مُسَلِسَل مِرَاتِي فِي السَّبيعِنَات بقلم المُبدعة هبة نور [بدون ردود].

[مُقصرة دومًا 1261]

 

حياكنّ الله حبيباتي أقدم لكنّ

مسلسل "مراتي في السبعيناااااااااات" بدون ردود للمُبدعة "هبة نور" كي يسهل عليكنّ قراءته

بارك الله فيكنّ ()

 

 

وهذا كلام مكتوب بقلمها

 

أشهد الله اني لا أسامح من ينقل عملًا من أعمالي بدون ذكر اسمي

أو ينسبه بكل وقاحة إلى نفسه

اللهم إني استودعك أعمالي فلا تبارك لمن يسرقها اللهم آمين

حسبي الله ونعم الوكيل

هبة نور

 

[مُقصرة دومًا 1261]

**

 

تقديم هبة الحبيبة لمسلسل

 

 

 

ونرجع بالسنين لسنة 70

 

يااااااااااااااااااااااااااااااااااه

 

نشوف حال المرأة بقى ازاي بعد خلع النقاب وبعديه كمان خلع الحجاااااااااااب

 

زي ما وصاهم قاسم أمين وهدى شعراوي ومشيوا على نهج الشياطين

 

وادي الستات خدوا حريتهم زي ما هما متوهمين

 

وادي الست طلعت للعمل والاختلاط وما ادراك ما الاختلاط

 

 

ايه ده ايه ده

 

 

بصوا معايا كدة

 

 

ايه ده

 

 

معقووووووووووووووول

 

 

ولا واحدة محجبة

 

 

لالالالالالالالا مش معقول

 

 

يا جماعة دوروا كويس

 

 

يمكن نلاقي واحدة هنا ولا هنا تكون لابسة ولو ايشارب صغير

 

 

لالالالالالالالالالا ما فيش ما فيش خاااااااااااااااااااااااالص

 

يا خبر يا خبر

 

 

ايه ده

 

 

هما ازاي الستات ماشيين في الشارع باللبس القصير ده

 

 

يا كسووووووووووووووووووووفي

 

 

رجليهم ودراعاتهم باينين وصدرورهم مكشوفين

 

 

هو في ايه !

 

 

هما الستات جرالهم ايه

 

يا عم قاسم يا أمين

 

هو الحجاب راح فين

 

 

يا ست هدى شعرواي

 

انتي وديتي المنتقبات فين

 

 

 

 

استنوا استنوا في واحدة من عصر السبعينات جاية , تعالوا نستأذنها لدخول عصرهم والعيشة وسطهم

 

 

 

السلام عليكم

 

هاااااااااااااي انتو مين وايه الحجاب ده وايه النقاب ده . انتو مين وعايزين ايه

 

 

احنا اخوات طريق الاسلام وبنستأذن في دخول عصركم والعيشة وسطكم عشان نشوف انجازات المرأة العظيمة بعد السفور والفجور

 

 

 

لالالالالالالالا متأسفين احنا ما يدخلش عصرنا محجبات ولا منتقبات ممنووووووووووووووووووووووع

 

طيب ولو قولنالك عشان خاطرنا , احنا مش هنزعجكم ولا هنتدخل في حرياتكم

 

احنا بس عايزين نتعرف عليكم وعلى حياتكم

 

نشوف عصر الحب والمغنى والكرة وتغيبب العقول بعيد عن اي نور

 

 

طيب هنسمحلكم بالدخول بس على شرط انكم لا تقولوا عيب ولا حرام ولا تفرضوا علينا حجااااااااااااااب

 

 

وشرطك مقبول اسمحيلنا بقى بالدخول

 

 

 

اتفضلوا

 

 

 

أقدم لكم مسلسل مراتي في السبعينات

 

باغية وجه الله تعالى وسائلة إياه التوفيق في توضيح كوارث السفور والفجور في حلقات درامية ارجوا ان تحوز اعبابكم

 

وارجوا ان يتقبلها الله مني دفاعا عن ديني ونصرة للحق

 

 

لا أحلل أو أسامح من ينقل بدون ذكر اسمي

 

اختكم هبة نور

 

 

**

[مُقصرة دومًا 1261]

**

 

 

الحلقة (1)

 

 

 

 

مامااااااااااااااااااا

ثباح الخير يا ماما هاتي بوثة

 

هههههه صباح النور يا عيون ماما

خدي بوسة كبيرة ههههههه امووووووووووه

فين ابيه علاء؟

 

راح يشوف النتيجة بتاعته

 

طيب ما النتيجة في الحيطة اهيه

 

ههههههه يا بنت راح الكلية يشوف نتيجة البكالوريوس مش نتيجة الايام والشهور ههههههه

 

طيب انا هتفرج على التليفذيون بقى

 

طب وطي الصوت عشان حاتم اخوكي نايم

وابيه مثطفى وبابا نايمين كمان ؟

 

لا يا حبيبتي بابا في الشغل وابيه مصطفى نزل من شوية

 

طيب انا رايحة اتفرج ع التلفذيون بقى

 

طيب روحي وانا هجيبلك فطارك يا ستي

 

الله الاغنية اللي بحبها هيييييييييييييييييييييه

 

انا قطة مقطقطة

 

انا بيضة مخططة

 

نيو نيو نيو

 

نيو نيو نيووووووووو

 

والعصفور بيقول ثوثو

 

والقطة لابتقول نيو نيووووووووو هيييييييييييييييييه

 

 

 

تليفوني اثفر لموني

 

تليفوني اخضر ذتوني

 

دق التليفون دق التليفون دق التليفووووووووووووووووووووون هييييييييييييييييييييه

 

 

يا موووووووووووووووووني وطي صوت التليفزيون يا بنت

 

يوووووووووووووووووه انا ذعلانة منك يا ماما

 

ليه يا ست موني

 

عشان مش بتخليني اتفرج على التليفذيون .كل شوية تقولي وطي الثوت وطي الثوت . ذهقتيني في عيشتي

 

هههههههه كدة يا موني . طب والله لما يجي اخوكي علاء لاقوله

 

مش بيعملي حاجة ولا بابا بيعملي حاجة هما بيحبوني

 

يعني انا مش بحبك يا بنت

 

لا بتحبيني عشان انا بنتك الثغيرة وانا بحبك عشان انتي مامتي الكبيرة

 

ههههههههه طيب يلا تعالي اشربي اللبن بتاعك يا غلباوية

 

مث بحب اللبن مث بحب اللبن . هاتيلي ايث كريم

 

في حد في الدنيا يفطر ايس كريم ! خدي الساندوتش ده واشربي اللبن ولما علاء يجي هخليه يجيبلك ايس كريم

 

 

ماشيييييييييييييي

 

 

 

ماماااااااااااااااااااااااااااااا يا مامااااااااااااااااااااااااااااااااااااا ماماااااااااااااااااااااااااااااااااااااااا نجحت يا ماما نجحت

انت بتنده على ماما ليه يا ابيه علاء

 

انا نجحت يا موني نجحت يا حبيبتي هاتي بوسة اموووووووووووووووووووه

 

يعني مش هتروح المدرثة تاني ؟

 

ههههههههه مدرسة ايه يا بنت . انا اتخرجت من كلية الهندسة

 

طيب فين الثكولاتة والبونبوني مش جبتهم معاك ليه

 

بعدين يا موني بعدين يا حبيبتي . يا مامااااااااااااااااااااااااااااااااااااااااا انا نجحت يا ماماااااااااااااااااااااااااااااا

حبيبيييييييييييييييييييييي مبروك يا علاء مبروك يا حبيبي .مبروك يا باشمهندس ههههههههه

 

ههههههههههه الله يبارك فيكِ يا ست الحبايب . كله بفضل دعواتك يا ماما

 

الحمدلله يا حبيبي الحمدلله تعالى في حضن ماما يا قلب ماما . يا حبيبي يا حبيبي امووووووووووه الف مليون مبروك .

هههههههه ربنا يخليكي لينا يا احلى ماما في الدنيا

 

اتصل ببابا فرحه بنجاحك يا حبيبي . زمانه قاعد مستني على نار

لالالالا انا هعدي عليه في الشركة بنفسي بس جيت افرحك الاول يا حبيبتي

 

هههههههه فرحت قلبي يا حبيبي .قصدي ياباشمهندس هههههه

 

ههههههه ربنا مايحرمنيش منك ابدا يا ماما ويقدرني واسعد قلبك دايما

 

وانت نازل ابقى عدي على تيتة عشان تفرحها دي هتفرح اوي لما تعرف . والله ما بتبطل دعا ليك انت واخواتك يا حبيبي

 

والله عديت عليها وانا طالع وخبطت كتير ومافتحتش . واضح انها نايمة. ان شاء الله لما ارجع من عند بابا تكون صحيت وهجيبلها حاجة حلوة معايا كمان ههههههه

 

لولولليييييييييييييييييييييييييييي لولولييييييييييييييييييييييييييي هههههههههههههههههه

 

 

 

ايه صوت الزغاريت دي

 

هيييييييييييييييييييييييييه اكيد جاية من عند خالتو ليلي . اكيد علاء نجح ههههههههه

 

من عند ليلي ! اااااااااااااااه اكيد علاء نجح هههههههه اما انزل اباركله

 

وانا كمان هاجي معاكي يا ماما

 

تعالي يا هيام

 

 

 

 

تن تن تن تنننننننننننننننننن ترررررررررررررررررررررررن

 

 

افتحي يا ليلي انا احلام

 

اهلا يا احلام اهلا يا هيام هههههه علاء نجح . الباشمهندس نجح هههههه

 

هههههههه والله قلبي حس ونزلت جري اول ماسمعت الزغاريت الف الف مبروك يا ليلي

 

الف مبروك يا خالتو ليلي

 

الله يبارك فيكو يارب . عقبالك يا هيام

 

هههههههه انا فين والتخرج فين انا يادوب خلصت الثانوية العامة ولسة هبتدي مشوار الجامعة السنة دي

 

هههههه السنين بتفوت هوا يا حبيبتي

فين الباشمهندس نور عيون خالته ههههههه

 

راح الشركة عند فكري عشان يفرحه

 

يارب تكونوا فرحانين دايما يارب ويسعدكو

ايه يا ليلي مافيش شربات ولا ايه

 

شربات بس .! والله لهعمل حفلة واعزم كل الحبايب بمناسبة نجاح ابني حبيبي الباشمهندس

 

ههههههه مبروك يا حبيبتي وعقبال التخرج بتاع مصطفى وحاتم

 

مصطفى هيتخرج ان شاء الله السنة الجاية ويبقى مدرس اد الدنيا وحاتم افندي اللي دخل تربية موسيقية وخيب املنا هيتخرج بعد سنتين

 

ههههههههه ربنا يفرحك بيهم يارب

وانا كمان يا خالتو احلام

 

ههههههههه انتي لسة هتدخلي المدرسة السنة دي يا موني . لسة المشوار طوييييييييييييل يا حبيبة خالتو يا صغنونة انتي هههههههه

 

ههههههههه يارب يا موني يا روح ماما اشوفك دكتورة

 

لأ انا عايزة بثبوثة

 

هههههه حاضر هجيببلك كل اللي انتي عايزاه يا قلب ماما

 

 

ايه الدوشة دي

 

اهلا يا سي حاتم . صح النوم

 

• 
  

 

 

**

[مُقصرة دومًا 1261]

**

 

ازيك يا ماما بقالي يومين ماشوفتكيش

 

طبعا يا استاذ بتيجي بعد ما انام وتنزل تاني يوم وانا مش موجودة

 

ههههههههه والله ليكي وحشة . ازيك يا خالتي احلام

 

ههههههه ازيك يا شقي

 

ازيك يا هيام

 

اهلا يا حاتم . اخبار الموسيقى ايه هههههه

 

بتسلم عليكي هههههههه

 

بتزغرتي ليه يا ماما

 

بزغرت على خيبتك . اخوك الباشمهندس اتخرج

 

ههههههههههه علاء ! الفاشل بتاع الهندسة هههههههههههه مبروك . هو فين عشان اباركله

 

راح عند بابا

 

لما يجي بقى . عن اذنكو

 

على فين

 

هكمل نوم عشان اصحى فايق بالليل عشان خارج مع اصحابي رايحين الديسكو

 

ربنا يوفقك يا حبيبي . ماتاخدني معاك . انا برضو خالتك وزي مامتك ونفسي افرفش شوية ههههههه

 

هههههههههه والله انتي عسل يا خالتي وماحدش عارف قيمتي الا انتي ههههههههههه

 

 

جرا ايه يا احلام . ديسكو ايه اللي عايزة تروحيه

 

ههههههههه وماله يا لولى يا اختي لما اروح اتنطط شوية وافك عن نفسي هههههه وبعدين مالك قارشة ملحة حاتم كدة وبتعامليه وحش

 

عشان تاعب قلبي مش زي علاء ومصطفى ابدا يا احلام .هما الاتنين ناجحين وعارفين طريقهم الا الفاشل الخيبان ده بتاع الجيتار

 

ههههههه وماله الجيتار يا خالتو . طب ده حاتم عزفه على الجيتار يجنن

 

انا يا بنت اختي عاجبني عقلي ومش عايزة اتجنن

 

بس انتي بتسمعي موسيقى يا خالتو وبتروحي حفلات ام كلثوم وعبد الحليم

 

ايوة طبعا . ده الطرب الاصيل . هو انتي هتقارني عبد الحليم وام كلثوم بشوية العيال المجانين بتوع الديسكو والجيتار دول ؟

 

هههههههههه انا كمان بمووووووووووووووووووت في عبد الحليم وعشان كدة هشغل اغنية وحياة قلبي وافراحه لعيون علاء ونجاح علاء ههههههههه

 

لالالالالالالالالالا شغلي اغنية ماما ذمانها جاية يا ابلة هيام

 

ههههههههههههههههه عسل يا موني

 

وانتي كمان عثل يا ابلة هيام وفثتانك جميل

 

 

**

[مُقصرة دومًا 1261]

**

 

السلام عليكم

 

وعليكم السلام . اهلا يا علاء ياابني .

 

اهلا يا عم صبحي . هو بابا فاضي ولا مشغول ؟

 

حالا هبلغه انك موجود يا ابني

 

 

 

ياحاج فكري الباشمهندس علاء برا

 

علاء ابني ! اكيد نجح وجه يفرحني هههههههههه خليه يدخل

 

 

السلام عليكم ههههههههه انا نجحت يا بابا نجحت ههههههههههه وجيبت امتياز كمان

 

ههههههههه وعليكم السلام يا باشمهندس . ماشاء الله عليك . ايوة كدة فرحتني الله يفرح قلبك

 

ههههههههه ربنا يخليك يا بابا

 

طبعا جاي وطمعان في الهدية

 

امممممممممم يعني مش اوي هههههههههه

 

هههههههههه روح اجانس العربيات بتاع عمك لطفي ونقي احلى واغلى عربية موديل السنة دي

 

ايوة كدة يا حاج تعيش وتدلعنا ههههههههههههه

 

ماقولتليش هتشتغل معايا في الشركة ولا ناوي على حاجة تانية

 

لا تانية ولا تالتة . انا مهندس معماري وحضرتك صاحب شركة مقاولات يبقى انت اولى من الغريب وهشتغل معاك

 

ايه معاك دي يا ولد . اسمها هشتغل عندك

 

ههههههههه اسف يا بابا . هشتغل عندك

 

مافيش بابا . انا اسمي الحاج فكري . بابا دي في البيت وبس

 

حاضر يا حاج . شكلنا هنتعب مع بعض اوي ههههههه طيب استأذن انا دلوقتي عشان جوعت وعايز اروح اتغدا

 

مع السلامة يا حبيبي

 

لو سمحت ماتقولش حبيبي . انا اسمي الباشمهندس علاء . حبيبي دي في البيت وبس هههههههههه

 

ههههههههههه مع السلامة يا باشمهندس

 

 

 

 

 

 

 

 

 

 

 

تررررررررررررررررررررن تررررررررررررررررررررررررررن ترررررررررررررررررررررررن

 

اييييييييييه طيب طيب يللي على الباب . اعوذ بالله ما فيش صبر

 

 

تيتتتتتتتتتتتتتتتتتتتة هههههههههههه انا نجحت يا تيتة

 

يا حبيبيييييييييييييييييي ههههههههههه الف مليون مبروك يا علاء يا حبيب قلبي يا غالي . بقيت باشمهندس ياواد ههههههههه

 

الله يبارك فيكي يا تيتة هههههههه جيبتلك معايا صنية بسبوسة بالمكسرات من اللي بتحبيها

 

هههههههه تسلملي يا حبيب تيتة . طب تعالى بقى خد هديتك .خد عشرة جنيه بحالها مش خسارة فيك

 

ههههههههههه ربنا يخليكي ومايحرمنيش منك ابدا يا تيتة

 

طب ادخل اتغدا معايا . انا عندي بامية من امبارح انما ايه تستاهل بقك

 

لا يا حبيبتي شكرا انا يادوب اطلع ارتاح شوية وخلي الغدا بعدين

 

طب خلاص هستناك لما تصحى تنزل تتغدا معايا ونشرب الشاي سوا

 

خلاص يا تيتة استنيني

 

بس ماتنامش كتير عشان انا بجوع بسرعة

 

هههههههه حاضر يا تيتة

 

ربنا يخليك يا حبيب تيتة . والله يا علاء انا لما بشوفك بنسى هموم الدنيا . انت حتة من قلبي والله . كفاية حنيتك علية ودايما في الطالعة والنازلة تعدي علية وتشوفني اذا كنت عايزة حاجة

 

يا تيتة دا حقك علينا يا حبيبتي وبعدين انتي ماتعرفيش غلاوتك في قلوبنا كلنا

 

لالالالالالا ماحدش في اخواتك ولا ولاد خالتك بيسأل علية زيك . انت نور عيني ياعلاء ربنا مايحرمنيش منك يا ابن بنتي

 

ههههههههه ربنا يخليكي لينا يا تيتة . طب عن اذنك بقى عشان اطلع انام شوية وبعدين انزل اتغدا معاكي

 

اتفضل يا حبيبي

 

 

 

ترررررررررررررررررن تررررررررررررررررررررن

 

الو

 

ايوة يا خالتي احلام انا علاء

 

ههههههه مبروك يا باشمهندس . نزلت اباركلك مالقيتكش

 

الله يبارك فيكي ياخالتي . هي هيام عندك

 

ايوة يا حبيبي هديهالك

 

هيااااااااااااااااااااام يا هياااااااااااااااااااااااااااااام

 

نعم يا ماما

 

كلمي علاء

 

علااااااااااااااااااااااء هاتي يا ماما

 

اهلا اهلا يا سي علاء . قصدي يا باشمهندس

 

ايه ده . في ايه يا هيام . ايه الطريقة اللي بتتكلمي بيها دي . دا بدل ماتقولي مبروك يا علاء !

 

زعلانة منك ومخصماك

 

هههههههه ليه بس يا بنت خالتي

 

عشان يا باشمهندس انا مستنية من الصبح عشان تبشرني بنجاحك تقوم انت تقول للدنيا كلها وانا اخر واحدة تعرف . يبقى ازعل ولا لأ

 

هههههههه الدنيا كلها مين بس . انا ماقولتش غير لامي وابويا وتيتة حتى اخواتي ماقولتيلهومش . ومع ذلك حقك عليا ماتزعليش

 

لأ زعلانة

 

خلاص بقى هههههه مايبقاش قلبك اسود . وبعدين انا ناوي ان شاء الله افاتح بابا في موضوع خطوبتنا النهاردة

 

هييييييييييييييييييييييه بجد ههههههههههههههههههه

 

ههههههههههههههههه ياربي دانتي بتحبيني وبتموتي فيا بقى ههههههههه

 

طبعا بموت فيك هههههههههه انت عندك شك هههههههه. اروح اقول لماما عشان تقول لبابا انك هتخطبني

 

حيلك حيلك استني . ماما وبابا مين دلوقتي . مش لما اشوف ابويا وامي هيوافقوا عليكي ولا لأ هههههههههه

 

ههههههههه هيوافقوا يا ابني . مايقدروش يرفضوا . امي اخت امك وابويا اخو ابوك يعني انا بنت خالتك وبنت عمك في نفس الوقت . يعني تسلم نفسك انت محاصر يا باشمهندس هههههههههه

 

ههههههههه احلى حصار يا هيومة يا حبيبة قلبي . اسيبك بقى دلوقتي عشان هنام شوية

 

طيب يا حبيبي مع السلامة

 

 

 

 

 

 

يا خبر ابيض . اه ياقليلة الادب . انتي بتقولي لعلاء يا حبيبي!!!!!!!!!!, والله لروح اقول لماما

 

جرا ايه يا ست دنيا . علاء خلاص هيبقى خطيبي

 

خطيبك ! هيخطبك امتى ؟

 

هيفاتح عمو فكري النهاردة

 

يا بختك يا هيومة يارب عقبالي يااااااااااااااااااااارب

 

وانتي مستعجلة على ايه يا ست دنيا .انت يادوب رايحة تانية ثانوي السنة دي

 

ايه يعني انا عندي صاحبات كتير في المدرسة مخطوبين

 

بقولك ايه .لو عايزة تنجحي في الثانوية وتجيبي مجموع شيلي موضوع الجواز من دماغك

 

يا سلاااااااااااااااااااااااااام على اساس ان انتي وعلاء ما كانش في حاجة بينكو من وانتي في اعدادي

 

يا حبيبتي انا عاقلة ورزينة مش مجنونة زيك . والحمدلله ركزت في مذاكرتي رغم حبي لعلاء لكن انتي صعب تبقي زيي

 

طيب يا ست مركزة هانم . اديني البلوزة بتاعتك النبيتي والميني جيب الاسود عشان خارجة بكرة مع صحباتي

 

لالالالالالالالالالا اسفة مش بحب حد يلبس هدومي . وبعدين انت دولابك مليان ميني جيبات وميكروجيبات وبلوزات وبناطيل وفساتين اد كدة . مالكيش دعوة بحاجتي

 

 

اعوذ بالله . مش عايزة حاجة

 

 

 

 

 

يسرا يا يسرااااااااااااااااااا

 

 

 

 

نعم يا ماما نعم يا ماما نعمممممممممممم

 

بتعملي ايه عندك يا بنت

 

بتفرج على الفيلم اووووووووف انتي دايما كدة يا ماما تقوميني في احلى مشهد . البطل كان لسة هيقول بحبك للبطلة

 

بطلة ايه وخيبة ايه دلوقتي . فين هيام ودنيا

 

بيتخانقوا على بلوزة وميني جيب

 

قوليلهم يجوا يتحركو ويساعدوني في المطبخ وانتي تعالي فصصي التوم ده

 

 

تووووووووووووووم . لا والله اسفة بيخلي ريحة ايدي وحشة . انا هروح اجيبلك هيام ودنيا

 

 

 

 

 

 

 

 

هياااااااااااااااااااااااااااااام دنيااااااااااااااااااااااااااااااااااااااااااااااااااا

 

يا هياااااااااااااااااااااااااااام يا دنيااااااااااااااااااااااااااااااااااااااااااااااااااااااااا

 

 

ايييييييييييييييييييييييييييييييييييييييه

 

افندممممممممممممممممممممممممممممممم

 

 

كلموا ماما

 

قوليلها مش فاضيين

 

 

 

 

يا ماماااااااااااااااااااااااااا بيقولولك مش فاضيين

 

 

 

كدة !!!!!!!!!!!!!!!! طب والله لروح انكد عليهم واطين عيشتهم

 

 

اتفضلي يا ماما . عشان تعرفي ان انا بنتك الوحيدة المؤدبة اللي برد عليكي لما بتنادي علية

 

انتو التلاتة العن من بعض وعايزين كسر رقبتكو

 

ميرسي يا ماما

 

 

 

 

انت يا ست هانم انتي وهي

 

يووووووووووه نعم يا ماما

 

 

اتفضلوا ساعدوني في المطبخ

 

يا ماما انا مش فاضية زي ماحضرتك شايفة انا بتفرج على مجلة فيها احدث صيحات الفساتين

 

الله . شوفي ياماما الفستان ده واااااااااااااااااو يجنن انا عايزة افصل فستان زيه

 

فستان في عينك ومجلة في عينك يا شيخة قومي يابنت قومي والا هقطعلك المجلة قومي يا هياااااااااااااااااااااام

 

يييييييييييييييي حاضر امري لله

 

 

وانتي ياست دنيا اتفضلي

 

تعبانة يا ماما تعبانة خالص خالص ومش قادرة اقوم من السرير

 

 

قومي والا هكسر عضمك وهخليكي ماتقوميش من السرير فعلا

 

لاااااااااااا وعلى ايه . الطيب احسن

 

 

يلا قدامي

 

حاضر حكم القوي على الضعيف

 

 

وانتي يا بنت يا يسرا اقفلي التليفزيون والا هكسره

 

 

يا ماما طيب بعد الفيلم مايخلص

 

اقفلي خلصت روحك يلااااااااااااااااااااااااااااااا

 

اهئ اهئ اهئ هو ايه البيت ده اللي الواحد مايعرفش يتفرج على التليفزيون براحته اهئ اهئ يا خسارة البطل كان

لسة هيبوس البطلة اهئ اهئ

 

 

**

[مُقصرة دومًا 1261]

**

 

الحلقة (2)

 

 

ترررررررررررررن ترررررررررررررررررررن تررررررررررررررررن تررررررررررررررررررررررررن

 

 

الو

 

ازيك يا عمتو ليلى .انا مها

 

اهلا اهلا اهلا ازيك يا عيون عمتو وحشاني يا مها . عاملة ايه وازي لمياء وماما وبابا

 

الحمدلله يا عمتو كلهم كويسين . أأأأأأأأ هو أأأأأأأأ هو أأأأأأأأأ

 

هههههههه ايه يا بنت في ايه . مالك بتتلجلجي كدة في الكلام

 

اصل عايزة اسأل هي نتيجة علاء ظهرت

 

ايوة يا حبيبتي الحمدلله اتخرج بامتياز

 

هههههههه مبروك مبروك مبروك يا عمتو . انا فرحانة خالص

 

ربنا يخليكي يا حبيبتي . وانتي نتيجتك ظهرت ولا لسة ؟

 

ايوة الحمدلله يا عمتو انا نجحت بس بتقدير جيد جدا ورايحة سنة تانية ان شاء الله

 

برافو عليكي يا حبيبتي الف مبروك . طول عمرك شاطرة يا مها . بس برضو السنة الجاية عايزة تقدير امتياز عشان تفرحي قلبي ان عارفة ان كلية الصيدلة صعبة بس انتي شطورة . والله يا مها انتي في غلاوة ولادي .بحبك زي بنتي بالظبط

 

ربنا يخليكي ليا يارب يا عمتو . أأأأأأأأأأأأ هو أأأأأأأأأأأأأ

 

ههههههههه هي الحالة جاتلك تاني

 

هههههههه اصل عايزة ابارك لعلاء

 

علاء نايم والله يا حبيبتي .

 

طيب خلاص احنا هنيجي نباركله بنفسنا ان شاء الله

 

احنا ان شاء الله هنعمله حفلة يوم الجمعة وهتصل ببباكي ومامتك واعزمهم

 

ان شاء الله يا عمتو . طيب لو سمحتي قولي لعلاء اني اتصلت اطمن عليه

 

حاضر يا حبيبتي من عنيا

 

 

 

 

 

 

 

 

 

ماماااااااااااااااااااااااااااا ههههههههههه ماماااااااااااااااااااااااااااا

 

نعم يا مها في ايه مالك جاية تجري وفرحانة كدة

 

 

علااااااااااااااااااء نجح وجاب امتياز

 

ماشاء الله طيب وانتي فرحانة اوي كدة ليه

 

أنا أأأأأأ أبدا عادي عادي يا ماما ابن عمتي وفرحانة بنجاحه

 

ههههههههههههه لا يا ماما اصل مها ............. اقول لماما يا مها ؟ ههههههههههه

 

لمياء وبعدين !

 

في ايه يا لمياء تقوليلي ايه

 

هههههههههه لا خلاص وانا مالي يا ستي انا نازلة اعوم في البسين . مش هتيجي تعومي معايا شوية يا مها

 

ماليش مزاج . انا هقعد مع ماما في التراس

 

 

طيب من فضلك يا لمياء خلي نبوية تعملنا شاي . وانتي يا مها شغلي الست ام كلثوم خلينا نهدي اعصابنا شوية

 

اه والله يا ماما ام كلثوم بتخلي الواحد في دنيا غير الدنيا وخصوصا وهي بتغني عن الحب هههههههه

 

حب ! حب وايه وكلام فارغ ايه يا بنت

 

ايه يا ماما . هو الحب حرام

 

مش حرام ولا حاجة بس مش وقته يا حبيبتي . انتي لسة بتدرسي وكليتك صعبة

 

في ايه يا ماما . كل ده عشان اتكلمت عن ام كلثوم

 

لا . عشان اتكلمتي عن الحب .

 

يا ماما اغاني ام كلثوم وعبد الحليم تخلي اللي ما بيحبش لازم يحب ههههههههه

 

ممكن تشغلي ام كلثوم وتسكتي انتي ؟

 

حاضر يا ماما ههههههههه.ماما طيب قبل ما اشغل ام كلثوم كنت عايزة اقولك ان عمتو ليلي عاملة حفلة لعلاء يوم الجمعة وهتتصل تعزمكو

 

ان شاء الله نبقى نروح

 

 

طيب انا عايزة اجيب هدية لعلاء

 

وماله يا حبيبتي

 

طيب اجيبله ايه يا ماما ؟

 

 

هاتيله ازازة برفان

 

اييييييييييييييه ازازة برفان ايه يا ماما . انا عايزة اجيب حاجة غالية اوي اوي تليق بعلاء

 

هههههه يعني هتجيبيله عربية مثلا

 

مش للدرجة دي يا ماما هههههه خلاص انا هشوف كدة مع نفسي

 

 

تن تن تن الشاي يا ست مشيرة هانم

 

 

شكرا يا نبوية

 

 

 

 

 

 

 

 

 

 

 

 

 

 

على فين يا علاء

 

نازل اتغدا مع تيتة

 

طيب يا سيدي مين قدك ههههههه

 

 

رايح فين يا ابيه علاء

 

نازل عند تيتة يا موني يا نور عيوني هههههههه

 

هههههههههه سبحان الله موني بقت نور عنيك دلوقتي ؟ فاكر يا علاء لما عرفت اني حامل في موني كنت انت اكتر واحد زعلان . وتقولي يا ماما انا رايح ثانوية عامة وكبرت واني لسة هتخلفي . اقول لصحابي ايه ههههههههههه. اديك دلوقتي روحك في موني واول ماتدخل من الباب تسأل عليها وهي اول ما تصحى من النوم تسأل عليك

 

 

ههههههههه والله يا ماما ما عارف البيت من غير موني كان هيبقى شكله ايه . بجد عملت في البيت جو مرح وبهجة

ههههههه ربنا يخليكو لبعض يا حبيبي

 

ويخليكي لينا يا ست الكل . هو مصطفى اتأخر كدة ليه

 

تلاقيه راح المكتبة اللي جنبينا . ما انت عارفه غاوي قراءة واطلاع

 

وحاتم نايم طبعا ههههههههه نفسي اشوفه صاحي بالنهار بدل ماهو عامل زي الوطواط كدة ما بيظهرش غير بالليل ههههههه

 

ربنا يهديه ويصلح حاله

 

طيب عن اذنك يا ماما

 

اتفضل يا حبيبي

 

عن اذنك يا موني هههههههه

 

مث تتأخر عثان مث أذعل منك

 

اوامرك يا ست موني

 

 

 

 

 

 

 

 

 

 

 

 

نورتني يا علاء يا حبيبي

 

ربنا يخليكي يا تيتة

 

الاكل عجبك ؟

 

طبعا طبعا طبعااااااااااااا تسلم ايدك يا حبيبتي

 

احلى من طبيخ امك مش كدة ؟

 

ههههههههههههههه مافيش نفس يعلى على نفسك يا تيتة

 

ربنا يجبر بخاطرك يا ابن بنتي

 

بقولك ايه يا تيتة

 

خير يا حبيبي

 

كنت عايز اقولك حاجة هتفرحك

 

طب تعالى فرحني في البلاكونة واحنا بنشرب الشاي

 

هههههه

 

 

اتفضل الشاي يا حبيبي

 

شكرا يا تيتة

 

ها كنت عايز تفرحني بأيه

 

ان شاء الله نويت اخطب هيام بنت خالتي احلام

 

ايه ايه ايه . ليه كدة بس . اخص عليك يا علاء وانا اللي بقول عليك عاقل يابني

 

في ايه بس يا تيتة . مالها هيام ؟

 

يا بني دي بنت مجنونة ودماغها ناشفة ماتنفعكش والله . هي صحيح بنت بنتي وبحبها لكن برضو ماتنفعكش . بصراحة تربية خالتك احلام لبناتها على الدلع والرقص والتنطيط مش عاجباني . هيام متعبة وهتتعبك معاها

 

هتتعبني في ايه بس

 

عنيدة ومابتسمعش الكلام . عايزة تمشي على كيفها وماحدش يقولها صح ولا غلط

 

يا تيتة ومين قالك اني هخلي واحدة ست تمشي كلامها علية . دماغها الناشفة دي هكسرهالها وكلامي هيمشي على رقبتها

 

طب ليه يا حبيبي . ما تتجوز واحدة مطيعة وكويسة من الاول بدل ما تتعب نفسك مع البنت دي

 

ههههههههه بحبها يا تيتة طب اعمل ايه في قلبي

 

قلبك ! اشرب الشاي يابني واطلع عند امك عشان عايزة انام

 

ههههههههههههههههههههههه انتي قلبتي علية يا تيتة . ماشي

 

 

 

طب ايه رأيك يا علاء في مها بنت خالك رفعت ؟

 

مها !!!!!!!!!!

 

ايوة مها .ادب واخلاق وجمال وهادية هاااااااااااااادية زي النسمة

 

هههههههه ماهي عشان هادية انا مافكرتش فيها خالص ههههههه

 

لااله الا الله . يعني مش عاجباك العاقلة وعايز المجنونة !

 

 

شوفي يا تيتة انا هقولك على حاجة . انا طبعي هادي وبميل للعزلة والهدوء ومها طبعها زي طبعي بالظبط هااااااااااااااادية زيادة على اللزوم ولو اتجوزنا هيجيلنا اكتئاب وممكن ننتحر ههههههههه فأنا محتاج في حياتي واحدة زي هيام بكل شقاوتها وعفرتتها وتنطيطها عشان تعمل توازن لحياتي

 

 

ايه ده ايه ده ايه الكلام الغريب ده اللي مالوش طعم ولا لون . قوم يابني اطلع لامك قلبت دماغي

 

انا مالي انا تتجوز المجنونة ولا المهبولة . اللي بيشيل قربة مقطوعة بتخر على دماغه

 

ههههههههههه تصبحي على خير يا تيتة

 

وانت من اهله يا بتاع المجنونة

 

 

ههههههههههههههه ماشي يا تيتة

 

 

 

 

 

**

[مُقصرة دومًا 1261]

**

 

 

علااااااااااااااااااااااء هههههههههههههههههههه مبرووووووووووووووك

 

 

هههههههههه الله يبارك فيك يا مصطفى عقبال تخرجك ان شاء الله

 

ان شاء الله . ايه انت ناوي تشتغل مع بابا

 

ايوة طبعا ان شاء الله . انت عارف اصلا ان انا دخلت هندسة مخصوص عشان اشتغل مع بابا

 

ربنا يوفقك ان شاء الله يا حبيبي

 

ويوفقك ان شاء الله يا مصطفى . حاتم فين

 

هههههههه نايم

 

هههههههههه تعالى نصحيه

 

 

تعالي معانا يا موني عشان نغلس عليه اكتر

 

 

 

 

اصحى يا حتوووووووووووم اصحى يابني

 

اثحى يا ابيه حاتم اثحي بقى . انت نايم من اول امبارح

 

 

يييييييييييييييييييييي في ايه

 

يا عم اصحى يا عم

 

اصحى اعمل ايه

 

اصحى قولي مبروك النجاح

 

اااااااااااااه نسيت صحيح مبروك النجاح . تصبح على خير

 

هههههههههههههه اصحى يا حاااااااااااااااااااااااااااتم . هاتي كوباية المية دي يا موني

 

اتفضل يا ابيه مثطفى

 

 

ادي المية اهيييييييه هدلوقها على دماغك ههههههههههههههههه

 

يوووووووووووووووووووووووووووووووه ايه الارف ده ما تسيبوني بقى

 

 

 

يابني بقالي عشر تيام ماشوفتكش نفسي اشوفك بالنهار مرة

 

 

انا عارف طول مانتو في البيت الواحد مايعرفش ينام . الست موني مشغلة التليفزيون بصوت عالي ولما تطفي التليفزيون تغني هي وتتنطط وتأرفني في عيشتي

 

ههههههههههه انت هتتشطر على موني ولا ايه

 

انا ذعلانة منك يا ابيه حاتم . انت مث بتحبني مخاثماك

 

ايه يا حبيبتي انا مابحبكيش برضو يا موني اموووووووووووووه انتي احلى حاجة في البيت ده ههههههههه

 

 

ههههههههه اهو صالحك اهو . يلا بقى يا حاتم قوم يا اخي اقعد معانا

 

فين ماما

 

طلعت عند خالتك احلام تقعد معاها شوية

 

طيب واحد فيكو يتطوع ويعملنا حاجة نشربها

 

اروح انا اعملكو ثاي يا ابيه علاء ؟

 

لالالالالالالالالالالالالا اوعي يا موني تقربي ناحية البوتاجاز .ده خطر يا حبيبتي

 

يا مامييييييييييي طب قول لماما كمان مث تقرب منه عثان خطر

 

ههههههههه لا ماما كبيرة وبتعرف تتعامل معاه

 

 

 

السلام عليكم

 

وعليكم السلام اهلا يا فكري يا حبيبي

 

اهلا بيكي يا ليلى . ازيك يا حبيبتي

 

بخير طول ما انت بخير

 

الولاد فين

 

بابا جه هييييييييييييييه بابا جه بابا جه هييييييييييييييييييييييييه

 

ههههههههههه ازيك يا موني

 

اذيك يا بابا فين الثكولاتة

 

خدي يا ستي الشيكولاتة اهيه . انا اقدر ما جيبش شيكولاتة لبنتي حبيبتي وردة البيت ده ههههههه

 

انا اثمي ايمان مث وردة

 

ههههههههه

 

 

يا ولاد . انتو فين . بابا جه . يلا عشان نتعشى سوا

 

 

اهلا يابابا ازيك

 

ازيك يا علاء

 

ازيك يا بابا

 

اهلا يا مصطفى . فين حاتم

 

خرج مع اصحابه راحوا الديسكو

 

اووووووووووووووف الولد ده حاله مش هينصلح بقى استغفر الله العظيم . مش عارف طالع لمين

 

 

هههههههههه ربنا يهديه يا فكري . شاب صغير وعايز يفرح بشبابه

 

 

يعني هما اخواته هما اللي عواجيز . كلهم شباب ومع ذلك ماحدش عمل عمايله السودة دي . كل يوم سهر وملموم على شلة بايظة ودخل كلية مالهاش مستقبل

 

يا حبيبي كل واحد ليه شخصية غير التاني وبكرة يعقل ان شاء الله

 

طول ماهو ماسك الجيتار وبيدرس الموسيقى عمره ما هيعقل يا ليلى

 

نعمل ايه بس .مش هو اللي صمم يدخل معهد الموسيقى

 

لا حول ولا قوة الا بالله . هنتعشى ولا ادخل انام

 

العشا جاهز وحالا هحطه على السفرا

 

هاجي معاكي اثاعدك يا ماما

 

يا نور عيون ماما ههههههه تعالي يا حبيبتي

 

 

 

 

 

 

 

 

 

 

تررررررررررررررررررن تررررررررررررررررررررررررن

 

 

الو

 

ايوة يا علاء

 

 

اهلا يا هيام

 

 

ها طمني فاتحت عمو فكري في موضوع خطوبتنا

 

لا والله يا هيام

 

ليييييييييييييييييييييييييييييييييييييييييييييييه

 

كان مزاجه مش رايق امبارح خوفت اقوله ليرفض هههههههههه

 

يرفض !!!!!!!!!!!!!! مستحيل عمو فكري يرفض يجوز علاء لهيام بنت اخوه حبيبته

 

 

استني علية بس يا هيام لما جو البيت يبقى مناسب . اقولك استني بعد حفلة يوم الجمعة

 

اوووووووووووووف حاضر

 

هههههههههههههههههههههه حاسس بيكي والله . عارف ان حبك ليا مابينيمكيش الليل هههههههههه

 

اتريئ يا سي علاء براحتك . اديني هصبر لبعد الحفلة اما اشوف حكايتك ايه

 

احلى حكاية حب مع هيومة بنت خالتي ههههههه مع السلامة دلوقتي

 

 

الله يسلمك اووووووووووووووووووووووووف

 

 

**

[مُقصرة دومًا 1261]

**

 

 

قولي يا علاء

 

 

نعم يا ماما

 

زمايلك عملوا ايه

 

 

زمايلي !!!!!!!!!!!!! يا خبر . نهى عزمي !!!!!!!!!! يا نهار ابيض . عن اذنك يا ماما

 

 

في ايه رايح فين

 

 

نهى عزمي زميلتي مسافرة وطلبت مني اشوفلها النتيجة وانا من فرحتي بنتيجتي جيت جري ع البيت ونسيتها خاااااااااالص

 

ههههههههه طيب روح شوفلها النتيجة . ان شاء الله تكون ناجحة

 

 

هههههههههههه ايه ده انتي هنا يا نهى . جيتي من السفر امتى

 

 

اهلا بالندل ههههههههههه كدة برضو يا سي علاء ! اوصيك تشوفلي النتيجة تقوم تطنشني يا وحش

 

اسف جدااااااااااا يا نهى والله نسيت حقك عليا ومع ذلك والله جيت مخصوص دلوقتي عشان اشوفهالك

 

 

نجحت الحمدلله وجبت جيد

 

هههههههههه طول عمرك فاشلة يابنتي

 

هههههههه من بعض ما عندكم

 

 

لالالالالالالالا يا ماما انا جيبت امتياز

 

يا سيدي البنات مالهومش الاالجواز في الآخر . بص كدة في صباعي اليمين في ايه ههههههه

 

 

ايه ده اتخطبتي امتى يا بنتي

 

الاسبوع اللي فات يابني

 

بالسرعة دي

 

اومال يابني احنا بنلعب ولا ايه ههههه

 

ومين تعيث الحظ ده ههههههههه

 

اخص عليك يا وحش ههههههههه كابتن طيران زميل اخويا . وعلى فكرة هو موجود هنا

 

 

هنا فين . في شنطة ايدك ههههههههههه

 

ههههههههه لا يا خفيف بيصلي في الجامع

 

بيصلي !

 

عقبالك ههههههههههههه

 

والله انا بصلي وبقطع يا نهى ربنا يهدينا جميعا

 

لا وايه كمان انا بقيت بصلي وبقيت شيخة ههههههه

 

لالالالالالالالالا انتي بتصلي

 

 

ايوة يابني اصل ده كان شرطه عشان يدخلني مملكته

 

ربنا يوفقك يا نهى ان شاء الله

 

وانت خطبت بنت خالتك ولا لسة

 

 

ان شاء الله قريب جدا

 

ربنا يوفقك يا علاء انت والله اكتر من اخ بالنسبة لي

 

وانتي اختي والله يا نهى وبتمنالك كل خير

 

حسين خطيبي جاي هناك اهو استنى لما اعرفك عليه

 

 

 

السلام عليكم ورحمة الله

 

وعليكم السلام ورحمة الله

 

اعرفكو على بعض بقى كابتن حسين خطيبي وده باشمهندس علاء زميلي وعشرة عمري في الجامعة ههههههههه

 

اممممممممم اهلا يا باشمهندس

 

اهلا يا كابتن فرصة سعيدة

 

انا اسعد يا فندم

 

 

بالمناسبة دي بقى انا بعزمك يا علاء على فرحي انا وحسين يوم 10 الشهر الجاي هنعمله في فندق النيل اوعى ماتجيش والا هزعل منك والله

 

 

لالالالالا ازاي لازم اجي طبعا

 

 

طيب عن اذنك يا باشمهندس

 

 

اتفضل يا فندم

 

 

مستنياك في الفرح يا علاء

 

 

ان شاء الله يا نهى الف مبروك يا جماعة

 

 

حسين

 

 

يا حسين

 

حسيييييييييين مالك . ليه مش بترد علية

 

 

مافيش حاجة

 

 

لا انت شكلك متضايق

 

 

طبعا متضايق

 

 

لييييييييييييييييييييييه

 

 

 

**

[مُقصرة دومًا 1261]

**

 

يا نهى انا بصراحة ما بحبش الاختلاط

 

 

وواضح انتي وزميك ده واخدين على بعض اوي وحضرتك عمالة تضحكي وتهزري يعني تجاوزتي كل الخطوط الحمرا بين اي زميل وزميلته

 

 

اعتبر دي اهانة ؟

 

هو لما الفت نظرك لحاجة غلط ابقى بهينك يا نهى !

 

يا حسين على فكرة علاء ده انسان محترم جدا جدا والله وبيعاملني زي اخته بالظبط وعلى فكرة كمان هو خاطب يعني علاقتنا كانت اخوة وزمالة وبس

 

نهى انا واثق في اخلاقك وعارف انك مش مستهترة لكن الاسلام والشرع ما بيتجزأش

 

يعني الاسلام بيمنع الاختلاط سواء كان الراجل محترم ولا مش محترم . احترامه من عدمه دي حاجة تخصه

 

 

على العموم اسفة ما كنتش اعرف ان علاقتي بزمايلي هتتضايقك اوي كدة

 

نهى انا اسف اذا كنت احتديت في الكلام لكن انتي هتكوني زوجتي ان شاء الله وحبيت اعرفك طباعي وايه اللي برفض اشوفه من زوجتي

 

اسفة يا حسين

 

شكلك لسة زعلانة يا نهى

 

 

لا ابدا وكمان هتتصل بعلاء اقوله ما يجيش الفرح

 

 

لا طبعا ما ينفعش . يجي يا ستي زي بعضه لكن هتكون اخر مرة هتشوفيه فيها وارقام تليفوناتنا ماحدش غريب ياخدها

 

 

حاضر يا حسين

 

 

زعلانة ؟

 

لأ

 

طب فين ابتسامتك الحلوة اللي بتاخد عقلي ههههههههه

 

ههه

 

ههههههه يلا عشان اروحك البيت كفاية كدة

 

يلا

 

**

[مُقصرة دومًا 1261]

**

 

اقف هنا يا اسطى

 

اتفضل الاجرة بتاعتك

 

شكرا يا انسة . في حد هيطلع معاكي الشنط دي

 

 

ايوة شكرا البواب موجود

 

 

يا عم نافع عم ناااااااااااااااافع

 

 

ايوة يا ست سهام اهلا اهلا حمدالله ع السلامة

 

 

الله يسلمك . لو سمحت طلعلي الشنط فوق . انا هعدي على تيتة اسلم عليها الأول

 

 

حاضر يا ست سهام

 

 

تررررررررررررررررررن ترررررررررررررررررررررررررررن

 

 

مييييييييييييييييييييين برا

 

 

انا سهام يا تيتة

 

 

عايزة ايه يا هيام

 

هههههه سهااااااااااااااام يا تيتة . هيام فوق

 

سهااااااااااااااااااااام ازيك يا سهام . وصلتي امتى من اسكندرية

 

 

لسة واصلة حالا دلوقتي وجيت عليكي على طول قبل ما اطلع لماما

 

يا حبيبتي يا حبيبتي . ربنا يخليكي يا بنت بنتي . قوليلي نجحتي في كلية الهم دي ولا لسة

 

هههههههههه ايوة يا تبتة خلااااااااااااااص فاضلي السنة الجاية . عندي ليكي خبر جميييييييييييييييل يا تيتة

 

 

خير يا حبيبتي فرحيني

 

 

انا اتخطبت هههههههههه

 

يا مصيبتي ! اتخطبتي يعني ايه . ومين وافقلك على الخطوبة اذا كان ابوكي وامك هنا

 

هههههههه يا تيتة لسة العريس هيجي يخطبني

 

يبقى اعدلي كلامك وقولي جايلي عريس مش تقوليلي اتخطبت زي مايكون مالكيش اهل وبتوافقي على العرسان منك لنفسك كدة

 

طب ما تزعليش يا تيتة انا جايلي عرييييييييييييييييييييس هههههههه

 

وده يطلع مين ان شاء الله

 

ظابط بحري

 

ظابط بحري ! يعني بيشتغل في البحر وانتي كليتك في البر يبقى اتلميتي عليه فييييييييييييين ان شاء الله

 

ههههههه اتلميت عليه ع الشط يا تيتة هههههههههه

 

يا دي المصيبة اللي حطت على دماغنا يعني كلمتيه وكلمك يا مقصوفة الرقبة

 

مصيبة ايه بس . ايوة طبعا كلمني وكلمته وحبينا بعض كمان

 

الطف يارب الطف بينا يارب واسترنا ما تفضحناش يا ستار من الفضايح يارب

 

ايه ده يا تيتة فضايح ايه . انتي شككتيني في نفسي . دا حب طاهر

 

 

هو بسلامته اسمه طاهر ؟

 

هههههههه لا اسمه كريم

 

كريم ! احكيلي يا بنت احكيلي على بقيت البلاوي اتعرفتي عليه ازااااااااااااااااي

 

 

ابدا يا تيتة كنت ماشية على الكورنيش وكان بيعاكسني روحت قولتله احترم نفسك يا قليل الأدب

 

جدعة يا بت وبعدين حصل ايه

 

قالي اعذريني مش قادر اقاوم جمالك هههههههه

 

باين عليه نظره ضعيف الجدع ده ! كملي

 

قالي تعالي اوصلك بالعربية

 

طبعا ما رضتيش

 

لأ رضيت عشان رجلي كانت وجعاني من المشي

 

مشش في ركبك ربنا ياخدك انتي واخواتك ويريحنا منكو قادر يا كريم

 

هههههههه ليه بس يا تيتة

 

هو ايه اللي ليه يا بت انتي . ازاي تركبي عربية مع راجل غريب

 

لا يا تيتة انا ماركبتش الا لما حلفلي انه مش هيقربلي

 

قالو للحرامي احلف قال جالك الفرج . الصبر يارب

 

المهم انا ركبت بس كانت ايدي على الاوكرا عشان لو اتهور وحاول يقربلي افتح الباب وانط هههههه

 

يا سلاااااااااااااااااام يا سلام سلم على الاحترام والبنات المتربية وبعدين يا حبيبة تيتة

 

ابدا يا تيتة وصلني بكل ادب وذوق وقال علية.............

 

سافلة ومااتربتيش طبعا

 

ههههههه لا يا تيتة قال علية عاقلة ورزينة وتصرفاتي بحساب

 

باين عليه اهبل

 

وكل يوم كان بيستناني ويوصلني لحد ما في يوم ..............

 

 

حصل ايه ؟؟؟؟؟؟؟؟؟؟؟؟؟؟

 

 

طلب مني اروح معاه الشقة

 

يا مصيبتيييييييييييييييي ورحتي ؟؟؟؟؟؟؟؟؟؟؟؟

 

 

لالالالالالالالالالالالالالا طبعا قولتله اسمع يا استاذ انا اركب العربية معاك اه لكن اروح معاك الشقة لأأأأأأأأأأأأأأأ

 

وبعدين يختي

 

اتاريه يا تيتة كان بيختبر اخلاقي

 

وطبعا اتأكد انها مطينة

 

لالالالا يا تيتة اتأكد اني الزوجة المناسبة وخد العنوان وهيجي بكرة ان شاء الله هو واهله عشان يخطبوني

 

 

لا حول ولا قوة الا بالله . هي الدنيا جرالها ايه . البنات جرالهم ايه . ازااااااااااااااااااااي تكلمي راجل غريب وتركبي معاه العربية وتاخدي وتدي معاه في الكلام بالبجاحة دي

 

احنا كان على ايامنا البنت وشها بيحمر لما تشوف خيال راجل

 

هههههههههههههه يا تيتة يا حبيبتي الدنيا اتغيرت . زمان ايه بس . يرحم زمان وايام زمان . انا طالعة لماما

 

المركب اللي تودي

 

**

[مُقصرة دومًا 1261]

**

 

تررررررررررررررررن ترررررررررررررررررررررررررن

 

 

روحي افتحي الباب يا يسرا دي اكيد سهام طلعت من عند تيتة

 

 

حاضر يا مامتي

 

 

ترررررررررررررررررررررررررررن

 

 

ايوا ايوااااااااااا جاية يا اختي

 

 

 

يسرااااااااااااااااااااااا وحشتيني

 

امووووووووووووووووووه اموووووووووووووووووووووووووووه ازيك يا سهام يا اختي وحشتيني وحشتيني

 

ازيك يا ماماااااااااااااا

 

يا نور عيون ماما تعالي وحشتيني يا سهومة يا حبيبتي امووووووووووووووووه امووووووووووووووووووه

 

وحشتيني خالص يا ماما

 

 

مالك خاسة اوي كدة . انتي ما بتكليش ولا ايه في بيت الطالبات

 

ههههههه لا يا ماما بياكلوا اكلي ههههههه اومال فين هيام ودنيا

 

متلئحين قدام فيلم رومانسي وعمالين يعيطوا

 

هههههههههههههه يادي الكئابة ياربي . اكيد البطل خان البطلة عشان كدة بيعيطوا عليها

 

لالالالالالالالالا يا سهام انا احكيلك يا اختي الفيلم من اوله وانتي احكمي

 

بقولك ايه يا بنت انتي سيبيني اقعد مع اختك شوية اختك وحشاني بلا بطل بلا بطلة

 

طيب يا ماما انتو الخسرانين . الفيلم رومانسي وبكائي ومؤثر . عارفة يا ماما في اخر الفيلم هيحصل ايه للبطلة يا عيني ؟

 

عارفة لو ما قومتيش من وشي هاعمل فيكي ايييييييييييييييييه ؟

 

يا مامي لالالالالالا مش عايزة اعرف انا رايحة اكمل الفيلم واعيط مع اخواتي

 

 

ههههههه والله هيام ودنيا ويسرا وحشوني اوي

 

وانا ماوحشتكيش انا وبابا ولا ايه

 

وده معقول يا ماما . انتي وبابا وحشتوني موت موت مووووووووووت

 

احكيلي اخبارك ايه

 

 

جالي عريس

 

هههههه عريس . الله . ومين هو يا بنت احكيلي احكيلي

 

واحد شافني عجبني وعجبته وجاي يخطبني بكرة

 

ااااااااه هههههههه عجبك وعجبتيه . شكلك حبتيه بقى هههههههه

 

ههههههه ماانتي عارفة يا ماما بنتك عاطفية

 

فرحتيني يا قلب ماما وده بيشتغل ايه

 

ظابط بحري

 

الله الله الله يا جمالك وجمال اخبارك . وقعتي واقفة ههههههه وقوليلي بقى شكله حلو ؟

 

هو حلو بعقل يا ماما ده قمر قمرررررررررر ههههههههه

 

ههههههههه شبه مين من الممثلين قوليلي

 

لالالالالالا ممثلين ايه بس ده احلى من كل الممثلين واحلى من كل الحلوين يهبل يا ماما يهبل يجنن

 

هههههههه يا قليلة الادب . لما بابا يجي هيفرح اوي . استني لما اقوم اجيبلك حاجة تاكليها

 

لالالالالالا انا عايزة انام . بس هما فين الاندال اخواتي ماجوش سلموا علية

 

معلش حبيبتي هما كدة لما يقعدوا قدام فيلم ينسوا اساميهم

 

طيب هقوم انا اسلم عليهم وبعدين انام وصحيني لما بابا يجي عشان انزل فيه بوس للصبح هههههههه

 

هههههه طيب يا حبيبتي روحي نامي وارتاحي يا عروسة يا امورة

 

 

 

 

 

**

[مُقصرة دومًا 1261]

**

 

الحلقة (3)

 

 

ترررررررررررررررررن تررررررررررررررررررررررن

 

الو

 

مساء الخير يا فندم

 

اهلا مساء النور

 

 

ممكن اكلم باشمهندس علاء

 

اقوله مين حضرتك

 

مهندس مدحت الصاوي

 

حاضر يا فندم لحظة واحدة

 

 

علاااااااااااااااااااااااااء

 

يا علااااااااااااااااااااااااااااااء

 

نعم يا ماما

 

تليفون . مهندس مدحت الصاوي

 

 

ياااااااااااااااااه هههههههههه دا المعيد بتاعنا

 

 

الو

 

مساء الخير يا علاء

 

مساء النور يا دكتور مدحت ايه الاخبار

 

انا بخير يا سيدي . متصل اباركلك على التخرج واعزمك على فرحي ان شاء الله

 

والله ! الف مبروك . امتى ان شاء الله

 

يوم الخميس ان شاء الله في بيت والد العروسة وهبعتلك الكارت وفيه العنوان

 

 

هههههههه على كدة مش هتعرف تيجي الحفلة بتاعتي يوم الجمعة

 

لالالالالالالا يا عم ههههههه انا عريس مش فاضي هههههههه

 

ههههههههه الف مبروك يا دكتور . والله انت افضالك علية طول سنين الجامعة عمري ما هنساها

 

افضال ايه يا راجل . دا واجبي اني اقف جنب الاجيال الجديدة

 

ههههههههههههههه محسسني انك اكبر مني بخمسين سنة . انا لما دخلت سنة اولى كنت انت في البكالوريوس يعني كل الحكاية اربع سنين فرق في السن ههههههههه

 

هههههههه بصراحة الواحد من كتر ما بيتقاله يا دكتور من الطلبة الجداد حس انه هو اللي مربيهم

 

ان شاء الله قريب تاخد الدكتوراة

 

يا مسهل . انا دلوقتي عايز اخد لقب زوج وبعدين ربنا يسهل في الدكتوراة بقى

 

والعروسة بتدرس ولا بتشتغل ؟

 

العروسة دكتورة امراض نسا

 

ماشاء الله . ربنا يتمم لكم بخير ان شاء الله والف مبروك

 

 

الله يبارك فيك وعقبالك

 

قريب اوي ان شاء الله ههههههههه

 

اكيد بنت خالتك برضو

 

هههههه هو في غيرها

 

ربنا يوفقك يا علاء . انا بعتبرك اخ وصديق والله وبرتاح جدا لما بتكلم معاك

 

نفس الشعور يا دكتور مدحت

 

 

طب اسيبك بقى عشان اروح لعروستي حبيبتي في بيت ابوها عشان ترتيبات الفرح

 

 

مع السلامة يا دكتور مدحت

 

الله يسلمك

 

 

ازيك يا مدحت يابني

 

اهلا بيك يا عمي

 

النجار خلص الموبيليا يا مدحت

 

ايوة يا طنط الحمدلله وهننقلها الشقة بكرة ان شاء الله

 

على خيرة الله يابني

 

هي فين نجلاء ؟

 

تلاقيها بتلبس وتتذوق عشان تقابلك هههههههه

 

ههههههههه

 

 

نجلاااااااااااء يا نجلاااااااااااااااء

 

 

 

ايوة يا ماما جاية

 

 

مساء الخير يا جماعة

 

مساء النور يا عروسة هههههههه تعالى يا شاكر معايا وسيب العرسان يقعدوا مع بعض

 

واحنا لو قعدنا معاهم هيحصل ايه في الدنيا

 

قوم يا راااااااااااااااجل

 

حاضر اديني قومت

 

عن اذنك يابني

 

اذنك معاك يا عمي ههههههههه . نجلااااااااء نوجا حبيبتي

 

هههههههه بس بقى ما تبصليش كدة بتكسف ههههههههه

 

طمنيني حبيبتي . جهزتي حاجتك كلها ؟

 

طبعا طبعا طبعاااااااااااا يا حبيبي

 

هههههه اشتريتي ايه فرحيني وجري ريقي هههههههه

 

جبت كيسين قطن وبكرتين شاش وازازة مكروكروم وازازة دوا كحة وبرشام للإسهال

 

اسهااااااال ! انتي هتفحي مستشفى في الشقة يا نجلاء !!!!!!!!!!!

 

يا حبيبي لازم يكون في صيدلية كاملة في كل بيت للطوارئ

 

 

ماشاء الله ع التجهيزات اللي تفتح النفس

 

اومال انت قصدك على ايه

 

ماقصديش على حاجة . ماجبتيش ليه بالمرة ازازة دوا سخونية

 

جبت يا حبيبي ما تقلقش . اوعى تشيل هم اي حاجة خالص

 

 

يا نجلاء يا حبيبي هو انا كل ما اكلمك في موضوع تجيبيلي سيرة القطن والشاش والبراشيم !

 

اومال هتكلم في ايه . مش دا مجال شغلي

 

طيب ما أنا مهندس معماري تحبي اكلمك في الرمل والزلط ؟

 

ما تتكلم فيهم هو انا حوشتك . ثم اللي مالوش خير في شغله مالوش خير في أهله

 

كدة ! طيب يا خرصانة عمري يا اسمنت حياتي يا أجمل شكارة زلط وقعت على دماغي

 

 

ميرسي يا حبيبي . كدة ابتدينا نتفاهم

 

 

طيب انا مروح مش عايزة حاجة

 

اقعد اشرب حاجة

 

كفاية اللي شربته عن اذنك

 

مع السلامة يا باشمهندس

 

 

**

[مُقصرة دومًا 1261]

**

 

 

 

احكيلي احكيلي يا سهام اتعرفتي على العريس ازاي

هههههههه يوه يا هيام بقى انا تعبت من كتر الكلام

 

بس انا زعلانة اهئ اهئ

 

ليه يا هيام

 

عشان معنى كلامك انك هتعيشي في اسكندرية على طول وتسيبينا اهئ اهئ اهئ

 

وهي اسكندرية بعيدة يعني يا هيام . دول هما ساعتين بالديزل

 

 

شكلك فرحانة اوي بالعريس الاسكندراني ده ههههههه

 

ههههههههههه اوي اووووووووووووووي تحفة يجنن

 

هنشوف بكرة ونحكم ههههههههه عارفة لو ذوقك وحش هقتلك ههههه الراجل لازم يكون امور عشان الست توافق عليه

 

عندك حق يا اختي طبعا . اومال الواحدة تتجوز واحد شكله مش حلو وتتدبس فيه طول عمرها

 

كلامك حكم يا سهومة يا اختي . صحيح الكبيرة العاقلة

 

 

هاااااااااااااااااااااااااا احنا جينا عشان نتحشر في الكلام

 

اهلا يا دنيا اهلا يا يسرا بس احنا زهقنا من الكلام تعالوا نغني هههههههه

 

 

نغني ايه نغني ايه ااااااااااااااااااااااه بمناسبة ان العريس اسكندراني تعالوا نغني من بحري وبنحبوه هههههههههههه

 

 

 

من بحري وبنحبووووووووووووووووووووه

 

على الإمة بنستنوووووووووووووووووووووووه

 

 

شبك الجمالات وشبكني وازاي نقدروا ننسوووووووووووووووووووووووووووه من بحري وبنحبوووووووووووووووووه

 

أيُوووووووووووووووووووووووووووووه أيُووووووووووووووووووووووووووووووه هههههههههههههههههههه

 

 

تصدقوا انا حبيبت الاغنية دي اوي ههههههههههه امتى يجي بكرة بقى عشان تشوفوا عريسي

 

 

نامي دلوقتي هتلاقي بكرة جه على طول

 

 

وبعدين في صلاح ده . لحد دلوقتي ماجاش . الساعة داخلة على اتنين بعد نص الليل والبيه ماجاش . اووووووووووف طيب يا صلاح لما تقع في ايدي

 

 

اوووووووووف اتأخر وانا عايزة الحق اكلمه في موضوع عريس سهام اللي جاي بكرة . اجيبه منين دلوقتي الراجل ده

 

 

 

 

 

 

 

 

هههههههههههههههههههههههههههههههههه ماشي يا عم اركن على جنب . اشوفك بكرة ونكمل السهرة الحلوة دي هههههههههه

 

ههههههههههههههه يا عم انت قادر تقف . اطلع اطلع زمان المدام مستنياك بإيد المقشة ههههههههههه

 

هههههههههههه لا المدام بتنام بدري الحمدلله . هدخل انام في سريري ولا من شاف ولا من دري واول ما تصحى وتقولي انت جيت امتى هقولها الساعة 11 قولي 11 وربع ههههههههههههه

 

ههههههههههههه طيب يا عم اروح انا استلقى العلقة لوحدي ههههههههههه

 

 

 

 

 

 

 

 

اهلا يا سي صلاح

 

يا منجي من المهالك يارب . انتي صاحية يا احلام يا حبيبتي ؟

 

اتأخرت ليه وكنت فين في انصاص الليالي

 

انا أأأأأأأأأنا كككككككونت كككككونت اااااااااااااه اااااااااااااااه اصل واحد صاحبي امه الله يرحمها تعبت شوية وروحنا نزورها

 

امه الله يرحمها تعبت !!!!!!!!!! انت بتهرتل بتقول ايه

 

يا حبيبتي كان في ظروف اخرتني

 

ظروف ايه

 

ايه ده ايه ده يا ربي ياربي على جمالك وطعمتك وحلاوتك . ايه حكايتك انتي كل يوم الاقيكي احلى من اليوم اللي قبله

 

هههههههههههههههههه بجد يا صلاح

 

قمر قمر يا حبيبتي . الناس كلها حسداني على احلى عيون في الدنيا واحلى قوام يا احلام

 

هههههههههههههههه يا حبيبي يا صلوحتي بموت فيك

 

هههههههههه وانا بموت في التراب اللي بتمشي عليه يا حياة صلاح تصبحي على خير

 

استنى انت هتنام ولا ايه

 

في حاجة يا حبيبتي

 

ايوة يا حبيبي سهام اتخطبت

 

سهام ! سهام بنتي اتخطبت من ورايا ! وان شاء الله انا معزوم ع الفرح ولا عملينه ع الضيق

 

 

يا حبيبي قصدي جالها عريس وهيجي يقابلك بكرة

 

 

وازاي العريس يجي وهي مش موجودة . البت في اسكدنرية

 

لالالالالالالا سهام جت النهاردة وقعدت تستناك عشان تسلم عليك وفي الاخر نامت هي واخواتها لما انت اتأخرت

 

ومين العريس ده وعرفتوه منين ؟

 

**

[مُقصرة دومًا 1261]

**

 

تررررررررررررررررررن تررررررررررررررررررن

 

 

رد ع التليفون يا مصطفى يا حبيبي

 

 

حاضر يا امي

 

 

الو

 

 

هاي

 

مين

 

ممكن اكلم حاتم

 

انتي مين

 

قولوه سوزي

 

عايزة ايه منه

 

 

هو ايه اللي عايزه منه ايه ده . ايه قلة الذوق دي

 

قلة الذوق احسن من قلة الحيا وكلام الشبان

 

تصدق انك وقح !

 

انتي اللي وقحة وستين وقحة ومالكيش اهل يربوكي كمان ايه رأيك بقى

 

أناااااااااااااااااااااااا انت مين

 

وانتي مالك

 

اكيد واحد من اخوات حاتم . بس انا ماكنتش اعرف ان عنده اخوات بالانحطاط الاخلاقي والسفالة دي

 

 

سبحان الله ورمتني بدائها وانسلت

 

 

 

مين يا مصطفى

 

بت مايصة من بتوع حاتم

 

هههههههههه تقوم تكلمها بقلة الذوق دي

 

ايوة عشان تبطل هي وامثالها يكلموا شبان اغراب ويجيبوا المصايب لاهاليهم

 

ههههههه ربنا يكملك بعقلك . بس حاتم هيزعل اوي

 

 

ما يزعل ولا يتفلق . انا نازل يا امي عايزة حاجة

 

لا يا حبيبي شكرا

 

 

سووووووووووووووووووزي

 

 

سووووووووووووووووووووووزي

 

 

ايه ده بقى هو الجميل زعلان ولا ايه

 

 

وليك عين تكلمني يا سي حاتم

 

في ايه يا سوزي حصل ايه

 

حصل ايه . شوف اخوك والاهانات اللي اهانهالي

 

اخويا ! اخويا مين . ايوة القفل مصطفى القفل . معلش حقك عليا . اصله قفل وما بيعرفش يتعامل مع البنات الحلوين ههههههههه

 

قفل على نفسه مش علية واخوك ده لازم يعتذرلي

 

ههههههههههه يبقى بتحلمي ههههههههه ده بالذات صعب التفاهم معاه . عارفة لو علاء كان ممكن اخليه يعتذر

 

علاء ذوق جدا مع الناس مع انه قفل برضو زي مصطفى ومالوش في البنات وماشي في سكة اللي يروح مايرجعش

 

 

ايه سكة اللي يروح مايرجعش دي ؟

 

سكة الجواز هههههههههههههههههههههههههه

 

 

على فكرة يا سوزي عندنا حفلة يوم الجمعة وعازمك عليها

 

انااااااااااااااااا انا ادخل بيتكو انت اتجننت . انا اروح بيت ناس ما بيفهموش في الاصول ومعاملة البنات الحلوين

 

هههههههههههه يا بنتي مش للدرجة دي وبعدين دي حفلة كبيرة والكل معزوم

 

مش هاجي

 

اومال مين هيعزف على الفلوت

 

انتوا تفهموا في الفلوت انتو . انتو كبيركو تطبلوا على طبق بلاستيك

 

هههههههههههه الله يسامحك بس هتيجي برضو عشان تساعديني نعمل حفلة حلوة

 

بس اخوك القفل مالوش دعوة بيا

 

 

خلاص يا ستي مالوش دعوة بيك . خلاص مش زعلانة ؟

 

تؤتؤتؤ

 

طب هاتي بوسة بقى دليل الصلح

 

ههههههههههههه اموووووووووووووووووووووووه

 

هههههههههه لا دانا كدة هخلي مصطفى يزعلك كل يوم ههههههههههههه

 

 

 

**

[مُقصرة دومًا 1261]

**

 

ترررررررررررررررررررررن

 

ترررررررررررررررررررررررررررررن

 

 

مين برا

 

 

افتحي يا ماما انا احلام

 

يا فتاح يا عليم

 

اهلا وسهلا بالهانم اللي ماشوفتهاش بقالي تلات تيام

 

هههههههههه معلش يا ماما والله البنات وصلاح تاعبين قلبي ومش مخليني افضى اعمل اي حاجة

 

ايوة ايوة حججك كتير . ماحدش يغلبك . اقعدي يا ام العروسة

 

ههههههههه انتي عرفتي ؟

 

ايوة يختي عرفت الخيبة التقيلة والعرسان اللي بيلموهم من الشوارع

 

ايه ده ايه ده يا ماما . هي الكلام الوحش ده

 

كلامي وحش ! معلش . ابقى احطلك عليه سكر عشان يعجبك

 

في ايه يا ماما

 

انتي لو في وشك دم كنتي خليتي بنتك تروح تتعلم في بلد تانية بعيد عن عنيكي

 

بلد تانية فين بس يا ماما . دي في اسكندرية

 

يا سلااااااااااااااام اسكندرية . اصل اسكندرية تحت البلكونة ولما تنادي البت هترد عليكي

 

يا ماما هو انتي عايزاني احبس بناتي ولا ايه

 

هو الادب والاحترام بقى حبسة . هو لما تاخدي بالك من بنتك وتحافظي عليها تبقى حبسة

 

هو انا فرطت في بناتي يعني يا ماما . بنتي بتتعلم وزيها كتير سايبين محافظاتهم وبيتعلموا في محافظات تانية

 

ااااااااااااااااااه بيتعلموا ولا بيمشوا ع الكورنيش والشبان يعاكسوهم بالعربيات وييوصلوهم كل يوم والتاني

 

 

لو سمحتي يا ماما انتي كدة بتجرحيني وبترمي بنتي في شرفها

 

شرفها !!!!!!!!!! سلميلي على شرفها بتاعة العربيات . دا لولا ستر ربنا كانت رجعتلك بعيل على دراعها . بس ربنا نجدنا من الفضايح

 

اهئ اهئ اهئ انتي كدة دايما يا ماما عمرك ما قولتليلي كلمة حلوة . انتي بتكرهيني وبتكرهي بناتي وبتحبي ليلي ورفعت وولادهم

 

هكرهك ليه ! انتي بنتي وحتة من قلبي زي اخواتك . انا بكره عمايلك انتي وبناتك . مابحبش الحال المايل وانتي حالك مايل ومش عارفة هيتعدل امتى

 

اهئ اهئ ربنا يسامحك يا ماما . على العموم بنتي ما عملتش حاجة غلط بدليل ان الولد أعجب بيها وجاي يخطبها

 

اتلم المتعوث على خايبة الرجا

 

اهئ اهئ على العموم يا ماما العريس جاي بعد العشا هو واهله واحنا مستنينك عشان تحكمي عليه بنفسك عشان تبطلي ظلم فينا اهئ اهئ

 

 

 

**

[مُقصرة دومًا 1261]

**

 

يلا يا بنات يلا شغلوا اغاني افراح كدة وقوموا ارقصوا ههههههههههه

 

اغاني افراح ايه انتي هتفضحينا يا هيام . العريس لسة هيقابل بابا ولسة ما وافقش عليه

 

 

اه صحيح ههههههههه اصل انا مستعجلة اوي اوي على الرقص ههههههههه

 

 

 

ههههههههههه هو انتي مستنية مناسبة يا هيام عشان ترقصي . انتي كدة كدة بترقصي حتى وانتي زعلانة ههههههههه

 

هههههههههه ماشي يا ست دنيا . ال يعني انتي اللي مبطلة رقص ههههههههه

 

ههههههههه ابطل رقص واعيش اعمل ايه ههههههههه

 

 

يوووووووووووووووه ما تبطلوا الكلام الفاضي بتاعكو ده وساعدوني اختار فستان

 

ماتختاري لنفسك واحنا نختار لنفسنا

 

يا سلااااااااااااااام هو انتو العرايس ولا انا العروسة !

 

يعني هو احنا مش هنخرج نقابل العريس

 

طبعا هتخرجوا عشان تشوفوه وتتعرفوا عليه

 

 

 

طيب بصي البسي الفستان الروز ده جميييييييييييييييييل رقيييييييييييييييييييق خالص

 

 

لالالالالا البسي الاحمر ده هينور وشك ويظهر بياضك

 

 

لالالالالالالالالالالالالا البسي الموف ده يجننننننننننننننننننن

 

يوووووووووووووووووووووه انا زهقت مش عارفة البس ايه محتااااااااااااااااااااااااارة

 

 

 

 

 

 

 

 

بييييييييييييييييييييييييييب بيييييييييييييييييييييييييييييييييييييييييب بييييييييييييييييييييييييييييييييييييييييييييب

 

 

يا بنات يا بنات تعالوا بصوا من البلكونة العريس وصل هههههههههههههههههههه

 

 

هيييييييييييييييييييييييييييييه

 

 

هييييييييييييييييييييييييييييييييييييييه

 

 

العريس وصل

 

واااااااااااااااااااااااااااااااااااااااااااااااو ذوقك يجنن ههههههههههه

 

 

وشيك شيك اوي اووووووووووي

 

 

ولا عربيته جنان جنااااااااااااااااااااااااااااااان

 

 

هو ده العريس ولا بلاش

 

 

بس ايه ده هو جاي لوحده ليه ؟

 

 

اهلا وسهلا يابني نورتنا وشرفتنا

 

 

اهلا بيك يا عمي

 

 

اهلا يا حبيبي قولتلي اسمك ايه

 

كريم يا طنط اسمي كريم

 

ههههههه اسمك جميل

 

هههه من ذوق حضرتك

 

 

ترررررررررررررررررررررن تررررررررررررررررررررررن

 

 

ميين

 

افتحي يا بنت انتي وهي انا تيتة جاية اشوف عريس الغفلة

 

 

 

اهلا يا تيتة يا حبيبتي اموووووووووووووووه

 

اوعي يا شيخة هتدهوليلي وشي بالاحمر والاخضر اللي ملطخة بيهم وشك

 

 

 

السلام عليكم

 

وعليكم السلام اهلا يا حاجة

 

اهلا بيك يا جوز بنتي

 

فين العريس

 

ما هو قدامك اهو

 

اهلا يا تيتة

 

 

اهلا يا ابو عربية يا بتاع الكورنيش يا بايظ

 

اهلا بحضرتك

 

فين اهلك

 

هههههههه والله في الحقيقة ماما مش بتحب تسيب اسكندرية الا للشديد القوي وقالتلي اجي الاول اشوف الوضع ايه

 

وقالتلي لو لقيتهم عيلة محترمة وتشرف اتصل بيا اجي انا وباباك لو لقيتهم عيلة زبالة وما تشرفش ارجع على طول

 

 

ولقيتنا ايه ان شاء الله

 

 

بصراحة عجبتوني . العمارة شيك والحي راقي واثاث البيت راقي يعني هتتصل بابا وماما اجيبهم ههههههههههه

 

الحي راقي والاثاث راقي . انت يابني جاي تتجوز ولا جاي تورثنا بالحيا

 

 

ما يقصدش يا حاجة هو بس يقصد ان المستوى الاجتماعي ملائم لأسرته

 

بس يا بني ده حمار ومابيعرفش يتكلم

 

هههههههه معلش بكرة سهام تعلمه فن الكلام

 

اه فن الكلام وفن الرقص وفن المسخرة وعلى كل لون يا باطيستا

 

 

طيب دي هدايا بسيطة للعروسة واخواتها

 

 

وانا لأ ههههههه ولا هي مامة العروسة ما لهاش نصيب

 

 

هههههههه لالالا ازاي يا طنط . بس اصلها مايوهات مقاسها صغير . ان شاء الله المرة الجاية اجيب مايوهات اكبر شوية واحد ليكي وواحد لتيتة الحاجة

 

 

 

مايووووووووووووه ليا أنا . المايوه ده تلبسه لامك يا قليل الحيا .هو انا طالعة اتهزأ من اللي يسوا واللي مايسواش ولا ايه

 

 

يا حاجة ما يقصدش هو شايف المايوه هدية حلوة للستات وعصرية

 

لا اله الا الله . بدل مايجيب للعروسة حاجة تسترها . اه يا زمن الرجالة فيك راحوا مشوار ومارجعوش تاني

 

 

 

فين سهومة عروستي ؟

 

 

ههههههه حاضر يا حبيبي

 

 

تعالي يا سهام قابلي عريسك

 

 

يوه مكسوفة هههههههه

 

 

 

 

 

 

 

 

مبروك يا صلاح

 

 

الله يبارك فيك يا فكري عقبال ولادك

 

 

وسألتوا عليه ؟

 

ايوة طبعا كلفت اصحابي في اسكندرية يسألوا عليه وقالوا انه من عيلة كويسة ومحترمة

 

واتفقتوا مع العريس على ايه

 

هيجيب كل حاجة واحنا بس علينا الاجهزة الكهربائية وشقته في اسكندرية

 

عال عال ربنا يتمم بخير

 

 

**

[مُقصرة دومًا 1261]

**

 

لولوليييييييييييييييييييييييييييييييييييييييييييييييييييييييي

 

 

 

لولولييييييييييييييييييييييييييييييييييييييييييييييييييييييييييييييي

 

 

لولولييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

 

 

 

مبروك يا باشمهندس مدحت مبروك يا دكتورة نجلاء ههههههههه

 

 

الله يبارك فيكو يا جماعة عقبالكم جميعا

 

 

يلا يا حبيبتي يا وردتي الجميلة على مملكتنا الجميلة

 

حاضر يا حبيبي حاضر بس استنى هقول لإجلال الممرضة تعليمات كدة عشان تقوم بيها

 

إجلال مين وتعليمات ايه . احنا في ايه ولا في ايه

 

لحظة واحدة بس يا حبيبي

 

 

يا اجلال

 

ايوة يا دكتورة الف مبروك ههههههههههه

 

مبروك ايه وبتاع ايه دلوقتي . بصي خلي بالك من مدام الهام وقوليلها ما تولدش دلوقتي وتستنناني لما اجيلها وقوليلها ماتروحش لاي دكتورة تانية عشان ماتلخبطش الدنيا

 

 

حاضر

 

ومدام اسعاد قوليلها تاكل كويس عشان دي حامل في توأم ومحتاجة تغذية

 

حاضر

 

 

ومدام رشا قوليلها تعدي علية تاني يوم بعد الدورة ما تخلص

 

 

حاضر

 

ومدام ..............

 

نجلاااااااااااااااااااااااااااااااااااااااااااء كفاية حرام عليكي انا مالي باللي حامل في تؤام واللي بتولد خلينا في اللي احنا فيه

 

 

حاضر يا حبيبي جاية جاية

 

 

حاجة تاني يا دكتورة

 

 

لالالا خلاص روحي انتي . والله سايبة الشغل على عيني

 

 

ربنا معاكي يا دكتورة ما تغبيش علينا

 

 

ان شاء الله

 

 

 

اووووووووووووووووووووف يلا

 

مالك يا حبيبي بتنفخ ليه

 

 

ولا حاجة يا حبيبتي هطق بس

 

هههههههه سلامتك من الطقة يا حبيبي هههههههه

 

 

 

 

 

 

 

 

نجلااااااااااااااااااء حبيبتي اخيرا انا وانتي في عشنا السعيد

 

ههههههههههه ماتكسفنيش بقى يا دوحا ههههههههه

 

ههههههههههه دوحا طالعة من بقك عسل يا عسل ههههههههه يلا بقى ادخلي غيري هدومك

 

 

حاضر يا حبيبي

 

 

 

 

 

 

 

 

الله ماشاء الله ايه الجمال ده يا حبيبتي

 

ههههههه ميرسي يا حبيبي

 

هاتي ايدك كدة بين ايديا

 

ههههههههههه اتفضل بس اوعى تاكلهم ههههههه

 

تررررررررررررررررررررررررررررررررررررن ترررررررررررررررررررررررررررررررررن

 

 

ايه ده ده مين البايخ الرزل اللي بيتصل دلوقتي

 

 

رد شوف مين يا حبيبي

 

 

الوووووووووووووووووو الووووووووووووووووووووو مين

 

 

لو سمحت ممكن اكلم الدكتورة نجلاء ضروري

 

افندممممممممم مين معايا

 

 

قولها المستشفى

 

المستشفى !!!!!!!!!!!!!!

 

 

يا نجلااااااااااااااااااااااااء تليفون يا نجلااااااااااااااااااااااااااااااء

 

 

مين يا حبيبي

 

المستشفى يادكتورة السمتشفى اووووووووووف

 

 

الوو ايوة يااااااااااااااااااااااااااااااه معقول طيب طيب انا جاية حالا

 

 

نعم يختي رايحة فين دلوقتي

 

 

معلش يا حبيبي في حالة ولادة مستعجلة ومافيش دكاترة موجودين ولازم انزل حالا

 

 

مش هتنزلي يا نجلاء مش هتنزلي

 

يا حبيبي ما ينفعش دا واجبي كاطبيبة

 

وواجبك كا زوجة يا هانم ؟

 

يتأجل يا حبيبي يتأجل عن اذنك عشان عربية المستشفى زمانها جاية

 

 

يا عااااااااااااااااااااااااااااالم يا خلق . في عروسة تسيب عريسها ليلة الدخلة وتروح الشغل يا نفووووووووووووووووووووخي

 

كان عقلي فين كان عقلي فين لما اتجوزت الست دي

 

 

 

 

 

 

 

 

 

لولوييييييييييييييييييييييييي لولويييييييييييييييييييي ترررررررررررررررررررن تررررررررررررررررررررن افتح يا عريس افتح يا مدحت انا ماما يا حبيبي

 

 

امي !!!!!!!!!!!!! يا دي الواقعة المطينة . اقول لامي ايه . اودي وشي منك فين ياما !

 

 

 

 

صباحية مباركة يا حبيبي ههههههههه

 

الله يبارك فيكي يا امي

 

العروسة لسة نايمة ؟ هههههههههه ناموسيتكو كحلي

 

لا هي من ناحية كحلي كانت كحلي . كحلي اوي

 

ادخل صحيها يا حبيبي عشان اباركلها

 

احم احم لا والله اصل العروسة مش موجودة

 

ايييييييييييييييييييييييييه مش موجودة يعني ايه

 

اصل هي اصل يعني جالها شغل مستعجل وخرجت بالليل وباتت برا ولسة مارجعتش

 

 

يا لهووووووووووي يا حظك الاسود يابني اهئ اهئ يا حسرة قلبي عليك يا مدحت يا حبيبي اهئ اهئ

 

ايه يا امي ايه يا امي ارحميني كفاية اللي انا فيه

 

 

ترررررررررررررن ترررررررررررررررن

 

 

 

اهي جات اهيه

 

اهلا بادكتورة المعجزات . يا ترى الست ولدت

 

ههههههههه اه يا حبيبي ولدت ولدين زي القمر ويادوب فاقت من البنج وجيت على طول

 

 

ليه كدة كنتي استني جنبها لما الولدين يطلعلهم شنب

 

لا يا حبيبي قولت اجي اشوف جوزي حبيبي بقى

 

واجب برضو . ادخلي سلمي على امي عشان مستنياكي باشواقها من الصبح

 

 

صباح الخير يا طنط

 

اهو صباح وخلاص يا مرات ابني

 

ايه يا طنط مكشرة في وشي ليه ع الصبح

 

في واحدة عاقلة تسيب جوزها يوم الدخلة وتروح الشغل

 

 

شغلي يا طنط شغلي هو واخدني دكتورة وعارف طبيعة شغلي

 

وهو الدخلة دي مش شغل برضو

 

لأ دي توافه الامور يا طنط وتتأجل

 

 

كدة ! انا ماشية يا مدحت يابني . الله يجازي اللي رموك على الجوازة الهم دي . ربنا يصبرك على ما بلاك

 

 

ادعيلي يا امي ادعيلي

 

 

 

 

 

 

 

 

انتي رايحة فين يا نجلاء يا حبيبتي

 

 

هاخد شاور ع السريع وادخل انام عشان تعبت بشكل مش طبيعي في اوضة العمليات

 

 

ااااااااااااااه عندك حق . انا نازل اقعد ع القهوة عشان للأسف خدت اجازة من شغلي كنت فاكر اني هتجوز

 

 

مع السلامة جود باي مش تتأخر

 

 

 

 

 

 

 

 

 

 

 

حبيبتي نجلااااااااااااااااااااااء روح قلبي تعالي لجوزك حبيبك

 

 

تررررررررررررررررررررررن تررررررررررررررررررررررررررن

 

ييييييييييييييييييييييييييي مييييييييييييييييين بيتصل دلوقتي

 

 

 

الوووووووووووووووووووووو

 

 

لو سمحت عايزة الدكتورة نجلاء

 

لالالالالالا بقى دي مش طريقة

 

 

كلمي يا نجلاء كلمي

 

 

 

ايوة يااااااااااااااااااااااااه انا جاية حالا

 

 

 

حبيبي ............

 

عارف يا نجلاء ربنا يقومها بالسلامة

 

 

هي مين

 

 

اللي رايحة تولديها

 

 

ميرسي يا حبيبي

 

 

 

 

 

 

 

 

 

نجلااااااااااااااااااااااااااااء روح قلبي حياتي تعالي

 

 

ترررررررررررررررررررررررررررن

 

 

ترررررررررررررررررررررررررررررررن

 

 

للالالالالالالالالالالالالالالالالالالالالالالالالالالالالالالالالالالالالالالالالالالالا مش ممكن بقى

 

 

رد ع التليفون يا حبيبي

 

 

اديني رايح حاضر

 

 

الو

 

 

ايوة

 

لو سمحت ممكن اكلم الدكتورة نجلاء

 

 

الدكتورة نجلاء ماتت

 

ماتتتتتتتتتتتتتتتتتتتتت يا خبر اسود اهئ اهئ يا حبيبتي يا دكتورة نجلاء . دي كانت لسة معانا الصبح

 

 

معلش بقى لكل اجل كتاب ابقوا اقرولها الفاتحة وماتتصلوش هنا تاني

 

 

اهئ اهئ يا حبيبتي يا دكتورة نجلاء عظم الله اجرك يا استاذ اهئ اهئ

 

اجري عيطي بعيد بقى فلقتونا

 

 

 

 

 

 

مين يا حبيبي كان على التليفون

 

النمرة غلط يا حبيبي

 

 

اخيررررررررررررررررررررررررررررررررررا ههههههههههههههههههههههههههه

 

 

 

 

 

صباحية مباركة يا عروسة هههههههه

 

ههههه الله يبارك فيك يا حبيبي

 

 

 

قومي بقى خدي شاور وحضريلنا الفطار

 

 

من عيوني يا حبيبي بس بعد ما نفطر لازم اروح المستشفى ضروري

 

 

ههههههههههه روحي مطرح ماطروحي خلاص انا انتصرت ههههههههه

 

 

 

 

 

 

 

 

 

 

 

انت يا باشمهندس انت يا محترم انت فين

 

اهلا يا دكتورة شرفتي وانستي تعالي كلي لقمة على ما قسم

 

 

انت ازاي تبلغ المستشفى اني مت ؟ انا اتبهدلت بسببك النهاردة وانت ولا على بالك

 

 

انا اروح الاقي المستشفى معلقة خبر وفاتي والناس بيعيطو

 

 

انا انا زمايلي يجروا مني ويقولوا عفريت عفريت وتلاتة من زميلاتي اغم عليهم

 

 

انا اناااااااااا المدير بتاع المستشفى يقرا علية آية الكرسي وهو بيترعش وبعدين يقولي انصرفي لا تأذينا ولا نأذيكي ؟

 

 

انااااااااااا ادخل اوضة الست اللي ولدتها امبارح تقوم ناطة من ع السرير وتجري وتصوت والجرح يتفتح وينزف ؟

 

 

انا يجرالي البلاوي دي بسببك يا باشمهندس يا محترم ؟ دول فين وفين على ما صدقوا اني عايشة وان ده كان مقلب سخيف من جنابك عشان شهواتك وغرايزك يا شهواني

 

 

شهواااااااااااااااني . هو اللي يمشي في سكة الحلال والجواز يبقى شهواني

 

الله يخرب بيتك يا قاسم يا امين

 

 

ايه دخل اونكل قاسم دلوقتي

 

 

هو السبب في البلاوي اللي احنا فيها

 

 

انتو كدة يا رجالة حاقدين عليه عشان ساوانا بيكو وعرفنا حقوقنا

 

 

المهم سيبك من الرغي والدش ده وقومي اعمليلنا حاجة ناكلها

 

 

اوووووووووووووووف حاضر . رجالة الشرق وآفة التخلف والرجعية

 

 

**

[مُقصرة دومًا 1261]

**

 

الحلقة (4)

 

 

ترررررررررررررررررررن ترررررررررررررررررررررررررررررررن

 

 

 

الو

 

ايوة يا علاء انا هيام

 

 

اهلا يا هيام ازيك

 

 

مش كويسة

 

ليه بس . تعبانة ولا حاجة . اجيبلك دكتور ؟

 

 

تعبانة من تصرفاتك يا استاذ اهئ اهئ اهئ

 

في ايه بس انا عملت ايه

 

ما عملتش حاجة والمشكلة انك ما عملتش حاجة . كل شوية تأجل الكلام مع عمو فكري في موضوعنا وكل شوية بحجة شكل اهئ اهئ وفي الآخر لغيتوا حفلة يوم الجمعة اللي وعدتني انك هتخطبني بعدها اهئ اهئ

 

هههههههههههه طب بس اهدي . اولا الحفلة ما اتلغتش ولا حاجة الحفلة اتأجلت للجمعة الجاية ان شاء الله

 

 

وان شاء الله اجلتوها ليه

 

عشان خالي رفعت كان مش فاضي يجي الجمعة اللي فاتت

 

يا سلام ! وايه يعني . هي الحفلة مش هتبقى حفلة من غيره

 

اتكلمي بأدب عن خالك يا هيام وبعدين انتي عارفة ان ماما عاملة الحفلة تجمع فيها العيلة كلها ومش معقول تعمل الحفلة واخوها الوحيد ما يحضرش

 

لا طبعا ودي تيجي! . تراعي مشاعر الناس كلها وتسيبني اتفلق اهئ اهئ الله يسامحك يا علاء اهئ اهئ . طب والله يا علاء لو ما كنتش تخطبني بعد الحفلة لانتحر زي بطلة الفيلم واريحك مني خالص اهئ اهئ اهئئئئئئئئئئئئئئئئئئئئئئئئئئئئئئ

 

هههههههههههههه مجنونة . لا ما تقلقيش يا حبيبتي ان شاء الله بعد الحفلة هخطبك . خلاص بقى كفاية عياط . انا ما اقدرش اتحمل دموع حبيبة قلبي

 

 

بتحبني يا علاء ؟

 

بحبك بحبك بحببببببببببببببببببببببببك

 

هههههههههههه وانا بموت فيك يلا باي بقى عشان الفيلم اللي مستنياه زمانه جاي

 

طيب يا ستي باي باي

ههههههه مجنونة بس لذيذة وبموت فيها هههههههه

 

 

 

 

 

 

 

 

 

 

رايحة فين يا ماما

 

 

رايحة اعزم جيراننا على حفلة تخرج علاء اخوك

 

وانتي هتعزمي الجيران كمان

 

طبعا يا مصطفى

 

والله يا ماما انا ماكنتش حابب ان الحفلة تبقى بالطريقة دي

 

هههههههه اومال عايزها بأنهي طريقة

 

يعني انا شايف انها هتكون حفلة مختلطة وواضح ان الاستاذ المبجل الموسيقار حاتم هيجيب الشلة البايظة بتاعتو

 

يعني هيكون في رقص وغنى ومسخرة وبعدين خالي وخالتي عندهم بنات ومش حابب يكون الاحتفال بالشكل ده

 

 

بقولك ايه يا مصطفى بلاش خنقة يا حبيبي . فكها شوية . ربنا يفكها عليك وعلينا . دي حفلة والناس كلها بتحتفل بالطريقة دي

 

 

على راحتكو يا ماما بس انا كنت بتكلم في الاصول

 

لا يا سيدي خليهالك الاصول وسيبنا براحتنا

 

 

 

 

 

 

 

 

مساء الخير يا سالي يا حبيبتي

 

اهلا يا طنط ليلى مساء النور اتفضلي

 

 

هي فين ماما يا حبيبتي

 

يا طنط حضرتك عارفة ماما مش بترجع قبل الفجر من الشغل

 

الله يعينها بتتعب كتير مامتك في الرقص . حقيقي ست عظيمة ومكافحة

 

اه والله يا طنط دي بتيجي مرهقة خالص وتنام وش الصبح وتفضل نايمة لحد المغرب ويادوب تاكل لقمة وتجري على الكباريه

 

الله يديها الصحة يا حبيبتي , هنعمل ايه اكل العيش مر

 

ميرسي يا طنط

 

طيب يا حبيبتي احنا عندنا حفلة يوم الجمعة عشان الباشمهندس علاء اتخرج

 

والله ! الف مبروك يا طنط

 

عقبالك يا روح قلبي . انتي رايحة اولى كلية تجارة مش كدة ؟

 

ايوة يا طنط

 

ربنا يوفقك يا حبيبتي

 

وحضرتك عايزة ماما ترقص في الحفلة ؟

 

ههههههه لا يا حبيبتي انا كنت جاية اعزمها كضيفة مش رقاصة

 

بس للأسف ماما مش هتبقى موجودة قبل الفجر

 

خلاص . تعالي انتي شرفينا

 

ان شاء الله يا طنط . ميرسي على العزومة اللطيفة دي

 

 

 

 

تررررررررررررررررررن ترررررررررررررررررررررررن

 

 

افتحي الباب يا صفاء

 

حاضر يا ماما

 

ازيك يا صفاء

 

اهلا وسهلا يا طنط ليلى وحشاني خالص

 

هههههههه انتي وحشاني اكتر يا حبيبتي . ياترى ماما موجودة

 

ايوة يا طنط اتفضلي في الصالون

 

اهلا اهلا اهلا ايه النور ده يا ليلى يا حبيبتي

 

اهلا بيكِ يا امينة اموووووووووووه امووووووووووووه

 

كدة برضو ولا تسألي ولا كأننا جيران والباب قصاد الباب

 

معلش والله يا حبيبتي المشاغل والولاد والدوشة اعذريني . انا جاية اعزمك انتي وصفاء على حفلة تخرج علاء يوم الجمعة ان شاء الله

 

حفلة ! الف مبروك لعلاء وعقبال اخواته لما تفرحي بشهاداتهم وعرايسهم يارب

 

الله يخليكي يا حبيبتي ويبارك فيكي يارب

 

بس معلش يا ليلى انتي عارفة يا حبيبتي اني مابحبش الحفلات والاختلاط وصفاء معوداها على طبعي

 

عمرها ما حضرت حفلة ولا عمرها طلبت تحضر حفلة ههههه اصلها خجولة اوي زي ماانتي عارفة وتخاف من خيالها

 

حقيقي صفاء ونعم التربية . ربنا يباركلك فيها

 

تعيشي يا حبيبتي .طالبة من ربنا انه يديني العمر والصحة لحد ما اجوزها وافرح بيها واشوفها متهنية في بيتها مع جوزها

 

يا حبيبتي ربنا يخليكي ويديكي الصحة وتفرحي بيها

 

خايفة والله يا ليلى . وكل ما تجيلي ازمة القلب ببقى مرعوبة ليجرالي حاجة والبنت تتبهدل من بعدي

 

بعد الشر عليكي يا حبيبتي ما تقوليش كدة . ان شاء الله هتشوفيها احلى عروسة

 

يارب يا ليلى يارب

 

طيب استأذن انا عشان اعدي على مدام كلوفوسيس

 

ااستني اشربي حاجة

 

مستعجلة اوي يا امينة معلش

 

على فين يا طنط انا جيبت لحضرتك عصير

 

لا معلش يا حبيبتي مرة تانية عن اذنك

 

 

 

ترررررررررررررررن تررررررررررررررررررررن

 

 

يني افتخ الباب يني

 

ماتفتخي انتي كلوفوسيس . كل خاجة يني يني

 

افتخ يني افتخ اعملتو خاجة مفيدة بدل القعدة قدام التليفزيوناتو

 

 

اووووووووووووووف خاضر خاضر

 

 

مساء الخير يا خواجة يني

 

اخلا اخلا اخلا مدام ليلى سرفتينا كتير

 

هههههه الله يشرف مقدارك . فين مدام كلوفوسيس

 

اتفضلي جوا

 

لالالا ما عنديش وقت ناديلي عليها

 

 

 

كلوفوسيس كلمتوا مدام ليلى

 

مدام ليلى ! اخلا اخلا خبيبتي اخلا وسخلا

 

ههههههههه اهلا بيكِ وحشني كلامك يا كلوفوسيس

 

ههههه مس تسوفي وحس ههههههه اتفضلي

 

لا والله معلش انا جاية اعزمك انتي والولاد على حفلة تخرج علاء ان شاء الله

 

علاااااااااااااااااء خبيبي خبيبي اتخرجتوا ؟

 

ههههههه ايوة الحمدلله عقبال ولادك

 

مبروك خبيبتي مبروك لمسيو علاء

 

 

هتيجي

 

طبعا خاجي خاجي

 

في انتظارك ان شاء الله

 

 

اااااااااااااااااااه كنت هنسى الجارتين الطعمين واحدة ربنا يكفينا شر عنيها وواحدة ربنا يكفينا شر لسانها

 

روحية ام عين قوية وابتسام ام لسان عايز لجام

 

اعمل ايه مضطرة اعزمهم وامري لله

 

 

**

[مُقصرة دومًا 1261]

**

 

 

 

اهلا اهلا يا جماعة منورين الحفلة كلكو

 

اهلا بيكي يا مدام ليلى . مبروك لعلاء وعقبال العروسة ههههههه

 

تسلمي يا حبيبتي يارب اشوفه مع احلى عروسة نور عيوني ده

 

 

 

 

بيييييييييييييييييييييب بيييييييييييييييييييييييب بيييييييييييييييييييييييييييب

 

شوف كدة يا علاء دا كلاكس عربية خالك رفعت باين عليه جه

 

 

ايوة يا ماما جه هو وطنط مشيرة ومها ولميا

 

السلام عليكم اهلا بالباشمهندس حبيب خاله هههههههه

 

وعليكم السلام اهلا وسهلا يا خالي

 

تعالي في حضن خالك يا ولد ههههههههه الف مبروك يا حبيبي

 

هههههه الله يبارك فيك يا خالي

 

 

اومال فين ابوك وعمك

 

بابا مش موجود عشان ما بيحبش الدوشة وعم صلاح هيجي بس متأخر شوية كالعادة

 

مبروك يا علاء

 

الله يبارك فيكي يا طنط مشيرة

 

مبروك يا علاء

 

هههههه الله يبارك فيكي يا لميا

 

مها مهااااااا قولي لعلاء مبروك

 

مكسوفة يا لميا

 

ههههههه يابنتي قوليلي مبروك هو انتي هتقوليلي بحبك عشان تتكسفي !هههههههه

 

مممممممبروك يا علاء

 

اخيرا نطقطيها هههههه الله يبارك فيكي يا مها عقبالك ان شاء الله

 

مممممميرسي

 

 

لميا

 

نعم يا ماما

 

هي اختك بتقطع كدة ليه . ايه اللي جرا للسانها

 

ههههههههه مش عارفة يا ماما . الله يعينها على اللي هي فيه

 

 

فين الحاجة ؟

 

الحاجة في البلاكونة بعيد عن الدوشة هي ومصطفى

 

السلام عليكم ازيك يا امي وحشتيني يا غالية

 

اهلا اهلا اهلا حبيبي ونور عيني رفعت . ازيك يا واد يا رفعت

 

هههههههه واد ايه بس يا حاجة . انا بناتي بقوا اطول مني

 

هههههههههه ربنا يخليهوملك يارب ويباركلك فيهم . اهلا يا مشيرة اهلا يا بنات اهلا اهلا وحشتوني

 

اهلا بيكي يا نينة وحشتيني

 

ماتشوفيش وحش يا مشيرة

 

ازيك يا تيتة يا حبيبتي

 

يا روح قلبي ياروح قلبي اهلا بالوردة الحلوة ازيك يا مها يا ست البنات

 

هههه ربنا يخليكي يا تيتة

 

كدة برضو يا تيتة . يعني مها ست البنات وانا لأ ؟

 

ههههههههه تعالي في حضني يا لميا يا شقية ههههههه

 

هههههههه وحشتيني يا تيتة امووووووووووووووه

 

هو فين مصطفى وحاتم

 

مصطفى واقف في البلكونة من الناحية التانية وحاتم نزل يجيب العيال البايظة اللي هيقلبوا دماغنا

 

هههههههههه طول عمره عفريت الولد حاتم ده

 

ربنا يصرفه من البيت ويريحنا منه ان شاء الله

 

ههههههه يا مصطفى انت يا ولد

 

اهلا اهلا ازيك يا خالي ازيك يا طنط مشيرة ازيكو يا بنات

 

اهلا يا مصطفى ازي احوالك يابني

 

 

 

 

 

 

ماتيلا بقى الناس كلها وصلت الحفلة وانتو لسة واقفين قدام المرايا بتلبسوا وتتزوقوا . يلا يا بنت انتي وهي اتأخرنا على خالتكو خلينا ننزل

 

 

خلصنا يا ماما ايه رأيك فينا

 

اربع قمرات هههههههههه يلا بقى

 

داحنا هنرقص رقص النهاردة هههههههههه

 

ارقصوا يا حبايبي وانبسطو ههههههههه

 

 

 

 

 

 

 

 

 

علااااااااااااااااااااااااااااااااء هههههههههههههههههههههههه حبيبي وحشتني

 

يا مجنونة يا مجنونة حد ياخد باله من جنانك ده ابعدي عني شوية مش كدة

 

يا سلام ! ماتخليهم ياخدوا بالهم . هو انت مش خطيبي وحبيبي ومن حقي امسك ايدك

 

بقولك ايه اعقلي شوية وخلي النهاردة يعدي على خير . انا مش عايز حد من الجيران يتكلم عنك وحش

 

اهئ اهئ ايوة يا سيدي نكد علية . وانا اللي كنت فاكرة انك اول ما تشوفني هتيجي جري علية وتقولي وحشتيني زي بطل الفيلم اللي شوفته اميارح اااااااااااه ياني يا مامي اهئ اهئ

 

ههههههههههه لا والله ماليش في الافلام . روحي اقعدي مع البنات عشان الجيران ابتدوا يبصوا عليكي وخصوووووووصا طنط ابتسام ومش هتترحمي من لسانها ههههههه

 

وهي مالها هي . على العموم راجعالك تاني يا باشمهندس لاني باختصار مش شايفة حد غيرك ولا يهمني راي حد غيرك هههههه

 

مجنونة صحيح على رأي تيتة

 

 

 

ازيك يا ست مها

 

اهلا يا هيام ازيك وحشتيني

 

والله ! انا برضو اللي وحشتك

 

تقصدي ايه

 

ما اقصدش حاجة . اقصد ان في ناس هتتكبس قريب هههههههههههههههههههههههههههههههههههههههههه

 

مش فاهمة !

 

بكرة تفهمي يا روحي عن اذنك ههههههههه

 

 

هي مالها دي بتتكلم كدة ليه

 

مش عارفة يا لميا . انا بصراحة مش عارفة ليه هيام بالذات بتكرهني كدة مع اني والله بحبها

 

 

اهلا اهلا اهلا ازيكو يا بنات خالي ههههههه

 

اهلا بيسرا اهلا دنيا ازيك يا سهام

 

اهلا بيكو منورين والله

 

 

 

 

هييييييييييييييييييييييييييييييييييييه حاتم وصل النجم وصل هههههههههههههههههههههههه

 

 

مساء الخييييييييييييييييييييييييييير على المعازيم الحلوين ههههههههههههههههههه انا جيت وجبتلكو الفرقة كلها والرقص للصبح هههههههههههههههههههه

 

هههههههههههههههه يلا يا حتوم احنا مستنينك من بدري

 

حاتم حاتم حاتم

 

 

ايوة يا سوزي

 

هو فين اخوك اللي شتمني في التليفون ؟

 

هههههههه وانتي مالك وماله

 

قولي بس هو فين عشان اخد بتاري

 

شايفة البلاكونة اللي هناك دي

 

اه

 

شايفة اللي قاعد هناك ده

 

وااااااااااااااااااااااااااااااااااو هو ده اخوك

 

ايه ده ايه ده مالك تنحتي كدة

 

معقولة القمر ده بيعرف يشتم ولسانه طويل كدة هههههههههههههه

 

هههههههههههه ولو شافك قدامه هيشتمك تاني . خليكي هنا في الامان ههههههههههههه

 

طب عن اذنك اروح اغلس عليه شوية هههههههه

 

انتي الجانية على نفسك هههههههههه

 

استنى ما تبتديش غنى وعزف دلوقتي اما اروح لاخوك الاول

 

 

 

 

 

انت

 

 

يا انت

 

 

ايه ده . انتي مين

 

ممكن حضرتك تعتذرلي ؟

 

افندم !!!!!!!!!!!!!!

 

ايوة عشان شتمتني في التليفون

 

اااااااااااااااااااااااااااااااه هو انتي ؟

 

ايوة انا . ايه . مش عاجباك انا

 

اوووووووف استغفر الله العظيم . يعني الواحد سايب الحفلة وقاعد بعيد في البلكونة ومع ذلك البلاوي بتتحدف عليه برضو

ههههههههههه عسل والله عسل شربات انت شربات

 

لو سمحتي يا انسة اتفضلي من هنا . انا ماليش في المسخرة

 

هههههههه طب واللي يعلمهالك ؟ هههههههههه

 

استغفر الله العظيم . انا ماشي من البيت خالص

 

طب خلاص خلاص . خليك قاعد انا خارجة هههههههه يا واد يا تقيل انت هههههههههه

 

 

 

 

 

 

 

يلا يا حاتم بقى

 

 

طيب احنا هنغني الاول اغنية لافلي . مين الامورة اللي هفتتح الرقص

 

أناااااااااااا

 

أناااااااااااااااااا

 

لالالاأنااااااااااااااااااااااااااااااااااا

 

وعلى ايه كلكو قوموا ارقصوا هههههههههه بس انا كنت اقصد مين هترقص معايا

 

اختار انت يا حاتم

 

اختار مين اختاااااااااااار مين مييييييييييييييين ااااااااااااااااااااااااااااااااه هختار صاحبة اجمل واقصر فستان ههههههه دنيا ههههههههههههههههههههه تعالي يا دنيا

 

هههههههههههه هنرقص على إيه

 

 

ايه رأيك في اغنية لندا لندا يا حياتي

 

مين ليندا دي يا استاذ . قول دنيا دنيا يا حياتي ههههههههههههه

 

ههههههههههه خلاص يا قمر تعالي . يلاااااااااااااااا

 

 

 

 

دنيا دنيا يا دنيا دنيا دنيا يا حياااااااااااااااااااااااااااااااااااااتي

 

دنيا دنيا يا دنيااااااااااااااااا دنيا دنياااااااااااااااااااااااا يا نور عيني

 

انا بحبك

 

اسألي قلبك هو يقولك يا دنيااااااااااااااااااااااااااااااا

 

 

 

يا مصيبتيييييييييييييييييييييييييييييييييي يا دي الفضايح استر يارب يا لهووووووووووووووووووي الله ينتقم منك يا احلام انتي وبناتك . شوف ياخويا الواد حاطط ايده في وسط البت وعمال يحدفه على طول دراعه ويجرها على صدره تاني والفستان عمال يترفع وراسنا بقت في الطين . حد ينهي الحفلة دي والا هطلبلكو بوليس الاداب يجي يلمكو كلكو بدون استثناء

 

 

 

يا تيتة انتي ايه جابك من البلكونة

 

جيت عشان اشوف الفضايح وقلة الادب , اشمعنى انتو يا بنات احلام اللي عمالين ترقصوا وتقلوا ادبكو

 

وبنات خالكو قاعدين اخر ادب واخلاق

 

يا تيتة احنا مش بنحب الرقص بصراحة بنحس انه بيخرج البنت عن حيائها واحترامها لنفسها واحترام الاخرين ليها

 

ايوة ايوة يا ست مها سخني تيتة

 

سخونية لما تلهفك قولي ان شالله . يسلم لسانك يا مها

 

شايف يا علاء فرق السما من الارض بين مها وهيام

 

يا هيام لو سمحتي احترمي نفسك شوية

 

يا واد يا غضنفر . انا نازلة شقتي . الشقة الطاهرة المبروكة اللي مافيهاش مسخرة

 

 

 

راحة فين يا حاجة السهرة لسة هتحلى هههههههههههه

 

يا ست انتي وهي عيب عييييييييييييييييييب كل ست تروح على شقتها . مش باركتوا وطفحتوا الجاتوه ؟

 

هههههههههه ايوة يا حاجة يجعله عامر

 

 

يا ماما ما يصحش كدة دول ضيوفنا

 

ضيوف الندامة يا ست ليلى . انا نازلة يختي وانتي حرا انتي واخت مع ضيوفكو

 

 

هههههههههههههه راحة فين يا تيتة تعالي ارقصي مامبوا هههههههههههه

 

يلا يا ابو جلمبو يا بتاع الجيتار . اخرتك ان شاء الله قرداتي ع القهاوي

 

ههههههههه اعزفلنا اغنية لافلي يا حاتم

 

اوووووووووووووووووووووووكي يلااااااااااااااااااااااااااااااااااااااااااا

 

 

لافليييييييييييييييي اول ذا ورلد لافليييييييييييييييييييييييييييييي

 

لالالالالالالالالالالالالالالالالالالالالالا

 

كيس مي اند تل مي يو لاف مي

 

لالالالالالالالالالالالا

 

وااااااااااان نايت ليتس بيبول وااااااان نايت

 

كيس مي اند هولد مي سي تااااااااااااااااااااااااااايت

 

ههههههههههههه سكر حلوة الدنيا سكررررررررررر

 

اسهر حب الدنيا اكتررررررررر

 

ليلة اتمتعلك ليلة

 

ليلللللللللللللللللللة عيش الدنيا جميلة زي السكرررررررررررررررررررر

 

 

 

 

 

 

ياااااااااااااااااااااااااااااااااااااااااااه الواحد تعب من الرقص بشكل

 

بس كانت حفلة جميلة

 

اه بس تيتة نكدت علينا خالص

 

هي تيتة بس . تيتة والست مها القديسة . اللي ان شاء الله هيجيلها شلل قريب لما تعرف ان علاء فضلني عليها ههههههههههههههههههههههههههههههههههههههههههههههههههههه

 

 

 

**

[مُقصرة دومًا 1261]

**

 

تقبل الله يا شيخ خالد

 

منا ومنكم ان شاء الله يا استاذ ياسر . وبلاش كلمة شيخ دي انا مش اد الكلمة دي

 

ههههههه الناس عادة بيقولوا لاي واحد ملتحي يا شيخ

 

طب ما انت ملتحي بس انا ما بقولكش يا شيخ

 

اه صحيح . طب يلا يا شيخ عشان المسافة طويلة والدنيا ليلت علينا ههههههههههه

 

ههههههههههه توكلنا على الله

 

 

تحب تسمع لمين من المشايخ

 

كلهم كويسين سمعنا كلام ربنا خلي اعصابنا ترتاح شوية

 

اه والله مافيش احلى من كلام ربنا سبحانه وتعالى

 

 

 

 

 

 

ايه ده ايييييه ده . استنى يا شيخ خالد وقف العربية

 

في ايه

 

مش عارف زي ما يكون حد مرمي على الطريق

 

ايه ده . اه والله صحيح . استنى لما اوقف العربية

 

 

يا الطاف الله . دي واحدة ست . دي مقتولة دي ولا ايه ؟

 

اعوذ بالله ايه اللي هي عاملاه في نفسها ده . دي تقريبا عريانة . يلا نمشي

 

يا شيخ خالد نمشي نروح فين بس . يعني هي عشان لبسها مش عاجبك نسيبها ونمشي . استنى نحاول نفوقها

 

فوقها انت انا مش طايق اشوفها اصلا

 

 

يا انسة

 

 

يا ست

 

يا مدام

 

يا خالة

 

ما بتردش

 

طب خلاص يلا نمشي

 

 

طب تعالى نشيلها

 

اعووووووووووووذ بالله نشيل مين ياراجل . دي جسمها كله شبه عريان . انت عايز تدخلنا جهنم ؟

 

 

طب نمسكها بمنديل ولا حاجة عشان ما نلمسهاش

 

ايوة فعلا هما الحشرات ما يتمسكوش الا بالمناديل . بس برضو المنديل خسارة فيها . العاصية الفاجرة دي

 

 

يا شيخ خالد مش كدة . انت راجل المفروض انك بتدعي الناس للطريق المستقيم

 

وهي دي اشكال تعرف ربنا عشان الواحد يهديها برضو

 

معاك ازازة برفان

 

معايا ازازة مسك

 

طب هاتها

 

 

فوقي يا انسة فوقي

 

اهيه ابتدت تفتح عنيها

 

ااااااااااااااه انا فين . انتو مين . اهئ اهئ فين دهبي اهئ اهئ فين فلوسي اهئ اهئ

 

دهبك وفلوسك ! دي باين عليها نصابة . انا مش مرتاحلها من الاول . يلا نمشي

 

استنى بس يا شيخ خالد . انتي مين يا اختي ومين اللي جابك في الطريق المقطوع ده ؟

 

يا عم احنا هنناسبها .واحنا مالنا

 

 

اهئ اهئ انا اخر حاجة فاكراها اني كنت راكبة تاكسي وبعدين سواق التاكسي كتم نفسي بمنديل وغيبت عن الوعي اهئ اهئ ودلوقتي صحيت مالقتش دهبي وفلوسي اهئ اهئ

 

 

ايوة ايوة . يا عم هو لا في سواق تاكسي ولا كان معاها فلوس من اصله . دي اكيد عاملة كدة عشان تلم قرشين تتعشى بيهم

 

اخرس اهئ اهئ اخرس يا قليل الادب اهئ اهئ

 

اما انك حورمة لسانها طويل ومتبري منها صحيح

 

عيب بقى يا شيخ خالد

 

يلا نمشي يا استاذ ياسر

 

طيب يلا حضرتك عشان نوصلك لبيتك . انتي اهلك ساكنين فين

 

وهي دي لو ليها اهل كانوا سابوها خرجت بالشكل ده !

 

وبعدين بقى في الراجل البشع ده اهئ اهئ لو سمحت مشيه ووصلني انت

 

هههههههههه والله ما ينفع اصل هو صاحب العربية

 

طب خلاص امشوا انا هتصرف

 

يا انسة هتتصرفي تعملي ايه بس في السكة المقطوعة دي . ممكن يطلع عليكي حد يأذيكي ولا حاجة لا قدر الله

 

طب يعني يرضيك اركب عربية واحد مش طايقني

 

 

اتفضلي اركبي وامري الى الله . احنا اصطبحنا بوش مين النهاردة

 

 

ايوة هنا اركن على جنب . ميرسي خالص انكو وصلتوني فرصة سعيدة

 

احنا اتعث

 

طب اتفضلوا اشربوا حاجة

 

 

هو انتي متعودة تضايفي رجالة اغراب في بيتكو ؟ مرحا مرحا يا اهل الفرنجة

 

 

اسفة سحبت الدعوة

 

 

تصبحوا على خير

 

وانتي من اهله يا انسة

 

 

على فكرة انا اسمي شاهيناز وبيدلعوني يقولولي يا شاهي

 

 

انت اسمك ايه

 

 

اسمي ياسر

 

وحضرتك

 

عبد من عباد الله

 

ههههههههههههه فرصة سعيدة يا سي عبد

 

 

ايه بس يا شيخ خالد لالالالالالالالا انت كدة ما تنفعش داعية . انت كدة هتنفر الناس من الدين

 

يا اخي الواحد غصب عنه . الفساد ظهر وانتشر بشكل مش طبيعي . الواحد محتاج يبدأ مع الناس من الصفر

 

والستات بقوا حاجة فظيعة . ياراجل دا مافيش ست محجبة

 

 

هي مش امك محجبة يا شيخ خالد

 

ايوة طبعا الحمدلله . وانت يا استاذ ياسر امك محجبة ؟

 

لا والله ربنا يهديها

 

طب انزل من العربية . انا غلطان اني بوصل واحد زيك

 

هههههههههههه الله يهديك يا شيخ خالد ههههههههه

 

 

**

[مُقصرة دومًا 1261]

**

 

شااااااااااااااااااااااااااهي حبيبتي كنتي فين يابنتي وقعتي قلبي حرام عليكي

 

 

شاااااااااااااااااااااااااااهي بنتي . انتي بخير يا شاهي

 

الحمدلله يا ماما الحمدلله يابا . دانا كنت همووووووووووووووت النهاردة ومش هتشوفوني تاني

 

 

يا خبر ! ليه يا حبيبتي ايه حصل

 

 

 

يا روح قلبي حمدالله على سلامتك وفي داهية الدهب والفلوس

 

 

الحمدلله ان ربنا وقفلك الناس الطيبين دول عشان يوصلوكي الحمدلله

 

 

 

لا يا بابا واحد بس هو اللي طيب والتاني شرير جدا ووصلني بالعافية وطول السكة مكشر

 

 

يا بنتي يكشر ولا يضحك هو احنا هنناسبه

 

نناسبه! ههههههههههههه تفتكري يا ماما ممكن اتجوز راجل بالشكل ده هههههههههههههههههههههه الحمدلله كانت توصيلة وخلصت هههههههههههههههه ال نناسبه ال هههههههههههههه

 

 

**

[مُقصرة دومًا 1261]

**

 

الحلقة (5)

 

 

مها . هو انتي اديتي لعلاء الهدية اللي جبتيهالوه ؟

 

 

لأ

 

ليه يا بنتي

 

بصراحة اتكسفت خالص يا لميا

 

يابنتي اومال كنتي جبتيها ليه اصلا

 

مش عارفة بقى . انا كنت عايزة حاجة اعبر بيها عن مشاعري من غير كلام

 

هههههههه طيب بقولك ايه ما تيجي نقول لبابا وماما يعزموه عندنا وتديلو الهدية يمكن يحسس باهتمامك وينطق ويجي يخطبك

 

تفتكري يا لميا . تفتكري علاء يفكر يخطبني ؟

 

يا سلااااااااام . هو يطول يابنتي . كفاية انك مؤدبة وخجولة مش زي بنات اليومين دول بتوع الرقص والمسخرة

 

مش عارفة يا لميا . بس بحس انه مش بيفكر فيا خالص

 

بقولك ايه احنا نعمل العزومة ونديلوه الهدية وهو حتى لو مش بيفكر يبقى هيفكر ان شاء الله هههههه

 

ههههه يارب يا لميا . بصراحة انا نفسي بجد ابقى زوجة لعلاء واخليه اسعد انسان في الدنيا على اد حبي ليه

 

يا عيني يا عيني . هو فين عشان يسمع الكلام الحلو ده هههههههه

 

اخص عليكي يا لميا انا برضو اقدر اقول الكلام ده قدامه

 

ههههه خلاص يا ستي انا عندي فكرة

 

ايه هي

 

وهو موجود نبقى نشغل اغاني فيها نفس معاني الكلام اللي عايزة تقوليه ومش قادرة

 

والله فكرة

 

خلاص اتفقنا

 

 

 

 

 

 

 

 

استنى علية يا سي مصطفى . يا واد يا تقيل هههههههه ان ماوريتك . مش هسيبه في حاله هههههه ياأنا يا هو

تررررررررررررررررن ترررررررررررررررررررررررررررررررن

 

حد يرد ع التليفون يا ولاد . يا مصطفى يا موني

 

تررررررررررررن تررررررررررررررررررررررررررن

 

ايوة يا ماما انا هرد . ابيه مثطفى بيلبث عثان ناذل

 

 

الوووووووووووووو

 

ايوة يا حبيبتي ممكن اكلم مصطفى

 

 

انتي مين يا طنط ؟

 

انا أأأأأنااااااااااااااااااااا ااااااااااااااه قوليلو المطربة شادية هههههههههههه

 

هيييييييييييييييييييييه هييييييييييييييييييييييه هو حضرتك طنط ثادية اللي بتغني ؟

 

 

ايوة يا روحي اديني بقى مصطفى

 

انا بحبك اوي يا طنط ثادية وبحب الأوثة بتاعتك وماما بتعملي اوثة ذيها

 

شكرا يا روحي وانا بحبك اديني مصطفى

 

هو ليه يا طنط حضرتك ثيبتي ابنك الذوغير النونو وروحتي مع الناث الوحثين

 

ابني مين ! وناس وحشين مين . يا بنتي اديني مصطفى

 

ايوة يا طنط وكمان عايزة اثألك انتي حطيتي ابنك في ثنطة العنب ليه وثبتيه ومثيتي ؟

 

يخرب بيت سنينك . شنطة عنب ايه يا بنتي بس اللي هحط ابني فيه

 

ايوة يا طنط في الفيلم اللي حضرتك هربتي فيه من باباكي مع انكل ثكري ثرحان . انا ذعلانة منك . مش اللي يهرب من البيت يبقى عيب ؟

 

يابنتي شكري سرحان مين اللي ههرب معاه . انتي دخلتي افلام شادية كلها في بعض اللي بتحكي فيهم دول تلات افلام ضربتيهم في الخلاط وعملتيهم فيلم الله يهدك . اديني مصطفى

 

 

حاضر يا طنط لحذة واحدة

 

 

يا ابيه مثطفى

 

نعم يا موني

 

كلم طنط ثادية

 

شادية مين ؟؟؟؟؟؟؟؟؟؟؟؟

 

طنط ثادية اللي بتغني وتمثل

 

افندمممممممممممم ايه الكلام ده

 

ماترد يا مصطفى شوف مين عايزك

 

 

 

الو

 

ههههه اخيرا رد . أما اشغل الاغنية بقى

 

 

يا سارق من عيني النوووووووووووووووووووم

 

ان نمت دقيقة تصحيني

 

يا سارق من عيني النوم

 

ان نمت دقيقة تصحيني

 

وبقالي كام ليلة ويوووووووووووووووم يا سارق النوم من عينييييييييييييييييييييييييييييييييييييييي

 

 

 

هههههههههههههههه ايه رأيك في الاغنية

 

جميلة اوي يا طنط ثادية

 

ياربيييييييييييييييييييييييييييي هو انتي تاني

 

ايوة يا طنط اثل ابيه مثطفى اول ما الاغنية بدأت اداني الثماعة وانا كنت بغني معاكي . انتي ما ثمعتنيش؟

 

يييييييييييييييييييييييييييييييييييييييي باي باي

 

باي باي يا طنط روحي لباباكي عشان عيان وعنده دكتور وابقي اتثلي غنيلي تاني

 

 

 

يا ثارق من عيني النوم

 

ان نمت دقيقة تثحيني

 

وبقالي كام ليلة ويوم

 

يا ثاااااااااااااارق النوم من جيبيييييييييييييييييييييييييييييييي هييييييييييييييييييييييه

 

 

 

 

 

 

 

 

 

تن تن تن

 

 

مين اللي بيخبط بحنية برا

 

انا صفاء يا تيتة الحاجة

 

صفااااااااااااء يا حبيبتي يابنتي اهلا اهلا يا صفاء اتفضلي يا غالية يا بنت الناس الطيبين

 

هههه يزيد فضلك يا تيتة الحاجة . ماما عملت رز بلبن وعملت حساب حضرتك عشان عارفة انك بتحبيه اوي

 

تسلم ايدك وايد ماما اللي عملت . فيكو الخير والله . نفسي في الرز بلبن بقالي شهرين والله

 

وكل ما اقول اقوم اعمل حلة اكسل واقول في نفسي هو انا لسة هدوب النشا واقف اقلب فيه لحد ما يتقل وضهري يوجعني من الوقفة . واقوم راجعة في كلامي وارجع اللبن في التلاجة

 

ههههههه كل ما تعوزي رز بلبن قوليلنا بس واحنا نعمله وننزلهولك لحد عندك

 

تسلمي يا حبيبتي . وماما صحتها عاملة ايه يا صفاء

 

بخير الحمدلله . بحاول بقدر الامكان ابعدها عن أي انفعال وبتاخد الدوا في معاده

 

ربنا يشفيها ويفرحها بيكي يا حبيبتي . انتو ناس ونعم الجيران والله . امك طول عمرها في حالها وابوكي الله يرحمه كان راجل طيب

 

ربنا يخليكي يا تيتة

 

ترررررررررررررررررن ترررررررررررررررررررررررن

 

طيب انا هطلع بقى الظاهر حد جه يزورك

 

ده تلاقيه علاء اقعدي

 

لالالالالالالا عن اذنك انا طالعة

 

هههههههه ونعم التربية

 

ترررررررررررن

 

مين

 

علاء يا تيتة

 

اهلا يا علاء ادخل

 

ازيك يا انسة صفاء

 

اهلا وسهلا يا باشمهندس عن اذنكو

 

هههههه شوفت الادب . عمرها ما تقعد في حضور راجل غريب ابداااااااااااااااا

 

هههههه خجولة بجد

 

اه والله وبتفكرني ببنات الزمان المتربيين . بس نعمل ايه اذا كانوا الرجالة بيحبوا المجانين

 

هههههههههههههههههه الله يسامحك يا تيتة . بتشتمي حبيبة قلبي

 

جاك وجع في قلبك يا واد . انت نازل تسأل علية ولا تغيظني يا ابن ليلى

 

هههههه ما عاش ولا كان اللي يغيظك يا جميل . انا نازل اشرب معاكي الشاي

 

قوم حط البراد ع النار

 

حاضر يا تيبتة

 

 

 

 

 

 

 

 

ماما

 

نعم يا علاء

 

انا كنت عايز اكلم حضرتك في موضوع مهم

 

خير يا حبيبي

 

انا فكرت اخطب هيام بنت خالتي

 

ههههههههه هيام ! واشمعنى هيام

 

يعني عجباني يا ماما . بنت مرحة وعصرية ومتعلمة وفيها كل الصفات اللي بدور عليها

 

ايوة يا حبيبي بس خلي بالك هيام دلوعة دلووووووووعة اوي وهتتعبك

 

هههههههههه بموت في دلعها وشقاوتها ههههههههه

 

ههههههههه يا خبر يا خبر . ابني اتجنن يا ناس ههههه اول مرة اشوفك بتتكلم بالاسلوب ده يا باشمهندس

 

يا ماما انا تعبت طول عمري ما بفكرش غير في مذاكرتي ونجاحي وتفوقي

 

ما عنديش وقت للحب ولا للسعادة

 

ولقيت الحب والسعادة مع هيام

 

ايوة يا ماما ايوة

 

خلاص يا حبيبي انا هفاتح باباك في الموضوع وربنا ييسر الاحوال

 

 

فكري حبيبي

 

هههههههه اهلا بلولى حبيبة قلبي وحشتيني

 

ربنا يخليك ليا يا حبيبي انت اكتر

 

شكلك عايزة تقولي حاجة

 

اه والله . اصل علاء عايز يخطب هيام بنت احلام

 

ايه هيام بنت احلام دي , اسمها هيام بنت صلاح

 

ههههههه ماتزعلش يا سيدي هيام بنت الاستاذ المبجل اخوك صلاح

 

وهو مالقاش الاهيام ؟ الولد ده جراله ايه

 

ايه ده يا فكري انا افتكرت انك هترحب بالفكرة

 

يا ليلى انا عايز سعادة ابني مع زوجة عاقلة ورزينة وتعرف تربي ولاده . لكن هيام دي هتتلف أمله

 

ايه ده يا فكري . انت رأيك في البنت وحش اوي

 

عشان عارفها كويس اوي . وهيتعب معاها

 

بس الولد بيحبها

 

هو حر . انا قولت رأيي . لكن مش هتتدخل في اختياره ومش هفرض عليه رأيي

 

انتي كدة ولادك متعبين وتاعبني معاهم . ما فيهومش الامصطفى وربنا يستر ويفضل بعقله هو كمان

 

 

يعني موافق يا حبيبي ؟

 

هحدد معاد مع صلاح واخد الفالح ونخطبله حبيبة القلب . بس ياريت بعد كدة ما يجيش يشتكي

 

 

 

 

 

 

الووووووووووووو هيومة ههههههههههه ازيك يا خطيبتي ههههههه

 

ايييييييييييييييييييييه ههههههههههههه انت بتقول ايه . انت فاتحت عمو فكري ؟؟؟؟؟؟؟؟؟

 

ايوة يا ستي وهيحدد معاد مع عمي صلاح ونيجي نخطبك رسمي

 

هههههههههههههههه يا حبيبي يا عمو فكري يا عسل

 

ايه ده ايه ده . انتي بتقولي على حد غيري حبيبي ؟؟؟؟؟؟؟؟؟؟؟؟؟؟؟؟

 

ههههههههههه انت حبيبي وروحي وخطيبي وكل حاجة في الدنيا بالنسبة لي

 

ايوة كدة اتعدلي هههههههههههههه. على فكرة انا معزوم عند خالي رفعت على الغدا بكرة

 

ايه ايه اييييييييييييه نعم يا استاذ ! معزوم عند مييييييييييييييين !!!!!!!!!!! مش هتروح

 

لالالالالالالا بقولك ايه من اولها . انا صوتي من دماغي ومافيش ست تقولي اعمل ايه وما اعملش ايه ولا هسمحلك تمشي كلامك عليا فاهمة ولا نفضها سيرة من اولها

 

لالالالالالالا فاهمة حبيبي فاهمة يا سي السيد هههههههههه

 

ههههههه ايوة كدة بس ابقي خليها سي علاء ههههههه

 

من عيوني يا سي علاء . هههههههه فرحانة فرحانة فرحااااااااااااااااااااااااانة ههههههههههه

 

هههههه اكيد طبعا . أي واحدة في مكانك وهتتجوز واحد زيي يبقى لازم تطير من الفرحة وما تصدقش نفسها

 

هههههههه بحبك يا مغرور ههههههه

 

هههههههه طب سلام بقى دلوقتي

 

 

**

[مُقصرة دومًا 1261]

**

 

مساء الخير

 

مساء النور اهلا ياباشمهندس مدحت

 

يا ترى دكتورة نجلاء فاضية ولا مشغولة

 

عندها حالة واحدة جوا وخلاص اصلا مواعيد العيادة خلصت

 

عارف وعشان كدة قولت اعدي عليها اخدها

 

ربنا يخليكو لبعض يا باشمهندس

 

طب اديلها خبر اني موجود من فضلك

 

حاضر يا فندم لحظة واحدة

 

 

 

تن تن تن دكتورة نجلاء

 

نعم يا اجلال . في حد جه برا ؟

 

ايوة يا دكتورة

 

طب خدي منها تمن الكشف ودخليهالي اشوفها في الشهرالكام

 

ههههههههه لا يا دكتورة دي مش واحدة حامل . دا جوز حضرتك باشمهندس مدحت

 

ااااااااااااه مدحت . طب قوليله هخلص الكشف اللي في ايدي واخرج على طول

 

طيب اقدر امشي انا يا دكتورة عشان اتأخرت ؟

 

ايوة يا إجلال بس بكرة تيجي تفتحي العيادة من بدري . في ستات كتير اشتكولي وقالوا انهم جم قبل كدة لقوا العيادة مقفولة

 

اسفة يا دكتورة . والله المواصلات هي اللي بتأخرني . عن اذنك

 

ها يا دكتورة . وضع الجنين كويس

 

ايوة يا مدام الحمدلله والمية اللي حواليه كويسة خالص بص تبطلي تاكلي حوادق من فضلك

 

هحاول . اصل انا بحب المخللات اوي

 

هي الطفاصة دي اللي موديانا في داهية . اتفضلي وعدي علية الاسبوع الجاي

 

 

 

 

اهلا يا مدحت يا حبيبي نورت العيادة

 

اهلا بيك يا ست الحكيمة

 

ههههههه ايه ست الحكيمة دي هههههه يلا يا حبيبي عشان نروح

 

 

اتفضلي يا ستي

 

اااااااااااااااااااااااااااااااااااااااااااااااااااااااااااااه ااااااااااااااااااااااااااااااااااااه الحقوني الحقوني ياناااااااااااااااس

 

ايه ده في ايه .

 

ايه ده استنى يا مدحت ده رزق وجالنا يا حبيبي الظاهر واحدة جاية تولد

 

 

 

ياااااااااااااااااااااااااااااااارب وبعدين بقى

 

ااااااااااااااااااااااااااااااااااااااااااه الحقووووووووووووووووووووووني يا ناس

 

 

مساء الخير يا ست الدكتورة . انا جايب المدام تولد لا مؤاخذة . قالتلي وديني عيادة الدكتورة نجلاء

 

اهلا اهلا اهلااااااااااااااااااااااا دخلها جوا

 

 

اااااااااااااااااااااااااااااااه مش قادرة

 

 

خد يا جدع انت شيل الشنطة دي دخلها جوا على ما اسند الست بتاعتي

 

افندممممممممممممممممممم هو مين ده اللي يشيل شنط يا بني ادم انت

 

خد الشنطة من الراجل يا مدحت ما يصحش كدة

 

 

اوووووووووووووووووووووووف هات يا سيدي . ما انا بقيت شيال شنط كوافيل وغيارات

 

 

اااااااااااااااااااااااااااااااه الحقني يا متووووووووووووووووووووووولي

 

الحقك اعملك ايه يا ست انتي . انا جيبتك عند الدكتورة وعملت اللي عليا

 

طيب عن اذنكو هدخل اولدها . وانت استنى شوية يا مدحت

 

 

حاضر اووووووووووف حاضر يختي . كان يوم ما طلعتلوش شمس يوم ما اتخبطت في نفوخي واتجوزتك يا دكتورة العجايب

 

استغفر الله العظيم . اروح اقف جنب الشباك بدل ما اتخنق اوووووووووووف

 

 

انت يا جدع انت

 

انت يا ياد يا هلف يللي جنب الشباك

 

انت بتكلم مين يا بجم انت ؟؟؟؟؟؟؟؟؟؟؟؟؟

 

بكلمك انت . هكون بكلم خيالك . اجري ياد هات كوباية مية ريقي ناشف

 

يا نهارك زي وشك . انت مش عارف انت بتكلم مين ؟

 

بكلم مين يعني . حتة تمرجي لا طلع ولا نزل

 

تمرجيييييييييييييييي !!!!!!!!!!!!!!! انا تمرجي .

 

انجر يا مقطف هات كوباية مية والا هخلي الدكتورة تطردك من العيادة وتشردك في الشوارع اللي جيت منها

 

 

مقطف !!!!!!!!!!!!!!! فعلا عندك حق انا مقطف وستين مقطف اني جيت هنا . هجيب لحضرتك المية

 

 

 

اتفضل يا استاذ اشرب

 

متشكرين . محسوبك معلم متولي تاجر مواشي

 

تشرفنا

 

اسم الأبعد ايه ؟؟؟؟؟؟؟؟؟؟؟؟؟

 

مدحت التمرجي

 

ماتزعلش اوي على نفسك كدة . ما انت الغلطان . لو كنت كملت علامك كان زمانك مهندس ولا دكتور بدل المرمطة في العيادات وقلة القيمة لا مؤاخذة

 

عندك حق . معلش . كل واحد بياخد نصيبه يا حكيم زمانك . عن اذنك وقول للدكتورة المقطف في البيت

 

 

 

 

 

 

 

 

تررررررررررررررن ترررررررررررررررررن

 

الو

 

مساء الخير يا دكتور مدحت

 

اهلا باشمهندس علاء هههههههه بعرفك اول ما تقول يا دكتور مدحت . ربنا يبشرك بالخير واخد الدكتوراة قريب

 

ههههههه ان شاء الله يا دكتور مدحت . اخبارك ايه

 

اييييييييييييه دنيا . دنيا فانية . كله تمام

 

ههههههههههه مالك يا دكتور مدحت صوتك مش طبيعي

 

أي حد يحتك بواحدة زي مراتي هيوصل للحالة اللي انا فيها من الضياع

 

ههههههههه شكل المدام تعباك ع الاخر

 

هو انا بشوفها عشان تتعبني ولا تريحني . انت اخبارك ايه

 

خلاص هخطب قريب ان شاء الله . هتجوز بنت خالتي

 

ومالك فرحان اوي كدة بشبابك . اصبر على رزقك بكرة تاخد لقب مقطف ان شاء الله وتقعد جنبي

 

ههههههههههههه مالك بس يا باشمهندس مدحت

 

انصحك نصيحة اوعى تخلي مراتك تشتغل . الست مكانها بيتها . ولو اشتغلت يبقى بالاصول . يعني تنظم وقتها

 

وتهتم ببيتها وجوها . ولا اقولك احسن تقعد في البيت وماتشتغلش خاااااااااااااااااالص وتتفرغ لجوزها

 

هههههه انا خطيبتي اصلا مش بتاعة شغل .

 

احسن . ارتاحت وريحت . يا بختك ياسيدي . الف مبروك

 

الله يبارك فيك يا باشمهندس مدحت . انا هتتصل بيك تاني اطمن عليك

 

مع السلامة

 

الله يسلمك يا سيدي

 

 

**

[مُقصرة دومًا 1261]

**

 

ماما انتي رايحة الكباريه الساعة كام

 

بتسألي ليه يا حبيبتي ما انتي عارفة . هو في حاجة

 

اصل واحدة صاحبتي جاية تزورني وكانت عايزة تسلم عليكي قالتلي انا مش مصدقة نفسي اني هسلم على الرقاصة العظيمة تيتي نظمي

 

وماله يا حبيبتي استناها . على العموم لسة بتمرن ع الرقصة الجديدة

 

بت يا بيساااااااااااااااااااااا

 

نعمين يا ابلتي

 

فين يا بت البدلة الحمرا ام ترتر . وديتها فين يا للي تنقرصي

 

يا ابلتي ما هي عندك في الشنطة

 

اه والله في الشنطة اهيه . انا مش واخدة بالي

 

 

سلامة نظرك يا ابلتي

 

 

ترررررررررررررررررررن تررررررررررررررررررررررن

 

افتحي الباب يا بيسااااااااااااااااااااا

 

 

حاضر يا ابلتي

 

 

مساء الخير

 

اهلا يا أختي . فرح ولا طهور ؟

 

ههههههه لا انا عايزة سالي

 

بس الست سالي ما بترقصش . اللي بترقص امها الست تيتي

 

ههههههههه انا صاحبة سالي في المدرسة

 

يختي يا نوغا هههههههه انجغا يختي خدي مصاصة ههههههههههه ادخلي الست سالي جوا مع امها

 

 

اهلا اهلا ازيك يا دعاء

 

اهلا يا سالي

 

مامتك اللي هناك دي ؟

 

ايوة

 

هي بتترعش كدة ليه . يا حرام . هي بردانة؟

 

لأ دي بتسخن قبل ما تروح الكباريه

 

هههههههه اااااااااااااااه حاجة مسلية اوي . انا داخلة اسلم عليها

 

 

مساء الخير يا طنط

 

اهلا يا روح طنط ازيك

 

الله يسلمك . يااااااااااه يا طنط حضرتك شكلك حلو خالص . احلى من الصور اللي في المجلات

 

تسلمي يا حبيبتي وتعيشي منورة . بت يا بيسااااااااااااااااااااااا

 

نعم يا ابلتي

 

هاتي حاجة لسالي وصاحبتها يشربوها

 

حاضر يا ابلتي هجيبلهم بيرا والمزة على حسابي

 

بيرا في عينك . انتي هتفضحينا مع صاحبة البت . هي زبونة في الكباريه ! روحي هاتي عصير ولا حاجة ساقعة

 

حاضر يا ابلتي . عنينا لبنت ابلتي واصحاب بنت ابلتي

 

 

 

قوليلي يا حبيبتي

 

نعم يا طنط

 

بتعرفي ترقصي

 

اه يا طنط طبعااااااااااااااا ههههههههههه هو في بنت ما بتعرفش ترقص

 

شاطرة يا حبيبتي . اكيد امك هي اللي معلماكي

 

هههههههه لالالالالالالالا يا طنط . ماما ما بتعرفش ترقص

 

يا مصيبتي ! وابوكي مخليها على ذمته ليه ؟

 

هههههههه عادي يا طنط

 

بصي انا هعمل مع امك احلى واجب . خليها تجيلي كل يوم ساعة في مدرسة الرقص الشرقي الراقي اللي هفتتحها عشان ادرب كوادر جديدة

 

هههههههه يا طنط ماما مالهاش في الحاجات دي خااااااااااااالص

 

كدة . ياعيني! اللي يشوف بلاوي الناس تهون عليه بلوته . طب بصي يا حبيبتي خدي الكارت ده فيه عنوان الكباريه

 

ابقي اديه لبوكي خليه يجي يفك عن نفسه شوية بدل الاكتئاب اللي امك جبتهوله

 

ميرسي يا طنط

 

تررررررررررررررررررن ترررررررررررررررررررن

 

افتحي يا بت يا بيسااااااااااااااااااااااااااااااااااااااا تلاقيهم البودي جاردات بتوعي رمزي ولمعي

 

 

ايوة هما اتفضلوا هههههه ازيك يا رمزي ازيك يا لمعي

 

ازيك يا بيسا . فين النجمة

 

جاية اهو يا واد انت وهو . انا نازلة يا سالي اشوفك بكرة بقى يا حبيبتي

 

اتفضلي يا ماما

 

عن اذنك يا حبيبتي . اسمك ايه صحيح ؟

 

دعاء يا طنط

 

دعاء الكروان هههههههه ماشي يا عيون طنط . البيت بيتك

 

يلا يا رمزي انت ولمعي اسبقوني ع العربية

 

 

حاضر يا فنانة

 

 

 

 

تعالي بقى يا دعاء نقعد في اوضتي ماما نزلت وهتيجي بكرة

 

 

بقولك ايه يا سالي ممكن استعمل التليفون

 

هتكلمي مين

 

هكلم عادل عدولة حبيبي . بقالي تلات تيام ماكلمتوش . ماما قاعدة في البيت مابتسيبوش ومش عارفة اتصل بيه

 

طب هو مش بيتصل ليه

 

هو بيتصل طبعا بس مش عارفة بقاله كام يوم مش باين خالص

 

ايه ده . طيب ازاي بتردي عليه ومامتك موجودة

 

ههههههههه يا بنتي عادي . تقولي بتكلمي مين يا دعاء اقولها أي اسم من اسامي صاحباتي ههههههههه

 

مرة اقولها بكلم هالة مرة بكلم جينا واهي ماشية ههههههههههه

ومامتك بتصدق ؟

 

ماما بتثق فيا ثقة عميااااااااااااااااااااااااااااااااء وحطي الف خط تحت عميااااااااااااااااااااااااااااااء هههههههههههه

 

بس قوليلي هو انت ما لكيش حبيب ولا ايه يا سالي ؟

 

أأأأأأأأ انا لالالالالالالالالا

 

ههههههههههه عيني في عينك كدة ههههههههه اه يا كدابة

 

بصراحة في واحد جارنا وساكن في البلاكونة اللي قصادنا بس بصراحة مش عارفة هو بيحبني ولا لأ

 

طب وانتي ساكتة ليه . ما تقوليله بحبك

 

 

لالالالالالالا انا ماعنديش الجرأة دي

 

غريبة اوي . اصل انتي مامتك رقاصة يعني

 

تقصدي ايه ؟ يعني عشان ماما رقاصة يبقى انا مش مؤدبة

يا حبيبتي ما اقصدش . الحب مش قلة ادب . الحب ده حرية ومشاعر جميلة

 

وانا اقصد ان مامتك فنانة وتعرف معنى الحب ومش هتمنعك تحبي

طب اعمل ايه .

هو اسمه ايه ؟

 

ما اعرفش

 

هههههههههههه جتك خيبة . بتحبيه وماتعرفيش اسمه هههههههههههه طب رقمه كام

 

ما اعرفش

 

لالالالالالالا دا انتي خيبة اوي . اسمعي ! انا هجيلك بكرة ومش ماشية غير لما اعرفك عليه واخليه يقولك بحبك كمان

 

بجد ؟ طب هتعملي ايه؟

 

هههههههههه لا دا شغلي انا بقى . مش هبخل عليكي بخبراتي يا حياتي اموووووووووووووووه هاتي التليفون بقى اكلم عدولة

 

ههههههههههههه اتفضلي . انتي صاحبة مخلصة اوي وانا بحبك خالص

 

 

**

[مُقصرة دومًا 1261]

**

 

 

بييييييييييييييييييييييييييب بيييييييييييييييييييييييييييييييب

 

حاسب هدوسك ههههههههههههههههههههههههههه

 

 

ايه ده . ما تحاسبي يا بني ادمة . طالما ما بتعرفيش تسوقي بتركبي عربية ليه ؟

 

 

ههههههههههههههههه يختي عليك وعلى لسانك اللي بينقط سكر

 

 

هو انتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ استغفر الله العظيم

 

وراك وراك ههههههههه مش هسيبك

 

يابنتي ابعدي عني . ابعدي عني وسيبيني في حالي

 

كدة ! حد يقول لسوزي الحلوة كلام وحش كدة هههههههه طب برضو مش هسيبك وهطاردك بالعربية هههههههههههههههههههههههههه

 

 

يووووووووووووووووووووووووه اديني طلعت ع الرصيف

 

ههههههههههه برضو مش هسيبك

 

 

يا بنتي اتقي الله في نفسك وفي اهلك . في بنت محترمة تمشي ورا شاب تعاكسه بالعربية !!!!!!!!!!!

 

ايو هههههههههههه أنا ليا السبق وبكرة اعلم جيلي هههههههههه وبعدين مش اي راجل يتعاكس

الرجالة القمامير بس هههههههه وانت امور امور خالص يا دارلنج هههههههه

 

 

لا حول ولا قوة الا بالله . يعني ابوكي يجيبلك عربية ويعملك بني ادمة وانتي عايزة تحطي راسه في الوحل

 

هههههههههه وحل ايه بس . الشارع مسفلت وجميل أهو . تعالى اركب

 

 

غوري من وشي بقى استغفر الله العظيم

 

ههههههههههههه اصل بصراحة طول عمري اشوف القمر في السما واول مرة اشوفه ماشي ع الارض

 

 

 

طب حاسبي حاسبي الشجرة اللي قدامك

 

 

طراااااااااااااااااااااااااااخ اااااااااااااااااااااااااااااااااااااااااااااااه دماغي ااااااااااااااااااه

 

تستاهلي . عشان تبطلي قلة ادب

 

 

 

 

برضو وراك وراك مش هسيبك هههههههههههههههه يا أنا يا انت يا ابو عيون تجنن هههههههههه

 

 

**