اذهبي الى المحتوى
هبه المسلمه

خلاصة الوصفات فى تجميعه للبنات والسيدات

المشاركات التي تم ترشيحها

post-4-1143804249.jpg

 

السلام عليكم ورحمة الله وبركاته

اهلا بكم كل الاخوات .. واهلا باجازه جديده وصيف جديد وعام سعيد :P

يشرفنى طبعا ان انضم لكم من جديد للاطلاع والمشاركه فى المواضيع

العظيمه التى تطرح من خلال هذا المنتدى الهائل

المهم يعنى بعد الرغى ده كله أحب اقولكم انى جايه لكم

بموضوع جديد شامل من مجاميعه

يعنى فيه كل ما يخصك

فيما معناه ......... ان الصفحه دى هتكون فيها كل الوصفات الخاصه بكى وبجمالك

من شعر راسك لصابعك الصغنتوط

هتسالونى طبعا وانا اعرف الوصفات دى منين وانا لسه يادوب بقول ياهادى

اقولكم انا بأه........

صلى على النبى ..

انا بأه بدات ادخل نت من 3 سنين بالظبط وبداياتى كانت فى ى المنتدى ده ولى الفخرطبعا

المهم انى كنت دايما ان ادخل على الركن ده حتى من قبل مايتجدد المنتدى

وكانت الوصفه اللى تعجبنى والاقيها مجربه ومعلق عليها

كثير من العضوات بالاعجاب وصحة الوصفه فانقلها فى كشكولى الخاص

لغاية ماقريت مواضيع الركن ده كله ونقلت كل اللى عجبنى وجربت منه كتير فعلا من الوصفات

وكلها تحفه

المهم بعد ماخلصت الركن ده دخلت على منتديات تانيه كتير نسائيه

بها اركان للعنايه بالشعر والبشره

بس طبعا مش مشتركه غير هنا

ممكن اكون اشتركت فى منتديات تانيه بس لا اتذكرها اصلا

المهم يعنى انى فى وصفات كتير عجبتنى جدا ونقلتها برده

لغاية ما أنا اصلا بقيت خبيره فى الوصفات

واى واحده من اصحابى عندها مشكله فى شعرها من تقصف او قله

اوعندخها مثلا حب الشباب بتسالنى عن وصفه وانا بقولها وساعات بديهم الكشكول يشوفو اللى هما عايزينه

وكتير من صحباتى عجبهم الكشكول جدا وخدوه يصوروه :tongue:

 

 

 

 

انا عارفه انى رغايه بس انا عايزاكم بس تعرفو مصدر معلوماتى

المهم ان الكشكول فى كل حاجه للشعر والوجه والجسم واليد والرجل والكوعين والركبتين ومايتعلق بازالة الشعر

وحتى الرموش والشفايف والعينين

 

فانا لقيته فعلا كشكول قيم وخلاصة 3 سنين نتو يعنى مش اى كلام

واكبر قدر من الوصفات وممكن يفيد اى حد

لدرجة ان دوقتى لما اقرا اى وصفه فى اى منتدى بالقيها قديمه

لانها موجوده فى كشكولى :tongue:

دانا حتى مش لاقيه وصفات جديده

المهم يعنى فقلت افيدكم انتم

وانقل لكم الو3صفات دى شويه شويه فى الركن ده بس ايه رايكم

تسالونى انتو عن الوصفه اللى انتو عايزنها وانا اقولهالكم ؟؟؟؟ ولا اتكلم انا علطول

ولا اخلى الموضوع ده للشعر مثلا

وموضوع تانى للوجه

وآخر للجسم وكده ؟؟؟؟؟ ولا ايه

 

ولا مش عايزين خالص

 

وانا هنقلكم الوصفات زى ماصاحبتها كاتباها بالظبط

واهو كلنا نفيد بعض بمعلوماتنا

لانى اكطتشفت معلومات كتير خطأ البنات بيعملوها

 

المهم انا مستنيه ارائكم وان شاء الله تبقى الصفحه دى مرجعكم

 

مستنياكو ياحلوات

 

هغيب عنكم كم يوم ده ولما ارجع هشوف ردودكم ان شاء الله ;-)

 

جود باى يا امامير

 

 

 

السلام عليكم :smile:

تم تعديل بواسطة هنـــاء

شارك هذه المشاركه


رابط المشاركه
شارك

وعليكم السلام ورحمة الله وبركاته،،

مشكورة أخيتي هبه على الفكرة

بس ايه رأيك نكتب في عنوان الموضوع (كشكول هبه لخلاصة الوصفات التجميلية)

وأنا من رأيي انك تكتبيلنا كل الوصفات اللي عندك أحسن من ان كل واحدة تدخل تسأل عن اللي هي عاوزاه وانتي تردي عليها

واللا ايه رأيك؟؟؟

شارك هذه المشاركه


رابط المشاركه
شارك

ماشى ياعم السكره هكتب انا ;-)

 

 

بسم الله نبدأ ;-)

 

 

 

1- صبغة الحناء لتغذية الشعر وتطويله لا لتلوينه :

 

تكسب الشعر الجاذبيه ويستخدم 4 اسابيع متتاليه دون توقف

كاس حناء +نص كاس ماء ساخن او شاى غير محلى + بيضتان

تخلط الحنه مع الماء والبيض جيدا وتترك لمدة نص ساعه وتقلب مره اخرى

ويجب ان يكون الشعر جافا وغير مدهون ونظيف ونضع الحنه من الجذور الى اطراف الشعر ويرفع الشعر ويربط ثم يغطى جيدا ويترك من 2 : 3 ساعات حتى يجف ويغسل الشعر بالماء

 

 

سؤالى انا باه ........... هو الحنه بتتحط الشعر وهو جاف اصلا ولا لا ؟؟؟؟ ياريت حد يجاوبنى

 

 

 

 

 

 

 

 

 

 

 

 

 

2- جبت لكم الخبر من بدويه .. سر شعر بناتها :

 

طووووويل وكثييييييف وتقييل جدا

الخلطه عباره عن زيت زيتون (علبه كبيره) + راس ثوم كامله تبشرونها بشر ناعم وتحطونه عالزيت بالعلبه يعنى واحده كامله مش فص + كاس قرنفل مطحون

وتضيفونها للزيت وتنقعون الخلطه لمدة يومين وبعدين تستخدميها مرتين بالاسبوع لمدة ساعه او ساعتين وطبعا ترجون العلبه قبل الاستخدام عشان الثوم والقرنفل مايقعد بالقاع ولا تنسون جذور الشعر ادهنوها زييين ;-)

 

 

 

 

الخلطه دى باه انا جربتها وحلوه اوى والله بعد ماتغسلى شعرك تغسليه كويس بالشامبو عشان هيكون مزيت اوى ومش لازم تحطى كريم او زيت بعد ما تغسليه لانه هيكون طرى كانك عامله حمام زيت بس ريحته مقرفه مووووووووووووووت فاحسنلك تحطيه وانتى نايمه وتغسلسيه كويس الصبح ومتكلميش ولا تقربى من حد لان الريحه صعبه اوى بس النتيجه حلوه :wub:

 

 

 

 

 

 

 

3- قناع يعطى بياض رائع :

 

اولا ليمون يمسح به كامل الوجه .. بعدها يغسل بماء ورد بعدها نضع عسل مع قرفه ونخليه ساعه كامله

النتائج رائعه وفوق هذا الشعر حق الوجه يخف وينعم

 

 

 

بصراحه ده مجربتوش بس صاحبة الوصفه بتشكر فيها جامد :icon17:

 

 

 

 

 

 

 

 

 

4- خلطه لفرد الشعر :

 

زبده + علبة زبادى _ صفار بيضه

تسيبيها على شعهرك 3 ساعات

 

وممكن زبادى وصفار بس

 

بصراحه حلوه مع الاستمرار

 

 

 

 

 

 

5- وصفه لنفخ الخدود

 

دى باه انا مجرباها بجد

زبادى وخميره فوريه واستمرى يوم لا ويوم اه بتسمن

بس سمعت مؤخرا ان الخميره بتزود شعر الوجه فقللتها وقلت كفايه حجم وشى اوى كده

فاللى عايز يتخن وشه شويه يجربها :mrgreen:

 

 

 

 

 

 

ها اللى يجرب حاجه يقولى

 

كفايه عليكم كده انهارده

وهغيب عنكم معلش كم يوم او اسبوع

متفتكرونيش هربت

انا جايه تانى

 

 

 

سلام ياحلوات وابقو طمنونى

 

 

 

انا قلتلكم الوصفات اللى فيها كتابه قليل

 

التقيل جاى ورا

 

 

جود لاك :-

شارك هذه المشاركه


رابط المشاركه
شارك

6-وصفه لجميع انواع البشره :

ملعقة عسل . ملعقتين زبادى . خياره مبشوره

ابشرى الخياره وضعى ملعقة العسل مع الزبادى

ضعى القناع مده الى ان يجف ويتكتل ثم اغسلى وجهك بماء بارد مع مراعاة وضع مكعبات ثلج من ماء ورد

 

 

 

وطبعا كلكم عارفين ان الزبادى والعسل من احسن الاقنعه للبشره ولو عندك حبوب حطى كمان لمون

وشوفى الفرق وادعيلى

 

 

 

 

 

7-قناع للشد الوجه والرقبه:

يطلى الوجه والرقبه بنصف زلال بيضه ممزوجه ببعغض النقط من عصير الليمون

الحامض ثم يزال القناع بعد ربع ساعه

 

 

 

 

 

 

 

 

8-وصفه لتبييض الاسنان :

 

يطحن الفحم الطبيعى ناعما ثم يخلط مع كميه من ملح الطعام وتفرك به الاسنان

جيدا وتكرر العمليه مرتان يوميا

 

وعلى فكره الوصفه دى موجوده فى كل المنتديات عن طريقة تبييض الاسنان بس بصراحه انا مجربتهاش

بس بالنسبه ليا احسن طريقه لتبييض الاسنان هى المداومه على السوا طبعا

والله جنااااااااااااااااااان غير انه مطهره للفم ومرضاة للرب

 

 

 

 

 

 

9-خلطه وكأنك حاطه كريم اساس :

 

ملعقة خميره . ملعقة خل تفاح . زبادى

المهم فيه ان يكون الزبادى معفن اى فيه بكتيريا وكل مازادت عفونته زادت فائدته بعد تانى او تالت استعمال

تكون بشرتك وكانك حاطه ريم اساس بياض ونعومه وتغذيه للبشره

 

طريقة تعفين الزبادى : حطيه فى كاس واتركيه فى الفرن يومين بس لاتولعى

الفرن او حطيه فى منطقه حاره يعنى مافيها بودره وان شاء الله يتعفن

 

 

 

 

انا جربت طريقة التعفين دى بس بصراحه كانت ريحته قذره وكان ناشف واتقرفت منه

فانا بستعمله من غير تعفين يعنى بحطه من التلاجه علطول

ونتيجته كويسه

 

بس انا نقلتها زى ماهى للى يحب يعفنه

 

 

 

 

 

 

 

 

 

 

 

 

10-وصفه تعوق نمو شعر وخاصة الوجه :

ملعقه كبيره ترمس مجروش ومغلى تمت تصفيته فى كوب ماء

زائد ملعقتين كبار من مغلى زهرة البابونج فى كوب ماء وملعقتين من الرده

بعد غليها وتصفيتها فى كوب ماء بمعنى عمل كوب من كل نوع من الانواع

الثلاثه السابقه وتوضع فى الثلاجه وتسخن عند الاستعمال كدهان يدلك به الوجه لمدة نص ساعه الى ساعه

لمدة عشر ايام متتاليه وان هذه الوصفه تعوق نمو اى شعره فى الوجه وخاصة الذقن ( مجرب)

 

 

 

ودى بصراحه مجربتهاش بس صاحبة الخلطه بتشكر فيها بردو

 

 

 

 

 

 

 

 

 

11-وصفة د/عبدالباسط حموده فى تطويل الشعر :

 

2صباع موز + واحد نبات كيوى

يخلطو معا ويوضع على الشعر لمدة ربع ساعه . بعد كده يغسل

هذه الوصفه تعمل عمل السحر لانها تؤدى الى زيادة نمو الشعر

بغزاره وزيادة نعوميته وهى من ارقى بيوت مصففى الشعر فى هوليوود

وهى مره واحده اسبوعيا

 

 

 

 

 

 

 

 

 

 

 

 

12-وصفة د/عادل عبد العال فى تطويل الشعر وفرده:

 

نجيب المخاط الموجود فى الورقه الكبيره من نبات الصبار ونجمع منه كميه

تكفى لطول الشعر ومدى كثافته ونخلطها مع زيت العنبر ويكون نص كمية المخاط

وتوضع على الشعر وتخلط بطريقه لطيفه تحك فيها فروة الراس وبعدها تلفى شعرك بقطعة قماش غير قطنيه

حتى ماتسحب مستوى الوصفه .. ومدة الوصفه ترجع الى حالة شعرك فكلما كان مجعدا

وباهت تطول فى المده وبعد مايخلص شطفى شعرك بالماء الدافى والشامبو مره واحده فقط حتى تتخلصى

من تزنخ الزيت واذا كان شعرك من النوع الغليظ والمجعد كررى العمليه مرتين اسبوعيا

حتى تحصلى على نتائج مرضيه

 

 

 

 

 

انا بأه نفسى اجرب الوصفه دى بس معرفش البار والعنبر يتجابو منينن

مفيش عندنا عطار فى المحله الكبرى بيبع العنبر ده

لو حد من مصر يعرف يتجابو منين يقولى ياريت اصل شلها وصفه جامده

 

 

 

 

 

 

 

 

 

 

 

 

13-لشعر ثقيل جدا ...( ديل الحصان بحجم الزراع )

 

المشاط ...........رهييييييييييب للشعر

يتجاب من عند العطار

 

 

 

انا سمعت عنه فى منتديات كتير بس كل ماااسال عنه عطار يقولى معرفش حاجه بلاسم ده

 

 

 

 

 

 

 

 

 

 

 

 

 

 

14-خلطه لنعومة وصفاء ونقاء وتفتيح الجسم من اول استخدام :

 

وبصراحه دى كل اللى رد عليها بيشكر جدا فيها وكتير مجربنها

بس انا بصراحه مجربتهاش

 

3قشور موز وبطاطس وقشورها ونص ليمونه وقشورها وحليب

تاخدى القشور وتطحنيها مع قشور البطاطس ولا حظى قشر البطاطس واللى بداخلها

يعنى كلها تطحنيها مع قشور الموز ونص ليمونه بالشرط تسلقين

البطاطس والليمونه وبعدين اضيفى الحليب

 

 

 

 

 

 

15-المصادر الطبيعيه لفتح الشهيه وتقوية الاجسام الهزيله

 

1- التمر واللبن:

ينقع التمر فى الحليب لمدة 6ساعات ثم ياكله المريض حيث يفتح الشهيه للطعام

ويجب على مرضى السكر الابتعاد عن هذه الوصفه

 

2-الحلبه:

كوب حلبه قبل الاكل بنص ساعه فاتح للشهيه

 

 

 

 

 

 

 

 

 

 

 

 

16-خلطه للحنه تلون وتعالج الشعر ::

 

حنه _ كثيرا منقوعه فى كوب ماء - 3ملاعق سدر - بيضه - زبادى - كوب نسكافيه -

كوب شاى - كوب مغلى بابونج - ملعقتين كبار بودرة دم غزال مزوبه فى كوب ماء

زيت جوز هند - زيت سمسم - زيت عافيه منقثوع فيه حلبه - ملعقة زبده او صبار -

3ملاعق بن

طبعا فى وعاء غزير حطيت الحنه وبديت اضيف لها المقادير شوى شوى مع الخلط

وبالنسبه للكثيرا نقعتها فى كوب ماء قبلها بيوم وثانى يوم بيصير الخليط مثل الجل تماما

وبعدين حطيت الكثيرا فى الخلاط وضفت لها السدر والبيض واللبن والزبد والصبار

وبعد كده نخلطهم ونحطهم على الحنهوبعدين نحط عليهم زيت عافيه والحلبه وبعدين نخلطها عالشعر

 

 

 

 

 

 

17-دى بجحد وصفه حلوه بس انا هقولكم دوقتى وصفتى انا للحنه اللى بعملها

بتشيل القشره وتدى لون وتتقل الشعر وتطريه وتغذيه كمان

 

اولا هجيب الحلبه واحطها فى طبق واسخن مايه واحط فيها كركم ولون شيكولاته من عند العطار

عشان انا بعوز لون بنى وشعرى مش طويل اوى يعنى كاريه كده

 

واحط مع المويه شاى وبابونج وحلبه كمان

واسيبها تغلى

واحط كمان شوية كركم عالحنا اللى فى الطبق وبعدين على ما المويه تغلى احط الزبادى فى الخلاط ومعاه بيضه

وبعدين اخلطهم واحطهم عالحنا وممكن كمان سمسم مطحون عشان يطول وكمان خميره فوريه

كل ده احطه عالحنا وبعد ما المويه تغلى اجيب مصفاه واصفى المايه على الحنا فى الطبق واقلب لغاية ما تبقى متماسكه

ازود كمان شوية مويه واحط الحنا كلها عالنار لغاية ما تفقفق زى المهلبيه يادوب دقيقه او نص دقيقه بس عالنار

وبعدين اشيلها واخليها ثلاث او اربع ساعات لحد ما تخمر وبعدين احطهها على شعرى وانام واصحى الصبح اغسلها

اول يوم اغسلها بالماء بس وتانى يوم اغسلها بالشامبو عشان اللون يثبت

اه نسيت اقولم انى بحط عالحنا كمان نقطتين خل ولو مش عايزه بلاش

دى باه اللى بتطرى الشعر وانا بعملها كل شهر مره وماشاء الله مريحانى عالاخر

دى طريقتى فقلت اكتبهالكم

 

 

 

المهم انا كده كتبت كتير اوى ... كفايه عليكم كده انهارده

 

بس ياريت اشوف ارائكم وتونو جربتم الوصفات دى عشان ترفعو من معنوياتى ومحسش انى بكتب عالفاضى

لحسن الكتابه دى شىء ممل اوى

بس عشان خاطركم بس كله يهون

 

 

 

ولو عايزين اى استفسار انا فى الخدمه

 

سلام

الى اللقاء فى الوصفات التاليه

شارك هذه المشاركه


رابط المشاركه
شارك

السلام عليكم ورحمة الله وبركاته،،

ايه الوصفات التحفه دى يا جميل اوعدك انى هجربها ويا ريت تكتبلنا كل حاجه عندك

وجزاكى الله كل خير على كل من يستفيد منها

شارك هذه المشاركه


رابط المشاركه
شارك

السلام عليكن و رحمة الله و بركاته

جزاك الله خيرا اختي هبة المسلمة على الوصفات الرائعة و المفيدة

بارك الله فيك ووفقك للخير

ننتظر مزيدك ان شاء الله

شارك هذه المشاركه


رابط المشاركه
شارك

السلام عليكم ورحمة الله وبركاته

الحبيبة هبة

مجهود طيب تشكرين عليه

وجزاكِ الله عليه خيراً

الوصفات كلها رائعة ومهمة بالنسبة لى ولكن توجد وصفة هى الأهم عندى وأنتى قلتى بأنك جربتيها ونتائجها كانت إيجابية معاك ألا وهى تسمين الوجه

أريد منكِ أن تقولى لى كم من الوقت أستمريتى عليها حتى سمن وجهك وكم أبقيها على الوجه ساعة أو أقل

أرجو إفادتى يا غالية..أنتظرك

شارك هذه المشاركه


رابط المشاركه
شارك

السلام عليكم ورحمة الله وبركاته

جزاك الله خيرا اختنا الغاليه هبه

مجهود رائع جزاك الله عنه خيرا

تابعي حبيبتي فنحن متابعات معك

السلام عليكم ورحمة الله وبركاته

شارك هذه المشاركه


رابط المشاركه
شارك

بجد وصفات هايله بس ممكن تقوليلنا وصفات اكتر للبشرة وكيفية العناية بيها

وتكون بحاجات متوفرة فى البيت وانا كمان عندى وصفة كريم اساس طبيعى وهى

ملعقة كبيرة لبن بودرة

جلسرين طبى. بودرة ثلج. ملعقة صغيرة زبادى. ملعقة ص نشا. ملعقة خميرة جافة.

ويقلب جيدا ثم يوضع عليه ماء ورد ونقطة خل صغيرة

ويحفظ فى الثلاجه

وانا جربته حلوووو قوووى

وجزاكم الله كل خير

شارك هذه المشاركه


رابط المشاركه
شارك

السلام عليكم ورحمة الله وبركاته :grin:

شكرا ليكم جميعا عالردود الحلو دى

وانا اوعدكم انى هظبطكم :wub:

 

بالنسبه لسؤال زهرة الاسلام .................

 

انا هقولك

انا اصلا كنت بستخدمها للحبوب مش للتسمين وانا اصلا وشى مش رفيع بس فى فتره كده وشى خس وظهرت هالات حول عينى

المهم يعنى انا كنت متضايقه من اثار كم حبايه كده فى الوجه

فكنت كل يوم احط ملعقة زبادى مع ملعقة خميره وممكن كم قطرة لمون وياريت عسل نحل كمان .... بس ده بالنسبه للحبوب

واستعملتها لمدة ثلاثة او اربع اسابيع تقريبا

يعنى كل يوم او يوم ويوم

الاثار راحت ووشى فتح والكل بقى يقولى ان وشى رجع زى الاول ومش خاسس

فانا باه وقفته عسان مش عايزه اتخن وشى عن كده بصراحه :mrgreen:

بس للتسمين يكفى خميره زبادى

 

الطريقه باه

انك تجيبى حله صغيره او براد الشاى وتملى نصه ماؤ وتستنى لحد مايغلى وبعدين تقفلى وتحطى راسك فوقه يعنى على قرب منه عشان البخار يدخل المسام ويفتحها

لغاية ماتحسى ان المسام فتحت عشان تستفيدى اكتر بالماسك

وبعدين تحطى الماسك وتستنى لحد ماينشف يعنى مثلا تلت ساعه وبعدين اغسليه بماء دافىء وبعدين بارد

وبس ياستى

بس لو وشك رفيع اصلا متهيالى هياخد وقت اكتر من شهر بس انتى اصبرى

وممكن كمان حلبه مطحونه وزبادى

بدل الخميره يعنى :tongue:

شارك هذه المشاركه


رابط المشاركه
شارك

18-لتفتيح الابط:

ادهنيهم بزيت خروع يوميا لمدة شهر وللارداف اخلطى فكس مع كريم الجلسرين وادهنيهما عالمنطقه يوميا

وفى طريقه واحده مجرباها

هى انه متنتفيش الابط علطول يعنى سيبيها شويه اما الشعر يطول وبعدين شقرى الشعر ده

التشقير اصلا بيبيض

وبعد شويه انتفيه بالحلاوه

واستمرى كده كزا مره وان شاء الله يفتح

 

 

 

 

 

 

 

 

 

19-خلطه للجسم جامده وشوفى الفرق انتى بنفسك من اول مره :

مقادير الحلاوه الطبيعيه : سكر وليمون ونقطتان من زيت الزيتونونقطتان ماء ورد وماء طبعا

ودعيهم يغلو على النار لمده بسيطه ولا تنتظرى الى ان يتحول لحلاوه

خذيه واتركيه حتى يبرد ثم ادهنى جسمك كله وحتى وجهك وحتى حول العين واتركيه من 5:7 دقائق ثم استحمى وانتى سوف تحكمى بنفسك على النتيجه الطيبه وبياض طبيعى ورائحه زكيه :mrgreen:

شارك هذه المشاركه


رابط المشاركه
شارك

تسلمي والله حبيبتي هبه على الوصفات الحلوة..

 

بس كنت ابغى اسألك اذا عندك وصفات لتطويل الرموش او تكثيفها,, خااصة الرموش اللي تحت....

 

وشكرا لك مقدماً,,

شارك هذه المشاركه


رابط المشاركه
شارك

18-لتفتيح الابط:

ادهنيهم بزيت خروع يوميا لمدة شهر وللارداف اخلطى فكس مع كريم الجلسرين وادهنيهما عالمنطقه يوميا

 

جزاكي الله خيرا اختى هبه ولكن ماهو الفكس ؟؟؟؟؟؟ :cry:

 

 

19-خلطه للجسم جامده وشوفى الفرق انتى بنفسك من اول مره :

مقادير الحلاوه الطبيعيه : سكر وليمون ونقطتان من زيت الزيتونونقطتان ماء ورد وماء طبعا

ودعيهم يغلو على النار لمده بسيطه ولا تنتظرى الى ان يتحول لحلاوه

خذيه واتركيه حتى يبرد ثم ادهنى جسمك كله وحتى وجهك وحتى حول العين واتركيه من 5:7 دقائق ثم استحمى وانتى سوف تحكمى بنفسك على النتيجه الطيبه وبياض طبيعى ورائحه زكيه :angry:

 

وصفة سهلة وبسيطة ولكن ماهى مميزاتها تنعيم ام تبيض ام ماذا ؟؟؟؟

 

 

اخواتى انا عندي مشكلة صعبة ........ الكلام اولا لهبه وثانيا لكل اخواتى لمن تستطيع المساعدة

ان شاء الله فرحي بعد شهر وعندي مشاكل بالبشرة والشعر فمن تستطيع مساعدتي تكتب لى

 

اختى هبه جزاك الله خيرا انا من المنصورة لو في فرصة تبعتي لى نسخة من كشكولك

او تكتبي لى في رسالة خاصة وصفات مفيدة لى كعروسة عندي مشاكل كثيرة

1- هالات سوداء

2- وجهى غير صافي باهت

3- بقع سوداء تحت الابط والارداف

4- شعري مقصف وهايش

5- عندي خشونة في القدمين

6-ياريت حاجة طبيعية لازالة رائحة العرق لانى كل مااستخدم مزيلات العرق يظهر عندي حبوب تحت الابط تتعبني كتير .

واهم حاجة تكون وصفات سريعة اصل مش بقدر استمر على وصفة كتير

 

جزاكم الله خيرا وجعله في ميزان حسناتكم

شارك هذه المشاركه


رابط المشاركه
شارك

السلام عليكم ورحمة الله وبركاته

 

حبيباتى فى الله

 

بالنسبه لسؤال الرموش ....

 

الرموش دى حكايتها معايا حكايه

 

هبينلم مدى جهلى وغبائى :wub:

 

قرأت مره فى احد المنتديات عن واحده بتقول انها قصت رموشها وفى خلال 10 ايام طلعت اكثف واطول من الاول بانها واظبت فى العشر ايام دول انها تحط كل يوم قبل ماتنام على رموشها زيت خروع

 

والردود عليها ان تير جربو وفعلا رموشهم طلعت بسرعه اكثف واطول

 

الفكره حلت فى دماغى :- قلت اجرب واستحمل شكلى فى العشر ايام دول وكمان انا منتقبه يعنى محدش هياخد باله

 

وقصيت رموشى :tongue: وماما زعقتلى جامد

 

المهم استنى عشر ايام ومفيش حاجه واستنيت كتير وبدات احط الخروع وفين وفين على ماطلعو زى الاول مش اطول ولا اكثف

 

ساعتها ندمت اوى

 

وبقولكم مش اى حاجه تقراوها تعملوها

 

 

بالنسبه باه لزيت الخروع فله بيشر فيه فى طويل الرموش

 

بس انا قرات فى احد المنتديات انه بيطول الرموش لحد معين وبعدين بيسبب فى تساقطها بعد كده

وانه اصلا بياخد من غذاء العين ويحطه فى الرموش

 

فياريت بلاش زيت الخروع

 

واحسن منه زيت الزيتون بيعمل نفس النتيجه ولكن بدون اضرار

 

انا عن نفسى جبت علبه وحطيت فيها زيت زيتون وزيت سمسم وزيت دابر املا بكميات متساويه وقبل النوم بحط منهم على رموشى بالمسكره

والحمد لله نتيجه حلوه اوى

 

 

اقولكم باه وصفات الرموش اللى فى الكشكول

 

 

وصفه للرموش .... روعه

 

زيت خروع + زيت سمسم + زيت لوز + عسل طبيعى

وممكن زيت خروع + زيت لوز حلو + جرجير + زيت املا

5 ايام وعيونك هتلاقيها مكحله من الرموش

 

 

ومفيش مشكله ياجماعه اما نحط زيت خروع بكميه بسيطه ... بس مع زيوت اخرى

 

بالنسبه لايمان

 

طلبك عندى بس انا هقوم ولما اجى هكتب لك

 

سلام دوقت

شارك هذه المشاركه


رابط المشاركه
شارك

بالنسبه للايمان

 

 

اولا نبدا بالهالات السوداء :

 

انا عندى نفس المشكله بس مجربتش لها حاجه بصراحه

عالعموم هكتبلك اللى عندى

-كميه صغيره من بودرة الاطفال + كميه صغيره من ماء الورد لمدة 30 دقيقه

 

-ملعقة حليب بودره + ملعقة عسل + ملعقة مره مطحونه من عند العطار + زبادى

ربع او نص ساعه

 

-ملعقه صغيره من زيت اللوز + ملعقه من زيت النعناع + نتركه ربع ساعه ثم بعد ذلك ناخد كيس شاى ونضعه عالعين

 

-ملعقه صغيره من الخميره + ملعقه صغيره من النشا+ نص ملعقه من خليط زيت الزيتون وزيت السمسم + نص ملعقة عسل

تخلط المكونات بدون ماء ويلبخ تحت العين وعلى مناطق السواد بدون تلامس لجفون العين ويجب ان تكون البشره مغسوله بالماء والصابون ومجففه بشكل ممتاز

اتركى الخلطه لمدة 30 او 45 دقيقه لا اكثر . وتكرر العمليه يوم بعد يوم لمدة 3 اسابيع وهتشوفى الفرق ( انا انصحك بالخلطه دى كويسه :tongue: )

 

- زيت اللوووز رووووعه

قبل ماتنامى تضعى حول عنيكى بس كميه بسيطه جدا لانه لو دخل للعين بيسبب حرقان سبحان الله غير انه بيساعد على النوم بعمق

بيبان تاثيره على الهالات السوداء سريعا جدا

ولو تركتيه لفتره مش بيرجع تانى

وكمان ممكن يستعمل على البشره غير متساوية اللون بيوحد لون البشره ويبيض الوجه

وهو زيت اللوز الحلو واحرصى على انه يكون اصلى

بس عايز وقت شويه

 

 

- كمادات شرائح الخيار الطازج للعينين وذلك بتغميض العينين ووضع شريحة الخيار فوق كل عين بحيث تلامس الجلد امحيط بالعينين مع الاسترخاء لمدة 15 دقيقه

 

 

-كمادات عصير النعناع

 

- كمادات شرائح البطاطس كبديل لشرائح الخيار

 

وده كل اللى اعرفه عن الهالات السوداء وطبعا مع تجنب السهر والاجهاد والحاجات اللى انتو عارفنها دى :ninja:

 

 

 

انا هكتب على مراحل عشان بريح من الكتابه شويه ;-)

تم تعديل بواسطة هبه المسلمه

شارك هذه المشاركه


رابط المشاركه
شارك

ثانيا وجه غير صافى وباهت :

هناك الكثير من الماسكات اختارى اللى يريحك وامشى عليه يوم ويوم

 

-قناع الخيار لعلاج شحوب البشره :

نصف فنجان خيار مبشور + بياض بيضه + 2 ملعقة حليب بودره

يخلط المكونات جيدا لعمل عجينه رقيقه وتترك على الوجه لمدة 20 دقيقه ثم تشطفى الوجه بالماء الفاتر ثم بالماء البارد

 

- لحيوية الوجه :

اخلطى ملعقتين حليب بودره وملعقتين ماء ورد ثم توضع 20 دقيقه على الوجه

 

 

- الجزر لازالة التعب وصفاء البشره :

يدهن الوجه بعصير الجزر ويترك 20 دقيقه فهو يساعد على ازالة التعب وصفاء البشره وكذلك اذا شرب عالريق كل صباح فهو يخلص من الشحوب ويساعد على نقاوة العينين

 

 

 

 

-قناع الخيار للبشره غير متساوية اللون :

قطعى الخيار على شكل رقائق مستديره والصقيها على الوجه والعنق لمدة 30 دقيقه وانتى مستلقيه ومغمضه عيونك

 

 

 

-لانعاش البشره الباهته:

تؤخذ شريحه من البطاطس النيه وتدعك بها الوجه والرقبه ثم بعد نص ساعه يشطف بالماء البارد وذلك لان البطاطس غنى بفيتامين c ويعد مصدر لانعاسش البشره

 

 

 

 

-لانعاش وتقوية بشرة الوجه :

يستخدم مزيج من عصير الليمون الطازج مع ماء الورد وتبلل قطعه من القطن بهذا السائل ثم نمررها على الوجه

 

 

 

-قناع لحيوية الوجه :

تخلط ملعقتين حليب بودره وملعقتين ماء ورد ثم توضع على الوجه لمدة 20 دقيقه فهى تعطى الوجه الحيويه والجمال وتبيض الوجه

 

وعلى ضمانتى احسن قناع هو ده واحسن لو حطيتى بدل ماء الورد لبن سائل وداومى عليه وابقى ادعيلى

 

 

 

 

 

- للتخلص من البقع الداكتنه فى الوجه :

ضعى ملعقه متوسطه من حليب البودره مع قليل من ماء الورد وضعيه على وجه كماسك مع الاستمراريه فى كل اسبوع مره على الاقل تلاحظى تبيض وتصفى البشره من البقع الداكنه ومن مخلفات الحبوب

 

 

 

 

 

- طين مغربى + عسل نحل + زبادى .........روووووووووووووووعه بجد

 

كل يوم

 

 

 

كفايه كده والباقى هقوله مع الوصفات

 

 

 

وبردو فى وصفهجامده اوى اوى اوى اوىىىىىىى

 

هى زبادى وليمون وعسل

 

بتصفى

وتبيض

وتنعم

وتشيل الحبوب واثارها

 

 

جامده بجد ;-)

شارك هذه المشاركه


رابط المشاركه
شارك

بالنسبه لسواد الابط والارداف :

 

انا قلت طريقتين فوق ومنهم التقشير حلوه

 

وممكن دهنهم بزيت الخروع كل يوم يساعد على التفتيح

 

اما بالنسبه للعرق فادهنيهم بعد ماتستحمى ل يوم بنص ليمونه هو مزيل عرق طبيعى ولا اى رائحه للعرق

 

بالنسبه للشعر المقصف والهايش

 

لو تستحملى ممكن تعملى مرتين فى الاسبوع عصير بصل وتوم وجرجير معا وتنامى بيه وتصحى الصبح تغسليه

 

رائحه معفنه جدااااااااا بس نتيجه روعه جدااااااااااااااااااااااااا :wub:

 

وهقولك وصفات اخرى ورايى فيها

 

يعنى هقولك وصفات سريعه تقدر تفيدك فى الشهر ده

 

للشعر الجاف :

امزجى صفار بيضه مع ملعقة زيت خروع وافركى شعرك ثم اغسليه بالماء الساخن مع قليل من عصير الليمون ثم بالماء العادى

 

 

 

 

 

 

- لتنعيم الشعر :

اخلطى مقادير متساويه من الزبادى والعسل وزيت الزيتون وضعيه على الشعر كحمام زيت وستدهشك النتيجه

 

دى بجد حلوه جربيها مرتين فى الاسبوع ونامى بيها واغسليها الصبح ;-)

 

 

 

 

 

- لشعر جذاب من غير عذاب وحرير مع الهواء يطير :

تجيبى ياستى علبة زبادى كامله ( يعنى مش واكله نصها )

وياريت الزبادى البلدى

وملعقه كبيره محلب وتحطونهم على بعض

(اللى مايعرف المحلب هو من عند العطار وهو شكله يشبه حبات الفلفل الاسود قبل ما يطحن ولكن المحلب لونه بيج وكمان له ريحه وطبعا قبل ما تحطينه بالخلطه تطحنين المحلب )

 

وتحطينه كانك تحطين حنه وتخليه عالشعر مش اقل من 3 ساعات ( مش عايزين كروته :tongue: )

وبعدين تغسلينه

واللى شعرها ناعم بترتاح عليه لانه ينشف الشعر ويخليه مايدهن واللى شعرها جاف تحط لشعرها الزيت اللى هى متعوده عليه او ممكن تحط مع الخلطه زيت زيتون مثلا والنتيجه بعد اسبوعين

 

 

 

-الكثره والغزاره واللمعه والنعومه للشعر :

اخلطى 3 ملاعق خميره فوريه مع كوب زيت جوز الهند وادهنى شعرك لمدة ساعتين وهتشوووفى الفرق

 

 

 

 

-لشعر صحى لامع :

صفار بيضه وملعقة خل تفاح وملعقة زيت زيتون

وضاعفى الكميه حسب شعرك

وضعيها على شعرك نص ساعه او اكثر ثم اغسليها

 

 

 

 

العسل مع الزبادى للشعر الجاف

 

 

 

 

 

-طريقه هايله جدا لتنعيم الشعر وفرده :

التنعيم من اول مره والفرد بعد كذا استخدام منتظم

المقادير : فنجان قهوه سمسم متحمص بودره + علبة زبادى _ ملعقتين مايونيز

ضعى الخليط على شعرك ساعتين والبسى بونيه وبعدها اغسلى شعرك عادى وانتظمى على استخدامها مره فى الاسبوع وان شاء الله هتحسى ان تجاعيد الشعر بتقل جدا ومره بعد مره هتلاقى شعرك يتفرد

 

 

 

 

 

- لمعان الشعر بطريقه سهله جدا :

بيضه + ملعقتين عسل نحل

يخلط ويوضع على الشعر ساعه ثم يغسل

 

دى حلوه بردو

 

 

 

 

-دهـــــــــــن الثعبان:

دهن الثعبان من افيد الدهون للشعر وله فائده كبيره جدا

فوائده:

لتقصيف الشعر يجعله حيوى وناعم ويذهب التقصف

ويطول الشعر ويجعله انسيابى

 

احضرى قطعه من دهن الثعبان وضعيها على النار فى اناء حتى يتم الذوبان

وضعيها على شعرك وهى دافئه

ثم لفى شعرك واربطيه ونامى

وفى الصباح اغسلى شعرك ببلسم فقط وماء دافىء لاساخن ولا بارد

ولا حظى بنفسك ايه النتيجه لمدة اسبوع

 

وهتلاقيه متهيالى عند العطارين

 

 

طبعا كل الماسكات دى قبلها بتغسلى شعرك بماء دافىء وبعدين تحطيها وبعدين تلبسى بونيه بلاستيك

 

 

 

 

 

ولو عايزه ياجميل متعمليش اى وصفات من دى هقولك اسم زيت يجنن ويقوم بالواجب :sad:

وهو زيت الحيه لو تسمعى عنه

هتلاقيه فى الصيدليات

وده باه بيفرد الشعر ويشيل التقصف وينعمه ويدى لمعه ويتقله ويطوله

من الاخر تحفه بجد واللله

هو العلبه متهيالى ب40 جنيه بس انا مش عارفه اصلى ولا لا

المنهم اتاكدى انه اصلى وهو بجد جامد

 

 

 

 

 

 

وطبعا معروف ان الحنه لها فوائد كتير وانا كاتبه طريقتها فوق

 

 

 

بالنسبه لخشونة القدمين ممكن تضعى عليها حنه وبعدين تلبسى كيس وتنامى وتقريبا ل يوم

هتلاقى رجلك لونت بس داومى عليعها اللون بيروح فى حدود يومين

 

 

ياما فازلين والبسى كيس عشان رجلك تعرق ونامى

 

 

 

 

 

وفى خلطه انصح بيها جامده لكل الجسم اعمليها كل ماتستحمى

جيبى ليمون وسكر وزيت زيتون واستحمى بماء دافىء عشان تفتحى المسام وبعدين هاتى الخليط وادعكى بيه كل جسمك والوجه كمان وبعدين استحمى هتلاقى وجسمك كله نعومه وبياض بجد تحفه

شارك هذه المشاركه


رابط المشاركه
شارك

اخواتي في الحقيقة كنت كنتصفح الانترنيت ووجدت خلطة او وصفة كتبيض الا ان فيها بعض الاسماء لي معرفتها لي عرفاتها تنفعنا الله ينفعها.

 

 

لكي تكونى احلى عروسه

وهذه هي الوصفه :

 

هذه الخلطة هي خلطة العرايس وطبعا الحين عروسة او لا الكل يريد هذه الخلطة

 

هذه الخلطة تستخدم للعروس قبل الزواج باسبوع ولو استمر شهر سوف يكون تحفة

 

عليك اساتخدام هذه الخلطة كل يوم بدون انقطاع ولديك الطرق

 

* تستخدميها بالليل وتنامي عليها كل يوم وتغسليها الصباح وياليت لو تستخدمي صابونه من النوع التي تبيض لان النتيجه ستكون رهيبه

 

 

* او تستخدميها من الصباح حتى الظهر وهكذا بعد كل صلاه حتى وقت النوم ليلا تغسليه وتنامي .. هذا اذا ما تحبي تنامي وهو على وجهك

 

* او تستخدميه من الصبح حتى الظهر وبعدين من بعد العشاء على ان يبقى لفتره اطول

 

 

يعني يحتاج لمجهود شوي

هذه الخلطه تختلف من منطقة لاخرى ببعض الاضافات

 

 

 

والنتيجة

 

بياض طبيعي واشراق ملحوظ وصفاء للبشره كلما زادت المدة والايام

ويستخدم ايضا للجسم

 

وتناسب جميع البشرات

وستجد البيضاء البياض المشرق الامع

وستجد السمراء البياض المشراق الامع

 

وكله من الطبيعه والعرائس عندما تستخدمه وتجدين وجهها بسم لله ما شاء الله

 

 

 

 

اليك المقادير :

 

ربع كوب ارز مطحون

ربع كوب قشر البيض

كوب ونصف صندل مطحون

علبة زعفران كبيرة

ماء الورد

4 قرنفل

عود واحد كركم ............. ويفضل الكركم الخاص من عند العطار وايضا القليل منه

حتى لا يعطيك لون اصفر

 

يخلط الجميع جيدا ويحفظ لحين الاستعمال

وعند الاستعمال خذي ما تحتاجين اليه واخلطيه بماء الورد

 

ملاحظة يفضل يكون الزعفران ناعم

وعند اضافة الكركم والقرنفل لا تكثري منه

ودائما الصندل يكون اكبر كميه

شارك هذه المشاركه


رابط المشاركه
شارك

لبياض الابطين يا ايمان ;-)

 

والوصفة جدا جدا جدا سهلة ومايبيلها شي...كل اللي عليكم اتسونه انكم اتروحون

 

السوبرماركت وتشترون بودر بيكربونات الصوديوم وتحطينه في فوطة صغيرة

 

مبللة بالماء الدفئ وتدعكينها على المنطقة السوداء وبتلاحظين مباشرة السواد

 

على الفوطة وبس هذي كل الوصفة جدا سهلة لكن نتيجتها جدا رووووعة

 

اتمنى منكم يابنات اجربونها وراح تستفيدون منها إنشاءالله

 

 

 

 

وهذه الخلطات لتطويل وتكثيف الشعر

الفـــــــــــلفــــــــل الاخـــــــــضـــــــــر

 

اول شي قطعي الفلفل الاخضر مكعبات صغيره ..

 

بعدين حطيها بعلبة ماي صحه فاضي وضيفي عليها الزيت زيتون وخليها تتنقع لمده عشر ايام بالضبط بالعلبة طبعا مو بشعرك ..

 

وبعد العشر ايام حطيها بشعرك لمده ماتقل عن 3ساعات ..

 

وشوفي الفرق راح يطول الشعر بطول تقريبا خمس اشبار بالسنتين ..

 

وترى هذي الطريقه مضمونه ..

 

 

ثاني خلطه:

 

البــــــــــــــــــــــــيــــــــــــ ــــض ..

 

 

شوفي اذا كان شعرك قصير تحتاجين3بيضات واذا طويل حيل6بيضات ..

 

اخذي بس صفار البيض وحطيهم بالخلاط الكهربائي وضيفي عليهم زيت زيتون,وزيت السمسم(يساعد في تطول الشعر وتكثيفه

 

بصوره مو طبيعيه)وزيت جوز الهندواخلطيهم بالخلاط وحطيهم على شعرج لمدة ثلات ساعات

 

 

 

 

 

 

 

 

 

ركبتك سوده او سمره ؟ الحل عندي مضمون 100% 100

 

جربته بنفسي لمده خمس ايام يعني الحين وانا اكتب لكم الموضوع صار اليوم الخامس

 

والنتيجه رهييييييييييييبه والخلطه سهله وماتكلف

وهي عباره عن :

_فازلين

_فكس

_كريم جليسرين

_زيت زيتون

_عصير ليمون

 

 

تاخذون ملعقه كبيره من الفازلين والفكس والجلسرين وملعقتين الى 3 ملاعق زيت زيتون +عصير نص ليمونه كبيره

 

طبعا تخلطونهم كلهم بعلبه نظيفه وفاضيه وتحطين منه كل ليله قبل لاتنامين على ركبج وتنامين فيه

طبعا انا احطه قبل لاانام واذا قعدت صراحه مااغسله مااغسله الا اذا دخلت اتسبح

 

جربوه وعلموني النتيجه صدقوني بتطلع النتيجه من 3 او 4 يوووم

 

وانا الحين بستمر عليه بعد اسبوعين

 

 

 

وانشالله تكون النتيجه حلوه وعجييييييييييبه

 

طبعا مش انا اللى كاتبه ده .... ده واحده اللى كاتباه ;-)

 

 

 

 

 

 

 

 

مساكم الله بخير ونور وسرور يارب ...

هلا فيكم يالغاليات .. فيه خلطة بسيييييييييييييييييييييييييطة مررررررررررررررررة ماتكلف كثير يمكن تكلفك 15 هذا الخلطه تخلي الشهر الخشن مو العراده لا الخشن الشوشه ناعم بالحظه اللي تبينها يعني عندك زواج حفله عزيمه كليه تبين تكشخين بشوشتك حطيها حتى تنفع لشعر الحرير زيد نعووووومته ولمعته والخلطه والله ماهي من عندي اخذتها قبل سنتين ولا اكثر من وحده ياااااااااااااااا في المنتدى هذا الله يديمه ولا في منتدى ثاني ناسيته

الاخت كانت تقول ان شعرها قاصته كريه بعد سنه من استخدامه وصل الييييييييين الركبه طبعا ً كانت تستخدمه يومين لانها تبي يطول شعرها انا استخدمته لكن لاحظت شعري مع ان شعري ناعم الحمدلله لكن تغيرت نعومته مررررررررره وزادة لمعته مررررررررررره وكل من شاف شعري قالي ليش شعرك متغير حلو غيرتي الشامبو

مااقرق كثير الخلطة هي والله يجزاء خير من كتبتها قبل ولا ذكرت انها ينعم الشعر ..

 

علبه زيت باراشوت كبيرة او صغيرة + فنجال قهوة محلب مطحون اذا كانت العلبة صغيره ام اذا كانت العلبة كبيرة فافنجالين قهوة محلب مطحون ..

 

محلب وليس حلب الحلب ابو ريحة شينه

المحلب مااااااااااااااااله ابد ريحه يارب لك الحمد

حطيه في شعرك كل ماجيتي تتسبحين ولا تغسلين شعرك مايتشابك شعرك بعد الشامبو سهل تمشيطه مايوقف في طريقك ولا تشابك صغير ... لكن اهم شيءءءءءءءءءءءءء والله اهم شششششششششششيييييييييييييء وانتي تحطينه بشعرك لازم تفركين فروة راسك وكل شعرك اطرافه و على الاقل ربع ساعة عشان تحركين الدورة الدموية في راسك وتستفيدين صدق من الزيت والمحلب الصراحة عطيت قريبتي هالطريقة لبنتها قالت شعرها ماصار ناعم بس طلع لمعة قالتلها انتي فركتي فروة راس بنت واطراف شعرها يعني كل الشعر فركتيه على الاقل ربع ساعة قالت لا حطيته وبس قلت لها غلط اهم شيء بالموضوع الفرك وسويت لبنتها انا وريتها كيف تسوي والله الحرمه تحلف تقول جلس شعر بنتي اسبوع ناعم بعد فركك له بزيت ولا تقدر تنقطع عنه الى يومك هذا

 

طولت عليكم بس وش اسوي مااقدر امنع الخير عن الغير .. وحسبي على من يمنع الخير عن الغير وحسابه عسير عن رب العالمين ..

 

ودي اقولكم ادعولي ان الله يفرج همي وينولني كل خير في بالي لكن استحي اقولها مهب لازم

اهم شيء انتم الله يوفقكم يارب ويساعدكم ..

فماااااااااااااااااااان الله ...

 

 

 

 

 

ياجماعه انتو نمتو ولا ايه

 

انا حاسه انى بكلم نفسى

المه انا شغاله اهه

لسه فى وصفات كتييييييييير

 

 

 

:wub: :wub: :wub:

 

 

السلام عليكم ورحمة الله وبركاته

 

اليوم جبت لكم مجموعة خلطات كلها مفيده لتنعيم الشعر وتطويل الشعر ، بس يبي منكم الصبر وطولت البال

 

لان الشيء ما يجي في يوم وليله تراه هذه الخلطات مجربه وانشاء الله تعجبكم وتسوي لكم نتائج مرضية

 

وطيبة في نفس الوقت يلا نشوف الخلطات .

 

 

* خلطة لتنعيم الشعر بالموز : -

المقادير : قشر موز مجفف ومطحون + مايونيز + زيت الخروع + زيت الزيتون

 

 

اخلطيها مع بعض وخليها نصف ساعة على شعرك

 

جربيها ما تخسري شيء

 

 

* خلطة البيض والعسل : -

عباره عن : مايونيز + بياض بيضه + عسل + اي زيت موجود عندك ( الافضل زيت الخروع )

 

اخلطيها مع بعض ممكن ان تضعيها على شعرك قبل الحمام بساعه

 

 

* خلطة لتنعيم الشعر الخشن : -

تجبين موية قوارير وجالون كبير وتحطي فيه ورق حنه كمشة بيدك وتجبيي فنجان ونصف قهوة وتجبيي محلب

 

مطحون نفس كمية القهوة وتحطي المكونات في المويه وتحطي بعد ملعقة صغيره ملح عادي ( حق الاكل )

 

وتخلي الخلطه لمدة اسبوع كامل وعند الاستخدام رجيها

 

طبعا هذه الخلطه مجربه واحدة حطتها على شعرها صار :wub:

 

:mrgreen: :mrgreen:

 

 

 

 

 

 

ادهني قدميك بزيت الزيتون، ثم البسي جوارب قطنية لونها أبيض. يساعد ذلك على تطرية القدمين، وتمتصه البشرة أفضل من امتصاصها لزيت الأطفال

 

 

 

 

 

 

 

لإزالة الشعر نهائيا من اليدين والساقين ( والأماكن الحساسة )

تجيبي نبته اسمها ( نبات السعد ) تلقيها عند العطار .. منها ورق ومنها مطحون

والأفضل انك تأخذي الورق وتطحنيه انتِ بالبيت اضمن

 

بعد ما تطحنيه تقومي تفركي بيه جسمك في مكان الشعر اللي انتِ ازلتيه

طبعا لازم يكون جسمك جاف وافركي بشويش لا تعصبي على نفسك

 

تتوقعي الآن أن الشعر ماعاد حيطلع لك ؟؟؟

 

معليش .. لسى بدري

 

هو حيطلع لكن حيكون اخف .. ومع إعادة العملية هذي باستمرار راح

يخف الشعر تدريجيا وتتباعد فترات نمو الشعر كمان تدريجيا

إلى أن يصبح الشعر خفيف جدا جدا جدا وما تحتاجي لإزالته

 

عارفين اش فايدة ( نبات السعد ) ؟

 

هي نبتة نقوم بإضعاف بصيلات الشعر ثم تمويتها ,,, تدريجيا

 

 

 

 

 

 

 

تترك حبوب الشباب أثراً في الوجه تسبب بقعاً سوداء مما يؤثر على صفاء بشرتك ويصيبك بالضيق، لا تنزعجي يا عزيزتي، فالحناء كفيلة بإزالة هذه البقع. واليك وصفتين لتحضير قناع الحنة لإزالة البقع السوداء، وقناع البقدونس لنضارة البشرة.

 

أولاً قناع الحناء:

 

يتم إضافة ثلاثة ملاعق كبيرة من عسل النحل الطبيعي الي ملعقة كبيرة من مسحوق الحناء - يتم خلطهما ببعض ثم يوضع المزيج علي الوجه لمدة نصف ساعة. ثم تغسل البشرة بالماء الدافيء ثم الماء البارد وتكرر حتى تختفي البقع السوداء تماماً "القناع يستخدم يومياً"

 

ثانياً قناع البقدونس:

 

يتم تحضيره عن طريق تقطيع البقدونس ووضعه في ماء علي النار ويترك حتي الغليان حتي يصبح لونه مائلاً للصفرة. ثم يضرب في الخلاط مع وضع قليل من الماء حتي يصبح مثل الكريم ثم يوضع على الوجه ويترك عليه حتي يجف ثم يغسل بالماء الدافيء.

 

 

 

 

 

 

 

 

قواعد هامة قبل أن تصبغي شعرك , اعتبريها ارشادات !

 

ما من من امراه لا تحب أن تغير لون شعرها أو تدخل عليه بعض اللون لتجديده وإعطائه منظرا جديدا. ولكن قبل أن تقرري صبغ شعرك، لماذا لا تتبعين هذه الإرشادات والنصائح المفيدة:

• اختاري لونا قريبا من لون شعرك الأصلي. إن التغير الجذري من لون إلى لون أخر لن يسبب صدمة لك فقط بل يسبب ضررا بالغا على الشعر.

 

 

 

• قومي بصبغ الشعر فقط إذا كان بحالة جيدة، إذا كنت تعانين من ضعف الشعر، أو التقصف أو الضرر من التفتيح المستمر، لا تقومي بصباغة الشعر، وأجلي الفكرة لوقت أخر يكون فيه الشعر قادرا على تحمل الصبغة.

 

 

 

• قومي بعمل اختبار للصبغة على خصلة من الشعر قبل القيام بالصبغ الكامل لتتأكدي من أن اللون مناسب لك وللون بشرتك.

 

 

 

• عندما تقومين بصبغ الشعر في المنزل تأكدي من قراءة التعليمات بشكل كامل.

 

 

 

• استعملي شامبو خاص بالشعر الملون. لا تحتوي هذه الأنواع على مواد تسبب سحب اللون بسرعة.

 

 

 

• لا تقومي بتجعيد الشعر وصبغه في يوم واحد، على الأقل بعد أسبوع.

 

 

 

• لا تقومي بتجفيف الشعر أو تسريحه بعنف بعد صبغه، لأن الشعر يكون رقيقا، وطريا وقابلا للكسر بسرعة.

 

 

 

• استعملي مستحضرات طبيعية للعناية بالشعر، مثل الزيوت الأساسية والكريمات الجاهزة، وأقنعة الشعر المتخصصة لتغذية الشعر و وقايته من التقصف الجفاف.

 

 

 

 

 

 

 

 

 

 

انا هدخل انام باه

 

ولو ملقتش ردود مش هتعب نفسى تانى

انا عايزاكم كلكم تجربو

شارك هذه المشاركه


رابط المشاركه
شارك

سؤال محيرني

 

هل ماء الورد الي بيستخدم على الوجه هو ماء الورد التجميلي ؟

 

لان العطار سألني عاوزة ماء الورد التجميلي ولا ماء الورد بتاع الشرب ؟

شارك هذه المشاركه


رابط المشاركه
شارك

مش عارفه والله

 

انا بقوله ماء ورد وهو بيجيبه من غير مايسال

بس الاحسن تشتريه من الصيدليه اضمن

 

 

ويالله ياجميل نقوم نصلى الفجر :mrgreen:

شارك هذه المشاركه


رابط المشاركه
شارك

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×