اذهبي الى المحتوى

*امة الله حنان*

العضوات
  • عدد المشاركات

    976
  • تاريخ الانضمام

  • تاريخ آخر زيارة

  • الأيام التي فازت فيها

    1

مشاركات المكتوبهة بواسطة *امة الله حنان*


  1. وعليكم السلام ورحمة الله وبركاته

    كيفك محبه

    الف سلامه عليك فعلا لما بتتعودي علي التقليل وفي يوم تلغبطي بطنك بتوجعك

     

    استمري في الرياضه

    انا توقفت عن الرياضه بس من وقت لاهر بمشي ربع ساعه

     

    انا وزنت نفسي اليوم وجدت نفس الوزن

    انا ولله الحمد مستمره علي التقليل بس النزول بطئ

    وانا عارفه السبب ان معظم لقيماتي مش صحيه

    هي فعلا لقيمات ولكن من اكل البيت يعني معلقتين كشري ‘ طبق سبانخ وكده

     

    ان شاء الله اركز علي الصحي

     

    ربنا يعينا يا بنات

    • معجبة 1

  2. سجوده حبيبتي اخيرا نورتيناااا

    وحشااااني كتيرررر

    كده بقى ضمنت اني همشي علي العجين مالغبطوش:)

    ربنا يوفقك سجوووود مستنين طلتك وتقاريرك حبيبتي

     

     

    محبه * متفائله* ام يمني* ميمونه

    اين انتن اخواتي لعل المانع خير


  3. ازيكم حبيباتي عاملين إيه

    والله ام يمني مازال الاسهال بس مش عندي نشا الارز

    وسلقت الارز ولكن اختفي يوم ورجع الاسهال تاني

     

    ربنا يوفق ابنك محبه حبيبتي ويعينك

    وانا ايضا عندي ابن في الصف السادس واليوم اول امتخاناته وبرده اخوااته بعديه

    فاعتذر عن التاخر عليكم

     

    توقفت عن الرياضة يومين ولكن سابدا من جديد

     

    متفائله كيفك حبيبتي


  4. واي علقه محبه دا انا ظهري واجعني اوي

    وكمان ده انا عامله اسهل حاجه يا اختي

     

    انا جالي اليوم اسهال جامد ومتدتي وجعتني جدا ومن ااصبح علي المايه

    بس كان عنديي لسه فشه كانت هتبوظ سلقتها نص سلقه وبعدين رميت المايه

    وحطيتها تاني مع بصل وطماطم وتوم وشويه مايه لحد. ما شربتهم واكلت منها

    مش كده نفس طريقتك

    صراحه كانت ريحتها حلوه اوي

     

    بس برده تعبتني

    المهم بعد كل الاسهال وعدم الاكل ما نزلتش برده

    وزنت قلت اكيد هخس تلاته كيلو لكن ولا الهوا

     

    يلا مش مشكله مكملين برده:) ان شاء الله

     

     

     


  5. السلام عليكم ورحمة الله وبركاته

    ازيكم حبيباتي

     

    جزاك الله عنا خيرا اختي العزيزه ام يمني

    انا اخذت بنصيحتك وطول ما انا في المطبخ بشتغل بقيت اشرب مايه

    وبدات الرياضه عملت تمارين اليوم الواحد

    يا دوبك علي قدي لاني ما كنت امارس الرياضه مطلقا ولا حتي المشي فجسمي ووجعني اوي

    فساستمر علي الميل الواحد شويه لحد ما اتعود

     

    عندك حق متفائله فعلا المقاسات اهم وانا حاسه اني اخف

    اعانك الله حبيبتي ولكن لا تتاخري علينا

     

    فينك محبه حبيبتي

    اوعي تكوني ملغبطه الدنيا شايفاك :)

    ربنا يثبتك حبيبتي


  6. جزاكم الله عني خيرا اخواتي الغاليات

     

    ماشاء الله عليك حبيبتي ام يمني دائما تبثي فينا الامل

    واصرارك يعطينا دفعه للبدأ مهما كانت ظروفنا

    ربنا يديك الصحه يا رب ويكرمك حبيبتي

     

    محبه حبيبتي كلماتك مشجعه وفعلا بتسانديني كتيررررر

    ربنا يثبتك حبيبتي وتوصلي للي تتمنيه

     

    انا ولله الحمد كنت صايمه إمبارح وجبه اللامحاله الحمد الله كانت متظبطه وااللقيمات زادت سنه بس لسه في المعقول

     

    اليوم كمان صايمه بفضل الله في نهاية اليوم اكتب تقريري

     

     


  7. زيكم حبيباتي

     

    حبيبتي ام يمني قرأت الموضوع حلو بجد بس مش فاهمه اعمل ايه بالظبط

    فهمت اني ما اكلشش غير سمك طيب ععادي فلو مقلي والرز والعيش اخبارهم ايه

    يعني اكل عادي بس الغي اللحمه

    طب غير متوفر لدي تلببينه ينفع شوفان

    وهل امنع اللبن

     

     

    عندي مشكله وعايزه رايكم فيها

    انا النهارده لغبط علي الاخر لاني حزنت جدا اني لم انزل وبدأ الياس يتسرب الي ولسان حالي ان خلاص ما فيش فايده وحاسه ان المشوار هيبقي طويل اوي

    وفي نفس الوقت بقول هفضل كده لحد امتي

     

     


  8. حياكن الله يا غاليات

    عودا حميدا ميمونه حبيبتي نورتي غاليتي

     

    وزنت اليوم :(

    للاسف ما نزل الوزن

    لا اخفيكم حزنت صراحه بس لما رجعت الاسبوعين اللي فاتوا وجدت اني قللت من الكميات وكانت الفتره تدريب اكتر منها رجيم

    كما اني لم اقم باي رياضه حتي المشي كان مرتين فقط خلال الاسبوعين

    فاحمد الله اني لم ازد في الوزن

     

    ان شاء الله اكون افضل في موعد الوزن القادم

     

    خلاااص متفائله مش هدور علي الكرشه بتاعتكم دلوقتي نأجلها شوية :)

     

    ربنا معاكم حبيباتي عايزه اخبار تفرح يا بنات ربنا يوفقكم


  9. حنان انتي مصريه طبعا نعرف الفشه والكرشه والممبار والكوارع ولحمه الراس اكمل ولا ده كفايه

     

    لا كفايه اوي ده انا بتخن من القراءه بس:)

    فعلا محبه اثبت انك مصريه اصيله

    ربنا يرحم حماتك عجبتني طريقتها جدا في الكرشه وان شاء الله هجربها

    ربنا يبارك فيك حبيبتي ويثبتك

     

    متفائله حبيبتي هتخليني ادور علي طريقتكم في عماليل الكرشه والممبار واجربها لانكم ماشاء الله اكلكم جميل

     

    تقبل الله صيامك ويومك جدا رائع بالتوفيق حبيبتي

     

    جزاك الله خيرا اختي ام يمني علي نصائحك الغاليه ربي ما يحرمنا من تواجدك

    انا فعلا بدات اغير في نمط الاكل بس المشكله ان كل الي في البيت بياكلوا الاكل عادي وعمرهم ما سيتقبلوا فكره الصحي بس بحاول امسك العصايه من النص اطبخ ني في ني واقلل السمن

     

    تقرير ليوم

    ل1 كانت فاكهه

    الغدا 4 معالق رز وسمكه وجرجير

    ل2 فاكهه

    ل3بيضه مسلوقه

     

    الباقي قبل ما انا اكتبه ان شاء الله


  10. السلام عليكم ورحمة الله وبركاته

    حياكن الله يا غاليات

    تصدقي محبه عندك حق المكرونه السبب :)

    انا نسيت خالص ان المكرونه بتجوع

     

    كلامك حصل معي اليوم فعلا قالولي رجيم ايه ده الي بتاكلي فيه كل حاجه ومسبك

    صراحه احبطت :(

     

    انا مشكلتي اللامحاله لسه مشش متظبطه اليوم كان عندي فشه مش عارفه تعرفوها ولا لا :)

    المهم انا سلقتها وحمرتها واكلت معها تلات معالق ارز

    بس صراحه اكلت منها كتيررر

    انا عارفه اني انا قلت انها تقريبا سعراتها قليله بس اكيد التحمير زود السعرات

     

    اما اللقيمات ولله الحمد مظبطاها

     


  11. معلش متفائله افتكرتك ما كتبتيش النهارده اصلي بكتب من الموبايل وما جابليش مشاركتك حبيبتي

     

    تقبل الله منك غاليتي

    انا بحب اقرا تقاريركم جدا عشان اخد منها افكار

    وطبعا متفائله شيف خطيررر وبجد بتعمل حاجات حلوه اوي

    فابقوا ركزوا كده وانتوا بتكتبوا التقارير عشان اغش منكم :)

    ربنا يوفقكم حبيباتي


  12. ماشاء الله ام يمني نصائحك مفيده؛ تفيدنا كثيرا ربنا ما يحرمنا منك

     

    اليوم ششويت فلفل وبصل وتجنبت البطاطس النهارده

    العيش بيبقي تقرببا مره واحده وهحاول يكون بلدي

    جزاك الله خيرا حبيبتي

     

    محبه يومك بجد رائع ربنا يثبتك

     

    اليوم كان احساس الجوع شديد الله المستعان

    تقرير اليوم

    ل1 فاكهه

    ل2 كوب عصير طماطم

    الغدا قطعتين بانيه بس كانت في الفرن واربع معاق مكرونه

    بعد ساعتين بالظبط جعت جدا علي غير العاده:(

    اخدت طبق صفير فشار وبرتقاله

     

    ل4 فاكهه

    ل5 كانت فلفلل وبصل مشوي

    ل6 نص كوب شاي باللبن وفاكهه

     

    متفائله وينك حبيبتي طمنينا عامله ايه

     

     

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×