تجمع منتظرات الحمل

[Seerah 0]

السلام عليكم ورحمة الله وبركاته

أخواتي الفضليات

قرأت عنوان هذا الموضوع أكثر من مرة، ولكن لم أدخل إليه، ولكني وجدته أمامي الآن قدراً فدخلت إليه وقرأته من البداية......

.....

....

وفي نهاية كلماتي المتواضعة

أرفع يدي بالدعاء أن يرزقني الله وإياكن بالذرية الطيبة التي تسعد قلوبنا وتقر أعيننا فإنه حيي كريم يستحيي أن يرفع العبد يده بالدعاء فيردهما صفراً خائبتين، وهو الكريم جل في علاه الذي يعطي وإذا أعطى أجزل في العطاء، وهو السميع القريب المجيب للدعاء..وصلي اللهم على سيدنا محمد وعلى آله وصحبه وسلم..

 

جزاكي الله خيراً أختنا اذكر الله....

 

كلماتك تجدد الأمل وتزيد الإيمان...

 

وأنا أحب انقل لكم مقطع من خطبة الجمعة الماضية...

 

سبحانالله... أنا زمن كنت دايما أروح المسجد وأحضر خطبه الجمعة... لكن بعد ما بديت شغل ما سرت أقدر... واشتقت إلى تلك الأيام...

 

لكن، الجمعة الماضية، كان عندنا ١/٢ دوام... فرحت جداً وقلت فرصة.... أروح المسجد وأحضر الخطبة...

 

سبحنالله الذي قدر لي أن أحضر هذي الخطبة بالذات من كل الخطاب إلي فاتتني....

 

موضوع الخطبة كان عن مسؤولية الوالدين تجاه اولادهما... لكن في النصف الثاني من الخطبة... قال ... ماذا لو قلت أنك ليس عندك أولاد... وبدأ الكلام عن الأزواج إلي لم يرزقو بالخلفة بعد... قال أن ذلك قد يكون نعمة وإمتحان! ... فلربما لو خلفت يكون ابنك عاصي ويسبب لك التعاسة...

 

وعشان ما أطول عليكم، بقولكم النصائح إلي ذكرها بإختصار...

 

- وجوب حمد الله على نعمه الأخرى التي لا تعد ولا تحصى

 

- ضروره الرضا بقضاء الله...

 

- فضيلة الصبر

 

- تذكر أن الإبتلاء علامه محبة الله وأن الإبتلاء على قدر الإيمان

 

- وجوب لزوم الإستغفار

 

- الإكثار من الصدقات

 

يمكن أكون نسيت حاجات أخرى...

 

أعلم أنه ليس من جديد في هذي النصائح... لكن والله كلماتو حركت مشاعي وحسيت كأن الكلام كان موجة لي!!! وحمدت الله إلي هيأ لي هذي الفرصة للاستماع لهذي الكلمات المجددة للامل والإيمان مثل كلمات أخت اذكر الله...

 

 

سلامي للجميع وكل من تسأل عني ... ايات وإم رقية.. وأم عمر ومريم.. وسندسة... وكل باقي الاخوات... أحبكن في الله... وأنا دأماً أذكركم لما ادعي لنفسي... وانشالله ربنا يتقبل دعائنا قريبنا...آمين

 

 

وأهلاً ومرحباً بالأخوات الجديدات... وهج ... وعائشة...

 

 

أختكم ... سيرة

[مُحـبـَّة الصالحين 6]

أسأل الله العظيم الحليم الكرييييييييييييييييم أن يرزق كل مسلمة بالدرية الصالحة البارة النافعة للاسلام

آمين يااااااااااااااارب يا رب يا رب

[ليتيسيا 0]

السلام عليكم ورحمة الله وبركاته كيف حالكم جميعا اشتقت لهالصحبه الحلوه

بدي اخبركم انو المبارح 7-2-2010 كنت عند الدكتوره اللي بتعالجني وعملتلي فحص (مش مريح) بس شو بدي اعمل بدنا نتحمل هادا الفحص عنا اسمو (بابس) ما بعرف اذا بتستعملوا هادا المصطلح او لا المهم هادا الفحص بوخدوا فيه عينه من عنق الرحم وعملتلي كمان اولتراساوند وقالتلي انو وضعه الرحم عندي ميه بالميه وبقدر بأي لحظه احمل بأذن الله بعد 3 سنين من آخر مره حملت فيها

ونتيجة الفحص بتطلع بعد اربع اسابيع وقالتلي اذا لا سمح الله في اشي احنا منتصل فيكي واذا ما اتصلنا بكون كل اشي تمام

دعواتكم اخواتي ............

بدي احاول هادا الشهر افوت لحمل اذا الله اراد

[أختكم آيات 1]

السلام عليكم ورحمة الله وبركاته،،

سيرة كيف حالك فعلا خطبه جميلة ومؤثرة والواحد محتاج من حين لآخر حد يذكره ويا خد بإيده حتى لو كان عارف الكلام ده قبل كده

محبة الصالحين

جزاكى الله خيرا على الدعاء لينا

لتيسيا

والله ما فاهمه الاسماء إلى انتى بتقولى عليها بس ربنا يكرمك بالحمل قريب االشهرده احنا وانتى يارب واقراى قصة رحمة إلى انا وضعتها هنا فيها عبرة وعظه كتير

[أختكم آيات 1]

السلام عليكم ورحمة الله وبركاته،،

الدورة وصلت بالسلامة اليوم الإثنين 8 فبراير يوم الاربعاء إن شاء الله تحليل الهرمونات بس كنت عايزه اعرف تحليل هرمونات ايه المطلوب تحليله عشان ماحدش من الدكاتره طلبه وانا رايحه اعمله كده منى لنفسى

[ام عمر ومريم 3]

السلام عليكم ورحمة الله وبركاته

كيفكن يا بنات ايات لاتحزنى حبيبتى ان مع العسريسر وان شاء الله خير حبييبتى

التحاليل اللى المفروض تعمليها تكون كلها هرمونات عن الغده الدرقيه والنخاميه وتحليل هرمون الذكورة وتحليل الاباضه ده اغلب الدكاترة بيطلبوة وكمان هرمون الحليب وان شاء الله تعمليها وتطمنينا وان شاء الله خير

 

اهلا باخواتى جارة الوادى ربنا يطمنك يااارب ويرزقكى يااارب

ام رقيه وسندسه والفيروز والشروق وسديم وسهام وليتيسيا وام انس عامليييين ايه امالباقى البنات حبيبة الراضية وكل اللى موجودين معانا عاملين ايه

 

انا بالنسبة لى انا لسه باخد علاج تنظيم الدورة وان شاء الله لما تنزل هروح للدكتور خامس يوم ليها عشان اشوف النظام ايه والله المستعان

وربنايرزقنا جميعا الذريه الصالحه يااااااااااااارب

[أختكم آيات 1]

السلام عليكم ورحمة الله وبركاته،،

ام عمر ايه اخبارك مش شايفينك ليه من مده جزاك الله خيرا انا كتبتهم عشان اروح احللهم إن شاء الله لما يجى جوزى بعد بكرا والحمد لله لازعل ولا حاجة ده كله بتاع ربنا هنعمل ايه بس ولو فيه هرمونات تانى قولو لى عليها وهرمون الذكورة ده احلله انا ولا ايه؟

ربنا يرزقنا جميعا الذرية الصالحة

[حبيبة الراضية 1]

السلام عليكــم ورحمـة الله وبركاتــة ،،

أنا كان عندي نفس سؤالك لدكتورة هالة يا أختي وهج و لكن قالت لم تسمع بهدا قط

و قد أجريت الفحص بالصبغيات و كل شئ تمام و لله الحمد و لكن قالت لي الطبيبة يظهر لي أن عنق الرحم طويل قليلا و لم تؤكد على الأمر و نصحتني بعمل الحقن كمحاولة ربما لايصال الحيوانات المنوية الى الداخل

و لا أعرف هل هدا صحيح أو لا

مادا عنك أنت؟؟؟

[جارة الوادي 0]

الحمدلله على نعم الله ...

 

لتيسيا البابس ده أنا عارفاة وعملت كذا مرة وهو صراحة غير مريح بتاتا ..ولكن الحمدلله إنه النتيجة طيبة وإن شاء الله ربنا يبارك وتحملي في القريب ...

 

ربنا يبارك فيك يا أم عمر ويسمع منك يا رب ....

 

ايات ..مشكورة على دعواتك واهتمامك ..وإن شاء الله تكون نتيجة التحاليل جيدة يا رب .....

 

أختي حبيبة أنا من رأيي والله أعلم ..انك تقومي بصلاة الاستخارة ..وربنا ينور بصيرتك لم فيه خير لك ....أنا قرأت عن الحقن المجهري وكنت حكم به الشهر إلي فات لو كان فيه تبويض بس مكانش ..........المهم ......هي عمليت بسيطة بتساهل بس مأموريه الحيونات المنوية لأنها بتقربها لعند البويضة ...والكمال بالطبع على ربنا .....

 

[حبيبة الراضية 1]

السلام عليكــم ورحمـة الله وبركاتــة ،،

بارك الله فيك يا أم عمر و مريم على سؤالك عني أنا بخير و لله الحمد و لكن لا جديد لدي لحد الان

شكرا يا جارة الوادي على ردك و بشرك الله و بشري و كل الاخوات بالحمل المبارك

[أختكم آيات 1]

السلام عليكم ورحمة الله وبركاته،،

بكرا إن شاء الله هحلل الهرمونات فى معمل البرج الموجود فى محافظتى هنا بس قولو لو فيه لو فيه اسماء تحليلات تانى غير الى قالتهم ام عمر قولولى عليها بالمره عشان انا وجوزى رايحين نحلل الاول وبعد كده نعرض التحاليل دى على الدكتور إلى ناويين نروح له فى مصر

[ام مصعب ان شاء الله 0]

السلام عليكــم ورحمـة الله وبركاتــة ،،ايات عامله ايه معلش الحمد لله اعملى التحاليل وان شاء الله خير ليتسيا كويس خبر حلو ربنا معاكى معلش ربنا يجيبوا بفايده وكل الاخوات عاملين ايه وحشتونى

[ام مصعب ان شاء الله 0]

السلام عليكــم ورحمـة الله وبركاتــة ،،سندوسه عامله ايه شيفاكى موجوده ايه الاخبار

[ام مريم ويحيى 136]

السلام عليكم ورحمة الله وبركاته

 

اخواتى الحبيبات

عاملين ايه ؟ وحشتونى كتييييييييير

اخباركم ايه ؟

الاخت ايات يار ب تحليل الهرمونات بتاعتك تكون كويسه بإذن الله انتى المره اللى فاتت عملتى عملية الحقن المجهرى عند مين ؟

ام مصعب اخبارك ايه طمنينا يارب تكون الدكتورة طمنتك

الاخت لتيسيا يارب تكونى بخير وما تنسيناش من دعواتك الحلوه فى المسجد الاقصى ان شاء الله

اخواتى الحبيبات الفيروز الشروق سيرة ام عمر ام رقيه الحبيبه الراضيه ام انس يارب تكونو جميعا بخير

الاخت الحبيبه رضاك يارب اخبارك ايه يا قمر يارب تكونى فى اتم صحة ابقى طمنينا عليكى باستمرار

اخواتى الحبيبات أسأل الله العظيم رب العرش العظيم ان يشفينا وأزواجنا من كل مرض يمنعنا من الحمل انه ولى ذلك والقادر عليه

وان يرزقنا جميعا الذريه الصالحة المباركه التى تكون عونا ونصرا للاسلام

امين

احبكم جميعا فى الله

[ام مصعب ان شاء الله 0]

السلام عليكــم ورحمـة الله وبركاتــة ،،سندوسه احبك الذى احببتينا فيهالكتوره ياستى عملتلى اشعه واكدتلى ان فيه ضعف فالتبويض وعطتنى برشام اخده تانى يوم الدوره وحروحلها 10يوم منها تقريبا حنرجع نمشى نفس المشوار الاول منشطات ونزود لا ناخد حقن وكله على الله

[أختكم آيات 1]

السلام عليكم ورحمة الله وبركاته،،

سندسة أم مصعب اخباركم إيه؟

 

الاخت ايات يار ب تحليل الهرمونات بتاعتك تكون كويسه بإذن الله انتى المره اللى فاتت عملتى عملية الحقن المجهرى عند مين ؟

عند دكتور شفته مره فى قنات الصحة والجمال بس ماطلعش قد كده او هو نصيب هو اسمه محمود نشأت خلف عيادته فى المنيل

قبل التلقيح عملت عملية منظار عنده قال ان كان عندى تكيس وتجمع دموى وشالهم بعد كده عملت حقن مجهرى بعدها ب6 شهور تقريبا الكلام ده من 10 شهور تقريبا وماحصلش حمل ونفكر نروح للدكتور عادل فاروق بيقولو شاطر احنا هنا عندنا جربنا دكاتره ستات ورجاله ورحنا اسيوط لدكتور شاطر هناك لغايت لما زوجى فقد الثقه فى الدكاتره إلى هنا مع انه مدحولنا كذا دكتور تانى هنا وانا بصراحه تعبت من السفر خصوصا فى الشته مسافه ماتقلش عن 7 ساعات سفر

انا تعبت جدا من السفر كل شويه اسافر واروح واجى وانا من الصعيد واخد حقن وبرشام وتيجى الدوره

تم تعديل 9 فبراير, 2010 بواسطة أختكم آيات

[ام مصعب ان شاء الله 0]

السلام عليكــم ورحمـة الله وبركاتــة ،،معلش ياايات لازم ناخد بالسباب احتسبى وربنا يجعله فى ميزان حسناتك وان شاء الله قريبا جدا تفرحينا الصبببببببببر

[أختكم آيات 1]

السلام عليكم ورحمة الله وبركاته،،

إن شاء الله يا أم مصعب ربنا يدينى ويديكى بس ساعات بيحصلى إحباط عشان ليا 8 سنين ما حصلش فيهم ولا حمل

كل الى تشوفنى فى التحفيظ ماتصدقش انى متزوجه اقول لها انا عندى 28 سنه ومجوزه من 8 سنين ادعيلى صراحة انا خدت دعوات من امى واخواتى وحماتى كتير كتير انا وزوجى اول نا سنتأخر فى عيلتى وعيلته كلهم معاهم اولاد وخلفو بسرعة عندى ما شاء الله عيال اخواتى 19 واختى حامل فى توأم آدى 21 ومرات أخويا حامل آدى 22 بسم الله ما شاء الله ربنا يخليهم ويبارك فيهم ودعواتكم لاختى ومرات اخويا يولدو بالسلامة عشان حمل اختى ده صعب توأم

[ام مصعب ان شاء الله 0]

السلام عليكــم ورحمـة الله وبركاتــة ،،ربنا يقومهم بالسلامه يارب ويديكى معلش ياايات اصبرى والله فرج ربنا قريب ان شاء الله والله ان اعرف ناس اعدت اكتر من كده والدكتره بقوا يقوللهم مفيش امل خلاص اداه انا ححكيلك قصتك والا ايه دانتى اللى كتباها وبعدين ياحبيبتى انتى لسه صغيره لسه العمر ادامك بس ان شاء الله ربنا مش حيطول عليكى وتفرحينى قريب على فكره انا والله لما بكلمك برتاح معاكى جدا وبفترضك اختى بجد يمكن انا بقالى مش كتير معاكى بس انتى من اكتر الناس اللى برتحلهم وبدخل مخصوص عشان اعرف اخبارك ربنا معاكى

[أختكم آيات 1]

السلام عليكم ورحمة الله وبركاته،،

ربنا يخليكى يا أم مصعب جزاكى الله خيرا والله انتى كده بتخجلينى بتدينى اكتر من حقى هنا الاخوات كلهم بسم الله ما شاء الله طيبين وكويسين كله والواحد بجد بيرتاح هنا انا كنت مشاركه فى منتى تانى اسلامى للمرأه وبرضه لسه مشاركه فيه وكنت مشرفه فيه بس ارتحت هنا وأول مافتح الجهاز أطير على هنا عشان اعرف اخبارك واخباركم كلكم بجد انتى والاخوات هنا بعتبركم زى اخواتى الصغيرين هههه اعتبرت حالى كبرت والله بتنسونى هم كبير بتنسونى سفر جوزى وبعده طول الاسبوع وبقعد احكى لماما عنكم وتدعيلكم صراحة النت ده عالم عالم تانى خالص سبحان الله وحب فى الله الواحد ماكنش يتخير فى عمره انه يكلم ناس بعاد عنه كده ويحبهم فى الله من غير ما يشوفهم على فكره انا صعيدية من سوهاج وانتى منين؟

[ام مصعب ان شاء الله 0]

السلام عليكــم ورحمـة الله وبركاتــة ،،اجدع ناس ياستى اانا من اسكندريه مش بعيده عنك اوى يعنى وانتى مش اكبر منى بكتير برده ولاحاجه انا عندى 23 سنه

[أختكم آيات 1]

السلام عليكم ورحمة الله وبركاته،،

اسكندرية اه فعلا مش بعيده هههه فركت كعب باين على اسكندرية بلد الطيبين بنات كتير اتعرفت عليهم من النت كويين من اسكندريه ووجدى غنيم وشيوخ كتير من اسكندريه يلا يا ستى ابقى عزمينا هه فى الصيف نروح نشوف اسكندريه عمرى ما رحتها ابدا فى حياتى

[ام مصعب ان شاء الله 0]

السلام عليكــم ورحمـة الله وبركاتــة ،،وليه فى الصيف اى وقت تحبيه دانتى تشرفى وتنورى اسكندريه بحلها

[أختكم آيات 1]

السلام عليكم ورحمة الله وبركاته،،

شكرا اختى ام صعب جزاكى الله خيرا نتقابل فى الجنة إن شاء الله وتحت عرش الرحمن

احنا هنقلب الموضوع سوالف ولا ايه ؟ آيات استوب

 

نتكلم بقى عن التحليل إن شاء الله بكرا وربنا يعمل إلى فيه الخير

[ام عمر ومريم 3]

السلام عليكم ورحمة الله وبركاته

ايات ربنا يسمعنا عنك يااارب سمع خير ان شاء الله وتكون النتيجة مبشرة باذن الله

ام مصعب اهلا بيكى حبيبتى منورة ياقمر

جارة الوادى ربنا يشفيكى يااارب ويرزقك الذريه الصاحة اللهم اميييييييين

حبيبة الراضيه يااارب دايما نسمع سمع خير يارب عنك يااارب

سندوسه وليتيسيا وباقى البنات عامليين ايه واخباركوا ايه وايه ااخر اخباركوا

ربنا يرزقنا جميعا يااارب الذريه الصالحة اللى تفرح قلوبنا ياااااااااااارب