اذهبي الى المحتوى
~ أم العبادلة ~

ازاى تجهزى مطبخك من الالف للياء

المشاركات التي تم ترشيحها

 

 

 

ازاى تجهزى مطبخك من الالف للياء

 

اولا طقم الحلل وياريت طبعا منجبش المونيوم لانها اخطر انوع الحلل ونستبدلها بالاستانلس لانه صحى جدا ومتتخدعيش باى طقم استانلس هاتى طقم يكون اصلى وياريت تخلى معاكى مغناطيس وانتى بتشترى لان لو المغناطيس لزق فى الاستانلس اعرفى انه مغشوش ولو طقم الاسنانلس كان غالى عليكى هاتى المونيا بس تكون عاليه الجودة

 

 

تانى حاجة طقم الطاسات ودى لازم يبقى منها طاسة كبيرة للقلى وطاسات صغيرة للتحمير السريع او عمل البيض المقلى

 

صوانى الفرن ودى تقسميها نوع للاكل فى الفرن زى صوانى الباشميل والرقاق وهاتى صينية خاصة بالكيك وكمان فى صوانى للبسبوسة ودى ممتازة لعمل البيتزا

 

طقم الصينى وده على قد متقدرى جيبيه شيك ومودرن لان معظمنا كمصريين بنحطه فى النيش وبرضه طقم بيركس للاكل وهاتى منه ياريت الفرنساوى او التركى لانه بيستحمل

 

بالنسبة لطقم المعالق وده بيكون عبارة عن 12 معلقة كبيرة وصغيرة وشوك وسكاكين هاتى برده فردانى للمطبخ وولاستعمال اليومى علشان التانين ميتبهدلوش من كتر الاستخدام

 

طقم التوزيع على قد متقدرى هاتيه عملى علشان يفيدك فى الغرف والتقديم ولو عندك طقم حلل تيفال يبقى هاتى طقم خشب

 

صوانى التقديم راعى انه يكون فى منهم استانلس للضيوف ويكون احجام كبير ووسط وصغير وهاتى منهم ميلامين للبيت

 

هاتى طقم كنك للشاى وبراد كبير وطقم تانى للقهوة وغلاية للبن

 

دوارق الميا هاتى منها بلاستيك للبيت وللمطبخ وهاتى منهم زجاج

 

طقم البهارات راعى على قد متقدرى يكون عملى ولو انتى من النوع اللى بيحب الحاجات الانتيكة هاتى واحد للرخامة لكن لباقى البهارات هاتى حاجة عمليه

 

الكوبايات هاتى منهم للميا ووللعصير وهاتى كاسات خاصة للتقديم للضيوف وطقم مجات صينى وقزاز وفناجين للقهوة

 

بالنسبة للحلويات هاتى طباق للارز بلبن والايس كريم والفروت سلات

 

السكاكين هاتى منهم كذا حجم صغير وكبير ورفيع ومشرشر علشان يفيدك للتقطيع سواء لحوم او خضار او فاكهة وبرضه متنسيش مقص للمطبخ وساطور صغير ينفع للفراخ او البط ....ومقورة للكوسة ومقشرة للبطاطس

 

الهون بتاع المطبخ هاتيه المونيوم او خشبه يكون عالى

 

هاتى مساكات للمطبخ تفيدك لما تمسكى حاجة سخنة وجوانتى لغسيل المواعين ومريلة مطبخ وفوط للمطبخ

 

بالنسبة للبلاستيكات هاتى طباق لغسيل الفاكهة والارز وطشت صغير ينفعك لنقع الحاجة ومقشة ومساحة وجاروف وباسكيت للمطبخ

وهاتى مفارش بلاستيك لفرش دواليب المطبخ

 

******ونصيحة منى من واحدة متجوزة اقلهن مؤنة اكثرهن بركة كما اخبر الحبيب المصطفى

فلاداعى للفشخرة والتباهى قدام الناس والتفاخر بعدد الاطقم وانواعها وماركاتها واحمدى الله على نعمة الزواج لان انتى اللى خسرانه لانك هتدفعى كتير فى حاجات ملهاش لازمة وهتحتارى بعد الجواز تحطيهم فين ...وكمان الفشخرة دى ممكن تصيبك بعين حاسد ربنا يعافينا ويعافيكى ..

 

 

 

923401_455001941279377_389007137_n.jpg

 

منقووول

تم تعديل بواسطة ~ أم العبادلة ~
  • معجبة 1

شارك هذه المشاركه


رابط المشاركه
شارك

جوزيت خيرا حبيبتي على النصائح

وبالنسبة للأطقم الحمد لله معنديش ولا طقم حتى :))

 

واظن ان المصريات معروفات بحبهن للاواني صح =)

 

انا ايضا احب الاواني لكن مش للدرجة اني اجيب اطقم كثيرة

 

هي تنفع احيانا للضيوف فقط او للعائلة الكبيرة

شارك هذه المشاركه


رابط المشاركه
شارك

@@~ أم العبادلة ~

جزاك الله خيرا حببتي

على المضوع الراااائع

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×