في الكلية ايه ده ده شبه عبد الرحمن خالص

 

 

129569726711.gif

 

 

لا لا بس اكيد مش هو ايه المقشة اللي في وشه دي هههههههههههههه

 

وللا البنطلون شكل الترزي ضحك عليه وخد باقي القماش وقعديفحصه

 

من فوق لتحت لا داكيد مش عبد الرحمن ولو عبد الرحمن امتي وازاي

 

وليه حصله كده ويقطع تفكير محمد صوت عبد الرحمن

 

 

129569726711.gif

 

 

 

عبد الرحمن:ايه يامحمد هو انا كنت بايت معاك امبارح وللا ايه ده بدل ماتخدني بالحضن قاعد تبصلي من فوق لتحت

 

محمد :لا ابدا ياعبده وياخده بالحضن وحشتني اوي انا معرفتكش

 

يابني انت ايه اللي حصلك 3 شهور اجازة يحصلك كل ده ايه اللي حصلك؟!!!!

 

129569726711.gif

 

 

 

 

عبد الرحمن :بعدين احكيلك المهم انت ازاي تفوت اول محاضره من اولها كده طب حتي خليك ملتزم اول يوم

 

محمد:صحيح عملتوا ايه من غيري

 

عبد الرحمن:طبعا الدكتور كان زعلان جدا انك محضرتش وكان عايز يلغي المحاضرة لولا ان العدد كان كبير

 

محمد:انت بتتريق

 

عبدالرحمن:مانت اللي سؤالك غريب هنعمل ايه يعني من غيرك لاانت الكمبيوتر

 

ولا البروجيكتور وللا حتي الميكروفون عشان المحاضرة تتعطل من غيرك

 

129569726711.gif

 

 

محمد:ماشي ياعبده بكره تعرف اهميتي

 

عبدالرحمن:المهم انت ازاي راحت عليك نومه والفرق بين جلسة الشروق والمحاضرة قليل يعني ماتلحقش تنام فيه

 

 

 

محمد:مش اما اكون الاول صليت الفجر ابقي اقعد جلسة الشروق

 

129569726711.gif

 

 

عبدالرحمن:يعني انت ضيعت صلاة الفجر انهارده ازاي؟!!!

 

محمد:يلا ابدا المحاضرة التانيه كلي اذان صاغيه امال يابني لومكناش دفنينه سوا

 

129569726711.gif

 

 

عبد الرحمن:دفنا مين

 

محمد:ايه يابني احنا مش كنا بنصلي ايام الامتحانات وبعد كده بئي انت عارف انا بحب النوم اد ايه

 

اوعي تقولي ان انت لسه بتصلي الفجر

 

 

 

عبدالرحمن:انا بفضل الله بصلي كل الصلوات في المسجد

 

محمد:بجد عليه انا برده الكلام ده

 

 

129569726711.gif

 

 

عبدالرحمن:المهم دلوقتي يامحمد انا هرن عليك كل صلاة عشان اذكرك بيها

 

وبالذات صلاة الفجر بس اياك تفتح عليه انا بقولك اهو والا هخليك تشحنلي

 

محمد:براحه بس عليه احنا اول يوم في الدراسه

عبدالرحمن:ماهو عشان كده لازم نفتح صفحه جديده مع ربنا احنا فرطنا كتير اوي يامحمد

 

 

129569726711.gif

 

 

محمد:في سره فرطنا في ايه انا مش فاهم اي حاجه

عبدالرحمن:هنبتدي من انهارده

 

 

 

اول حاجه لازم تعرفها اهميه صلاة الفجر

 

 

انا لواديتك صندوق فيه طوب وصندوق فيه دهب وقلتلك وصلهم

 

مكان معين ياتري اهتمامك بالاتنين هيكون نفس الاهتمام

 

 

محمد:لا طبعا دا حتي لو صندوق الطوب ضاع بسيطه هشتري صندوق والطوب

 

اهو كتيرفي الشارع لكن صندوق الدهب لو ضاع هعوضه ازاي

 

129569726711.gif

 

 

 

عبدالرحمن :الحمد لله اتفقنا بص بقي صلاة الفجر اغلي من كنوز الدنيا يعني لوضاعت مش هتعرف تعوضها

1-قال رسول الله صلي الله عليه وسلم

( من صلى الصبح في جماعة فكأنما صلى الليل كله ) رواه مسلم .

 

2 قال رسول الله صلى الله عليه وسلم

( من صلى الفجر فهو في ذمة الله (حفظه) فلا يطلبنكم الله بشئ من ذمته ) حديث صحيح

رواه الطبراني ومسلم بلفظ مشابه .

 

3-قال رسول الله صلي الله عليه وسلم

( بشر المشائين في الظلم إلى المساجد بالنورالتام يوم القيامه ) صحيح .

 

كده اتفقنا ان صلاة الفجر مهمة ماشي

محمد:ماشي ياسيدي كمل باقي المحاضره اما اشوف اخرتها معاك

 

عبد الرحمن:بص بئي انت قبل ماتنام لازم تكون متوضي وتقول ازكار

 

النوم بكره ان شاء الله هجيبلك كتاب حصن المسلم

 

129569726711.gif

 

 

وتكون مخلص انك عايز تقوم بجد تصلي ولازم تكون عارف ان صلاه

 

 

الفجر دي ترمومتر علي صدقك شوف بئي انت صادق وللا .....

خلاص اتفقنا يامحمد هرن عليك وهستناك تكنسل

 

محمد:خلاص خلصت المحاضرة يلا بئي قولي ايه اللي غيرك كده

 

129569726711.gif

 

 

عبدالرحمن :هوا نا ههرب منك ماحنا مع بعض اهو يابني ان شاء

 

 

الله هحكيلك تعالي بس نروح الجامع لان الضهر قرب يأدن وبعد الصلاه ان شاء الله هحكيلك

 

وفي الجامع عبد الرحمن يقوم يصلي السنة

 

عبد الرحمن:انت مش هتصلي السنة

محمد:دا كويس اني بصلي الفرض يابني

عبدالرحمن :ماشي ياسيدي بس الرسول صلي الله عليه وسلم بيقول

 

 

129569726711.gif

 

من صلي اثنا عشر ركعه في اليوم والليله بني الله له بيتا في الجنه

محمد :ماشي ماشي صلي انت بس وخليني اقعدلي شويه بئي عشان تحكيلي بين الادان والاقامه

 

محمد :يراقب عبد الرحمن وهو بيصلي ايه دا الواد اتغير 180 درجه هو ايه اللي حصله ماكنش بيتكلم كده ابدا الواد اتجنن وللا ايه انا خايف عليه لاحول ولاقوه الا بالله ايه ده وكمان بئي بيصلي كويس ماشاء الله ايه الخشوع والسكينه دي هو مستني نتيجه امتحان تاني وللا ايه

 

ياتري ايه اللي حصله 3شهور يتقلب القلبه دي

تم تعديل بواسطة دعاء الكروان3294

شارك هذه المشاركه


رابط المشاركه
شارك

جمييلة اوي ماشاء الله متابعة معاكي يادودو

بإذن الله وياريت ماتتأخرييش في الباقي

:oops: :tongue: :grin:

شارك هذه المشاركه


رابط المشاركه
شارك

السلام عليكم ورحمة الله وبركاته

 

ياااااااه تعرفي مسلسل راااائع ومفيد جدا جدا جدا :)

 

ولهجة المسلسل راااائعة اوى هههههه

 

متااابعة معكن لنتعلم بارك الله فيكِ اخيتي الحبيبة

شارك هذه المشاركه


رابط المشاركه
شارك

الحلقة الثالثة

 

 

 

ينتهي محمد وعبد الرحمن من صلاة الضهر

 

 

129569726711.gif

 

محمد:يلا بئي احكيلي

 

 

عبدالرحمن:ياعم اصبر حتي استني لما نختم الصلاة ونخرج من الجامع هحكيلك واحنا مروحين

 

 

محمد:ماشي انا صبرت عليك كتير

 

 

عبدالرحمن:معلش استحملني

ويخرج محمد وعبدالرحمن من الجامع ويعيشوا ازمه المواصلات

 

 

129569726711.gif

 

 

 

يركب محمد وعبد الرحمن اخيرا

 

محمد :يهزر مع عبد الرحمن مابلاش بخل يااخي وهات عربيتك معاك وارحمنا من الزحمه دي

عبد الرحمن :ماشي ماشي

 

 

محمد:يلا كلي اذان صاغيه

 

 

129569726711.gif

 

 

 

عبدالرحمن:بص ياسيدي انت عارف طبعا محمود ابن خالتي انا وهو ومجموعه من اصحابنا

نوينا بعد الثانويه العامه وقرفها اننا نسافر بعيد ونصيف بئي ونعيش حياتنا

 

 

وبالفعل سافرنا وقضينا ايام حلوه فسح بئي وسهر واغاني وافلام وملاهي كانت ايام حلوه

 

 

محمد:ايه ده وانا ليه ماقولتليش

عبد الرحمن:ماتقطعنيش يامحمد

 

129569726711.gif

 

 

 

 

المهم واحنا راجعين كان السواق مشغل اغنيه انا واصحابي كنا بنحبها اوي وكنا قاعدين نصقف

 

 

لقينا واحد مانعرفوش بيدي للسواق شريط ويقوله لوسمحت من فضلك خد شغل ده احسن

 

 

طبعا كلنا اعترضنا واولنا السواق المهم الشخص ده قعد يتكلم واحنا ودن من طين والتانيه

من عجين كلامه طبعا زي قلته انا تقريبا ماسمعتش كلمه منه

 

 

129569726711.gif

 

 

وفجاه الاتوبيس كان هيعمل حادثه بس ربنا ستر

وكأن دي كانت رساله من ربنا لينا بس احنا اللي مابنفهمش

 

 

 

محمد:يااااااسلام وده بئي اللي غيرك هو انت بقيت حساس اوي كده هههههههههههههههه

 

 

عبدالرحمن:شكلي مش هكملك الحكايه

 

129569726711.gif

 

 

محمد:صحيح انا نسيت أسالك ع البت سها اللي كانت معانا

 

في درس الكيميا البت دي اللي انت كنت بتحبها صحيح هي دخلت معانا طب

 

129569726711.gif

 

 

عبدالرحمن:يارب صبرني اديك قعدت تقاطعني لحد مامحطتي جت انا هنزل واكملك بكره

 

 

 

محمد:بس استني طب تعالي اتغدي عندي وكملي القصه ماما عامله فراخ هديك فرخه بحالها بس تعالي

 

 

 

عبدالرحمن:جزاك الله خيرا المهم انا نسيت اقولك ابئي ظبط المنبه عشان

 

صلاة الفجر وانا برده هرن عليك

 

محمد:طب يلا انزل قبل مالسواق يرميك من الشباك

 

129569726711.gif

 

 

 

ويودع عبدالرحمن صاحبه محمد

 

ومحمد:يفضل قاعد وينزل المحطه اللي بعده اما نشوف اخرتها مع الواد عبده دي ايه

 

 

ويدخل محمد البيت ماما انا جعان اوي يلا فين الفراخ

 

 

 

والد محمد:يابني اصبر شويه احكيلي عملت ايه انهارده في الكليه

 

 

129569726711.gif

 

 

محمد:داانا عملت عمايل تخيل يابابا الواد عبدالرحمن بيصلي والله وقال

 

ايه هيرن عليه كل صلاه عشان يذكرني بيها وانا قال ايه اكنسل عليه واقوم اصلي

 

 

 

 

والد محمد:وايه الغريب في كده عقبالك يابني ربنا يهديك

وبعد اما ينتهوا من الغدا

 

 

129569726711.gif

 

 

محمد:صحيح انا هدخل انام واسيب الموبايل واما الواد عبد الرحمن يرن العصر

 

 

والمغرب والعشا والفجر تكنسلوا عليه وتقوموا تصلوا

 

 

 

ها مين هياخد الموبايل وللا بابا ياخده عصر ومغرب وماما تاخده عشا وفجر

 

والد محمد:وسيادتك هتعمل ايه هتنام من دلوقتي لحد تاني يوم الكليه

 

 

محمد:الله اعلم انا تعبت اوي انهارده

 

 

129569726711.gif

 

 

ويدخل محمد ينام ويسيب الموبايل

 

ياتري عبد الرحمن هيعمل ايه بكره مع محمد

شارك هذه المشاركه


رابط المشاركه
شارك
جمييلة اوي ماشاء الله متابعة معاكي يادودو

بإذن الله وياريت ماتتأخرييش في الباقي

;-) :- :grin:

 

هي فعلا قصة جميلة اوي و خصوصا الأجزاء اللي جاية

والله عيطت كتير اوي بس استنوا

 

 

 

 

جميل أجمل حاجه إنه واقعي وبيفدنا بحاجات تزود الايمان

الشعب يريد كماله المسلسل

 

ماشي يا ستي :)

فرحانة بجد بالمتابعة

 

 

السلام عليكم ورحمة الله وبركاته

 

ياااااااه تعرفي مسلسل راااائع ومفيد جدا جدا جدا :)

 

ولهجة المسلسل راااائعة اوى هههههه

 

متااابعة معكن لنتعلم بارك الله فيكِ اخيتي الحبيبة

 

 

تسعدني متابعتك

واحلي حاجة انه بالمصري زي كا بتقولي

شارك هذه المشاركه


رابط المشاركه
شارك

هههههههه راااااائعة الحلقة دي كملي الله يبارك فيكِ :)

 

احبك في الله

 

الله يهدي الجميع

شارك هذه المشاركه


رابط المشاركه
شارك

جيت متأخرة بعد ما حطيتي 3 اجزاء

بس ما علينا

ما فاتني شي

ههههه

جميييلة جداً متلك دعاء الكروان الحبيبة :)

بالانتظاااااار

:)

لا تخليني بالانتظاااار لفترة طويلة

انتي عارفتيني بنت كتير بتحمس

هههه

شارك هذه المشاركه


رابط المشاركه
شارك

♥♥♥

جميلة-جداااااا

هدولة

 

جزاكــــِ-الله-خيراً-على-النقل

 

متابعة-معكِ

ربنا-ينفعنا-بها-وتكون-لنا-تذكرة

♥♥♥

لازم نفتح صفحه جديده مع ربنا احنا فرطنا كتير اوي

شارك هذه المشاركه


رابط المشاركه
شارك

وعليكم السلام ورحمة الله وبركاته،،

بارك الله بكِ

نتابع معكِ ونسال الله الهداية لجميع الامة الاسلامي

 

"همسة " كنتُ أُفضل لو تم التعديل عليها ونقلها باللغةِ العربيةِ ِ الفُصحة ليسهل قرائتها على جميع الاخوات

شارك هذه المشاركه


رابط المشاركه
شارك

أختي همسة قلب

 

و أنا أحبك في الله أحبك الله :)

سعيدة بمتابعتك

 

 

نجمة فلسطين

 

 

لا متأخرتيش يا حبيبتي ما فاتك كثير

وان شاء الله اضع الحلقة الآن

 

محبة رسول الله

 

و جزاكِ خير الجزاء

 

حفيدة الأنبياء

 

 

أهلا بسنت حبيبتي أنت اجمل

اللهم انفعنا بها آمين

 

راماس

 

أختي راماس تسعدني متابعتك

ولكن سيتعذر علي وضع الحلقات بالعربية الفصحي لأن القصة طويلة

اتمني ما تكوني تضايقتي مني ..

شارك هذه المشاركه


رابط المشاركه
شارك

الحلقه الرابعه

 

 

 

بالفعل عبد الرحمن يرن علي محمد في كل صلاه ومامته تكنسل وتروح تصحي محمد وهو لا حياة لمن تنادي وبالقوه يصحي عشان يروح الكليه

 

 

عبدالرحمن ومحمد يتقابلوا في المحاضرة ويقعدوا جنب بعض

 

 

 

عبدالرلحمن:ماشاء الله عليك يامحمد كنسلت عليه حتي في صلاة الفجر شكل الكلام بيجيب معاك نتيجه

 

129569726711.gif

 

محمد:اه امال ايه وفي سره ربنا يخليلي ماما وبابا

 

وبعد دقايق يدخل الدكتور وبعد مرور ربع ساعة من المحاضرة

 

 

محمد:الحق ياعبده البت سها اهي هي جايه متاخر ليه ههههههه

مش تقولها تبئي تقعد جلسه الشروق عشان تيجي بدري

 

 

صحيح هو انت قلبتها وللا ايه دي قرفتني في الاجازه اسئله

عليك لدرجه اننا افتكرناك مت هو انت صحيح كنت في السعوديه بتعمل ايه

 

129569726711.gif

 

 

عبدالرحمن :هو انت مش هتبطل كلام

 

 

محمد:لا انا عايز اعرف بئي ايه اللي حصل بينكم

 

 

عبدالرحمن:طب ايه رايك تستأذن من الدكتور ونطلع احكيلك بره وللا علي ايه هو هيطردنا دلوقتي

 

 

محمد:خلاص خلاص

وبعد شويه يتكلم محمد تاني:هو احنا مش هنعمل صحوبيات

 

129569726711.gif

 

 

عبدالرحمن :لا ان شاء الله نعمل ربنا ييسرالامور

 

 

محمد:طب الحمد لله

 

 

عبدالرحمن:لا مش اللي في دماغك

وبعد انتهاء اليوم الدراسي

 

 

عبدالرحمن :يلا عشان نصلي الضهر ونروح واحكيلك في الطريق

 

129569726711.gif

 

 

 

وفي طريقهم للبيت

 

 

 

عبدالرحمن:انا مش عايز سها تشوفنا ولو شافتنا نهرب منها بأي طريقه

 

 

محمد:هو انت يابني عامل عامله وبعدين ماتشوفناش ازاي مش هنحضر وللا هنلبس طقيه لخفه وللا نبئي نقعد تحت البنش في

المحاضره احسن

انت مالك بئيت غريب كده ليه

 

 

129569726711.gif

 

 

 

عبدالرحمن :اسمعني بس ربنا ان شاء الله هيصرف نظرها عننا

 

 

محمد:طيب اما اشوف اخرتها

 

 

عبدالرحمن :بص ياسيدي باختصارالحكايه....

 

 

محمد:لا انا عايز تفصيل ممل

 

 

عبدالرحمن:ماشي ياسيدي

انا وسها تقريبا اهلنا اتنازلوا عن وظيفتهم الاساسيه

 

129569726711.gif

 

 

 

محمد:اه انا كده فهمت الحكايه وعشان كده انت شاحت الهدوم اللي انت لابسها ومش معاك فلوس حتي تحلق لاحول ولاقوة الابالله

 

 

وطبعا مش معاك فلوس عشان تخرج سها وتفسحها طب كنت اتصل بيه اسلفك

 

 

عبدالرحمن :تسلفني ايه انت مابتفهمش

 

 

محمد:ليه الغلط ده بس

 

خلاص كنت هخلي بابا يشوف لوالدك شغلانه جديده

 

 

عبدالرحمن:بص انت تروح تتغدي عشان شكلك جعان عشان كده مش فاهم وبكره هفهمك

واحكيلك علي كل حاجه

 

 

محمد:مااااااااشي

 

 

 

129569726711.gif

 

عبدالرحمن: السلام عليكم ورحمه الله وبركاته

 

 

 

 

محمد:وعليكم السلام ورحمه الله وبركاته

 

وبعد اما عبد الرحمن يودع محمد

 

 

محمد:هو الواد ده بيتكلم كلام كبيرانا مش اده وللا انا فعلا اللي جعان ومش فاهم حاجه

شارك هذه المشاركه


رابط المشاركه
شارك

الحلقة الخامسة

 

 

 

وبعد انتهاء اليوم الدراسي كالعاده

 

 

عبدالرحمن:محمد انت فهمت حاجه من اللي قلتها امبارح

 

 

محمد:بصراحه ومن غير ضرب لا

 

 

 

 

129569726711.gif

 

 

عبدالرحمن:طيب بص يامحمد انا وسها تقريبا عايشين نفس الظروف عايشين غربة في وسط اقرب الناس لينا

 

عايشين غربة يشكيها البيت بجدرانه فكيف بمن تحويه الجدران

 

 

اهلي انا وهي اتنازلوا عن وظيفتهم الاساسيه وهي التربيه والاحتواء

 

 

لا وياريت المأساه وقفت عند كده لا كمان كانوا موافقين علي علاقتنا

 

 

انا وسها وكأنهم شالوا حمل تقيل من علي اكتافهم وظنوا انهم بكده استريحوا مننا

 

 

معرفه اهلنا بعلاقتنا وموافقتهم عليها كان معناها عندنا ان خلاص الامر المحرم بئي مباح

 

 

لا دا ممكن كمان نقول عليه حلال مادام اهلنا عارفين ايه تاني هيهمنا

 

 

ربنا يغفرلنا ذلاتنا وتقصيرنا

 

 

 

المهم لما نتيجه الثانويه العامه ظهرت انا وسها تقريبا كان مجموعنا

 

 

واحد وقلنا ان شاء الله ندخل طب سوا وهنقضي 6 سنين مع بعض ومفيش حاجه هتفرقنا وقعدنا نحلم كتير اوي

 

 

129569726711.gif

 

 

 

وفي نفس يوم النتيجه محمود ابن خالتي اتصل بيه وقالي انا عازمك انت وسها

 

بمناسبه نجاحكم علي حفله المطرب(.........)الحفله دي هتبقي جميله اوي والمطرب هيكسر الدنيا

 

هستناكوا تفوتوا عليه متتاخروش بئي

 

129569726711.gif

 

 

 

وبالفعل اتصلت بسها وحددت معها ميعاد وقابلنا محمود وروحنا الحفله سوا

ووقت ماكنا في الحفله كنا فرحانين ومبسوطين اوي

129569726711.gif

 

 

لكن فجأه في نص الحفله محمود قالي

انا مش قادر اخد نفسي حاسس ان مفيش ذره هوا

 

 

انا قلقت عليه جدا وقررت انقله المستشفي وقلت لسها روحي انت عشان متتاخريش وانا هطمنك ان شاء الله

 

 

ولما وصلنا للمستشفي حاله محمود كانت بتسوء قررت اتصل بخالتي تيجي

 

129569726711.gif

 

 

 

وجه دكتور اول ماشاف محمود قاله قول لا اله الا الله

 

قول لا اله الا الله والدكتور يكررها كتير وفي كل مره الدكتور يقولها محمود يقوله انا فرطت كتير...... انا فرطت كتير اوي

 

 

والدكتور مازال يردد قول لااله الا الله ومحمود مابيقولش الا انا فرطت كتير

وانا مكنتش مستوعب اللي بيحصل وشبه فاقد للوعي

 

 

 

129569726711.gif

 

 

قلت لمحمود انت فرطت في ايه فرطت في ايه يامحمود قولي

وقبل مايجاوبني لقيت الدكتور بيقول (انا لله وانا اليه راجعون)

 

قلت للدكتور يعني ايه يعني ايه رد عليه

الدكتور:انا لله وانا اليه راجعون

يعني محمود مات خلاص ......ازاي دا كان لسه معايا في الحفله ازاي مات ازاي دا لسه صغيرومكانش تعبان مات ازايدامكانش عارف انه هيموت................... وفرط كتير اوي في ايه ياريته قالي

يتبع ان شاء الله

شارك هذه المشاركه


رابط المشاركه
شارك

الجزء الرابع راااائع

لكن طولتي كتير بحكاية عبد الرحمن

يلا انا تشوقت كتير

بدي اقرا الجزء الخامس ^_^

بارك الله فيك دعاء يا قمررر

شارك هذه المشاركه


رابط المشاركه
شارك

:( محزن مات على الغناء والتفريط بكلام الله

اذن كان محمود سبب هداية عبد الرحمن

بانتظار الجزء السادس

القصة كتير حلوة

شارك هذه المشاركه


رابط المشاركه
شارك

 

 

نهاااااااية الجزء الخامس حزينة اوى :unsure:

 

الله يهدي الجميع ويصلح احوال الامة اللهم آمين

 

متااااااااااابعة دااااااااائما بإذن الله

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

جزاكِ الله خيرًا على المسلسل الرائع

متابعة معكِ إن شاء الله :)

شارك هذه المشاركه


رابط المشاركه
شارك

الحلقة السادسة

 

 

محمد:بص ياعبد الرحمن من اولها كده احنا مش هنخرج من الكليه انهارده الا لما تحكيلي كل اللي حصلك

 

 

عبدالرحمن:ماشي ياعم محمد

 

انت عارف انا كل ماافتكر يوم وفاة محمود احس اوي بمعني الأية

 

 

(أَوَمَنْ كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ

 

كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ )122الأنعام

 

 

129569726711.gif

 

الحمد لله رب العالمين انا كنت ميت وربنا احياني فله الحمد سبحان من يحيي ويميت

 

انا بعد ماسمعت الدكتور وهو بيقول انا لله وانا اليه راجعون خرجت من المستشفي

 

من غير ماستني خالتي ولا اي حد انا كنت شبه فاقد للوعي خرجت ومكنتش عارف

 

اروح فين ومعرفش مشيت اد ايه

 

وطول ماانا ماشي في الطريق شويه اضحك وشويه اعيط كنت بكلم نفسي ساعات

 

بصوت عالي وساعات بيني وبين نفسي

 

محمود مات لا انا مش مصدق انا اكيد بحلم

 

129569726711.gif

 

 

 

محمود مات ازاي ممكن كان تعبان وانا معرفش

 

محمود مات دا كان لسه قاعد معايا في الحفله كان لسه بيكلمني مات ازاي

 

محمود مات يعني مش هشوفه تاني

 

طب وفرط في ايه

 

فرط في ايه فرط في ايه كتير وخلاص مات ومش هيعرف يعوضه؟!!!!

 

مات لاااااا ازاي دا لسه صغير

 

129569726711.gif

 

 

 

يعني خلاص مش هيرجع بيته تاني ولا هيكون مع اهله

 

محمود هينام لوحده انهارده

 

مفيش حد هيبئي معاه

 

بس ازاي دا القبر ضلمه اوي

 

محدش هيرضي يكون معاه يونسه

 

 

129569726711.gif

 

 

لا محمود مامتش انا اكيد بحلم دا لسه كان بيعزمني علي الحفلة في ثواني كده مات

 

ممكن يكون الدكتور غلطان اه ممكن....... ممكن خالتي لما تروح المستشفي تلقيه

 

عايش اه ممكن

 

اكيد هيكلمني دلوقتي

 

وهسأله فرط في ايه

 

طب هو فرط في ايه حد يفهمني فرط في ايه

 

لا ااااااااا هو اكيد مات الدكتور هيهزر معايا في الحاجات دي

 

خلاص ياعبد الرحمن هو اكيد مات

 

129569726711.gif

 

 

 

طب.........

 

فجأة كده مات ممكن ......كنت انا اللي ابئي مكانه

 

طب مااحنا الاتنين زي بعض

 

مقضيين حياتنا اغاني وافلام وبنات ووووووووووو

 

 

 

ايه بئي اللي مفرطين فيه

 

كان نفسي اوي يامحمد حد يسمعني كان نفسي اشكي حالي لحد

 

كان نفسي ابويا او امي حد فيهم يفهمني كان نفسي اترمي في حضن اي حد فيهم

 

انا مش يتيم

 

لا انا يتيم مش لاقي حد فيهم يحس بيه وفي الوقت ده اللي حسيت فيه اني لوحدي في

 

الدنيا دي حسيت اني في غربه

 

حسيت ان محدش بيحبني ولاحد بيسمعني كنت تايه

 

ووقتها بطلت اضحك وبقيت مش قادر اوقف دموعي...........

 

وكأنها كانت محبوسه ومستنيه حد يفرج عنها

 

 

129569726711.gif

 

 

هو ان بعيط علي محمود وللا بعيط علي نفسي وللا بعيط علي ايه بالظبط

 

طب هو محمود ارتاح كده وسابني لوحدي تايه

 

اعمل ايه.... اعمل ايه بس حد يقولي حد يعبرني انا برده انسان انا مش يتيم.......

 

وفي وسط الحيرة دي

 

 

129569726711.gif

 

 

لقيت سها بتتصل بيه.....

 

ارد عليها جايز الاقي عندها جواب وللا بلاش ارد احسن

 

ياتري عبد الرحمن هيرد علي سها وللا.......؟!!!!!

 

 

يتبع ان شاء الله

شارك هذه المشاركه


رابط المشاركه
شارك

الحلقة السابعة

 

 

 

محمد:وعملت ايه رديت عليها وللا لا

 

 

 

عبدالرحمن:قلت لاااااااا انا مش هرد عليها بس لقيتها بتتصل تاني وتالت قلت خلاص اما ارد عليها انا كده كده ضايع

 

ومش لاقي حد يسمعني مهياش فارقه كتير

 

 

سها:ها ياعبده عملتوا ايه

 

 

 

عبدالرحمن:محمود مات ياسها

 

 

 

سها:بلاش هزار.....انت فين دلوقتي

 

 

 

عبدالرحمن:بقولك محمود مات ياسها

 

 

 

سها:مات ازاي

 

 

 

عبدالرحمن:ده السؤال اللي عايز اعرفه

 

 

 

سها:اكيد كان تعبان

 

 

 

عبدالرحمن:لا

 

 

 

سها:هو لازم يعني يقولك انا تعبان مجايز مخبي عليك

 

 

عبدالرحمن:بقولك مكانش تعبان دا كان بيقول انه فرط كتير.....فرط اوي .....ياتري فرط في ايه

 

 

129569726711.gif

 

 

سها:هههههههه هتلاقيه كان عايز يعزمني علي حاجه في الحفله وفرط في حقنا

 

 

 

عبدالرحمن:انا مبهزرش دلوقتي بجد محمود ماااااااااات

 

 

 

سها:خلاص ياسيدي انا لله وانا اليه راجعون علي العموم ابقي اديني رقم خالتك عشان اعزيها واجب برده وللا انت ايه رايك

 

 

 

عبدالرحمن:انا كنت مصدوم من ردها انا تايه وخايف وعايز اعرف محمود فرط في ايه والاقيها بتهزر

 

 

فقولتلها خلاص ياسها عايزه حاجه تانيه

 

 

 

سها:اه شوفت نسيتي كنت هقولك ايه انت عارف طبعا الاجازه قربت تخلص وندخل الكليه بئي

 

والمذاكره وكده فقولت لبابا اننا نروح مصيف وقلتله ان انت تبئي معانا

 

فوافق فقلت اتصل بيك

 

افرحك.......... ها ايه رايك؟!!!

 

 

129569726711.gif

 

 

 

عبدالرحمن:تفرحيني بأيه بقولك محمود مات مات

 

 

 

سها:وانا كنت قلتك يعني انه مامتش ماشي ياسيدي خلاص مكلنا هنموت عايزني اعمل ايه تاني قولي؟

 

انت بقيت غريب اوي علي العموم انا مستنيه ردك بس متتاخرش عليه يلا سلام

 

 

 

عبدالرحمن :انا قفلت معاها وانا مصدوم وزادت حيرتي اكتر............ ممكن محمود فعلا كان تعبان طب فرط في ايه ياتري ايه الصح وايه الغلط ......وايه رد سها دي كمان هو اللي بعمله انا وهي صح ومن حقنا

 

 

 

129569726711.gif

 

 

 

محمد:سؤال يعني؟ هي البت دي معندهاش دم

 

 

 

عبدالرحمن:انا وهي معندناش دم بس الفرق انا شوفت محمود وهي ماشفتوش

انا حسيت بحرقه كلامه وندمه علي التفريط وهي ماحسيتش بحاجه...

 

. بص انا والله مشفق عليها جدااااا ربنا

 

 

يهديها هي عامله زي الي بتدور علي حد يحسسها بوجودها زي بالظبط عايشه

 

في غربه تايهه في دنيا غريبه عايشه في بيتها زيي .......ممكن اهلنا يحسوا ان اثاث البيت اتغير بس

 

 

مايحسوش بوجودنا ولا بحالنا ............الحمد لله رب العالمين

 

 

129569726711.gif

 

 

محمد:طب وانت ليه ماتحاولش معاها

 

 

 

عبدالرحمن:هقولك بعدين اجابة السؤال ده عشان مانخرجش بره الحكايه وترجع تزعل وتقولي انت كل يوم بتعلقني

 

 

 

بعد مكالمه سها اكتشفت ان الساعه بئت 30/3الصبح اتفزعت جدا وقلت ايه ده انا كل ده بلف في الشارع وقررت اني اروح

 

129569726711.gif

 

 

ولما وصلت البيت لقيتهم في انتظاري وكأني عملت جريمه

 

 

وبابا سألني بصوت شديد وانا اصلا مكانش مستحمل اي كلام ومكنتش عايز اكلم اي حد

 

 

 

سياده البيه ممكن يقولي كان فين ومحضرش جنازه ابن خالته

 

 

 

اسماء اختي ترد بكل سخريه:اكيد كان مع البت بتاعته مهو معدش في دم اليومين دول

 

 

انا ماردتش عليهم يظهر ان حتي دموعي معادتش بتتشاف ودخلت اودتي وقفلت عليه الباب طبعا بابا قعد يزعق بس انا خلاص معادش يفرق معايا

 

 

 

وانا في اودتي رجعت تاني للحيره اللي كنت فيها وهمي زاد اكتر من مقابله ابويا واستهزاء اسماء

 

129569726711.gif

 

 

هما بيعملوا فيه كده ليه حد يجاوبني....وقعدت اعيط كتير....... واقول لنفسي هو انا اللي مكبر الموضوع وللا الموضوع فعلا كبير

 

 

 

محمود مات وفرط كتير .....

 

 

وسها تقولي انا عايزاك تسافر معانا..... وابويا يزعقلي ......واختي اسماء دي كمان نقصاها الحكايه

 

وافتكرت يوم حادثه الاتوبيس واحنا راجعين من الرحله يوم مالشاب قعد يتكلم واحنا

 

 

مانتبهناش لكلامه وكان الاتوبيس هيعمل حادثه....... ده كمان كان ايه..... ومحمود مات وانا ....ممكن كنت ابئي مكانه

 

 

 

ياااااااااااااارب اعمل ايه .........حسيت اني اول مره اقول يارب من قلبي واستغربت نفسي وانا بقول كده

 

 

ومن كتر العايط حسيت اني مصدع وغلبني النوم

 

129569726711.gif

 

 

وانا نايم حلمت ........

 

 

محمد:حلمت بأيه

 

 

عبدالرحمن : حلمت بمحمود ......قعدت انادي عليه لقيته بيقولي ألحق نفسك ياعبدالرحمن

قبل فوات الاوان

 

ألحق نفسي.....ألحق نفسي ازاي.......... طب قولي انت فرطت في ايه.......ها يا محمود فرطت في ايه قولي

 

 

 

وسمعت صوت بيناديني بيقولي البدايه من هنا وشاور علي جامع

 

 

 

انا مانتبهتش للصوت وقعدت انادي علي محمود انت فرطت في ايه قولي .......ومحمود كان للاسف ساكت قعدت انادي عليه كتير وبصوت عالي وهو ساكت

 

 

 

محمد:سؤال محرج يعني هو انا كنت فين من كل ده؟

 

 

 

عبدالرحمن:انت كنت الجزء اللي لازم يتقطع

 

 

 

محمد:يتقطع............ يعني ايه؟؟؟

 

 

 

يتبع ان شاء الله

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×