يعيش بابا ويسقط000000000000000

[#ام سلمى# 1]

السلام عليكم ورحمه الله وبركاته

يعيش بابا حبيبى يسقط جوزى

شوفوا الفرق يا بناااااااااااااااات بين بابا وجوزى

عجبتني اوي شوفتها في مكان قولت اوريهالكوا

 

 

مع بابا.. دخلتى المطبخ ما دخلتيش .. كله واحد وممكن باباكى يساعدك

انما مع جوزك ..مش بمزاجك .. ها تدخلى .. هاتدخلى

 

مع بابا .. فى العيد بيديلك العيديه وفوقيها بوسه ..

لكن مع جوزك .. بيقول انت خلاص كبرتى على الحاجات دى

 

مع بابا.. بتنامى وتصحى وقت ما انتى عايزه ..

مع جوزك .. وقت ماهو عايز .. او مع مواعيد شغله.

 

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى

مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

 

مع بابا لو حصل حاجه مثلا و كنتى زعلانه .. بيزعل عشانك ..

مع جوزك .. بيزعل منك .. ويلومك ازاى تزعلى اصلا

 

باباكى .. كلمه حلوه ترضيه ..

وجوزك .. طول الليل تحايلى فيه

 

باباكي وانتى عيانه .. سهران جنبك طول اليوم

انما جوزك بيروح ينام فى الاوضه التانيه.

 

بابا .. لما تدلعى عليه .. بيفرح بيكى

انما جوزك .. بيقولك ..اكيد عايزه حاجه

 

باباكى.. لما تقولى له .. ده حصل كذا وكذا .. بيهتم ويصدقك

انما جوزك .. بيقولك .. الموضوع دا وراه ان .. ويشك فى كلامك

 

بابا .. لو شافك بتعيطى ها يمسح دمعتك

انما جوزك .. ها يقولك يادى النكد

 

مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص

لكن جوزك .. ها يقولك شكلك زى عروسة المولد

 

مع بابا .. لو طلبتى دوا من الصيدليه . جرى ها ينزل يجيبه

لكن جوزك ها يسالك بكام الأول؟

 

بابا .. لو طلب منك كوباية ميه .. بيقولك لو سمحتى عايز ميه

انما الباشا يقولك قومى هاتى ميه

 

 

 

لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه

لكن المحروس .. مافيش قدامك غير يا الاخبار يا الكوره ..

 

بابا لو نازل مشوار .. بيعمل ليكى اعتبار ويديكى خبر

لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه

 

لو محتاجه فلوس فى حاله طارئه .. بابا ها يديكى من عينيه

لكن جوزك .. ها يقولك خدى من بابا

 

لو جالك مكالمه غلط على موبايلك.. بابا ها يقولك حصل خير

لكن جوزك .. ها يتهمك بالخيانه ...

 

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه

لكن جوزك ها يقول معلش انا لازم ابلع او ها يقسمها معاكى

 

لو اتزحلقتى على الارض ..باباكى ها يجرى يشيلك

جوزك ها يقعد يضحك ويقولك ما انتى اللى مش منشفه الارض كويس

 

لو نفسك تغيرى مكان السجاده ..باباكى ها يقوللك عنك دى تقيله عليكى

لكن جوزك ها يقولك مش ضرورى وجع القلب دا

 

لو العربيه عطلت بيكى .. بابا.. ها يقولك اقفليها وتعالى وانا ها اتصرف

جوزك .. ها يقولك متركبيش العربيه تانى

 

لو مقدمه على شغل ..باباكى.. ها يوصى عليكى طوب الارض

لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

 

باباكى لو لاحظ انك متخانقه مع اختك .. ها يصالحكوا على بعض

لكن جوزك هيقولك خليهم يولعوا دول عيله عجب

 

مهما باباكى كان متضايق .. لا يمكن تكلميه وتلاقيه مكشر

لكن جوزك.. لو متضايق .. مصر كلها هتنكد عليكي استحملى بقى

معنى كده ان الزوج مفهوش حاجة عدلة (حلوة)

هل الكلام دا صح

اى موقف من دول حصل معاكى

وفى النهاية منقدرش نقول غير ربنا يبارك فى بابا(سبب وجودى) وزوجى(جنتى ونارى)

تم تعديل 12 أبريل, 2009 بواسطة ام حفص

[ام رحمة السلفية 12]

السلام عليكــم ورحمـة الله وبركاتــة ،،

معاكِ حق ياام سلمى

 

مع بابا لو حصل حاجه مثلا و كنتى زعلانه .. بيزعل عشانك ..

مع جوزك .. بيزعل منك .. ويلومك ازاى تزعلى اصلا

 

باباكى .. كلمه حلوه ترضيه ..

وجوزك .. طول الليل تحايلى فيه

وياريت بيعجب

 

بابا .. لما تدلعى عليه .. بيفرح بيكى

انما جوزك .. بيقولك ..اكيد عايزه حاجه

 

بابا .. لو شافك بتعيطى ها يمسح دمعتك

انما جوزك .. ها يقولك يادى النكد

 

بارك الله فيكِ

احبكِ فى الله ياقمر

[#ام سلمى# 1]

السلام عليكــم ورحمـة الله وبركاتــة ،،

معاكِ حق ياام سلمى

 

مع بابا لو حصل حاجه مثلا و كنتى زعلانه .. بيزعل عشانك ..

مع جوزك .. بيزعل منك .. ويلومك ازاى تزعلى اصلا

 

باباكى .. كلمه حلوه ترضيه ..

وجوزك .. طول الليل تحايلى فيه

وياريت بيعجب

 

بابا .. لما تدلعى عليه .. بيفرح بيكى

انما جوزك .. بيقولك ..اكيد عايزه حاجه

 

بابا .. لو شافك بتعيطى ها يمسح دمعتك

انما جوزك .. ها يقولك يادى النكد

 

بارك الله فيكِ

احبكِ فى الله ياقمر

 

وعليكم السلام ورحمه الله وبركاته

طبعا نورتينا بردك يا ام بلال ان شاء الله

بس اه دا يا بنتى انتى متعقدة ولا ايه :wub: :tongue:

دا كلامك قبل الجواز امال بعد كده هتعملى ايه :icon17:

هتعيشى فى الهنا والسعادة ان شاء الله :rolleyes:

والله الرجالة غلابة ربنا يكون فى عونهم علينا :unsure:

[ام حفص 6]

وعليكم السلام ورحمة الله وبركاته،،

بارك الله فيكِ اختى ام سلمى

ايه يابنتى الامثلة الى تعقد دى دا لو البنات شافوها هيقولوا نقعد عند ابونا احسن :roll:

 

طبعا هذه الامثلة ليست قاعدة سبحان الله اختى ممكن منها يكون العكس

وبعدين أذكرك بحديث رسولنا الحبيب

ان أعظم الناس حقاً على المرأة زوجها وأعظم الناس حقاً على الرجل أمه

 

فمكانة الزوج عند المرأة لا تضاهيها مكانة وهذا الأصل

وليس معنى هذا ان ليس للأب مكانة بل ان للأب مكانه جليلة وحب الأب غير حب الزوج ولا توجد أوجه المقارنة بين الحبين . فأبي لن يعوض زوجي وزوجي لن يعوض لي أبي

أسأل الله ان يبارك لنا فى ابائنا وأزواجنا

[ام حلا 6]

غاليتي

ليس كل الزواج هكذا

احمد الله تعالى على زوجي الحبيب فهو احن علي من والدي

و يراعيني كامي و دائما يحس انه مقصر معي و لو نزلت دمعتي يحاول يشوف شو ناقصني و هوبيعرف ان اكثر حزني على امي

مش كل الازواج مثل بعض و مهما صدر منه بيضل زوجي و رجل بيتي اللي من غيره حياتي ضياع

[غداً ألقى الأحبة 19]

جزاك الله خير