أى نوع استشوار اشترى؟؟؟؟؟؟؟؟؟؟؟؟؟

[رحيل القمر 1]

السلام عليكــم ورحمـة الله وبركاتــة ،،

نفسى فى البداية التفاعل ...انا أصلا مش من مشجعات الاسيشوارات بس قراءت عن فوائد السيشوار فى التخسيس وازالة حبوب الشباب وتنعيم الشعر بخلاطات والخ ...الخ .الخ وكمان تخسيس الانف الكبير ...............فايه نوع الاستشوار الكويس الجيد وكمان يفرد كويس ضررررررووورى عايزة ردود سريعةوجزيتم خير

[ام الاشبال 3]

السلام عليكم رحولة

 

ايه الفوايد الكتيرة اللى مكنتش اعرفها عن السيشوار دى لازم تكلمينا عنها بجد

 

وازاى يعنى استعملها للتخسيس قوليلى

 

اما عن انواع السيشوار انا اعرف انه احسن حاجة دلوقتى اللىلا بالفرشة يعنى كانك بتسرحى بالفرشه وسهل قوى وتقريبا هو براون

[رحيل القمر 1]

شكرا جدا ام الاشبال نورتى موضوعى اما عن التخسيس بالاسيشوار قبل الحموم مثلا عايزة تخسسى البطن او الارداف واماكن الدهون تحطى عليها كيس بلاستك وتشغلى السيشوار على الحرارة العالية وتصوبى عليها لمدة دقائق مرة وراها التانية هتحسي بفرق البطن نزلت لان حرارة السيشوار بتسيح الدهون وانا تحت الخدمة اى سؤال تانى وفى النهاية اكرر شكرى

[ام الاشبال 3]

:mrgreen: :mrgreen:

 

امممممممم

 

هى نفس فكرة الساونا والبخار صحيح :blink:

 

 

هجربها

 

 

:icon_eek: :biggrin: بس انا معنديش سيشواار

 

:laugh:

 

بس بجد جزاك الله خيرا يا قمر واهلا بيكى منورة المنتدى

[فدوى المسلمي 531]

السلام عليكم ورحمة الله وبركاته،،

أختي رحيل القمر

بالنسبة للسيشوار أنا جربت أنواع عدة منها البراون والناشونال الشهيران

وعن تجربة

الناشونال أفضل بكثيييييييييييييييير من البراون

واذا كنتي مصرية هيصعب عليكي أن تجدي الناشونال الأصلي ولكني أنصحك بالبحث عنه

لأنه فعلا أفضل من البراون

وممكن تجديه في بورسعيد

وأفضل قطعة في الاستخدام مثل ما قالت مريومة الحبيبة هي الفرشاة العادية

لأنها لا تسبب تقصف شديد لأطراف الشعر مثل الفرشاة الدوارة

بالتوفيق يا حبيبة

[رحيل القمر 1]

مرسي جدا يافدوى على الرد الحلو انا مصرية وعايشة فى السعودية وان شاء الله هشوف نصحتيك تانى جزيتى خيرا اختك رحيل القمر

[فدوى المسلمي 531]

مرسي جدا يافدوى على الرد الحلو انا مصرية وعايشة فى السعودية وان شاء الله هشوف نصحتيك تانى جزيتى خيرا اختك رحيل القمر

خلاص يبقى ما في مشكلة

هو متوفر في السعودية

جزانا واياكي حبيبتي:)

[**حنين للجنة** 16]

اختى رحيل القمر

زى ما فدوى الحبيبة قالت فعلا ناشونال راااااااائع

بس انا عندى الفيليبس جميل جدااااااااااااااااااااا ما شاء الله

وطبعا زى ما الاخوات قالوا احسن حاجة هو الفرشاة العادية

ان شاء الله اكون افدتك وربنا يقدملك اللى فيه الخير

[صاحبه القلب الطيب 12]

معقول حكايه ان السيشوار يخسس والله معلومه جديده

 

يعنى الدهون هتنزل من حراره السيشوار

 

حبيبتى انتى جربتيها ؟؟؟؟

[المهاجرة للجنان 0]

معقولة عن المعلومة عن التخسيس !!

 

طبعاً انا استخدم براون ومسكته معقده الي مثل الصالونات

وافضل شي الي هو الفرشاه العادية الطويل

 

وفدوى اعطتني فكرة جزاها ربي الخير عن الناشونال راح اشوف عنه

 

وجزاكم ربي الخير جميعاً

[امة الله ش 9]

السلام عليكــم ورحمـة الله وبركاتــة ،،

 

حبيتى رحيل الغد

 

سؤالك لفت نظرى لإنى لسه شارية إستشوار جديد

 

بصى فى استشوار اسمه بانسونك panasonc

 

هو صناعة تايلندى ماتجبيش الصينى

 

850 وات

 

هو روعة خفيف جدا مش بشكل الاستشوار العادى وبيخلى الشعر جميل

 

واستخدامه سهل جدا جدا

 

إن شاء الله هنزلك صورته بس دلوقتى دخل كده عالسريع :biggrin:

[ام عبد الله المسلمة 0]

السلام عليكــم ورحمـة الله وبركاتــة ،،فكرة انواع الاستشوار رائعة انن نعرف من بعض افضل نوع بس انا خيفة عليكوا اوى لوجربتو السيشوار فى التخسيس دا خطر جدا لازم تخلوا بالكم والله انا عندى السمنة افضل من الحرق عفاكم الله مشكورين اختكم فى الله

[بنت خويلد 0]

والله شكرا على التفاعل الرائع اشكر كل اخت فالله على المعلومات الجميلة

انا مجربتش التخسيس بس بيقولو بتشوفى نتيجة حلوة وسمعت انه ملهوش اضرار جانبية

متخافيش ياام عبدالله

تقبلو تحياتى لكن جميعا

[رحيل القمر 1]

السلام عليكــم ورحمـة الله وبركاتــة ،،

الرد باسم بنت خويلد هو انا رحيل القمر بس اختى كانت دخله وانا ماختش بالى

اسفة

[ام مريم ويحيى 136]

بارك الله فيكم يا اخوات

 

فكره كويسه جدا انا على فكره ما عنديش اى خبره فى الاستشوار ولا فى انواعه

 

وعشان كده استفدت كتير منكم

 

وبصراحه الموضوع جه فى وقته اصلى كنت ناويه اشترى استشوار وما كنتش عارفه اشترى ايه ؟

 

ربنا يجازيك خير الجزاء يا رحيل القمر على طرحك للموضوع

 

وجزاكم الله خيرا اخواتى الحبيبات

 

استفدت منكم كثيرا

[ام الاشبال 3]

انا هسالك واحدة عارفاها جابت اللى بالفرشة وبتشكر فيه جدددددددددددا بس مش فاكرة ماركته ايه

 

 

عموما انتى استخيرى برضو والاخوات ماشاء الله ما قصروا

[امة الله ش 9]

السلام عليكــم ورحمـة الله وبركاتــة ،،

جبتلك الصور يا جميل معلش إتأخرت

 

 

 

[رحيل القمر 1]

متشكرة جدا جدا على الصورة

اسالك سؤال فى منه حرارة اعلى ؟

وبشكرك تانى بجد اسعدتينى

[امة الله ش 9]

متشكرة جدا جدا على الصورة

اسالك سؤال فى منه حرارة اعلى ؟

وبشكرك تانى بجد اسعدتينى

اه فى منه 1000 وات بس اللى لقيتوه فى بلدى كان صناعة الصين

 

ففضلت ال 850 وات صناعة تايلاند

 

بس لو لقيتى الأعلى فى الحرارة بس صناعة غير الصين هاتيه طبعا

 

بس صدقينى هوه جميل جدا والحرارة بتاعته كافيه حتى لو شعرك مش ناعم خالص

 

وأى سؤال انا هنا ياقمر

[رحيل القمر 1]

الفرشات اللى معاه يا امه الله بتعمل ايه؟

يعنى بتعمل اشكال ولا ايه مش فاهمة ممكن تشرحيلى ؟ بعد اذنك

[امة الله ش 9]

السلام عليكــم ورحمـة الله وبركاتــة ،،

 

أنا هشرحلك قطعة قطعة

 

 

الفرشاة ديه هى الأساسية أهم واحدة

 

بتقسمى شعرك خصلة خصلة وتشديها كويس وتستشورى بيها .

 

 

ديه عاملة زى المكواه كده ممكن تعلمى الشعر بيها أشكال كيرلى مثلا

 

أو كسرات فى الشعر بتلفى عليها الخصلة وتخليها ثوانى وبعدين تفكيها .

 

 

ديه بقة ملهاش لازمة أوى يعنى بيقولوا إنها بتعطى كثافة للشعر بس مجربتهاش .

 

 

ديه زى الفرشاه الأولى بس ممكن تستشور جذور الشعر أفضل يعنى .

 

 

ده مجفف الشعر بس ممكن تستخدى الفرشاة بدلا منه .

 

وأى خدمة ياقمر لو عندك سؤال أنا هنا :closedeyes:

[راضية وحامدة الله 2]

السلام عليكم ورحمة الله وبركاته،،

 

 

انا عندى من زمان يمكن 3 سنوات باناسونيك نفس نوع امه الله ش اللى فى الصوره

 

وفعلا روعه الى الان

 

اشوف ان ده احسن نوع بس مش عارفه التايلاندى موجود فى مصر ولا لا انا كنت اشتريته من الامارات

[رحيل القمر 1]

شكرا لكى وجزاكى الله خيرا ولن انساكى من الدعاء

ولما انزل اشترى استشوار ضرورى اسال عنه

طيب هو بكام ؟ ياريت تفدينى لحسن شربت مقلب فى استشوار اشتريته وهرجعه لصاحب المحل تانى

ومعلش ع الازعاج تانى بشكرك

[رحيل القمر 1]

سورى جدا اسفة

انا عايشة فى السعودية هلاقى تيلاندى ولا لا ؟ يعنى متوفر فى السعودية ؟

عموما هسال علي كل المولات اللى فى المدينة المنورة

معلش زعجاكى جزيتى خيرا

[**om mokhtar** 0]

mawdo3 gamel gedan