تجمع منتظرات الحمل

[متوكلة على ربى 0]

حبيبتى حاولى تقنعية قوليلو انا نفسى اكون ام وانت تكون اب

حاولى تحننى قلبو

واكيد بياخد اجازة او يرجع البيت بدرى فتروحو لان والله ذكر الله والصدقة والاستغفار هما كنز حقيقى احسن من كل علاااااااااااااااج العالم

[توليب 2]

كل أما أحاول أقنعه يتشاجر معي ويقولي أننا مش هننزل مصر إلا بعد العيد

[ام ادم وجني 0]

السلام عليكم اخواتى الاحباء مبرووووووووووووك متوكله على ربى وانا كنت عارفه وان شاء الله انتى كمان حتكونى حامه يا أمه الرحمن وتحليل الدم بيبين والله انتى مش مصدقه ان ربنا رزقك ولا ايه اتوكلى على الله وحللى ايه الصبر ده واختى توليب لو انتى متأكده ان معندكيش حاجه ولا حتى التهابات لان الالتهابات تمنع الحمل لا تستهونى بيها هى فى اغلبيه السيدات وان زوجك حلل خلاص انتظرى لما ترجعى مصر لان كل شئ بأمر الله عندك او فى مصر وسؤالك التانى من الاشياء اللى بتنزل منك ده عادىالحيوانات المنويه عند الرجال بتبقى بالملايين وكل اللى يحتاج للحمل هو واحد فقط وياريت فى ايام التبويض متبزليش مجهود كتير وان شاء الله ربنا يرزقك وتفرحينا زى متوكله على ربى وعلى فكره انا فى بنتى جنى محملتش وجوزى معايا حملت وهوا كان بيسافر اسبوعين وبييجى يومين وكنت فاقده الامل فى الفتره دى انى احمل وسبحان الله حملت واول ما البريوت اتاخرت يومين عن معادها رحت حللت دم وبان الحمد لله ربنا يباركلى فيها ويرزقنا جميعا بالذريه الصالحه عاجلا ليس اجلا

[توليب 2]

شكرا لك أختي الحبيبه ام جنى

[زبادى 0]

السلام عليكم ورحمة الله وبركاته،،

اخباركم ايه يااخواتي

توليب ماتقلقيش انتي بس ادعي ان ربنا يسخر لك قلب زوجك

وادعي ان ربنا يأخد بناصيته ليكي

متوكله مباااارك ياحبيبتي ربنا يتمملك بخير

ام ادم وجني اخبارك ايه يارب تكوني بخير

اما عن اخباري فانا كان عندي مراجعة مع الطبيب علشان نشوف حجم البويضة بعد المنشط بس لاقينها صغيرة (11)

بصراحة نفسيتي تعبت لاني كنت واخدة منشط قوي بس الحمد لله

كله خير

ربنا يرزقنا من فضله

[عائشة 29 8]

السلام عليكم اختي توليب ماتقلقيش انتي بس ادعي ان ربنا يسخر لك قلب زوجك و عليك بالاستغفار و الدعاء

لانني انا الان قررت انا و زوجي ان ندهب الى المغرب للعلاج عند راقي بالقران لانني تعبت كتير و انا الان مستمرة في الرقية بادن الله فاختي اعملي بالاسباب و التوكل على الله و الله المعين و السلام عليكم

[متوكلة على ربى 0]

طمنينا امة الرحمن

والله انا مع المنشطات الدكتور مطلبش منى متابعة تبويض

وكنت هغيرو لو محصلش حمل بس الحمد لله طبعا

 

انا خايفة لان الدكتورة اللى عملتلى التحليل قالتلى الحمل قوى ومش عارفة معنى الحمل قوى انو بقالو فترة مثلا ولا توام ولا لاقدر الله خارج الرحم

مع ان منتصف بطنى من عند السرة وتحتها حاجة بسيطة هو اللى منتفخ شوية

 

ياريت اللى تعرف تطمنى وادعولى هروح للدكتورة النهاردة بليل باذن الله

[عائشة 29 8]

السلام عليكم ورحمة الله وبركاته،،

متوكلة على ربي متقاقيش انا معنديش فكرة كنتي تطلبي من الطبيبة تفسر ليك انشاء الله خير والسلام

[ام مريم ويحيى 136]

السلام عليكم ورحمة الله وبركاته

 

اختى الحبيبه المتوكله على ربى الف مليووووون مبروووووك وربنا يتمم حملك على خير وتجيبى لنا احلى نونو

ويارب عقبالى وجميع الاخوات

امييييين

 

اخواتى الحبيبات عائشه الحبيبه الراضيه جارة الوادى ام ادم وجنى توليب زبادى وجميع الحلوات كيف حالكن جميعا ؟

الحبيبة اياااااات أين أنتى طمنينا عليكى

فيروز من فتره كبيرة ما دخلتيش لعل المانع خير طمنينا عليكى يا قمر

رزقنا الله واياكم بالذريه الصالحة عاجل غير اجل

اللهم امين

سلامى وقبلاتى للجميع

[عائشة 29 8]

السلام عليكم ورحمة الله وبركاته،،

فينكم يا اخوات اختي سندسة سلام حار لك انا الان بخير و الحمد لله متوكلة على ربي ابقي طمنينا امة الرحمان فينك انشاء الله خير

رزقنا الله واياكم بالذريه الصالحة عاجل غير اجل اللهم امين

سلامى وقبلاتى للجميع

[*أم رقية* 473]

السلام عليكم ورحمة الله وبركاته،،

 

ازيكم يا اخوات اية الاخبار معكن مبارك متوكلة عقبالى انا والجميع

 

ما عن اخبارى الدكتورة منتظرة كام يوم كدة حاسة ان ممكن يكون حمل الله المستعان قالتلى لو محصلش هنعمل اشعة باصبغة وانا خايفة منها حد عملها قبل كدة

[زبادى 0]

السلام عليكم ورحمة الله وبركاته،،

 

ازيكم يا اخوات يارب تكونوا بخير

 

بصى يا ام رقية انا الدكتور كان طلب منى منظار وعرفت انه ادق من اشعة الصبغة

اما اشعة الصبغة نفسها فاعرف ان فيه اطباء بيعملوها بتخدير والبعض الاخر لا

وان فيه سيدات بتتالم منها منغير التخدير وسيدات لا تشعر باى شئ اعرف اتنين من صديقاتى عملوها من غير تخدير وماتألموش

بس لو كنتى من النوع اللى بيخاف فالافضل انك تطلبى تخدير علشان ماتشديش نفسك والعضلة تتشنج وفى الاخر الصبغة ماتدخلش فيها ويقولولك ان الانبوبة مسدودوة وهيا مش مسدوده (( ده كاان راى دكتور سمعته ))

 

ربنا ييسرلك الخير وماتحتاجيهاش وتطلعى حامل

باقى الاخوات ام ادم وجنى وام عمر ومريم وفيروز وايات وعائشة وراجية يارب مااكون نسيت حد يارب تكونوا بخير وسلامى للجميع

[ام ادم وجني 0]

اخواتى الاحباء اخباركم ايه يارب يكون الجميع بخير متوكله على ربى انا اعرف ان الحمل قوى يعنى باين جامد فى التحليل والله اعلم وان شاء الله تكونى حامل يا ام رقيه وتفرحينا وان شاء الله تكونى حامل ومتحتاجيش الاشعه بالصبغه زى ما قلتلك زبادى الاشعه بالصبغه بتبين الانابيب مسدوده او لا وان شاء الله خيرررر فينك يا آمه الرحمن طمنينا عليكى اخبارك ايه يا زبادى ربنا ييسرلك الحال انتى وفيروزه وعائشه وسندسه وباقى الاخوات

[زبادى 0]

السلام عليكم ورحمة الله وبركاته،،

اادم وجنى اخبارك ايه احبيبتى جزاكى اله خيرا على الدعاء ورزقك بادم معلش الكيبوردعدى عطلان وبكتب من كبورد المنندى فمش عارفه اخد راحتى فى الكتابة ياربتكونوا كلكم بخير احبكن فى الله

[زبادى 0]

السلام عليكم ورحمة الله وبركاته،،

 

ازيكم يا اخوات يارب تكونوا بخير

 

بصى يا ام رقية انا الدكتور كان طلب منى منظار وعرفت انه ادق من اشعة الصبغة

اما اشعة الصبغة نفسها فاعرف ان فيه اطباء بيعملوها بتخدير والبعض الاخر لا

وان فيه سيدات بتتالم منها منغير التخدير وسيدات لا تشعر باى شئ اعرف اتنين من صديقاتى عملوها من غير تخدير وماتألموش

بس لو كنتى من النوع اللى بيخاف فالافضل انك تطلبى تخدير علشان ماتشديش نفسك والعضلة تتشنج وفى الاخر الصبغة ماتدخلش فيها ويقولولك ان الانبوبة مسدودوة وهيا مش مسدوده (( ده كاان راى دكتور سمعته ))

 

ربنا ييسرلك الخير وماتحتاجيهاش وتطلعى حامل

باقى الاخوات ام ادم وجنى وام عمر ومريم سندسةوفيروز وايات وعائشة وراجية يارب مااكون نسيت حد يارب تكونوا بخير وسلامى للجميع

تم تعديل 26 أبريل, 2010 بواسطة زبادى

[توليب 2]

اخواتى الحبيبات عائشه الحبيبه الراضيه جارة الوادى ام ادم وجنى توليب زبادى وجميع الحلوات كيف حالكن جميعا ؟

 

 

شكرا لك أختي الحبيبه سندسه على سؤالك

جزاك الله خيرا

[حبيبة الراضية 1]

السلام عليكم

أختي راجية العفو من ربي

قصتك بكاتني حيت فكراتني بحالي

حتا أنا متزوجة قريبة 7سنوات

و الحمد لله ما عمري مافرحت حتى بالحمل

بنات عائلتي لي قدي واللي صغر مني لي تزوجو فوقت ديالي أولا مورايا ولدو أو عاودو ولادهم دخلو لمدرسة الله يزيدهم أنا ما احسدتهمش ولاكن ما نكرهش نفرح بحالهم وانا ماكنهضر مع حتاشيواحد فهاد الشي كيبقا فيا الحال أو ماكنبينش او كنحس براصي بوحدي فهاد البلاء

يا ربي تكوني فهمتيني

 

السلام عليكن

أسئل الله العظيم القادر على كل شئ أن يهون عليك و أن يرزقني و اياك و جميع أخوات هدا المنتدى الطيب الدرية الصالحة يا رب العالمين

[حبيبة الراضية 1]

السلام عليكن

توليب و سندسة و كل من سئل عني بارك الله فيكن

ألف مبروك يا متوكلة على ربي يا له من لقب و نعم الاختيار

أرجو منك يا أختي أن تقولي لنا اسم الحقن التي أخدتيها

و بارك الله فيك

[زبادى 0]

ازيكم يا اخوات انتم فين محدش بيدخل ليه كان نفسى افضفض مع حد منكم بس الحمد لله ع كل حال قبلاتى للجميع

[ام ادم وجني 0]

:biggrin: والله يا جماعه انا بفكر لما جوزى ينزل يحلل هوا كمان لان اسمع ان الغاز بيأثر على خصوبه الرجل الواحد بيجتهد وربنا يسهلها معانا جميعا

[ام مريم ويحيى 136]

السلام عليكم ورحمة الله وبركاته

 

اخواتى الحبيبات كيف حالكن ان شاء الله تكونوا بخير

 

اختى الحبيبة زبادى فضفضى براحتك احنا كلنا سامعينك يا قمر

[متوكلة على ربى 0]

الحمد لله الدكتورة طمنتنى وقالت ان لحمل داخل الرحم بس معملتش سونار وقالتلى انى فالشهر التانى فبدايتو

 

اسم الحقن

فستيمون

كيرمون

 

بس لازم باستشارة طبيب لان انا حالتى مختلفة

[*أم رقية* 473]

ازيكم يا أخوات عاملين اية

ام رقية وجارة الوادى وام انس فينكم

 

ام ادم وزبادى ربنا يتقبل دعائكم ولكم بالمثل إن شاء الله انا راضية بكل شئ الحمد لله

 

زبادى يا زبدية انت تكلمى حبيبتى احنا كلنا هنا بنهون على بعض

[حبيبة الراضية 1]

السلام عليكــم ورحمـة الله وبركاتــة ،،

بارك الله فيك يا أختي متوكلة على ربي و أتم حملك بألف خير لا تنسينا من دعائك

هل هده الحقن لتنشيط الاباظة ؟؟ معدرة على كترة أسئلتي

[حبيبة الراضية 1]

كيف حالك يا سارة أتمنى أن تكوني بخير و أتمنى أن لا تنسينا من دعائك :icon15:

عائشة أتمنى أن تكوني في أحسن الاحوال

سلامي الى الجميع :icon15: