اذهبي الى المحتوى
دانة الاسلام

عندما يعشق الكرنب ههههههه

المشاركات التي تم ترشيحها

السلام عليكم و رحمة الله ولركاته

 

ازيكم يا أخوات عاملين ايه ؟

انا جاية و عايه حلة محشي كرنب تستاهل بقكم

اتعلمت عمايل المحشي من النت صراحة كنت خايبة فيه بس قررت اني لازم احترف عمايل المحشي

و الحمدلله بشهادة الجميع انه تحفة و طعمه جنان

عارفه اكيد بتقولوا في سركم بطلي رغي و بلاش تشكري في نفسك

حقلكم حااضر حاسمع الكلام اهوه و اخش في المفيد

 

بس قبل ما ادخل في المقادير و الطريقة حقولكم الاخطاء اللي ممكن تقع فيه الستات و للي بتخليهم

يتعقدوا من عمايل المحشي

1_ بيسلقوا ورقة الكرنب كتير على النار بالتالي بتتقطع و تتهري منها و الورقة بتبوظ و مينفعش تتحشي

الحل : انك لما تحطى الورقة في الميه متسبيهاش كتير يدوبك نص دقيقة و تقومي شيلها

لو فيه ورق اتهرى منك و اتقطع مترميهوش ممكن تلزقي اتنين في بعض مهرين فيعملوا لك واحدة سليمة

و ده عشان تستفدي بكله و متهدريش في الورق و ترميه

2_ الرز مش مستوي و محصون كده في البق

الحل انك لما تعملي الصلصة و الخلطة سبيه لغاية لما يقرب يستوي اقفلي عليه متسويهوش على الاخر

سبيه لغاية اما تحسي انه شبه مستوي

3_ الحلة بتتحرق من تحت

حطي ورق كرنب شيليه على جمب عشان ده اللي حطبتني فيه الحلة من تحت

4- مشكلتك في مقدار الشوربة او الماء اللي حتسوي بيه

الحل هاتي جزرولة و املي تلات اربعها شوربة او ماء و خليها تغلي الاول و بعدين حطيهم على حلة المحشي

حسب حجمها بشرط الماء يغطي المحشي بحاجة بسيطة او اقل من البسيطة

5_ المحشي لما خلص شكله مبهدل اتفك مش زي ما انا كنت لفاه

هناك حلين اما ان تضعي عليه طبق صينى و هو بيستوي يكبس على نفسه و ميخليوهوش يتفتح

اما هاتي خيط و حاولي تحزمي المحشي كله كأنك بتلفي هدية طبعا مش حتلفيهم محشيه محشية

بس حتلفي المجموعة كلها ون تحت لقوق تيجي ازاي دي ؟ قبل ما ترصي في الحلة قصي خيط

و ضعيه كروس رصي المحشي و في الاخر تجيبي طرف الخيط ده و الخيط و تربطيهم كأنك بتلفي

هدية

6_ متحاوليش تحطي بهارات كتيير عشان دي بتضيع طعم المحشي المميز لو عاايزة تحطي لمسة مميزة

حطي نعناع ناشف بيدي طعم جامد مع المحشي

انا عن نفسي مبحبش احط بهارات بكتفي بالملح و الفلفل

المقادير :

 

كرنبة كبيرة

خلطة محشي ( كزبرة ، بقدونس ، شبت )

سمن

طماطم لعصير الطماطم

6 كوب رز

ملح فلفل

فحم

بصلة

طريقة عمل الحشو

قطعي البصلة و شوحيها

حطي عليها عصير الطماطم

افرمي او قطعي الخضرة و حطيهم على الصلصة

لما تتسيك حطي الرز و طبعا الملح و الفلفل انتظري قليلا

حتي يتشرب الرز الصلصة

اقفلي عليه

هاتي فنجان صغير ضعي به ملعقة سمن صغيرة و اشعلي الفحم و ضعيها بداخل الفنجان ضعي الفنجان

بداخل حلة الرز و غطيه بالغطاء سريعا و لفي الحلة بفوطة حتى لا يتسرب الدخان الي الخارج كررى هذه

العملية مرتان او ثلاث ( العملية دي بتدي له طعم المعمول بلية الخروف ) كده انتي كسيتي طعم حلو و دهون

أقل و طعامة المحشي

اقطعي ورق الكرنب ورقة ورقة و اسلقيهم في ميه مغليه عليها كمون

متسبيش الورقة اكتر من نص دقيقة عشان متتهريش و تتقطع منك و انتي بتحشي

انشيلها و قطعى العنق اللي في منتصفها و بعد كدع ابروميها بالطول زي ما بين في الصور

و قطعيها بالعرض الى اجزاء و بعد كده تقطعي تفردي الاجزاء و تقطعيها مستطيلات قد نص كف ايدك

او اصغر شوية

بعد الا نتهاء من كل الاوراق احشي الورق بالرز

 

 

 

post-120087-0-33827100-1326076085.jpg

الخلطة مفرومة و بصل مقطع

 

post-120087-0-11455400-1326076178.jpg

الورقة و هيه بتسلق

post-120087-0-74172000-1326076656.jpg

قطعت العنق اللي في المنتصف و برمتها كلها و بعد كد قطعتها بالعرض

بعد كده جبت كل جزء و قطعته مستطيلات صغيرة قد نص الايد او اصغر

 

post-120087-0-80126300-1326076484.jpg

المحشي بعد ما تحشي و اترص في الحلة

post-120087-0-50057200-1326076963.jpg

المحشي في الطبق كان عندي شوية فلفل حشيته بالمره حتى فيه فلفل احمر اهوه

اتفضلوا بالهنا والشفا

  • معجبة 1

شارك هذه المشاركه


رابط المشاركه
شارك

وعليكم السلام ورحمة الله وبركاته

شكله جميل وشهي

تسلم ايديكِ

وبالهنا والشفا : )

شارك هذه المشاركه


رابط المشاركه
شارك

السلام عليكم ورحمة الله وبركاته،

موضوع تحففففففففففة

وجميل جدا موضوع الفحم

، عجبني قوي حكاية ربط المحشي، بصراحة ضحكتيني بس في طريقة تانية تخليه ما يفكش وهي طريقة الرص في الحلة

انا ملاحظة انه كان مرصوص عشوائي وده سبب انه بيتفك، لكن لو اترص بطريقة منظمة هتلاقيه كله سليم

وجدت صورة على النت، المحشي يترص كما بالصورة لكن بنزقنه اكثر ولا نترك فراغات مثل الصورة

183667_187092494661691_133125896725018_385032_4135106_n.jpg

شارك هذه المشاركه


رابط المشاركه
شارك

وعليكم السلام ورحمة الله وبركاته

شكله جميل وشهي

تسلم ايديكِ

وبالهنا والشفا : )

 

شارك هذه المشاركه


رابط المشاركه
شارك

وعليكم السلام ورحمة الله وبركاته

شكله جميل وشهي

تسلم ايديكِ

وبالهنا والشفا : )

 

تسلمي يا الهام

مشكورة

اتفضلي :)

شارك هذه المشاركه


رابط المشاركه
شارك

السلام عليكم ورحمة الله وبركاته،

موضوع تحففففففففففة

وجميل جدا موضوع الفحم

، عجبني قوي حكاية ربط المحشي، بصراحة ضحكتيني بس في طريقة تانية تخليه ما يفكش وهي طريقة الرص في الحلة

انا ملاحظة انه كان مرصوص عشوائي وده سبب انه بيتفك، لكن لو اترص بطريقة منظمة هتلاقيه كله سليم

وجدت صورة على النت، المحشي يترص كما بالصورة لكن بنزقنه اكثر ولا نترك فراغات مثل الصورة

183667_187092494661691_133125896725018_385032_4135106_n.jpg

مشكورة امومة على المعلومة الحلوة دي

انا عارفةان الصورة مش بتاعتك فحبيت اعلق على حاجة اكيد مش بنقدك انتي بس خدي بالك من الصورة المحشي مش مقفول من الجوانب و ده حيطلع الرز منه لما يستوي

لازم يتقفل كويس عشان الرز ميقعش منه

طبعا الرصة هايلة و حجمه كمان هايل

بس انتي فكرتني بغلطة كمان نسيت اكتبها فوق من ضمن الغلطات

فمشكورة مرتين مرة عشان قولتي حل جديد و مشكورة مرة تانية عشان خلتيني افتكر خطأ تاني بتقع فيه الستات

شارك هذه المشاركه


رابط المشاركه
شارك

وعليكم السلام ورحمة الله وبركاته

شكله جميل وشهي

تسلم ايديكِ

وبالهنا والشفا : )

 

 

 

شكرا

شارك هذه المشاركه


رابط المشاركه
شارك

سلمت الايادي يا دندونة ... سفرتك شكلها يشهي اللهم بارك

الفلفل الاحمر عجبني جدا :)

تسلمي يا قمر اتفضلي بالهنا و الشفا

و انا كمان بموت في الفلفل الاحمر لانه طعمة مسكر و على فكرة خطير في المحشي و شكله عاطفي لو عاملة امسية شاعرية تضعيه ضمن االعشا

:))))

جزاك الله خيرا

شارك هذه المشاركه


رابط المشاركه
شارك

biggrin.gifbiggrin.gifbiggrin.gif تسلملي الأيادي الشاطرة والروح الخفيفة

 

حبيبة قلبي سمسمة منورة الموضوع

مش عارفة بنشكح ليه :) لما اشوف اسمك و تعليقاتك الحلوة

نورتي الموضوع سمسمة خدي ليك محشي و انتي ماشية

شارك هذه المشاركه


رابط المشاركه
شارك

يمممممممممممممم

جميل جدااااااااااااااااااااااا

جوعتينى يا دندون

تسلم الايادى يا جميله

شارك هذه المشاركه


رابط المشاركه
شارك

لسه واكله محشى حالا

في البرد ده طعمه تحفه

تسلم ايدك يادندونه

على فكره لو لفيت بإحكام مش هيطلع الرز منه

اصل دى مشكلة ماما برضو بس الحمد لله انا بقفله كويس وبرصه حلو

شارك هذه المشاركه


رابط المشاركه
شارك

ما شاء الله رائعة يا دنونة بالهنا والشفا حبيبتى

شوقتينى جدا ليه لأنى بمووووووووووووووت فيه

سلمت الأيادى حبيبتى

شارك هذه المشاركه


رابط المشاركه
شارك

<و عليكم السلام فعلا روووووعة ما شاء الله</p>

اي ليكي حق يا بنتي تشكري نفسك .. ما هو اللي يشوف يصدق طبعا ..

أنا عيني طلعو بالفلفة الحمرا :mrgreen:

انت خليتي الكرنب الجميل ده و رحتي للفلفلة

تسلم اك دندونة ما شاء الله يستاهل التقييم يا غالية

 

>ربي يطعمكم من ثمار الجنة </p>

تم تعديل بواسطة إسـلامية

شارك هذه المشاركه


رابط المشاركه
شارك

يا عيني ..يا عيني ..

شيكولاته إيه ..المحشي أجدع طبعاً ..

تسلم إيديكي دندن ..بس في ملاحظة أحب أقولها لك ..الخضرة لا توضع إلا بعد ما الطماطم تتسبك وتبرد كمان

لإن نكهتها عبارة عن زيوت طيارة لو اتسخنك تروح

غير كدة انا باقطع الورق صغير على قد محشية واحدة بس .. :closedeyes:

شارك هذه المشاركه


رابط المشاركه
شارك

امممممممممم

 

اية دة يا دندونة محشي كرني وانا في نصف الليل الله يسامحك

انا من كتر شوقي شميت ريحته كمان:) اه والله

 

انا بحب اكله مش بحب اعمله بغيب فيه جدا ممكن اجيب الكرنبة في يوم واعمله تاني يوم

 

معاكي حق في نقطة السليق لما كنت بسيبه في الماء كتير كان بيتهري وانا بعيط جانبه

بس ربط اية يا بنتي ضحكتيني حماتي بتقولي اضغطي عليه وانت بتلفي مش هيتفك خصوصا ان الورقة مش مهرية جربي

 

انا زي امونه بضع الخضرة بعد التسبيك بتعمل ريحة اممممممممم

 

ان شاء الله اعمله قريب عشان زوجي طالبه بس انا مش بعرف اصور المحشي لعشان زوجي عايزه من النار الي الطبق اليه مباشره

 

عموما تسلم ايدك ومتحرميناش من اكلاتك وتكاتك

شارك هذه المشاركه


رابط المشاركه
شارك

شكله جميل شوقتينى للمحشى

تسلم ايديكِ

وبالهنا والشفا

شارك هذه المشاركه


رابط المشاركه
شارك

وعليكم السلام ورحمة الله وبركاته

رائع اللهم بارك شهي

سلمت يداك دانة الحبيبة

شارك هذه المشاركه


رابط المشاركه
شارك

وعليكم السلام ورحمة الله وبركاته

شكله جميل وشهي

تسلم ايديكِ

وبالهنا والشفا : )

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×