ام الحسين
-
عدد المشاركات
45 -
تاريخ الانضمام
-
تاريخ آخر زيارة
مشاركات المكتوبهة بواسطة ام الحسين
-
-
تعرفو خواتي جتني فكره حلوه هلبه هلبه واللي هيا ان كل وحده بعد ما تتكتب سؤالها وتكمله تكتب كلمتين والا تلاته بلغتها واترجمهم وهكي تعم الفائده اكتر ,,صح والا لا....خلي نبدا اني ,,وعلى فكره اللي تبي تعرف كلمه باي لغه تكتبها والاخت اللي تعرف اتقول,,
يلا نبدو
خرواطه او بورزه ..بمعنى كيس
كاشيك ملعقة
قفطان فستان
يلا ابدو فيسع فيسع قصدي بسرعه بسرعه
-
من دون ماترجمي فهمتك هههههه
هوا بالصراحه العطله تمت ومعاش قعد فيها طشه
لكن خلي انقوللك شنو درت
1-تعرفت على اكتر خوات حلووات ومزيانات بالزاف...وهما انتو واستفدت منهم اكبر استفاده
وعلى فكره اني مش مغربيه ولا تونسيه لكن نعتبر بنت العم ديالكم لكن انت لازم تعرفي من وين اني وتقوليلي
.
.
وسؤالي
.
.
.
.
من فيكم امازيغيه وتعرف تتكلم مازيغ
-
بصراحه انت جيتي عالجرح لاني عايشه في الموقف وبما انك فتحتي الموضوع انصحوني ايش اسوي
-
ياربي........!
كان لازم تحلفينا ونطلع مجانيين
والله شيء حلو
مشكووووره عالموضوع العسل ياعسل
وسلامي ليك ولكل الاخوات اللي زيني يعني......مجانين.....
مزحه والله......مافي زعل
-
-
السلام عليكم اختي اكرام نور
ياريت منك تساعديني باعطائي الرابط الاصلي لبرنامج وقفه ليتسهل علي نقله الى مندى بلدي وياريت في اسرع وقت
ومشكوره
-
السلام عليكم
اسفه التعب لكن لم اعرف ما هو الرابط اللي لازم احطه في الموضوع ياريت توضحيلي
-
عبق الرياحين ايش تعملي هون
.
.
.
.
.
.
.
.
.
.هههههههههههه
مززززحه تفضلي في اي وقت
-
السلام عليكم
مشكوووورة اختي وبارك الله فيك
وكنت مستعجله لاني دورت يعني بحثت عنه لين قربت نهبل ومعاش لقيته وبصراحه سبب الاستعجال اني كنت نبي ننقله لمنتدى لاشخاص من بلدي والكمبيوتر بطييييء فقلت مالي الا ام سهيله وبالفعل,,,,,
-
السلام عليكم
مشكوره اختي بس يا ريت لو توصليني للموضوع اللي هو فيه
-
عاجل .. ام سهيلة لو قاعده ساعديني
السلام عليكم اختي ام سهيلة
ياريت لو تساعديني وتلا قيلي موضوع عنوانه يحوي كلمة ..وقفه ...لاني دخلتله وبعدين ماعاد لقيته وشفتك انت داخلتيله فساعديني في اقرب وقت
وجزاك الله خير
-
السلام عليكم اختي المشرفه
اشكرك على تفهمك و رحابت صدرك
وانا عندي اقتراح وهو يخص الشيء اللي تكلمتي عليه واللي هوا انه ليس لديكم من يقوم بهذه المهمة حيث بامكاننا انزال موضوع نقوم فيه بابلاغ الاخوات عن هذا الاقتراح وبذلك يمكن بعض الاخوات يقومو بالمساعده
وعلى فكره لاحظت انه فيه احد الاخوات قامت بعمل مشابه وبذلك تعتبر مساعده لينا
وشكرا
-
السلام عليكم اخواتي
مشكورين جزيل الشكر
لكن نبي انوضح نقطة ليك اختي المشرفه واللي هيا انك الباين ما فهمتيش قصدي لاني طرحت الاستفتاء لاني كنت نبي منكم انكم اتخصصو قسم لتعليم اللغات ولم يكن قصدي انه يكون فيه قسم للاخوات اللي مابيتكلموش عربي
وانشاء الله ماتقلتش ..ومشكوراااات
-
السلام عليكم
وينكم الباين مش عاجبكم الاقتراح لانو فيه هلبه خشو للموضوع وما صوتوش ....
هوا صحيح فيه زوار لكن ما اظنش 23 كلهم زوار ...
ولو ماكانش الموضوع كويس فياريت من احد الاخوات المشرفات الغاءه
وشكرا
-
مشكوره اختي المشرفه لكن لو بس اتوضحي ....هل الركن والمنتدى اللي تكلمتي عليهم موجودين داخل ركن اخوات طريق الاسلام ومشكوره على كل حال
-
مشكوره اختي وبارك الله فيه وزادك من عنده علما وافدك اياه في دنياك واخراك
محبتـــ ام الحسين ـــك
-
كل الشكر ليك اختي و انشاء الله نتائج التصويت تكون اجابيه
-
السلام عليكم اخواتي
اول شيء مشكورات اخواتي كلكم عالمجهودات الرائعه
وفي الحقيقه ان عندي اقتراح وياريت منكم تشاركو
وتصوتو للإفاده
وياريت منكم انكم اتعللو الاجابه .. اي اتمنى اضافة السبب
واقتراحي هو ان ياريت من المشرفات يخصصو قسم اللغه في المنتدى وذلك لما فيه من فوائد
ومشكورات اخواتي مره اخرى والسلام عليكم
-
السلام عليكم
موضوع رائع ومفيد جدا مشكوره اختي وجزاك الله خيرا وبصراحه نحن في بلادنا ندرسو في الانجليزي في المدرسه وبصراحه اكتر اني ما نحبش اللغه الانجليزيه .. وليش والله ما نعرف لكن الكره اللي انكنه للإنجليزي انعكس عالفرنسي لاني بجديات انحبه ولذلك ياريت انكون معاكم في تعلم الفرنسي
فهل تقبلوني زميله...؟
-
السلام عليكم ورحمته وبركاته
مشكوره اختي ام سهيله وبارك الله فيك وجزاك
الفففف خير
:angry: وبالمناسبه :cry: نبي نعتذر :tongue: لاني كتبت الموضوع في المكان الخطأ لكن بصراحه كنت داخله على القسم وبعدين اتذكرت الموضوع ولما كتبته صارلي ظرف فاستعجلت وسجلته في القسم اللي انا فيه وهوا منزلك
وياريت انكم قبلتو اعتذاري :tongue:
والسلام عليكم
-
السلام عليكم اخواتي
كيف حالكم اخواتي و شن اخباركم ....؟ انشاءالله
كويس
المهم
..
.
.
كنت نبي نسألكم عن الاغاني .... بمعنى فتوى تحرم الاغاني ..... هل الاغاني بصفه عامه حرام ام سماع الموسيقى هي الحرام
ويمكن ان نزيد ونحدد هل هناك اغاني يمكن سماعها اي بمعنى انه هنالك انواع محرمه من كلمات الاغاني واخرى لا او من حيث تحريم انواع معينه من
الموسيقى اي الالات الموسيقيه ام لا
افتوني جزاكم الله ليزول شكي وياريت لو كان فيه انواع معينه من الالات الموسيقيه محرمه فياريت منكم ذكرها
وبارك الله فيكم
-
السلام عليكم اخواتي :
انا فعلا محتاجه مساعده من الاخوات اللي يفهمو كويس في الكومبيوتر واني بصراحه عندي مشكله معاه ...هئ ..هههه هيا بصراحه مش واحده وبس :P ..لكن نبي حل لمشكتين :
الاولى :كيفية وضع برنامج اللغة العربيه في اللوحة في الكمبيوتر بدون CD مع العلم ان اللغه العربيه ليست مدونه ضمن اللغات الاخرى
والثانيه : ياريت لو فيه برنامج يحمل من الانترنت الى الكمبيوتر يسمح لي باستخدام CD لانهوبصراحه طارالبرنامج مني ولو كان بالامكان وضع البرنامج فيالكمبيوتر نفسه فما عنديش مشكله
:oops: ومشكورات اخواتي وانشاءالله فهمتوني
-
مشكوره اختي موضوعك حلو لين خلاص [هلبه هلبه ] وكانت اجاباتي كلها نعم والحمد لله يعني .....
ملكة القلوب: فأنت تملكين قبولاً اجتماعياً كبيراً يعدك بالسعادة بين الناس، ولعلك عرفت الخلطة السحرية لذلك من خلال تعاملاتك الراقية مع كل من حولك، وكونك دائماً عند حسن الظن توجك على القلوب.
نصيحة: إياك والغرور، فالغرور بداية الانهيار دائماً، ولكن استمري على دربك بنفس الإخلاص، واستثمري محبة الناس في التقرب إلى الله بعمل الخيرات.
وانشاء الله انكون في المنتدى بنفس المستوى شكرا مره تانيه
-
اختار الصحه وربي ايدومها لكل مسلم ومسلمه انشاء الله
طيب سؤالي......
الغنى او الفقر
اخواتى اريد اناشيد للافراح الاسلامية بدون دف باللهجة المصرية
في ||~أعـذب الأناشيـد في أفـاق الصوتيّات~||
قامت بالمشاركة · Report reply
السلام عليكم
اختي المشرفة انا ارسل ليك رسايل بس يبلغني انها ما توصل ,,ياريت تراسليني بسرعة