تجمع الحوامل ارجومن كل حامل تدخل وتشاركنا

[درصاف 73]

السلام عليكــم ورحمـة الله وبركاتــه ،،

 

ربي يحفظك وييسر أمرك يا أم مصعب..

ما تنسيش تطمنينا وتخبرينا عن الجديد..

يارب ييسر لك ويقر عينك ببنوتة جميلة سليمة معافاة..

[~~أم أسيل~~ 26]

السلام عليكم ورحمة الله وبركاته،،

 

ربنا ييسرلك الخير يا ام مصعب .. طبيعي او قيصري المهم انتي والبنوته تكونوا بخير ... ربنا يكتبلك ساعة سهلة بالله اول ما ترجعي تطمنينا :)

[توتى سمسم 8]

السلام عليكمورحمة الله وبركاتة

كيف الحال حبيباتى

أم أسيل أنا عارفة مال أسيل هانم عجبتها القاعدة جوة ولا أيه بس متقلقيش هى فعلا جوة افضل بكتير من برة ربنا يكمل نموها على خير يارب وتيجى بألف سلامة حبيبتى وتكون امورة زى ناجية كده

 

أم بلال ملييووووووووووووووووووون مبروك حبيبتى ايه الجمال ده ماشاء الله فعلا أختى كان دم النفاس اسبوع او10 ايام وخلال ال10 ايام مش كلهم موجود فيهم ممكن تقطع يوم يومين وفى بقى زوجة عمى فضل عندها شهر بس ايه كل 3او4 ايام مرة لان البنت بيقولوا ان دم النفاس أكتر من الولد والله اعلم أختى فى الولد كان فضل معاها دم النفاس اسبوع بالكتير اما رودينة ماشاء الله حوالى اسبوعين او 3 بس بيبقى بسيط ده عادى البطن بقى ماشاء الله شوفت واحدة ولدت كيسرى ولا عندها بطن خالص قالتلى بربط حزام براحة وانا فى السلك وبعد السلك بضغطة أكتر وبكده مليش بطن

 

ريتاج اهلا بيكى معانا انا ظهرى بيروجعنى من أخرة يا ام اسيل جدااااااااا فأعتقد ده عادى انا طول الحمل ظهرى بيوجعنى من اسفل الظهر ربنا يكملك على خير حبيبتى ويوقمك بالسلامة

 

أمة الله عاملة ايه حبيبتى

 

درضاف عايزة اقولك انا بجد الموضوع ده مضايقنى جدا بس انا سمعت ان فى حمل حمل فعلا بيعمل بواسير للأم وأنا هروح لدكتورة بواسير علشان انا وصلت انى مش قادرة اشيل كوب ماء حتى مؤلمة جداااااااا ربنا ييسر وتخف لحسن صعبة اوى هى والشرخ الشرجى انا عملت أكتر من عملية لكن دى يااااااااه اللهم ارحمنا

 

أم مصعب953 الف سلامة عليكى حبيبتى شفاكى الله وعافاكى ربنا ييسرلك وتولدى بالسلامة يارب طمنينا عليكى وميعاد الولادة أمتى

 

أنا بجد مشتاقة اشوف عمار انا قررت اسمى عمار حتى لو ابوة مش عايز مليش دعوة انا حامل فيه 9 شهور يبقى انا اللى اسمى هههههههه

[muslim-girl 0]

السلام عليكــم ورحمـة الله وبركاتــة ،،

 

كيف الحال اخواتي

 

اسالكن الدعاء لأبي هو في المستشفى لعدة ايام و تنتظره عملية بسبب القلب عفانا الله و اياكم

 

اسأل الله العظيم ربّ العرش العظيم أن يشفيه قولوا آمين

 

تقريبا كل العائلة راحت للمستشفى تشوف أبي منذ الخميس اءلّا أنا لم يسمح لي بعد بالمشي في الخارج او السيارة الحمد لله

 

اللهمّ صلّي و سلّم على سيّدنا محمّد

[~~أم أسيل~~ 26]

السلام عليكم ورحمة الله وبركاته،،

شفاه الله وعفاه يا بنت مسلمة....

 

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

[muslim-girl 0]

و عليكم السلام و رحمة الله و بركاته بارك الله فيك أم أسيل و كل الاخوات بالدعاء على ظهر الغيب و لك بالمثل يا أم اسيل و لا تقلقي قد كتب الله سبحانه و تعالى لأسيل اليوم الذي سوف تولد فيه بصحّة وعافية باذن الله

[Guest om.omar]

السلام عليكــم ورحمـة الله وبركاتــة ،،>كيف الغاليات وحشتوونى جدا

كنت بامر بفتره امتحانات مطلوبه فى العمل والحمد لله انا فى استراحه قليله حتى موعد الامتحان المقبل

شىء مرهق جدا البيت والعمل واولادى والامتحانات

دعواتكن حتى انتهى منها قبل ولادتى ان شاء الله

اسمعنا الله كل الخير عنكن

[ام مصعب 953 0]

السلام عليكم انا رحت للدكتوره امبارح وعندى خبر حلو ليكم ابشرو

البنت اتعدلت بفضل الله الدكتوره كانت مش مصدقه وقالت لى امشى كل يوم ساعه على الاقل ادعو لى ربنا ييسر لى انا فرحانه جدا ومعنوياتى مرتفعه بفضل الله حتى انى روحت من عند الكتوره مشى بالله عليكم متبخلوش على بالدعاء ربنا يتقبل منا ومنكم

ام اسيل ابشرى هانت اسال الله ان يقر عينك باسوله

درصاف ايه اخبارك دعواتك يا غاليه

توتى انتى فين ادعى لى ربنا يتم لك على خير

ام عبد الله انتىفيييين مختفيه ليه

بنت مسلمه اسال الله العظيم رب العرش الكريم ان يشفى ابيك وجميع مرضى المسلمين وربنا يتم لك حملك على خير حبيبتى

ام عمر ربنا يعينك وييسر لك امرك معلش فتره وهتعدى انا كنت بذاكر وانا حامل وبعد اما ولدت صحيح كانت مشقه بس كله بيعدى

[نور عيوني 0]

السلام عليكم و رحمة الله و بركاته. ام بلال مبارك عليكي المورة ناجية ربنا يجعلها قرة عين لكي لوالدها و يجعلها ذرية صالحة لكم اللهم آمييين و ام مصعب ربنا ييسر لكي الولاده كما ييسر لكي عدول البنت و هي في الرحم سبحان الله ربنا رحيم بعباده

توتي ربنا يبارك فيكي و تقومي بسلامة الله اسم عمار جميل انا كمان ان شاء الرحمن و رزقني نفسي اسمي عمار ربنا يجعله من اهل الصبر كما كان عمار بن ياسر رضي الله عنه

ام اسيل و درصاف و بنت مسلمة ربنا يشفي والدك كل الخوات ربنا يبارك فيهم و يقوموا بسلامة الله و امنه و يرزقهم الذرية الصالحة

اما عن اخباري انا لسه الدم مازال مستمر و لم ينزل شيىء حتى الآن و مش عارفة الأمور وصلت لأيه

بس بيقولوا المثبت اللي كنت باخده هو اللي اخر نزول الجنين

بس انا مش عارفة اصبر لحد امتى و اروح للدكتورة

هي قالت لو جالك مغص او نسية الدم زادت تعالي علطول و ده محصلش لحد الآن و مش عارفة خايفة يكون الجنين مات و مش عايز ينزل

ادعو لي الله يكرمكم و ييسر لكم اموركم

[ام مصعب 953 0]

نور ربنا معاكى حبيبة قلبى يصبرك ويعوضك خير بمنه وكرمه اكثرى من قول اللهم سلمت امرى اليك ووجهت وجهى اليك لا ملجا ولا منجى منك الا اليك

اعلمى ان الخير هو ما قدره الله لكى ولكن ليه مرحتيش للدكتوره انا شايفه طالما الدم مستمر لازم ترويحى لها لان الجنين اذا مات فى بطنك فى خطوره عليكى بالله عليكى تروحى للدكتوره وتطمنينا عليكى اسال الله ان يرضيكى بقضائه فما اجمل هذا الشعور لان ما قدره الله لكى نافذ لا محاله فاذا اضيف اليه الصبر والرضى فما اعلى منزلتك عند الله

[ام مصعب 953 0]

نور ربنا معاكى حبيبة قلبى يصبرك ويعوضك خير بمنه وكرمه اكثرى من قول اللهم سلمت امرى اليك ووجهت وجهى اليك لا ملجا ولا منجى منك الا اليك

اعلمى ان الخير هو ما قدره الله لكى ولكن ليه مرحتيش للدكتوره انا شايفه طالما الدم مستمر لازم ترويحى لها لان الجنين اذا مات فى بطنك فى خطوره عليكى بالله عليكى تروحى للدكتوره وتطمنينا عليكى اسال الله ان يرضيكى بقضائه فما اجمل هذا الشعور لان ما قدره الله لكى نافذ لا محاله فاذا اضيف اليه الصبر والرضى فما اعلى منزلتك عند الله

[muslim-girl 0]

السلام عليكــم ورحمـة الله وبركاتــة ،،

بارك الله فيكن على الدعاء يا أخوات

يا أختي نور عيوني صبر جميل و الله المستعان و اكثري الاستغفار

سمعت الشيخ نبيل العوضي يقول اذا تلقّى شخصا خبرا مؤلما من مرض أو غيره من مصيبة - عفانا الله و اءيّكم و جميع المسلمين- يبعث الله له ملك يراقب رد فعل المصاب فاءذا قال الحمد لله على كلّ حال و اءنّا لله و اءنّا اءليه راجعون قال الله سبحانه و تعالى لذلك الملك - في معناه- ابني له بيت في الجنّة و سميّه بيت الحمد و الله أعلم

 

جعلنا الله و اءيّأكم من الصابرين و أسكننا فسيح جنانه

 

اللهمّ صلّي و سلّم على سيّدنا محمّد

[* أم عبد الله * 0]

السلام عليكــم ورحمـة الله وبركاتــة ،،

 

أهلا بيك توتى سمسم مرة تانية بينا 000وخفف ربى عنك

حبيبتى إتفقى إنتى وزوجك على إسم المولود أحسن وإلا

شرعا هو الأحق بتسميته0000

 

ريتاج مرحبا بيك بيننا وألم الظهر عادى وخصوصا لو أول حمل

يسر الله لك حملك0000 انتبهى لاتحملى أى شئ ثقييييل0

 

اللهم بارك فى ناجية واحفظها ياأم ناجية

شوقتينا للحاجات الصغننة دى:)

 

أم مصعب953 جزاك الله خيرا على السؤال النهاردة أخذت آخر

حقنة حديد ومعادى مع الطبيبة كمان أسبوع 00ربنا ييسر

اللهم سهل عليك ياغالية ولادتك سمعت إن قراءة سورة الزلزلة تيسر الولادة

إقرئيها وربنا يقويك

 

أم آسيل صبرك ربى وإن شاء الله المشى هيعمل مفعول معاكى

 

أختى درصاف وبنت مسلمة شفاكم ربى وعافاكم

وشفى الله والدك بنت مسلمة ورزقه الصحة والعافية000

 

نور عيونى حبيبتى إذهبى لزيارة الطبيبة وربى يقدر لك الخير وطمنينا

 

أخواتى الحوامل يارب كلكم تكونو بخير

أذكركم بالصدقة000مفعولها مضمون0000

من فضلكم لى طلب لو حد فيكم عنده علم بآيات أوأذكار لتسهيل الولادة

يخبرنا بها 0000ربى يجعله فى ميزان حسناتها000

[توتى سمسم 8]

حبيبتى

بنت مسلمة اللهم رب الناس ،أذهب البأس ، أشف أنت الشافى لا شفاء الا شفاؤك شفاء لا يغادر سقما ربنا يشفيه ويرجعلة ليكم بالسلامة إن شاء الله ماشاء الله معنديش كلام اقولة لانك انتى اللى بتقولى دايما اروع الكلمات

 

حبيبتى نور عيونى روحى للدكتورة حالا حبيبى متنتظريش لان ده فيه خطورة ربنا يرزقك الخير يارب حبيبتى وطمنينا عليكى

ام عبدالله شرعا هو ليه الحق فى التسمية ههههههه بس انا هرخم وأخد حقى انا اللى حملت فيه وتعبت فيه 9 شهور هههههههه

 

أم مصعب 953 الف مبروك حبيبتى خبر جميل من أم جميلة مبروك حبيبتى ربنا يجعلها دايما فى الوضع الأحسن يارب ويقومك بالسلامة حبيبتى والنونو ينور الدنيا

 

حبيبتى ام عمر ربنا معاكى يارب فعلا كتير حبيبتى ربنا يقويكى يارب ويقومك بالسلامة يارب

 

أم أسيل أسيل هانم عاملة ايه دلوقتى عارفة لو عمار مش خاطب كنت أخدت أسيل بس انا خطبت رودينة بنت خالتة ليه هههههههههههه بس لو أسيل أحلى أفكر

[~~أم أسيل~~ 26]

السلام عليكم ورحمة الله وبركاته،،

 

ربنا يكرمك يا ام عبد الله يارب هو انتي في التاسع بردو صح ؟؟ والله بامشي يوميا اتعب جدا من المشي اروح اقعد وخلاص مفيش اي حاجة تصدقي بالله التاسع عندي مش متعب زي التامن والسابع سبحان الله

 

توتي ... والله أسيل هانم شكلها هتكمل 10 شهور طمعانة في شوية زيادة ..... يلا عمار ليه 4 :)) بس عامة البنت خطابها كتير من دلوقتي :))) ربنا يجعلهم صالحين يااارب

 

أم مصعب انتي المفروض هتولدي امتى ؟؟؟؟؟ او بقالك اد ايه في التاسع ..؟

 

عارفين اعلان زمان اوي كان بيجيي في التلفزيون ... طلع بالشفورلية واحنا قاعدين .... ده موقفي الناس عماله تولد وانا قاعدة

 

باقي الاخوات عاملين ايه ؟؟ والجو حر الايام دي ايه اخباره معاكم

[توتى سمسم 8]

شفورليه ايه يابنتى ههههههههههه انتى عديتى من زمان ههههههههه ربنا ييسرلك يا أم اسيل يارب

انا حرانة جدااااااااااا

[سهى المصرية 0]

السلام عليكم ورحمة الله وبركاته

ربنا يتم لكم على خير يارب والف مبروك لكل واحد قامت بالسلامه

ممكن تدخلونى معاكوا

أنا عندى سؤال انا فى منتصف الشهر السادس وكنت عايزة اعرف عن لعب البيبى

علشان احيانا احس بيه ويكون ملحوظ واحيانا يكون قليل وضعيف فهل هذا طبيعى؟

[توتى سمسم 8]

حبيبتى سهى اهلا بيكى معانا بصى انا ساعات يفضل صاحى احس انه صاحى يومين واوقات يقعد يومين ولا اى حاجه اعتقد ده طبيعى حبيبتى فى السابع والثامن بيلعب اكتر من السادس ربنا يقومك بالسلامة نورتى الموضوع

[سهى المصرية 0]

الله يبارك لك اختى(( توتى سمسم ))طمنتينى كنت قلقانه شويه بسبب الموضوع ده

جزاكى الله خيرا

[~~أم أسيل~~ 26]

السلام عليكم ورحمة الله وبركاته،،

 

أم عبد الله اتفضلي الرابط ده فيه ادعية تيسير الولادة

 

https://akhawat.islamway.net/forum/index.php?showtopic=19198

 

بس اعتقد انك تقري الرقية افضل ... يعني مفيش حديث وارد عن الادعية دي والله اعلم

 

سهى هو على حسب ... المهم 10 حركات في اليوم ربنا يقومك بالسلامة

[سهى المصرية 0]

جزاكى الله خيرا اختى(( ام اسيل ))

بس عندى استفسار لو اقل من 10 ماذا افعل ؟

[~~أم أسيل~~ 26]

السلام عليكم ورحمة الله وبركاته،،

 

الدكتور كان قالي المهم 10 حركات سواء ضعيفة او قوية ...

انتي اسألي الدكتورة ايه النمط اللي تحسبي عليه علشان تبقى مطمنة

[وأشرقت السماء 1565]

حبيباتى الحوامل

ربنا ييسر لكم جميعا ويقومكم بالسلامة

حبيبتى أم أسيل مستعجلة على إيه يا عسل بكرة بإذن الله تعالى هتقولى كانت جوة أحسن وعلى العموم لو دى أول مرة ممكن تخلصى التاسع كمان فلا تستعجلى حبيبتى

يوم للطفل ببطن الأم أفيد له من أسبوعين برة كان دايما الدكتور يقولى كدة

المهم عليكى بالمشى وربنا ييسر

كان فى واحدة رايحة تولد والدكتور وجد وضع الجنين مش معدول قالها هتولدى قيصرى آخر قرار وطلعت برة الغرفة استعدادا للولادة القيصرى وفضلت رايحة جاية وبعدين حست بالطلق بيزيد والجنين خلاص هينزل المهم الدكتور وجد الجنين عدل وضعه فى آخر لحظة والحمد لله وولدت طبيعى

حبيبتى توتى ربنا يقومك بالسلامة هانت أما موضوع الشرخ الشرجى فده بيزيد مع الحمل والولادة وبعدها فلازم تجهزى ملينات معاكى لأنى عانيت من الموضوع دة بعد الولادة والحمد لله

حبيبتى سهى الحركات العشرة دول بيكونوا فى الشهر التاسع وخصوصا فى الأسبوع التانى بيبتدوا يعدوا عشر حركات للإطمئنان على الجنين أما فى الشهر السادس بتكون لسة الحركات ضعيفة فلا تقلقى يعنى مش شرط يتحرك طول الوقت ممكن مرة فى اليوم

حبيبتى أم مصعب إنتى زيي من هواة الأنيميا والمحاليل ربنا ييسر لكى وتقوميلنا بالسلامة

[توتى سمسم 8]

حبيباتى كلكم هتوحشونى اوىىىىىىىىىى انا هروح عند أمى النهارده تعبانة من أمبارح لو قدرت أرجع البيت تانى خير لو مرجعتش يبقى بعد الولادة إن شاء الله أدخل أقولكم أخبار النونو عامل ايه بس انا أكيد هرجع إن شاء الله بعد كام يوم علشان النت مش بعرف اقعد من غير مأكلمكم دلوقتى

حبيبتى سهى موضوع ال 10 حركات دى اسمع انها فى التاسع اراقب كام حركة والله اعلم

بس عموما انا كنت مش بحس بحركة لغاية اخر الخامس لكن كنت كل مأروح للدكتورة الاقية بيلعب بس براحة وانا مش حاسة بيه هتحسى بالحركة اوى اوى وبطنك تلعب جامد وتشوفيها فى السابع والثامن إن شاء الله

وأشرقت السماء ربنا يكرمك يارب جزاك الله خيرا فعلا لازم احضر ملينات الموضوع ده تاعبنى جدا

والجديد كمان الاستاذ كان نايم طول الليل فى اليمين مكان الزايدة كنت بموت بالليل الحمدلله

أراكم على خير بالله عليكم أدعولى أتنصب عليا فى 1050 ج هروح النهارده أعمل محاولة أخد بيها فلوسى ادعولى كتير اعرف اوصل للنصاب يارب

[ام مصعب 953 0]

السلام عليكم

الموضوع طول اوى الحمد لله على كل حال اكتر حاجه تاعبه نفسيتى كل اللى يشوفنى انتى لسه انا عند امى اليومين دول لانى تعبانه ومش قادره امشى اصلا على طول رجلى بتشد على بس انا متضايقه عشان بعيده عن زوجى ادعولى ربنا ييسر واولد بقى عشان اروح

ام اسيل حاسه بيكى ربنا يهون علينا وعليكى

توتى ربنا يشفيكى اكيد الشرخ ده مؤلم ربنا يهون عليكى احتسبى الاجر عند الله وان شاء الله توصلى للى نصب عليكى وابقى طمنينا لما ترجعى

اشرقت ربنا يعافينا واياكى من الانيميا دى والله الواحد بيحاول على قد مابيقدر يهتم بالحاجات اللى فيها حديد بس برده كل اللى يشوفنى ياه انتى ضعفانه اوى ربنا يعنا