انوار القلوب 1 أرسلي تقرير عن المشاركة قامت بالمشاركة 29 اكتوبر, 2009 السلام عليكــم ورحمـة الله وبركاتــة ،، أخواتى حبايبى كل واحدة فينا ما بتحبش حاجات كثيرة فى نفسها أنا مثلا ما بحبش فيا حاجات منها 1- الكسوف (الخجل) على الفاضى الناس زهقت منى. 2- آى حد يشخط(يتنرفز) فى وحشىاو بيتخانقوا مع اى حد بحس انى مش قادرة ممكن ادخل غرفتى وافضل أعيط 3-انا مدرسة لغة إنجليزية بتعامل مع الطلبة كأنى عيلة بلعب معاهم يفضلوا يخضنونى ويبوسونى ويقولوا بموت فيكى بس أنا بحس إنى مش مدرسة انى وحدة صحبتهم.. 4- بحب المسلسلات الكورى جدا ومش عارفة ابطلها يمكن أنا شكلهم فى الشكل مش فى حاجة تانية حتى ان الناس كلها الى ما تعرفنش تفكرنى مش مصرية وانى ما بكلمش عربى وانا عارفة ان ده حجة فارغة بس عوزاكم كل واحدة تتكلم على الى مابتحبهوش فى نفسها وربنا يساعدنا ونتغير بحبكم فى الله :- شارك هذه المشاركه رابط المشاركه شارك
ام عائشة@ 0 أرسلي تقرير عن المشاركة قامت بالمشاركة 30 اكتوبر, 2009 السلام عليكم ورحمة الله وبركاته،،حبيبتى اكيد انتى اتكلمتى عن بعض مالا تحبينه فى نفسك فلا تستطيع امراة ان تذكر كل ما تحب او ما لا تحب فى نفسها بوضوح وان فعلت لفضحت .المهم انا ساذكر بعض ما لا احب فى نفسى ولاكن بعدين علشان اختار ايه احلى حاجة وحشة فيا بداية ساذكر <هبلى وساذجتى> بس انا لسه مخلصتيش استنينى هدور تانى وابقى اكتب بس بشرط محدش يحاول معايا علشان انا مفيش امل فيا ماشىىىىىىىىىىىى شارك هذه المشاركه رابط المشاركه شارك
انوار القلوب 1 أرسلي تقرير عن المشاركة قامت بالمشاركة 30 اكتوبر, 2009 وعليكم السلام اختى أم عائشة شكرا ليكى أنا أحبك فى الله أنا ذكرت بعض ولسه هفتكر أحنا مليانين عيوب كتير بس أنا بفتكر كل شوية عيب وافضل اكتب عن كل عيوبى أنا مرتبطة بأمى بشكل فزيع بخاف عليها جدا جدا ربنا يخليها لنا أنا فى مرة ذهبت لزيارة جدتى وتأخرت عندها شوية فضلت أعيط أن هى مش معاى وبسى بخاف عليها وعلى بابا وخواتى وأختى من الهوا الطاير وبحبهم بطريقة تخنقهم وبعدين ياحبايب ما فيش حد ما بيخبش حاجات فى نفس خالص انتم روحتم فين انا بحبكم فى الله :biggrin: شارك هذه المشاركه رابط المشاركه شارك
الجمال الباكى 0 أرسلي تقرير عن المشاركة قامت بالمشاركة 30 اكتوبر, 2009 ايه رأيك نقلب الموضوع نخليه بتحبى ايه فى نفسك عشان يبقى عندنا امل فى نفسنا الانسان كل ما يتذكر عيوبه ويثبت عليها اكتر وبيزعل من نفسه اكتر لكن دورى على اللى بيتحبيه فى نفسك عشان تحبى نفسك وهتلاقى حجات كتير يعنى مثلا ممكن تقولى انك بتحبى الطلبه بتوعك بتعمليهم برفق ولين زى الرسول ما كان لين مع اصحابه وهتلاقى انك بتحبى اهلك ومامتك اكتر من اى حد فى الدنيا هتلاقى عندك حياء كتير يعنى عندك ايمان كتير مثلا انتى حساسه ورقيقه ( زيى ) اقل حاجه تأثر فيكى حتى لو ماتخصكيش دورى هتلاقى حاجات كتير جميله فيكى هتلاقى نعمه الاسلام وكفى بها نعمه وكمان احلى حاجه فيكى حبك لربنا واتباعك للرسول التزامك وحجابك وحفظك القران اقولك انا ايه احلى حاجه فيا بعد نعمه الاسلام والاتباع والقران والنقاب عندى مقدره عاليه على احتواء الاخرين وعندى حنان كتير لو حد محتاج شويه حنيه يقولى بس وشوفوا انا هعمل ايه وحساسه زيك كده اى اتنين بيتخانقوا سوا انا ماليش دخل فى الموضوع افضل اعيط شارك هذه المشاركه رابط المشاركه شارك
انوار القلوب 1 أرسلي تقرير عن المشاركة قامت بالمشاركة 30 اكتوبر, 2009 السلام عليكــم ورحمـة الله وبركاتــة ،، اختى الغالية الجمال الباكى انتى فعلا جميلة جدا وفعلا هى فكرة حلوة جدا احسن من فكرتى انا بحب فى نفسى انى ملتزمة بالحجاب الشرعى ماعدا النقاب وانا فرحانة بجد انتى بدرس فى معهد اعداد معلمى قرآن كريم بيحفظ قرآن وانا دلوقتى فى سورة النمل وبحس بمتعة بجد وانا رايحة المعهد والمحفظة بتحبى والحمدلله وبحب االخير لناس بشدة بفرح لفرحهم وبحزن على حزنهم وبجد أنا محتاجة شوية حنيية ياقمر ها اعمل ايه بحبك فى الله ;-) شارك هذه المشاركه رابط المشاركه شارك
ام عائشة@ 0 أرسلي تقرير عن المشاركة قامت بالمشاركة 31 اكتوبر, 2009 okkkkkkkkkkفكرة جميلة والله بارك الله فيكى على هذه الفكرة استنونى هاكتب قصيدة فيييييا لا انا بضحك معاكو باذن الله هاكتب ايه اح..............................هسيبكو دلوقتى عيوشة بتعيطططططططططط شارك هذه المشاركه رابط المشاركه شارك
انوار القلوب 1 أرسلي تقرير عن المشاركة قامت بالمشاركة 31 اكتوبر, 2009 السلام عليكــم ورحمـة الله وبركاتــة ،، آه ياعيوشة فضفضى على كل الى فى قلبك حلو كان او مش حلو عشان نتغير وبلاش عيوشة تعيط شارك هذه المشاركه رابط المشاركه شارك
سجدة55 18 أرسلي تقرير عن المشاركة قامت بالمشاركة 31 اكتوبر, 2009 لالا بلاش حاكم انا لو اتكلمت عن العيوب اللي فيا مش هنخلص و هاخلصلكم كل الصفحات هههههههههههههههههههههههههههههههه بلاش بقى بس حبيت اشارك مادام قريت الموضوع تقبلي مروري شارك هذه المشاركه رابط المشاركه شارك
نسمة الريحان 0 أرسلي تقرير عن المشاركة قامت بالمشاركة 31 اكتوبر, 2009 فكرة انى الوحده ننكلم عن نفسها صعبه اوى سوا كانت حلوة او وحشه دايما الواحد يشوف نفسه من خلال اللي حواليه طبعا مش كلهم بقصد طبعا الاصحاب في رايي انهم اصدق ناس يعبروا عن الواحده اللي حلو اللي فيها والوحش كمان مش بيجاملوا ومش بيداروا علي الحلو طبعا دا لو اصحاب بجد المرة الجايه احاول اتكلم عن نفسي لانى مش بعرف اوصفها شارك هذه المشاركه رابط المشاركه شارك
رحيق العفه 2 أرسلي تقرير عن المشاركة قامت بالمشاركة 31 اكتوبر, 2009 فكره حلوه اوى بصراحه بس اكتر حاجه بتضايقنى الكسوف من الزحمه بتكسف جدا من الافراح والزحمه ثانيا الحساسيه زياده عن اللزوم شارك هذه المشاركه رابط المشاركه شارك
الجمال الباكى 0 أرسلي تقرير عن المشاركة قامت بالمشاركة 31 اكتوبر, 2009 حبيتى انوار الحنيه كتير والحمد لله ربنا يبارك ولو انتى محتاجه اتفضلى دول وشوفى يكفى ولا ايه ( حنيه ) ( حنيه ) ( حنيه ) (حنيه ) ( حنيه ) ( حنيه ) ( حنيه ) ( حنيه ) ( حنيه ) ( حنيه ) ( حنيه ) ( حنيه ) كفايه كده لحوسنا المكان على الاخر شارك هذه المشاركه رابط المشاركه شارك
" أبكي لربي " 16 أرسلي تقرير عن المشاركة قامت بالمشاركة 31 اكتوبر, 2009 السلام عليكم ورحمة الله وبركاته،، صعب جدااااااااااا يا بنات أن أصف لكم الأشياء التي لا أحبها في نفسي فهي كثييييييييييييييييييرة المهم الواحد يدعو الله بأن يتخلص منها عاجلا غير آجل شارك هذه المشاركه رابط المشاركه شارك
انوار القلوب 1 أرسلي تقرير عن المشاركة قامت بالمشاركة 1 نوفمبر, 2009 السلام عليكــم ورحمـة الله وبركاتــة ،، اشكركن على مروركن العذب لسجدة ونسمة حلاوة الصبر الجمال الباكى إيمان وعلى فكرة ده فرصة تفضفضى وتقولى كا اللى حاسة بيه ومش سهل انتم عريفين أنا فيا عيب وحده صحبتى قالتها لى بس ده الوحيدة اللى قالتها لى انى بهتم بالتفاصيل جدا (يعنى مملة) يعنى لما تقولى موضوع هى بتقولى المختصر المفيد وبحس انى مش فاهمة حاجة فبسألها هو حصل آه تانى أشكرك ياأختى الجمال الباكى على هذه الحنية ربنا يزيدك جمال فوق جمالك اختى حلاوة الصبر انتى زى فى الكسوف واختى نسمة احنا مستنينك عشان تكلمى اختى سجدةوإيمان احنا مستنين الفضفضة بحبكم فى الله شارك هذه المشاركه رابط المشاركه شارك
OM MARYM 0 أرسلي تقرير عن المشاركة قامت بالمشاركة 1 نوفمبر, 2009 حبيبتى أنوار القلوب فكرتك حلوة وفكرة أجتنا الجمال برده حلوة وتعالو نكتب الحلو والوحش ونشوف إيه الأحسن والأكتر العيوب ولا الحسنات انا بقى أقولك بالنسبه للحسنات انا حنينة وبحب زوجى جدا وامى جداجدا وبحب بناتى قوى قوى قوى قوى قوى وبحب رنا والتزامى وبحب العلم الشرعى وبحب القرآن وبحب منظر المساجد وبحب الخير ونفسى ربنا يرزقنى علشان أسعد الفقراء ولسه................................................................... بالنسبة للعيوب بقى عصبية عيوطة قوى وحتى من بناتى لو ضيقونى قوى بعيط مش بعرف آخد لا حق ولا باطل مع جوزى ..........................من الاخر ضعيفة الشخصية وبس كفاية كدة لحسن انا أحبطت بس احلى حاجة صحبتكم يا غاليين :mrgreen: :wub: :wub: شارك هذه المشاركه رابط المشاركه شارك
انوار القلوب 1 أرسلي تقرير عن المشاركة قامت بالمشاركة 2 نوفمبر, 2009 السلام عليكــم ورحمـة الله وبركاتــة ،، ياغاليتى يأم مريم والله العظيم انتى زى القمر مش معنا انك بتعيطى انك ضعيفة لا بالعكس ده بيدل على رقة القلب وبعدين باسم الله ماشاء الله انتى حسناتك فى منتهى الجمال اللهم ارزقنا رقة القلوب آمين شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 2 نوفمبر, 2009 (معدل) وعليكم السلام ورحمة الله وبركاته بارك الله فيك اختى انوار القلوب طيب ماهو احنا بنذكر عيونا يبقى اللى تدخل تساعد التانيه انها تتخلص من العيب ده ( : كنت عايزة اقولك على المسلسلات الكورى انا اصلا معرفش معناها ايه دى بس احنا منتفرجش على المسلسلات لان بيبقى فيها موسيقى وحجات حرام واختلاط ابعدى عن المسلسلات بارك الله فيكِ ( : العيب اللى فيا بقى الحمد لله انى لما اكون مبسوطه جدا من رسمة رسمتها او اى حاجه عملتها والاقى حد مش مبسوط بتغير وابقى مش مبسوطه مع انى كنت مبسوطه كده يعنى او مبسوطه من شرح الاخت دى والاقى حد يقولى لا مش اوى اتغير تم تعديل 2 نوفمبر, 2009 بواسطة سَارّه مُحَمّد شارك هذه المشاركه رابط المشاركه شارك
الجمال الباكى 0 أرسلي تقرير عن المشاركة قامت بالمشاركة 2 نوفمبر, 2009 اختى ( ساره محمد ) الاختلاف شىء وارد مش لازم تكونى زى كل الناس هما يعجبهم حاجه عادى لو مش عجباكى اقولك على سر ماما دايما تقولى ( انتى خالف تعرف ) عشان هى واختى زوقهم واحد وانا حاجه تانيه خالص وعايزه كمان اقول لباقى البنات انا مستغربه قوى ان الكسوف وطيبيه القلب والرقه ازاى الحاجات دى بقت عيوي فينا على فكره يا انوار انا اعز صحباتى فى موضوع التفاصيل ده عامله زيك كده بالضبط لو سألتها عملتى ايه بره تحيكلى من ساعت ما كانت بتلبس ولبست ايه وكويت الهدوم وبعدين قالت لاهلها انا نازله ونزلت السلام كلها مره واحده ما عدا اخر سلمتين ( اصلها فى الرابع) وبعدين ركبت ونزلت وحاسبت التاكسى و........ شارك هذه المشاركه رابط المشاركه شارك
المغربية 1 3 أرسلي تقرير عن المشاركة قامت بالمشاركة 2 نوفمبر, 2009 السلام عليكــم ورحمـة الله وبركاتــة ،، لو جييت اقول عيوبي.فمش حخلص. لكن اكبر عيييب فيا. هو اني معاندة جدا.وهذا شيء يتعبني.اخسر اقرب الناس لي بالعناد. اضافة الى اني احاول اني اجاهد نفسي في دنوب لا احب ان اعملها لكن اعملها. والله المستعان. اعمل كمدربة رياضة خاصة بالنساء. وهذا عمل احبه كثيييرا ويريحني جدا شارك هذه المشاركه رابط المشاركه شارك
((ام معاذ)) 2 أرسلي تقرير عن المشاركة قامت بالمشاركة 2 نوفمبر, 2009 السلام عليكم ورحمة الله وبركاته،، جزاكى الله اخيتى على هذا الموضوع المميز,, انا بقى عندى عيوب بعض الناس بتحسها مميزات بس انا فى الغالب بشوفها عيوب انا على طووووووووووووووووووووووووول بهزر بجد اكتر كلامى هزار و ضحك كمان بصاحب اى حد و بتكلم مع اى حد على اى حاجه يعنى مجرد ما اعرف صديقه جديده مره و الثانيه وتكون عرفت كل حاجه عنى وفى بعض الناس بتشووف ان دى حاجه حلوه لانى فعلا دايما لما اعرف اىواحد بلاقيه ياخد عليه جدا بسرعه و مبحسش انه احنا لسه منعرفش بعض الا من مده قصيره... اما عيوبى الوحشه المتفق عليها هي انى غيوررررررررررررررررررررررررره اوى اوى اوى بس انا بحاول ابطل كده و كمان انا لسه حديثه عهد جدا فى طريق الالتزام فبعمل بعض المخالفات وربنا يعيننى وابطلها قريب ان شاء الله و من احسن الحاجات الى حصلتلى بجد هى انى عرف اخوات طريق الاسلام لانهم فعلا كتييييير جدا بيعنونى و بيرفعوا همتى من غير حتى ما اكون انا المقصوده بس مجرد انى اشوف خوفهم و غيرتهم على دينهم و حبهم لبعض بحس بفرحه غريبه و بيدلونى على حاجات مكنتش اعرفها واتمنى ان يكون ده من علامات رضا ربنا احبكن فالله ولا ازكى على الله احد :blink: :wub: شارك هذه المشاركه رابط المشاركه شارك
الزهراء10 0 أرسلي تقرير عن المشاركة قامت بالمشاركة 2 نوفمبر, 2009 السلام عليكم اخواتى والله انا جديدة فى المنتدى ويوم شفته اول مرة عجبنى كتير وقررت اشترك فية وهذه اول مشاركةارد عليها وانا اكثر حاجة ما احها فى نفسى ان انا ما اعرف اصرف امورى لانى اخاف اصرفها وتكون فيها ضرر لاى انسان وانا لااستطيع الافصاح عما بداخلى لاى انسان كان حتى لو حسيت ان ممكن الانسان هذا يساعدنى والسلام عليكم ورحمة الله وبركاتة شارك هذه المشاركه رابط المشاركه شارك
بنوته مسلمه مصريه 458 أرسلي تقرير عن المشاركة قامت بالمشاركة 2 نوفمبر, 2009 السلام عليكم ورحمة الله وبركاته على فكره يأنوار القلوب انتى والجمال حيرتونى مش عارفه اكتب عن أيه بالظبط عن عيوبى ولاعن مميزاتى طبعا انتوا عارفين أختكوا كلها مميزات ههههههه بهزر معاكوا طبعا مفيش حد خالى من العيوب ومش عايزه اقولك انا ساعات بحس انى كلى عيوب مش عارفه بس كتير بيقولولى فى البيت انى باخد كل شيئ بحساسيه شديده غير طبعا العياطحتى لما بتكلم مع ماما على حاجه تعبانى أو مزعلانى بلقينى دموعى بتنزل مع انى ممكن اكون ببتسم وانا بتكلم كفايه عليكوا كده اصلى لو كملت هتقول ياريت ماتكلمت اما مميزاتى وبجد بحس انها ميزه ربنا اعطاها لى هى انى حنينه على بابا وماما وأخواتى وبحبهم أوى ومش بقول كده شكر فى نفسى بس هم دايما يقوللى كده يالى بقى كفايه كده أحبكن فى الله شارك هذه المشاركه رابط المشاركه شارك
انوار القلوب 1 أرسلي تقرير عن المشاركة قامت بالمشاركة 2 نوفمبر, 2009 السلام عليكــم ورحمـة الله وبركاتــة ،، اخواتى بحبايبى فعلا انا بحبكم فى الله انتى زى يابنوتة ياقمر انا بعيط كتير جدا لما احكى مع امى انا برده ماما وبابا واخواتى عندى بالدنيا كلها بموت فيهم وما قدرش اعيش من غيرهم حتى ان لى بنتخالتى كانت بتزعل منى انى مش بزرهم بحجة انى مش عاوزة اترك امى لوحدها فى البيت بخاف عليهم جدا اختى الزهراء مرحبا بيكى فى المنتدى ويارب تستفادى من المنتدى الفضفضة مع صديقة مخلصة بيكون اريح وحطى تحت مخلصة كام خط احمر اختى سهير انا مثلك اتعرف على اى واحدة احكلها كثير عنى بس مش كل حاجة طبعا بس فعلا من ثانى مرة بتبقى عرفت كل حاجة والحمد لله اختى ام محمد الناس محتاجين ان الناس ما تشدش قدامهم لانهم بيعاندوا لاسف اكثر سارة حبيبتى اكتسبى مزيد من الثقة بنفسك ودائما حافظى على رايك وما تغيره مهما كانت الظروف محبوبتى الجمال عاوزين نبطل حكايته التفاصيل ده انتى عارفة ان صحبتى الى قالت لى ده اتجوزت وانقطع الاتصال بيها خالص المشكلة انا ممكن ارجع تانى هى الى كانت بتفكرنى دايما كل ما اشوفها اخلى بالى من الكلام كويس واقول المختصر المفيد بحبكم كلكم...... :mrgreen: :wub: شارك هذه المشاركه رابط المشاركه شارك
Muslimah4life 0 أرسلي تقرير عن المشاركة قامت بالمشاركة 14 نوفمبر, 2009 انا بقي يا جماعه الحاجه الي مش بحبها اوي في نفسي هي اني غير صبوره.يعني بغضب بسرعه جدا ومن اقل الاشياء...والكويس الحمد لله كتير..مثلا انا الحمد لله بستعمل طاقتي في الخير دايما..و بحب مساعدة الناس..وطيبه جدا... علي فكره الموضوع جميل شارك هذه المشاركه رابط المشاركه شارك
انوار القلوب 1 أرسلي تقرير عن المشاركة قامت بالمشاركة 17 نوفمبر, 2009 السلام عليكــم ورحمـة الله وبركاتــة ،، اختى مسلمة كونك انك تستغلى طاقتك فى الخير ده شىء كويس جدا بس حكاية العصبية ده محتاجة تتدريب والله بعدها هتلاقى نفسك إن شاء الله بداتى تتغلبى عليها بارك الله فيكى ياحبيبة شارك هذه المشاركه رابط المشاركه شارك