أريد مدارسة كتاب 200 سؤال وجواب في العقيدة

[أم منةوعمر 0]

السلام عليكــم ورحمـة الله وبركاتــة ،،

 

أخواتى الحبيبات

 

أريد مدارسة كتاب 200 سؤال وجواب في العقيدة للحافظ الحكمى

 

فما رأى المشرفات الغاليات ؟

 

وهل منكن حبيباتى من تشاركنى فى هذه المدارسة؟

 

[أم منةوعمر 0]

مفيش حد عايز يبدأ معايا و اللا ايه؟ دراسة العقيدة فرض عين علينا كلنا و الكتاب بسيط وسهل منتظرة ردودكم

[daughterofislam89 10]

انا ممكن ابدأ معاكى بس بعد يوم 13/6 اكونن خلصت امتحانات

الكتاب ده رائع ومفيد كنت قرأت فيه من قبل ولكن اريد دراسته بتمعن

هل من احد يشجعنا

[أمّ عبد الله 2362]

وعليكم السلام ورحمة الله وبركاته،،

 

بارك الله فيكِ أخيتي الحبيبة وزادكِ همة وعلماً .

نعم يمكنكِ مدارسة هذا الكتاب مع الأخوات بإذن الله .

 

أسأل الله لكنّ التوفيــق .

[أم منةوعمر 0]

جزاك الله خيرا مشرفتنا الغالية

و فى انتظار المزيد من الأخوات للانضمام إلينا

و إن شاء الله نبدأ يوم 13/6 عشان خاطرك يا daughterofislam89

ربنا يوفقك فى امتحاناتك

[daughterofislam89 10]

جزاكن الله خيرا

ادعولى بقى لانى عندى امتحان الصبح

[♥ أمـ نـادية ♥ 4]

السلام عليكم ورحمة الله وبركاته،،

 

يا سلام عليكِ يا ام منه ديما والله تكونى عايزة تعملى اللى انا نفسى فيه

 

تعرفى انا بردو ههههه عملت موضوع ندرس هذا الكتاب ..لكن فى منتدى تانى

 

والاخوات قالوا ماشى ويالا

 

وفى الاخر سابوونى حفظت اول سؤال لوحدى وخلعو ا هههههههههه

 

يالا انا معاك انا اتممت حوالى 6 اسئلة وتوقفت لانى بصراحة محتاجة التشجيع

 

فالحمد لله انك ديما معايا

 

انا معاااااااااااكِ ان شاء الله ,,,

 

احبكِ فى الله

[أم منةوعمر 0]

وأنا سعيدة جدا يا بسمتى إن يكون ليا أخت مثلك :biggrin:

و يا رب نكون مع بعض دائما

ربنا يجازيكى خير و بإذن الله نكمل مع بعض و محدش يخلع من التانى :biggrin:

لكن أنا وعدت daughterofislam89 إننا نبدأ على 13/6

فممكن تستحملينا شوية :angry:

حتى عندها امتحانات

ربنا يوفقها بإذن الله

[daughterofislam89 10]

ههههههههههههههههههههههههه

معلش يا بسومة

لا ان شاء الله معندناش حد يخلع هنا

انا هقف لكم بالعصاية :mrgreen:

نفسى اكمله بجد

وفقنا الله باذن الله

بس ياريت لو معانا اخوات اكتر يشجعونا وتبقى فايدة

[♥ أمـ نـادية ♥ 4]

السلام عليكم ورحمة الله وبركاته،،

 

يعنى كمان ماخرانا وهتمسكلنا العصاية .. :laugh:

 

هيا يا بُنيتى نحن بانتظارك ... :closedeyes:

 

ونشوف مين هيمسك العصاية لمين :cry:

 

اللهم ارزقنا الاخلاص فى القول والعمل ...

 

بإذن الله الى ان ياتى يوم 13 / 6 نجدد النية ونستعد ..الله المستعان

 

[امة الله ش 9]

السلام عليكــم ورحمـة الله وبركاتــة ،،

 

معاكم يا بنات

 

استنونى

 

بسمتى

 

ام منة

 

daughterofislam89

 

اسمحولى انضم اليكم

 

يوم 13/ 6

[أم منةوعمر 0]

نحن فى انتظار يوم 13/6

و طبعا منورانا يا أمة الله ش

[ام رميساء و جنى 16]

السلام عليكــم ورحمـة الله وبركاتــة ،،

 

وانا كمان معاكم ان شاء الله

 

يارب يوفقنا يارب

 

احبكم في الله

[أم منةوعمر 0]

أم عبد الله إن شاء الله

منورانا و يسعدنا كثيرا انضمامك معانا

[أم عائشة المصرية 241]

وعليكم السلام ورحمة الله وبركاته،،

أعانكن الرحمن يا غاليات

معكن بإذن المولى وأسأل الله التيسير والثبات حتى ننتهى من الكتاب معا

إن شاء الله أشترى الكتاب قبل يوم 13..

 

جزاكِ الله خيرا يا أم منة وإن شاء الله مذاكرتنا كلها فى ميزان حسناتك

[أم منةوعمر 0]

أنا سعيدة جدا أم عائشة لانضمامك إلينا

و إن شاء الله نتممه سويا فيه ناس هتقف لنا بالعصاية

 

ايه رأيكم فى المدارسة تكون 6 أسئلةكل أسبوع يعنى نحفظ سؤال كل يوم و الجمعة أجازة

واللا فيه اقتراحات أخرى عشان نتفق قبل المدارسة

[♥ أمـ نـادية ♥ 4]

السلام عليكم ورحمة الله وبركاته،،

 

ام منه انا ده اقتراحى انا كماااااااان ...

 

بارك الله فيكِ.

 

لكن انا عايزة يكون فى نظام تسميع ..

 

.يعنى كلا منا ان شاء الله تحفظ سؤال اليوم وتدخل تسمعه....

[أم منةوعمر 0]

أنا موافقة على التسميع و كان نفسى فى كده فعلا

عشان ألزم نفسى أكثر

 

يا ترى ايه رأى باقى الأخوات؟؟

[امة الله ش 9]

السلام عليكــم ورحمـة الله وبركاتــة ،،

 

بصوا يا حبيبات

 

أقتراحاتكم جميلة جدا

 

بس أحيانا كثيرة لا يتيسر لى ولكثير من الاخوات الدخول كل يوم والكتابة كل يوم فاسمعوا اقتراحاتى وانا متأكده انها هتعجبكم :smile:

 

1- نحفظ خمس أسئلة فى الاسبوع من السبت إلى الاربعاء .

 

2- يوم الخميس تضع لنا الحبيبة أم منة اختبار على الخمس أسئلة وبكده نجمع بين الالتزام بالحفظ وكذلك توفير للوقت والجدية والتنافس ويكون الاختبار

 

مرتكز على النقاط المهمة وليس شرطا جميع النقاط حتى لا يمل الأخوات .

 

3- يوم الخميس أيضا أضع أنا مثلا اختبار لام منة لكى تشاركنا التنافس .

 

 

4- نجعل يوم الجمعة للراحة أو نراجع فيه اسئلة الاسبوع .

 

ما رأيكم يا حبيبات ؟؟

تم تعديل 1 يونيو, 2009 بواسطة امة الله ش

[أم منةوعمر 0]

اقتراح جميل أمة الله

 

أنا وجدت أخت فى أحد المنتديات تضع إختبار كل 10 أسئلة

إن شاء الله أستئذنها و أحاول أنقلهم

 

و فى انتظار باقى الآراء

تم تعديل 1 يونيو, 2009 بواسطة أم منةوعمر

[♥ أمـ نـادية ♥ 4]

السلام عليكم ورحمة الله وبركاته،،

 

انا موااااااااااافقة ..

 

اهم شئ بارك الله فيكم انى اسمع عايزة التزم بانى احفظ واسمع

 

والاختبارات فكرة ممتازة ..

 

اللهم علمنا ما ينفعنا وانفعنا بما علمنا

[ام رميساء و جنى 16]

السلام عليكــم ورحمـة الله وبركاتــة ،،

 

كيفكم اخواتي

 

انا وصيت زوجي يشتريلي الكتاب

 

يارب يوفقنا لمدارسته

 

امين يارب

[عيون ارهقها الحزن 0]

السلام عليكــم ورحمـة الله وبركاتــة ،،

 

ممكن البنات الافاضل يحملو الكتاب من هنا

 

http://www.4shared.com/file/36654620/1bc555a6/200____.html?err=no-sess

 

مع اطيب تمنياتي بالعلم النافع

[أم عائشة المصرية 241]

السلام عليكــم ورحمـة الله وبركاتــة ،،

 

ممكن البنات الافاضل يحملو الكتاب من هنا

 

http://www.4shared.com/file/36654620/1bc555a6/200____.html?err=no-sess

 

مع اطيب تمنياتي بالعلم النافع

 

 

سبقتيني للخير جزاكِ الله خيرا

كنت داخلة أضع نفس الرباط : )

[daughterofislam89 10]

الله المستعان

ربنا ييسرلنا الامر

عموما يعنى قولولى ليكون فى حد متضايق يعنى مثلا اننا هنبدأ يوم13 :oops:

اللى متضايق يقول ميخافش :blink:

وعموما همسكلكم بردو العصاية:)

احبكم فى الله