اذهبي الى المحتوى

أم يُمنى

العضوات
  • عدد المشاركات

    4242
  • تاريخ الانضمام

  • تاريخ آخر زيارة

  • الأيام التي فازت فيها

    65

مشاركات المكتوبهة بواسطة أم يُمنى


  1. وفاة الرئيس الوحيد لمصر

    بل قتله على سمع وبصر العالم كله

    عار عليكِ يامصر ويامصريين

    اللهم اجعل دمه لعنة على الظالمين ومن عاونهم

    البلد الآن فقط بدون رئيس

    ..................................

    ياكل من يعترف بالخائن القاتل أنت خائن قاتل مثله

    ياكل العالم المعترف بالانقلاب  أنتم شركاء

    وعلى الجميع أن ينتظر  خسفٌ من الله

    عاجل غير آجل يارب

    حتى لا يستريح جنب للظالم


  2. المثل :

    كل قناية متضايقة بميتها

    المعنى :

    القناية : مجرى مائى رفيع لسقاية الأرض

    العجيب بقى هى متضايقة ليه 🤔

    يمكن متضايقة من مسؤلية تصريف الميه

    الأصل انها تتضايق لما تنشف

    ماعلينا  ... المهم ان المعنى  العام

    كل الناس عندها مشاكلها وفيها اللى مكفيها

    ف محدش يبقى عنده استبداد ف الرأى بعرض مشكلة س أو ص

    ولازم نحل مشكلته

    لإن معنى السطر الأخير له مثل آخر 

    ف كونوا  بالقرب

     

     

     


  3.  

    رئيس الوزراء نتنياهو: "أشكر صديقي الرئيس المصري السيسي على قيامه بإرسال مروحيتين للمشاركة في عمليات إخماد الحرائق التي نشبت في أنحاء متفرقة من إسرائيل".

    طائرات من إيطاليا واليونان وقبرص وكرواتيا تشارك أيضا في عمليات الإطفاء.

    كما طلبت السلطة الفلسطينية الانضمام إلى تلك الجهود.

    ........................................................

    على عينى انى أجيب الخبر ده بالطريقة دى

    بس جبته كده عشان أى إنسان على وجه الأرض يقولى

    الجيش المسرى بتاعنا والموكوس مش تبعنا  يخفى من قدامى

    احسن والله مافى رد غير الدعا عليه وش أن يُذل أكتر واكتر ع إيده

    باحاول اكون مؤدبة عشان مسئولية الصيام

    بالله عليكوا وانتوا بتقروا الخبر متنسوش السطر الأخير

     

     

     


  4. وَمَا مُحَمَّدٌ إِلَّا رَسُولٌ قَدْ خَلَتْ مِن قَبْلِهِ الرُّسُلُ ۚ أَفَإِن مَّاتَ أَوْ قُتِلَ انقَلَبْتُمْ عَلَىٰ

    أَعْقَابِكُمْ ۚ وَمَن يَنقَلِبْ عَلَىٰ عَقِبَيْهِ فَلَن يَضُرَّ اللَّهَ شَيْئًا ۗ وَسَيَجْزِي اللَّهُ الشَّاكِرِينَ (144)

    قال أبو جعفر: يعني تعالى ذكره بذلك: وما محمد إلا رسول كبعض رسل الله الذين أرسلهم إلى خلقه، داعيًا إلى الله وإلى طاعته، الذين حين انقضت آجالهم ماتوا وقبضهم الله إليه. (14) يقول جل ثناؤه: فمحمد صلى الله عليه وسلم إنما هو فيما الله به صانعٌ من قبضه إليه عند انقضاء مدة أجله، كسائر رسله إلى خلقه الذين مضوْا قبله، (15) وماتوا عند انقضاء مدة آجالهم.
    ثم قال لأصحاب محمد، معاتبَهم على ما كان منهم من الهلع والجزع حين قيل لهم بأحُد: " إنّ محمدًا قتل "، ومُقبِّحًا إليهم انصرافَ من انصرفَ منهم عن عدوهم وانهزامه عنهم: أفائن مات محمد، أيها القوم، لانقضاء مدة أجله، أو قتله عدو = (16) " انقلبتم على أعقابكم "، = يعني: ارتددتم عن دينكم الذي بعث الله محمدًا بالدعاء إليه ورجعتم عنه كفارًا بالله بعد الإيمان به، وبعد ما قد وَضَحت لكم صحةُ ما دعاكم محمد إليه، وحقيقةُ ما جاءكم به من عند ربه =" ومن ينقلب على عقبيه "، يعني بذلك: ومن يرتدد منكم عن دينه ويرجع كافرًا بعد إيمانه، (17) =" فلن يضر الله شيئًا " يقول: فلن يوهن ذلك عزة الله ولا سلطانه، ولا يدخل بذلك نقصٌ في ملكه، (18) بل نفسه يضر بردَّته، وحظَّ نفسه ينقص بكفره =" وسيجزي الله الشاكرين "، يقول: وسيثيب الله من شكره على توفيقه وهدايته إياه لدينه، بثبوته على ما جاء به محمد صلى الله عليه وسلم إن هو مات أو قتل، واستقامته على منهاجه، وتمسكه بدينه وملته بعده. كما:-
    7938- حدثنا المثني قال، حدثنا إسحاق قال، حدثنا عبد الله بن هاشم قال، أخبرنا سيف بن عمر، (19) عن أبي روق، عن أبي أيوب، عن علي في قوله: " وسيجزي الله الشاكرين "، الثابتين على دينهم أبا بكر وأصحابه. فكان عليّ رضي الله عنه يقول: كان أبو بكر أمين الشاكرين، وأمين أحِباء الله، وكان أشكرَهم وأحبَّهم إلى الله.
    7939- حدثنا ابن حميد قال، حدثنا جرير، عن مغيرة، عن العلاء بن بدر قال: إن أبا بكر أمينُ الشاكرين. وتلا هذه الآية: " وسيجزي الله الشاكرين ". (20)
    7940- حدثنا ابن حميد قال، حدثنا سلمة، عن ابن إسحاق: " وسيجزي الله الشاكرين "، أي: من أطاعه وعمل بأمره. (21)
    * * *
    وذكر أن هذه الآية أنـزلت على رسول الله صلى الله عليه وسلم فيمن انهزم عنه بأحد من أصحابه.

    ...........................................................

    لفت نظرى وكأنى أقرأها لأول مرة أخر الآيه وسيجزى الله الشاكرين

    بعد النأرظة لهم على عدم الثبات وارتدادهم

    تأتى طبطبة جميلة أنه جل وعلا سيجزى الشاكرين مش الثابتين

    كأن الثبات هنا شكر لله على نعمة ألا أرتد بوفاة من أتبع

    اللهم يامقلب القلوب ثبت قلبى على دينك

     


  5. مع الأسف  الخدعة المرة دى اقتصادية رأسمالية إبليسية من طراز

    اطحن أى حد يفكر ينجح ف المخروبة

    كان فى محل حلوانى أثبت على مدار الكام سنة اللى فاتت

    كفاءة ونضافة وأسعار معقولة فى نفس ذات الوقت

    وبدأ يتوسع ف المحلات اللى جنبه  يشتريها ويكبر يافطته

    ولايزال يحافظ ــ رغم غلاء الأسعار  ـــ على أسعار معقولة وجودة منتج

    تلك المعادلة الصعبة تأتت من وجود جامع كبير قدامه  ف كان دايما

    إيده ف الجامع سواء فطار أو سحور  وف الأيام العادية كمان

    المنطقة شعبية والناس م صدقت حاجة كواليتى ف منطقتهم

    ماشاء الله لاقوة إلا بالله 4 ـــ 5  محلات فلان الفلانى للحلويات والبيتزا والسندوتشات

    وخدمة الدليفرى سهلت ع الناس التعامل معاه

    حتى العمالة اللى عنده كان يشترط من سكان المنطقة

    ياكلوا عيش ومفيش ضياع وقت ف مواصلات

    تمام كده 👍🏼👏🏼

    ده نموذج رائع يُحتذى ويعطى الأمل لناس تانيه تنجح 👍🏼

    ازاى بقى نسيبه  .... لأ ندخل شراكه معاه

    مش بيستجيب  ... نعمله مشاكل

    مش نافع  ... مخلص حاجته وملوش صباع يتعض عليه

    لو قرفناه وف منطقة شعبية زى دى ممكن يعمل رأى عام 

    واحنا مش ناقصين مشاكل

    تيجى شركة من نفس المجال بس كما يسمونها ( براند )

    تحط عليه وبتؤدة غريبة تقطع عليه خطة التوسع بتاعته

    يشتروا أغلب المحلات بل والبيوت اللى حواليه

    وييعملو يافطة  أكبر وأعلى وزيادة ف البجاحة  فوق يافطته 😜

    لأ ويبشر الناس ( جارى شراء كل المنطقة لهذه الشركة الــ ( براند )

    عرفنا بعد كده ان الشركة دى لا سمح الله  لم يبخسوه

    بالعكس دول عملوا معاه ( ديل )  يفوق كل توقعاته 👌🏼

    أثناء التطورات دى  كانوا بيستغلوا إسمه وشعبيته

    ويكتبوا جنب يافطته محلات فلان الفلانى بقى علان العلانى

    الناس البسيطة اللى زى حالاتى كنت لما اعدى اقول

    ماشاء الله لاقوة إلا بالله بينه عمل ماركة يعنى بإسم له رنه كده

    ربنا يوفقه ده حد تقى

    طبعا عرفت كل الحدوتة دى مؤخرا

    وتيقنت انها هتفضل مخروبة

    ومش هتطلع قدام  أبدا وعلا صوت

    إن الله لايصلح عمل المفسدين

    كلما ظهر ناس ناجحة وينجحوا المخروبة  أُكلوا حتى لايفكر أحد فى عمارها

    وخراب ياماسر

     

     

     

     


  6. الدنيا أعظمُ سحراً من هاروت وماروت فهاروت وماروت يفرقان بين المرء وزوجه أما الدنيا فإنها تفرق بين العبد وربه فاذا كثُرت عليك الفتن فتذكر أن القرآن سيثبتك على الحق : "كذلك لنثبت بهِ فؤادك" ابن الجوزي

     

    اختيارات موفقة

    بارك الله فيكِ ونفع بكِ


  7. قمراتنا الحلوين

    لسه بنقول ياهادى ومشغولين بتجهيز دولاب النواشف  والتلاجة عشان م ناخدش وقت

    ماما  اتصلت تقولى رمضان إمتى

    هو بالتأكيد  الاتنين  ياماما

    باين كان فى احتفال الرؤية النهارده

    اذبهليت وقلتلها ابص واقولك

    عرفت وقلتلها

    احنا مش هنخلص من خيبة الربكة بتاعة أول رمضان دى وناس تصوم وناس لأ

    دار هذا الحوار  ع الواتس  ( جروب انا واخواتى بإسم بابا )

    هو رمضان إمتى ياجماعة  سؤال أختى

    هو الرؤية كانت النهارده واللا إيه    لسه بتسأل

    رد أحد إخوتى  .. الرؤية بكرة  .. بكرة 29 شعبان

    رديت انا .. ياعم الحاج مش بكره المتمم  لشعبان 🙄

    هى ناقصة لخبطة 🙃

    وبعت الصورة دى

    بناءً على ما أعلنته المحكمة العليا بشأن ترائي هلال شهر رمضان المبارك لهذا العام 1440هـ ، فقد عقدت المحكمة العليا جلسة مساء هذا اليوم السبت التاسع والعشرين من شهر شعبان 1440هـ – حسب تقويم أم القرى – ولم يرد إليها ما يثبت رؤية الهلال هذه الليلة وللأسباب التي أشارت إليها المحكمة في إعلانها ستعقد – إن شاء الله تعالى – جلسة مساء يوم غد الأحد وتصدر قراراً بما يثبت لديها بهذا الشأن، وسيتم إعلانه حسب المتبع.

    أكدت  اختى ان بكره 29

    رديت كبروا السبت التاسع والعشرين كده 🧐

    رد اخويا ..  بيقولك ده تقويم أم القرى  ...  مش أم الدنيا 😂

    ماهم واحد دلوقت

    المخروبة ماشية على م تقول بلد الرز

    لأ ياحاجة مفارقين

    ما علينا .. يشربوا جميعا ذنب الناس من عشرات السنين 

    كل عام أنتم بخير حال  .. أياما معدودات ..

    رزقكم الله صيامه وقيامه وتقبله منا ومنكم .. وأعاده عليكم باليُمن والبركة

    والرزق الوفير ومتعكم بالصحة والعافية

    وفرِّج اللهم هم الأمة وتوفنا على المحجة البيضاء

     

     

     


  8. وها نحن مرة أخرى ف القصر العينى

    حبيبتى المريضة كانت ف غرفة العمليات

    هى دخلت أول أمس يادوب تحاليل وتجهيز المريضة للعملية

    اللى يشوف كده يقول احنا ف بلد محترمة  .. تمام

    كله بالفلوس يمشى فُلة  .. 

    الدكاترة موجودين  والممرضات هاين عليهم يشيلوا المريض على حجرهم

    فى غرفة المريضة بانتظار خروجها بالسلامة ومن النافذة تطل ع النيل اللى مستوى المية نزل مترين تقريبا

    عربية فول قدام الباب فجأة جت البلدية قلبت العربية وخدوا قِدرة الفول من الراجل

    وهو بيبوس إيد الأمين يسيبه يسترزق

    ( ده الناس هنا محتاجة العربية دى أكتر من الراجل نفسه )

    ( إحنا جبنا شوية بسكوتات ومشروبات  دفعنا رقم لا يستطيعه الغلابة دول )

    ماعلينا .. عشان افادى نفسى أزمة صحية بصيت الناحية التانية

    طالما لاأستطيع إنكار المنكر ولا بالقول قلت ابص على شوية المية اللى فاضلين ف النيل

    مساحة كبيرة جدا ع النيل فاضية خالص لأ وشوية ترابيزات وكراسى مفروشين بشكل منمق

    حاجة تريح الأعصاب ....تلاقيها مجموعة كافيتريات  وأندية

    بس غريبة مفيش ناس .. بصيت ع الزحام تانى والخناقة الدايرة ع الباب

    إشى بياعين  متاخد بضاعتهم وإشى عيانين وإشى ناس بتصرخ عشان يدخلوا

    وفضا الأندية الناحية التانية

    مع المفارقة دى م نسيتش حبيبتى اللى ف العمليات

    اتلهينا معاها وهم جايبنها غرفتها  واطمنا عليها فايقة  واستنينا    معاها شوية

    واحنا ماشيين قصدت نمشى من ناحية الكافيتريات والأندية دى

     وكانت الصدمة حوالى اتنين كيلوا ع النيل كلها تابعة لجهات سيادية

    تيقنت اننا تكملة ورث أهاليهم

    ومن جوة قلبى وبــ زعيق  مش يسقط يسقط حكم العسكر

    يحرق يولع حكم العسكر  وبـــــ زفت وقطران

    وإلى الله المشتكى

منتدى❤ أخوات طريق الإسلام❤

‏ - ‌‏أسوأ الأزمنة هي التي يُفعل فيها الشر باسم الخير، والخير باسم الشر، ففي الأثر (يأتي على الناس زمان يرون المنكر معروفا والمعروف منكرا) ♢ عبدالعزيز الطريفي ♢

×