طلبات تغيير الأسماء توضع هنا

[طلبات تغيير الأسماء توضع هنا]

السلام عليكم

من فضلك أرجو تغيير اسمى إلى أمة العزيز ولو موجود من فضلك غيريه إلى أمة العزيز المصرية

وجزاك الله خيرا

[ساعدونى...مشكلة مع ابنتى الصغرى وأريد الحل :(]

السلام عليكم

حبيتى ام عائشة مشكلتك انا مريت بها شخصيا لأنى الاخت الصغيرى .......وزى ما قالوا الاخوات انك ليكى دور كبير جدا فى حل المشكلة دى.....انا للأسف ما عنديش ثقة فى نفسى وخجولة بشكل لا يوصف ورغم انى بعرف اتكلم كويس جدا بس لما اجى اتكلم مع اى حد غريب مش بعرف اقول كلمتين على بعض ودا بسبب طريقة امى فى المعاملة دايما كنت بحس انها بتحب اختى اكتر وعمرها ما اخدت رأيى فى حاجة ودايما شايفانى صغيرة ورأيى مش صح وبتفرض عليا اللى هى شايفاه ومش مقتنعة انى لازم اعيش بطريقتى طالما مش غلط عشان اكتسب الخبرة وانى لازم اغلط عشان اعمل الصح المرة الجاية .....للأسف كان عندها لما اعمل حاجة غلط كأن الدنيا اتهدت ولو قلت كلمة حتى لو عادية بس ما عجبتهاش تلومنى عليها بشكل كرهنى وخوفنى من الكلام وكمان بقيت بخاف اعمل اى حاجة عشان ما اغلطش عشان امى ما تلومنيش ......ودايما كلمتها اختك اذكى منك وبتعرف تتصرف عنك ووالدى للأسف نفس الطريقة (اكتر كلمة بسمعها منه انا خايف عليكى عشان انتى ما بتعرفيش تتصرفى لكن اختك مش خايف عليها عشان ذكية وبتعرف تتصرف)ونسيوا انهم السبب فى كدة لنهم لما كنت بغلط ما كانوش بيقولوا ان الطبيعى البنى ءادم يغلط ويقولولى الصح بهدوء لكن كانوا يهاجونى ويعيبوا فيا ..........

انا بتمنى انك ما تتكرريش الاخطاء دى مع بنتك وعامليها كشخص مستقل وله راى ودخليها فى حواراتك ولو بتحب انها تختار حاجتها بنفسها شجعيها على كدة ولو شفتيها هاتغلط عرفيها بهدوء ولو ما سمعتش كلامك بلاش تلوميها وتعنفيها بشدة .....هى هاتتعلم لوحدها انها غلطت وهاتستفاد

...وبالنسبة لعلاقتها باختها مش هاتبقى وحشة خالص بالعكس انا بحب اختى جدا جدا وبقول بفخر انها امى التانية عشان هى دايما بتسمعنى وتنصحنى احسن من امى ودا اللى لازم يكون من بنتك الكبيرة انها تكون صاحبة اختها ويكون كلامهم سر مش كل ما الاخت الصغيرة تشتكى تقوم الكبيرة تيجى تقولك كدة هى هاتفقد ثقتها فى اختها ...وعلى فكرة فى معظم الاسر بتبقى البنت الكبيرة اجتماعية اكتر ومحبوبة اكتر ووالله انا بحب كدة كون اختى الاهم عندنا فى العيلة ومش متضايقة وبنتك هاتبقى متفهمة حاجة زى كدة لما تكبر ...والغيرة حاجة طبيعية بين الاطفال الصغيرين فتصرفات بنتك الصغيرة لما تزعل لما تلاقى الكل مهتم باختها اكتر منها دى عادية وما تقلقيش منها .....بس اهتمامك بيها هايعوض داودايما اسأليها على كل حاجةوخلى اسرارها مقدسة طالما هى عاوزة كدة وخليكى صدقيتها اللى بتحكيلها كل حاجة بدل ما تدور على حدا غريب تحكيله .....

انا عارفة ان اطفالك صغيرين بس عوديهم يحكولك كل حاجة وبلاش تسخرى من اى حاجة حتى لو هايفة من وجهة نظرك واسمعيهم للأخر وخدى رأيهم فى كل حاجة على اد ما تقدرى

انا متأكدة انك مش محتاجة النصايح دى .........بس حقيقى انتى هاتفرقى مع ولادك اكتر من اى حد تانى ..............ودى نصايح من باب ,"وذكر فإن الذكرى تنفع المؤمنين"....

[من هو الإمام محمد بن عبد الوهاب]

جزاك الله خيرا...

للاسف بيدرسونا فى الاعدادية ان الشيخ عبدالوهاب خرج على الدين واقام فئة خاصة به وان ابراهيم باشا كان بطلا قام بمحاربته هو وعقيدته الجديدة ............ظلموه عليهم من الله ما يستحقوا ...........

[من يشاركني الفرحة]

وعليكم السلام ورحمة الله وبركاته

 

مصر هتنور ان شاء الله

ربنا يجيبك بالسلامة يا رب ..وبجد انا فرحانة جدا لانك فرحانة ربنا يسعدك دايما

[¨°o.O ( إعلان الإشتراك في دورة " اللآلئ الحسان من تاج البر و الإحسان) O.o°]

وعليكم السلام ورحمة الله وبركاته

معاكم ان شاء الله ..بس ازاى احط الشعار فى التوقيع؟

وجزاكم الله خيرا

[¯−ـ‗ऊ_»ऋँمحرمات استهان بها كثير من الناسऋँ«_ऊ‗ـ−¯]

وعليكم السلام ورحمة الله وبركاته

مستنياكى حبيبتى

وجزاك الله خيرا على الطرح الرائع

[جمعية عربية شعارها "زوجة واحدة لا تكفي"]

مين قال" يجب" اختى امة الرحمن؟؟؟؟

اختى امة الرحمن العفة مطلوبة للاثنين وطالما الرجل هيعدد ليعف الفتاة فمن وجهة نظرى يزوجها لشاب زيها (غير قادر) ويكسب فيهم ثواب هما الاثنين... لكن لم يمنع احد التعدد طالما يقدر يعدل و حتى لو هو عاوز يعدد ايه المشكلة؟؟ طالما يرغب فى زوجة تانية وتالتة وهو يقدر يكفيهم ايه المشكلة؟؟؟ ما فى حد يقدر يمنعه(بس لمجرد رغبته فى التعدد) .. لكنه يعدد بنية انه يعف فتاة ! بصراحة مش مقتنعة بيها ,البنت تتزوج شاب زيها وغير متزوج (اللى معظم البنات تتمناه) وليس رجل متزوج (الا لو كانت مضطرة) بصراحة انها تتزوج رجل اضطرارا دى زيجة مش حلوة خالص......... انا اتمنى شاب مثلى ويكون غير متزوج حتى لو فقير عن رجل اكبر منى بكثير ومتزوج حتى لو غنى ..ومعظم الرجال فى وقتنا هذا لن يستطيعوا العدل بين الزوجات , وكمان معظم الزوجات لا تقبل ان زوجها يتزوج غيرها...وما حدش فرض على حد تزويج غيره لكن طالما هو يبحث عن الثواب فليه ما ياخدش ثواب اثنين مش واحد ؟...حبيبتى اذكرك بحديث النبى صلى الله عليه وسلم مع جابر عندما سأله لماذا لم يتزوج بكرا. النبى صلى الله عليه وسلم لم يقصد ان الزواج من الثيب غير مرغوب فيه .ولكن وضح ان الزواج من البكر افضل.

يعنى فى افضليات فى الزواج...

[الحب الحقيقي]

وعليكم السلام ورحمة الله وبركاته

رزقنا الله واياكى حبه وجعلنا ممن يحبهم ويحبونه ..اللهم ءامين

[بثينة كامل :: يجب اعتقال قادة السلفية]

حبيبتى فجر انا متأكدة تماما انك ما قصدتى تعملى دعاية مجانية ابدا ولم اقصدك بهذا ولكن حبيبتى النقل عن هؤلاء هو دعاية لهم

حبيبتى حل هؤلاء الرويبضة هو عدم النقل عنهم او الاهتمام بما قالوا او بما لم يقولوا ..الحل اننا نحسن ونثبت بالفعل انا على عكس ما يقولوا ليس من بابا الاهتمام بما يقولوا ولكن الالتزام بالشريعة وتطبيقها لنثبت لله ثم للناس اننا الافضل وليس ردا على هؤلاء

تذكرى حبيبتى :اذا خاطبك السفيه فلا تجبه فخير من اجابته السكوتا

اذا كلمته فرجت عنه وان خليته كمدا يموتا

واعتذر بشدة ان ضايقتك حبيبتى ..والله يعلم انى لم اقصد

[احذرن جريدة اليوم السابع]

جزاك الله خيرا على التحذير ..بس على ما اتذكر اسمها اليوم الساقع مش السابع :mrgreen:

[المحور الأول ۝ ஜ نحو رمضان بقلب جديد ஜ ۝]

صلى الله عليه وسلم

حبيبتى هاحكيلك قصة بسيطة لصديقتى مع الاستغفار

كانت اشترت ملابس من محل وبعدين طلعوا مش مناسبين ليها فلما جت تبحث عن الفاتورة عشان ترجعهم ما لقتهاش

بس كان لازم ترجع الملابس دية وكانت حزينة جدا ...فذهبت للمحل اللى كانت اشترت منه ..لقيت المحل بيقفل فقالتله لحظة وشرحتله الموقف

بتقول الراجل ما اتناقش معاها وعلى طول رجع الملابس من غير فاتورة واخدت فلوسها تانى ولما سألتها هو انتى دعيتى بالتيسيير

وانتى رايحة المحل ..قالتلى بكل بساطة استغفرت طول ما كنت ماشية فى طريقى ومن يومها لما احب اعمل حاجة او احزن باستغفر وعن يقين وايمان بالفرج..

جزاك الله خيرا على طرحك للموضوع حبيبتى ...وغفر الله ذنبك.

[¯`ღ عبري عن شعورك الحالي بكلمة (2) ღ´¯]

مية مية ولا فراخ الجمعية..مش عارفة ليه بس هو كدة وخلاص ..ما فيش سبب للفرح اصلا بس اشطة

[جمعية عربية شعارها "زوجة واحدة لا تكفي"]

فقال له الشيخ ابن عثيمين : اعط المال لشاب فقير يتزوجها وتأخذ اجر الاثنين

وانا مع الشيخ ابن عثيمين ..لما يبقى كل شباب المسلمين يتجوزوا ويخلصوا ويتبقى بنات من غير زواج يبقى يعددوا

مش ضد الشرع طبعا ..بس زى ما فى بنات محتاجة العفة فى شباب اكتر محتاجين وهم اولى من المتزوجين..

ربنا يعف كل شباب وبنات المسلمين يا رب

[انقلبت الموازين؟؟؟يا الله......]

لا حبيبتى الموازين لم تنقلب الان لانها مقلوبة من زمان اصلا

زى ما بيقولوا على الثورة :بوظتوا البلد ..ردوا وقالوا ما هى بايظة اصلا

وان شاء الله البلد هتبقى احسن لاننا بدأنا نغير ما فى انفسنا وطول ما بندعى ربنا ان شاء الله هنبقى افضل وافضل

اللى بيحصل فى البلد كان بيحصل اسوأ منه ايام الحكم البائد بس الفرق انه بقى مكشوف بسبب الجرأة اللى انتشرت فى البلد

وان ما عاد فى حد بيخاف ويسكت ودى بشرة خير ...ان شاء الله النصرة لدينه .

[بثينة كامل :: يجب اعتقال قادة السلفية]

مين بثينة كامل؟؟؟ مش عارفاها ومش عاوزة اعرف مين هى

حبيبتى امثال هؤلاء السفهاء لا ننقل او حتى لا نهتم ونفكر فى كلامهم هو دا حلهم لأننا بكدة بنعملهم دعاية مجانية

ربنا يهدينا جميعا ويولى علينا من يصلح..

[اللهم أغفر لي مالايعلمون]

ربى اغفر لى ما لا يعلمون......ءامين يا غفار الذنوب

جزاك الله خيرا

[اغرى امرؤ (أنشودة حزينة) لياسر أبو عمار]

يا الله جميل جدا ..مؤثر الكلام جدا

جارى التحميل حبيبتى جزاك الله خيرا

[بيتيفوررررر سهل سهل بالصور من مطبخى]

السلام عليكم

ما شاء الله لا قوة الا بالله حبيبتى يسرا انا جربته امبارح وطلع روعة ....وايدى وجعتنى جدا لانى عملت الزبدة والسكر بايدى :icon15:

انا اول مرة ادوق بيتيفور بالجمال ده

يا ريت لو فى طريقة مجربة لعمل كحك العروسة والبسكوت والغريبة عشان اعمل كله فى فرحى لانى ان شاء الله هاعمل البيتيفور

بالطريقة دى

جزاكى الله خيرا

[يوميــ لتسعدي و تُسعدي ــاتنا]

السلام عليكم

مستنية الردود بفارغ الصبر

بالله عليكن علنا نستفيد لنسعد

هو صحيح لسة ما اتجوزتش بس انا بكتب وراكم عشان اطبق ان شاء الله

جزاكن الله خيرا..

[فقير ترك ما لم يتركه الأغنياء(قصة واقعية مؤثرة)..]

اللهم أنر قبره ,واغفر ذنبه .وتقبل عمله، اللهم لاتحرمه أجر ما قدم وارفع درجته

 

 

اللهم لاتحرمه لقيا حبيبك ولذة النظر الى وجهك الكريم ياكريم

اللهم ءامين

جزاك الله خيرا والله تذكرة رقيقة جدا .حقيقى لفتى انتباهى انى ممكن اتصدق بغير المال ويبقى صدقة جارية أأجر عليها فترات طويلة.

[" مُتنفسي "]

نفسى اصرخ وابكى وحتى نفسى اموت بس حتى الموت خايفة منه.

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

[القارورة المجروحة]

السلام عليكم

جزاك الله خيرا حبييبتى ميمونة..يا رب كل الناس تتغير وترحم البنت لانها ضعيفة جدا وخصوصا اهلها.

[عيشي لغيرك]

السلام عليكم

حبيبتى ساجدة جزاك الله خيرا على التذكرة

والله الواحد بيفرح لمجرد انه بيكون سبب فى ابتسامة اللى ادامه الحمد لله

والله الدنيا وما فيها لما يعمل حاجة لحد ويسعده او يتنازل عشان الناس بيبقى اجمل من لو فكرت فى نفسى وبس اجمل بكتييييييييييير جدااااااااااااااااااااا. سلمت يمناك حبيبة قلبة ساجدة.

[كلمة الحق أو اصمت للأبد]

السلام عليكم

مش عارفة اقول غير حسبنا الله ونعم الوكيل

ربنا يهديهم اضاعونا والله مش قادرة ادعى عليهم.....سمعت خطبة الجمعة اللى دعى فيها مفتى الجمهورية على من هدم الضريح

وحرم هدمه يا الله خالف اوامر النبى صلى الله عليه وسلم وبمنتهى البجاحة يا الله وصل الفجور الى هذا الحد

انا لله وانا اليه راجعون.

بجد حزيييييييييييييييييييييييييييييييييييينة جدا ان هؤلاء يعتبروا علماء الاسلام .وحزيييييييييييينة انهم ذلوا وخافوا فى الله لومة لائم

ومش هيضيعوا لوحدهم لأ دول بيضيعوا امة كاملة ربنا يهديهم ويردهم اليه ردا جميلا.

جزاك الله خيرا على النقل ام محمد.

[أنا منتقبة ( دعم لحملة أنا منتقبة وعندي حقوق )]

السلام عليكم ورحمة الله وبركاته

اختى الغالية انا غير منتقبة ولكن انا معكن لان دا حقكن وزى ما فى متبرجات وماشيين رافعين راسهم(ربنا يهديهم) وهما سايبينهم على حريتهم من حقك وحق اى واحدة انها تعف نفسها وتمشى رافعة راسها .. ليه عدم لبس الحجاب حرية شخصية وليه لبس النقاب ليس حرية شخصية بيتكلموا عن حقوق المرأة هى فين لما حاكموا ابسط حقوقها فى اختيارها للبسها .حبيبتى ربنا يثبتك ويثبت كل اخت على حجابها ويهدى كل عاصى .اللهم ءامين.

كلماتك جميلة جدا سلمت يمناك غاليتى.