إنتقال للمحتوى





مجالس تدبر القرآن ....(متجددة) بواسطة: امانى يسرى محمد           سلسلة : روائع البيات لـ د/ رقية العلواني بواسطة: امانى يسرى محمد           صفحة تسميع أحاديث رياض الصالحين للحبيبة: رب إني لك عدت بواسطة: رب انى لك عدت           إلى كل من تجد صعوبة في حفظ كتاب الله بواسطة: ساجدة للرحمن           صفحة تسميع الحبيبة " سندس واستبرق " بواسطة: *إشراقة فجر*           صفحة تسميع الأخت "جوهرة بحيائي " الخميس ـ حفص بواسطة: *إشراقة فجر*           ✿ صفحة تسميع الأخت الغالية: ((صفاء الوريد)) حفص*اسبوعي✿ بواسطة: *إشراقة فجر*           حكم الاستهزاء بأمور الدين وأهل العلم والصالحين بواسطة: أمّ عبد الله           ملك الموت عند رأسك / مقطع هيغير حياتك / للشيخ علاء سعيد بواسطة: amifiamifi           مقطع مميز ..محرومون من القرآن..ابراهيم الدويش. بواسطة: amifiamifi          

محاضرات فضيلة الشيخ فوزى السعيد


80 رد (ردود) على هذا الموضوع

#41 (سجى الليل)

(سجى الليل)

    مسؤولة ورشة التفريغ

  • المشرفات
  • 8508 مشاركة

غير متواجدة

نقاط الإعجاب: 65


تاريخ المشاركة 22 December 2009 - 12:42 AM

اقتباس

السلام عليكــن جميعاً ورحمـة الله وبركاتــة

مشرفاتى الحبيبات ..والعضوات الفضليات ... بارك الله فيكن جميعاً وجمعنا عنده فى الفردوس الأعلى .

هذا بفضل الله تعالى ملف الحلقة الثامنة ... أسأل الله تعالى أن يتقبل منا جميعاً ويجعله فى ميزان حسناتنا ومكفر لسيئاتنا ... . آمييييييييين ،،

وعليكم السلام ورحمة الله وبركاته

حياكِ الله امة الملك الحبيبة

كيف حالك ياغالية اتمنى من الله أن تكوني بأفضل حال

تم استلام المحاضرة أمي الغالية

جزاكِ الله خيرا وتقبل الله منكِ






#42 أمة الملك 60

أمة الملك 60

    عضوة نشطة

  • العضوات
  • 201 مشاركة

غير متواجدة

نقاط الإعجاب: 0


تاريخ المشاركة 04 January 2010 - 01:01 AM

السلام عليكــم ورحمـة الله وبركاتــة ،،

السلام عليكــن جميعاً ورحمـة الله وبركاتــة

مشرفاتى الحبيبات ..والعضوات الفضليات ... بارك الله فيكن جميعاً وجمعنا عنده فى الفردوس الأعلى .

هذا بفضل الله تعالى ملف ( الشريط التاسع )... أسأل الله تعالى أن يتقبل منا جميعاً ويجعله فى ميزان حسناتنا ومكفر لسيئاتنا ... . آمييييييييين ،،



اقتباس

كيف حالك ياغالية اتمنى من الله أن تكوني بأفضل حال

بارك الله فيك حبيبتى ... وأشهد الله إنى أحبك فى الله .

ملفات مرفقة


تم التعديل بواسطة أمة الملك 60, 27 January 2010 - 09:41 PM.


#43 (سجى الليل)

(سجى الليل)

    مسؤولة ورشة التفريغ

  • المشرفات
  • 8508 مشاركة

غير متواجدة

نقاط الإعجاب: 65


تاريخ المشاركة 04 January 2010 - 02:05 PM

اقتباس

السلام عليكــم ورحمـة الله وبركاتــة ،،

السلام عليكــن جميعاً ورحمـة الله وبركاتــة

مشرفاتى الحبيبات ..والعضوات الفضليات ... بارك الله فيكن جميعاً وجمعنا عنده فى الفردوس الأعلى .

هذا بفضل الله تعالى ملف ( الحلقة التاسعة )... أسأل الله تعالى أن يتقبل منا جميعاً ويجعله فى ميزان حسناتنا ومكفر لسيئاتنا ... . آمييييييييين

وعليكم السلام ورحمة الله وبركاته

حياكِ الله أمي الغالية اشتقنا لكِ كثيرا

أتمنى من الله أن تكوني بأفضل حال

تم استلام المحاضرة أمي الغالية

ولكن لي استفسار هل المحاضرة ليس لها عنوان محدد؟ اعلم انها سلسلة متكاملة لكن هل الشريط له اسم محدد ام يحمل إسم الحلقة التاسعة فقط؟


ويشهد الله أني احبكِ في الله


تم التعديل بواسطة (سجى الليل), 04 January 2010 - 02:55 PM.





#44 أمة الملك 60

أمة الملك 60

    عضوة نشطة

  • العضوات
  • 201 مشاركة

غير متواجدة

نقاط الإعجاب: 0


تاريخ المشاركة 18 January 2010 - 05:44 PM

الأخت الفاضلة سجى
جزاكِ الله خيراً على ردك الرقيق علىّ , واسأل الله تعالى لحضرتك خيرى الدنيا والآخرة .
أما عن سؤال حضرتك ؛


اقتباس

ولكن لي استفسار هل المحاضرة ليس لها عنوان محدد؟ اعلم انها سلسلة متكاملة لكن هل الشريط له اسم محدد ام يحمل إسم الحلقة التاسعة فقط؟

فهى سلسلة كاملة, عبارة عن مجموعة دروس متصلة ببعضها واعتقد انها كانت فى المسجد حسب ما فهمته من خلال سماعى لها , وانا لا اعرف لماذا كتبت حلقات ؛ المفروض أنها شرابيط أو دروس. وجزاكِ الله خيراً

وهذا بفضل الله الشريط العاشر .

تم التعديل بواسطة أمة الملك 60, 18 January 2010 - 05:44 PM.


#45 أمة الملك 60

أمة الملك 60

    عضوة نشطة

  • العضوات
  • 201 مشاركة

غير متواجدة

نقاط الإعجاب: 0


تاريخ المشاركة 18 January 2010 - 06:01 PM

الموقع لا يستجيب لتحميل الملف , إن شاء الله تعالى سأحاول لاحقاً.

#46 أمة الملك 60

أمة الملك 60

    عضوة نشطة

  • العضوات
  • 201 مشاركة

غير متواجدة

نقاط الإعجاب: 0


تاريخ المشاركة 18 January 2010 - 08:21 PM

الأخت الفالضلة : سجى الليل
السلام عليكم ورحمة الله وبركانه .
كنتُ قد اشتركت فى دورة تدريب ولكن لا أجد الرابط وبحثت كثيراً ولكن لم أجد برجاء أن تساعدينى , وبارك الله فيكِ

ومازال حتى الآن الملف لا يمكن تحميله , ولا أعرف السبب ؟ وشكراً لكِ.

#47 (سجى الليل)

(سجى الليل)

    مسؤولة ورشة التفريغ

  • المشرفات
  • 8508 مشاركة

غير متواجدة

نقاط الإعجاب: 65


تاريخ المشاركة 18 January 2010 - 09:52 PM

وعليكم لسلام ورحمة الله وبركاته

حياكِ الله امي الغالية أمة الملك

اسعدتنى طلتكِ:)

بالنسبة لتحميل الملف, لا بأس فقط حاوي مرة أخرى ويفلح التحميل بإذن الرحمن

أما عن سؤالك عن الدورة التدريبية فهى لأى قسم؟

فقد كان هناك دورة للتدريب على التفريغ وهذه الدورة انتهت بفضل الله

أما دورتا التصحيح والتخريج فهما قائمتان الآن

دورة التصحيح
https://akhawat.isla...howtopic=236576

دورة التخريج
https://akhawat.isla...howtopic=236565

وفقكِ الله وأثابكِ






#48 أمة الملك 60

أمة الملك 60

    عضوة نشطة

  • العضوات
  • 201 مشاركة

غير متواجدة

نقاط الإعجاب: 0


تاريخ المشاركة 20 January 2010 - 03:09 PM

الأخت الفاضلة : سجى الليل .
جزاكِ الله خيراً, وبارك فيكِ.
الملف لا يتحمل لأن يكتب لى ان مساحته كبيرة !!!
وسأحاول أن أقوم بتصغير الخط أو أى شيئ ,,, بالرغم إن الملف تقريباً من حيث عدد الصفحات مثل باقى الملفات السابقة , ولكن بما أن العيب من عندى سأحاول بحث الأمرلأنى كنت أظن أن العيب من المنتدى .
أما عن الدورة فأنا قد وجدت هذا الرابط :https://akhawat.islamway.net/forum/index.php?showtopic=232925&hl=

ولم أكن أعلم أن الموضوع عبارة عن إعلان فقط ولذا كنت قد كتبت اسمى متصورة أنى بهذا قد سجلت فى الدورة أما الآن فهل ممكن أسجل فى دورة التصحيح مع العلم أنى وجدت أنها بدات من يوم 12-1-2010
وجزاكِ الله خيراً...

تم التعديل بواسطة أمة الملك 60, 20 January 2010 - 03:10 PM.


#49 أمة الملك 60

أمة الملك 60

    عضوة نشطة

  • العضوات
  • 201 مشاركة

غير متواجدة

نقاط الإعجاب: 0


تاريخ المشاركة 20 January 2010 - 03:30 PM

السلام عليكــم ورحمـة الله وبركاتــة ،،

بفضل الله تعالى : الشريط العاشر.

ملفات مرفقة


تم التعديل بواسطة أمة الملك 60, 27 January 2010 - 09:42 PM.


#50 (سجى الليل)

(سجى الليل)

    مسؤولة ورشة التفريغ

  • المشرفات
  • 8508 مشاركة

غير متواجدة

نقاط الإعجاب: 65


تاريخ المشاركة 20 January 2010 - 10:05 PM

اقتباس

الأخت الفاضلة : سجى الليل .
جزاكِ الله خيراً, وبارك فيكِ.
الملف لا يتحمل لأن يكتب لى ان مساحته كبيرة !!!
وسأحاول أن أقوم بتصغير الخط أو أى شيئ ,,, بالرغم إن الملف تقريباً من حيث عدد الصفحات مثل باقى الملفات السابقة , ولكن بما أن العيب من عندى سأحاول بحث الأمرلأنى كنت أظن أن العيب من المنتدى .
أما عن الدورة فأنا قد وجدت هذا الرابط :https://akhawat.islamway.net/forum/index.php?showtopic=232925&hl=

ولم أكن أعلم أن الموضوع عبارة عن إعلان فقط ولذا كنت قد كتبت اسمى متصورة أنى بهذا قد سجلت فى الدورة أما الآن فهل ممكن أسجل فى دورة التصحيح مع العلم أنى وجدت أنها بدات من يوم 12-1-2010
وجزاكِ الله خيراً

وفيكِ بارك المولى أمي الحبيبة

الحمد لله حبيبتي تم استلام المحاضرة بارك الله فيكِ

بالنسبة لدورة التصحيح فيسعدنا انضمامك لها أمي الحبيبة

فقط تفضلي بقراءة الدروس وتسجيل اسمك معنا وسوف نكمل التدريب سويا بإذن المولى

وفقكِ الله لما يحبه ويرضاه






#51 أمة الملك 60

أمة الملك 60

    عضوة نشطة

  • العضوات
  • 201 مشاركة

غير متواجدة

نقاط الإعجاب: 0


تاريخ المشاركة 27 January 2010 - 09:47 PM

مشرفتى الفاضلة : بارك الله تعالى فيكِ.
وإن شاء الله تعالى أسجل اسمى ...
وأرجو قبول اعتذارى عن تأخر الشريط الحادى عشر فقد مُسح برنامج التفريغ مع أشياء أخرى هامة من على جهازى, ولا أستطيع أن أحمله الآن لأن عندى برنامج يمكن به وبفضل الله تعالى ان يُعيد الملفات الممسوحة ولكن بشرط أن لا أُنزل أى شيئ جديد على الجهاز لذا فلم أكمل الشريط الحادى عشر, وإن شاء الله فور حل هذه المشكلة سأتابع التفريغ ...
بارك الله فيكن جميعاُ.

#52 (سجى الليل)

(سجى الليل)

    مسؤولة ورشة التفريغ

  • المشرفات
  • 8508 مشاركة

غير متواجدة

نقاط الإعجاب: 65


تاريخ المشاركة 28 January 2010 - 12:25 AM

اقتباس

مشرفتى الفاضلة : بارك الله تعالى فيكِ.
وإن شاء الله تعالى أسجل اسمى ...
وأرجو قبول اعتذارى عن تأخر الشريط الحادى عشر فقد مُسح برنامج التفريغ مع أشياء أخرى هامة من على جهازى, ولا أستطيع أن أحمله الآن لأن عندى برنامج يمكن به وبفضل الله تعالى ان يُعيد الملفات الممسوحة ولكن بشرط أن لا أُنزل أى شيئ جديد على الجهاز لذا فلم أكمل الشريط الحادى عشر, وإن شاء الله فور حل هذه المشكلة سأتابع التفريغ ...
بارك الله فيكن جميعاُ.

وفيكِ بارك المولى امة الملك الحبيبة

لا بأس حبيبتي ننتظرك إن شاء الله ريثما تسمح لكِ الظروف

وننتظركِ في فريق التصحيح بإذن المولى

وفقكِ الله لما يحبه ويرضاه






#53 دلال قدسي

دلال قدسي

    زهرة متفتّحة

  • العضوات الجديدات
  • 1 مشاركة

غير متواجدة

نقاط الإعجاب: 0


تاريخ المشاركة 17 April 2010 - 10:24 PM

الشريط الثالث عشر




# تمـ ارفاق المحاضرة بملف #

ملفات مرفقة

  • ملف مرفق  slah_13.doc   105كيلو   526 عدد مرات التحميل

تم التعديل بواسطة ~ عدن ~, 19 April 2010 - 04:32 PM.


#54 ~ عدن ~

~ عدن ~

    عضوة متألقة

  • العضوات
  • 2554 مشاركة

غير متواجدة

نقاط الإعجاب: 1


تاريخ المشاركة 18 April 2010 - 03:53 PM

وعليكمـ السلامـ ورحمة الله وبركاته

حياكـِ الله دلال الغالية
وأهلا ومرحبا بكـِ في منتداكـِ وبيتكـِ


سررنا لقدومكـِ
(:
حللتِ أهلا ووطئتِ سهلا
،،
،،


أسأل المولى أن يباركـَ فيكـِ ويجزيكـِ خيرا لما قدمتِ وأن يتقبل منكـِ


شكري وتقديري لكـِ
محبتكـِ في الله
عدن





سبحان الله،، الحمد لله،، لا اله الا الله،، الله أكبر،، ولا حول ولا قوة الا بالله

...

أستودعكنّ الله الذي لا تضيع ودائعه

...

أسأل المولى أن يجمعني بكنّ في فردوسه الأعلى

...

اللهم آمين

...

= أرجو من الله أن يتجدد اللقاء =

...

السلامـ عليكمـ ورحمة الله وبركاته


#55 المشتاقون إلى الجنة

المشتاقون إلى الجنة

    زهرة متفتّحة

  • العضوات الجديدات
  • 11 مشاركة

غير متواجدة

نقاط الإعجاب: 0


تاريخ المشاركة 19 April 2010 - 12:18 PM

أيها الأخوة الأعزاء : هذا هو الدرس الرابع عن الخشوع في الصلاة , وعن تعلم معاني هيئات الصلاة وأذكار الصلاة  وأهداف الصلاة , ولقد ذكرنا في الدرس الماضي شيئاً عن معاني الأذكار التي افتتح بها الرسول صلى الله عليه وسلم , كان يستفتح بها صلواته عليه الصلاة والسلام وكثير من الناس يحفظون هذه الأذكار لكنّ الذين يعلمون المعاني قلة فإنا لله وإنا إليه راجعون ,

من أجل هذا نركز على هذه الدروس حتى يتبين لنا معنى الثناء على الله ومعنى الحمد لله و معنى التسبيح و معنى التمجيد , هذه المعاني تُعرف ألفاظاً فقط أما معانيها إيه ؟ لما إنت بتقف تصلى بتعمل إيه ؟ بتقول الكلام ده ليه معناه إيه ؟ سأعطيك مثالاً حتى أبين لنفسى وإياك خطورة وعظمَ هذا الأمر.

خطورة وعظمَ هذا الأمر :

الرسول صلى الله عليه وسلم يوم القيامة عند المقام المحمود وعند الشفاعات المتكررة والمتنوعة والتي بلغت تسعة أنواع كما عدّها الحافظ في الفتح , فالشئ العجيب أننا نرى أن الذي يفعله الرسول عليه الصلاة والسلام هو مجرد سجود وثناء , كل الذي يفعله الرسول عليه الصلاة والسلام وينظرُ إليه كل الخلق ويُجاب له , ارفع رأسك وقل يُسمع واشفع تُشفع وادع تُجب , كل الذي فعله الرسول عليه الصلاة والسلام سجود وثناء قبل السجود وأثناء السجود وبعد السجود , إيه الثناء ؟ إيه التحميد ؟ إيه التمجيد ؟ نحن نقوله لساناً فقط, هل العملية يوم القيامة والمقام المحمود هذا عندما يجتمع العالم بل العالمون عندما يجتمعون يوم القيامة وتحدث المشاهد وبعد ذلك المقام المحمود الذي تراجع عنه آدم وتراجع عنه نوح وتراجع عنه موسى وتراجع عنه إبراهيم وتراجع عنه عيسى وموسى ,عليهم جميعاً أفضلُ الصلاة وأتم التسليم وعلى نبينا كذلك وأعلى صلى الله تعالى عليه و آله وسلم , كلهم يتراجعون إلا النبي عليه الصلاة والسلام فيقول أنا لها أنا لها ,

طب أنا لها حيعمل إيه ؟ أنا بس عايز أعرفك شوف الخطر يوم القيامة المنظر متخيلة إزاى كل إللى حيعمله النبي عليه الصلاة والسلام سجود وكلام حيقوله وبس , حتى لا تستهين بأمر هذا الكلام , ولكنه كلام على اللسان نابع من إخباتٍ في القلب وانكسار وخشوع وتعظيمٍ لله وتوقير له مش كلام مجرد تقليد , كلا .

أمثلة لما يقوله ويفعله النبى عليه الصلاة والسلام فى المقام المحمود :

خذ هذه الأمثلة في رواية سلمان في حديث الشفاعة طبعاً , يقول : فيفتح الله له من الثناء والتحميد والتمجيد ما لم يفتح لأحدٍ من الخلائق يعنى ولا من الملائكة , يعنى هي كلمات يثنى على الله بها يارب إنت كذا وكذا وكذا بس خلاص شوف الموقف إزاى والمقام المحمود متطلب إيه عشان لا تستهين بالأذكار والثناء يعنى إيه والحمد يعنى إيه والمجد والتمجيد والتسبيح والتعظيم والتكبير , إحنا بناخدها كده كلها عند العرب صابون فنحن أجيال العار كما قد ثبت عند الجميع ,

لكن شوف الرسول عليه الصلاة والسلام في المقام المحمود مقام العجب يغبطه به الأولون والآخرون كل الذي يفعله النبي عليه الصلاة والسلام ثناء ومحامد لله حيعمل إيه أكثر من كده , سجود زى إللى إنت بتسجده ومحامد بس محامد من نوع تانى , إيه محامد ما هو ثناء على الله برضه ما هى برضه بأسماء الله وصفات الله أومال هى إيه ,

يعنى شوف الصلاة دى , قيامة مصغرة , لقاء مصغر بينك وبين الله فشوف الرسول عليه الصلاة والسلام كل الذي يحدث إيه ؟ فيفتح الله له من الثناء والتحميد والتمجيد  ما لم يُفتح على أحد من الخلائق ,

أما فى رواية(   ) فيقول : قال الرسول عليه الصلاة والسلام : فأرفع رأسي فأحمد ربى بمحامد لم يحمده بها أحدٌ قبلي ولا يحمده بها أحدٌ بعدى, يعنى قمة الثناء على الله عزو جل بما هو أهله , يكون فى اللحظة دى إن النبي عليه الصلاة والسلام  بيشفع فى المقام المحمود ليقضى الله بين العباد وليستريح المؤمنون من هول الموقف وليدخل الجنة من لا حساب عليهم وهكذا , الشفاعات المختلفة للنبى عليه الصلاة والسلام , المسألة كلها ثناء على الله , يارب أنت وأنت وأنت بس الثناء طالع منين ؟ معانيه إيه ؟ والقلب حاله إيه ؟ هو ده , ولذلك أنا بانقلك بس كلام النبي عليه الصلاة والسلام في وصفه لنفسه في المقام المحمود ,

وفى رواية معبد بن هلال يقول : قال رسول الله  صلى الله عليه وسلم : فأقوم بين يديه ,بين يدي الله يعنى (    ) فيلهمنى محامد لا أقدر عليها الآن , إيه محامد يعنى ؟ ما إحنا شغّالين في المحامد أهه في الصلاة , إحنا شغّالين لسان بس حتى لو وجد القلب فالقلب مش فاهم , عدم الفهم مش مساعد الإنسان على أن يحضر قلبه الإخبات والانكسار والخشوع والتعظيم والتوقير لله سبحانه وتعالى وعز وجل ,

إنما النبي عليه الصلاة والسلام , فيلهمني محامد لا أقدر عليها الآن فأحمده بتلك المحامد ثم أخر له ساجداً , عليه الصلاة والسلام يعنى سجود ومحامد وثناء , عارف إنت يعنى إيه المحامد؟ ويعنى إيه الثناء ؟

لابد من الانكسار والخضوع لله حتى نحقق الخشوع :

هي دى القضية إللى إحنا حنتعرض لها إن شاء الله , إحنا مش عارفين نصلى ومش فقط لما نتعرف على المعانى والكلام ده وإنت حتلاقى نفسك إيه عمّال تجلجل فى المعاني تيجى برضه فى الصلاة خيبان وخيبتك تقيلة أوى وأنا معاك برضه ليه ؟ لأنه مش مجرد حفظ الكلمات وفهم المعاني لا والله العظيم , ده لابد من الانكسار في صلاة القيام بالليل عشان ربنا يرزقك الخشوع ويمن عليك بهذا لأن ده فضل من الله مش حيجى كده مش مجرد إنك نِور في الفهم أو في القرآءة لآ , ياما علماء يستعملون آلة الدين للدنيا وفاهم المعاني ويقولك كلام إيه إنما هو (  ) أصل ده رزق من الله سبحانه وتعالى كما ذكرنا ذلك في الدرسين الأولين .

*وفى حديث أبى كعب عن أبى يعلى رفعه أن النبي صلى الله عليه وسلم يقول : يعرفني الله نفسه ,

لما الرسول عليه الصلاة والسلام يدخل الجنة يقوم ربنا يقول له أنا أهه يعرفه نفسه فأسجد له سجدة يرضى بها عنى, في حديث أبى بكر أن هذه السجدة قدر أسبوع , واحد يقول إحنا إيه إللى نقلنا للشفاعة ؟ نقلنا للشفاعة الخيبة بتاعتنا , إن الرسول حيعمل إيه في المقام المحمود أمام العالمين ..

ما يفعله الرسول عليه الصلاة والسلام فى المقام المحمود ماهو إلا جزء من صلاتنا هذه :

الموقف الرهيب ده ما هو حتة من الصلاة بتاعتنا دى بس الرسول بأه عليه الصلاة والسلام كيف يُؤَدّيَه ؟ محامد جديدة عظمة لله لن يحسنها الرسول عليه الصلاة والسلام في الدنيا لأن ( بكل اسم هو لك سميت به نفسك أو أنزلته فى كتابك أو علمته أحداً من خلقك أو استأثرت به فى علم الغيب عندك)  ...

محامد لمّا الإنسان يعرفها عن ربنا يلف حوالين نفسه إذا كان المحامد الموجودة هنا مش عارفها أقولك الغفور يعنى إيه ؟ ما تعرفش القدوس المؤمن المهيمن ما نعرفش , أومال المحامد الجديدة بأه إللى مدخرها لمحمد ٍصلى الله عليه وسلم , ما هو بنص الحديث أهه مُدخر للنبى عليه الصلاة والسلام , يشتغل النبى محمد يوم القيامة والعالم كله باصص له كده , المسألة بس سجود وثناء بس إللى إنت بتعمله هنا , بس إنت بتعمله شكل بس بلا أي روح  لا حول ولا قوة إلا بالله .

( يعرفنى الله نفسه فاسجد له سجدة يرضى بها عنى ثم امتدحه بمدحةٍ أيضاً يرضى بها عنى , يبقى المسألة مدح لله يرضى بها عنى , مش المدح بأه , سنعرف الفرق بين المدح والحمد , مدح لله وسجود لله, و يقول له الله ارفع رأسك , عليه الصلاة والسلام ويقوم تانى يحمد الله عز وجل بمحامد يُعَلَمُنى أو يُعَلَمُنيه أو يُعَلِمُنيه الرسول عليه الصلاة والسلام ,حاجات كده إيه ثناء على الله , تحميد لله , تمجيد لله بس محامد جديدة تناسب الموقف ده .

ماذا يفعل أهل الجنة :

* تعالى كده شوف فى الجنة يُلهمون التسبيح كما نلهم نحن النفس من غير تعب ولا حاجة , إنت بتتعب فى النفس ده إنت لو حرمت النفس تتخنق , فالتسبيح فى الجنة هو ده النفس , هذا هو حق الله سبحانه و تعالى وعزو جل , ( دعواهم فيها سبحانك اللهم ) ياه بس كده ؟ أيوة بس كده , وهى سبحانك دى شوية ,واللهم دى شوية , بس إدينى أنت عقلك بأه للى فاهم (سبحانك اللهم وتحيتهم فيها سلام) ,يبقى سبحانك , والسلام قريبة أوى من التسبيح خلى بالك ,( سبحانك اللهم) وبعدين (تحيتهم فيها سلام )( وآخر دعواهم أن الحمد لله رب العالمين ) يعنى المسألة: تسبيح , اللهم , السلام , والحمد , هو الحمد ده دعاء ؟ أيوة نعم دعاء طبعاً أومال إيه !! تقول يارب أنت وأنت وأنت , ما يديكش ؟ كيف لا يعطيك ؟ أفضل الدعاء الحمد طبعاً, وأفضل الذكر لا إله إلا الله , وأفضل الدعاء الحمد لله , والحمد لله دعاء ؟ ذكرنا فى الدرس الماضي : إما أن: تحدد المسألة وتكتفى بذلك أعطنى كذا ارزقني كذا .وإما أن : تذكر محامد , ارزقنى وأنت الرزاق وإما أن :تذكر حالك أيضاً , ارزقني وأنت الرزاق وإنى لما أنزلت إلى من خيرٍ فقير , أنا طلعان كذا وتعبان إدينى وانت كذا وكذا وتذكر المسألة , دى أنواع. فالحمد عندما تذكر محامد الله فده على طلب .

فالمقدمة دى عشان أبين لك خطورة الثناء إللى إنت بتقوله ده , الكلام إللى بتكرره فى الافتتاح فى الصلاة وفى الفاتحة والقرآن والركوع والرفع والسجود والتشهد , الكلام ده لما تعرف معناه حتلاقى نفسك إنك ضيعت عمرك هباءاً منثوراً إلا ما رحم ربى والله , سنتعلم إن شاء الله .

شوف إللى فى الجنة إيه مجرد سبحانك اللهم وبعدين سلام , الحمد لله رب العالمين , النبي عليه الصلاة والسلام بيعمل إيه فى المقام المحمود سجود ومحامد بس لم يكن يحسنها في الدنيا , الله عز وجل يعلمه إياها لتناسب هذا الموقف .

أمثلة لتسبيح الكون كله :

*المؤمنون أيضاً فى الدنيا , ما تعريف المؤمنين ؟ ( إنما يؤمن بآياتنا الذين إذا ذُكروا بها خروا سجدا ) يبقى آدى السجود أهه ( وسبحوا بحمد ربهم )  خلاص يبقى المسألة كلها سجود وتسبيح بالحمد , التسبيح يعنى إيه؟ والحمد والتسبيح بالحمد واللهم والمجيد والعظمة و الكلام ده حنشتغل فيه إن شاء الله . إحنا قلنا قبل ما نكمل صيغ الاستفتاح وكلها تسبيح وتباركت وتعاليت , يعنى إيه وتبارك اسمك وتعالى جدك ؟ .

وأيضاً الملائكة يقولون ونحن نسبح بحمدك ونقدس لك فكل عمل الملائكة فى أنهم بيعزقوا ؟!! بيشيلوا حجارة ويحطوا حجارة ؟! يسبحون بحمد الله عزو جل ويقدسون أنفسهم لله .

*وموسى عليه السلام قال: (رب اشرح لى  صدري ويسر لي أمري واحلل عقدة من لساني يفقهوا قولي واجعل لي وزيراً من أهلي هارون أخي أشدد به أزرى واشركه فى أمرى كى) إيه ؟

يبقى شوف الهدف( نسبحك كثيراً ونذكرك كثيراً إنك كنت بنا بصيرا ) بس موسى بأه فاهم يعنى إيه نسبحك إنما إحنا ,,, إحنا زدنا عن موسى وعن النبى عليه الصلاة والسلام نفسه ,

ليه ؟ يمسك السبحة ويقولك إيه إإإيهيى آآآه سبحان آآآه سبحان الله سبحان الله عمّال يقلبها كده (     ) وماشى إزاى وحصل إيه وأى حد يعمل حركة سبحان الله سبحان الله ويبص وهو بيقول سبحان الله برضه وهو ينظر خلفه برضه لغاية لما يتقصى ويشوف إللى بيحصل وراه وهو بيقول سبحان الله سبحان الله , هو ده التسبيح !!! جيل العار أجيال العار .......

إنما موسى عارف يعنى إيه كى نسبحكَ , شوف طلب إيه من الله سبحانه وتعالى؟! شوف إنت الدعوات دى التمانية دى , أُذكر معناها عشان تعرف بيقول يارب إدينى ده كى نسبحك كثيراً , شوف يلزم التسبيح ده إيه ؟ شوف المعانى , الطلب إللى طلبه فى القرآن فى سورة طه وإنت تعرف , ( كى نسبحك كثيراً ونذكرك كثيراً إنك كنت بنا بصيرا ) .

*( وإن من شئٍ إلا يسبح بحمده ولكن لا تفقهون تسبيحهم ) كل شئ الميكرفون ده بيسبح بحمد الله الترابيزة تسبح بحمد الله المقعد اللمبات إللى بتنور بتسبح بحمد الله السير النحاس يسبح بحمد الله الخرسانة بتسبح بحمد الله ولا شئ إلا ويسبح بحمد الله ولكن لا تفقهون تسبيحهم , يبقى المسألة كلها تسبيح بالحمد بس إيه معنى التسبيج وإيه معنى الحمد وإيه معنى التسبيح بالحمد ؟ هى دى بقى القضية طيب .

*( يسبح الرعد بحمده والملائكة من خيفته ) شوفت الكلام شوف الملائكة لما تسبح الله عزو جل عندهم الخوف والرعب ومش خايفين من العذاب ولكن من جبروت الله سبحانه وتعالى وعز وجل واقتداره وهيبته, هيبةً لله عزو جل وتوقيراً له إنما إنت أسهل حاجة إنك تتعذب لو بالكماشة بس يمسك خدك بالكماشة تقول آآآه , بالكماشة تقطع حتة بس كده من الوجه والملائكة ولا وجه ولا ,,, ومع ذلك خايفين ,( والملائكة من خيفته ) لما ربنا بيتكلم بالأمر فى السماء من فوق عرشه سبحانه وتعالى وعز وجل إيه إللى بيحصل ؟ ما الذى يحدث للملائكة ؟ يغشى على الملائكة , لما يفوق الملك بأه ( حتى إذا فُزّع عن قلوبهم ) يعنى ذهب الفزع عن قلوبهم,

قالوا ( ماذا قال ربكم قالوا الحق وهو العلى الكبير ) الملائكة تسبح ليه  ؟ من خيفة الله عز و جل .

يسبح الرعد, والرعد ده إيه ؟ صوت يصدر من إحتكاك الشحنات فى طبقات السحب , الموجب والسالب والتفريغ الكهربى إللى بينهم إللى هو البرق والبرق ده بيسخّن ما بين طبقتين من السحاب لأن فيه هواء أومال السحاب محمول إزاى فلابد من وجود الهواء فالهواء إللى بينهم بيسخن سخونة مفاجئة وعالية جداً فيحصل تمدد لأنه بيسخن فيتمدد و لسه فيه طبقات ما تمددتش يقوم يحصل الفرقعة الشديدة دى , الفرقعة دى إللى هو إيه ؟ الرعد , الرعد ده يسبح بحمد من ؟( بحمد الله والملائكة من خيفته ) شوف هنا العظمة والجبروت , شوف الرعد إللى بيزلزلنا والملائكة من خيفة الله سبحانه وتعالى وعز وجل إنما إنت قاعد تقول إيه سبحان الله وبحمده سبحان الله وبحمده وإنت عمّال تفكر,

زى اللص إللى سلّط إبنه على الزرع وقال له إنزل يا ولد وربنا يسترها , والولد نازل يسرق وقاعد ماسك السبحة عمّال يشوف مين إللى جاى من هنا أو من هنا وصاحب الحق وصل ولا لأ ؟ فى البلد فى الفلاحين حصلت زمان ماسك التسبيح ويقول سبحان الله , ويقولك إيه (    ) يعنى كوز الدرة المدملج كده سبحان الله نقّى ياولد سبحان الله , هو كده مسبح ! لاحول ولا قوة إلا بالله العلى العظيم .

( والملائكة يسبحون الليل والنهارلا يفترون ) .

*الجبال تسبح ولا لأ ؟ ( وسخرنا مع داوود الجبال يسبحن والطير ) يبقى الجبال تسبح وبصوت مسموع كان يسمعه داوود , شوف الحجر من الجبل لو سقط على أم رأسى أو أم رأسك ( عافانا الله عزو جل ) يحصل إيه ؟ تخلص على طول , حجر بس من الجبل !! أومال الجبل ده كله يسبح بحمد الله عزو جل( فلما تجلى ربه للجبل جعله دكاً وخر موسى صعقا ) لأن الجبال تعظم الله وتسبح بحمد الله , وكذلك الطير ( والطير محشورة كلٌ له أواب ) .

الأمثلة دى لماذا ذكرتها ؟ عشان أبين لك خطورة الكلام الذى نقوله بغير فهم وبغير حضور قلب إللى هو والتسبيح الثناء والتحميد والتمجيد والتعظيم والتوقير والتكبير طبعاً كل ده مش معنى واحد لآ ده فيه معانى.

فشوفت الموقف فين فى الجنة والمقام المحمود والمؤمنون بيعملوا إزاى وموسى .

*طب سيدنا يونس عليه السلام إيه إللى حصل له ؟ هه ( فلولا أنه كان ) يعنى عادته (  من المسبحين للبث فى بطنه إلى يوم يبعثون ) كان من المسبحين , آى نعم ( فلولا أنه كان من المسبحين للبث فى بطنه إلى يوم يبعثون) .

ده يبين لك نواتج التسبيح وفضل التسبيح عند الله عز و جل وإن الإنسان قد يوقى مصائب ضخمة , أن سيارة تصدمه أو أن ظالم يظلمه أو أن كارثة تنزل بساحته أو أن كرباً يلم به يقوم التسبيح ينفعه هنا ( فلولا أنه كان من المسبحين) لم يُنقذ وإنما( للبث فى بطنه إلى يوم يبعثون ) , ( وذا النون إذ ذهب مغاضباً فظن أن لن نقدر عليه فنادي في الظلمات أن لا إله إلا أنت سبحانك إني كنت من الظالمين ) تسبيح هنا له معناه وكل سياق فى كتاب الله عز و جل عن التسبيح له معناه .

*أيضاً لو نظرنا إلى أصحاب الجنة, قالوا إيه ؟ ( قال أوسطهم ألم أقل لكم لولا تسبحون ) (قالوا سبحان ربنا إنا كنا ظالمين ) .

يعنى إيه ؟ حتى نفهم أن التسبيح ليس مجرد كلام , هو كلام بس ناتج منين ونابع منين ؟ من محامد وتمجيد وذلك لا يكون إلا فى القلب شرطه الحب والتعظيم كما سنرى إن شاء الله ,

{ قال أوسطهم ألم أقل لكم لولا تسبحون } , يعنى إيه تسبحون ؟ هنا تفهم شيئاً خاصاً عن التسبيح , ما هو ؟ يعنى الإنسان ولله المثل الأعلى فى السموات والأرض , له رئيس أو وزير أو غفير , غفير ده على المخزن ده أو الرئيس ده لو علم أنى سرقته سيفتك بى وسيفعل بى كذا وكذا وكذا وسيغضب علىّ وسيحرمونى فضله و, و, فأنا إن سرقت مخزنه بعد ذلك فلا يكون إلا من الجرأة والجراءة على من؟

( تعليق من فضيلة الشيخ على الميكرفون) ,

طيب نقول لو أن عظيماً له مخزن مثلاً فيه بضائع فيه أموال فيه غلال وأنت تعلم أنك لو سرقت منه وعلم هو ستفقد كثيراً من فضله ومن عطائه ومن إكرامه وقد يعذبك وقد يطردك وقد,,وقد,,وقد,,لأنه عظيم والمخزن ده تابع له , فمتى تسرقه ؟ إن قل توقيرك له فى قلبك فتزداد جرأتك عليه لأنه لا يعلم تقول حيعرف منين وإن علِم حيعمل لى إيه يعنى ؟ وإن كان يعلم واطّلع , طب أنا مزنوق حاعمل إيه شوف الكلام الجراءة بتيجى منين , خلى بالك ,

إنما الكلام ده لو صعدناه إلى رب العالمين هه ( ألم أقل لكم لولا تسبحون ) يعنى إنت عايز إيه ؟ مصبحين ويتخافتون , ومحدش شايفك أبداً ...

لو سبحت الله لنزهته عن أن يغيب عنكم وأنتم فى طريقكم إلى جنتكم عشان يعملوا المحصول بعيد عن حق الفقراء , آدى أول معنى من معانى التسبيح أهه . يبقى لولا تسبحون لولا تعظمون الله عز و جل ولولا تذكرون أنه لابد مطّلع ٌعليكم وأنه علام الغيوب بل لا تحركون أرجلكم إلا أن يحركها لكم( إنقطاع )

( سبحانه وتعالى عما يشركون ) , ويقولك القراءة بقى والمد والتفخيم والترقيق والغُنّة , وأقولك ( سبحانه ) تقولى مش عارف ( وتعالى ) مش عارف , يا نهار مقطرن , أومال إنت بتقرأ إيه دى حاجة تخلى الإنسان والله العظيم...

جيل العار والله ,وتقولى أمريكا ربنا جابها لنا ليه ؟ ربنا خلق أمريكا عمّالة تذل فى المسلمين ليه ؟ ( مؤتمر السكان والغرر الإسلامى جملة وتفصيلاً ) فى بلد كانت مسلمة وبها الأزهر .....

وتقولى ربنا بيقدر كده ؟ ليه إذا كنا إحنا مش عارفين نصلى ومش عايزين نعرف نصلى حتى , مين إللى بيذكر علم الصلاة ؟ كله مشغول بالفلوس عايز فلوس بس وعايز يستمتع , لاحول ولا قوة إلا بالله العلى العظيم .

الله المستعان ......

شوف كلمة سبحان آدى أول سياق أهه (  ) آل عمران , 29 القلم ,عليك أنت بتتبعه , و108 الإسراء  .

{ أفأصفاكم ربكم بالبنين واتخذ من الملائكة إناثا إنكم لتقولون قولاً عظيما } { ولقد صرفنا في هذا القرآن ليذكروا وما يزيدهم إلا نفورا } { قل لو كان معه آلهةً كما يقولون إذا لابتغوا إلى ذي العرش سبيلا } { سبحانه وتعالى عما يقولون علواً كبيرا } همّ قالوا إيه ؟ قالوا إتخذ الله ولدا , آدى واحدة , وقالوا إيه كمان ويعبدون من دون الله ما لا يضرهم ولا ينفعهم 18 يونس

( ويقولون هؤلاء  شفعاؤنا عند الله  ) أى بغير إذن الله يعنى يروحوا لربنا كده يفاجئوا ربنا يارب إنت حتعذب دول ؟ ده دول كانوا ناس  كويسين وكانوا تبعى آه يقوم  يتزنق بأه يقول  أنا حاعمل إيه  بأه خلاص ماشى هو ده ظنكم برب العالمين الشفاعة كده بغير إذن الله زى إللى بيحصل عند المخلوق يقول سبحانك عما يقولون علواً كبيراً تسبح له .... ) التسبيح يعنى إيه ده المطلوب فيه عقاب ولما تعرف كلمة سبحان وسياقاتها .

كذلك 143 الأعراف ,

* موسى لما قال ( فلما أفاق قال سبحانك تبت إليك ..) من إيه ؟ لأنه بيقول يارب أرنى أنظر إليك ,لأ مش كيف أرنى لأن أنا لا أستطيع بس مجرد طلب هذا السؤال نوع جرأة من موسى , موسى إعتبر ذلك , إعتبر  نفسه جريئاً على هذا الطلب من هو ؟ إنسان يأكل الطعام عنده بول وغائط (    ) الجبار , سبوح قدوس لذلك قال سبحانك لما شاف الجبل ساخ فى الأرض نزل إندك , راح موسى وقع مغشى عليه فلما أفاق قال ياااه , بأه أنا حجر واحد يجى فى دماغى يخلص علىّ أنا إللى حانظر, ربنا تجلى للجبل حصل كده هو انا كنت حاتحمل ؟؟!!  سبحانك تبت إليك وأنا أول المؤمنين (    ) .....

فشوف سبحانك هنا معناها إيه ؟ معناها إن أنا أقدمت على عملٍ فيه نوع جرأة قلت أرنى أنظر إليك , زى التانى ( قال ألم أقل لكم لولا تسبحون ) طبعاً مع الفارق , هذا نبىٌ كريم , يبقى التسبيح ده لابد أن نفهم معناه .

*وكذلك فى سورة الأنبياء وكذلك فى سورة الصافات ( سبحانك ربك رب العزة عما يصفون وسلامٌ على المرسلين والحمد لله رب العالمين ) .

نريد أن نعرف معنى كلمة تسبيح وسبحان والمادة بأكملها , إن شاء الله نبدأها بعد الصلاة والله المستعان, وأنتم مطالبون أيها الأخوة الأعزاء باجترار هذه المعانى لأن أنا شرحتها فى سورة الجمعة سابقاً وشرحتها فى دروس التثبيت , تقريباً مفيش موضوع إلا وأُدخِلُ فيه مسألة التسبيح والتحميد والثناء والتمجيد ليه لأن الصلاة كلها كذلك ومع ذلك الناس ينسون ولا يدركون خطورة الأمر .

وأذكركم بمقدمة درس اليوم , إيه إللى النبى حيعمله فى المقام المحمود غير الثناء والتحميد والتمجيد والسجود لله سبحانه وتعالى وعزوجل , إيه إللى إنت حتعمله لو أدخلك الله الجنة , نسأل الله تعالى ان نكون من أهلها جميعاً إيه إللى حتعمله ؟حتقول سبحانك اللهم ( وتحيتهم فيها سلام وآخر دعواهم أن الحمد لله رب العالمين ) كما رأينا والله المستعان .

الحق الذى خلقنا من أجله :

نحن نعلم أننا خلقنا بالحق وهذا الحق بينه ابن القيم فى ثلاثة أقسام : أن هذا الخلق صدر عن الحق ثم هو مشتملٌ على الحق , ثم هو إلى غاية هذه الغاية قسمان : غاية تراد منا وغاية تراد بنا , فأما الغاية التى تراد منا فهى: أن نعرف الله عز و جل وإذا عرفناه فعلاً أحببناه وتألهناه فعبدناه فأطعنا رسوله .....

هو ده الموجود فى فاتحة الكتاب ومن هنا هذه الآيات عبارة عن تعرف على الله , ثناء تحميد تمجيد تسبيح كذلك فى الجنة دعواهم فيها سبحانك اللهم , كذلك الملائكة , كذلك المقام المحمود وهكذا , فنحن الآن نتكلم عن التسبيح وأخذنا أمثلةً من كتاب الله وإن كان المثال الذى هو من سورة القلم عن أصحاب الجنة (ألم أقل لكم لولا تسبحون) يكفينا جميعاً أو يكفى كل منا لو تدبره وأحسن فهمه والإستفادة منه .

لماذا يرتكب الإنسان المعصية :

والله صحيح شوف الإنسان بيرتكب المعصية إزاى غفلة وشهوة الإتنين باب الشر , غفلة عن إيه ؟ عن عظمة الله عن رقابة الله ربنا شايفك إنت بتعمل إيه ؟ إنت رايح فين ؟ أنت تحدث نفسك بهذا إنت إزاى رايح تعمل المعصية دى إنت ربنا سامعك الآن لو إنت بتستحضر ذلك فعلاً ستجدك قد توقفت ,

أما وأنك لم تتوقف فمعنى ذلك أنك قد اجترأت على الله وأن تسبيحك لله قد ضعف فغفلت عن رقابة الله لك , شوف التسبيح هنا معناه إيه ؟ يعنى فعلاً أى واحد بيفعل الكبيرة مفروض إنه يتوب ويقول( سبحان ربنا إنا كنا ظالمين ) , إزاى أفعل الكبيرة دى وقد علمت أن الله يسمعنى ويرانى ,

وقد علمت أنى لا أستطيع أن أفعل شيئاً إلا أن يُقدرنى الله عليه( أفمن هو قائم على كل نفس بما كسبت) .

معنى التسبيح والفرق بينه وبين التنزيه :

تعالى كده بأه ناخد معنى التسبيح واحدة واحدة كده , نحاول هى محاولة والله المستعان , التسبيح والحمد والمدح والثناء والمجد نحاول طيب , الأول ناخد التسبيح لأن هو الهام جداً .

أولاً : فيه تنزيه , إيه التنزيه ؟ يعنى طب كلمة نزه أصلها فى اللغة إيه ؟

يقولك نزه : تدل على بعد فى مكان وغيره , يقولك خرجنا نتنزه : يعنى نبتعد عن البيوت والمجارى دى والناس نطلع  فى الهواء الطلق فى وسط الغيطان والحقول نتنزه لأن نزه أصلها فى اللغة : بُعد .

رجلٌ نزيه الخلق : يعنى إيه ؟ طبعاً إحنا بنستعملها غلط ,

إنما معناها رجل نزيه يعنى بعيد عن الدناوة بعيد عن الأخلاق الرذيلة , نزيه الخُلق معناها بعيد عن الشر بعيد إنه يبقى رجل دون وبخيل مش نزيه يفهموها العامة والسوقة ده رجل نزيه معناها المسرف , يبقى بخيل جداً على الناس ومسرف جداً على نفسه وأهله,  يقولك أومال إيه راجل نزيه عمّال يصرف هو ده يبقى نزيه لآ ده النزيه الخلق هو البعد عن الدناءة وعن الخسة, أهو ده النزاهة طيب ,

  طب التسبيح بأه , حيقولك التسبيح تنزيه  , ما هو مش ممكن لابد من وجود فرق  , ده اسمه تسبيح وده اسمه تنزيه لابد من وجود فرق ولابد لك أن تعرفه , قلنا التنزيه معناه : التبعيد , خلاص , سهلة دى ,

إنما التسبيح : فيه حاجة تانية إسمها سَبَحَ أو السبح يعنى فيه السين والباء والحاء دول عبارة عن أصلين فى معجم مقاييس ابن ثابت الأصل الأول : يدل على جنسٍ من العبادة , زى مثلاً يقولك جنس من الحركة ؟ هى الحركة فى القطار, حركة فى الطيارة حركة بالأرجل حركة بالكلام والأذكار أهى دى كلها حركة  , فجنس الحركة أى حركة وخلاص تشتمل على أنواع وأفراد كثيرة , فالسين والباء والحاء تدل على جنس من العبادة ومنها السُبحة مش السِبحة لا, السُبحة : صلاة التنفل , ولذلك الفقهاء يقولك إيه ,* الجمع بين الصلاتين ولا سبحة بينهما يعنى بين الظهر والعصر فى السفر مثلاً , ولا سبحة بينهما , يعنى مفيش صلاة نفل بينهم , يعنى جنس من العبادة طيب , والتسبيح : هو عبادة برضه إللى هو إيه : تنزيهُ الله عن كل سوء ,

وإحنا قلنا التنزيه هو التبعيد مش كده طيب , أنا لسه ماشرحتش , السُبحات ؟ إيه السبحات ؟ حجابه النور , حجاب ربنا إيه ؟

*بين الله عز وجل وبين العرش سبعين حجاباً كما ورد فى الأثر والله تعالى أعلم , لو دنونا منها أو من أحدها لأحرقت سُبحات وجهه ما امتد إليه بصره من خلقه,

فالسبحات يعنى : جلال الله و عظمة الله عز و جل , طيب ,

فى حاجة اسمها الجنس التانى : إللى هو إيه إللى هو جنس من السعى , يبقى السين والباء والحاء بتدل على جنسين : الجنس الأول : جنس من العبادة , والتانى : جنس من السعى ,

ولذلك منه السَبح : إللى هى السباحة وهى العوم فى الماء ,  وهى كما قلنا جنس من السعى طيب إللى بعوم ده ممكن يقف لو توقف عن السبح يحصله إيه , يغرق ويموت , فالربط بين العبادة وبين السعى إللى هو السبح والسبح واحد بيسبح ماشى كلما مضى الوقت إزداد بعده عنا ,

يبقى بمرور الوقت تزداد المسافة ولذلك يقال سبحت الأرض إذا تباعد , يقولك فلان فين ؟ واحد يقولك ده سرح إللى فاهم يقولك لأ ده سبح, سبح يعنى إيه ؟ بَعُد , ماهو التنزيه برضه هو تبعيد , آدى الربط بين التنزيه وبين والتسبيح فيه هنا جنس من السعى لأن السابح بيبتعد ما يتوقفش بإستمرار بيسبح وإلا يغرق ويموت نمرة  إتنين : السابح ده تحت الميه بينفس ولا عايم على الميه ؟ يبقى لازم يكون عالى يبقى فيه شرط وإلا يموت ,

طب واحد يسبح فى شبر ميه ممكن ؟ ممكن تسبح وفيه صخور موجودة ؟ أول ما تيجى تضرب برجلك حتروح واخدة الصابونة بتاعة رجلك مخلصة عليها , يبقى ما يكونش فيه عراقيل ولا صخور ولا كلام من ده , يبقى السباحة معناها : عايم , مستمر فى الحركة , عالى ومتباعد باستمرار ومفيش عراقيل أو صخور , ده فى الشئ المحسوس إللى هو السعى ومنه السبح , شوف إزاى حندخل السبح والسباحة فين فى التسبيح ,

يقولك فرسٌ سابح , إذا كان حسن مد اليدين فى الجرى يعنى ظهره أفقى كأن ظهره خشبة لا بتعلى ولا  بتوطى , فرسٌ سابح أو سبوح لأنه يمد يديه فعمّال برجليه حركة إنسيابية , يعنى حركة متصلة وسهلة وفيه تبعيد  بإستمرار عشان كده فرس سابح  طيب ,

*(و كلٌ فى فلكٍ يسبحون ) إشمعنى يسبحون ؟ لأن الأفلاك تدور وتتحرك بسرعة رهيبة سرعات فلكية لا طاقة لنا حتى بتخيلها إنما هى حقيقة, هل فيه نجم بيصطدم بنجم ؟  هل فيه كوكب بيصطدم بالأرض ؟ يبقى حركة منضبطة وسريعة ودائمة و لا تتوقف , وإنت عارف الأرض لو توقفت عن الحركة تلتصق بالشمس لأن الشمس بتجذبها, والأرض لا تلتصق بالشمس لأنها تدورحول الشمس بسرعة( زى المقلاع ) لمّا تُوقف المقلاع الحجر يقع (    ) فالأرض لو زادت سرعتها تجنح وتميد بكم , إنما لو وقفت الشمس تجذبها مفيش القوة الطاردة المركزية يبقى ( كل فى فلك يسبحون ) معناها حركة مستمرة سريعة منضبطة من غير إصطدامات زى إللى بيسبح من غير إصطدامات ودائم السبح .

*( إن لك فى النهار سبحاً طويلاً ) يعنى إيه سبحاً طويلاً ؟ فلوس وغذاء وسفه السفهاء وخناقات وحاجة تَقطَع القلب , سبحاً شغل , و ده بالنسبة للناس إنما بالنسبة للنبى عليه الصلاة والسلام السبح ده كان فى الدعوة برضه , إنما خلى بينه وبين ربه ,, التسبيح والثناء والصلاة هنا هى قرة عين النبى عليه الصلاة والسلام بتدى له دفعة وطاقة جديدة  فى الليل ( إن ناشئة الليل هى أشد وطأة وأقوم قيلا ) .

إنما أنت فى النهار جاى من الشغل على صلاة الظهر أو صلاة العصر,  تلاقيك واقف فى صلاة العصر بتقول إيه( الحمد لله رب العالمين) الواد بلية زمانه إيه سرق له حتتين من الشغل ولا حاجة ( الرحمن الرحيم مالك يوم الدين ) الله الكهربا حتزيد ؟ لأن الشهر ده  ,,, المفروض أخلص الصلاة بسرعة ,,, وتلاقيك بتقول آآآآمين وكل ده شغّال جواك , ( إن لك فى النهار سبحاً طويلاً ) شغل و شغل إيه مابيقفش دوامة , بس النبى عليه الصلاة السلام شغل دين إنما أنت شغل دنيا ومفيش توقف .

(    )  كل ده اسمه سبح , إحنا عايزين نشوف التسبيح معناه إيه بعد الأصلين دول .

*وكذلك فى قوله تعالى( والسابحات سبحاً ) تعالى بأه شوف التسبيح كده يعنى إيه ؟ يعنى تبعيد مستمر يعنى تنزيه بس تنزيه إيه ؟ متقولش تنزيه بس لأن إحنا قلنا السباحة , شوف الفرق بين التنزيه وبين التسبيح إن التسبيح عبارة عن تنزيه لا يتوقف والتنزيه ممكن يتوقف خرجنا نتنزه شويه ورجعنا تانى رجل نزيه الخلق لكن ممكن(   ) يقل بأصله ,

إنما الاستمرار فى التبعيد هو ده اسمه التسبيح زى ما قلنا من السباحة , يبقى خالى بالك , تنزيهٌ لله عز و جل عن أى غلط أى خطأ أى شر أى نقص أى آفة أى عيب , مش ممكن ربنا تيجى منه العيبة أبداً استحالة أن ينسب الشر إلى الله ,

خلاص , بس التبعيد ده النهاردة بس ؟ وتيجى بكرة تقول لألألأ بأه ده ربنا زودها أوى والشيطان يقولك الله إيه ده ؟! لآ,,,التسبيح معناه تنزيه مستمر ولو وقفت تروح فين ؟ تغرق ده غير إنه إللى يقطع التسبيح فى نار جهنم على طول مفيش أى تفاهم هنا ,  شوفت بأه إللى بيسبح لو توقف عن السباحة حيغرق وينزل تحت الميه بدل ماكان راكبها وعلى هدى وبتاع ,

كذلك هنا التسبيح ( فلولا أنه كان من المسبحين ) يعنى تنزيه مستمر ومفيش حاجة تقف فى زورك أبداً .

أمثلة على توقف التسبيح والعياذ بالله تعالى :

زى إللى يقولك الله , آه ربنا على كل شئٍ قدير وكل حاجة آه ماشى وبعدين ؟طب يعنى مريم دى بس ولدت إزاى ؟ دى إللى وقفت فى زوره أهى دى صخرة إصطدم بيها أهه إنت كنت من شوية بتقول على كل شئٍ قدير وربنا علام الغيوب وعظيم وهو إللى خلق كل شئ , طب ثناء , طب إمشى عدل بأه , يقولك  إزاى إتولدت من غير أب إزاى بس تيجى إزاى دى عايز أفهمها أنا دى ؟  

ياسلاااام, هو إنت أبوك عمل إيه فيك يعنى ده أبوك كان بيتكيف ومش فاهم أى حاجة ولا شايف أى حاجة ولا عارف إنت حتُخلق ولا حيبقى إسمك إيه ولا أنت ولد ولا بنت ولا حتموت ولا حتعيش , كان يقضى وطره من امرأته وبس هى المسألة أبوك بيعمل إيه ؟؟!! هى نصف خلية الأب عليه نصف خليه والأم نصف خلية برضه زيه  إللى هى البويضة بيحصل تزاوج بين نصف الأمشاج 23زواج بيتموا فى الخلية إللى هى نصف الأمشاج إنما هى نطفة الرجل ونطفة المرأة 23جسيم فى المرأة , إتنين إتجوزوا بعض طيب يبقى الكلام ده لما بيحصل يبقى الرجل مطلوب منه نصف خلية دى إللى وقفت على ربنا إنت بيُخلق فيك كام خلية فى اليوم مش عارف كام ألف مليون كل  يوم , بقى إللى حيعجز ربنا نصف خلية يعنى هى دى صعبة على ربنا يقولك أنا مش عارف بس يجى من غير أب إزاى يبقى ده إصطدم بشبهة عنده بجهله فتوقف عن التسبيح فغرق فخُلد فى النار .

شوفت بأه الكلام ماشى إزاى آدى معنى التسبيح , معناه من غير صخور أوعى تصطدم وإنت بتسبح كن سباحاً ماهراً.

*يجى الجماعة العلمانيون وشياطين الأنس والجن( يوحى بعضهم إلى بعضٍ زخرف القول غرورا ) وكل واحد فيهم يجى يقولك شبهة يقولك الله هو النبى عليه الصلاة والسلام عمل كده ليه  ؟ هو إدّا إبن عمه كده ليه وإبن عمته فضّله على الراجل إللى خلّلاه كفر لما يقول (   ) إبن عمتك والنبى عمل كده ليه وتجد شئ جواك كده , ياسلآااام, الكلام ده معناه إنك مش مسبح لله , تسبيح الله يقتضى أن يُبرأ رسله من العيب ولذلك ( وسلامٌ على المرسلين ) ( قل الحمد لله وسلام على المرسلين ) سيأتى إن شاء الله بيان ذلك .فشوف التسبيح معناه تنزيه مستمر مايصطدمش بصخرة  يعنى لا يصطدم بأى شبهه ,

* واحد يقولك الله ,, والله فى الحرب أيام 67فى الحرب إللى كانت بينا وبينهم وكان المجرم الطاغوت الذى قتل شهيد الإسلام فى العصر الحديث الشيخ سيد قطب والذى بدل الشرائع والذى قتل الأزهر وفعل كل شئ المسمى بالزعيم الخالد عبد الناصر وهو خالد فى النار بإذن الله لأنه بدل شرائع الله وفعل كل شئ لقد أخر كل الأمة وستعلمون يوم القيامة إيه إللى عمله الراجل ده ,

فلما إنضربنا فى 67 يقوم يجى واحد من إللى بيصلّوا بس جاهل وعمّال يعيط وسخن وبتاع وقعد معايا والله فاكرها كما نحن الآن يقوم يقوللى أنا متهيألى كده إن ربنا نايم ( استغفر الله العظيم ) آه والله حصل .  

أنا بقولك شوف التسبيح وقف هنا إزاى إصطدم بصخرة أهه , عشان ما تقولش اليهود يغلبونا إزاى يضربونا كده إزاى ؟ عشان هو جاهل مش دريان بالسنن الربانية , مش عارف إن شريعة ملك الملوك ملغاة وإللى بيحكمنا شرائع واحد ميت نتن نجس إللى هى شرائع نابليون وميت بقاله 200 سنة خايفين منه ليه مش عارف , حتى الآن بنقسم به واخد بالك ,

قال نايم قال ,لا حول ولا قوة إلا بالله العلى العظيم , إنا لله وإنا إليه راجعون تعالى الله عما يقول الظالمون والنائمون علواً كبيراً ......

شوف التسبيح معناه تبعيد لا يتوقف ومايصطدمش بأى شبهة مهما كانت الخطوب , الإنسان ممكن يجى له زلزال وحصل ومع الزلزال زوجته جالها سرطان ومع السرطان حملت ولازم إيه ومش عارف إيه100مصيبة إتجمعوا فى وقت واحد ممكن يعمل إزاى ,, خف بأه يارب مش كده ,, أستغفر الله العظيم , ما هو ده معناه إنه مابيسبحش , أنا بديك أمثلة هو ده إللى حاصل ما هو ده معناه انه ميعرفش يعنى إيه تسبيح ,

*والله العظيم الجماعة بتوع الدويقة كانوا يعملوا إزاى ؟! يجى المطر وينزل ومتخذ قطع من أقمشة وخيام والميه نازلة على الخيمة ونازلة على الدولاب يقوم يطلع بره ويقوم يقول إيه خف بأه خللى عندك إيه ,, يقوم يعمل كده آه والله ,, أنا ببين لك بس مدى رداءة الناس جيل العار إللى إحنا عايشنه ده . وببين لك إيه الشبهات إللى بتحصل ......

الإنسان لما بيحصله مصيبة بيضعف إنما طول ما أنت فى التكييف والمراوح شغالة والفلورسنت والعشى بتاعك جاهز وتحط رجل على رجل والتلفزيون شغّال تتفرج على راقصة ولا بتاع تقول يا سلام ده ربنا خيره كتير عظمة ..

إنما أول ما يحصل بأه الضرب ولا بتاع يقول يآآآآه النهار إللى مش حيعدى يادى السواد إللى جاى ويقعد ويقولك ربنا غفور رحيم وتبص له كده ومش قادر يكفر بعنى طب ما أنت كفرت لسه حاتكفر إنا لله وإنا إليه راجعون ,

فالتسبيح معناه إن ربنا لا يمكن يغلط أبداً مش ممكن ولا يجى منه العيبة أبداً ولا يقصر فى شئ ولا يخالف أسمائه وصفاته استحالة أن الشر ينسب إلى الله .

الشر لا ينسب إلى الله ولكن إلى مفعولات الله :

أى شر موجود فلانعدام نسبته إلى الله , ولكن نُسب إلى مفعولات الله , حيقولك حنخش بأه فى اللغة العربية لآ مش لغة عربية بس سهلة ,

يعنى الشر يا إخواننا خلقه الله , مين اللى خلق الشر؟ فيه حد بيخلق غير ربنا ؟  خلقه الله إنما ينسب إلى الله شر ؟  لأ , ليه ؟

لأن الله سبحانه وتعالى لما خلق الحية فلحكمة يبقى من ناحية الخلق , الكمال كله , ولما خلق  الكافر فلحكمة ولما فعل له الرحمة والرزق وكذ و كذا , والاستدراج في الدنيا فكل ذلك لحكمة فهو الحق والعدل والفضل ,

أفعال الله دائرة بين العدل والفضل والحكمة يبقى لا يمكن يكون فيها نقص بحال إنما الكافر نفسه هو مفعول لله يبقى ربنا خلق الكافر ويرزقه ويعطيه كذا و كذا , فخلق الله وفعل الله ليس إليه شر أبداً بحال من الأحوال .

( قل أؤنبئكم بشرٍ من ذلكم النار,,, ) النار شر ولا مش شر ولا خير ؟ ! إنما مين إللى حيُحاسب بالشر ده ؟ المجرمون يبقى ده عدل ده ولا ظلم ؟ طب والعدل ده شر؟ لأ , يبقى لما نسبت إلى الله ما بقتش شر إنما لما تنسب إلى مفعولات الله هنا حتبقى شر ( قل أؤنبئكم بشرٍ من ذلكم النار,,, ) لأن هى شر بالنسبة للكافر, حتقول لى خير!!! خير إيه بأه !!, شر بالنسبة للكافر إنما بالنسبة للعدل فهى عدلٌ مطلق ولذلك فهى إذا نسبت إلى الله فهو الكمال يبقى الله سبحانه وتعالى لاينسب إليه الشر بحالٍ من الأحوال وإنما الشر فى مفعولات الله ,أنت مفعول لله , إنت بتعمل شر, إزاى ربنا يسيبك تعمل شر ؟! لحكمة إيه الحكمة ؟ الإبتلاء ,( فمن شاء فليؤمن ومن شاء فليكفر ) والجنة والنار وإحكام الخلق جُملةً , فلما تيجى تقوللى ربنا سبحانه بيغلط ؟ ,, لأ مابغيلطش .

استنباط الحِكم من أفعال الله تعالى :

تقول لى البوسنة والهرسك , دى سنن ربانية , عدل وحكمة ورحمة موجودة , من رحمة الله بأهل البوسنة والهرسك أن قدر لهم هذا الهجوم .

من 50 سنة وبيحصل تزوج بين المرأة المسلمة وبين اليهودى والنصرانى فى البوسنة والهرسك بنسبة كام ؟30% , تتزوج المرأة المسلمة من اليهودى والنصرانى, فلما قامت الحرب قام النصرانى على الصربى ففعلا أى شئ ؟ قاما و أخذا مصوغاتها وممتلكاتها وملابسها ثم أسلمها للصربين يفعلون بها ما يشاؤون لأنها أصلاً كانت مسلمة ,مع أنها تركت إسلامها عندما تزوجت هذا الكلب  .

شوفت المسألة جاية إزاى , فكون الله , تقول إزاى ربنا يدبر اليهود و النصارى يعملوا كده فى المسلمين والإعتداء على الأعراض والنساء والبنات , ياسلااام إذا كان هم تركوا النساء يتزوجن من اليهود والنصارى جاى حتحاكم ربنا تقوله إزاى ليه يا ربنا تقدر كده ؟ ومع ذلك فليس عدلاً فقط قدره هذا , وإنما هو عدلٌ ورحمة ولا لأ ؟ لأنهم عادوا بذلك إلى الإسلام , لو قعدت توعظ فيهم مليار سنة بعد الحال القطران إللى كانوا وصلوا إليه ماكانش حيرجعوا وهم إللى قالوا كده , إنما لما جه الظرف ده فكان بحكمة الله .

ولم يموتوا بعد ولهم إنتصارات رهيبة برغم أن العالم كله تحزب عليهم وأول من تحزب عليهم حكام المسلمين , نسأل الله عزو جل أن يُريَنى فيهم يوم نحسٍ مستمر , يبقى ده مش عدل متقعدش تقول يارب ليه ؟ لآلآ ده التسبيح ده معناه تنزيه مستمر لايقف ولا يصطدم بأى حاجز , أى حاجة تحصل تبقى عارف أن الخير كله لله وأن الشر لمفعولات الله لمخلوقات الله ,

ولا ينسب ,,,( ظهر الفساد فى البر والبحر بما ,,, فعل الله ؟؟!!! ولاّ بما كسبت أيدى الناس ؟ خلاص يبقى التسبيح ده يتوقف كفاية كده ولاّ مستمر على طول , آدى معنى التسبيح : تنزيه بغير توقف مهما كانت الأحداث ومهما كانت الأمور , هو ده التسبيح فهمنا الكلام ده ؟

إسقاطات على حياتنا العملية :

ضربت مثالين أو تلاتة إنما إنت عليك فى كل  حياتك لما الأمور تزداد قتامة والمصائب والعيال بيسقطوا والولد  بينضرب وده يُظلم وده يسجن تكون إنت إيه ؟ ثابت الجأش مسبحاً لله لما يجيلك مصيبة تقول إيه ؟ ( إنا لله وإنا إليه راجعون ) يعنى إيه إنا لله ؟ يعنى أنا مِلكٌ لله  طب ربنا سبحانه وتعالى لما  يحكم فى ملكه يبقى ظلم ؟ بس إنت ناسى نفسك إنت فاكر نفسك إله إنت عبد وحتنسى نفسك , تنسى نفسك ليه ؟إنت مجرد عبد مملوك مفيش فى إيدك أى حاجة , هو كون ربنا سايب لك شوية وعفا عنك شويه ومنجهك شوية  تنس نفسك ؟ تقول إنا إيه ؟ يأخذ بصرى يأخذ سمعى يأخذ ولدى يأخذ إمرأتى يبتلينى بكذا كذا كذا , ثم ( وإنا إليه راجعون ) يعنى أى مصيبة أصابتنى فحيدّينى أجرها مليار مرة , فمفيش حاجة حتضيع علىّ ولا حاجة , هو ربنا بيضيع أجر المحسنين , ( واصبر فإن الله لا يضيع أجر المحسنين ) شوف الصبر والأحكام هنا. طيب .

يبقى المراد هنا أن الإنسان يكون دائم التسبيح يعنى إيه التسبيح ؟ التنزيه الذى لا يتوقف ولا يصطدم بحادثة أو بمصيبة بشبهات يعنى فى القدر أو فى الشرع , القدر الأحداث البوسنة والهرسك , الزلزال إللى دمرك إللى قطع وسط إبنك إللى عمل كذا , أقدار بأه أوصحتك أو إللى جالوا فشل كلوى يقول يارب بأه كده أهه , أو إللى جالوا القلب ومش عايز يبتدى بأه إيه؟؟؟ لآ , التنزيه ده إيه ؟ لله مستمر ولا حيقف ؟ ده إسمه تسبيح ده أنت مسبح عيب ماتتوقفش , ده بالنسبة للقدر .

الجانب الشرعي :

* وبالنسبة للشرعى لما تلاقى آية ماأنتاش فاهمها الشيطان يقولك آدى القرآن ياعم فيه لخبطة كتير أهه تروح دى فين بأه وتروح فين بأه الآية إللى إنت سمعتها يقولك آه دى الجماعة النصارى باين إنهم على حق ولا إيه ولا أقولك خلينى ياعم ساكت يا عم (  ) ده صخر بيصطدم بيه فى الشرعى ,

*ويقرا حديث الرسول عليه الصلاة والسلام مايكونش فاهمه زى حديث الذبابة يقولك ياه بأة الذبابة لو وقعت فى اللبن فى اإناء أقوم أغطسها كده وأشيلها إيه القرف ده ياعم ده وبتوع ألمانيا يقولك الحضارة فين والعلمانيون الكفرة الخونة الكلاب إللى مش عايز أقول أبناء الكلاب إللى موجودين فى بلادنا بيتهكموا على السنة تهكماً فظيعاً فى مثل هذه الأمور,

وحديث الصحيحين النبى عليه الصلاة والسلام الذبابة لما تقع وتسقط فى الإناء أو فى اللبن أو فى الماء تقوم تغطسها وتطلعها لأن فى أحد جناحى الذبابة فيه داء والآخر فيه دواء الله , ما هو الكلام ده أُكتشف طبياً وحديثاً وفيه من دلائل النبوة لكن افرض إنك ما إكتشفتش الكلام ده ,

معنى سلامٌ على المرسلين :

لكن الكلام ده ثابت عن الرسول عليه الصلاة والسلام طب إنت تسبح الله ولذلك يقولك (وسلام على المرسلين ) وبعدين يُقرن السلام على المرسلين بسبحان ومرة بالحمد , لسه مافهمناش الحمد , تقول الحمد لله وسلام على عباده الذين اصطفى ومرة يقول :( سبحان ربك رب العزة عما يصفون وسلامٌ على المرسلين ) يعنى شوف إللى بيصفوا بيه الله , ده فيه بُعد رهيب بين إللى بيصفوا بيه ربنا وبين ربنا سبحانه وتعالى فالبعد ده أد إيه 10متر ولا كام كيلو متر, ولا كام مليون كليومتر تبعيد بأه تبعيد حيتوقف ؟ له نهاية ؟ ما لوش نهاية هو ده التسبيح يا اخواننا ,



(سبحان ربك عما يصفون وسلامٌ على المرسلين ) سلام على المرسلين من إيه ؟ الله يسلم المرسلين يقولك الله يسلمك, يعنى من الأمراض والفقر والغم وضعف الدين والقطران والنار يسلمك من كل شر دنيا وآخرة ؟

طب وسلام على المرسلين , يبقى تسليم المرسلين من أى شئ ؟ من كل ما رماهم به عدوهم ,

طيب أى شئ عدو الرسول يرمى به الرسول يكون إتهام للرسول ولاّ للذى أرسله ؟ للذى أرسله ,  يبقى ربنا لما يسلم المرسلين معناه أنه يسلم رسالاتهم وكلامهم وكل ما جاءوا به إذن أى شئ جاء به الرسول فهو الحق ,

  يبقى لما يقولك الذبابة وقعت فى الإناء غطسها وبعدين اشرب مايهمكش , يعنى أوعى تتهم الرسول لو إتهمت الرسول يبقى إتهمت الذى أنزل عليه هذا الكلام إذن توقفت عن التسبيح زى واحد عايم بس رجله خبطت فى صخرة فقال آى فتوقف عن التسبيح فغرق فمات ,زى السفينة إللى خبطت  انفجرت غرقت ماتت ,

الرسول قال آه يبقى صح ولا لأ ؟ أيوة صح وحق ولا لأ ؟ أيوة حق , واحد يقول بس أنا نِفسى , هو الرسول عليه الصلاة والسلام أرغمك على شئ ؟!

بيقولك إن أردت أن تستعمل هذا الشراب إللى وقع فيه الذباب مش بيفرض عليك هذا واخد بالك ,

إنما لو كنت إنت عندك مرض فيه ناس عندها مرض الوسواس وما عندهمش البركة منزوع البركة لو إن واحد غير زوجته مسك بطاطساية مايكلهاش أبداً آه فيه ناس كده, والله وهذا مرض ده كمرض مش ميزة , لكن الذبابة نزلت وإتشالت آه يقرف ما نرغمكش على هذا  ...

لكن ما تتهمش الرسول عليه الصلاة والسلام إنه بيقول كلام منافى للحضارة لأن إتهامك للرسول إتهام للذى أرسله , لأن الله عندما سلم رسله فإنما سلم رسالاتهم وسلم كلامهم من أى نقصٍ أو عيب ( وسلامٌ على عباده الذين اصطفى ) مش ممكن الرسول يجيب حاجة وتطلع غلط , مش ممكن الرسول عليه الصلاة والسلام .

مثال واضح على سلام المرسلين ( محمد عليه الصلاة والسلام ) :

ولذلك الرسول قال إيه قال الراجل ده فى النار, مين الراجل ده ؟ كان أشد المسلمين غناءاً عنهم  , عن الإسلام والمسلمين  , يعنى واحد فى القتال بطل مغوار ومات والرسول عليه الصلاة والسلام  يقولك هو فى النار , هو كان لسه مامتشى ,

وجد كثير من الأصحاب فى نفسه , طب لو إحنا بأه بأدبنا الجم المعهود كنا قلنا دى بزرميط خالص , حاشا لله إن يبقى الكلام ده , إنما مستوانا ,

فالرسول عليه الصلاة والسلام يقولك فى النار واحد قاتل قتالاً عجيباً فى صف المسلمين طب فى النار إزاى ؟ يقوم الصحابة يتسللوا ويحاولوا إنهم يعرفوا الراجل ده حكايته إيه ؟ شئ مزعج , فيجدوا الرجل لم يتحمل الألم  , السيف إللى جاله والدم إللى نازل مش قادر يتحمل , فبدلاً من أن يثبت ويصبر حتى يلقى ربه , ما هو ده التثبيت , لم يُثبَّت ( يثبت الله الذين ءامنوا فى الحياة الدنيا وفى الآخرة ويضل الله الظالمين )  . فهو ظالم فلم يثبته الله فألقى بسيفه ثم أهوى عليه بصدره فالسيف دخل فى صدره فمات , فلما أخبروا الرسول عليه الصلاة والسلام ابتسم النبى وسُرّ سروراً بالغاً وأمر بلال فقال : قم فأذن فى الناس وقال : لا يدخل الجنة إلا مؤمن أو هكذا , أنا أذكر الرواية بالمعنى لأنى لا أذكر متنها على الكمال فيبقى ,,

( لا يدخل الجنة إلا مسلم ) يعنى لابد أن يكون مسلماً لله عزو جل مش مجرد إنه قاتل أو أو ,, لآ ,,,الإسلام يعلمه الله وقال : (أشهد أنى رسول الله ) والرسول سُرّ سروراً ليه ؟ لأن عدداً من أصحابه كاد أن يهلك , لأن الرسول بيقول كلام وأنت مسبح لله إذن لابد أن تنزه الرسول من أى غلط وتنزه الرسالة من أى نقص, تسبيح لله وتنزيه للرسالة والتنزيه معناه تنزيه مستمر , وسلام على المرسلين هى نفسها قل الحمد لله وسلامٌ على عباده الذى اصطفى شوفت التسبيح بقى معناه إيه ؟

تنزيه تبعيد بين الله وبين الشر . يا ترى ربنا كان خلاص حيعمل الشر ده يعنى بين ربنا وبين الشر مترين لآ ده تبعيد مستمر يبقى كام كيلومتر ؟ ما لا نهاية ما لا نهاية وتستمر فى ذلك وتستمر فى إثبات ذلك , آدى معنى يا اخواننا التسبيح .

معنى الحمد لغةً واصطلاحاً : والفرق بينه وبين المدح .

طيب إيه الحمد وإيه المدح وإيه الثناء وإيه المجد ,لأن التسبيح لا ينفصل عن الحمد ,

أولاً : فيه حَمِدَ وفيه مَدَح , إيه الأحرف بتاع حَمِدَ ؟ الحاء والميم والدال وإيه الأحرف بتاع مَدَحَ برضه الحاء والميم والدال مع إختلاف الترتيب فهذا يسمى إشتقاق أوسط يعنى الدايرة إللى بتجمعهم دايرة متوسطة إنما لو مَدَحَ وبعدين مدحٌ فيه إشتقاق أصغر لأن الدائرة صغيرة جداً لأن إيه مَدَحَ وإيه مَدحٌ ده فعل وده مصدر إنما الكلمة دى غير دى , زى مثلاً إيه صَدَقَ و صِدقٌ, طب ما هو ده برضه إشتقاق أصغر إنما تقول مدح وحمد ده اشتقاق أوسط يبقى فيه معنى قريب جداً بين المدح وبين الحمد لكن المدح غير الحمد ,

المدح أصله : أصلٌ صحيح يدل على وصف محاسن الغير بكلامٍ جميل يعنى الشعراء مداحون ( إحثوا التراب فى وجوه المداحين) معناه أن يقولك أنت وأنت وأنت حتى لو كان الكلام ده فيك هو يقصم ظهرك بذلك , بس أنا باتلكلم عن المعانى اللغوية الآن , يبقى المدح معناه إنك تصف الغير بمحاسن , ممكن تصفه بالمحاسن ولاتحبه كما يصف الإنسان عدو له , يقولك ده إسرائيل ده ولاد كذا ده عنده ده النظام هناك إيه والديمقراطية إيه والحياة إيه , والمصانع شغالة إيه والعيال فى المدارس إيه والتفكير بتاعهم ,,و عمّال تمدحهم ولا لأ؟ هل ده حمد ولاّ مدح ؟ مدح طبعاً, لأن الحمد : كلمة واحدة وأصل واحد يدل على خلاف الذم .

فلما يقال رجل محمود ومحمد إذا كثرت خصاله المحمودة غير المذمومة , إيه الفرق بينهم بأه ؟ إن المدح خبرٌ مجرد لما تقول إسرائيل فيها كذا وعندها قوة كذا يبقى ده مدح يبقى ده خبرٌ مجرد ,إنما الحمد معاه حب وتعظيم ونفى للنقيض يعنى الحمد ده معناه إنه معندوش شئ مذموم ومن أجل هذا سمى محمد عليه الصلاة والسلام حتى قبل أن يبعث التسمية كانت كده مفيش عنده حاجات مذمومة عنده , آدى معنى محمد يستحق يحمد إيه يعنى يحمد ؟ يعنى مفيش ضدها غير المدح , أصفه بشئ وهو عنده مضاده  ونواقض كثيرة يبقى المدح خبر مجرد ولو كان عدو لك , إنما الحمد معناه صفات محاسن برضه ولكن مع حب وتعظيم , آدى الحمد ,

يبقى الحمد معناه محاسن ووصف الغير بمحاسن بشرط فى القلب حب وتعظيم , لما تقول الحمد , أل بالألف واللام الحمد يعنى كل المحاسن الجميلة لمن ؟ لله  لآدى معنى الحمد لله ,يعنى كل الكمال لمن ؟ لله خلاص , يبقى كل الأسماء الحسنى لمن ؟ لله , وكل صفات الكمال لمن ؟ لله , كل نعوت الجلال لمن ؟ لله , كل الأفعال المشرفة لمن ؟ لله , كل الطيب لمن ؟ لله التحيات لله والصلوات والطيبات كل ده لمن ؟ لله  ,

لما تقول الحمد يبقى كل المحامد مش المدائح لأ كل المحامد لله يعنى كل المدائح لله بشرط إن مفيش نقيض لها لأن ربنا معندوش نقص أبداً وبشرط إن أنا أحبه من أجل هذه المحامد , وبشرط أنى أعظمه من أجل هذه المحامد , يبقى لما تُثبت الحمد لله نفيتَ الشر والنقيض , ولما تنفى الشر والنقيض تبقى أثبتّ المحامد والتسبيح معناه نفى لكل النقائص والعيوب وتنزيه أى تبعيد مستمر لكل النقائص والعيوب عن الله , ده اسمه النوع الأول للثناء , إللى هو التسبيح والتنزيه  .

والنوع الثاني إللى هو التحميد والتمجيد , إيه التحميد؟ : إثبات صفات الكمال لله مع محبة وتعظيم وقلنا الحمد أصلاً إللى هو ضد الذم يعنى لا يمكن يكون فيه مذمة ضد الحمد إللى إنت أثبتّه لله يبقى لما حمدت الله نفيت عنه المذمومات والشر والمعائب والنقائص , يبقى سبحته يبقى الحمد بيتضمن تسبيحاً . ( إلى هنا انقطع الشريط )( انتهى الشريط الرابع بفضل الله تعالى ومنه وكرمه )



[

#56 المشتاقون إلى الجنة

المشتاقون إلى الجنة

    زهرة متفتّحة

  • العضوات الجديدات
  • 11 مشاركة

غير متواجدة

نقاط الإعجاب: 0


تاريخ المشاركة 19 April 2010 - 12:21 PM

العنوان:الدرس الخامس عشر من دروس الصلاة



# تمـ ارفاق المحاضرة بملف #

ملفات مرفقة

  • ملف مرفق  15_slah.doc   150كيلو   1098 عدد مرات التحميل

تم التعديل بواسطة ~ عدن ~, 19 April 2010 - 04:14 PM.


#57 (سجى الليل)

(سجى الليل)

    مسؤولة ورشة التفريغ

  • المشرفات
  • 8508 مشاركة

غير متواجدة

نقاط الإعجاب: 65


تاريخ المشاركة 19 April 2010 - 04:24 PM

السلام عليكــم ورحمـة الله وبركاتــة ،،

مربحا بكِ معنا اختنا الكريمة المشتاقون إلى الجنة في المنتدى وفي الورشة

بارك الله في جهدكِ ولا حرمكِ الله الأجر

بالنسبة لتفريغ الشريط الرابع عشر فهو للشريط الرابع وليس الرابع عشر وقد قامت الأخت الفاضلة أمة الملك60 بتفريغه بالفعل

اما الشريط الخامس عشر فقد قمنا بوضعه في ملف وورد لحفظه وتم وضعه كمرفق

لكن برجاء إعلامنا هل تقومين بالتفريغ انتِ أم تقومين نقله؟

لأن الاخت أمة الملك 60 تقوم فعليا بالتفريغ للشيخ ولا نريد أن يضيع الجهد في تفريغ نفس المحاضرات

وفقكِ الله لكل خير




#58 أمة الملك 60

أمة الملك 60

    عضوة نشطة

  • العضوات
  • 201 مشاركة

غير متواجدة

نقاط الإعجاب: 0


تاريخ المشاركة 21 April 2010 - 01:00 AM

السلام عليكن جميعاً ورحمة الله وبركاته ,
مشرفاتى الغاليات جزاك الله خيراً كثيراً وبارك لكن فى دنياكم وأخراكم .
ووالله اعلم غن الإعتذار حتى لا ينفع فقد تاخرت كثيراً فى إرسال تفريغ المحاضرة الحادية عشرة ,
وعندما دخلت الان لأضعها وجدت رسالة رقيقة من الأخت عدن, وكذلك وجدت مجهود للأختين الفاضلتين: دلال قدسي, المشتاقون إلى الجنة. وجزاهن الله خيراً.

#59 أمة الملك 60

أمة الملك 60

    عضوة نشطة

  • العضوات
  • 201 مشاركة

غير متواجدة

نقاط الإعجاب: 0


تاريخ المشاركة 21 April 2010 - 01:15 AM

مشرفتى الفاضلة: (سجى الليل)
بارك الله فيكِ ورزقك الفردوس الأعلى,
عندما احاول رفع الملف الان لا يستجيب الموقع!!!
وإن شاء الله أحاول مرات ومرات حتى يستجيب, واعتذر مرة اخرى عن التأخير, ولكن حضرتك عارفة غن كنت مستأذنة.
وكنت احب أن أقوم بتفريغ هذه السلسلة بالذات وحدى, ولكن سأمهل نفسى فى الرد على ذلك حتى أًعيد ترتيب نواياى.
بارك الله فيكن ميعاً والله أسأل ان يجمعنا فى جنته؛ برحمته وفضله ومنه وكرمه .

تم التعديل بواسطة أمة الملك 60, 21 April 2010 - 01:16 AM.


#60 (سجى الليل)

(سجى الليل)

    مسؤولة ورشة التفريغ

  • المشرفات
  • 8508 مشاركة

غير متواجدة

نقاط الإعجاب: 65


تاريخ المشاركة 21 April 2010 - 02:40 PM

اقتباس

السلام عليكن جميعاً ورحمة الله وبركاته ,
مشرفاتى الغاليات جزاك الله خيراً كثيراً وبارك لكن فى دنياكم وأخراكم .
ووالله اعلم غن الإعتذار حتى لا ينفع فقد تاخرت كثيراً فى إرسال تفريغ المحاضرة الحادية عشرة ,
وعندما دخلت الان لأضعها وجدت رسالة رقيقة من الأخت عدن, وكذلك وجدت مجهود للأختين الفاضلتين: دلال قدسي, المشتاقون إلى الجنة. وجزاهن الله خيراً.

وعليكم السلام ورحمة الله وبركاته

حياكِ الله أمة الملك الحبيبة

اشتقنا لكِ :) يارب تكوني في أفضل حال

لا عليكِ غاليتي في التأخير فأنتِ فعلا راسلتيني بخصوص هذا الموضوع

وجزى الله الأختين المشتاقون إى الجنة ودلال مقدسي خيرا


مشرفتى الفاضلة: (سجى الليل)
بارك الله فيكِ ورزقك الفردوس الأعلى,
عندما احاول رفع الملف الان لا يستجيب الموقع!!!
وإن شاء الله أحاول مرات ومرات حتى يستجيب, واعتذر مرة اخرى عن التأخير, ولكن حضرتك عارفة غن كنت مستأذنة.
وكنت احب أن أقوم بتفريغ هذه السلسلة بالذات وحدى, ولكن سأمهل نفسى فى الرد على ذلك حتى أًعيد ترتيب نواياى.
بارك الله فيكن ميعاً والله أسأل ان يجمعنا فى جنته؛ برحمته وفضله ومنه وكرمه .


لارك الله فيكِ حبيبتي

أحيانا حبيبتي يرفض الموقع التحميل فرجاء حاولي مرة أخرى وإن لم يفلح فرجاء ارفعيه على موقع رفع ونحن نستلمه منه بإذن الله

ومنتظرين ردكِ إن شاء الله