انا تعبانة جدا ومحتاجاكم

[وماالصبر إلا بالله 0]

هل المطلقة بتكون كده بتعيش حياتها في تعاسة وكأبة ؟

هل انا استحق هذا ؟

هل انا سيئة بكل هذا القدر لكل هذا العقاب ؟

 

انا مش عاااااااااارفة انسي بشعر بمرااارة والم وحزن

بتسائل كل يوم

ياتري انا كنت وحشة معاه علشان يكرهني ؟

ياتري ليه حب غيري ؟

ليه جرحني ؟

 

طيب فرضا انا انسانة مفيش ابشع منها بيكون جزائي كل اللي عمله معايا

 

انا مش عااااارفة اعيش توقفت حياتي اصبحت بدون هدف في حياتي

مش بشوف غير الماضي

هل استحق ان اطلق وانا في هذا السن بجد بحس بمدي رخصي وعدم قيمتي

هل انا سبب ذلك

 

بالله عليكم ردوا علي

[~إيمـــــان~ 9]

السلام عليكم ورحمة الله وبركاته،،

هوني عليكي أختي الغالية

الأمر لا يستحق كل هذا

بصي اسمعي المقولة دي

(( لا أحد يستحق دموعك...ومن يستحقها لن يجعلك تبكي))

دة اللي اقصد اقولهولك

اصبري واحتسبي وشوفي كرم ربك اللي هيحصل عاجلاً أم آجلاً

والله ما فيش حد في الدنيا خالي من الهموم

و انتي اهون من غيرك بكتييييير جدا

و ان كان ظلمك

قولي حسبي الله ونعم الوكيل

ربنا يطمن قلبك ويفرج همك...و لا زم تستغفري ربنا كتير وان شاء الله إن مع العسر يسراً

[ام فاطمه 22 0]

ازيك يهبه مالك يبنتي دنتي اسمك (وما الصبر الا بالله)

اصبري يهبه واكيد هجيلك اللي هيقدرك والله

انسي وليه بترجعي لورااا ليه انا مبفكرش الا فاللي انافيه

سيبك واللي يبيعك دوسي عليه ميستهلش

 

ومتقلقيش مش لوحدك مطلقه انا معاكي هههههه معلقه حاليا

بالله عليكي كل مهتفكري فالارف اللي كنتي فيه هتتعبي

ومش هتخلصي لاتبكي علي اللبن المسكوب

 

انسي يهبه وتقربي لله وشوفي حاجه تشغلك

واللي ظلمك هيترد ليه (افعل ماشئت فكما تدين تداان)

اصبري وانا بصبر معاكي

 

حسبنا الله ونعم الوكيل

[توتى سمسم 8]

حبيبتى وما الصبر الا بالله

ازيك عاملة ايه يارب تقولى وتكونى علا فى أحسن حال

لا الطلاق كبير لكنه مش اخر الدنيا وشوفى أم فاطمة دى زى السكر صابرة ومنتظرة خير ربنا

انتى مش وحشة ولا حاجة لكن انتم الاثنين مش مناسبين لبعض وده قدر ربنا المهم انك تبقى قوية معلشى المشلكة فى الاهل والاقارب والاصدقاء يقعدوا ماشاء الله دو دو دو دو

سيبك منهم واتاكدى ان ده الخير ليكى لانه لو مش خير مكنش ربنا قدرة ليكى كتير بنحس اننا فى مصيبة ومضايقين اوى ده فى اول الصدمة لكن بعد مده معينة ربنا وحده يعلمها بنعرف اننا ياااااااااااه زعلنا على الخير وانى كنت هبلة وقال ايه زعلانه انا لو كنت اعرف الخير اللى مستنينى لكنت أزغرط مش أعيط

اكيد خير والله اقسملك بالله انه خير وبكرة تقولى توتى قالت وطمنينا عليكى واشغلى نفسك بحب الله هترتاحى كتير فكرى دايما فى أننا فى دنيا مؤقتة مهما عشنا ماشين والاخرة والجنة دايمة الله بالله عليكى قلبك وعقلك مفكرش فى الجنة

وانك واقفة فى الاخرةومستنية وتعبانة وقلقلنة ياترى هروح فين وتلاقى ربنا بيقولك انتى صبرتى كتير واجر الصابرين أكيد انتى عارفة مش معروف من عظمتة ربنا يصبرك وادخلى كلمينا دايما

وفضفضى وانا رغاية موت هقعد اسمع وارغى كتييييييييييييير شوفى حتى ردى هتلاقية طويل وعماله ارغى اهو

أحبك فى الله

ربنا يرزقك كل الخير

[habiba 22 0]

خلى لك نصيب من لقبك يا هبة

والله ما فى حد مرتاح

كل واحد عنده بلاء مختلف عن غيره الى بلاءه فى زوجه واللى فى صحته واللى فى ولاده

المهم استسلمى لقضاء ربنا ودايما يكون عندك احساس ان ربنا لازم هيعوضك فى اى شىء حتى لو ما كنش الزوج

[* قدوتي عائشة* 60]

السلام عليكــم ورحمـة الله وبركاتــة ،،

 

حبيبتي

 

اصبري وما صبركِ إلا بالله ،

استقبلي المكارة برحابة صدر....

واستقبلي الهموم والغموم بقوة وشجاعة تناطح السحاب

فالله يقول { اصبروا وصابرو } و محمد صلى الله عليه وسلّم يقول ( إن الله إذا أحبَّ قوماً ابتلاهم )

 

فإن مع العسر يسر....

وإن مع الكرب فرج....

 

استسلمي للقدر ....

لا تتسخطي ....

لا تتذمري ....

اعترفي بالقضاء والقدر....

وليهدأ بالكِ ....

 

ولا تقولي لو أني فعلت كذا لكان كذاو كذا ولكن قولي قدر الله وما شاء فعل ....

 

تذكري نعمة الله عليكِ

يكفيكِ أنكِ مسلمة ....

يكفيكِ انكِ مؤمنة ....

يكفيكِ أنكِ تصلين ....

يكفيكِ أن حواسَّكِ غير معطّلة ....

يكفيكِ الأمنَ والأمان ....

يكفيكِ أنكِ قادرة على العمل وإن لم تتيسر لكِ ظروف العمل ....

يكفيكِ انكِ في صحة وعافية دائمة....

فانظري لمن ملك الدنيا بأجمــــــــــعها

هل راح منها بغير القطن والكفن

 

ادعِ ربكِ ....

ناديه ....

اسأليه....

استغفري منه ....

استغفري منه ....

استغفري منه ....

ثم إذا فرغتِ من دعائكِ له ،فإنكِ سوف تفوزين بإحدى ثلاث أشياء

 

إما أن يحقق لكِ طلبك ....

وإما أن يدِّخر لكِ يوم القيامة بشيء أفضل بكثير وكثير مما تطلبينه في هذه الدنيا ....

 

وإما أن يدفع الله بهذا الدعاء بلاءً ينزل ُ عليكِ من السماء....

 

عليكِ بالصلاة....

{يا أيها الذين آمنوا استعينوا بالصبر والصلاة }

 

سبحان الله الصلاة هي مستشفى تداوى البشر من السقم وتشرح الصدر من الهم والغم

هدئي أعصابكِ بالإنصات إلى كتاب ربكِ ، أنصتي إلى تلاوة ممتعه حسنه مؤثره من كتاب الله تسمعينها من قارئ جيد حسن الصوت ، أو اقرئي كتاب الله العظيم الذي هجره بعض الناس ، اقرئي هذا الكتاب ، وتدبريه ورتليه ، فإن ذلك يفضي على نفسكَِ

السكينة

والراحة

والطمأنينة

 

قال تعالى/

الذين آمنوا وتطمئن قلوبهم بذكر الله ألا بذكر الله تطمئنُ القلوب

 

هذه رسالتي بإختصار

أرجوا أني قد عالجت بهذه الرسالة ولو بشيء بسيط من همكِ ....

 

 

 

 

[سجدة55 18]

حبيبتي هبة انت اختفيتي فين كده يا بنتي و بعدين ايه اللي انت بتقوليه ده و بعدين ربنا بيقول

﴿ و عسى ان تكرهوا شيئا و هو خير لكم ﴾

 

انت تحمدي ربنا انك بعدتي عنه لانه ما يستاهلكيش مش عشان انتي اللي وحشة

 

ارمي الماضي وراكي و بصي للمستقبل و عيشي حياتك

 

ما يستاهلش منك التفكير فيه حتى لانه باعك بارخص ثمن

[ام فاطمه 22 0]

والله يبنتي احمدي ربنا انك خلصتي منه

عقبالي كده مااخلص زيك

[السعاده في طريق الالتزام 1]

السلام عليكم ورحمة الله وبركاته،،

 

حبيبتي وما الصبر الا بالله

 

فعلا لازم حبيبتي تصبري وتحتسبي

 

انا سمعت الشيخ ابو اسحاق الحويني بيقول ان الصبر واااااااجب

اما الرضا فمستحب

فاحنا مش قدامنا اننا نختار اذا كنا هنصبر ولا لا

 

وبعدين حبيبه قلبي الندم ميكونش الا علي شئ يستاهل

 

يعني مثلا انا اندم فعلا لو انسان كان بيعاملني كويس جدا

وانا اللي افتريت عليه وظلمته

 

انما انسان بتعامليه كويس

وهو مكنش مقدر حاجه من اللي

بتعمليها يبقى ليه بقى الندم

والندم علي ايه اصلا منا معملتش معاه اي حاجه وحشه

حبيبه قلبي استعيني بالله طالما انك مظلومه وهو مش مقدرك

صدقيني حبيبتي انتي الكسبانه مليووووووووووووووووووون مره

وهو خسران مليووووووون الف مره

 

طالما انك مظلومه فاحتسبي الاجر عن ربنا وصدقيني ربنا ما بيضيع حقك ابدااااا ومهما طال الزمن

فان دعوه المظلوم ليس بينها وبين الله حجاب

 

وعندها يقول الله عزوجل وعزتي وجلالي لانصرنك ولو بعد حين

فسبحان الله يمهل ولا يهمل وكما تدين تدان

حبيبتي اسنىىىىىىىىىىىىىىىىىىى كل اللي فات طالما انك راضيه عن نفسك

ومعملتيش حاجه وحشه في حقه صدقيني مافي اي حاجه تستاهل

ربنا يبارك فيكي ويحفظك ويصبرك ويعينك

 

ويدخلك الجنه بصبرك حبيبتي وما الصبر الا بالله

واستعيييييييييييييييييييييني بالله حبيبه قلبي وماتغفلي عن القرب منه والدعاء له

 

بارك الله فيكي واعانك وعوضك خير منه عاجلا غير اجل

تم تعديل 26 يناير, 2010 بواسطة السعاده في طريق الالتزام

[ام مريم ويحيى 136]

اختى الحبيبة

صبرك الله واعانك وعوضك خيرا ان شاء الله

وقد شرع الله الطلاق فى حالة استحالة العشرة بين الزوجين

والحمد لله على كل حال وفعلا الدنيا مليانه هموم ومشاكل وكل واحد عنده بلاء

المهم الصبر

وتيقنى ان مدام انتى ما عملتيش حاجه تغضب ربنا وانك كنتى مراعيه حق زوجك وهو ظلمك فان ربنا ان شاء الله هيعوضك احسن وهو له حكمه فى كده احنا ما نعرفهاش بس كونى متاكده ان ده خير بإذن الله

وصبرك الله حبيبتى وأعانك

[روضة الجنة2 3]

لم أجد خيرا من هذه الكلمات أهديهالك أختي في الله

لقد نلت أكبر شهادة حب في الوجود

وأبشري

فانها شهادة ... حب من الله اللطيف الودود

يخبرك بابتلائه لك ... أنه يحبك

فما من مسلم أتته هذه الرسالة الخاصة

فليبشر .. بخيري الدنيا والآخرة

رسالة جاءت على لسان نبيه الأكرم

والامام الأعظم

محمد بن عبدالله صلى الله عليه وسلم

أذا أحب الله عبدا ابتلاه

فأنت عندما ابتليت ... كنت مميزة عند الله

فانت لست كسائر البشر عنده

ولست كسائر المسلمين عنده

بل لست كسائر المؤمنين عنده

فأنت من صفوتهم

فهنيئا لك ... هذا التمييز

في زمان يستحيل فيه الانبياء

لكن لا يستحيل فيه الأصفياء والأولياء

ولا تتحقق لك الصفوة ... الا بالابتلاء

فهنيئا لك ... الابتلاء

فبالابتلاء يمحص الله عباده

فيربيهم على الصبر ... والتقرب اليه

ويربطهم به بالتقوى ... وحسن التوكل عليه

بل أكثر من ذلك

فالمبتلون ... في حاجة دائمة الى ذكر الله تعالى

صباح مساء ... مرطبون لسانهم بذكر الله

ولأنهم مبتلون ... فهم في حاجة دائمة الى تنظيف القلب وتنقيته

فهم دائموا الاسراع الى التوجه للسماء

وطرق أبوابها بارواحهم المتعلقة به سبحانه

ودائموا التوجه له بالدعاء والتضرع

فمن مثلك ياحبيبي ... حضى بهذا الشرف

في الدنيا ... شرف الابتلاء

وكاننا نرى أرواح المؤمنين ... على سلم

ممتد من الأرض الى السماء

لا نراها بأعيننا بل نستشعرها بقلوبنا

نراها ... مستغيثة بربها من شدة الابتلاء

مستنجدة به ... ومتوكلة عليه

مشتاقة لقربه ... مستمدة للصبر منه

وكأنني أراك أختي ... في اعلى ذلك السلم

فهنيئا لك مرة أخرى ... الابتلاء

وهنيئا لك تلك المكانة

وهنيئا لك ذلك النور

الذى أراه بياضا في وجهك ... المتو سل لمولاه

وأستشعر بياض قلبك ... الراضي بهذا الابتلاء

وأطرب من نور كلماتك المتعطرة من ثغر

عشق الاكثار من ذكر الله

أليس الابتلاء ... من رفعك

الى منزلة الذاكرين الله كثيرا والذاكرات

فهنيئا لك به ...

وحسبك به ... ممحصا لك

ومميزا ... ورافعا ومطهرا

وهنيئا لك ... ما اعده الله للذاكرين والذاكرات

الذين أنت واحدة منهم

وأبشري بالفرج القريب ... باذن الله

وبرفع الابتلاء عنك ... لصبرك

ورضاك ... وفوزك بتلك المكانة القريبة من الله

فلقد فزت بأجمل مافي الدنيا ... وهو ذكر الله

والقرب منه

أفلا تفوز برفع الابتلاء عنك

وتذكر أختي قوله تعالى

فإن مع العسر يسرا إن مع العسر يسرا

فعسى أن يكون الفرج قريبا ... باذن الله

فهنيئا لك ... حسن الظن بالله

google_protectAndRun("ads_core.google_render_ad", google_handleError, google_render_ad);

[نور عيوني 0]

السلام عليكم ورحمة الله وبركاته،،

حبيبتي اصبري و ما صبرك الا بالله على فكرة على قناة الرحمة الشيخ علاء سعيد اتكلم عن متأخرات الزواج و المطلقات و قال لازم يصبروا و لا يشعرن بأي اساءة او نقص

و انا بقولك لازم تقولي حسبي الله و نعم الوكيل و بعدين تقولي اللهم أجرني في مصينتي و اخلفني خيرا منها

و بإذن الله الكريم الحليم الرزاق سيعوضك خير و مش ضروري يكون الخير ده زوج ممكن يكون علم انتي تعلميه للناس او اي فائدة تحصلي بها على الأجر و ممكن يكون زوج

انتظري من الله كل الخير و خليكي على حسن ظن بالله و افيقي من الوهم و الأسى اللي انتي حاطة نفسك فيه و لو كنتي ظلمتي زوجك استغفري الله كثيرا و ان كان ظلمكي فاحمدي الله و اشكريه كثيرا انكي تخلصتي من ظلمه و تقربي من الله و اسأليه الصبر و سوف يعوضك خيرا اللهم آمييييييييييييييييييييين

تم تعديل 27 يناير, 2010 بواسطة نور عيوني

[ام فاطمه 22 0]

انتي فين يهبه

يارب تكوني بخير

[وماالصبر إلا بالله 0]

السلام عليكم ورحمة الله وبركاته

شكرا جدا علي ردودكم لاني فعلا كنت محتاجاها جدا

واسالكم الا تنسوني بالدعاء

والحمد لله رب العالمين انا بقيت افضل اليومين اللي فاتو

يارب الموضوع يتحسن ومرجعش تاني ونفسي اقرب لربنا اوي

[راضية إن شاء الله 0]

السلام عليكــم ورحمـة الله وبركاتــة ،،

حبيبتي

أسأل الله أن يمدك و يمدني و كل مبتلاه بالصبر و الثبات

فعلا و الله لن يخرجنا من همومنا إلا قربنا لله و ذكره

و الدّعاااااااااااااااااء

سأدعو لك يا أختي بإذن الله

السلام عليكــم ورحمـة الله وبركاتــة ،،

[الساعيه لرضاء الله 0]

بســم الله الـرحمــن الرحيــم

ربنا يفرج كربك ويسعد قلبك يا غاليه ياااااارب

بجد لم أجد ما أقوله بعد كلام الأخوات الحبيبات بارك الله فيهن

حبيبتى إصبري وربنا إن شاء الله سيعوضك خيرا"عسى أن تكرهوا شيئا وهو خير لكم"

ربنا يكرمك ويسعدك ويملا عليكِ حياتك بكل خير ياااااااااااااارب

أحبك في الله يا غالية

وحاولي تطمنينا عليكي قدر المستطاع

في حفظ الله ورعايته

[omjana 6]

حبيبتى قال تعالى واستعينوا من الصبر والصلاة وانها لكبيرة الا على الخاشعين

 

 

اكثر من الصلاة على النبى والاستغفار عسى يجعل لك العزيز الغفار مخرج

 

 

واطرقى باب الحى القيوم الذى قال فى كتابه أمن يجيب الضطر اذا دعاه ويكشف السؤ

 

 

 

قال تعالى على لسان نبيه يعقوب عليه وعلى نبينا الصلاة والسلام

 

انما اشكو بثى وحزنى الى الله