اذهبي الى المحتوى
ساره أم حمزه

اكل الرضيع

المشاركات التي تم ترشيحها

السلام عليكم

ممكن تعلموني الرضيع لما يبدأ يأكل عند ست شهور

يأكل ايه والكمية وكم مره في اليوم والطريقه

وهل بياخد حاجه قبل الست شهور غير الرضاعه

بياخد سيرلاك مثلا؟

جزاكن الله خيرا

شارك هذه المشاركه


رابط المشاركه
شارك

وعليكم السلام ورحمة الله وبركاته

 

حياك الله سارة الحبيبة

أسأل الله أن يعينك على التربية

 

هذا موضوع شامل أتمنى أن ينفعك

https://akhawat.islamway.net/forum/index.php?showtopic=329139

شارك هذه المشاركه


رابط المشاركه
شارك

امين واياك مشرفتي

جزاك الله خيرا

لكن الصور مش راضيه تفتح لي

بيقول خطأ انا ع الموبايل

ابني عنده اربع شهور وبيرضع طبيعي وصناعي

لان الطبيعي قليل مش بيشبعه

يبدأ اكل من ست شهور ؟

شارك هذه المشاركه


رابط المشاركه
شارك

سارة اصبري قليلا حتى تتحمل لك الصور على الصفحة لأنك ستستفيدين أكثر عند رؤيتها.

بالنسبة لابنك أنت ترين ما هو المناسب له.. لاحظي إن كان يشبع أم لا من خلال رضعاته طوال اليوم أم يطالب بالمزيد

عموما أولادي عودتهم على الأكل في الشهر الرابع

وأكلهم يكون عبارة عن خضر مهروسة وفواكه كذلك.

شارك هذه المشاركه


رابط المشاركه
شارك

هي ظهرالي انها تتحمل مش عارفه

قررأت ان الدكاتره بيقولوا السادس احسن لما يعرف يجلس ويسند رأسه

لان الرابع بيكون البلع والبلعوم ضعاف ممكن يتخنق

شارك هذه المشاركه


رابط المشاركه
شارك

نعم رأي الدكاترة مختلف في هذا الأمر

دعيه اذن حتي يبلغ الشهر السادس بإذن الله.

شارك هذه المشاركه


رابط المشاركه
شارك

وعليكم السلام ورحمة الله وبركاته

 

كيف حالك يا سارة (:

أسأل الله أن يبارك لكِ في ابنكِ ويحفظه من كل سوء

 

الأفضل صحيًا للرضيع أن يبدأ بالأكل عند الشهر السادس

ويكون الأكل عبارة عن السيريلاك

ابدأي بوجبة واحدة في اليوم أولًا حتى يعتاد عليه

وبعد الشهر السابع أطعميه الزبادي والخضر المهروسة وصفار البيض

وممكن كبد الدجاج

شارك هذه المشاركه


رابط المشاركه
شارك

و عليكم السلام ورحمة الله وبركاته

ما أعرفه انا انه زمان كانو يأكلوهم من 3 أشهر

لكن سمعت الطبيب في الراديو يقول اذا كان الحليب يكفيه يعني بينمو عادي وصحته جيدة يمكن الاستغناء عن الغذاء حتى لعمر السنة

احنا بنت اخي في البيت بدأنالها الاكل حوالي 4 الى 5 أشهر عادي

اذا بدأت بالسيريلاك ابدئيها في الرضاعة اولا يعني مخففة لان معدته معتادة على السوائل فقط لا على المواد الصلبة

ثم بعد مدة في الصحن

خليها وجبة واحدة في اليوم وقت الغداء حتى يعتاد عليها

نوعي في أذواق السيريلاك حتى تقوي حاسة الذوق ويتعرف على طعم الاشياء

تجنبي السيريلاك ذوق شوكولا لان فيها كاكاو وممكن تعملو امساك

اما عني فأظن الوصفات المنزلية افضل من السيريلاك والله أعلم

والباقي تفيدك فيه الامهات ههه

شارك هذه المشاركه


رابط المشاركه
شارك

جزاكم الله خيرا مشرفتي

 

الحمد لله ازيك محبة الصالحين

امين يارب

جزاك الله خيرا

 

جزاك الله خيرا سبل السلام

افدتيني

شارك هذه المشاركه


رابط المشاركه
شارك

وعليكم السلام ورحمة الله وبركاته

 

يا هلا : )

 

انتي لسه ما أكلتيهوش وبتسألي.. المفروض كان أكل من زمان.. أنا أعرف ناس وشفتهم بعنيا بيأكلوا الطفل من شهرين محشي وسمك وفراخ ههههه

بس مش هاقولك تعملي معاه كده مش للدرجة دي يعني

المفروض حبيبتي خلاص تبدأي تأكليه خضروات مسلوقة ومهروسة وفاكهة مهروسة وأشياء بسيطة وخفيفة عشان يشبع وينمو كمان.. لأن الطفل مش معقول ابدا يفضل عايش عالرضاعة كل المدة دي.. وطبعا احنا ما شاء الله عندنا انيميا وضعف وحليب الرضاعة مفيش اصلا

انا بدأت أكلتهم من 3 شهور.. ومعنى أكلتهم مش زي ما انتو متصورين انك مثلا هتغرفي طبق كامل يقوم الطفل ياكله.. دا هو يادوب معلقة أو اتنين بالكثير وبتلاقيه شبع خلاص

- بطاطس مسلوقة جدا ومهروسة كويس بالشوكة أو في كبة الخلاط.. وتأكليه بالهنا

- جزر مسلوق جدا ومهروس برضو وتأكليه (بس انتبهي الجزر بيجيب إمساك)

- كوسة مسلوقة وزي الي فوق (بس انتبهي الكوسة بتجيب إسهال) ...

- وبعدين تعملي التلاتة مع بعض وتهرسيهم مع بعض وتأكليه

- البطاطا الحلوة سواء المشوية أو المسلوقة مفيدة جدا ليه

- الفواكه كلها بتجيبي موز تهرسيه خالص وتأكليه وممكن تحطي فوقه عصير برتقال (وبتعملي عصاير طبيعي بس ما تحليهاش أو ممكن ذرة سكر فيها.. عصير بطيخ وبرتقال ومانجو)

- بتعملي شوربة رز (شوية رز صغيرين خالص بتغسليهم كويس وتحطي عليهم مية بزيادة شويتين وبتسيبيهم يستووا خاااالص وتبقى زي الشوربة كده.. ودي مفيدة جدًا وبتشبع)

- عندك الشعيرية ولسان العصفور بس تسويهم كويس جدا

- بعد كده ادخلي ف الزبادي دانون أو المراعي.. وتأكليه منها..

- تجيبي بسكوت شاي وتكسريه خالص طحن وتحطيه ف الزبادي وتأكليه منه

- بتجيبي العيش الفينو والكايزر وبتطلعي الجزء الطري الأبيض اللي جوا وبتسيبيه ينشف شوية وبعدين تكسريه صغير جوا الزبادي وبألف هنا

- وبعدها ادخلي على السيريلاك (أنا عندي بناتي مكانوش بيحبوه مش عارفة ليه.. كنت أنا اللي باكله ف الآخر ههههه)

- وبعد كده هيكون كبر تأكليه شوربة فراخ مع كبدة مع رز وتسيبيهم يتشربوا من الشوربة خالص أو ممكن تهرسيهم في الكبة في الخلاط

- وتنتقلي واحدة بواحدة على الأكل العادي جدًا

 

انا في بنتي الكبيرة كانت ضعيفة جدا جدا ومكانش فيه حليب رضاعة الا نادرا وماكنتش باجيبلها صناعي اطلاقا (ياريت برضو تنتبهي وتقللي من اللبن الصناعي لأنه مضر جدا) والدكتور استشاري أطفال هو اللي قاللي أكليها عادي.. ولما قلتله حليب صناعي قاللي لا عمري ما أنصح أم بحليب صناعي لأنه بيسبب السكر للأطفال ربنا يعافينا.. وقال نأكله اكل عادي بدل الحليب الصناعي

 

وطبعا هتلاقي ناس تقولك لا إزاي المفروض ماياكلش إلا وهو سنة واللي يقولك وهو 6 شهور واللي يقولك بقى وهو سنة ونص وهتسمعي كلام كتير..

توكلي على الله وأكليه عشان يشبع ويرتاح بدل ماهو ياعيني زمانه جعان ومش عارف يقول حاجة.. وعشان كل ما هايكبر من غير ما تأخديه على الأكل هيتعبك جدا

ربنا يبارك فيه ويعينك على تربيته~

  • معجبة 1

شارك هذه المشاركه


رابط المشاركه
شارك

وعليكم السلام ورحمة الله وبركاته

 

الله يعينك يا سارة والأخوات اللهم بارك كفوا ووفوا.

أنا بدأت أأكل بنتي في رمضان وكان عمرها اربعة تقريبا خمسة.

بدأت بالخضروات والكمية قليلة والطعام ساااائل

وعندما بدأت تتعلم البلع جيدا جعلت القوام أثقل مما كان عليه وأضفت إليها وجبة من الفواكه وأحيانا أعطيها زبادي بدون سكر ولا نكهة.

وأيضا عند الست شهور تقريبا أدخلت على طعامها صفار البيض (البياض حتى تسعة أو عشر شهور تقريبا) وأيضا أعطيها جبن كيري لأن فيه نسبة قليلة من الملح فقط.

وأضع على طعامها القليل من زيت الزيتون مفيد وصحي.

وايضا لا تنسي تعطيه الماء وأيضا لا تضيفي لا ملح ولا سكر على الطعام لأنه مضر في هذا العمر.

 

هذا ما تذكرته : )

 

  • معجبة 1

شارك هذه المشاركه


رابط المشاركه
شارك

جزاكم الله خيرا سدرة والفقيرة الي الله

امين يارب ويبارك لكم في اولادكم

شارك هذه المشاركه


رابط المشاركه
شارك

صح يا @@** الفقيرة الى الله ** نسيت أقول على جبن كيري (كانت الطعام المفضل لجنى في عمر الخمس والست شهور)

 

يا @@ساره محمد اهرسي البطاطس مع معلقتين من المية اللي بتسلقيهم فيها (قشريها وقطعيها صغير واسلقيها) ماتسلقيهاش بقشرها

  • معجبة 1

شارك هذه المشاركه


رابط المشاركه
شارك

يعني بحيث تبقي خفيفه زي العصير كده ؟

ولو اكلته معلقه في اليوم اشيل بقيت البطاطس فين ولمدة كم

شارك هذه المشاركه


رابط المشاركه
شارك

@@ساره محمد

 

ايوة لما تهرسيها ضيفي عليها معلقتين مية (وعلى فكرة وانتي بتسلقيها حطي عليها رشة كمون)

وبتبقى سايحة خالص

 

اعملي كمية صغيرة خالص لأن يستحسن الأكل للرضع يكون طازج.. يومين بالكتير قوي ف التلاجة مش أكتر من كده

شارك هذه المشاركه


رابط المشاركه
شارك

سارة

لما تعملي الأكل لطفلك لا تجعلي كل الأكل في صحن بل احفظي بعضا منه في علبة زجاجية أفضل من البلاستيك

بحيث لو ترك شيئا من الطعام في صحنه فقومي برميه ولا تعيديه الى بقية الاكل الذي قمتِ بحفظه لأن الطعام الذي اكل منها اختلط باللعاب وسيُفسِدُ باقي الطعام.

وكما قال سدورة الطعام على الأكثر يومين في الثلاجة ليس أكثر.

شارك هذه المشاركه


رابط المشاركه
شارك

حاولت معاه كذا مره مش عارف يبلع وبيتفها

جربت ان بحطله شويه واديله الرضعه فيبلعها

او بصوابعي بيمصها

شارك هذه المشاركه


رابط المشاركه
شارك

عادي ياسارة

الاطفال في البداية لا يعرفون طريقة البلع ولكن مع التعود سيتعلمون

الأمر صعب بالنسبة لهم وكل ملعقة يخرجها ويخرج الطعام الذي أعطيته اياه

لا تيأسي وحاولي معاه كثير وسيتعلم بإذن الله

  • معجبة 1

شارك هذه المشاركه


رابط المشاركه
شارك

جزاك الله خيرا

بياخد اد ايه عشان يتعود

 

ربنا يعينك

وخلي نفسك طوييييييل.. وكل واحد حسب ما بيتعود

بس يبقي صغري اللقمة اللي بتديهاله بتكون في حجم قطعة اللبان الصغيرة عشان يقدر يبلعها

 

وما تعوديهوش على انك تديله لقمة وبعدها مشروب سائل عشان يبلع.. هيتعود على كده

ويبقي مسكيه ف ايده خيارة أو تفاحة يمص فيها ويعضعض براحته

شارك هذه المشاركه


رابط المشاركه
شارك

حمزه الحمد لله بياكل سيريلاك وبسكوت وفواكه وجبنه مثلثات

لكن مش عاجبه الخضراوات خالص

قرفان منها مع اني بدأتله بيها

وجربتله لسان عصفور بالجبنه برضه مش عاجبه

لانهم ملهمش طعم اعمل ايه مينفعش حاجه اضيفها عليهم تحببه فيه

هو 8شهور

شارك هذه المشاركه


رابط المشاركه
شارك

سارة ابنك صغير فلا تستسلمي من محاولة أو محاولتين

اجعليه يجوع ليأكل على الغذاء بشكل أفضل

اخلطي الخضر مع الجبنة ممكن يعطيها طعم افضل

اي خضر تعطيه وهل تخلطين الأنواع ؟ وهل تقدمينها مهروسة ؟

عنده اسنان ؟

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×