هو انتي بتعملي كدة ليه؟؟

[د نودة 0]

بســم الله الـرحمــن الرحيــم

بتنامي بدري ليه؟؟

علشان تعبانة و عايزه تلحقي الشغل بدري و لا علشان تصحي لصلاة الليل و الفجر!!!

بتاكلي ليه؟؟

علشان جعانة و لا علشان تتقوي لطاعة ربنا!!!

سميتي ابنك عمر ليه؟؟

على اسم جده و لا تيمنا بالفاروق عمر رضي الله عنه!!!

بتدي لصاحبتك كشول المحاضرات ليه؟؟

علشان بتحبيها بس و علشان تقول عليكي طيبة بس و لا علشان الله في عون العبد ما كان العبد في عون اخيه!!!

بتسلفي جيرانك فلوس ف زنقتها ليه؟؟

علشان تستجدعك ف نفسها و لا علشان من فرج عن مسلم كربة فرج الله عنه كربه من كربات يوم القيامة!!!

بتروحي لبنت خالتك و معاكي هديه لية ؟؟

علشان جاتلك من كام يوم و معاها هدية و لا صلة رحم و ليس الواصل بالمكافئ

بتشتغلي قوي ليه؟؟

علشان المدير يقول ما عنديش غيرها و اجازات و علاوات وكدة و لا علشان ان الله يحب اذا عمل احدكم عمل ان يتقنه

بتتعبي نفسك ف المذاكرة ليه؟؟

علشان تدخلي الكلية اياها و يقولوا الدكتوره راحت الدكتورة جات و لا علشان من سلك طريقا يلتمس فيه علما سهل الله له طريقا للجنة!!!

زورتي صاحبتك العيانة ليه؟؟

علشان صعبت عليكي و لا علشان من عاد مريضا خاض في الرحمة فاذا جلس استنقع فيها!!

قلتي لابنك ما يشربش سجاير ليه؟؟

علشان الناس ما يقولوش عليه ولد تلفان و لا علشان السجاير حرام شرعا!!

لبستي بنتك حجاب ليه؟؟

عادات و تقاليد و كل صاحبتها لبسوه و لا علشان و ليضربن بخمرهن على جيوبهن!!!

انتي اصلا عايشة ليه؟؟

كدة و خلاص من غير هدف و لا علشان ما خلقت الجن و الانس الا ليعبدون!!

حبيبتي ف الله

حياتك كلها من اول ما تصحي الصبح لحد ما تنامي تاني بالليل لازم تكون كلها لربنا

بســم الله الـرحمــن الرحيــم

قل ان صلاتي و نسكي ومحياي و مماتي لله رب العالمين

الهم ارزقنا الاخلاص في القول و العمل

و لا تنسوني من صالح دعائكم

[نوفا* 10]

بارك الله فيكِ

 

فعلا نحن للأسف عادة ما ننسى النية قبل العمل حتى نحوله لعبادة وليس عادة

[ذليلة إلى اللـَّـه 417]

موضوعك جميل أوى أوى أوى جدااااااااااااااااااااااااااااااااااااااااااااااااااااااااااااا

إحنا فعلا كلنا مقصرين

جدا جدا جدا جدا

بسي موضوعك عاجبنى أوى أوى أوى :ohmy:

[إيمان "طالبة عفو الله" 6]

السلام عليكم ورحمة الله وبركاته،،

بارك الله فيكِ

 

و النية الصالحة هى من تحول العادة إلى عبادة

 

حفظكِ ربي .

[أم عائشة المصرية 241]

وعليكم السلام ورحمة الله وبركاته

سلمت يمينك..

أسلوب جميل وكلمات أجمل..

ربنا يرزقنا نية صالحة ويتقبل منا اللهم آمين.

 

جزاكِ الله خيرا

[ام الاشبال 3]

بجد موضوع روعه حبيبتى وتذكره لمن كان له قلب

 

اللهم ارزقنا الاخلاص فى القول والعمل

[حافظة القرءان 0]

بسم الله الرحمن الرحيم

وعليكم السلام ورحمة الله وبركاته،

الهم ارزقنا النية الصادقة وتقبل منا اعمالنا

[هبة عبد العظيم نور 2042]

موضع متميز جدا

 

جعله الله فى ميزان حسناتك يا غالية

[رحيق العفه 2]

اللهم ارزقنا الاخلاص فى القول والعمل

 

موضوعك يستحق الشكر لانه حياتنا كلها

[ملكة بأخلاقى 1]

موضوع اكتر من رااااااااااائع ياغاليه

جزاكى الله خيرا وجعله فى ميزان حسناتك

[سفيرة الاسلام 0]

 

[** أم الصبر الجميل ** 98]

السلام عليكــم ورحمـة الله وبركاتــة ،،

 

صح لسانك حبيبتى فى الله

 

وجب علينا صنع نية لكل عمل من أعمال حياتنا

 

جزاكِ الله خير الجزاء وجعله فى ميزان حسناتك .

[الراكعه الى الله 0]

السلام عليكم ورحمة الله وبركاته

جزاكى الله خيرا على هذا الموضوع الاكثر من رائع جعله الله فى ميزان حسانتك

اللهم ارزقنا النية الصادقة

احبك فى الله