اذهبي الى المحتوى
السعاده في طريق الالتزام

اخاف عليها ان تضيع وماما عجزت عن الحل الحقوووووووووني يا اخوات

المشاركات التي تم ترشيحها

السلام عليكــم ورحمـة الله وبركاتــة ،،

اخواتي والله كلما اقع في مشكله الجأ اليكم بعد الله سبحانه وتعالي

فانا اريد مشورتكم وارأكم فانا اتوسم فيكم الخير ولا ازكي علي الله احدا

بالله عليكم قراءه المشكله والرد فالموضوع مصيري ومهم جدااااااااااااا بالله عليكم

المشكله تبدأ عند اختي هي كانت تعرف واحد وللاسف الشديد كانت بتحبه

وكانت بترفض اي حد يتقدملها وتقول اي اسباب فرغه

مع انهم بيكونوا كويسين ومن اسره طيبه وكده

وتقول لا ده مش عايزه وده مش عايزه وده جيلي عن طريق واحده وانا مش هتجوز بالطريقه دي

وكلام كله فاضي والله

المهم يا اخوات اتقدملها فعلا الانسان اللي بتحبه ده

هو بالنسبه للالتزامه هواللي اعرفه عنه انه بيصلي

بس طبعا كونه انه يكلمها ده بيدل علي انه انسان ليس بالثقه

والاكتر بقى يا اخوات اننا لما ماما سئلت عنه (لان والدي متوفي)

لقيته انه انسان مش مناسب خالص

يعني والده مسجون في قضيه قتل ومش اي قتل يا اخواتي

مسجون لانه قتل اخوه ودي كانت اول صدمه بالنسبه لامي

وبعد كده لقيت انه بالنسبه لمستواهم غيرنا خالص يا اخوات والله انا مش قصدي حاجه

بس اختي خدت علي حاجه معينه ازاي تقدر تستحمل كل الظروف دي

وامه مش سهله بتاتا

والبيت اصبح جحيييييييييييييييييييييييييييييييييييييييييييييييييم والله يا اخوات انا مش ببالغ

امي ترفض بشده واختي متمسكه لابعد الحدود

وانا واختي الكبيره عمالين نكلم فيها يابنتي انتي ليه تخدي كده

وليه كلمتيه من الاول وهو لو انسان كويس كان دخل البيت من بابه

وكان شرحلك كل ظروفه دي من الاول مش بعد ماتكلميه بفتره يجي يقولك انا ابويا كذا وامي كذا

وفين الاسره الطيبه اللي المفروض ينشأ فيها

وتحت اي مسمي ترمي نفسك كده وليه تكوني اقل من اصحابك في كووووووووووووول حاجه

وتحت انهي مسمي(الحب) وياريته هو يستاهل

وكمان يابنتي كفايه انه كده زواجكم كده بدأ بمعصيه انك كلمتيه وعايزه تستمر في المعصيه اكتر

وتعادي ماما علشانه

وبعد مناقشات طووووووووووووويله ومفيش فايده اختي الكبيره قالت لماما خلاص سبيها براحتها وهي اللي تتحمل بقى غلطتها

وفعلا يا اخوات ماما وافقت ولكنها تعبانه نفسيا جدااااااااااااااااااااااااااااااااااااااا

وجه الواد هو ووالدته وقال لنا علي ظروفه وكده

وامي طبعا مش قادره اوصفلكم حالتها النفسيه عامله ازاي

بتقولي والله انا يوم الخطوبه مش عايزه اكون هنا

وبالفعل بدأنا نقول للناس بقى المفروض لكن والله اي حد يسمع يستغرب جدااااااااااا

ويقول لنا انتوا ازاي وفقتوا كوووووووووووووووووول الناس وامي نفسيتها كل يوم تتعب

وصعبانه عليا اووووووووووووووووي

وانا كل شويه اقول لاختي علي كل الكلام اللي بيتقال عليها واقولها فكري والله هتندمي مش صعبان عليكي ماما

واختي الكبيره نفس الحكايه وتقولها نفس الكلام

بقولها سبيه واخلصي النيه لله اولا انك عصيتي ربنا فيه وان ده هيرضي ماما ويبسطها

 

انا تعباااااااااااانه اووووووووووووووووووي ومش عارفه اعمل ايه

وماما مش عارفه تتصرف ازاي

بتقول انها وافقت بس علشان خافت ان اختي تعمل حاجه من وراه

لكن هي مش راضيه طبعا عن اللي اختي بتعمله

واختي لما بتسمع كلام الناس كده بتتعب نفسيا ومش حاسين كلنا بأي فرحه والله حتي هي لما بتسمع الكلام بتقعد تعيط

قولولي بالله عليكم اعمل ايه واتصرف ازاي علشان اقنعه انها تسيبه وتنساه للابد

واساعدها انها تنسي وياريت تدعولها احنا والله ربنا اللي يعلم باللي احنا فيه

 

اسفه للاطاله وجزاكم الله خيرا

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

حياكِ الله يا حبيبة ويسعدنا تواصلكِ الطيب ونسأل الله التوفيق والسداد في النصح لكِ وأن ييسر الله الخير لأختكِ ويهديها للحق ويلهمها الصواب

 

في الحقيقة الخطأ كان منذ البداية بعدم تذكير أختكِ بحرمة العلاقة بينها وبين شاب أجنبي عنها، ونصحها بالتوبة مما فعلت والإنتهاء عنه فوراً لربما استطعتم تدارك الأمر حينها.

أما الآن فقد أوقعتني أيضاً في حيرة لما يُمكن أن تفعلوه أكثر مما قمتم بعمله حتى الآن لإقناع أختكِ بعدم القبول بهذا الشخص، وما زادني حيرة هو موقف أختكِ وإصرارها ثم بكاؤها وتعبها بعد موافقة والدتكِ.. فالأجدر بها أن تكون سعيدة وهي قد نالت أخيراً على ما ترغب ووافقت والدتكِ على طلبها الزواج ممن تحب وإن كان على مضض.

 

إصرارها بالرغم من جميع الصفات السلبية في الشاب المتقدم لها موقف غير مقنع بتاتاً ولهذا لدي بعض الإستفسارات مما لم أجد جوابه فيما ذكرتِ

 

أولاً بالنسبة لسنّها ودراستها وهل هي أكبر أم أصغر منكِ!؟

قرأت لكِ موضوعاً هنا في الإستشارات من قبل عن شاب ملتزم تقدم لكِ وقد ذكرتِ أن الخطبة قد تمت بفضل الله تعالى فمبارك يا حبيبة والسؤال: ما موقف أختكِ في المقارنة بين خطيبكِ والشاب المتقدم لها؟

كيف تعرفت على هذا الشاب؟ ومنذ متى؟ وهل تحادثه وتلتقي به؟

هل استخارت الله في أمر زواجها بهذا الشاب؟؟ وما مدى التزامها ؟

 

إن وجدت لديك عدم رغبة في الرد على أي من تلك الأسئلة فلا مشكلة يا حبيبة، وإنما أردت فهم موقف أختكِ أكثر ولعل الله أن ييسر سبيلاً لإقناعها وإلا فلعل في تيسير زواجها بهذا الشخص خيراً من الرفض والله أعلم، قال صلى الله عليه وسلم: "لم ير للمتحابين مثل النكاح" صححه الألباني.

ولعل الله يهدي هذا الشاب ويلتزم جيداً بعد إرتباطه بأختكِ ويتق الله فيها .. أكثري من الدعاء لها

 

وأخيراً أرجو منكِ أن تجلسي معها لوحدكما وتحاولي محادثتها بهدوء بعد أن تمت الخطبة هل تشعر بالسعادة لأنها ستتزوج من تحب؟

هل تثق أنه يحبها أيضاً؟ وماذا لو أساء معاملتها فيما بعد ! ماذا ستفعل؟

إن رأيت منها صدق محبة له وأنه يبادلها نفس المحبة ومن الممكن أن يغيّر من نفسه إن حاولت معه فتيسير زواجهما خيرٌ بإذن الله تعالى ولعل الله أن يجعل زواجهما سبباً في صلاح حالهما معاً وتقربهما من الله تعالى .. والله الموفق

 

 

شارك هذه المشاركه


رابط المشاركه
شارك

السلام عليكم ورحمة الله وبركاته

حبيبتي انا سااتيكي من الواقع يعني لما وحدة بتحي شخص قلبها يصبح اعمى والشيطان يسيطر عليها وترى هذا الشخص بسلبياته اجمل شخص راته في الدنيا لان الشيطان هنا يزين لها سوء عملها ويصدها عن سبيل الله وعن الصراط المستقيم

فاذا كان يدخن تصبح عاشقة لرائحة الدخان واذا سمع اغنية تعشق هذه الاغنية ولا تراها ابدا بعين المعصية فهي الان في شبه غيبوبة لا تستطيع الاستجابة لاي احد والدليل على ذلك انها خاصمت امها من اجله فهي اصبحت مستعدة لجميع انواع المعاصي من اجله ولو قال لها نرهب مع بعض ممكن ان تفعل فيجب الانتباه لها وعدم تركها تخرج لوحدها من المنزل

حبيبتي المشكلة ان لو امك ما وافقت كانت فعلا ممكن ان تهرب معه

انا ارى وهذا مجرد راي ان تتكلم امك مع امه من دون علمهما وان تخبرها بانها لاترغب بابنها زوجا لابنتكم وان تتعاونا مع بعضهما ليبعدوهم دون اي اثار جانبية او ان تقولوا لها انه احب غيرها لانها والله ان تزوجت الان بهذه الطريقة لاتلبس ان تعود مطلقة ومن اول مشكلة بينهم سيقول لها قتلتي نفسك من اجلي وحاربتي اهلك وستعيش الذل بما تحمل الكلمة من معنى

حاولي انتي حبيبتي ان تشغليها باشياء مسلية دون ان تشعريها وحاولي ان تلهيها عنه مثل ان تذهبوا الى مكان هي تحبه او تسافروا جميعا الى مكان جميل تنسى فيه همومها وتنساه قليلا ويجب عليكم ان ترقوها دون علمها ان تقرؤا على ماء وهي تشرب منه دون ان تعلم ونحو ذلكاسال الله ان يفرج همومكم ويبعد الاذى عنكم ويزيل الغشاوة عن قلبها ويهديها الى الطريق القويم

شارك هذه المشاركه


رابط المشاركه
شارك

اختى الحبيبة

 

انا راى ان لا تستمروا فى هذه المغامرة

 

وياريت لو فى راجل فى العائلة عم او خال او حتى زوج اختك الكبرى

 

يجلس معها ويحدثها بلهجة شديدة

 

لان مصير مثل هذه الزيجات للاسف الفشل والندم ولكن بعد فوات الاوان

 

فراى لا تطاوعنها فى هذه الزيجة باى شكل واى طريقة

 

اسال الله ان يهديها الى الرشاد والصواب

 

وان يعينكم على اقناعها

 

والله المستعان

شارك هذه المشاركه


رابط المشاركه
شارك

والله يا أختي هذه حقا مشكلة وليست مشكلتكم وحدكم بل هي مشكلة هذا العصر البنت تحب واحد وتصر على الزواج به ولو غصبا عن الأهل وفي الحقيقة إحنا ما نقدر نساعد إلا بالنصيحة لأننا لا نعرف أختك وطبيعتها والشيء المرفوض أن تتزوج البنت غصبا على والدتها حاولوا يا أختي أن تفهموها مدى خطورة عدم رضا الوالدين على الزوج وخاصة الأم فقلبها يحس بالزوج المش مناسب

وإذا هناك راجل هي بتحب ممكن يتكلم معاها ويوعيها وإذا لم يجد كل هذا نفعا فاتركوها تتزوج به وتتحمل النتائج وتحاول امك ان ترضى عليها وتدعوا لها بالهداية وحاولوا تطويل مدة الخطوبة عسى أن تكتشف حقيقته ويفرج همكم انشاء الله

 

والله المستعان

شارك هذه المشاركه


رابط المشاركه
شارك

جزاكم الله خيرا ياحبيباتي علي ردودكم الطيبه وياريت اري المزيد من الردود الطيبه والنافعه باذن الله

اما بخصوص اسئله الاخت رحيل الغد

 

 

أولاً بالنسبة لسنّها ودراستها وهل هي أكبر أم أصغر منكِ!؟

هي اصغر مني بسنه يعني عندها21 وهي في اخر سنه في كليه التجاره

 

ما موقف أختكِ في المقارنة بين خطيبكِ والشاب المتقدم لها؟

هي بتحب الالتزام بردوا فاول خطوبتي كانت تتخانق مع اللي بتحبه ده لو أخر الصلاه يعني ااقدر اقول انها كانت متأثره بخطيبي وكان في مقارنه ان ده ملتزم وده مش ملتزم

بس دلوقتي لا مش بتقارن لانها مش شايفه غير اللي هي بتحبه

 

كيف تعرفت على هذا الشاب؟ ومنذ متى؟ وهل تحادثه وتلتقي به؟

هل استخارت الله في أمر زواجها بهذا الشاب؟؟ وما مدى التزامها ؟

 

انا معرفش اتعرفوا علي بعض ازاي بالظبط بس تقريبا هو اتصل بيها بالتليفون وقالها انه معجب بيها وكده وتقربيا التعارف كان كده

هو من نفس المنطقه هنا وكمان معانا في نفس الكليه بس هو اتخرج قبل ما اختي تدخل الكليه

وبيتكلموا في التليفون (الموبيل) وكانوا احيانا بيشوفوا بعض في الجامعه

 

***عرفوا بعض من سنتين.........اه هي دايما تعمل صلاه استخاره لانها خايفه تقدم على خطوه الزواج وكله معارض بالطريقه دي وفي حيره شديده

 

هي الحمد لله بالنسبه لألتزمها فهي كويسه بتصلي واحيانا بتصوم الاتنين والخميس

وانا من ساعه لبسي للنقاب هي كمان بدأت تلبس عبايات وبتقول انها هتلتزم بلبسها علي طول ان شاء الله

والله انا اتوسم فيها الخير بس مش عارفه هي مصره ازاي كده

 

 

 

بالنسبه بقى للتطورات يا اخواتي

فكان خلاص المفروض اننا كنا حددنا ميعاد الخطوبه لكن واحد جرنا هو زوج واحده صحبتنا

جه وكلم ماما علي الشاب واهله وصحبتنا طبعا جت معاه وخلت اختي تطلع وتسمع الكلام اللي بيقوله

بس والله اليوم ده كان صعب جداااااااااااااااااااااااااا

 

بعد كده اقتنعت فعلا بكلام جارنا ده وقالت خلاص انا هسيبه ومقتنعه وكده المشكله يا اخوات انها بتقول كده وتفضل تعييييييييييييييييييييط بطريقه غير طبيعيه

المهم اتصلنا بيه وقلناله ياريت تقابل زوج اختي وتاخد الحاجات(الدبله والمحبس والخاتم) وكل شئ نصيب

راح جه عندنا البيت وكلم امى وقالها طيب ليه كده وايه اللي حصل

المهم كان حوار طويل

وقلنا لاختنا شوفي اللي انتي عايزه تعمليه اعمليه بس يكون قرار نهائي وتتحملي مسئوليه قرارك

عيزاه اطلعي قوليله كده وتتحملي النتايج كلها مش عايزه قوليله بردوا لاننا كنا تعبنا في اليوم ده بطريقه غير طبيعيه من بكائها بالطريقه دي

واصحابها والجيران كانوا هنا معاها عمالين يهدوا فيها ومفيش فايده

وبالفعل طلعت وقالت ان الموضوع يتأجل لبعد الامتحانات وادته حاجته يفرجها لاهله وقالت انها علشان لو خدت القرار انها تسيبه تبقى حاجته معاه ومفيش مواقف تانيه تكون معاه وقالت انها مش هتكلمه تاني لحد بعد الامتحانات وتشوف اذا كانت هتوافق عليه ولا لا

 

بس وماما حست منها انها عايزه تسيبه من كتر اللي بتسمعه عن اهله وفرحت جداا

المشكله دلوقتي انها لسه بتكلمه وانا متأكده من كده

يعني زي مانكون معملناش حاجه

انا تعبت ياريت تقولولي اتصرف ازاي

شارك هذه المشاركه


رابط المشاركه
شارك

اختى الحبيبة

 

انا راى ان لا تستمروا فى هذه المغامرة

 

وياريت لو فى راجل فى العائلة عم او خال او حتى زوج اختك الكبرى

 

يجلس معها ويحدثها بلهجة شديدة

 

لان مصير مثل هذه الزيجات للاسف الفشل والندم ولكن بعد فوات الاوان

 

فراى لا تطاوعنها فى هذه الزيجة باى شكل واى طريقة

 

اسال الله ان يهديها الى الرشاد والصواب

 

وان يعينكم على اقناعها

 

والله المستعان

أنا مع اختى لقاء فى كل ما قالته

حتى وان بكت اليوم كثيرا

هذا افضل من ان تبكى العمر كله

و ربنا يوفقكم و يعينكم

شارك هذه المشاركه


رابط المشاركه
شارك

جزاكي الله خيرا حبيبتي المشتاقه الي الجنان

المشكله ان اختي مش بتسمع لحد وعنيده جدا

ومش بتيجي بالشده ابدا لكن لما بتحس ان ماما مضايقه

وزعلانه ومش راضيه عن زواجها ده هو ده اللي بيضايقها

ويخليها تفكر وبالذات ان مفيش اي حد معاها ولا مأيدها في اللي بتعمله ده

اللي مخليها خايفه تاخد القرار بالوافقه عليه وانها تتحمل مسئوليه قرارها

ادعولها بارك الله فيكي

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

اختى الغاليه والله زعلت لما قريت مشكلتك واحمدى ربنا كل بيت وفيه مشاكل ربنا يهديكم للخير ويوفق اختك للصالح

 

انا من راىء الاخت لقاء ونعم الراىء الصائب

 

وطالما انتى تقولين يااختى ان اختك لما بتحس ان امها زعلانه منها بتخاف وبتقول انها مش عيزاه يبقا اضغطوا عليها من الناحيه دى وخلى مامتك تقول لها انها هاتبقا غضبانه عليها لو اتجوزتوا وها تقاطعها والكلام الى يخوف دة

 

ما تقولوش سيبوها تعمل الى هى عيزااه .. يعنى لو طفل بيلعب بالنار ها نسيبه؟؟ طبعا لاااااااا

 

ربنا يصلح حالها ياارب ويرزقها الزوج الصالح

 

احبك فى الله

شارك هذه المشاركه


رابط المشاركه
شارك

خيرا فعلت خليها تلتهي بامتحاناتها لعلها بتنساه شوي وبتهدا الامور ولو حد تاني اجى وتكلم عنه لاني بصراحة انا حاسة اني بدت تكرهه او ماترغب فيه متل الاول

وادعولها اني تنساه وتلتفت لدراستها ولا تسمحولو يتكلم معاها او يشوفها ابدا الفترة هي

تم تعديل بواسطة ( ***ام طارق***)

شارك هذه المشاركه


رابط المشاركه
شارك

والله يا أختي هذه حقا مشكلة وليست مشكلتكم وحدكم بل هي مشكلة هذا العصر البنت تحب واحد وتصر على الزواج به ولو غصبا عن الأهل وفي الحقيقة إحنا ما نقدر نساعد إلا بالنصيحة لأننا لا نعرف أختك وطبيعتها والشيء المرفوض أن تتزوج البنت غصبا على والدتها حاولوا يا أختي أن تفهموها مدى خطورة عدم رضا الوالدين على الزوج وخاصة الأم فقلبها يحس بالزوج المش مناسب

وإذا هناك راجل هي بتحب ممكن يتكلم معاها ويوعيها وإذا لم يجد كل هذا نفعا فاتركوها تتزوج به وتتحمل النتائج وتحاول امك ان ترضى عليها وتدعوا لها بالهداية وحاولوا تطويل مدة الخطوبة عسى أن تكتشف حقيقته ويفرج همكم انشاء الله

 

والله المستعان

شارك هذه المشاركه


رابط المشاركه
شارك

أختىالحبيبة عندى سؤال حاولى تفهميه صح..أختك صغيرة وما عندهلش خبرة ..حاولى تستتدرجيها هل ممكن يكون فى حاجة بيهددها بيها؟ و كمان لازم حد يرقيها رقية شرعية ..ممكن تكون مسحورة.. و محدش يقوللى بلاش خزعبلات..أختى كانت مخطوبة لواحد قال لها انه كان بيسحر لخطيبته السابقة و أمها.....ربنا يفك كربكم.

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

حبيبتي اقنعي اختك انها تصللي صلاة الاستخارة فهي مفتاح المشاكل

 

وادعي لها حبيبتي

 

ربنا يعينك و يرزق اختك الزوج الصالح

شارك هذه المشاركه


رابط المشاركه
شارك

جزاكم الله خيرا علي ردودكم الطيبه

وبارك الله فيكم

شارك هذه المشاركه


رابط المشاركه
شارك

ا

لسلام عليكم ورحمة الله وبركاته،،،

أسأل الله أختي أن يفرج كربكم يارب وكربات المسلمين أجمعين

إسمعيني أختي الحبيبة

أنا مع الأخت لقاء بارك الله فيها

وعندي أسباب ممكن تقوليها لأختك لعل ربنا يجعل فيها ما يهدئ قلبها

الحب قبل الزواج ابتلاء والله كما سبق من ردود أخواتي

ولي مع هذه القصص كذا موقف لقريبات أصدقاء كانوا معي في الدراسة

 

فأخت صديقتي كانت تحب شاب منذ صغرها وفضلوا 12 سنة يحبوا بعض واتحدت الدنيا علشان تتجوزوا وربنا جمع بينهم .... تعالي نشوف حياتها دلوقتي والله يا أختي كل الحب اللي كان بيحبوا ليها ده .... كأنه ما كانش موجود في يوم من الأيام .... والله بشوف حالها يعني بتألم لأني معاشراهم وشفت أد إيه كانوا بيحبوا بعض لكن مش الحب بس اللي بيبني البيت لازم يكون فيه حاجات تانية يقوم عليها البيت المسلم.

 

وقصة أخرى لأخي والله فضل يحب زوجته برده كام سنة وأصر واحنا برده ما كناش موافقين لا أبي ولا أمي ولا اخواتي وفضلوا يكلموه ويقنعوا فيه وتزوجها بظنه إن هيه دي الإنسانة الوحيدة اللي هايكون سعيد معاها ووالله لم يمر عام واحد على زواجهما حتى كانت المشاكل ستصل إلى حد الطلاق ولم يهدأ بيتهما إلا لما سافر فهدأت الحياة لأنه أصبح بعيد خلاص المشاكل موجودة لكنها هدأت مع سفره والحمد لله

 

وأخرى أيضاً لقريبتان لصديقة أخرى لي الأولى عمتها وكانت بتحب شخص وفضلوا 10 سنين بيحبوا بعض وانتهى الحب بالزواج وبعد الزواج والله لما رأيت وضعهم ينطبق عليهم مثل لما يأتي الزواج يهرب الحب من الشباك... طبعاً مثل مش صحيح لكنه صحيح مع اللي كانوا بيحبوا بعض قبل الزواج...... أما قريبتها الثانية فأيضاً مكثت تحب زوجها الحالي قبل الزواج كااااااااااام سنة مش فاكرة وبعد ما تزوجت ربنا يعافينا من الضرب والإهانات ....... أسأل طب والحب اللي قبل الزواج راح فين.... خلاص بيتنسي....... وربنا يعافينا من مثل هذه الزيجات.

 

والله بفضل الله كل القصص دي خصوصاً قصة أخي خلتني قلت عمري ما أتجوز عن حب أبداً مع إني كنت طايشة الحمد لله الذي هدانا لكن كانت دماغي إن الزواج عن حب ليس بعده سعادة ولكن بعده تعاسة إلا من رحم الله ومن عليه بالتوبة والهداية بعد الزواج.

 

والله يا أختي انصحي أختك مرات وقوليلها القصة من الآخر قصة الشيطان مع اللي بيحبوا بعض قبل الزواج ويتجوزوا قوليلها انه الشيطان بيفضل يزين لهم في المعصية يزينها لحد ما تبقى جميلة ومقابلات لطيفة وكلمات مثيرة ومشاعر متأججة ولوعة فراق ومجرد ما يتجوزوا هما الكام يوم الحلوين بتوع الأول وبعدين يبدأ الشيطان يغتاظ لأن حبهم بعد الزواج فيه طاعة لله.... فيبدأ يفكرهم باللي كان والحب الحرام ويقوله دي كانت كذا تضمن منين انها ماتكونش بتكلم غيرك ويقولها ده كان كذا تضمني منين انه مايكونش كدا مع غيركِ ويفضل ينفخ وخناقات وزعيق وحاجات شفتها والله وعشتها في كذا موقف من حواليا وربنا يعافينا ويعافي المسلمين يا رب العالمين.

أعتذر أختي عن الإطالة لكن قصدي انك يكون عندك فكرة شاملة عن الأمثلة من حولك في بيوت المسلمين

وعيها وربنا يهديها إن شاء الله

وإن أراد الله زواجها به يجعله خيراً لها ويرزقها وإيانا الخير حيث كان

شارك هذه المشاركه


رابط المشاركه
شارك

انا مش عارفة بصراحة اقولك ايه الموضوع حساس

خاف اقول حاجة اتحاسب عليها متكونش صح

ربنا يفك كربكم

بس هقولك على حاجة واحدة دى بنشوفها كتير وبنسمعها عن الزواج اللى بيتم بالطريقة دى

فهميها حاجة انه ممكنبعد الزواج يشك فيها ويصبح شكاك جدا لابعد الحدود وكل حاجة ممكن يقولها انتى كلمتينى من ورا اهلك انا اضمن ازاى انك متكلميش حد او كدة لان الشيطان بيلعب فى دماغ الراجل جامد

حاولى تفهميها الموضوع ده

وتبينى لها السلبيات

وطمنينا

شارك هذه المشاركه


رابط المشاركه
شارك

السلام عليكم ورحمة الله وبركاتة

اختى اتمنى ان تفهمينها ان من يحب فتاه قبل الزواج يظل شاكك فيها طوال العمر وان من احب شكلها وجمالها قبل الزواج قد يحب عليها واحدة اخرى وهى متزوجة وان من اباه قاتل فليس صعب عليه ان يضرب او يهينها بعد الزواج

والله ان هذه الكمة سمعتها من شاب (اللى تحبنى تحب غيرى ) فهذا هو رأى الشباب فى البنات فقولى لها انه لن يحافظ عليها وقولى لها ان غرض الزواج اصلا هو الاعانة على طلعة الله فهل هذه الزوج سيكون هو المعين لها

اسال الله ان يهديها الى الحق وان تترك هذا الشاب الذى جلب البأس والضر الى منزلكم

شارك هذه المشاركه


رابط المشاركه
شارك

أختي

السعادة في طريق الالتزام

 

أين أنتِ

 

قلقنا عليكِ

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×