اذهبي الى المحتوى
موده واخاء

ورشه عمل يوم بيوم معاكي ننظف المنزل احضرت لكن افكار مذهلة(اريد رأيك)

المشاركات التي تم ترشيحها

السلام عليكم ورحمة الله وبركاته

 

 

أخواتي الحبيبات الكل منا تود ان يكون سجاد منزلها يفوح بالعطور الجميله

 

هناك طريقه سهله : اذا كان سجادمنزلك مليء بالشعر فتخلصي منه بواسطة فرشاة السجاد والمكيت الخشنه الخاصه به وبعد تنظيف الفرش من الشعر

للي موش عايزه تغسل السجاده ومجرد تنظيف ظاهري

 

أحضري حله ضعي فيها قليل من الماء وصبي قليل من العطر واخلطيه مع الماء مثل الكلونيا أو اي نوع من العطور التي تفضلينها وقليل من ماء الورد

 

ثم ضعي الفرشاه داخل الحله واستخرجيها بسرعه حتى لا تمتلىء الفرشاه بالماء

ثم ادعكي الفرش بالفرشاه وضعيها مره أخرى في الحله وهكذا الى ان تنتهي من جميع السجاد

شارك هذه المشاركه


رابط المشاركه
شارك

السلام عليكم

فيه اوقات معينه في كل شهر لما بتيجي ليها الدوره

موش عايزه تعمل اي حاجه في المنزل

في هذه الحاله

اكلات خفيفه لاتستدعي وقوفك في المطبخ اوقات كتيره

انا باكون شايله نص كيلو لحم مفروم

معمول بالبصل ومطهي

مكرونه بالصلصله وعليها كبشه لحم مفروم وشويه سلطه

او كبده ومكرونه وسلطه

1478887370_fe5c78a685.jpg

 

سامعه صديقه انتي نسيتي اننا في صفحه تنظيف المنزل

لا موش ناسيه

طبعا ان شاء الله كلنا ان شاء الله هنكون صايمين

 

او صينيه خضراوات تورلي في الفرن وشويه رز ابيض

 

اهم شئ المدخل المنزل الصاله والريسبشن والحمامات

 

وطالما احنا في الاجازه لسه فكل واحد من اولادك لازم يساعد

اللي يقطف الملوخيه 2 كيلوا مره واحده وتغسليهم

وتصفيهم

وفي كيس نايلون كبير في الفريزر

لما تكوني عايزه تعملي ملوخيه

شويه من المجمد مع ماء بارد من الحنفيه تقريبا نص كوب ماء وكوب ملوخيه وفص توم في الخلاط

وتكوني محضرة كوب شوربه ولما تغلي

تعملي الملوخيه بالطريقه المعتاده

شارك هذه المشاركه


رابط المشاركه
شارك

P9100026.JPG

مطبخك رايق

يعني ايه هفسر

يعني لما تدخلي المطبخ عينك ماتتصدمش بحاجات علي الرخامه اول باول ترجعي الحاجه اللي تستعمليها للدولاب بعد غسلها وتنشيفاها علشان الصراصير بتحب وتموت في الميه

واللي ماجردتش التلاجه تعملها وتنظفها علشان تكون معانا شاطره

واعملي حسابك بتعملي طبيخ او اكل ليومين

يوم راحه ليكي

Sigma%2018-50mm%20f2.8.jpg

شارك هذه المشاركه


رابط المشاركه
شارك

السلام عليكم

مضي قطار رمضان واخد الخير معاه

ننتظره ان شاء الله باشيتاق حتي يمر علينا باذن الله

لابد ان تتنفسي الصعداء

احنا ان شاء الله بجانب الاعداد اليومي للطعام

نبدا ختمه جديده

علي الاقل 10 صفحات من القران كل يوم

طبعا فيه مدارس في مصر بقرار الوزير تاجلات فرصه

لاعداد ملابس المدارس واصلاح الشنطه سوسته والذي منه او شراء واحد

ه جديده لابنك واخراج التي بها شئ من الرمق لاي جامع او احذيه مدرسيه

طيب هنعمل ايه ان شاء الله

 

اولا الحمامات الحوائط بالمقشه والجنرال

وتغير الفوط ووضع صابون الاستحمام في مكانه

وورق التواليت

وشوفي لو فرسش الاسنان عايزن تتعقم في شويه ماء +كلوركس ثم تشطف وتوضع في شويه خل + ماء

 

كل طفل من اولادك الكبار يجرد كام شراب عنده لشراء اللازم

 

لامانع من عمل كفته بالبصل +شويه بقسماط +توابل +بيضه +بكنج بودر

وتصبعيها وترصيها علي كيس نايلون مدهون بالزيت

وطبقه كيس بين الرصه والتانيه

بيوفر عليكي في يوم اللي بتكوني عايزه تنظفي

 

 

بتعملي من الكبيببه المفرزه + مكرونه وسلطه

 

 

معركه ترتيب وتنظيم المطبخ باقول هناخد درج او درفه كل يوم وهنرجع كل المواعين والصيني اللي كان خارج علشان العزومات في رمضان

10744.imgcache.jpg

شارك هذه المشاركه


رابط المشاركه
شارك

حبايبي واحباب رسول الله

صلي الله عليه وسلم

نظرا لان غدا الخميس والجمعه والسبت

اجازه عندنا في مصر

ماشاء الله قررت اليوم تنظيف نظافه بحق وحقيقي

 

خطه اليوم باذن الله تعالي

طبعا متفقين اليوم اللي هنضف فيه

لانزول لشراء اي شئ من الخارج

لان الطاقه بتستنفذ في الخروج

 

 

دششششششش دافيء وتسرحي شعرك

وتلبسي وتامني نفسك لان اليوم الجو برد

 

 

افطري فطار خفيف يعني موش حله محشي هههههههههههها

 

جبنه وطماطم وجرجير بيهدا الاعصاب وعليه زيت زتون وطحينه

وكوب شاء باللبن

 

 

شوفوا باذن الله هاعمل ايه والشاطره سامعاها بتقول وانا كمان هاقوم واعمل زيك

 

اولا يعني غسيل الملابس وتفرزي الابيض الاول

انا باحب اغسل علي العاديه لانها بتنجز مع كبر حجم الكميه وباشف في الاتواماتيك

 

 

ثانيا وهننظف الحمامات والاحواض ولاتنسي انك في كل الاحوال لابسه شبشب او حذاء لايتزحلق علي البلاط

 

ثالثا اول ماتحس الوقت بيجري بسرعه علقي علي الاكل الساعه 11

وبتراقبيه في الرايحه والجايه

 

ملحوظه

الرسبشن دايما اول ماتصحي بتفتحي وتهوي المكان لمده ساعه تقريبا

 

والسجاد بتكنسيه بالمكنسه

ثم تطويه

والمساحه التميمه السفنج

بتطهري المكان بمسحه جريئه

علي الماشي كده

وشويه كوفورت مع ميه المسحه وووووووووووواو

 

انا الحمد لله عامله نظام

كل يوم في الاسبوع نوعيه الاكل تتكرر في الاسبوع المقبل

مثلا يوم الاتنين سمك

يوم التلاث خضار سوتيه وفطعه من البوفتيك

مره يوم الاربع عدس اصفر بالرز والشوربه وسلاطه

 

وبتعلقي ورقه بتفكري بيها نفسك

 

انا ان شاء الله هطبق الغسيل بتاعي

لاني كنت عيانه اول امس وقدرتش اعمل حاجه دور البرد الرخم

 

علي فكره انا عملت المعمول من عده ايام وكانت اول مره اعمله وعجب جميع اسرتي

 

اهم شئ الارض ماتكنش مبلوله في المطبخ

والترابيزه رايقه موش عليها كراكيب

اول باول ندخل الحاجه في مكانها

 

واللي لسه موش عايزه تفوق هيه حره

ولاتنسي تغير الفوط وكل واحد لون مميز

1478_605542f471728648d.jpg

706995400.jpg

شارك هذه المشاركه


رابط المشاركه
شارك

يارب اكون افادتكن الى اللقاء فى موضوع اخر مفيد

السلام عليكــم ورحمـة الله وبركاتــة ،،

post-55071-1262893620.gif

شارك هذه المشاركه


رابط المشاركه
شارك
بارك الله فيكي يامنونة

سؤال:: شو الي بضيع ريحة الدهان

 

 

اليكى الحل الاتى ياغاليه

 

 

 

بس الحل الفعال للتخاص من اي رائحه في البيت هي التالي...

صحن عميق شوي ...وبداخله ماء....وحطي على وجه الماء شمعه او شمعتين ...الصغار...متل الي بتحطيهم جوا الفواحه

ولعيهم واتركيهم والعين وطافيين على وجه الميه بالصحن ....على يومين وحتروح الريحه ان شاء الله...وخبرينا شو بيصير معك

 

 

 

 

او

 

 

 

 

فوائد واستخدامات الخل الابيض

كتكوتاتى وبناتى

جبت لكم النهارده استخدامات كتيره للخل الابيض ويارب بالفائده

 

1- بعد تقطيع البصل ندعك ايدينا بشوية خل وان شاء الله تروح الريحه

 

2- لتنضيف الفرن نبلل قطعة قماش بالخل والماء وننضف الفرن

 

3- لتنضيف براد الشاى او الغلايه نغلى نص فنجان من الخل فيها وبعدين نغسلها

 

4-لتخفيف رائحة القلى والطبخ نبلل قطعه من القماش بالخل ونعلقها بالمطبخ

 

5-عند غسيل الاغطيه والملايات والملابس البيضاء نضيف 2 فنجان خل الى الغساله

وعلى فكره انا جربتها وكمان بالغساله الاتوماتيك لانى بصراحه كنت باحط كلور وخلص من عندى قلت اجرب وفعلا حطيته ولقيت نفس نتيجة الكلور

 

6- وبرضه يابنات كنت باحط كلور على الصابون السائل للتعقيم وللاسف تسبب لى بحساسيه شديده فى ايديا وكانت ظوافرى حتقع والله ولكن عرفت انى ممكن اضيف للصابون السائل الخل وفعلا ادانى نتيجه رائعه ولمعان للاكواب والاطباق وبصراحه باستعمله لتنضيف كل حاجه حتى الحمام والسيراميك

وبالطريقه دى

نخلط مع كل كوب صابون سائل نص كوب خل

 

7- لازالة رائحة الطلاء من الشقه المدهونه حديثا نضع فى كل حجره نص كوب خل ونتركها

8- نضيفه للسلطات والمخللات

 

9- لازالة البقع التى تسببها ادوات ومستحضرات التجميل من الملابس مثل مزيل العرق

شارك هذه المشاركه


رابط المشاركه
شارك

تسلمى يامنمن

 

على الموضوع الاكثر من رائع

 

طبقت منه حاجات كتير فى بيتى

 

جزاكى الله خيرا

شارك هذه المشاركه


رابط المشاركه
شارك

مش هقول اكتر من الله عليك يامنمن انت هايله وربنا استفدت جدا جعله الله سبحانه فى ميزان حسناتك

  • معجبة 1

شارك هذه المشاركه


رابط المشاركه
شارك
مش هقول اكتر من الله عليك يامنمن انت هايله وربنا استفدت جدا جعله الله سبحانه فى ميزان حسناتك

يارب اكون افادتك حبيبتى

  • معجبة 1

شارك هذه المشاركه


رابط المشاركه
شارك

ما شاء الله عليك بس واضح انك ربه منزل متفرغه للبيت بس انا بشتغل وبارجع الساعه 4 من الشغل والوقت عندى ضيق جدا بس على فكره انا منظمه جدا وباحب اعمل جدول لكل شئ عندى علشان اقدر انجز كل اللى مطلوب منى فى اسرع وقت بس بجد انا حبيتك من غير ما اشوفك وارجو المزيد من نصايحك وافكارك

شارك هذه المشاركه


رابط المشاركه
شارك

ايه الجمال يا منمن ده

انا مقريتش غير حاجات بسييييطة خالص

 

بس شكله عاوز قعدة طويلة

 

لى عودة اقراه حرف حرف باذن الله

 

بارك الله فيك ونقع بك

شارك هذه المشاركه


رابط المشاركه
شارك

ماشاء الله يا ام بيدو الموضوع هااااايل انا لسه شايفاة دلوقتى اتصورى انا الحمد لله بعمل كده لانى بحب النظافه جدا وعمرى مابسيب البيت ابدا لدرجه ان والدتى ربنا يخليها بتقولى انتى هتضيعى صحتك فى البيت والمشكله ان اللى هيه اللى عودتنا على كده والحمد لله على نعمة النظافه

بارك الله فيكى حبيبتى ومنتظرين المزيد

شارك هذه المشاركه


رابط المشاركه
شارك

بجد كنت محتاجه الموضوع ده اوى ربنا يجعله فى ميزان حسناتك يا ام بيدو واكيد البنات هيستفيدوا منه لانه موضوع متميز جدا

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×