اذهبي الى المحتوى
ام فاطمه 22

انا تعبانه اووووى عايزه اعرف انا صح ولا لا

المشاركات التي تم ترشيحها

السلام عليكــم ورحمـة الله وبركاتــة

بكتبلكم ونا منهاره

يجماعه اخر ميعاد لتسليم عفشي وقايمتي

يوم17 الجاي

ودلوقت في ام صديقه لي عاوزة تصلح

فراحت لااهل زوجي

وطالبو منها ومديني مهله ليوم17

ان اتصالح بشرطهم هما

ان اتنازل عن كل شيء واكتب قيمه جديده

فيها مطبخي فقطط

اهلي معارضين رجوعي وانا عارفه ان زوجي

شخص سيء وغدار

ومش كويس

اعمل ايييي كل ماجيب رقم للشيخ محمد حسين يعقوب مبيردش

او الشيخ محمود المصرري عاوزة ارتاااااااااح

انا تعبانه والله تعبانه

ياارب ريحني

بالله عليكم خليكم معايا

كلمت حماتي من شويه قلتلها تقبليها علبنتك

انا اسيب حقي عشان يرجعوني

قالت اه اقبلها عشان انتي غداره

وملكيش امان مليش امان عشان خدت هدومي

وكل حاجاتي هناك

حسبنا الله ونعم الوكيل

شارك هذه المشاركه


رابط المشاركه
شارك

السلام عليكم ورحمة الله وبركاته،،

اسال الله العظيم ان يكشف عنك ما اهمك

 

اسالك وعذرا هل تحبنه وهل هو سيئ لهذه الدرجة

 

تمهلى حتى تجيبى

 

واعلمى ان الشيطان اشد فرحا بفرقتكم

شارك هذه المشاركه


رابط المشاركه
شارك

ربنا معاكى ام فاطمه

ربنا يفك كربك ويزيل همك ويهديك الى الصواب

انا مش هعرف افيدك اوى ان شا الله الاخوات يفيدوكى

بس هدعيلك ربنا يلهمك الصواب واللى فيه خير لكى

شارك هذه المشاركه


رابط المشاركه
شارك

حبيبة قلبى ام فاطمه

 

لا تحزنى يا حبيبه ان شاء الله ربنا هينصرك

 

حبيبتى هل طليقك سئ جداٌ ولا اهله هما السبب ؟

 

حبيبتى لو بتنازلك هتعيشى سعيده بعد كده مع زوجك وبنتك فعادى لو تنازلتى

 

لكن اذا كان الامر غير ذلك وممكن يكونو هما عاوزينك تتنازلى عشان ماتخديش حاجتك يوم 17

 

بس انا حاسه ان فى الامر لعبه منهم عشان ماتخديش مستحقاتك

 

ولقدر الله بعد ماتتنازلى وترجعى يعود الامر كما كان وساعتها مش هيكون ليكى غير المطبخ وبس

 

انتى لو شايفه انهم من النوعيه دى فبلاش تتنازلى

 

حبيبتى ما تزعليش منى هما لو مش ناوين على الغدر مكنوش قالولك اتنازلى

 

اللى بيشترى مش بيهمه حاجه ودى حاجتك اوعى تتنازلى عنها الا اذا كنتى واثقه انهم كويسين

 

دى حاجتك وربنا هيحاسبهم لو ظلموكى

 

ربنا معاكى يا حبيبتى ويرشدك للحق وينصرك ويحفظ لكى ابنتك

 

ياريت تصلى استخاره وتستغفرى الله كثيراٌ فهو خير ملجأ

شارك هذه المشاركه


رابط المشاركه
شارك

السلام عليكم

 

حبيبة قلبي والله زعلت كتير عشانك

 

ان شاء الله ربنا يكرمك

 

عارفة يااختي انا مااعرفكيش خالص ولا اعرف زوجك

 

لكن اقول ان لو كنتي تعتقدي بزوجك الصلاح والتقوي

 

فهذا هو الأهم

 

اما مسألة التنازل دي محيرة

 

بس بابا كان دايما يقول الكويس كويس

 

والوحش وحش لو خليتيه يبصم بصوابع ايديه ورجليه

 

حبيبتي صلي صلاة استخارة واكيد ربنا هيكرمك

 

عارفة ازاي

 

لان في دعاء الاستخارة

 

3 ادعية في بعض

 

يعني لو كان الامر كويس ليكي ربنا هيحققه ودا خير طبعا

 

ولو كان شر وهيئذيكي هيبعده عنك ودا كمان خير برضو

 

والأهم ان ربنا هيعوضك بالأحسن وكمان هيرضيكي بيه ودا كمان خير

 

وعجبا لامر المسلم ان امره كله له خير

 

ربنا يكرمك ويصلح حالك كله امين يارب العالمين

شارك هذه المشاركه


رابط المشاركه
شارك

حبيبتى ام فاطمه 22 سبق وقلتى ان زوجك ممكن يتهمك باى شيئ فأنا اعتقد ان الانفصال خير حل لسبب ان كللام ام زوجك ميطمنش ابدااااا

وسبق وان قلنا لكى ان الانفصال خير حل ولكن بما أن فيه صلح رغم انى لا اراه فعليكى حبيبتى بالاستخاره

وقلتى انه لا يحبك والان يسقولون الرجوع بشرط التنازل اياكى وذلك اياكى وذلك اياكى وذلك

واضح انهم بيديرولك مكيده والدليل شرطهم ان كانو يريدون الصلح فهل يكون الصلح يتنازلك عن حق لكى

لاتفعلى ولا تتنازلى وان كانو سيريدون الصلح فعليهم بكلام اخر غير الحقوق

وعليكى بالاستخاره وان شاء الله سيرشدك ربك الى الطريق الصحيح وييسره لك

وعذرا على اطالتى عليكى وعلى شدتى فى كلامى

شارك هذه المشاركه


رابط المشاركه
شارك

للاسف مش كويسين بنته مبيسئلش عنها نهائي

همه كله الخشب وحاجاته لو شاري عشان بنته

ميفكرش فحاجه وده حقي اللي ربنا كتبه وشرعه

انا كده ابقا بتنازل عنه

 

انا حاولت ارجع لكن هما كل اللي يهم

مره اتنازل عن قايمتي واقطعها قدام القاضي

ومره تنازل عن فاطمه نهائي

ولسه النهارده

يكتبو قائمه جديده بمطبخي بس

ولا مؤخر ولادهبي ولا اي حاجه لييي

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

أختى الحبيبة أم فاطمة أنتِ قلتى أن زوجك رجل غدار وسىء والواضح أنه وأهله ملهمش أمان

 

حبيبتى الواضح من كلامهم هو الغدر بكِ أخيتى وشكلهم لا يريدون بكِ خيرا

 

غير أنك سوف تتنازلين عن كل شىء ويأتى معاد تسليم عفشك لن يعطوكى غير المطبخ

 

ولن يتم الصلح إسألينى أنا أخيتى عن حركات الغدر هذه فهى واضحة جدا أخيتى

 

والأمر لكِ فأنتى أدرى بخلق طليقك وأخلاق أهله فكونى أكثر حذرا وحكمة وفطنة لما يحدث حولك

 

وساعدك الله وفرج همك ويسر أمرك إلى ما فيه الخير لكِ

 

تقبلي مرورى أخيتى

شارك هذه المشاركه


رابط المشاركه
شارك

السلام عليكم ورحمة الله وبركاته،،

كيف حالك إن شاء الله دائمــاً بخير ؟

ياحبيبة قلبى يا ام طماطم الشارع مش بيتلت

يعنى هو لو عايزك فعلا هو الى يحاول يوافق على شروطك

مش انتى اللى تتنازلى

وهما ادام قالو كده يبقا فى فى دماغهم حاجة الله اعلم بيها

هما لو عايزين سعادة ابنهم هيعرفو انها فى وجودك انتى وبنتو جمبو

انما دا كل اللى يهمهم الخشب ووالدهب ليه يعنى

انتى لو اتنازلتى وحصل حاجة هيطردك لانك مالكيش حاجة عند

استخيرى يا حبيبة قلبى واسالى اهلك

ان شاء الله مش هنساكى من الدعاء

شارك هذه المشاركه


رابط المشاركه
شارك

اوعى تتنازلى يا ام فاطمه

 

هما نيتهم مش كويسه

 

وحارقهم اوى حاجتك وعايزينك تتنازلى عنها

 

حسبى الله ونعم الوكيل

 

هما مفيش فى قلبهم رحمه

 

مايعرفوش ان ده حقك هيقابلو ربنا ازاى والرسول عليه الصلاة والسلام قال اوصيكم بالنساء خير

 

اوعى تتنازلى اذا كان قلبهم جامد على بنتهم هيرفقو بيكى انتى

 

اوعى تتنازلى وهما لو عايزينك يبعدو عن حقك

 

على فكره انا لى اخ طلق زوجته لسبب ما

 

والله العظيم اتصلنا بالشيخ وقال القايمه كلها والمؤخر والشبكه ونفقه سنه

 

وربنا يعلم ان احنا خفنا من ربنا وسبناهم فى الشقه لوحدهم خدو كل حاجه

 

والله العظيم حتى الحاجات اللى جابها بعد الجواز سابهالهم

 

ده حق واحده ست هنقول لربنا ايه يوم القيامه

 

ربنا يعينك يارب

شارك هذه المشاركه


رابط المشاركه
شارك

ربنا يصلح حالك ويرزقك رب العالمين باللي يعوضك عن كل اللى عشتية

انا مع رائي البنات اوعي تتنزلي عن حقك او تسكتي علية وده حقك حبيبتي ومحدش يقدر يقول غير كده

والله اعلم انك لو رجعتي حياتك هتكون عذاب في عذاب ومش ده الحل

ربنا يفك كربك ويزيك ما اهمك ويبارك في بنتك وتشفيها عروسة يارب

شارك هذه المشاركه


رابط المشاركه
شارك

نسيت اقولك يا قمر سيبي الامر لوالدك

ومش تحاولي تكلمي حماتك تاني ابداااااااااااااااااا حتي هي لو كلمتك قوللها مش هتنازل وريحي نفسك ودماغك

شارك هذه المشاركه


رابط المشاركه
شارك

جزاكم الله خير انا حسيت براحه والله الله يريح قلب كل اخت لي هنا

والله استريحت انا عماله اكلم نفسي ومنهاره وبنتي علرجلي اعمل اي

عاوزة ارجع عشانها لكن هو مسئلش حتا فالمكالمه ولا فدماغه كل اللي همه انه هيدوس

عليا فين بنتك

وكنت ماشيه معاه خيركم من يبدء بالصلح والسلام انا كنت فحياتي معاه كده

تعبت وكفايهكلامه عليا فاموري الخاصه وزوله لي علي انه بياكلني

وكلام كتير وكدبهم وراضيه عشان اعيش

 

لكم تعبت والله تعيت ولم اقعد بيني وبين نفسي اعرف ان صح وماشيه صح لان مظلمتهمش

وربنا عالم لكن لم اعرف ان خلاص حاجاتي بتتلم فكراتين وانا اصلا مستخدمتهاش

وبيدولي موهله ياما كده ياما هنفك الخشب وحاجاتي هترجع وحلفانته كدب فكدب

 

حسبنا الله ونعم الوكيل

وفوضت امري لله وان لله وان اليه راجعون

 

وربنا يريح قلوبكم يااااارب

شارك هذه المشاركه


رابط المشاركه
شارك

فيه ايه ياام فاطمه

 

ربنا يهد القوى يارب وربنا على المفترى يابنتى منهم لله

 

صلى استخاره بس اوعى تتنازلى وانتى اتصلتى بحماتك ليه منها لله ده كلام تقوله

 

يابنتى بكره ربنا يوريكى فيهم ايام سوده بجد ده كلام ميرضيش ربنا

 

حسبنا الله ونعم الوكيل

 

روقى كده انا اول مره اشوف الكلام ده اصلا غير دلوقتى حاااااااااااالا

شارك هذه المشاركه


رابط المشاركه
شارك

حزنت كثيرا لاجلك

ولكن انا مع الاخوات اللي بيقولوا ان دي مكيده عملنها عشانتتنازلي عن حقك

بس انتي تبئي غلطانه لو رجعتي علي شروطهم او اتنازلت عن اي شئ من حقك

الانسان ده محتاج يتأدب

ولازم تأدبليه في انك اوع تتنازلي عن اي حاجه

انت القانون والشرع في صفك

هتخدي بنتك وليكي نفقه متعه ونفقه ليكي ونفقه لبنتك

مضعيش حقك عشان ناس متستاهلش

والله ده كلام بابا يعني راجل كبير وعاقل وكمان الواحد شاف حكيات زي حكايتك دي والصح فيها انك اوع تتنازلي

وربنا يخدلك حقك يارب

ويحسن نفسيتك ويطمنك علي بنتك

وابئي طمنينا عليكي ياحبيبتي

شارك هذه المشاركه


رابط المشاركه
شارك

يا حبيبتي يا ام فاطمة ربنا ينصرك على مين ظلمك مش عارفه اقولك ايه انا مريت بمرحلة الطلاق ده و لكن انا رجعت عشان اولادي و كنت انا اللي غلطانة حاسة بيكي و حاسة بالحيرة اللي انت فيها لكن عاوزة اقولك حاجة اوعي تتنازلي عن حقك لانك لو رجعت و انت متنازلة الكل هيفضل يحسسك طول الوقت بكده و بتثبتي انك غلطانة اوعي يا ام فاطمة صدقيني انا باعاني الامرين فخذي بالك من النقطة ده و بعدين بنتك ده ما حدش تعب فيها غيرك و هما لو بيحبوها و بيخافو عليها ما كانوش ظلمو امها ما حدش هيحبها في الدنيا ده اكتر منك صدقيني

صلي استخارة يا غالية و اتاكدي ان ربنا مش هايسيب حقك ولا هيرضى بظلمك و الله يمهل ولا يهمل انا ربنا بيخلصلي حقي منهم بالواحد بس هما مش شاعرين بكده \خليكي ثابتة و قوية و اوعي تنهاري ولا تضعفي انت صاحبة الحق مش هما و صاحب الحق دايما قوي عشان معاه ربنا و ربنا يقويكي يا رب و ينصرك يا رب و يبين الحق

﴿ ان مع العسر يسرا ﴾

شارك هذه المشاركه


رابط المشاركه
شارك

الحمد لله والشكر لله

جزاكم الله خيرا

علدعوتكم انا مبفكرش فعفش لكن بفكر

 

فالغدر اللي هيعملوة بالرغم ان اتمنا ارجع عشان بنتي

بس هما مش فدماغهم

 

ادعولي اخته واصحابها بيلمو فحاجاتي

حسبنا الله ونعم الوكيل

شارك هذه المشاركه


رابط المشاركه
شارك

السلام عليكم حبيبتى ام فاطمة

 

عن تجربة يا ام فاطمة شبيهه جدا بقصتك ...حقيقية ومؤلمة اشد الالم ............وبعد حرمان صاحبتها من أطفالها وتمزقها اربا ولم يكن لديها لا أب ولا أم فقد توفاهم الله

ولا تعمل ...وظروف اخرى قاسية جداااا.... وتأمر عليها الزوج وأمه وأصرا على مثل ذلك بل أشد شناعة أن تكتب بيدها أنها هى المخطئة صاحبة المشاكل (وهي والله الذي لا اله الا هو من ذلك براء )

 

ومن ثم تصبح في عين القاضى والقانون (فيما بعد لو قدمت تلك الورقة فى محكمة )...تصبح ناشذا ليس لها اى حقوق ولا حتى الاولاد.........لانها حينئذ لن تكون أمينة عليهم...

 

 

وبعد ان أصيب قلبها في مقتل بسبب أخذ الاولاد منها ..إستخارت واستشارت لمدة قرابة الخمس اشهر ذابت فيهم كما يذاب الملح فى الماء ...وانكر الجميع عليها فعل ذلك ..لكنها قررت الرجوع من اجل الاطفال وفى الطريق للمحامي الذي ستكتب عنده تلك الورقه لم تفتر عن قول (حسبي الله لا اله الا هو عليه توكلت وهو رب العرش العظيم )

وحذرها محاميه هو من كتابتها لانه لمح فيها صلاحا فقالت قد فوضت امري الى الله ورضيت به حكما بيننا

 

وكان يقينها الشديييييييييييييد ان الله لن يضيعها ..فقال المحامى أشهد الله اني لم ارى امرأة حتى الان اشترت بيتها بما اشتريت أختاه

 

اختاه ...لو لم المس انكِ تبقين على عشرته ما نقلت لكِ ذلك

 

ولو لم المس انكِ شرياه وان به خيرا لم يعدمه كله وانكِ تؤملين في صلاح الحال بينكما ما كتبت

ولو لم أكن واثقة انك على خير ما تحدثت بهذا

 

لكن اختاه أحب أن انوه ...أن هذا الطريق الذي سلكته تلكم الاخت طريق وعر ووعر جداااا هى لم تذهب لحتى

قليل قليل من سعادة ...بل تعب والم

هى فقط اشترت ابنائها ورضيت من زوجها بان يكون سندا لها في رعايتهم

 

فصبرت على مأسي لا مجال لذكرها ولا تزال تصبر رغبة فيما عند الله

فهل انتى على استعداد لتحملهم......... والاستعانة بالله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

لا تخافى وتقولين يدبرون ويمكرون

 

فالله اشد مكرا وأسرع تدبيرا

 

من كان معه فمن يقدر عليه يا ام فاطمة ؟

 

لا تخافى والعفش والقايمة دول ولا يسووا شيىء

متحطيش الامر دا فى دماغك نهائيا

 

وفرضا رجعتى اليه ولا قدر الله عدتى مطلقه وارجع لكِ كل شىء يخصك

هل ستكونين سعيدة بحقك ؟

 

اختاه صدقينى انتى تتنازلين عن حقك الشرعى للم بيتك من جديد فانتى عند الله غاليه والله يعلم انك لا تتنازلين راضية

لان ما من احد يتنازل عن حقه بلى الذراع ويكون راض فثقى ان الله يعلم خائنة الاعين وما تخفى الصدور

ولو أخذه بهذه الطريقة فلن يفلح ولن يكسب به ابدا

 

اذا رجعتى فكونى على ثقة ان الله معك...ولن يخذلك ابداااا ولن يضيعك فقط استخيرى فى جنح الظلام وارفعى كفيكِ الى من لا ينام

وأستجيرى به وقولى بيت مسلم يارب سيهدم فهلا أنقذته ورفقت بي وببنتي

 

اللهم رقق قلبه علينا ونحن ضعفاؤه وارزقه حبنا

 

اللهم اره الحق حقا وارقه اتباعه واره الباطل باطلا وارزقه اجتنابه

 

ادعيه دعااااااااااء المضطر وكأنك فى بحر لجي تتلاطمه الامواج وانتى بينها غريقة

سينقذك

وينجيكِ

وينجي بيتك وزوجك وبنتك...ولا تصغي لمن يخوفونكِ فهو ليس بيتهم ولا هي حياتهم

 

لا تخافى يا ام فاطمة فالامر كله لله والارض له يورثها من يشاء من عباده

 

والعاقبة للمتقين

تم تعديل بواسطة منال المصرى

شارك هذه المشاركه


رابط المشاركه
شارك

السلام عليكم ورحمه الله

اختي منال يارب تكوني بخير

انا فعلا مع كل حرف انتي قلتيه

ونفسي ربنا يهديه لينا من تاني

حاولت ان ارجع وعملت اللي ربنا قدرني عليه

وانا عارفه ان حقي مش عفش وحقي ان اعيش مع زوجي

حجاتي هجبها ارميها عندنا مش هبص ليهم تاني

مش كل همي الحاجه لكن بصراحه مستعده اتنازل

لكن لايستحق التنازل همه الشاغل حقوقي الماديه

يخدها وامضي علنفسي بكده

لكن مسئلنيش علبنته هي فين ولا عملا ايه

ووالدته المتحدث الرسمي عن ابنها صاحبه القرار

ومن سعات بسيطه لاول مره حد من اهله يتصل

ابنه عمه عشان تخليمي ارجع واتنازل عن حقي

ربنا عالم ان حقي سيباه لله

 

علفكره انا نيتي سليمه جدا ومستعده برغم بهدلته

وتجنيهم عليا بالكلام مستعديه ارجع

واهله وهو عرفو بكده بس حاسه بالخيانه

بالغدر اول مهرجع هيطلقني لي مش عارفه

والله ياختي منال انا متسامحه لدرجه مقولكيش بااقل كلمه انسا اي مشكله

اواي شيء يضايقني وعارفه انا بتكلم مع نفسي انا اتسامح وارجع

وابدء اتودد لوالدته زي الاول عشان ارضي ربنا واحتسب اجري عند الله

محستش انهم بجد عاوزين اتنازلفقط عشان مشتكيش تاني

لكن همهم وبطريقتهم ان ارجع وبعد كده بالسلامه وفاطمه قبلي بالسلامه

لانده شقاه وتعبه هما بصين لحقي علي انه شقاه اخده ليه

اخد فاطمه ومطبخي فقط وكمان احمد الله علذلك

 

نفسي ارجع ونفسي ربنا يهديه

نفسي والله

ادعيلي واتمنا لااختنا اللي حكيتي عنها

يعوضها خيرا بجد وربنا معاها

وجزاكي الله خيرا وكنت فانتظار ردك

ربنا يخليكي ياختي يارب ويبارك فيكي وفاولادك

ويبعد عنكم اي شر

وربنا معايا وعالم باللي جوايا

ادعيلي

شارك هذه المشاركه


رابط المشاركه
شارك

اختي الحبيبة ام فاطمة

هذه الخطوة اعتقد انها اخر رباط بينكما

تقدمي الى هذه الخطوة بقوة وبثبات وتوكلي على الله

وكما قالت الأخت منال ضحي بالعفش والحاجات

وأعملي اللي عليكي

حتى لاتندمي في يوم من الايام ان فرصة الرجوع الى بيت الزوجية كانت أمامكِ وأنتِ ضيعتيها من ايدك

وعلى كل حال انتِ متوقعة مما سيفعلهً ولكن لستِ متأكدة

وربما أصلحهُ الله لكِ بكثرة دعواتكِ ونيتكِ الصافية

وأعلمي ان قلب المرء بين أصبعي الرحمن يقلبهُ كيف يشاء

وتوكلي على الله

وكثري من الأدعية والأستغفار وقيام الليل

وكان الله معكِ ياغالية

شارك هذه المشاركه


رابط المشاركه
شارك
Guest om.omar

السلام عليكــم ورحمـة الله وبركاتــة ،،غاليتى ام فاطمه اسفه لو كان ردى عليكى جارح ولكن ما بنى على خطا فسيستمر على خطا وان بدات بالتنازل فستظلين تتنازلى لبقيه عمرك ووقتها لن ينفع الندم وهذا الانسان الذى لا يقيم شرع الله فى حقك انت وابنته ومن لا يراعى الله فلا تامنى على حياتك معه وكذلك اعلمى ان هذه ليست نهايه المطاف وان الله لا تضيع عنده الحقوق

شارك هذه المشاركه


رابط المشاركه
شارك

اختى الغاليه ام فاطمه 22

 

اولا ياحبيبتى عايزه اقولك ان بنتك طمطم زى القمر ربنا يحفظها ويخليها ليكى ويعوضك خير فيها ان شاء الله

 

وبالنسبه لموضوعك حبيبتى من بدايه كتاباتك عن زوجك سامحينى زوجك لا يستحق اقولها لكى وبكل ثقه فهناك رجال لا يهمهم الا انفسهم ولا يفكرون فى زوجه عاشت معهم ايام جميله وطفله رزقه الله بها كنعمه حرم منه غيره يلهث ورائها بالمشواااااااااار فسبحان الله على رجال يمشون وراء امهات يملاء قلوبهن الحقد والظلم

 

غاليتى ليس انتى من تتنازلى بل هو الذى يتنازل عن كل غالى ونفيس من اجل ابنته والطله فى وجهها فقط مش شويه خشب وعفش ميساويش حاجه ياترا الاهم دلوقتى الفلوس ولا البشر ؟؟؟؟؟؟؟

 

اخيتى لا تتننازلى اقولها لكى بكل ثقه لان ببساطه عندما تتنازلى وتعودى وهذا على احسن الفروض لما تحدث مشكله اخرى ابسط شئ سيطلقك حينها ولن تكونى غاليه لان ليس انتى فى نظره الا قطعه مطبخ للاسف

 

فوضى امرك لله ومن تنازل مره سيتنازل كل مره ان اراد ان تعيشا سويا فليأتى وتكون قايمتك بشرع الله وان لم يريد فتوكلى على الله وان شاء الله يعوضك بشخص افضل منه

 

وربنا يهديه على كل حال .... وييسر لكى الخير

شارك هذه المشاركه


رابط المشاركه
شارك

مع كاااااااااااااااامل احترامى لكل أخت ردت على ام فاطمة بان هذا زوج لا يستحق وانه غدار

(باعتراف ام فاطمة نفسها )...وانه اول ما ترجع سيطلقها لانه ضمن حقه وشقاه كما تقول حبيبتى ام فاطمة

 

 

اقول للاسف قد غفلتن حبيبات قلبى عن امور

 

1/ قد غفلتن عن نية الحبيبة ام فاطمة النقية السليمة التي من اجلها يصلح الله الفاجر الى تقي

 

2/ قد غفلتن عن إستخارة قد استخارت فيها ملك الملوك المطلع على الغيب والمريد الخير لعباده

 

3/ قد غفلتن عن بقايا أمل +بقايا عشرة وود + بنت فى عمر الندى على الزهور ...في قلب

وحضن أم فاطمة ترجو ان لا تتلطم بها فوق امواج حياة لا ترحم فى وقتنا هذا

 

حبيباتي لم يخسر ابدا من اتقى الله واراد الخير

 

فلعل الزوج هذا يرزق هداية فى لحظة بعد العودة

لعل الام تموت فجأة فيذهب السند العاتي الجبار وتتفرق الدنيا من حوله

 

الغيب لا يعلمه الا الله

ولعلها تكون هي يوما سيدة الدار كلها من فوق لتحت (وما ذلك على الله ببعيد )

 

ام فاطمة أخر كلام فى موضوعك كالاتي وهذه حلقة ضعيها بأذنك

 

انتي الان تستخيرين بكل صدق اليس كذلك ؟

 

افعلى الخير كله ولو مش منتقبة تنقبي لله ولو لباسك غير سابغ اسبغيه ولو في معصية معينة

او تلفاز او غير ذلك توبي الى الله منه توبة نصوحا الى غير رجعة

ثم

انتظري فرج الله (بالدعاء اللحوح ) ولا تكوني ابدا الا مطمئنة الى موعود الله

وانا على ثقة لو فعلتِ هذا ان الله سيرضيكِ

 

ولن ييطول بكِ المقام حتى يأتي وسيختار لكِ الله الخير

 

ولا تخافي بشرا ابداااااااااااااااااااااااااا ولا حقوق ولا غيره

اذا اراد الحق ان يرجعك اليه فذاك الخير

 

 

لكن عليكِ بصبر جميل وتودد لا نهاية له وتحمل وانتظار لما عند الله ولا تفكري اطلاقا في الخروج من بيتك ولا لشكوى لغير الله فالشكوى هى بداية الخراب (اسألينى انا )

 

والدعاء وصلاتك الدائمة لله هى زادك

 

وان شاء الله خير

اسال الله ان لا يخرب بيتك ابدااا وان يصلح لكِ ابو فاطمة صلاحا عظيما

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×